Модулли ўкитиш технологиялари. модулли ўкитиш технологияларининг долзарблиги - Педагогиka - Рефераты

Модулли ўкитиш технологиялари. модулли ўкитиш технологияларининг долзарблиги

Загружено в:

20.09.2019

Скачано:

0

Размер:

106.5 KB

Модулли ўкитиш технологиялари. модулли ўкитиш технологияларининг долзарблиги Режа: 1 . «Кадрлар тайёрлаш миллий дастури» модулли ўкитиш тизими хакида. 2. Ўкитишнинг модул тизими мохияти. 3. Ўкитишнинг модул тизимини ЮНЕСКО томонидан эътироф этилганлиги. 4. Модулли ўкитишнинг максадлари. 5. Модулли ўкитишнинг омиллари. 6. Модулли ўкитишга ўтишнинг боскичлари. 7. Ўкитишнинг модулли тизимини афзалликлари.

Таянч тушунча ва иборалар: илм-фан ривожининг экспоненциал конуни; аклий мехнатни автоматлаштирилиши; ахборотнинг кўчкисимон окими; телекоммуникацияли ахборот тизими; фанларни ўзаро богланиши; фан дарахти; ахборотни узатиш; ахборотни кайта ишлаш тезлиги (хисоблаш техникаси); таълимни индивидуаллаштириш; масофадан ўкитиш; символли кўрсатмали ўкитишни жадаллаштириш; кадрлар тайёрлашнинг модул тизими; микромодуль; модуль; модул элементи; модулли ўкитиш. Ўзбекистон Республикаси инсон хукуклари ва эркинликларига риоя этилишини, жамиятнинг маънавий янгиланишини, ижтимоий йўналтирилган бозор иктисодиётини шакллантириши, жахон хамжамитига кўшилишини таъминлайдиган демократик хукукий давлат ва очик фукаролик жамияти курмокда. Замонавий бозор иктисодиётининг шаклланиши корхоналар орасидаги ракобат асосида, халк хўжалигининг барча тармок ва звеноларини кескин ривожланишини такозо этади. Чунки бозор иктисодиётини ракбатсиз тасаввур этиб бўлмайди. Корхоналар орасидаги ракобат ўз навбатида, илм- фан, техника ва технологияни, яъни илмий-техник тараккиётининг (ИТТ) жадаллашувига олиб келади. ИТТнинг жадаллашуви, хаётнинг барча сохаларини тубдан ислох килиниши натижасида, жахон хамжамиятига кўшилиш имкониятини беради. Бу ерда хам, биринчи каторга юкорида кўйилган масалаларни хал кила оладиган кадрларни тайёрлаш муаммоси кўндаланг бўлиб туради. Шунинг учун хам бизнинг давлатимизда «Таълим тўгрисида»ги Конун ва «Кадрлар тайёрлаш миллий дастури» кабул килинди. Кадрлар тайёрлаш миллий дастурининг максади – таълим сохасини тубдан ислох килиш, уни ўтмишдан колган мафкуравий карашлар ва саркитлардан тўла халос этиш, ривожланган демократик давлатлар даражасида, юксак маънавий ва ахлокий талабларга жавоб

берувчи юкори малакали кадрлар тайёрлаш миллий тизимни яратишдир. Ривожланган демократик давлатлар даражасидаги олий маълумотли юкори малакали кадрларни тайёрлаш, куйидаги шартлар асосида оширилиш лозим: Биринчидан, ИТТнинг хозирги замон холати илм фаннинг ривожланиш тезлиги ўзининг энг катта суръатларига эришди. Охирги хар 10-15 йил ичида илмий фаолиятнинг асосий кўрсаткичлари 2 маротаба ошиб бормокда. XX асрда, айникса унинг иккинчи ярмида илм-фаннинг ривожланиш тезлиги ўзининг энг катта суръатларига эришди. Охирги хар 10-15 йил ичида асрнинг иккинчи ярмида олинган маълумотлар, инсониятнинг тўла тарихи давомида тўпланган билимларининг ¾ кисмини ташкил этди. Шунинг учун илм-фан ривожининг асосий конуни экспоненциал конун хисобланади. Хозирги пайтда илм-фан ривожининг юкори суръатлари аклий мехнатнинг борган сари автоматлаштирилиши туфайли амалга ошмокда. Илм-фан ривожининг жадаллашуви илмий-техникавий информациянинг жадал ўсишига ва тез-тез янгиланишига олиб келади. Илм- фан ривожининг экспонент конуни бўйича ривожи, унинг кўчиксимон ўсишини англатади. Демак, илмий-техникавий информациянинг ўсиши хам, кўчиксимон жараён хисобланади. Жахонда хар йили минглаб китоблар, журналлар чоп этилади ва ўн минглаб диссертациялар химоя килинади. Ахборотнинг юксалиб бораётган кўчиксимон окими тезлигини таъминлаш максадида, замонавий телекомуникацияли ахборотнинг тизимлар кўлланмокда. Кўриниб турганидек, илм-фан ва информациянинг хозирги замон ўсиш тезлиги ва хажми уларнинг ўтган 15-30 йилдаги холатидан кескин фарк килади. Илм-фан ривожи, бу олий маълумотли мутахассисларнинг фаолият доирасидир. Шунинг учун олий маълумотли мутахассисларни тайёрлаш тизими, уларнинг ўта иктидорлигига замонавий ахборот окимини

ўзлаштиришга, илмий текшириш фаолияти, индивидуал ва мустакил ишлаш кўникмаларини ривожлантиришга, илмий-техникавий информация ва ўкув- илмий адабиёт билан ижодий ишлай олишга имконият бериш лозим. Иккинчидан, хозирги замон фанининг кўчиксимон ривожи икки, уч ва ундан ортик фанлар уланишларида янги турдаги фанлар пайдо бўлиши билан хам таъминланади. Масалан, биофизика, биогеокимё, информатика, физика- кимёвий механика ва хоказо фан дарахти хосил бўлади. Маълум фанлар уланишларида тугилган янги фан – бу янги йўналишлар, муаммолар, мавзулар ва илмий масалалар демакдир. Бу масалаларни олий мактабнинг истеъдодли бириктирувчилари хал этиш лозим. Шунинг учун кадрлар тайёрлашнинг замонавий тизим, уларда ўзига хос ва ностандарт фикрлаш кобилиятини ўстириши, ўз устида доимий равишда чидам ва матонат билан ишлаш кўникмаларини ривожлантириш лозим. Талаба хайратлана олиши, магрурлана олиши лозим, факат шундагина у бошкаларни ўзининг ижодий иши билан хайратга солиши мумкин. Учинчидан, илм-фан ривожининг кўчиксимон ривожи ва илмий- техникавий ахборотнинг шунга ўхшаш ўсиши, ахборотни узатиш ва кайта ишлаш тезлигини ошишига олиб келади, бунинг асосида эса хисоблаш техникаси ётади. Таълимни индивидуаллаштирмасдан, замонавий ахборот тизимлардан фойдаланишни кўз олдига келтириш мумкин эмас. Шунинг учун олий мактаб олдига кадрлар тайёрлаш миллий дастурида кўрсатилганидек – ўкишни, мустакил билим олишни индивидуаллаштириш хамда масофавий таълим тизими технологияси ва воситаларини ишлаб чикиш ва ўзлаштириш вазифаси кўйилган. Тўртинчидан, ИТТ хусусияти мухандислик ечимлар турининг кескин ошиши, материалларнинг тезда алмашинуви, технологик жараёнлар, машиналар конструкцияси, бошкариш тизимлари автоматлаштириш даражасини ошиши, илмий ютуклар натижасини ишлаб чикаришга тадбик этиш муддатларининг камайиши хисобланади. Масалан, телефон алокасини

ихтиро килиниши билан уни амалга ошириш орасида 56 йил ўтган бўлса, радио учун 35 йил, телевизор учун 14 йил, атом энергияси учун 6 йил, транзистор учун 5 йил ўтди. Хозирги пайтда эса бу муддатлар одатда бир йилдан ошмайди. Шунинг учун олий маълумотли мутахассисларни тайёрлаш тизими, уларда узлуксиз ўзгариб турадиган ишлаб чикариш техника ва технологияси шароитида зудлик билан мослашувнинг шаклланишига йўналтириш лозим. Улар билимининг харакатчанлиги, танкидий фикрлаш, касбий фаолиятда ижодийлик ва мослашувчанлик каби хислатларга эга бўлиши зарур. Бешинчидан, олий мактаб жадаллашаётган ИТТнинг ортиб борадиган талабларига тўла жавоб берадиган мутахассисларни тайёрлаш учун ўкитишни жадаллаштириш, инсон организми, унинг онгини бутун имкониятини ўкитиш жараёнида ишга солиши зарур, яъни символли кўрсатувли ўкитишни жадаллаштириши зарур. Бу эса ўкув жараёнида ахборот берилаётганида, ўкув материалларини структуралаш ва тизимга солиш ўкитишнинг компьютерлаш, ўкув телевидениясидан фойдаланишни такозо этади. Олтинчидан, хар кайси одам тугилганидан бошлаб алохида индивидуал хисобланади, яъни хар кимнинг ўзига хос аклий куртаклари, таълим олишга кобилияти бўлади. Бундан келиб чиккан холда замоанавий ўкитиш тизимининг вазифаси инсоннинг индивидуал кобилиятларини ривожлантиришга каратилмоги лозим. «Модулли ўкитиш» термини халкаро тушунча модул билан боглик бўлиб, унинг битта маъноси – фаолият кўрсата оладиган ўзаро чамбарчас боглик элементлардан иборат бўлган тугунни билдиради. Бу маънода у, модулли ўкитишнинг асосий воситаси сифатида, тугалланган информация блоки сифатида тушунилади. Модул фанининг фундаментал тушунчаларини – маълум ходиса ёки конун, ёки бўлим, ёки маълум бир йирик мавзу ёки ўзаро боглик тушунчалар гурухини ўз ичига олади.

Модул – бу ўкув материалининг мантикан тугалланган бирлиги бўлиб, ўкув фанининг бир ёки бир неча фундаментал тушунчаларини ўрганишга каратилгандир. Модулли ўкитиш – ўкитишнинг истикболли тизимларидан бири хисобланади, чунки у одам бош миясининг ўзлаштириш тизимга энг яхши мослашгандир. Модули ўкитиш асоси инсон бош мияси тўкималарининг модулли ташкил этилганига таянади. Инсон бош мияси тўкимаси, карийб 15 миллиард нейронлардан (нерв хужайралари) ёки шартли модуллардан иборат. Тўкима хужайралари бир- бири билан кўп сонли тўкнашувларда бўлишади. Бир хужайра ва унинг ўсимтасини бошка хужайра ва унинг ўсимтаси билан тўкнашувлари сони 6000 гача етиб боради. Демак, бош мия тўкимасидаги тўкнашувлар (контактлар) сони астрономик сонни (15000000000х6000) ташкил этади. Шу нуктаи назардан, модул ўкув жараёнининг бир хужайраси сифатида каралади. Бу хужайра бир вактнинг ўзида информацион умумликка ўзига хос яхлитлик ва тизимлиликка эга бўлган турли элементлардан ташкил топган бўлади. Ўкитишнинг модул тизими хакида расмий равишда биринчи марта, 1972 йил, ЮНЕСКОнинг Токиодаги бутун жахон концепциясида сўз юритилган эди. Модулли ўкитиш технологияси – функционал тизимлар, фикрлашнинг нейрофизиологияси, педагогик-психологияларнинг умумий назариясидан келиб чикади. Бу сохалардаги изланишларга кўра, тўкимаси модулли ташкил топган инсон мияси, информацияни квант кўринишда (бошкача айтганда маълум порциялар кўринишида) энг яхши кабул килинади. Одатда модул 3-6 соатли маърузавий машгулотлар ва шу билан боглик бўлган амалий (семинар), лаборатория машгулотларидан иборат бўлади.

Фаннинг тушунтирув аппаратининг катъий тизимли (кўп киррали) тахлили асосида, энг самарали модул тузилади. Бу эса фундаментал иборалар гурухини ажратиш, материални мантикан ва компакт гурухлаш имкониятини беради. Модул – мустакил таркибий бирлик бўлгани учун, баъзи холларда, алохида талабаларга фанни тўлалигача эмас, балки факатгина бир катор модулларини тинглаш имкониятини беради. Бу эса иктидорли талабаларнинг индивидуал ва мустакил ишларини оптимал режалаш имкониятини тугдиради. Модулли ўкитишда, ўкув дастурларини тўла, кискартирилган ва чукурлаштирилган табакалаш оркали, ўкитишни табакалаш имконияти яратилади, яъни ўкитишни индивидуалаштириш мумкин бўлади. Модулли ўкитишга ўтишда куйидаги максадлар кўзланади. - ўкитишнинг (фанлар орасида ва фаннинг ичида) узлуксизлигини таъминлаш; - ўкитишни индивидуаллаштириш; - ўкув материалини мустакил ўзлаштириш учун етарли шароит яратиш; - ўкитишни жадаллаштириш; - фанни самарали ўзлаштиришга эришиш. Шундай килиб, модулли ўкитишда талабаларни ўз кобилиятига кўра билим олиши учун тўла зарур шарт-шароитлар яратилади. Ўкитишнинг модул тизимига ўтиш самарадорлиги куйидаги омилларга боглик бўлади: - ўкув муассасасининг моддий-техникавий базси даражаси; - профессор-ўкитувчилар таркибининг малакавий даражаси; - кўзланган натижаларни бахолаш; - дидактик материаллар ишлаб чикиш; - натижаларнинг тахлили ва модулларни оптималлаштириш. Модулли ўкитишга ўтишда куйидагиларни амалга ошириш кўзда тутилади:

- ишчи ўкув режани чукур тахлили асосида, ўзаро чамбарчас боглик фанлар гурухи аникланади, яъни бутун ўкув режаси алохида макромодуллар тўплами сифатида каралиди. Кўпчилик холларда куйидаги уч турдаги макромодуллар тузилиши мумкин: а) гуманитар фанларни ўз ичига оладиган; б) иктисодий фанларни ўз ичига оладиган; в) умумтаълим, умумтехник, умумкасбий ва махсус фанларни ўз ичига оладиган. Хар кайси макромодулнинг мутахассисни шакллантиришда ўз максади ва вазифаси бўлади. Маълум макромодулни ўрганиш максади, унга кирадиган фанларнинг ўрганиш максадларидан келиб чикади. Хар кайси макромодулнинг ўрганилиш максадлари тўплами, давлат таълим стандартларида акс эттирилган, мутахассис кадр тайёрлашнинг бош максадини ташкил этади. Хар кайси макромодулнинг максади аник тузилган бўлиб, унинг биринчи фани ўрганила бошлаганида, талабаларга етказилиши лозим. Макромодулнинг хар бир кейинги фани ўрганила бошлаганида, у фаннинг ўрганиш максадлари талабаларга етказилиши зарур: - хар кайси макромодул ичида, ўрганиладиган фанларнинг оптимал кетма-кетлиги ва уларни ўрганиш муддатлари ўрнатилади (1.1-жадвал). «Касбий-педагогик тайёргарлик» йўналишлари учун макромодул тузилмаси (педагогик-психологик цикл фанлари мисолида) Т/р Фанлар номи Семестрлар ва аудитория соатлари микдори I II III IV V VI VII 1 . Ёш даврлар физиология-си ва гигиенаси 64 2. Психологияси 100

3. Педагогикаси 72 70 4. Дидактик воситалар мажмуасини лойихалаш 50 5. Янги педагогик технологиялар 36 6. Касбга йўналтириш 42 7. Махсус фанларни ўкитиш ва ишлаб чикариш таълими методикаси 72 56 8. Психологик-педагогик диагностика 54 9. Педагогик махорат 54 Яъни ўкитишнинг узлуксизлигини таъминлаб, фанларнинг ўрганиш муддатларини ва шу оркали макромодулнинг ўрганиш муддатларини кискартиришга эришиш зарур. Ўкув соатлари хажми катта бўлмаган (хафтада 1-2, айрим холларда 3 соатли аудитория машгулотлари) фанлар, блокни ташкил этувчи фанлар рўйхатига киритилиши максадга мувофик бўлади ва улар ўкув семестрининг биринчи ва иккинчи ярмида ўтилиши мумкин. Макромодуллар, вертикал ўзаро богликликларни хисобга олиш асосида тузилади, аммо уларнинг ўрганиш муддатларини ўрнатишда макромодуллар орасидаги горизонтал богликлар хам хисобга олиниши лозим: - ўкув материалларининг такрорланишининг олдини олиш максадида макромодулга кирувчи фанлар, ўкув дастурларини ўзаро богликлиги таъминланади. Фаннинг ишчи ўкув дастури, алохида мавзуларни модулда гурухланиши инобатга олиниб, кайтадан кўриб чикилади. Хар кайси модул учун назарий ва амалий ахамияти кўрсатилган максадлар тузилиши зарур.

Модул ўз ичига 2-3 маъруза ва шу маърузалар билан боглик бўлган амалий дарслар ва лаборатория ишларини камраб билан боглик бўлган амалий дарслар ва лаборатория ишларини камраб олиши мумкин. Хар кайси модул бўйича куйидаги материаллар тайёрланади: - талабаларнинг билимини назорат килиш учун тестлар; - индивидуал ишлар учун топшириклар; - мустакил ишлар учун топшириклар; - ўкув-услубий таркатма материаллар; - ўкув-илмий адабиётлар рўйхати; - ишчи ўкув дастур. Хар бир модул тест-синовлари билан тугалланиши лозим: жорий модул учун бу ўтилган материалнинг назорати бўлса, кейинги модул учун эса бу кириш (бошлангич) назорати бўлади. Хар кайси модул учун таркатма ва тасвирли материаллар тўплами тузилади ва улар талабага машгулотдан олдин берилади. Модул тавсия килинадиган адабиётлар Билан таъминланади. Хар бир талаба материалларни ўзлаштира бориб, бир модулдан иккинчи модулга ўтади. Иктидорли талабалар бошкаларга боглик бўлмасдан тест синовларидан ўтишлари мумкин. Модулли ўкитиш, фаннинг асосий масалалари бўйича умумлаштирилган информациялар берувчи муаммоли ва йўрикли маърузалар маърузалар ўкилишини такозо этади. Маърузалар талабаларнинг ижодий кобилиятини ривожлантиришга каратилмоги лозим. Модулнинг амалий ва лаборатория машгулотлари маърузалар билан бирга тузилади, улар маърузалар мазмунини ўрганиладиган янги материал билан тўлдиради. Талабалар маълум амалий кўникмаларга эга бўладилар. Маърузалар матнини тайёрлашда, структуралаш ва тизимлаш усулларини кўллаб, материалларни блок-схема, расмлар блоки кўринишида такдим этилиши максадга мувофик бўлади. Бунда материалнинг ўзлаштириш самарадорлиги ошади, чунки:

- модулнинг пировард максади тушуниб етилади; - ўкув материалининг элементлари орасидаги богланишдар ва унинг ўтишлари яккол кўрсатилади; - ўкув материалининг (модулнинг) бутун хажми талабанинг кўз олдида гавдаланади. Модул тизимида ўкув материалининг мазмунини структуралашда энг аввало информацияни «сикиш» вазифаси кўзланади. Билимларни тўла, фойдаланиш учун кулай холда такдим этилишига харакат килиш лозим. Ўкув информацияси бир вактнинг ўзида 4 хил – расмли, сонли, символли ва огзаки кўришишда узатилганида энг мустахкам ўзлаштиришга эришилади. Модулли таълим методикасини тузатишда, бу холат асос бўлиб хизмат килади. Хар кайси модул бўйича расмлар блокларида символли аломатларни (саволлар кўйилиши тарзида) жойлаштириш, саволларни расм тарзида тасвир этиш, формулалар, жадваллар, графиклар ва услубий кўрсатмаларни такдим этиш, максадга мувофик бўлади. Расмлар блоки, схемалар блоки ва бошка суратли (кўргазмали) материаллар талабалар учун таркатма материал вазифасини хам бажарадилар. Шу билан бир каторда хар бир фан, жумладан, модул учун атамаларнинг изохли лугатини тузиш максадга мувофик бўлади. Модулни ўкитишнинг самарадорлигини оширишга эришиш учун ўкитишнинг куйидаги усулларни кўллаш лозим: миялар хужуми, муаммоли мулокотлар, эвристик сухбатлар, ўкув ўйинлар ва х.к. Ўкитишнинг модул тизими мазмунидан унинг куйидаги афзалликлари намоён бўлади: - фанлар, фанлар ичидаги модуллар орасидаги ўкитиш узлуксизлиги таъминланади; - хар бир модуль ичида ва улар орасида ўкув жараёнини барча турларининг методик жихатдан асосланган мувофиклиги ўргатилади;

- фаннинг модулли тузилиш таркибининг мослашувчанлиги; - талабалар ўзлаштириши мунтазам ва самарали назорат (хар кайси модулдан сўнг) килиниши; - талабаларнинг зудлик билан кобилиятига кўра табакаланиши (дастлабки модуллардан сўнг, ўкитувчи айрим талабаларга фанни индивидуал ўзлаштиришни тавсия этиши мумкин); - информацияни «сикиб» бериш натижасида, ўкишни жадаллаштириш, аудитория соатларидан самарали фойдаланиш ва ўкув вакти таркибини, маърузавий, амалий (тажрибавий) машгулотлар, индивидуал ва мустакил ишлар учун ажратилган соатларни оптималлаштириш. Бунинг натижасида, талаба етарли билимларга хам, кўникмага хам, укувга хам эга бўлади. Шундай килиб, модулли ўкитишдан фойдаланиб олий малакали мутахассисни тайёрлаш куйидагилар асосида таъминланади: - ўкитишнинг узлуксизлиги (бунда фанларни ўзлаштириш самарадорлиги ошади); - ўкитишни жадаллаштириш (бунинг натижасида информациянинг кўп кисми, индивидуал ва мустакил ишлаш пайтида, компьютер тармоклари оркали ўзлаштирилади); - ўкишни индивидуаллаштириш (талаба ўз кобилиятига кўра билим олиш имкониятига эга бўлади).

А д а б и ё т л а р: 1. Каримов И.А. «Буюк максад сари оғишмайлик» Тошкент-1993 2. Каримов И. А. «халоллик ва фидоийлик-фаолиятимизнинг асосий меъзони бўлсин» Тошкент-1994 3. Каримов И. А. «Ўзбекистон XXI асрга интилмокда». Тошкент-1999 4. Ўзбекистон Республикасининг таълим тўғрисидаги конуни. 1997 йил 29 август 5. www.ziyonet.uz

Похожие

Модулли ўкитиш технологияларида ўкув жараёнини ташкил этиш

Ўкитиш технологияларини лойихалаш

Кичик мутахассисларни касбий тайёрлашда модулли ўқитиш технологияларининг илмий-педагогик асосларни яратиш муаммолари

Компьютерли ўқитиш технологияси

Замонавий ўқитиш технологиялари. Шахсга йўналтирилган ўқитиш технологиялари, муаммоли ўқитиш