Sportchilarning oqilona ovqatlanishi - Пищевая технология - Рефераты

Sportchilarning oqilona ovqatlanishi

Загружено в:

20.09.2019

Скачано:

0

Размер:

24.3583984375 KB

Sportchilarning oqilona ovqatlanishi Reja: 1. Sportchilarning oqilona ovqatlanishi 2. Sportchi ovqatlanishining maqsadga muvofiqligini aniqlash

Olib borilgan ilmiy tadqiqotlar sportchi vujudi ovqatlanish jarayonlarining bir qator o‘ziga xos xususiyatlari mavjudligini ko‘rsatadi. Ayniqsa, katta sportda yuqori natijalarga erishish uchun muntazam shug‘ullanish va musobaqalar davomida sportchi vujudiga tushadigan kuchli yuklamalar moddalar va energiya almashinuvining dastlabki va muhim bosqichlariga katta e'tibor berish kerakligini taqozo qiladi. Bu borada yig‘ilgan ma'lumotlar tahlili sportchi ovqatlanishida quyidagi asosiy beshta qoidaga amal qilish zarurligini ko‘rsatadi: 1. Sportchi vujudining tegishli quvvat bilan ta'minlanishi u sarflagan umumiy quvvatga mos kelishi. 2. Ovqatlanishda oziq moddalar, suv, vitaminlar va mineral moddalar umumiy miqdorining va bir-biriga nisbatini sport turi, bajariladigan jismoniy zo‘riqish tezligi, davomiyligi va ko‘lamiga qarab belgilash. 3. Musobaqaga tayyorlanish, musobaqa davri va musobaqadan keyingi davrlar aynan o‘ziga xos holda ovqatlanishni (oziq moddalarining muvozanatlantirish miqdori, tartibini) talab qiladi. 4. Mushak massasi va kuchini oshirib borishda unga mos keladigan kunlik ovqatni belgilab olish. 5. Muvofiq ovqatlanishni belgilashda sportchi vujudining fiziologik, biokimyoviy xususiyatlari, milliy an'analar hamda iqlim sharoitlarini hisobga olish. Bajariladigan har qanday jismoniy ish uning hajmi, tezligi va ko‘lamiga ko‘ra tegishli miqdorda oziq moddalar talab qiladi. Vujudning bunday ovqatga bo‘lgan umumiy ehtiyoji yana uning jinsi, ob-havo sharoitlari, asab-ruhiy kechinmalariga qarab ham turlicha bo‘ladi. Ovqat bilan ehtiyojni qoplash uchun qabul qilinadigan quvvat esa asosiy oziq moddalaridan qancha va qanday holda iste'mol qilinishiga bog‘liq. Iste'mol qilinadigan taomlar tarkibida bu moddalar turli xil nisbatda masalan, go‘shtli ovqatlarda oqsil, yog‘li ovqatlarda lipidlar, xamir, o‘simlik mahsulotlaridan tayyorlangan ovqatlarda esa uglevodlar ko‘p bo‘ladi. Kunlik ovqatning umumiy energetik qiymati esa uning tarkibidagi oqsil, yog‘, uglevodlar miqdori bilan aniqlanadi. Bu moddalar ichida uglevodlar asosiy quvvat manbai hisoblanib, sport mashg‘ulotlari bilan shug‘ullanilganida dastavval

aynan ular ishga tushadi. Yog‘ va oqsillar bu borada ikkinchi va uchinchi darajalidir, ularning quvvat hosil bo‘lishi uchun sarflanishi ko‘pincha favqulodda holat tug‘ilganidagina sodir bo‘ladi. Bulardan tashqari, jismoniy faoliyat uchun quvvat bermasada, me'yoriy fiziologik va biokimyoviy jarayonlarning borishi uchun vitaminlar hamda mineral moddalar ham kerak. Bu moddalarga bo‘lgan talab doim bir xil bo‘lmasdan bajariladigan ishning xususiyatlariga qarab o‘zgarib turadi. Shunday ekan, turli sport turlari bilan shug‘ullanishda iste'mol qilinadigan ovqatning hajmi, tarkibida ular bilan qabul qilingan quvvat miqdorini bilish muhim amaliy va nazariy ahamiyatga ega masaladir. 35-37-jadvallarda har xil sport turlari bilan shug‘ullanganda iste'mol qilinadigan me'yoriy ovqatning energetik qiymati va ba'zi vitaminlarga talab miqdori keltirilgan: 37-jadval Ayrim sport turlariga ko‘ra qabul qilinishi lozim bo‘lgan kunlik ovqatning quvvati (Yakovleev, 1977) Sport turi Erkaklar (kkal) Ayollar (kkal) Gimnastika, qilichbozlik 3600 – 4200 3000 – 3600 Voleybol, basketbol 4200 – 4500 3600 – 3800 Futbol 4400 – 4800 3200 – 3600 Qisqa masofalarga yugurish, sakrash nayza uloqtirish 4200 – 4700 3700 – 4200 Uzoq masofalarga yugurish 5000 – 5500 __ Boks, kurash, og‘ir atletika: yengil vaznda o‘rta vaznda og‘ir vaznda 4200 – 4500 5000 gacha 6000 gacha __ __ __ Suzish 4000 – 4500 3400 – 3800 Uzoq masofaga suzish 5000 gacha 4200 gacha Ot sporti 4300 – 4800 3700 – 4100

38-jadval Sportchilarning ayrim vitaminlarga bo‘lgan talabi (mg hisobida) (Yakovleev, 1977) Mashq qilish davrlari Retinol (A vit) Karotin Tiamin (V 1 vit) Ribofla min (V 2 vit) Niatsin ( RR vit) Askorbi n kislota ( S vit) Odatdagi mashq qilish 2 2 3 2 20 75 Mashq qilishning asosiy davri 2 3 10 2,5 25 100-150 Musobaqa davri 2 2 10 2 25 200-250 Musobaqadan keyin (3-4 kun o‘tganda) 1 2 3 3 25 200-250 39-jadval Sportchilarning ayrim ma'danli moddalarga bo‘lgan talabi (Yakovleev, 1977) Ma'danli moddalar Talab (g/sut) Ma'danli moddalar Talab (g/sut) kalsiy 2,0 kaliy 5 fos for 4,0 osh tuzi 20-25 magniy 0,8 temir 0,020 Har xil sport bilan shug‘ullanuvchilar orasida to‘g‘ri ovqatlanish masalasi hal qilinsa, birinchidan, qo‘lga kiritiladigan natijalar yuqori bo‘ladi, ikkinchidan, sport bilan shug‘ullanish jarayonida ko‘ngilsiz tarkibiy va vazifaviy buzilishlarning oldi olinadi va nihoyat, uchinchidan, ma'lum darajada iqtisodiy tejamkorlikka erishiladi. Lekin hamma gap har bir sport turi bilan shug‘ullanuvchilar uchun kundalik ovqatning tarkibiy va miqdoriy jihatdan aniq qilib belgilashning juda qiyinligidadir. Hozirga qadar qanchalik tadqiqot ishlari olib borilmasin, bu borada yechilmagan muammolar nihoyatda ko‘p. Ma'lumki, sportning har qanday turi bilan shug‘ullanishda tegishli maqsad ma'lum rejaga asosan mashq qilish orqali amalga oshiriladi. Mashqlar rejasi esa uch bosqichda, ya'ni tayyorlanish, musobaqalar davri va o‘tish bosqichlarida o‘tkaziladi. Shu bosqichlarning har biri davrida olib boriladigan mashq davomida

bajariladigan zo‘riqishlar hajmi, tezligi hamda dam olishning o‘ziga xos xususiyatlari sportchilar oldiga qo‘yilgan maqsad asosida tashkillashtiriladi. Aytib o‘tilgan davr va bosqichlarning har birida sportchilarning ovqatlanishi ham qayd qilingan umumiy maqsadga muvofiq ravishda tuzib chiqiladi. Masalan, tayyorlanish bosqichida asosiy e'tibor umumiy jismoniy tayyorgarlikka qaratiladi. Bu bosqichda mashq qilish asosan umumiy mushak massasining o‘sishiga qaratilgan bo‘ladi, shuning uchun ham bu davr tarkibida oqsili ko‘proq kunlik ovqat jadvali oldindan tuzib chiqilishi va bir kunda kamida 4-5 marta ovqatlanish maqsadga muvofiq. Tayyorlanish bosqichida sportchilarning kunlik ovqatida B 1, B 2, PP va C vitaminlar yetarli miqdorda bo‘lishi tavsiya qilinadi, chunki ular mashq qilish tufayli tanada sodir bo‘ladigan moddalar va quvvat almashinuvining qayta tashkil qilinishi zarur. 36-jadvalda mashq qilishning turli davrlarida ayrim vitaminlarga bo‘lgan talab me'yorlari keltirilgan. Bu bosqichda mashq qilish qon tarkibida bir talay o’zgarishlarni keltirib chiqaradi. Ulardan eng muhimi ko’plab gemoglabin va mioglobinlarning hosil bo‘lishi hisoblanib, u vujudning temirga bo‘lgan talabini oshiradi. Shuning uchun ehtiyojni qondirish maqsadida tarkibida temir moddasi bor mahsulotlardan yetarli miqdorda tanovul qilish lozim. Chaqqonlikni oshiradigan va tez bajariladigan mashqlar kishining fosforga bo’lgan talabini ham oshiradi. Bu modda sut, qatiq mahsulotlari va go‘shtda serob bo‘ladi. Biz yuqorida chaqqonlikni shakllantiruvchi hatti-harakatlarga boy tayyorlanish bosqichida qabul qilinadigan oziq moddalarning asosiy qismi uglevodlardan iborat bo’lishini aytganda, asosan sabzavot va meva-chevalarni nazarda tutdik. Uglevodlar hissasini non va non mahsulotlari, makaronlar hisobidan ko‘paytirish maqsadga muvofiq emas. Chunki ovqatda non va makaronlar hisobidan uglevodlar ko‘paysa, tanada chaqqonlik va tezlikni oshiruvchi fiziologik va biokimyoviy jarayonlar ko‘ngildagidek kechmaydi. Tezlik oshirilishiga yunaltirilgan mashqlar, masalan, qisqa masofalarga yugurish, uzunlik va balandlikka sakrash kabi sport o‘yinlari bilan

shug‘ullanuvchilarning taomlarida oqsillar, uglevodlar hamda fosfor ko‘proq bo‘lishi kerak. Mashq qilish jarayonida katta asabiy–ruhiy zo‘riqish tushadigan sport turlari bilan shug‘ullanuvchilar (gimnastikachilar, bokschilar, qilichbozlar, tog‘ chang‘isi bilan shug‘ullanuvchilar va boshqalar) ovqatida oqsillar, fosfor hamda B 1 vitamini ko‘proq bo‘lishi kerak. Ko‘proq issiqlik yo‘qotish bilan bog‘liq bo‘lgan sport turlari masalan, suzish va sportning qishki turlari bilan shug‘ullanilganda, kundalik yeyiladigan yog‘ miqdorini ko‘paytirgan ma'qul, chunki yog‘lar yuqorida ko‘rib o‘tganimizdek, oqsil va uglevodlarga qaraganda ikki baravardan ko‘proq energetik manba bo‘lib xizmat qiladi. Ko‘rish analizatori faoliyati oshirilishini talab qiladigan sport turlari (otish sporti, qilichbozlik) bilan shug‘ullanuvchilar ratsionida A vitamini serob bo‘lishi kerak. Qanday sport turi bilan shug‘ullanishdan qat'i nazar, har bir sportchining ovqatlanish bobidagi shaxsiy xususiyatlari, milliy an'analari, urf-odatlari ham muhim ahamiyatga ega. Chunki vujud uzoq yillar davomida iste'mol qilib kelingan taomlarga o‘rganib qolgan, tanadagi moddalar va quvvat almashinuvi jarayonlari aynan shunday taomlarga moslashgan bo‘ladi. Hazm a'zolarida amalga oshiriladigan gidrolizlanish va so‘rilish jarayonlari ham “o‘z” taomlariga moslanib, ularni tez va to‘liq o‘zlashtiradi. Masalan, kavkazliklar ko‘proq go‘shtli ovqatlarni, Boltiqbo‘yi mamlakatlarida sut va sut mahsulotlarini sevib iste'mol qilishadi. O‘zbeklar ovqatida non, un mahsulotlari ko‘proq o‘rin tutadi. Agar sportchi musobaqalarga qatnashish uchun o‘zga mamlakatlarga borib qolsa, u yeydigan taomlar turi va miqdorining odatdagi holdan keskin o‘zgarishi dastavval uning me'da-ichak tizimida bir qator hazm bo‘lish jarayoni bilan bog‘liq salbiy siljishlarni yuzaga keltiradi. Bu hol o‘z navbatida me'yoriy moddalar va quvvat almashinuvini vaqtincha bo‘lsada izdan chiqarishi mumkin. Bunday ko‘ngilsiz holatlarning sodir bo‘lmasligi uchun sportchi yoki o‘zi o‘rgangan ovqat turlari,

hyech bo‘lmagan shunga yaqin taomlar bilan ovqatlanishi yoki yangi ovqat turlariga bir necha oylab o‘rganishi, ya'ni moslashishi kerak. Tayyorlanish bosqichida sportning barcha turlari bilan shug‘ullanuvchilar uchun iste'mol taomlarining servitamin bshlishi maqsadga muvofiqdir. Aytib o‘tganimezdek, bu narsa umumiy moddalar va quvvat almashinuv jarayonini maqsadga muvofiq ravishda qayta shakllantirishga olib keladi. Musobaqa kunlaridagi ovqatlanish kundalik mashq paytlarida bo‘ladigan ovqatlanishdan birmuncha farq qiladi. Quyida shular haqida bayon etilgan fikrlarni taxlil qilib, ayrim tavsiyalar berish mumkin: 1) musobaqaga och holda qatnashmaslik; 2) start oldidan iloji boricha suyuqliklarni kam iste'mol qilish; 3) har xil ovqatni me'da-ichak tizimida qancha vaqt saqlanishini hisobga olish; 4) qiyin hazm bo‘ladigan taomlarni yemaslik ma'qul; 5) agar startlar orasida vaqt yetarli bo‘lsa tez hazm bo‘ladigan taomlardan, ichimliklardan kam miqdorda tanovul qilish; 6) finishdan keyin ko‘p vaqt o‘tmasdan meva-cheva sharbati, kisel ichish bu musobaqa payti ko‘p miqdorda sarf bo‘lgan uglevodlar o‘rnini bosadi. Yuqorida sport mashqlari bajarishning turli davr va bosqichlarida ovqatlanishga bo‘lgan umumiy talablar haqida gapildi. Shu narsani qayd qilish kerakki, hyech vaqt alohida olingan sportchi uchun aynan qanday ovqatlanish kerakligini uzil-kesil aytib bo‘lmaydi. Chunki har bir vujudning o‘ziga xos xususiyatlari, shug‘ullanishning asosiy maqsadlari, ob-havo sharoitlari va boshqa qator omillar bunga imkon bermaydi. Lekin ovqatlanishdagi umumiy qonun- qoidalarga amal qilish har bir sportchi uchun kerak. Sportchining ovqatlanish tartibi dastavval bajariladigan jismoniy zo‘riqish kunning qaysi soatlarida amalga oshirilishi bilan belgilanadi. Agar mashq qilish va musobaqa kunning birinchi yarmiga to‘g‘ri kelsa, ertalabki nonushta miqdor jihatidan ko‘p bo‘lmasligi, uning tarkibida shakar, fosfor, S vitamini yetarli bo‘lib qiyin hazm bo‘ladigan moddalar bo‘lmasligi, energetik qiymati kunlik ovqatning o‘rtacha 30-35 % ni tashkil qilishi kerak. Ertalabki ovqat tarkibida kletchatka va qiyin eriydigan yog‘lar iloji boricha kam bo‘lishi, go‘shtlar qaynatilgan yoki maydalangan, sabzavot-ko‘katlar serob bo‘lishi maqsadga muvofiqdir.

Tushlik ovqat kunlik ovqat energetik qiymatining 35-40 % ini tashkil qilib uning fiziologik mohiyati mashq qilish natijasida sarflangan moddalar va quvvatning taklanishiga qaratilgan bo‘ladi. Tushlik tarkibida nonushta va kechki ovqatdan farqli o‘laroq go‘sht, yog‘, kletchatka me'dada uzoq turib qoladigan oziq moddalar bo‘lishi mumkin. Shuni ham aytib o‘tish kerakki, tushlikning bunday bo‘lishi ob-havosi salqin o‘lkalar sharoitiga to‘g‘ri keladi. O‘rta Osiyo mamlakatlarida esa bunday tartibda ovqatlanish bahor, kech kuz va qish fasllarida mumkin. Yozning issiq kunlari esa ovqatlanishda boshqacha tartib o‘rnatiladi. Kechki ovqat vazifasiga tushlik bilan o‘rni qoplanmay qolgan quvvat va moddalar o‘rnini to‘ldirish hamda sportchi vujudining ertaga bo‘ladigan mashqlarga tayyorlash kiradi. Shu bilan bir qatorda u ko‘p miqdorda bo‘lib, me'da–ichak tizimini qiynab qo‘ymasligi kerak. Kechki ovqatning energetik qiymati kunlik umumiy quvvatning 25-30 % i atrofida bo‘ladi. Uyquga yotishdan yarim soat yoki bir soat oldin bir stakan qatiq ichgan ma'qul. Chunki bunday sut mahsulotlari uyquning tinch va bir tekis bo‘lishini ta'minlaydi, ichaklarda chirish jarayoniga sabab bo‘ladigan mikroorganizmlarning ko‘payib ketmasligiga olib keladi. Agar musobaqa va mashq qilish kunning ikkinchi yarmida o‘tkaziladigan bo‘lsa, tushlik ovqat bir oz kamaytiriladi. Uning energetik qiymati 30-35 % ga tushirilib, hajmi katta bo‘lmasligi, tarkibida kletchatka kam bo‘lishi kerak. Mashq qilishni ovqatlanishdan kamida 2-3 soat o‘tganidan keyin boshlagan ma'qul. Musobaqalar sharoitida bu vaqt, 3,5 soatgacha cho‘ziladi. Mashq tugagandan keyin esa kamida 30-40 daqiqa o‘tkazib ovqatga o‘tirish kerak. Respublikamizning issiq iqlimi sportchilar vujudiga kuchli ta'sir ko‘rsatadigan omil hisoblanadi. Yuqori harorat, quruq havo, davomli quyosh nuri tanadagi ko‘pgina fiziologik-biokimyoviy jarayonlarni o‘zgartirib yuborishi mumkin. Xususan, bunday paytda ovqatlanishning qanday bo‘lishi kerakligi haqida gapirsak, dastavval shuni qayd qilish lozimki, aytib o‘tilgan omillar ta'sirida kishi ko‘p suv va u bilan birga ko‘pgina mineral moddalar yo‘qotadi. Issiq harorat ishtahani bo‘g‘ib, me'da-ichak tizimida oziq moddalarini parchalaydigan fermentlar faolligini ko‘pincha pasaytirib yuboradi, shuning uchun hazm

jarayonlari qiyinlashadi. Buning ustiga kuchli jismoniy mashq bajarish ovqat hazm bo‘lishi bilan bog‘liq jarayonlarni yanada murakkablashtiradi. Havoning issiq payti jismoniy ishning qanchalik qiyinligini ko‘pchilik tasavvur qila oladi, lekin uning fiziologik-biokimyoviy mohiyatini tushunib yetish hamma uchun, ayniqsa, sportchilar uchun foydadan holi emas. Gap shundaki, iste'moldagi har qanday ovqat tanada moddalar almashinuvining birmuncha kuchayishiga olib keladi, bu holatni ovqatning spetsifik-dinamik ta'siri deyiladi. U oqsilli ovqat, ayniqsa, qo‘y go‘shti ko‘p yeyilganida eng yuqori bo‘ladi. Issiq payti shunday ovqat iste'mol qilinib kuchli jismoniy mashq bajarilsa, vujudga tashqi harorat ta'siri, yeyilgan ovqatning spetsifik-dinamik ta'siri va bajariladigan jismoniy mashq tufayli tana haroratining oshib ketishi bilan bog‘liq uch tomonlama katta zo‘riqish tushadi. Shuning uchun ham bunday sharoitlarda mashq qilishda har bir sportchi va murabbiylardan ovqatlanish omiliga alohida e'tibor berish talab qilinadi. Avvalo sportchi ovqatida mineral moddalardan natriy, fosfor, kalsiy temir hamda vitaminlar birmuncha ko‘paytirilishi zarur va buning uchun iste'mol qilinadigan osh tuzi miqdori 25-30 g ga yetkazilishi kerak. Yana mineral moddalar majmuasidan iborat maxsus aralashmalar, mineral suvlar va servitamin ko‘katlardan muntazam iste'mol qilib turish zarur. Issiq iqlim sharoitida, ayniqsa, suv ichish rejimiga ko‘p e'tibor berish ma'qul, chunki ko‘p terlash tufayli, suv va mineral moddalar tanadan chiqib ketib, kishi chanqaydi. Bunday paytlarda ko‘p suv ichishning foydasi kam. Eng yaxshisi, mevalardan tayyorlangan sharbatlar, mineral suvlar, ko‘k choy hamda yozda biz sevib ichadigan ko‘katli ayron iste'mol qilish maqsadga muvofiqdir. Issiq paytlari ovqatlanish rejimi o‘zgacha bo‘ladi. Birinchidan, kunning issiq soatlarida mashq o‘tkazilmasdan, uning asosan kechga yaqin salqin tusha boshlaganidan keyin amalga oshirilishi ma'qul. Shunga yarasha ovqatlanish rejimi ham o‘zgartiriladi. Odatda ertalabki yengil nonushtadan keyin tushlik ham oson hazm bo‘ladigan, quvvat yetarli, oqsilli, kam yog‘ ovqatdan iborat bo‘lishi kerak. Bunday ovqatning eng ma'quli qaynatma sho‘rva bo‘lib hisoblanadi, unga tegishli go‘sht, kartoshka, sholg‘om, no‘xat, yog‘ va ko‘katlar solib tayyorlansa sportchi

vujudi uchun juda foydalidir. Yana ko‘kat, bodring, pishirilgan go‘sht, no‘xat solib tayyorlangan ayron ham bu o‘rinda ancha yaxshi bo‘ladi. Mashq qilish kunning salqin soatlariga qoldirilganligi tufayli shug‘ullanishdan 2 soat oldin yengilgina ikkinchi tushlik qilib olish mumkin. Issiq iqlimli o‘lkalarda ovqatlanish bobida asosiy e'tibor kechki ovqatga qaratiladi. Bunday tartib respublikamizda yashaydiganlarning barchasiga ayon. Odatda, oqshom chog‘i, salqin tushganidan keyin o‘zbek xonadonida kechki ovqatga o‘tirishadi va u miqdor jihatidan ham, quvvat jihatidan ham nonushta va tushlikdan ko‘p bo‘ladi. Bu xil ovqatlanish sportchilar hayotida ham o‘z o‘rnini egallashi kerak. Kechki ovqat, aytganimizdek, yuqori kaloriyali bo‘lib, uyqudan kamida 2-3 soat oldin yeyilishi maqsadga muvofiqdir. Sportchi ovqatlanishining maqsadga muvofiqligini aniqlash da 2 ta ko‘rsatkich muhim. Bulardan birinchisi–tana vaznini doimiy ravishda kuzatib borish. Buning uchun vaznni maxsus tarozida o‘lchash ertalab nonushtagacha doim bir xil kiyimda olib borilishi kerak. Agar bu ko‘rsatkich umumiy mushak vazni oshmasdan ko‘paysa yoki tanadagi suv va yog‘ning ozaymasligidan kamaysa, tegishli ravishda ovqatlanishning me'yordan ortiq yoki kam bo‘layotganligi haqida xulosa qilish mumkin. Ikkinchi–ko‘rsatkich shundan iboratki, sportchi mashq qilish va dam olish jarayonlarida o‘zini lanj, og‘ir, holsiz sezmasligi, oshiqcha qo‘zg‘aluvchan bo‘lmasligi kerak, aksincha, u mashqlardan keyin yaxshi kayfiyatda va o‘zini yengil his etishi kerak.

Adabiyotlar: 1. Битти А.Д. Диагностические тесты в гастроэнтерологии: Пер с англ.- М.:Медицина, 1995.-224 с. 2. Бузник И.М. Энергетический обмен и питание. М., 1978. 3. Витебский Я.Д. Питайтесь рационально. Курган, 1991. 4. Габи Хаубер-Швенк, Михаэль Швенк Питани e . Atlas . Москва 2004. 183 с. 5. Гистология: учебник: Ю.И. Афанасьев, Н.А. Юрина и др., под ред Афанасьева Ю.И.- М.: Медицина, 1989. 6. Гогулан М. Законы здоровья. М., 1998.

Похожие

Qishloq mehnatkashlarining oqilona ovqatlanishi

Maktab o’quvchilarining oqilona ovqatlanishi

Aholi guruhlarining oqilona ovqatlanishi bo`yicha amaliy ko`rsatmalar

Aholi guruhlarining oqilona ovqatlanishi bo`yicha amaliy ko`rsatmalar

Oqilona ovqatlanishning moxiyati