Омухта ем ишлаб чиқариш бўйича умумий маълумот - Пищевая технология - Рефераты

Омухта ем ишлаб чиқариш бўйича умумий маълумот

Загружено в:

14.03.2020

Скачано:

0

Размер:

69 KB

Омухта ем ишлаб чиқариш бўйича умумий маълумот Режа: 1. Ўзбекистан Республикаси ва чет мамлакатларда омухта-ем шплаб-чиқариш саноатининг ривожланиш истиқболлари. 2. Омухта-ем ишлаб-чиқариш заводларидаги технологик жараёнларнинг умумий тавсифи. 3. Омухта-ем хом ашёси турлари.

Ўзбекистан Республикаси ва чет мамлакатларда омухта-ем шплаб- чиқариш саноатининг ривожланиш истиқболлари. Республикамиз дон махсулотлари ишлаб чиқариш тармоғи корхоналарида йиллик ишлаб чиқариш қуввати 3,0 миллион тоннадан юқори бўлган 36 дан ортиқ омихта-ем заводлари фаолият юргазмоқда. Улар барча турдаги хайвонлар, парранда ва балиқларни ёшига мос холда тўла рационли омихта-ем билан таъминлашга қодирдир. Омихта-ем заводлари барча турдаги истеъмолчиларни, айниқса саноат асосидаги чорвачилик ва паррандачиликни сифатли ем билан узлуксиз таъминлаш учун республикамизнинг барча регионларига жойлаштирилган. Омихта-ем ишлаб чиқаришда хом ашё сифатида дон ва унинг чиқинди махсулотлари (кепак) асосий ўринни эгаллайди. Бинобарин, уларнинг омихтаем таркибидаги миқдори кейинги йилларда дон тақчиллиги оқибатида анча камайди. Соя кунжараси, балиқ уни, дон ва премикс каби махсулотларни келтириш кескин қисқарди. Омихта-ем тармоқларининг асосий иш йўналишлари қуйидагилардан иборат: ишлаб чиқаришни такомиллаштириш, ишлаб чиқариладиган омухта емлар ассортиментини кенгайтириш ва сифатини ошириш хамда озуқавийлиги жихатидан юқори самарали махсулотлар ишлаб чиқаришга эришиш. Омихта-ем ишлаб чиқариш қувватини ошириш мақсадида республикамизда йилига 40 минг тоннага яқин махсулотлар чиқарадиган витамин-ўт уни линияси барпо этилди. Витаминли ўт унининг қишлоқ хўжалик хайвонлари ва паррандалари рационига киритилиши фақатгина емни бойитиб қолмасдан балки унинг озуқавийлик қимматини оширади, бир вақтнинг ўзида у махаллий хом ашё бўлиб хизмат қилади. Омихта-ем ишлаб чиқаришда изланишларни давом эттириш ва қишлоқ хўжалиги ишлаб чиқаришининг ноанъанавий ресурслари: «Ноу Хоу» технологияси бўйича олинган оқсил концентрати, тут ипак қурти ғумбаклари,

озиқ-овқат ва консерва саноати чиқиндилари (олма ва помидор турпи, қуриқ барда) ни жалб этиш лозим. Хозирги кунда Венгриянинг «ИКР Баболна» фирмаси билан биргаликда Марказий Осиёда ягона бўлган Ўзбек-Венгер «Макка ИКР Баболна» қўшма корхонаси очилди ва ишга туширилди. Қўшма корхона асосий витамин ва микроэлементлар манбаи хамда чорвачилик ва паррандачилик тараққиёти учун мухим бўлган премикслар ишлаб чиқаришга ихтисослашган бўлиб, йиллик ишлаб чиқариш қуввати 10 минг тоннани ташкил этади. Доимо дехкон хўжаликлари, фермер хўжаликлари ва хусусий корхоналарда қўшимча дон сотиб олиш механизмини такомиллаштириш лозим. Кўпгина вилоятларда суткалик ишлаб чиқариш қуввати 300-650 тонна бўлган омихта-ем заводлари истеъмолчилардан узоқ 150-300 км гача масофада жойлашган. Пировардида, ёқилғи ва мойловчи материалларнинг тахчиллиги натижасида транспортнинг барча турларида ташиш уларга қимматга тушаяпти. Шунингдек, темир йўлларининг Тожикистон ва Туркманистон чегараларидан ўтиши хом ашёни республикамизга келтиришда қийинчиликлар туғдирмокда. Масалан, Қорақалпоғистоннинг Тахиятош шахрида суткалик ишлаб чиқариш куввати 500 тонна бўлган омихта ем заводи ишлайди. Қорақалпоғистоннинг территорияси катта, омихта-емларни 200-300 км гача масофаларга автомобил ва темир йўлларда ташишга тўғри келади. Мўйноқ, Қунғирот ва Шуманой туманларида омухта-ем ва хом ашёлар ташишдаги транспорт харажатларини камайтириш мақсадида «Ўздонмахсулот» ДАК қарорига мувофиқ суткалик ишлаб чиқариш қуввати 30-50 тонна бўлган кичик омухта-ем заводларини қуриш режалаштирилди. Бунда хам сарфхаражат қилган холда Қўнғирот ва Тўрткўл ун заводларининг қуритувчитозаловчи минораларини реконструкция қилиш орқали эришилади. Катта ва ёш қорамоллар учун оддий ем ишлаб чиқаришда хом ашё сифатида асосан кепак, ун заводлари чиқиндилари, шунингдек юқоридаги туманларда тайёрланган донлардан фойдаланилади.

Андижон вилоятининг Қўрғонтепа шахрида суткасига 500 тонна донни қайта ишлаш ун заводи ишга туширилди. Фарғона вилоятининг Боғдод шахрида суткасига 250 тонна донни қайта ишлаш қувватига эга завод ишга туширилди. Бу корхоналар яқинида омухта-ем заводларининг йўқлигидан улардаги чиқинди хом ашёларини бошқа регионларга автомобил ёки темир йўлларда жўнатишга олиб келади. Бу жойларда чорвачиликни ривожлантирдип учун эса омухта-ем келтириш керак. Транспорт тўловлари ва вагонларнинг етишмаслиги оқибатида корхоналар хом ашёларни жойларнинг ўзида реализация қилишга мажбур бўлмоқда. Мавжуд хом ашёлардан оқилона фойдаланиш ва хом ашёларни норационал ташилишига бархам бериш мақсадида, 2000 йил бу жойларда суткалик ишлаб чиқариш 50 тоннали омухта-ем заводлари барпо этишга қарор қилинди. Сурхондарё вилояти Шўрчи шахрида вилоятнинг барча чорвачилик, балиқчилик ва паррандачилик сохаларини таъминлашга қодир, суткалик ишлаб чиқариш қуввати 500 тонна бўлган омухта-ем комплекси ишлаб турибди. 2000 йилнинг биринчи кварталида Жарқўрғон шахрида суткалик ишлаб чиқариш қуввати 250 тонна бўлган ун заводи ишга тушириш режалаштирилмокда. Айни вақтда суткалик ишлаб чиқариш қуввати 50 тонна бўлган омухта ем цехи қурилиши бошлаб юборилган. Мазкур цехни 2001 йилнинг биринчи кварталида ишга тушириш режалаштирилмокда. Барча омихта-ем корхоналари МДХ давлатлари машинасозлик заводларида тайёрланган замонавий технологик ускуналар билан таъминланган. Омихта-ем ишлаб-чиқариш заводларидаги технологик жараёнларнинг умумий тавсифи. Омихта-ем, оқсил витаминли қўшимчалар, премикс, корбамид концентратлари ишлаб-чиқариш бир қанча мураккаб технологик жараёнларда амалга оширилади.

Бу жараёнлар тайёрланадиган махсулот ва махсулотни тайёрлашда керак бўладиган хом ашёни турига боғлиқ холда бир маротабали ёки бир қанча технологик линияларни ўз ичига олган кўп маротабали бўлиши мумкин. Омихта-ем ишлаб-чиқаришда қўйидаги асосий технологик жараёнлар бажарилади: • хом ашёни қабул қилиш ва сақлаш учун жойлаштириш: бунга келтирилган юкларни тушириш, идишларга жойлаш, юкларни тагликларга жойлаштириш, штабелларни шакллантириш, бўшаган идишларни жойлаш, шунингдек махсулотни сифати, турига ва ишлатилиш мақсадига кўра омборларга, бункерларга, бўлимларга ва силосларга жойлаштириш ишлари киради; • келтирилган хом ашё партиясидан намуна ажратиб олиш ва белгиланган кўрсаткичлар бўйича сифатини текшириш (ишлаб чиқариш техник лабораторияси бўйича); • хужжатларни ростлаштириш ва хом ашёни ишлаб чиқаришга узатиш; • сепаратордан ўтказиш - хом ашёни бегона ва фавқулодда аралашмалардан тозалаш, элаш, метал аралашмаларни ажратиб олиш, хом ашёни кейинги қайта ишлашлар учун фракцияларга бўлиш, майдаланган махсулотлар, тайёр сочилувчан омухта-емларнинг эланганлик сифатини назорат қилиш; • хом ашёни болғали майдалагич, майдалагич, кунжара майдалагич, дезинтегратор, жувозлар, тишли, штифли ва бошқа зарбали-оширувчи машиналар ёрдамида майдалаш; айрим холларда жуда хам кичик хажмда майдаловчи махсус машиналардан фойдаланилади (туз, микроэлементларни майдалаш учун); • махсус дозаторлар ёрдамида дозалаш; аралаштириш - қуруқ компонентлар ўзаро ёки суюқ компонентлар билан аралаштирилади.

Аралаштириш вертикал, горизонтал, дискрет, тез ёки секин, шунингдек узлуксиз харакатланувчи аралаштиргичлар ёрдамида амалга оширилади; • қуритиш ва совитиш – бунда тайёр махсулотлар, туз, майдаланган махсулотлар, меласса брикет ва қумолоқланган махсулотлар қуритилади ва совитилади; айрим холларда донлар хам; • қумалоқлаш ва брикетлаш, яъни тайёр махсулотни юзага келтириш; • пўстли донларни пўстидан ажратиш - сули, арпа; • суюқ компонентларни киритиш - меласса, гидрол, ёғ, ўсимлик мойи, балиқ ёғи, гидролизат, меласса ва карбамид эритмалар, туз ва сув; • алохида махсулотларга нам - иссиқлик ва иссиқлик билан ишлов бериш - пишириш, брикетлаш, қуруқ брикетлаш, микронизация ва бошқалар; • тайёр махсулотни қадоқлаш; • жойлаштириш, сақлаш ва тайёрлаш махсулотни истеъмолга чиқариш; • махсулот сифатини давлат стандарти кўрсаткичларига мувофиқ назорат қилиш; • тайёр махсулотни сифати, кўрсаткичларининг шаклланиши, таннархи ва истеъмолга ёроқлилиги юқорида изохлаб ўтилган жараёнларнинг қай даражада бажарилиши билан ифодаланади. Шунингдек технологик жараёнлар ўтишининг объектив қонунийлиги, унинг қулай режимлари, жараёнларнинг кечиришида турли омилларнинг таъсири ва умумий технологик самарадорлиги назарда тутилиши керак. Омихта-ем хом ашёси турлари. Омихта-ем, оқсил витаминли қўшимчалар, премикс, карбомид концентратлари ишлаб чиқаришда тўрли хил хом ашёлар, компонентлар, қўшилмалар, шунингдек биологик актив моддалардан фойдаланилади. Омухтаем ишлаб чиқариши хом ашёларнинг қўйидаги асосий турлари мавжуд. Дон омухта емнинг асосий хом ашёси хисобланади. Омухта-ем таркибида доннинг улуши 65-70 % гача боради. Донлар хусусиятига кўра уч гурухга бўлинади: бошоқли донлар, дуккакли донлар ва мойли донлар.

Бошоқли донларга буғдой, арпа, сули, жавдар, жўхори, маккажўхори тариқ ва бошқалар киради. Бу турли донлар таркибида кўп микдорда углевод (крахмал) ва оз миқдорда оқсил мавжуд бўлади. Бошоқли донлар В гурух витаминларига бой хисобланади. Бошоқли донлар майдаланган холида, баъзан бутунлигича (паррандалар учун) ишлатилади. Омихта-ем ишлаб чиқаришда мазкур донларнинг ишлаб чиқариш чиқиндиларидан хам фойдаланилади. Дон чиқиндиларига донли аралашма-лар ва кепак киради. Донли аралашма ва кепак тўйимлилиги жихатидан паст тўрсада, аммо витаминлар ва минералларга бойлиги билан дондан юқори туради. Дуккакли донларга нўхат, соя, люпин ва бошқалар киради. Бу донлар оқсилга (протеин) бойлиги билан ажралиб туради. Омухта-ем ишлабчиқаришда дуккакли донлардан махсулотни оқсилга бойитиш мақсадида фойдаланилади. Мойли донларга кунгабоқар, пахта, зиғир ва бошқалар киради. Улар омухта-емга яхлит холида қўшилмайди, балки ёғ-мой саноати чиқиндиларикунжара ва шрот холида ишлатилади. Мойли экин донлари ёғ ва оқсилга бой хисобланади. Шу билан бирга баъзи турларида захарли моддалар (госсипол, синил кислотаси) хам мавжуд. Омухта-ем таркибида бу моддалар миқдори белгиланган кўрсаткичдан ортиб кетмаслаги керак. Ўт уни омухта емнинг қимматли хом ашёси хисобланади. Ўт уни ўриб қуритилган ўтни майдалаш орқали хосил қилинади. Ўт уни оқсил, каротин, А ва бошқа витаминларга бой махсулот хисобланади, Омихта-ем ишлаб-чиқаришда озиқ-овқат - қанд, крахмал, патока, спирт ва пиво саноати чиқиндиларидан кенг фойдаланилади. Қанд саноати чиқиндисига қанд лавлавги турпи (жом) ва озуқавий патока (меласса) киради. Қуритилган лавлаги турпи таркибида кўп миқдорда углевод мавжуд бўлиб, кавш қайтарувчи хайвонлар учун қимматли озуқа хисобланади. Меласса суюқ кўринишга эга, унинг таркибида 50 % гача эрувчан углеводлар мавжуд. Меласса хайвонлар организмида жуда яхши хазм бўлади.

Спирт ва пиво чиқиндиларига майдаланган дон қолдиқлари ва қуритилган барда киради. Бу махсулотлар тўйимлилиги жихатидан донга яқин туради. Хайвон махсулотларидан тайёрланган озуқаларга балиқ уни, гўщт уни, суяк уни, қон ва қуритилган суяк мисол бўла олади. Булар хайвон оқсилига бой қимматли махсулот хисобланади. Омухта-ем таркибига юқори энергия манбаи бўлган хайвон ёғлари хам оз миқдорда қўшилади (одатда 2-5%). Омихта-емларни минераллар билан бойитиш мақсадида кўпгина моддалар - бўр, фосфатлар, ош тузи ва бошқалардан фойдаланилади. Шунингдек ем таркибига хилма хил биологик фаол моддалар қўшилади. Уларга витаминлар, микроэлементлар, антибиотиклар ва бошқалар киради. Бу моддалар хайвонлар соғлиги учун мухим хисобланади. Биологик фаол моддаларни қўйидаги гурухларга бўлиш мумкин: • озуқавий ва бошқа антибиотиклар; • витаминли препаратлар, • микроэлементлар (темир, мис, олтингугурт, кобальт, марганец, йод ва бошқалар); • аминокислоталар (лизин, метионин); • антиоксидантлар (сантохин, дилудин, бутилокситолуол - БТО); • тинчлантирувчи моддалар - транивилизаторлар; • органик кислоталар (сут, пропион ва бошқалар); • доривор препоратлар ва бошқалар. Омихта-ем ишлаб чиқаришда мазкур хом ашёлар билан чекланиб бўлмайди, балки емнинг қимматлилигини оширишнинг самарали манбааларини излаб топиш лозим. Ем таркибидаги доннинг улушини камайтириш ва бошқа турдаги махсулотлар билан бойитиш мухим вазифалардан биридир.

Фойдаланилган адабиётлар: 1. Исматуллаев П.Р., Нуриллаев Ш.П., Ҳабибуллаев Р.А. Бизнинг Ватанимиз келажаги буюк Ўзбекистондир. Тошкент, 2002. 228 бет. 2. Олий таълим. Меъёрий-ҳуқуқий ва услубий ҳужжатлар тўплами. ―Истиқлол‖ нашриёти бош таҳририяти. Тошкент, 2004. 511бет. 3. Кадрлар тайёрлаш миллий дастури тўғрисидаги Ўзбекистон Республикасининг қонуни. 1997 йил 29августь. 4. Марахимов. А.Р., Рахмонқулова С.И.."Интернет ва ундан фойдаланиш асослари" 5. Мясникова А.В., Ралль Ю.С. и др. "Товароведение зерна и продуктов его переработки. М. "Колос" 1971г. 3, 9, 72 бетлар

Похожие

Нон ишлаб чиқариш технологияси

Стерилизацияланган консервалар ишлаб чиқариш

Каттиқ ўсимлик мойлари ишлаб чиқариш

Аммоний сульфат ишлаб чиқариш технологияси

Каттиқ ўсимлик мойлари ишлаб чиқариш.