Каттиқ ўсимлик мойлари ишлаб чиқариш. - Пищевая технология - Рефераты

Каттиқ ўсимлик мойлари ишлаб чиқариш.

Загружено в:

20.09.2019

Скачано:

0

Размер:

88.5 KB

Каттиқ ўсимлик мойлари ишлаб чиқариш. Режа: 1. Саломасларнинг турлари ва сифат кўрсаткичлари. 2. Гидрогенлашда ишлатиладиган мойлар, катализаторлар ва водород. 3. Мойларни гидрогенизациялашнинг принципиал схемаси.

Қаттиқ ёғлар саноатда катта аҳамиятга эга, улар маргарин, хўжалик ва атир совунлар, стеарин ишлаб чиқаришда асосий хомашё хисобланади. Бироқ табиий қаттиқ ёғлар миқдори чегараланган, суюқ ўсимлик ёғлари эса кўп миқдорда ишлаб чиқарилади. Шунинг учун суюқ ёғлар гидрогенланиб қаттиқ холга келтирилади. Гидрогенизация маҳсулоти саломас дейилади. Хозирги вақтда Узбекистонда 2 та гидрозавод ишлайди. Ўсимлик ёғларининг кимёвий ва физик хусусияти уларнинг ёғ кислота таркибига боғлиқ. Ўсимлик ёғларида кўп миқдорда тўйинмаган ёғ кислоталар бор (олеин, линол ва х.к.). Улар битта ёки бир нечта қўшбоғга эга. Гидрогенизация жараёнида тўйинмаган кислоталарни тўйиниши билан бирга қўшбоғларни миграцияси ва трансизомеризация содир бўлади, бу эса эриш температураси ва ёғ қаттиқлигиги оширади. Гидрогенизацияда кунгабоқар, пахта ловия, рапс ёғлари ва соапстокдан ажратиб олинган ёғ кислоталари ишлатилади. Гидрогенизация вақти хомашёнинг кимёвий таркибига ва саломаснинг ишлаб чиқариш мақсадига боғлиқ. Ишлаб чиқариладиган саломасларнинг бир неча хил тури бор. Ўсимлик ёғларини қисман гидрогенизация қилиш йўли билан, эриш темпераутраси Тпл-31-34 0 С, қаттиқлиги 160-320 г/см, йод сони 62-82га тенг бўлган саломас олинади, бу саломаслар маргарин, кулинар ёғлар ишлаб чиқаришда ишлатилади. Бундан ташқари эриш температураси Тпл=35-37 0 С қаттиқлиги 550-750 г/см бўлган саломаслар олиниб, улар кондитер маҳсулотларини ишлаб чиқаришда ишлатилади. 1-гидрозавод 1909 йилда Нижний-Новгородда ишга туширилган. 1911 йилда Петербургда, 1917 йилда Екатеринбургда (Краснодар) гидрозаводлар қурилди. Водороднинг гидрогенизация жараёнида бирикишини шартли равишда қуйидагича кўрсатиш мумкин. СН 3 (СН 2 ) 4 СН=СНСН 2 СН=СН(СН 2 ) 7 СООН + Н 2  Линол кислота

 СН 3 (СН 2 ) 7 СН=СН(СН 2 ) 7 СООН + Н 2  СН 3 (СН 2 ) 7 СН-СН 2 (СН 2 ) 7 СООН Олеин кислота Стеарин кислота Оддий шароитда водород тўйинмаган ёғ кислоталарга ва бирикмайди. Водород ёғ кислоталарга фақатгина катализатор иштироқида бирикади. Гидрогенлаш жараёнининг тезлиги: глицеридларни гидрогенлаш тезлиги улардаги ёғ кислоталари таркибига катализатор активлиги ва миқдорига, системадан водород ўтказишнинг интенсивлиги ва уни ёғда бир текис таркалишига, ёғни қиздириш температурасига боғлиқ. Катализатор қанча актив бўлса, гидрогенлаш шунчалик тез кечади. Катализатор миқдорини кўпайиши, реакцияни тезлаштиради. Лекин катали- затор ёғ массасидан 0,3-0,4% дан кўпроқ олинса, реакция тезлиги сезиларли даражада ортмайди. Температура ошиши билан гидрогенлаш тезлиги ҳам ошади. Саноатда гидрогенлаш 180-220 0 С температурада олиб борилади. Гидрогенлаш температураси катализатор активлигига ва ёғ табиатига боғлиқ. Жараённинг бориши ва саломас сифати катализатор табиатига боғлиқ. Cu - Ni катализатор Ni катализаторига қараганда селективроқдир яъни озуқа саломаси ишлаб чиқариш имкониятини беради. Ишлатилган каттализатор янги катализаторга қараганда селективлироқдир. Изокислоталарнинг ҳосил бўлиши ярим гидрогенланиш маҳсулотларини ҳосил бўлиши билан изоҳланади. Изокислоталар хосил бўлиши саломаснинг қаттиқлигини оширади. Масалан, цис-олеин кислотанинг 16 0 С бўлса, транс-олеин кислотанинг (элаидин кислота) эриш харорати 44 0 С. Изомеризация тезлиги ҳам катализатор табиатига, температура ва Н 2 босимга боғлиқ. Актив катализаторда гидрогенлаш тезлиги изомерланиш тезлигига қараганда юқори. Шунинг учун актив катализаторларда юмшоқ консистенцияли саломаслар олинади.

Ёғларни гидрогенизациялаш жараёнида катализаторлар. Ёғларни гидрогени-зация қилиш саноат катализаторлари қуйидаги талабларга жавоб бериши керак: 1) фақатгина гидрогенизация жараёнини тезлатиш қобилиятига эга бўлиши керак ва нохуш реакциялар юз бериши керак эмас. 2) юқори активлик ишлаб чиқариш қуввати ва селективликга эга бўлиши керак. 3) катализатор саломасдаги осон ажралиши керак. 4) катализатор баҳосини арзонлиги, хомашё ва материалларни сероблиги. Ёғларни гидрогенизациясида никель асосидаги катализаторлар ишлатилади, шунингдек никель ва мис катализаторлари ҳам ишлатилади. Катализаторлар структурасига кўра кўкунсимон ва гранулланган, қотишма ҳолида бўлади. Кўкунсимон катализаторлар суспензия (ёғда) кўринишида ишлатилади, уларни дисперсли ёки суспензияланган дейилади, заррачалар катталиги 15 мкм. Катализаторларни юзасини кўпайтириш учун металларни юзаси ғовакли бўлган материалга чўктирилади. Бу усул билан олинган катализаторлар ташувчили катализаторлар дейилади. Катализаторларни олиниш усулига қараб 2га бўлинади. 1)чўктирилган 2)қотишмали Катализатор ҳаракатининг моҳияти . Кимёвий реакция амалга ошиши учун молекулалар тўқнашиши керак, лекин тўқнашишларнинг жуда кам қисми молекулаларнинг бирикишига олиб келади. Бу шу билан изоҳланадики, жуда кам қисм молекулаларнинг энергияси боғларни узиб, янги боғлар ҳосил қилиш қобилиятига эга. Молекуланинг бу минимал энергияси, реакциянинг энергия активлиги дейилади. Катализатор реакцияга киришувчи моддалар билан бирикиб, юқори реакция қобилиятли юзани ҳосил қилади. Катализаторлар реакция тезлигини 10 6 - 10 16 марта тезлаштиради. Гидрогенизация қуйидаги босқичлардан иборат:

1)реакцияга киришувчи моддаларни катализатор юзасига келтириш 2)бу молекулаларни катализатор юзасида адсорбцияси 3)сорбцияланган молекулаларнинг кимёвий алмашиниш ва маҳсулот ҳосил бўлиши. 4)маҳсулот молекулалари боғларининг катализатор юзасидаги сарфи 5)катализатор юзасидан уларни ажратиш Катализатор юзасида турли активликка эга бўлган адсорбция марказлари бор. Бундай адсорбцион марказлар катализаторнинг актив марказлари дейилади. Саноатда катализаторни олиш учун концентрацияси 35 г/л бўлган Ni : Cu = 3:1 ёки 1:1 нисбатда бўлган Ni ва Cu сульфат эритмаси тайёрланади. Эритмага 40-45 0 С хароратда 20-30 % ортиқча миқдорда соданинг 10 % ли эритмаси қўшилади. NiSO 4 + Na 2 CO 3 NiCO 3 + Na 2 SO 4 CuSO 4 + Na 2 CO 3 CuCO 3 + Na 2 SO 4 Чўкмани фильтрлаб, фильтрда сода ва сульфатлардан ювилади. Кейин чўкмани 120 0 С температурада қуритилади ва майдаланади. Ni – Cu катализатор осон қайтарилади (200-220 0 С). Ишқор билан ишлангандан сўнг, А1ни эриши натижасида, қотишма юзаси актив бўлиб, қолади. Ишқор билан ювилган қотишма конденсат билан нейтрал реакциягача кейин қуритилади, температура 160 0 С гача кўтарилиб турилади. Водород ишлаб чиқариш. Водород ишлаб чиқаришни бир қанча усуллари маълум. Шулардан гидролизларда қуйидагилар ишлатилади. 1.темир-буғ усули (контактли) 2.табиий газ конверсиялаш усули 3.электролитик усул. Кенг қўлланаётган бу электролиз усулида водород ишлаб чиқариш : сув эритмани электролитга туширилган 2 та электрод (катод, анод) электролитик ячейкани вужудга келтиради.

Бунда электродларда электроқимёвий реакция юз беради. Электролиз вақтида қуйидаги реакция юз беради: 2Н 2 О = 2Н 2 + О 2 Натижада водороднинг бир хажмига кўшимча маҳсулот сифатида ½ хажмда О 2 ҳосил бўлади. Сув электролизи электролизерларда олиб борилади. У электролит учун ванна ва унга туширилган электродлардан иборат. Гидрозаводларда ФВ-250 ва ФВ–500 типдаги электролизерлар ишлатилади. Уларнинг Н 2 ишлаб чиқариш қуввати соатига 250-500 м 3 . Усул ютуғи: электролизерларнинг юқори ишга мустаҳкамлиги, Н 2 нинг юқори тозалиги (99.8%), хомашё (сув)нинг қиймати пастлиги, сув ва ёрдамчи материалларнинг минимал сарфи, жараёнининг юқори автоматлашиши. Камчилиги: электрэнергиянинг кўп миқдордаги сарфи. Водород 2,7-3,6 КПа босим остида хажми 3000м 3 бўлган хўл газгольдерларда сақланади. Гидрогенлаш усуллари. Ёғларни гидрогенлаш – суюқ фазали гетероген каталитик жараёндир. Н 2 ва қаттиқ – суспензияли ёки турғун катализаторлар ишлатилади. Гидрогенлаш даврий ва узлуксиз усуллар билан олиб борилади. Узлуксиз усул билан гидрогенлаш батареяларда амалга оширилади. У 3та автоклавдан иборат бўлиб, улар газлифт ёки қуювчи труба орқали бирлаштирилган. Бу усул баёни қуйидагича: Рафинацияланган ва оқланган ёғ йиғувчи бакдан насос дозатор билан узлуксиз равишда иссиқлик алмашгич орқали у ерда тайёр саломаснинг иссиқлиги ҳисобига иситилади) автоклавга келади. Бу автоклавда ёғ юқори босмили буғ билан 190-200 0 С гача иситилади. Автоклавга йиғувчи баклардан насос дозатор ёрдамида узлуксиз равишда катализатор суспензияси бериб турилади. Катализатор, аралаштиргичдаги янги катализатор ва ишланган катализаторни аралаштириб 1:4 ёки 1:5 нисбатлар тайёрланади. Катализатор автоклавга концентрацияси 5% бўлган ёғли суспензия шаклида юборилади. Ёғ 2–автоклавга 200-210 0 С температура, 3-автоклавга 210-220 0 С температура билан ўтиб боради.

Тайёр саломас ишланган катализатор билан бирга газ ажратгич, иссиқлик алмашиниш аппаратлари орқали саломас йиғувчи – тиндириш аппаратига келади. У ерда саломас қисман катализатордан ажратилади, кейин совитгич орқали фильтрпрессга келади ва катализатордан ажратилади. Фильтрланган саломас бакда йиғилади. Ажралган водород газ ажратгичдан газ тозалаш системасига юборилади. Тозалаш системасида тозаланган водород аралаштиргичда янги водород билан аралаштирилади. Бу аралашма компрессор билан юқори босмили рессиверга юборилади. У ерда совитгич рассол билан совитилади ва сув ажратгич орқали автоклавларга келади. Автоклавдан автоклавга ёғ газлифт ёрдамида ўтади. Газлифтда ишчи газ водород ҳисобланади. Газлифт 2та бир-бирига кийдирилган труба бўлиб, у автоклав тагигача тушган бўлади. Ички труба орқали водород юборилади, бу трубанинг пастки қисмида майда тешикчалар бор. Водород ёғ билан аралашиб, кичиқ солиштирма оғирликдаги аралашмани ҳосил қилади. Шунинг ҳисобига трубадаги ёғ кўтарилади ва бириктирувчи труба орқали кейинги автоклавга ўтади. Гидрогенланган ёғларни кўрсаткичлари. Озиқ-овқат учун ишлатиладиган саломас (ТУ Уз 86-1-97) Кўрсаткичлар Саломас маркаси 1 2 3 4 Тэр, 0 С 31-34 32-36 35-37 42-45 Қаттиқлиги 15 0 С да, г/ см 160-320 160-320 500-700 Аниқланмайди Йод сони, % J 70-85 70-85 60-70 аниқланмайди Кислота сони, мг КОН 1.0 1.0 2.0 3.0

1 – маргарин маҳсулотини ишлаб чиқариш учун саломас, ўсимлик ёғларидан олинади. 2 – маргарин маҳсулотини ишлаб чиқариш учун саломас, ўсимлик ва мол ёғи аралашмасидан олинади. 3 – кондитер ёғи учун саломас, пахта ёғидан олинади. 4 – кондитер ёғи учун саломас, пальмоядер ёғидан переэтерификация йўли билан олинади. Техник саломас (ТУ Уз 86-2-98) Кўрсаткичлар Саломас маркаси 1 2 3 4 5-3 6 Йод сони,% J 2 65 65 65 55 17 1 Титр, 0 С 39-43 39-43 46-50 46-50 58 54 К.с. мг КОН 3.5 аниқланмайди 5 Аниқланмайди 6 3 1 – ўсимлик ва мол ёғларидан олинган саломас (атир совун учун) 2 – соапстокнинг дистилланган ёғ кислоталаридан олинган саломас (атир совун учун) 3 – ўсимлик ва мол ёғларидан олинган саломас (хўжалик совуни учун) 4 - соапстокнинг дистилланган ёғ кислоталаридан олинган саломас (хўжалик совуни учун) 5,6 – ўсимлик ва мол ёғларидан стеарин учун саломас.

Адабиётлар 1.Н.И.Назаров и др. Общая технология пищевых производств.-М.: Легкая и пищевая промышленность, 1981.-360 с. 2.У.Х.Халимова. Ўсимлик ёғлари ишлаб чиқариш технологияси. –Т.: Ўқитувчи, 1982. -246 б. 3.М.Г.Васиев, М.А.Васиева. Нон, макарон ва қандолат махсулотлари ишлаб чиқариш технологияси. –Т.: 2002. 4.П.М.Мальцев. Технология бродильных производств. –М.: Пищевая промышленность, 1980. -360 с. 5.П.Я.Бачурин, В.А.Смирнов Технология ликеро-водочного производства. –М: Пищевая промышленносить, 1975.-256 с.

Похожие

Каттиқ ўсимлик мойлари ишлаб чиқариш

Ўсимлик мойлари технологиялари

Нон ишлаб чиқариш технологияси

Стерилизацияланган консервалар ишлаб чиқариш

Аммоний сульфат ишлаб чиқариш технологияси