logo
  1. Главная страница
  2. Рефераты
  3. Пищевая технология
  4. Mag’iz sayqallash va yormalarni pardozlash jarayoni. Un tortishning sinflanishi

Mag’iz sayqallash va yormalarni pardozlash jarayoni. Un tortishning sinflanishi

Загружено в:

29.08.2022

Скачано:

0

Размер:

49.86328125 KB
Скачать
Mag’iz sayqallash va yormalarni pardozlash jarayoni. Un tortishning sinflanishi Reja: 1. Yormalarni silliqlash jarayoni. 2. Mag’izlarni silliqlash jarayonida qo’llaniladigan uskunalar tavsifi. 3. Silliqlash jarayonini yormaning ximiyaviy tarkibiga ta’siri. 4. Yormalarni sayqallash jarayoni. 5. Un tortishning turlari. 6. Un tortishning tasnifi. 7. Un tortishning umumiy sxemasi. 8. Tegirmonga keladigan donning sifat ko’rsatkichlari. 9. Bug’doy va javdar donlarini oddiy un tortishga tayyorlashni texnologik jarayonlari. 10. Javdar donini navli un tortishga tayyorlashni texnologik jarayoni. 11. Bug’doy donini navli un tortishga tayyorlashni texnologik jarayoni. 12. Tegirmonning yanchish bo’limiga yuboriladigan donning sifat ko’rsatkichlari. 13. CHiqindilarning tasnifi. 14. CHiqindilarni nazorat qilish. 1. Yormalarni silliklash jarayoni. Yormalarni silliqlash jarayonida mag’izning meva, urug’ qobig’i, aleyron qatlam va murtagi silliqlash mashinalarida olib tashlanadi. Silliqlash natijasida quyidagilar ta’minlanadi: 1. Odam organizmi hazm qila olmaydigan, tarkibida ko’p miqdorda kletchatka bo’lgan qobiqlarni olib tashlashni; 2. Yormaning tovar ko’rinishini va rangini yaxshilashni; 3. Yormaning istemolboplik xususiyatlarini yaxshilaydi (pishirish vaqti kamayadi, pishirishda hajmi bir necha barobar oshadi.); 4. Tarkibida ko’p miqdorda moy bo’lgan murtak va mag’izning tashqi qatlamlarini olib tashlash natijasida yormaning saqlash muddati ko’payadi; 5. Maydalangan yormalarni (arpa, bug’doy, makkajuxori) silliqlashda nafaqat qobiqlari olib tashlanadi, balki bo’lakchalarga aylana shakli ham beriladi. Silliqlash jarayonida abraziv yuza, ishchi organlarni, g’alvir teshikchalarini ta’sirida va mag’izlarni o’zaro ishqalanishi natijasida mag’izning tashqi qobiqlari doimiy ravishda olib tashlanadi. Silliqlash jarayoniga mashinalarning konstrukstiyalari, ishchi organlarning holati, mashinaga tushadigan yuklama va boshqalar ta’sir qiladi. Silliqlash jarayonida ko’p miqdorda un hosil bo’ladi. Meva qobig’i qizil rangli sholi mag’izini va maydalangan bug’doy, arpa, makkajuxori yormasini silliqlashda ko’p miqdorda un hosil bo’ladi. Bundan tashqari silliqlash natijasida ancha miqdorda maydalangan mag’iz ham hosil bo’ladi. Agar unning hosil bo’lishi qochib bo’lmaydigan operastiya bo’lsa, maydalangan mag’izning kupayishi - maqsadga nomuvofiq ko’rinishdir. SHuning uchun silliqlashda shunday mashinalarni qo’llash zarurki, bunda silliqlashning kerakli darajasini mag’izni minimal maydalanishi bilan ta’minlasin. 2. Mag’izlarni silliqlash jarayonida qo’llaniladigan uskunalar tavsifi. Magizlarni silliqlashda har xil silliqlovchi mashinalar qo’llaniladi. SHoli mag’izini silliqlashda RS-125 va A1-BSHM-2,5 rusumli mashinalar qo’llaniladi. Maydalangan yormalarni (arpa, bug’doy, makkajuxori) silliqlashda A1-ZSHN-3 rusumli mashina qo’llaniladi. 9-jadval A1-ZSHN-3 mashinasining texnik tavsifi № Ko’rsatkichlari Miqdori 1 Unumdorligi: un zavodlarida, bug’doy va javdar uchun kg/sek 0,85...1,2 2 yorma zavodlarida , arpa uchun kg/sek 0,85 3 Abraziv doiralarning aylanish chastotasi, ayl\min 850 4 Abraziv doiralarning aylanish tezligi, m\sek 20 5 Abraziv doiralarning soni, dona 6 6 Abraziv doira diametri, mm 450 10-jadval ormasini silliqlash uchun qo’llanadigan A1-BSHM-2,5 rusumli mashinaning tavsifi Ko’rsatkichlari Miqdori Unumdorligi, kg\sek 0.97...1,22 Aylanish chastotasi, ayl\min 1200 Aylanish tezligi, m\sek 15,7 mm :uzunligi diametri 1000 250 3. Silliqlash jarayonini yormaning ximiyaviy tarkibiga ta’siri. Silliqlash natijasida yormaning kimyoviy tarkibi o’zgaradi. Bunda oqsil, moy, mineral moddalar, vitaminlar va kletchatkaning miqdori kamayadi, kraxmalning miqdori ko’payadi 11-jadval. 11-jadval Silliqlashda yormaning kimyoviy tarkibini o’zgarishi Mahsulo t Nomi Mikdori, % oqsil oy k letchatka kuldo rlik Kraxm al Silliqlan magan sholi Silliqlangan sholi Silliqlanmagan tariq mag’izi Silliqlangan tariq mag’izi 7,3...15,4 6,5...13,3 15, 4 19 ,4...3,9 ,3...0,6 ,6 ,1 0 ,8...2,6 0,1...0,6 1,04 0,65 1,5...2,1 0,4...0,7 1,4 1,0 2 79,4...88,0 86,2...92,0 75 79 4. Yormalarni sayqallash jarayoni. Yormalarni sayqallash jarayonining asosiy maqsadi - yormaning tovar ko’rinishini yaxshilash. CHunki ba’zi bir yormalarni (sholi, nuxat) silliqlash jarayonida mag’izning yuzasida g’adir-budirliklar bo’ladi, elash va sovurishda ajralmaydigan un qoladi. Yormaning yuzasini sayqallash uchun uni maxsus sayqallovchi mashinalarda yoki ishchi yuzalari mayda zarrachali abraziv materialdan tayyorlangan silliqlovchi mashinalarda ishlov beriladi. Sayqallash jarayonida mag’izning yuza qatlamlari silliqlash jarayonidagiga nisbatan kam olib tashlanadi. SHuning uchun yormaning kimyoviy tarkibi sayqallashdan keyin juda kam o’zgaradi. 5. Un tortishning turlari. Un tortish deb donni qayta ishlab un olish texnologik operastiyalarining bir butunligiga aytiladi. Dondan qayta ishlab olinadigan un standart talablariga javob berishi va yuqori iste’molboplik xossalariga ega bo’lishi kerak. Unning navi va chiqishiga qo’yilgan talablarga qarab, texnologik operastiyalarning soni, ularning o’zaro aloqadorligi va ketma ketligi turlicha bo’lishi mumkin. Jaydari un ishlab chiqarishda asosiy e’tibor donni anatomik qismlarga ajratmasdan ma’lum yiriklikgacha maydalash asosiy vazifa qilib qo’yiladi. Texnikaning zamonaviy rivojlangan darajasida bu muammoni hal qilish qiyin emas. SHuning uchun yanchish jarayoni donni un holigacha jadal maydalaydigan bitta bosqichdan iborat bo’ladi. Navli un tortishda don endospermining kraxmalli qismi mayin qilib yanchiladi, qobiq, aleyron qatlam va murtak kepak ko’rinishida alohida ajratib olinadi. Donni maydalashga qaratilgan murakkab vazifa texnologik jarayonni murakkablashtirishni talab etadi. Bunda donni fiziko-kimyoviy, strukturalimexanik xossalariga asosan va donni sifatiga qarab maydalash mahsulotlarini ajratishni ta’minlaydigan qo’shimcha operastiyalarni kiritish zarurati hosil bo’ladi. 6. Un tortishning tasnifi. Umumiy qabul qilingan un tortishni tasniflanishi I.A Naumov tomonidan ishlab chiqilgan 10-rasm. Un tortishni tasniflanishining umumiy sxemasi asosida asosida donni maydalashning takrorlanishi, texnologik sxemada alohida bosqichlarning soni va un texnologiyasida alohida o’rinni egallagan boyitish jarayonining tuzilishini murakkablik darajasi turadi. Maydalash jarayonining takroriyligiga qarab un tortish bir marotabali va takroriyga bo’linadi. Bir marotabali un tortishda maydalash donni maydalovchi mashinadan bir marta o’tkazish bilan boradi, masalan, bolg’ali maydalagichdan bir marta o’tkazish orqali sodir bo’ladi. Bir marotabali un tortish faqat omuxta em sanoatida qo’llaniladi. Dondan un tortishning barcha turlari takroriy tortish tasnifiga kiradi, bunda maydalash operastiyalari bir necha bor takrorlanadi. Bunda un elaklarda ajratib olinadi, qolgan mahsulot esa mazkur tortishning vazifalarini amalga oshirguncha maydalanadi va saralanadi. Texnologik jarayonni tashkil qilinishiga qarab takroriy un tortish oddiy va murakkab turlarga bo’lish mumkin. Oddiy un tortishning sxemasi birta texnologik bosqichdan iborat bo’lib, bunda yirik zarrachalar maydalash operastiyasini uch yoki to’rtta sistemadan ketma - ket o’tadi. Oddiy un tortishga bug’doy va javdar donidan jaydari un tortish kiradi. Murakkab tortishga bug’doy va javdar donlaridan navli un tortish kiradi. Bu holda texnologik jarayonning farqli tomoni yormalarni boyitish jarayonlarini borligi va ularni rivojlanganligi shuning bilan birga silliqlash jarayonning mavjudligi hisoblanadi. Javdar donini qayta ishlashda bu ikki jarayon ishlatilmaydi. CHunki donni anatomik xususiyatlari yorma ko’rinishida toza endospermni olishga imkoniyati bermaydi. SHuning uchun javdar donidan navli un tortish (sidirma va elanma) murakkab takroriy un tortishning 1-guruxini tashkil qiladi. Bug’doy donini qayta ishlashda texnologik jarayonni qurilishi mazkur korxona uchun belgilangan un navlarining turidan bog’liq holda aniqlaniladi. Ikkinchi navli un ishlab chiqarishda tortish jarayonini soddalashtirish mumkin, boyitish jarayonini qiskartirish, yormalarning bir qisminigina boyitish bilan qayroqlash jarayonidan voz kechish mumkin. Bug’doy donidan ko’p navli un tortish yoki bir navli un tortish texnologik jarayonni murakkablashtirishni talab qiladi. Bunda asosiy vazifa qilib, endospermning kraxmalli qismini to’liq ajratib olish va boshqa anatomik qismlari kam bo’lgan unga aylantirish quyiladi. Bu xolda texnologik sxema, uning alohida bosqichlari, shuningdek boyitish va qayroqlash jarayonlari to’liq rivojlantiriladi. 7. Un tortishning umumiy sxemasi. Un tortish sxemasida qayroqlash jarayoni boyitish jarayoni bilan chambarchas bog’langan. Ularning organik birikishlarini yormalarni boyitish jarayonining butun bir qismi deb qarash mumkin. SHunday qilib, un tortishning tasniflanish sxemasi ularni tashkil qilishning aniq o’ziga xosliklarini, shuningdek ishlab chiqarilayotgan unlarning turlarini xisobga oladi. Unning sifatiga quyilgan talabning ortishi bilan nafaqat un tortishning sxemasi, balki donni un tortishga tayyorlash sxemasi ham murakkablashadi. rasm. Bugdoy va javdar donidan un tortishni tasniflanish sxemasi . 8. Tegirmonga keladigan donning sifat ko’rsatkichlari. Unning belgilangan chiqishi va sifatini ta’minlash uchun elevatordan tegirmonni donni tayyorlash bo’limiga yo’naltirilgan donga chegaralangan sifat ko’rsatkichlari belgilangan 12-jadval. Bunday sifat ko’rsatkichli donni un tortishga tayyorlash texnologik jarayoni ishlov berish natijasida donning tarkibida minimal miqdorda qolgan chiqindilar va texnologik xossalari yaxshilangan holda yanchishga yuborilishini ta’minlaydi. 12-jadval Tayyorlash bo’limiga yuboriladigan donning sifat me’yorlari. Ko’rsatkichlar Bug’doy Javdar Tritikali Namlik,% Iflos aralashmalar miqdori (ko’p emas),% shu jumladan : zararli mineral 11,5...12,5 2,0 0,2 0,3 5,0 25 12,5...14,5 2,0 0,2 0,3 4,0 _ 14,5 gacha 2,0 0,2 0,3 4,0 _ Un tortish 10Bir martali Takrorlanadigan Oddiy Murakkab Yormani boyitish jarayoni siz Q i s q ar t irilgan yorma boyitish jarayoni bilan Rivojlang an yorma boyitish jarayoni bilan Donli aralashmalar miqdori (ko’p emas),% Kleykovina miqdori(kam emas),% navli un tortishda jaydari un tortishda 20 - - Bunday sifat ko’rsatkichlari bilan qabul qilingan donlarni un tortishga tayyorlashda, don massasi tozalashni va suv bilan ishlov berishni talab qiladi. 5. Bug’doy va javdar donlarini oddiy un tortishga tayyorlashni texnologik jarayonlari. Oddiy un tortish jarayonida donni aleyron qatlami, murtagi va qobiqlari bilan birga yanchish natijasida jaydari un olinadi. Donni oddiy un tortishga tayyorlashni texnologik sxemasi asosida don elevatordan yig’uvchi bunkerlarga kelib tushadi. Bunkerlardan keyin don me’yorlagichlardan o’tib aralashtiruvchi shneklarga tushadi va avtomatik tarozida o’lchanadi. Texnologik sxema bo’yicha uchta asosiy jarayon bajariladi. Birinchi bosqichda don chiqindilardan tozalanadi va yuzasiga quruq ishlov beriladi. Ikkinchi bosqichda donga sovuq usulda gidrotermik ishlov beriladi. Uchinchi bosqichda takroriy donning yuzasiga ishlov beriladi va don oxirgi marta chiqindilardan tozalanadi. Dondan eni va qalinligi bilan farq qiladigan va engil chiqindilar separatorlarda (A1-BIS-12, A1-BLS-16 va boshqa separatorlarda) ajratib olinadi. Dondan uzunligi bilan farq qiladigan chiqindilar trierlarda (A9-UTK-6 va A9- UTO-6) ajratiladi. Dondan zichligi bilan farq qiladigan mineral aralashmalar tosh, shisha bo’laklari, nomagnit metallar toshtozalagich mashinasida (R3-BKT-9) dondan ajratib olinadi. Donni metal-magnitli aralashmalardan tozalash magnitli separatorlarda amalga oshiriladi. Donning yuzasiga quruq ishlov berish asosan qayroklovchi (A1-ZSHN- 3) yoki qamchinli mashinalarda (R3-BGO) bajariladi. Bunda dondan 1,5...3% gacha qobiq ajratib olinadi, hamda donning kuldorligi 0,03...0,04% gacha kamaytiriladi. Donga gidrotermik ishlov berish jarayoni bir bosqichda bajariladi. Bunda javdar donining namligi 14,5...15,0 % gacha, bug’doyning namligi 14,5...15,0 % gacha etkaziladi. 9. Javdar donini navli un tortishga tayyorlashning texnologik jarayoni. Javdar donidan navli un tortishning uchta turi mavjud: bir navli elanma uni; bir navli sidirma uni; ikki navli elanma va sidirma uni. Donni navli un tortishga tayyorlashning texnologik sxemasi asosida don elevatordan yig’uvchi bunkerlarga kelib tushadi. Bunkerlardan keyin don me’yorlagichlardan o’tib aralashtiruvchi shneklarga tushadi va avtomatik tarozida o’lchanadi. Texnologik sxema bo’yicha don chiqindilardan tozalanadi va yuzasiga quruq ishlov beriladi. Ikkinchi bosqichda don oxirgi marta chiqindilardan tozalanadi va sovuq usulda gidrotermik ishlov beriladi. Dondan eni va qalinligi bilan farq qiladigan va engil chiqindilar separatorlarda (A1-BIS-12, A1-BLS-16 va boshqa separatorlarda) ajratib olinadi. Dondan zichligi bilan farq qiladigan mineral aralashmalar tosh, shisha bo’laklari, nomagnit metallar toshtozalagich mashinasida (R3-BKT-9) dondan ajratib olinadi. Dondan uzunligi bilan farq qiladigan chiqindilar trierlarda (A9-UTK-6 va A9UTO-6) ajratiladi. Donni metal-magnitli aralashmalardan tozalash magnitli separatorlarda amalga oshiriladi. Donning yuzasiga quruq ishlov berish asosan silliqlovchi (A1-ZSHN-3) mashinalarida bajariladi. Bunda dondan 3,5...5,0% gacha qobiq ajratib olinadi. Donga gidrotermik ishlov berish jarayoni bir bosqichda bajariladi. Bunda javdar donining namligi 14,5...15,0 % gacha, bug’doyning namligi 14,5...15,0 % gacha etkaziladi va 4...8 soat davomida bunkerlarda namiqtiriladi. 10. Bug’doy donini navli un tortishga tayyorlashning texnologik jarayoni. Bug’doy donini navli un tortishga tayyorlash jarayoni elevatorda boshlanadi. Elevatorda don chiqindilardan A1-BIS-100 separatorida, keyin A1- BSF-50 separatorida tozalanadi va 15% gacha mayda don frakstiyasi ajratib olinadi. Tozalangan don tegirmonning tayyorlash bo’limiga yuboriladi. Donni navli un tortishga tayyorlashning texnologik sxemasi asosida don elevatordan yig’uvchi bunkerlarga ikki oqim bilan alohida (shaffofligi yoki kleykovinasi yuqori va past bo’lgan donlar) kelib tushadi. Bunkerlardan keyin don ikki oqimda me’yorlagichlardan o’tib aralashtiruvchi shneklarga tushadi va avtomatik tarozida o’lchanadi. Bunda don ikki oqimda alohida mashinalarda chiqindilardan tozalanadi. Dondan eni va qalinligi bilan farq qiladigan va engil chiqindilar separatorlarda (A1-BIS-12, A1-BLS-16) ajratib olinadi. Dondan zichligi bilan farq qiladigan mineral aralashmalar tosh, shisha bo’laklari, nomagnit metallar toshtozalagich mashinasida (R3-BKT-9) dondan ajratib olinadi. Dondan uzunligi bilan farq qiladigan chiqindilar trierlarda (A9-UTK-6 va A9UTO-6) ajratiladi. Donni metal-magnitli aralashmalardan tozalash magnitli separatorlarda amalga oshiriladi. Donning yuzasiga quruq ishlov berish asosan RZ-BGO yoki RZ-BMO-6 mashinalarida bajariladi. Bunda donning kuldorligi 0,03...0,04% gacha kamaytiriladi. Donga gidrotermik ishlov berish jarayoni uch bosqichda bajariladi. Donga asosan gidrotermik ishlov berish, ya’ni namlash A1-BSHU-1, A1BSHU-2, A1-BMSH, A1-BAZ, A1-BUZ mashinalarida bajariladi va 13- jadvaldagi ko’rsatkichlarga muvofiq bunkerlarda namiqtirish uch bosqichda donning shaffofligiga qarab amalga oshiriladi. 13-jadval Donning tipidan bog’liq holda gidrotermik ishlov berish rejimlari Do n Tip i Donni shaffofligiga qarab namiqtirish vakti, soat I yormalas h sistema- sidan oldin donni namlash Maydalashg a junatiladigan donning umumiy namligi, % shaffofligi, % Namlash miqdori % Namiktiri sh vaqti, minut 60 6 0 4 0 4 0 I II III IY 1 6 8-16 15-24 16-20 6-12 - 6-12 12-16 4-8 - 4-8 6-12 0,3-0,5 0,3-0,4 0,5-0,7 0,5-0,6 20-30 20-20 30-40 30-30 14,5...16.0 15,5...16,5 14,0...15,0 15,0...16,5 Donga birinchi marta gidrotermik ishlov berilgandan keyin oqimlar birlashtiriladi va ikkinchi marta gidrotermik ishlov berishga yuboriladi. Donga ikki marta gidrotermik ishlov berilgandan keyin donning yuzasiga yana bir marta RZBGO-8 yoki RZ-BMO-12 mashinalarida quruq ishlov beriladi. Keyin don magnit separatoridan o’tadi va R3-BEZ entoleytoriga yuboriladi. Entoleytorda don urilishi natijasida strukturasi o’zgaradi, ya’ni endospermda yoriqlar soni ko’payadi. Don engil chiqindilardan R3-BAB pnemvoseparatorida tozalanadi va birinchi yormalash sistemasidan oldin gidrotermik ishlov beriladi (0,5%gacha namlash, 20...30 minut namiqtirish). Donni un tortishga tayyorlash texnologik sxemasiga asosan tayyorlangan donning sifat ko’rsatkichlari maydalashdan oldin 14-jadvalda keltirilgan sifat ko’rsatkichlariga muvofiq bo’lishi shart. 11. Tegirmonning yanchish bo’limiga yuboriladigan donning sifat ko’rsatkichlari. Tegirmonning tayyorlov bo’limida donning sifat ko’rsatkichlari va texnologik xossalari yaxshilanishi shart. Bunga don massasini chiqindilardan tozalash, don yuzasiga urib tozalovchi mashinalarda ishlov berish, yuvish va gidrotermik ishlov berish natijasida erishiladi. Undan tashqari donning texnologik xossalarini eng yaxshi ko’rsatkichlarda uzoq vaqt davomida bir me’yorda bo’lishini ta’minlash zarurdir. Buning uchun gidrotermik ishlov berishning aniq ko’rsatkichlarini va un tortish uchun bug’doy aralashmasi tarkibini to’g’ri tanlash kerak. Yanchish bulimiga yuboriladigan donning sifat ko’rsatkichlari 14- jadvalda keltirilgan. 14-jadval I yormalash sistemasiga yuboriladigan donning sifat ko’rsatkichlari Ko’rsatkichlar Bug’doy doni uchun Javdar doni uchun Namlik, % Begona aralashmalar (shundan ko’p emas), % shu jumladan: zararli mineral Donli 15,0 - 16,5 0,4 0,05 ruxsat etilmaydi 13,5 - 15,0 0,4 0,05 ruxsat etilmaydi 4,0 aralashmalar (shundan ko’p emas),% Kleykovina miqdori (shundan kam emas),% navli un tortishda jaydari un tortishda 4,0 26 20 - - 12. CHiqindilarning tasnifi. Donlarni har xil uskunalar yordamida tozalanganda turli xil chiqindilar ajratib olinadi: separatorning g’alvirlaridagi qoldiq - yirik chiqindi; g’alviridan o’tgan mayda chiqindi; trierlardan uzun va kalta chiqindi; toshtozalagichdan mineral chiqindilar. Bundan tashqari aspirastion changlar, donni yuvganda hosil bo’ladigan chiqindilar va magnit separatorlarida ajratib olinadigan metal chiqindilar ajratib olinadi. CHiqindilar tarkibida yaroqli don miqdoriga qarab asosan besh toifaga bo’linadi: I - toifa - tarkibida yaroqli don miqdori 50 % dan yuqori; II - toifa - tarkibida yaroqli don miqdori 30...50 % gacha; III - toifa - tarkibida yaroqli don miqdori 10...30 % gacha; IV - toifa - tarkibida yaroqli don miqdori 2...10 % gacha; V - toifa - tarkibida yaroqli don miqdori 2 % dan kam. CHiqindilarning V - toifasidan tashqari barcha chiqindi omuxta em ishlab chiqarish sanoatida ishlatilmaydi. 13. CHiqindilarni nazorat qilish. Donni tayyorlash bo’limida olingan chiqindilar buratlarda, trierlarda, aspiratorlarda nazorat qilinadi va ularning tarkibidan maksimal miqdorda yaroqli donlar ajratib olinadi. Donni tozalash bo’limida olingan chiqindilar ikki oqimda nazorat qilishga yuboriladi. Birinchi separatordan olingan chiqindilar, hamda jaydari un tortishda birinchi urib tozalovchi mashinalardan olingan chiqindilar (III - kategoriyali) N1 buratga yuboriladi. N2 buratda donni oxirgi tozalovchi mashinalardan olingan chiqindilarga ishlov beriladi. N1 buratni 1,6 nomerli metal simli g’alviridan o’tgan elanma mayda mineral changlar va qumlar, qisman organik bo’lakchalar alohida sig’imga yuboriladi. N2 buratning birinchi 1,6 nomerli metal simli g’alviridan o’tgan elanma organik bo’lakchalardan tashkil topgan, ularni III kategoriyali chiqindilarga yuboriladi. Ikkala buratdagi N5 g’alvirdan o’tgan elanma ham ozuqa ishlab chiqarish uchun qo’llaniladi, chunki tarkibida maydalangan donlar va ifloslantiruvchi aralashmalarning urug’lari bo’ladi. N5 g’alvirning qoldig’i bilan olingan don tarkibidan engil aralashmalar havo separatorida ajratib olingandan keyin umumiy don oqimiga qaytarib yuboriladi. Trierlarda dondan ajratib olingan kukol alohida bunkerga yuboriladi va keyin yo’q qilinishi shart. Uzunligi bo’yicha farq qiladigan uzun chiqindilar (suli, yovvoyi suli, arpa) II-III kategoriyali chiqindilarga yuboriladi. Hamma I-IV kategoriyali chiqindilar bolg’ali maydalagichda maydalanadi, chunki ifloslantiruvchi chiqindilarning urug’lari, ayniqsa yovvoyi sulining urug’i hayvonlarning hazm qilish organlaridan o’tgandan keyin ham unib chiqish xususiyatini saqlab qoladi. Hamma chiqindilar avtomatik tarozida o’lchanadi. Adabiyotlar 1. Vasiyev M.G., Dodaev.Q, Isabaev I, Sapaeva Z, Gulyamova Z “Oziq-ovqat texnologiyasi asoslari”. Darslik. Voris nashryoti. Toshkent – 2012y – 400b. 2. Adizov R.T., G’affarov A.X., Xusenov S.Yu. “Donni tozalash va maydalash texnologiyasi”. O’quv qo’llanma. – T.: “TURON-IQBOL” nashriyoti,2006. -184b. 3. В.А.Бутковский "Мукомолное производство". M., ВO "Агропромиздат".1991г. 4. В.А.Бутковский, Мелников Е.М. "Технология мукомолного и крупяного и комбикормового производства". M., " Агропромиздат ", 1999г. 5.Г.А. Егоров "Технология муки, крупы и комбикормов". M., издателство "MГУПП" 1999г. 6.Тursunxodjaev P. "Un va yorma texnologiyasi" T., TKTI 2006 y.

Похожие

Don va don maxsulotlarini maydalash jarayoni. Maydalangan mahsulotlarni yirikli bo’yicha ajratish
Buq’doy va javdar donlaridan un tortish jarayonlarining texnologik chizmalari. Makaron mahsulotlari uchun un tortishning o’ziga hosligi
Donlarning qobig’ini ajratishning texnologik chizmalari. Qobiq ajratishda hosil bo’lgan mahsulotlarni saralash
Yorma texnologiyasi
Un tayyorlash texnologiyasi