Иссиклик аппаратлари - Пищевая технология - Рефераты

Иссиклик аппаратлари

Загружено в:

20.09.2019

Скачано:

0

Размер:

2045.5 KB

Иссиқлик аппаратлари Бланширлаш аппаратлари Бу бланширлаш қурилмалари хом ашёни бланширлаш учун ишлатилади. Уларнинг бир неча турлари мавжуд (66, 67-расмлар). БК маркали бланширлаш қурилмаси ҳам буғда ҳам сувда бланширлаш учун қўлланилади. Бунда мева-сабзавотлар ўзининг хусусиятларини сақлаб қолади. Бу қурилма ванна ва лентали транспортёрдан иборат.лентали транспортёр 2та занжирдан ташкил топган бўлиб, уларга шарнирли қилиб чўмичлар қистирилади. Қурилманинг унумдорлиги 500-8000 кг/соатгача; электродвигатель қуввати 1,7 кВт; ўқнинг айланиш тезлиги 140 рад/с.

66-расм. БК маркали чўмичли бланширлаш қурилмаси. 1-узатма; 2-туннел; 3-чўмичли транспортёр; 4-каркас; 5-буғ кирадиган қувур; 6-сув кирадиган қувур. 67 -расм. Скребкали-лентали бланширлаш қурилмаси. 1-маҳсулот кирадиган жой; 2-лентали транспортёр; 3-тўкувчи қувур; 4- очилувчан қопқоқ; 5-маҳсулот чиқадиган жой; 6-редуктор; 7- электродвигатель; 8-ванна; 9-ваннани чўкмадан тозалаш учун эшик. ПИШИРИШ ҚОЗОНИ

Мева ва сабзавотларни иссиқлик ишлови билан бериш жараёнларидан бири пиширишдир. Пишириш жараёни пишириш қозонларида олиб борилади (68-расм). Жиҳознинг ишлаши пишириш камерасидаги термометр, моновакуумметр, манометр ва буғ камерасининг ҳимоя қилувчи клапани ёрдамида назорат қилинади. 68-расм. МЗ-2С-244б маркали пишириш қозони. 1-таянч; 2-цапфа; 3-буғ қобиғи; 4-корпус; 5-аралаштиргич.

Атмосфера босими остида пишириш эса икки деворли пишириш қозонларида бажарилади. Мураббо пишириш учун ҳажми 12 литр бўлган ағдариладиган 6- А маркали ёки ағдарилмайдиган ҳажми 60 литрли 5-А маркали икки деворли қозонлар ишлатилади. 150 литрга мўлжалланган аралаштиргичли ёки аралаштиргичсиз зангламайдиган пўлатдан тайёрланган икки деворли пишириш қозонлари ҳам бор. Маринад эритмаси тайёрлаш учун 100-250 литрга мўлжалланган KO -63, KO -250 маркали эмалланган пишириш қозонларидан фойдаланилади (69-расм). 69-расм. Икки деворли пишириш қозони схемаси. Буғ икки деворли пишириш қозонларда қозон девори ва буғ қобиғи орасидаги оралиққа юборилади. Маҳсулотнинг бундай қиздирилиши қозон деворларига маҳсулотни ёпишиб куйишининг олди олинади. Буғ

бўшлиғидаги конденсат ва ҳаво буғ қобиққа ўрнатилган кран орқали чиқарилади. Бу қозонлар манометр ва ҳимояловчи клапан билан жиҳозланган. ИСИТИШ АППАРАТЛАРИ Озиқ-овқат саноатида маҳсулотларни иссиқлик таъсирида қайта ишлаш жараёнидан кенг фойдаланилади. Бу нарса қуйидаги мақсадларда олиб борилади; 1) жараён ҳароратини берилган даражада ушлаб туриш; 2) совуқ маҳсулотни иситиш ёки иссиқ маҳсулотни совитиш; 3) эритмаларни қуюлтириш; 4) буғларни конденсациялаш ва бошқалар. Бу жараёнлар алоҳида олинган иссиқлик алмашиниш аппаратла рида ёки технологик аппаратнинг ўзида амалга оширилади. Иссиқлик алмашиниш қурилмалари умуман олганда иккига бў линади: иссиқлик алмашиниш аппаратларининг ўзи ва реакторлар. Иссиқлик алмашиниш аппаратларида иссиқлик алмашиниш жараёни асосий жараён ҳисобланади. Реакторларда эса физик-кимёвий жараёнлар асосий ҳисобланиб, иссиқлик алмашиниш эса ёрдамчи жараёндир. Иссиқлик бериш усулларига кўра, иссиқлик алмашиниш аппарат лари қуйидагиларга бўлинади: 1) сиртий иссиқлик алмашиниш ап паратлари, буларда иссиқлик бир муҳитдан иккинчи муҳитга ажратиб турувчи сирт (юза) орқали ўтади; 2) аралаштирувчи иссиқлик алмаши ниш аппаратлари, буларда иш муҳитлар бевосита ўзаро аралашади. Саноатнинг барча тармоқларида суюқлик ва газларни иситиш ва совитиш учун сиртий иссиқлик алмашиниш аппаратлари кенг иш латилади. Конструктив тузилишга кўра, сиртий иссиқлик алмашиниш аппаратлари трубали, змеевикли, пластинали, спиралсимон, қиррали, ғилофли ва махсус иссиқлик алмашиниш аппаратларига бўлинади. Иссиқлик алмашиниш аппаратлари ишлатилишига ва иссиқлик алмашинишининг турига кўра, иситкичлар,буғлаткичлар,совиткичлар ва конденсаторларга бўлинади. Иш муҳитининг турига кўра, газ, б уғ-газ, газ-суюқлик, буғ-суюқлик, суюқлик иссиқлик алмашиниш аппаратлари бўдади. Буғлатиш процесси озиқ-овқат саноатида кенг ишлати лад и . Бу жараёндан эритмаларни қуюлтириш ва эритмалардан эри ган ҳолдаги моддаларни ажратиб олишдан ташқари, тоза эритувчилар олиш, совуқ ҳосил қилиш

техникаси ва бошқа мақсадларда фойдала нилади. Буғлатиш жараёни ҳар хил буғлаткичларда олиб борилади. Буғлатиш аппаратлари иситувчи трубаларнинг жойлашуви, кор пусларнинг сони, иссиқлик ташувчи агентларнинг йўналиши ҳамда циркуляция турига ва режимига кўра бир неча турларга ажратилади: 1. Иситиш камерасининг конструкциясига биноан; буғ рубашкали, змеевикли ва ҳар хил трубаларнинг юзасидан иборат бўлади. 2. Иситиш юзасининг жойлашувига нисбатан вертикал, горизон тал, қия бурчак остида. 3. Иситувчи агентнинг турига кўра: буғ билан иситиш, газ билан иситиш, юқори ҳароратли иситувчи агент ёрдамида иситиш (ёғ, даутерп, босим остидаги дистилланган сув билан), электр билан иси тиш. Буғлатиш аппаратларининг иситиш камераларидаги трубалар кўпинча сув буғи билан иситилади. Иситувчи буғ иситиш камераси даги трубанинг ичига ва трубалар орасидаги бўшлиққа берилади. 4. Циркуляция режими ва характерига кўра: табиий, мажбурий ҳамда бир ва кўп каррали циркуляцияли буғлаткичлар. Циркуляция трубалари буғлатиш аппаратларида иситиш камерасида ва ундан таш қарида жойлашиши мумкин. 5. Корпуслар сонига нисбатан бир ва кўп корпусли. Буғлатиш аппаратлари вакуум ва атмосфера босими остида иш лайди. Иситувчи агент буғланаётган эритмага нисбатан тўғри, қарама- қарши ва параллел йўналишда бўлади. Эритмалар буғлатиш аппарат ларида даврий ва узлуксиз равишда буғлатилади. Трубали иссиқлик алмашиниш аппаратлари Кожух-трубали иссиқлик алмаши ниш аппаратлари (кожух ичига олин ган трубали аппарат, қисқача кожух-трубали аппарат). Бу типдаги аппа ратлар жуда кенг тарқалган. Бундай иситкичлар қобиқ (кожух) ичига жой лашган трубалар тўпламидан иборат бўлиб, (трубаларнинг учлари тўрларга маҳкамланган бўлади (70-расм). Ап паратнинг юқориги ва пастки қисмла ридаги қопқоқ фланец ёрдамида труба тўрига бириктирилади. Юқориги ва пастки қопқоқларга иситилаётган ёки совитилаётган агентларни бериш учун штуцер мўлжалланган. Трубалар тўр ларга развальцовка, пайвандлаш, кав шарлаш ва сальниклар ёрдамида бириктири л иши мумкин. Иссиқлик ташувчи агентнинг би ринчиси трубаларнинг ичидан, иккинчиси эса трубалар ва аппаратнинг ички девори оралиғидаги бўшлиқдан ҳаракат қилади.

70- расм, Бир йўлли кожух-трубал и иссиқлик алмашиш аппарати:1-қоби қ; 2-труба тўрлари; 3-т рубалар; 4-қопқоқ; 5,6 -иссиқлик агент лари кирадига н ва чнқадиган штуцерлар; 7 -болт; 8 - қистирма. 70 -расмда бир йў лли кожух-трубали иссиқлик алмашиниш аппарати кўрсатилган. Бунда иситилувчи газ ёки суюқлик қопқоқдаги патрубка орқали битта трубадан кириб, ўша трубадан чиқиб кетади. Кўпинча, бу типдаги иситкичларда иситилаётган ва иссиқ лик бераётган муҳитлар бир- бирига қарама-қарши йўналишда ҳаракат қилади. Иситувчи агент доим иситкичнинг юқориги қисмидан ва исити лаётган муҳит эса аппаратнинг пастки қисмидан трубалар ичига бе рилади. Бу муҳитларнинг йўналиши иситкичдаги йўналишга мос келади, чунки иситилаётган вақтда ҳарорат ортиши ва камайиши билан уларнинг зичликлари ўзгаради. Масалан, буғ ўз иссиқлигини бериб совиши натижасида унинг зичлиги ошиб, пастга қараб ҳаракат қилади. Бундан ташқари, муҳитларнинг бу йўналишида уларнинг тез ликлари бир хил тақсимланиб, аппаратнинг кўндаланг кесимида иссиқлик алмашиниш ўзгармас бўлади. Агар муҳитларнинг йўналиши аксинча бўлса, яъни иситувчи агент аппаратнинг пастки қисмидан трубалар ва қобиқ оралиғидаги бўш лиққа ва иситилаётган муҳит иситкичнинг юқориги қисмидаги тру баларга берилса, у ҳолда буғ иссиқлигини бериб совиши натижасида унинг зичлиги ошиб юқорига кўтарилмайди. Натижада пастки труба лар билан қобиқ орасидаги бўшлиқда конденсат тўпланиб, буғнинг бу бўшлиқ орасидан ўтиши қийинлашади ва иссиқлик алмашиниш жараён ининг тезлиги камаяди. Бу иситкичларда суюқликларнинг сарфи кам бўлганда уларнинг трубалардаги тезлиги кичик бўлиб, натижада иссиқлик алмашиниш

коэффициенти ҳам кам бўлади. Иссиқлик ташувчи агентларнинг тез лигини ошириш учун кўп йўлли иситкичлар ишлатилади. Кўп йўлли иситкичларда трубаларни секцияларга бўлиш учун ёки муҳитнинг ҳаракат йўлининг сонига қараб, иситкичнинг қопқоғи билан труба тўрининг орасига кўндаланг тўсиқлар ўрнатилади (71- расм). Бунда ҳар бир секциядаги трубаларнинг сони бир хил бўлиши керак. Кўп йўлли иситкичларда бир йўналишли иситкичларга нисбатан муҳитларнинг тезлиги йўлларнинг сонига қараб пропорционал ўз гаради. 71 -расм. Кўп йўлли кожух-трубали иситкичлар: а) икки й ўлли; б) тўрт йўлл и . I — II — иссиқлик ташувчи агентлар; 1- қопқоқ; 2- кўндаланг тўсиқлар. Озиқ-овқат саноатининг барча тармоқларида 4—6 йўлли иситкичлар ишлатилади. Чунки йўлларнинг сони ортиши билан иситкичнинг гидравлик қаршилиги ортиб, иссиқлик алмашиниш аппар атининг конструкцияси мураккаблашади. Б и р йўлли ва к ўп йўлли кожух-трубали иситкичлар вертикал ва горизонтал ҳолатда бўлади. Вертикал иссиқлик алмашиниш аппаратларини ишлатиш қулай, уларнингтузилиши содда ва кам жойни эгаллайди. Горизонтал иссиқлик алмашиниш аппаратлари кўпинча кўп йўлли қилиб тайёрланади.

Кожух-трубали иситкичларда қобиқ билан трубалар орасидаги ҳароратларнинг фарқига қараб труба ва қобиқнинг узайиши ҳар хил бўлади. Шунинг учун кожух-трубали иситкичлар конструкция сига кўра икки хил бўлади: 1) қўзғалмас тўрли иситкичлар; 2) компен сацияловчи қурилмали иситкичлар (бундай аппаратларда трубалар нинг турли даражада узайишига имкон бор). Қўзғалмас тўрли иситкичларда иссиқлик таъсирида трубалар ва қобиқ ҳар хил узаяди, шу сабабли бундай иситкичлар трубалар ва қобиқ ўртасидаги ҳароратлар фарқи катта бўлмаганда (50°С гача) ишлатилади. Ҳароратлар фарқи 50°Сдан катта бўлганда трубалар ва қобиқ нинг ҳар хил узайишини йўқотиш учун линзали компенсатор , ҳаракатчан труба тўрли ва U - симон трубали алмашиниш аппаратлари ишлатилади. U- симон кожух-трубали иситкичларда иссиқлик таъсирида труба ларнинг узайишидаги компенсацияни труба қурилмаларининг ўзи бажаради. Шунинг учун уларнинг конструкцияси содда бўлиб, труба лар тўплами битта қўзғалмас тўрга ўрнатилади. Бу иситкичларда тру баларнинг ички юзасини тозалаш қийин ва трубаларни тўрга жойлаш тириш жуда мураккабдир. Кожух-трубали иситкичларда трубалар тўрга уч хил усул билан жойлаштирилади; а) тўғри олтибурчаклик қирралари бўйлаб; б) кон центрик айланалар бўйича; в) квадратнинг томонлари бўйлаб. Кўпинча кожух-трубали иситкичларда трубалар тўғри олтибурчаклик қирралари бўйлаб жойлаштирилади, чунки бунда трубалар ихчам жойлашиб, уларнинг сони кўпроқ бўлади. Айрим вақтларда трубаларнинг юзасини тозалаш осон бўлишини назарда тутиб трубалар тўрга квадрат томонлари бўйлаб жойлаштирилади. Кожух-трубали иситкичлар қуййдаги афзалликларга эга: ихчам, металл кам сарф қилинади, иссиқлик алмашиниш юзаси катта, труба ларнинг ичини тозалаш осон. Бу аппаратлар камчиликлардан ҳам ҳоли эмас: иссиқлик ташувчи ларни катта тезлик билан ўтказиш қийин, трубаларнинг ташқариси даги бўшлиқни тозалаш ва тузатиш имкони кам. Элементли иссиқлик алмашиниш аппаратлари. Бу иситкичлар кет- ма-кет уланган бир нечатруба элементларининг секциясидан иборат (72-расм). Иситкичнинг битта секциясида трубаларнинг сони 4—140 та бўлиши мумкин. Элементларнинг бир нечтаси биргаликда (уларда трубаларнинг сони кам бўлганда) худди кўп йўлли кожух-трубали иссиқлик алмашиниш аппаратларига ўхшаб ишлайди. Бу иситиш ап паратлари иссшушк ташувчи агентларнинг тезликлари бир хил катта ликда ва иш муҳитларининг босими юқори бўлганда ҳам самарали ишлайди.

72 - расм. Элементли иссиқлик алмашнниш аппарати: 1 — қобиқ; 2 —икки қаторли трубкалар. Элементли иссиқлик алмашиниш қурилмаларида тўси қ лар бўлма г ани учун гидравлик қаршилик кам бўлади. Натижада труба орала рида ифлосланган қатламнинг ҳосил бўлиши ҳам камаяди. Аммо кўп йўлли кожух-трубали иситиш аппаратларига нисбатан бу иситиш қурилмаларида элементларнинг сони ортиши билан фланец бирикмалар и, компенсатор ҳамда труба тўрларининг сони ортади, натижада аппаратнинг қиймати ҳам ортиб кетади. Элементли иссиқлик алма шиниш аппаратидаги битта секциянинг иссиқлик алма шиниш юзаси 0,75. . .30 м 2 га тенг. «Труба ичида труба» типи даги иссиқлик алмашиниш аппа ратлари. Бундай иситкичлар бир неча элементлардан ту зилган. Ҳар бир элемент кат та диаметрли ташқи труба ва концентрик ҳолда жойлаш ган ички трубадан иборат ( 73 -расм). Ички трубадан иситилаётган муҳит ҳаракат қилса, трубалараро бўшлиқд ан эса совитилаётган агент ҳаракат қилади.

73 -расм . «Труба ичида труба» типидаги ис сиқлик алмашиниш аппарати : 1- II иссиқлик ташувчи агентлар; 1 - ички тру ба; 2 - ташқи труба; 3 - калач; 4 - бирлаштирувчи пат рубка. Ички трубанинг ва трубалараро бўшлиқнинг кўндаланг кесимла ри кичик бўлганлиги сабабли кичик сарфларда ҳам иссиқлик ташувчи агентларни катта тезликлар билан ўтказиш мумкин. Шунинг учун бу иситкичларда юқори кўрсаткичли иссиқлик ўтказиш коэффициентига эришиш мумкин ва аппаратнинг масса бирлигига тўғри келадиган иссиқлик миқдори кожух- трубали иситкичларга нисбатан юқори бў лади. Бундан ташқари, иссиқлик ташувчи агентларнинг тезлиги кат та бўлгани учун, трубаларнинг юзасида ҳар хил ифлосликлар ҳосил бўлмайди. Бу типдаги иситкичлар юқори босимда ва иссиқлик ташувчи агент ларнинг сарфланиш миқдори кам бўлганда ҳам ишлайди. Уларнинг афзаллиги:

иссиқлик ташувчи агентлар катта тезликка эга бўлганли ги учун иссиқлик ўтказиш коэффициентининг қиймати ҳам катта, ап паратни тайёрлаш осон. Камчиликлари ўлчамлари катта, иссиқлик алмашинишда қатнаш майдиган ташқи трубаларга кўп металл сарфланганлиги учун аппа ратнинг қиймати катта, трубалар ўртасидаги бўшлиқни тозалаш қийин. Змеевикли и ссиқлик алмашиниш аппаратлари Бундай иситкичларда 15. . .20 мм ли трубалардан тайёрланган спиралсимон змеевиклар суюқлик билан тўлдирилган идишга ўрнати лади ( 74 -расм,а). Змеевик трубаларидан газ ёки буғ ҳаракатланади.74 - расм. Змеевикли иситкич: а) битта спиралсимон трубали; б ) бир неча спиралсимон трубали; в) тўғри трубали. а – аппаратнинг ташқи кўриниши; б – маҳкамлаш схемаси; 1- трубалар; 2 -резервуар.

Суюқлик билан тўддирилган идишнинг ҳажми катта бўлгани ва идиш ичидаги суюқликнинг тезлиги жуда ки чик бўлгани учун змеевик нинг ташқи девори томондаги буғ билан суюқлик орасидаги иссиқлик бериш коэффициенти ҳам кичик қийматга эга бўлади. Аппаратнинг ҳажмини камайтириш ва суюқликнинг тезлигини ошириш учун унинг ичига стаканга ўхшаш идиш туширилади. Бундай иссиқлик алмашиниш қурилмаларида змеевиклар тўғри трубалардан тайёрланиб, калачлар ёрдамида бирлаштирилади (74- расм, в). | Агар иссиқлик ташувчининг миқдори катта бўлса, бир неча парал лел секциялардан иборат бўлган змеевиклар ўрнатилади (74-расм.б) Секциялар бундай параллел уланганда муҳитнинг тезлиги ва ҳаракат йўли камайиши натижасида қурилманинг гидравлик қаршилкги ҳам кам бўлади. Бу иситкичларда трубалараро иссиқлик алмашиниш нинг интенсивлиги кам, чунки иссиқлик змеевик трубаларидан идиш даги иситилаётган суюқликка эркин конвекция орқали ўтади. Шу нинг учун бу иситкичлар кам миқдордаги суюқликларни иси тиш учун ишлатилади. Змеевикли иссиқлик алмашиниш қурилмаларининг конструкцияси содда ва арзон бўлганлиги учун улар саноатда кенг қўлланилади. Бу иситкичларни тозалаш, тузатиш осон ҳамда улар юқори босимда химиявий актив муҳитларни иситиш учун ҳам ишлатилади. Зм ее ви к тр уб ал ар ид а ҳа ра ка тл ан аё тг ан бу ғн ин г бо си м и 0,2.. 0,5 МПа гача бўлганда змеевик узунлигининг труба диаметрига нисбати 200 - 245 бўлиши керак. Агар бу нисбатнинг миқдори катта бўлса, буғ конденсати змеевик трубаларнинг пастки қисмида йиғилиб, иссиқлик алмашиниш тезлиги камаяди ва гидравлик қаршиликлар ортиб кетади. Афзаллиги: тайёрлаш осон, иссиқлик алмашиниш юза сини узатиш ва тузатиш осон, идишдаги суюқликнинг ҳажми катта бўлганлиги сабабли режимнинг ўзгаришларига унча сезгир эмас. Камчиликлари: ўлчами катта, идишдаги суюқликнинг тезлиги кам бўлганлиги учун змеевикнинг ташқарисидаги иссиқлик бериш коэф фициенти кичик, трубаларнинг ички юзасини тозалаш қийин.

75 - расм. Ювилиб турувчи иссиқлик алмашиниш аппарати: 1- сувн и сочиб берувчи тарнов; 2 - калач; 3 - трубалар; 4 - сув йиғгич. Ювилиб турувчи иссиқлик алмашиниш аппаратлари ҳам змеевик ли аппаратлар қаторига киради. Бундай иситкичлар ташқи томони дан сугоқ ҳолдаги иссиқлик ташувчи (одатда сув) билан ювилиб турув чи змеевиклардан иборат (75-расм). Пуркаб берувчи тарнов орқали сув юқориги трубага берилиб, ундан кейин пастки трубага тушади. Кетма-кет ҳамма трубалардан ўтгач, сув совиткичнинг тагида жойлашган йиғгичга тушади. Одатда бундай совиткичлар очиқ ҳавода жойлаштирилган бўлади. Афзалликлари: совитувчи сувнинг сарфи кам, тузилиши содда ва арзон, трубаларни тозалаш осон. Пластинали ва спиралсимон иссиқлик алмашиниш аппаратлари Пластинали иссиқлик алмашиниш аппаратлари юпқа металл лист лардан тайёрланган бир неча қатор параллел пластиналардан тузил ган бўлади ( 76 - расм). Пластиналар ўртасидаги каналлар икки группага бўлинади: биринчи группа каналлардан иссиқлик ташувчи агент ҳаракат қилса, иккинчи группа каналлардан эса иссиқлик қабул қилувчи агент ҳаракат қилади. Бундай

иссиқлик алмашиниш аппа ратлари жуда ихчам бўлиб, иккала иссиқлик ташувчиларни катта тезлик билан ўтказиш имкониятига ва юқори иссиқлик ўтказиш коэф фициентига эга. Бироқ, бундай аппаратлар катта босимларга бардош бера олмайди, иситкични ремонт қилгандан кейин пластиналар ора сидаги тегишли зичликни яна ҳосил қилиш қийин. 76 -расм. Пластинали иссиқлик алмашиниш аппарати: в) иситкич схемаси; б) иситкич пластинасининг тузил и ши: 1- жуфт плас ти н алар; 2 - тоқ плас тиналар; 3, 4 - иссиқлик ташувчи агентларнинг к и риш ва чиқиш штуцерлари ( 1 суюқлик учун); 5, 6 - штуцерлар ( II суюқлик учун); 7 - қўзғалмас плита; 8 - ҳаракатланувчи п лита; 9 -т ор тиш винти. 1 , 4- қистирма; 2, 3- суюқлик тешиклари (I суюқлик учун); 5 , 6- тешиклар (II суюқлик учун); Бундай аппаратлар асосан атмосфера босимида газлар ўртасида иссиқлик алмашиш учун хизмат қилади (масалан, ҳавони тутун газ лари билан иситиш учун ишлатилади). Спиралсимон иссиқлик алмашиниш аппаратлари тўғри тўртбурчак лик кесимига эга бўлган иккита каналлардан иборат (77-расм). Каналлар юпқа металл пластиналардан тузилган бўлиб, улар иссиқ лик алмашиниш юзаси вазифасини бажаради. Спиралларнинг ички томонидаги учлари ажратувчи тўсиқ орқали бириктирилган. Каналлар системаси қопқоқ ёрдамида беркитилган.

77 -расм. Спиралсимон иссиқлик алмашиниш аппарати: 1, 2 - металл листлар; 3 - пластина тўсиқлар; 4 - қопқоқ; 5 - фланец; 6 - қистирма; 7 - ора лиқ йўл; 4 — суюқликнинг кириш ва чиқиш штуцери. Горизонтал спиралсимон аппаратлар иккита суюқлик ўртасида иссиқлик ўтказиш учун хизмат қилади. Вертикал спиралсимон аппаратлар эса конденсацияланаётган буғ ва суюқлик орасида иссиқлик алмашиниши амалга ошириш учун ишлатилади., Афзалликлари: тузилиши ихчам, иккала иссиқлик ташувчи агент ни катта тезлик билан ўтказиш мумкинлиги учун катта иссиқлик ўтказиш коэффициентига эга гидравлик каршилиги кўп йўлли кожух- трубали аппаратларникига қараганда кам. Камчиликлари: тайёрлаш ва ремонт қилиш мураккаб, 0,6 МПа дан ортиқ босим билан ишлаш мумкин эмас. Бир вақтнинг ўзида пульпа ёки пюре, суюқликларни иситиш ҳамда ҳавосини чиқариб юбориш учун деаэратор-пастеризатордан фойдаланилади (78-расм).

78- расм. Деаэратор-пастеризатор ДПУ. 1 – вакуум плёнкали деаэратор; 2 –пластинали пастеризатор; 3 – бойлер; 4 – тенглаштирувчи бак; 5- ушлагич; 6 – майдонча; 7 – вакуум-насос; 8 – шарбатни узатиш учун насос; 9 – пастеризация секциясига иссиқ сувни узатиш учун насос. Иссиқлик алмашиниш аппаратларини конструктив ҳисоблаш

Конструктив ҳисоблашнинг умумий мақсади иссиқлик алмашиниш аппаратининг асосий ўлчамларини топишдан иборат. Бунда қуйида гилар аниқланади: аппарат трубали қисмининг ўлчамлари, трубаларнинг сони, тўрда трубаларнинг жойлашуви, аппаратнинг диаметри, аппаратнинг баландлиги, патрубкаларнинг диаметри. 1. Аппарат трубали қисмининг ўлчамларини аниқлаш. а) Битта йўлдаги трубаларнинг кўндаланг кесимини топамиз:   G fт ; бу ерда G - суюқликнинг сарфи, кг/с;  - суюқликнинг зичлиг и кг/м 3 ;  - су юқликнинг тезлиги, м/с. б) Битта йўлдаги трубаларнинг сони: 2 785,0 и т d f n   ; d и - трубанинг ички диаметри, м. в) Ҳамма йўллардаги трубаларнинг узунлиги: n d F L х    ; бу ерда F - иситкичнинг иситиш юзаси, м 2 , d х - трубаларнинг ҳисобий диа метри, м; d х нинг қиймати  1 ва  2 нинг нисбатларига бо ғли қ. Агар  1   2 бўл са d х = 0,5 ( d и + d т ). Агар  1   2 бўлса d х = d и , агар  1   2 бўлса d х = d т . г) Йўллар сони: l L z ; бу ерда l - трубаларнинг қабул қилинган узунлиги ( l = 1 ... 3 м). Т ў р д а ж о й л а ш г а н т р у б а л а р н и н г у м у м и й с о н и : n z n   2. Трубаларнинг тўрда жойлашуви. Трубалар тўрга кўпинча тўғри бурчакли олтибурчакликнинг томонлари бўйлаб жойлаштирилади. Тўрд аги трубаларнинг сони қуйидагича аниқланилади: 1 )1 ( 4 3 1 )1 ( 3 2         b a a n ;

a – катта олтибурчакликнинг битта томонида жойлашган трубалар сони; b =2a – 1 - катта олтибурчакликнинг диагнали бўйлаб жойлашган трубалар сони. 3. Аппаратнинг ички диаметрини аниқлаш. Иссиқлик алмашиниш аппаратини характерлайдиган асосий катталиклардан бири унинг ич ки диаметридир. Масалан, кожух-трубали иссиқлик алмашиниш аппа ратининг ички диаметри қуйидаги тенглама орқали топилади:тd b S D 4 )1 (     ; 4. Аппаратнинг тўла баландлигини топиш. Иссиқлик алмашиниш а ппаратининг баландлиги (ёки узунлиги) қуйидаги тенглама билан то пилади: h l H 2 2     ; бу ерда l – трубаларнинг узунлиги;  - тўрнинг қалинлиги; h – камеранинг баландлиги, м. 5. Патрубкаларнинг ички диаметри берилган муҳитнинг сарфига ва ҳаракат тезлигига қараб аниқланади:    c n V D 4 ; бу ерда V с — муҳ и тнинг сарфла н иш ми қ дори, м 3 /с;  - му ҳ итнинг ҳаракат тез лиги, м/с. Ҳисоблаш учун қуйидаги тезлик қийматларидан фойдаланиш мум кин: суюқликлар учун  = 1... 3 м/с; газлар учун  = 9. . .25 м/с; тўйинган сув буғи учун  = 20... 30 м/с; қиздирилган сув буғи учун  = 30...50 м/с. Змеевикли иссиқлик алмашиниш аппаратларини конструктив ҳисоблашдан мақсад трубаларнинг умумий узунлигини, ўрамларнинг сонини ва змеевикнинг баландлигини аниқлашдир. БУҒЛАТИШ АППАРАТЛАРИ Бу аппаратлар мева пюрелари, мураббо, джем, повидло, қуюлтирилган томат маҳсулотлари, қуюлтрилган мева ва сабзавот концентратлари ишлаб чиқаришда кенг фойдаланилади. Унинг бир неча турлари мавжуд. Буғлатиш чанлари. Томат-пюре очиқ буғлатиш чанларида пиширилади. Уларга маҳсулотни иситиш учун мис змеевиклар ўрнатилган.

Буғлатиш чанларига хизмат кўрсатиш коммуникациялари қуйидаги қувурлардан иборат (79-расм): юклаш 7; тушириш 11, буғ 3; сув 4 (змеевикка сув бериш учун); конденсат 10 (змеевикдан конденсат ва совутиш сувини чиқариб юбориш учун, конденсат кетказиш қувури олдида айланма қувур бўлиб у конденсат кетказиш қувурини ўчириш имконини беради); сув 9; канализация 1 қувурлари. Чан юк тушириш ва канализация қувурлар и билан умумий патрубок ёрдамида уч йўналишли кран орқали уланади. Чанга томат массаси қуйиб туриш ва массани чандаги сатҳини доимий баландликда ушлаб туриш жараёнини автоматлаштириш учун юклаш қ у вурига иккиламчи прибор ва регулятор 6 орқали бажарувчи механизм 8-га таъсир этувчи датчик 2 ўрнатилади. Чандан томат-пюре тушуриб олингандан сўнг унинг ичкариси сув билан ювилади. Ювишдан илгари томат қолдиқлари чайилиб йўқотиш камайиши учун янги партия пульпага қўшиб юборилади. Змеевикларда нагар бор- йўқлиги текши-рилади. Нагар клетчатка, бошқа полиса-харидлар ва оқсил куйиндиларидан иборат бўлади. Нагар иссиқлик узатишни кескин ёмонлайди, кулга айланган зарралар маҳсулотга қўшилиб унинг ранг ва таъмини кескин ёмон қилади. Змеевиклар устидаги нагар унинг устига иссиқ 30-40%-ли каустик сода эритмаси юбориш йўли билан кеткизилади, кейин чан яхшилаб ювилади ва сувлар канализацияга оқизилади.

79-расм. Буғлатиш чанининг коммуникациялар схемаси Чанга змеевик кўмилгунча томат массаси солинади. Агар змеевикни бир қисми очилиб қолса унинг усти қурийди ва тез орада нагар ҳосил бўлади. Томат массаси иссиқ (90 0 С) бўлиши керак, бу змеевик к а буғ қўйилган заҳоти қайнашни таъминлайди, буғлатиш вақтида кўпикланиш бўлмайди. Томат пульпаси таркибидаги ҳаво пуфакчалари уни ўраб турган совуқ томат массаси билан мувозанатда туради. Иситиш натижасида пуфакчалар тез сузиб юзага чиқади, кўпик бўлакларини ҳосил қилади. Агар кўпик ҳосил бўлса оператор томонидан у совуқ сув билан уриб йўқ қилинади. Чан тўлдирилгач змеевикдан 1 дақиқа давомида ўтган сафарги пиширишдан қолган сув ва ҳаво чиқарилади. Кейин буғ вентили тўлиқ очилади ва змееви к ларга 0,7-0,9 мПа босимда буғ берилади. Буғлатиш давомида чанга узлуксиз равишда пульпа қуйилиб турилади, акс ҳолда чанда пульпа миқдори камайиб змеевик юзаси очилиб қолиши мумкин. Чан ичидаги пульпанинг концентрацияси талаб этиладиган концентрациядан 2-3% камроқ бўлганда пульпа қуйиш тўхтатилади. Буғлатиш вақтида ажралган сув миқдори W қуйидаги формула ёрдамида ҳисобланади W = g (1- 2 1 m m ) бунда g - буғлатиш га келган масса миқдори, кг ; m 1 , m 2 – массадаги қуруқ модданинг бошланғич ва охирги миқдори, % . Маҳсулотнинг керакли концентрациясига эришгач буғ бериш тўхтатилади ва змеевик юзаси очилиб унда нагар ҳосил бўлмаслиги учун змеевик к а совуқ сув берилади. Айни вақтда пюрени аппаратдан тушуриш бошланади. 15% концентрацияли томат-пюре ишлаб чиқ қ анда бу ғлатишнинг ўрта давомийлиги 25-30 дақиқа, 20%-да 40-50 дақиқани ташкил этади. Томат массасини қайнатганда ҳосил бўл г ан иккиламчи буғлар паст босимда ишлайдиган аппаратлар ва сувларни иситишда ишлатилади. Змеевикларни кўздан кечириш ва тозалашда ишчиларни хавфсизлигини таъминлаш мақсадида чан иккиламчи буғларни олиб кетиш тармоғидан вентиль ёрдамида ажратилиши керак. Люк-лазлар фақатгина қувурлар ажратилгандан кейин очиладиган ҳолда лойиҳалаштирилган. Вакуум-буғлатиш аппаратлари. Томат-паста вакуум-буғлатиш аппаратларида пиширилади. Ҳаво билан контактни йўқлиги ва пульпанинг вакуум остида қайнаш температурасининг пасайиши витаминлар, ранг бериш

моддалари ва бошқа қимматли компонентларни сақлаб қолишни таъминлайди. Томат массасининг қайнаш температураси ни пасай тирил ган лиги вакуум- аппаратларда паст босимли буғни ишлатиш имкониятини беради. Натижада ка т та миқдорда буғ иқтисодланади. Томат-паста ишлаб чиқаришда қуйида кўриладиган вакуум-буғлатиш аппаратлари кенг тарқалган. Унумдорли хом ашё бўйича 150 т/сутка бўлган линияларда ишлатиш учун мўлжалланган “Ланг” (Венгрия) ва Манзини (Италия) линияларининг вакуум-буғлатиш комплекслари қувурли аппаратлар 2 ва 3 ҳамда иситиш камерасига эга аппаратдан иборат. Иситиш камерали аппарат вертикал концентрик ўрнатилган цилиндрлардан иборат бўлиб аралаштиргич билан таъминланган.иборат (80-расм). Аппаратлар уч корпусли батарея кўринишида уланган. I корпуc босими 0,12 МПа бўлган буғ билан иситилади. II ва III корпуслар I корпуснинг иккиламчи буғи билан иситилади. Биринчи корпусдаги қолган босим 61 кПа -ни (вакуум 300 мм см. ус .) , II ва III корпусларда эса – 8 кПа (вакуум 700 мм см. ус .)-ни ташкил этади. 80-расм. “Ланг-150” русумли уч корпус 81-расм. «Единство-200» русумли икки ли вакуум-буғлатиш қурилмаси схемаси. корпусли вакуум-буғлатиш қурил- Йиғувчи 1-дан томат массаси буғлатиш комплексининг I корпуси 2 -гаконденсаторгаконденсаторга маҳсулот иккиламчи буғ ўткир буғ

сўрилади, ундан II корпус 3-га ўтади ва сўнгра насос 4 ёрдамида III корпус 5- га юборилади. Насос 6 томат массасини рециркуляцияга беради. Маҳсулот узатиш қувурида автоматик электрон рефрактометр 7 ўрнатилган. Маҳсулотнинг талаб этилган концентрацияси (қуруқ модда миқдори 30%)-га эришгандан сўнг рефрактометр бажариш механизмига импульслар юборади (клапан 9) ва насос 8 томат-пастани тушуради. Унумдорлиги 200 т/суткасига бўлган “Единство” русумли икки корпусли вакуум-буғлатиш комплекси иситиш юзаси ташқарига чиқарилган аппаратлардан иборат. Бу аппаратда (81-расм) вертикал қувурли қайнат г ик А ва сепаратор Б мавжуд. Қайнатгич да намлик буғланади. Қайнатгич уст ва ост қисмлари билан сепараторга туташган. 82-расм. “Ланг-300” русумли уч кор- 83-расм. “Ланг-300” русумли икки кор- пусли вакумм-буғлатиш қурилмаси пусли вакуум-буғлатиш қурилмаси схемаси схемаси. Аппаратда массанинг циркуляци я ланиши томат массаси кирган сепаратор ва бу массанинг буғлар билан аралашмаси ҳосил бўлган қайнатгичдаги гидростатик босимлар фарқи туфайли вужудга келади. Томат массаси қайнатгичнинг трубкаларида кўтарилиб катта тезлик билан сепараторга киради ва буғлардан ажралади, сўнгра эса яна қайнат г ич г а йўналтирилади. Иккиламчи буғлар сепаратордан комплекснинг II корпусини иситиш учун ёки конденсаторга йўналтирилади. Қурилма баъзан массани узлуксиз

сепаратордан қайнатгичга ҳайдаб берувчи циркуляцион насос билан таъминланади. Томат массаси йиғувчи 1-дан босим фарқи ҳисобига 2 ва 3 корпуслар орқали ўтади ва насос 4 ёрдамида тушурилади. I корпус 2-да қолдиқ босим 61 кПа - ни ташкил этади, II корпусда 3-8 кПа . I корпус 0,15 кПа босимли ўткир буғ билан иситилади, II корпус – I корпуснинг иккилам ч и буғи билан иситилади. Суткасига 300 т томатни қайта ишлаш учун мўлжалланган уч корпусли “Ланг” вакуум-буғлатиш қурилмаси ташқарига чиқарилган иситиш юзали аппаратлардан иборат (82-расм). I корпус умумий умумий сепаратор 2 хизмат кўрсатадиган икки калоризатор 1-га эга. Аппаратда қолдиқ босим 61-47 кПа оралиғида ушлаб турилади. Қувурлар аро бўшлиқда температура 92-100 0 С. II (3) ва III (5) корпусларга умумий эгик тўсиқ билан икки бўлакга ажратилган сепаратор 4 хизмат кўрсатади. Умумий корпусларда қолдиқ босим 8 кПа кўрсаткичда ушланади, иситиш эса биринчи корпуснинг иккиламчи буғи энергияси ҳисобига амалга оширилади. Томат массаси қурилма орқали узлуксиз оқимда ўтади. I ва II корпусларда томат массасининг циркуляцияси табиий, III корпусда эса – мажбурий, яъни насос 6-нинг ёрдамида амалга оширилади. 30%-ли томат-паста III корпусдан насос 7-нинг ёрдамида қадоқлаш машинасига ҳайдалади. Унумдорлиги суткасига 300 т томатни ташкил этувчи икки корпусли ”Ланг” вакуум-буғлатиш қурилмаси ичига қурилган қувурли иситгичдан иборат аппаратлардан ташкил топган (83-расм). II корпус вертикал шнек шаклидаги аралаштиргич 3 билан таъминланган. I корпус 1-да қолдиқ босим 48-41 кПа оралиқда ушланади. II корпус 2-да 10-8 кПа . I корпус ўткир буғ билан 0,12 кПа босим остида иситилади. I корпуснинг иккиламчи буғлари II корпусни ҳамда буғлатишга киритилаёт г ан томат пульпасини иситади. II корпусда массанинг рециркуляцияси насос 4 ёрдамида амалга оширилади. Хом ашёни қайта ишлаш бўйича унумдорлиги 500 т/сутка бўлган “Единство” уч корпусли вакуум-буғлатиш қурилмаси ташқарига чиқарилган қувурли иситиш юзасидан иборат (84- расм). I корпус 1-да қолдиқ босим 81 кПа , II ва III корпуслар 2 ва 3-да - 8 кПа миқдорда ушланади. I корпус босими 0,2 кПа - га тенг ўткир буғ билан иситилади, II ва III корпуслар – I корпуснинг иккиламчи буғи билан иситилади. I корпуснинг иситиш камерасидан кетаётган конденсат буғлатишга иссиқлик алмашиниш аппаратидан узлуксиз киритилаётган пульпани иситиш учун ишлатилади. “Ланг” (Венгрия) фирмасининг “Рац” турдаги, “Манзини” (Италия) фирмасининг “Титан” турдаги каби вакуум-буғлатиш қурилмалар и , биргина вертикал корпусдан иборат бўлиб, унда буғлатиш икки босқичда амалга оширилади (85- расм).

маҳсулот буғ Шарбатли буғ

84- расм. “Единство-500” вакуум-буғлатиш қурилмаси нинг схемаси. Томат пульпаси қувурли иситиш камера сининг юқори зона си А- га киради. Унда пульпа 7-8 кПа ғга тенг қолдиқ босим билан буғлатилади. А зонаси остки Б зонасининг иккиламчи буғи билан иситилади. А зонасидан томат массаси ўз ўзани билан насос 1-га келади ва унинг ёрдамида Б зонасига узатилади. Б зонаси икки айланувчан цилиндр шаклидаги иситгич билан таъминланган. Б зонасида қуюлтириш давомида масса вертикал аралаштиргич 3 билан аралаштириб ҳамда насос 2 ёрдамида сунъий циркуляцияланиб турилади. Массанинг Б зонасида қайнаш температураси 60-65 0 С-ни, иситиш буғининг температураси 92-97 0 С-ни ташкил этади.

85-расм. “Ланг” (Венгрия) вакуум-аппарати 86 -расм.”Ротофильм”буғлатиш қурилмаси схемаси: 1-йиғувчи; 2-насос; 3-“Ротофильм” буғлатиш аппарати; 4-конденсат кетказгич; 5-рефрактометр. “Рац” қурилмасида дастлабки буғлатгич мавжуд бўлиб А ва Б зоналарининг ҳар бири икки секторга ажратилган. Томат массаси қуруқ моддасининг концентрацияси % ҳисобида қуйидагини ташкил этади: дастлабки – 5; дастлабки буғлатишдан сўнг – 8, 9; биринчи сектордан сўнг – 11; иккинчи сектордан сўнг – 14,6; учинчи сектордан сўнг – 21,3; тўртинчи сектордан сўнг – 30-40. Турли моделли қурилмалар унумдорлиги томат пульпаси бўйича соатига 3000 дан 21000 кг –ни ташкил этади. Молд о в а ва Россия заводларида “Титан” ( SR 28 модели) ва “Ротофильм” аппаратлари ишлатилади. “Ротофильм” қурилмаси иккита параллель ишловчи плёнкали аппаратлардан иборат (86- расм). Ҳар бир аппарат икки деворли тузилишга эга бўлиб, горизонтал ўрнатилган ва ўткир буғ билан иситилади. Ён томонидан цилиндр сепараторга ўтади. Цилиндр ичида қиррали ясалган (призма шаклида) 4 –та ишчи орган (ургич, томатни тўрга сургич)-ли барабан мавжуд. Унинг айланиш тезлиги 300 айл/дақиқа . Цилиндр ва ишчи орган орасидаги зазор 2,5 мм -ни ташкил этади. Ишчи органлар айланиши натижасида томат массаси цилиндр деворларига отилади ва 1-2 мм қалинликдаги плёнка ҳосил қилади. Буғлатишнинг давомийлиги 60 с - дан ошмайди. Иккиламчи буғ сепараторда ажратилади ва конденсаторга тушади. қадоқлашгақиздирувчи буғконденсаторга пульпа буғ иккиламчи буғ конденсат

Қурилманинг хом ашё бўйича унумдорлиги қуйидагини ташкил этади: “Титан” аппаратида томат массаси қуру қ модда 5%-дан 30%-гача етгунча буғлатилганда 720 т/сутка - ни ташкил этади; “Титан” аппаратида 5%-дан 15%-гача буғлатилиб “Ротофильм” аппаратида 30%-гача етказилганда 860 т/ сутка - ни ташкил этади. Росси ва Кателли (Италия) фирмасининг вакуум-буғлатиш аппарати икки корпусдан иборат ( I ва II ), бир йўналишли қувурли буғлатгич 3 ва сепаратор 4-дан ташкил топган. Аппаратла р кетма-кет уланган (87-расм). I корпусда қолдиқ босим 8 кПа -ни ташкил этади, массанинг қайнаш температураси 45 0 С. I корпус II корпуснинг иккиламчи буғи билан иситилади. Унда томат массаси 70 0 С-да 30 кПа қолдиқ босимда қуруқ модда миқдори 30% бўлгунча буғлатилади. Буғлатишни жадаллаштириш учун массани буғ турбинаси 1 ёрдамида ҳаракатга келтир увчи насос 2 орқали сунъий циркуляциялаш қўлланилади. Иккиламчи буғлар конденсатор 5-га жўнатилади. Қурилманинг томатни қайта ишлаш бўйича унумдорлиги 1100 т/суткада . 87-расм. Росси ва Кателли фирмасининг вакуум-буғлатиш қурилмаси схемаси Ўткир буғ буғ буғ Томат пульпаси сув сув

Бўшлиқ ҳосил қилиш учун ва иккиламчи буғларни олиб кетиш учун аралаштирувчи барометрик конденсатор ва қуруқ ҳаво насоси ишлатилади. Қурилма (88-расм) конденсатор 5, барометрик қувур 2, ва бассейн 1 -дан иборат. Конденсатор ичида шахмат тартибда горизонтал ўрнатилган ликобсимон перфора-цияланган тўсиқлар 4 мавжуд. Иккиламчи буғ вакуум-аппаратдан қувур 3 орқали конденсаторга боради ва 20 0 С температурали совуқ сувда конденсацияланади. Сув бак 6-дан ҳаво насоси ҳосил қилган вакуум туфайли келади. 88-расм. Барометрик конденсатор схемаси Қувур 2 -нинг баландлиги 10,33 м , шунинг учун атмосфера босими унинг ичида турган суюқлик устунини тутиб туролмайди ва совутувчи сув конденсат билан бирга пастга оқиб кетади. Ишлатилган сув градирняда атроф муҳит температурасигача совутилади ва 8-10% янги сув қўшиб конденсаторда қайта фойдаланилади. Вакуум-буғлатиш қурилмаси ишга туширилганда сув бак 6 ва йиғувчи 1-га берилади, гидравлик затвор ҳосил бўлади; сўнгра ҳаво насоси ишга туширилади, гидрозатвор вакуум-насос билан туташтирилади, массани аппаратга тортади ва буғ қўйиб буғлатиш бошланади. иккиламчи буғ насосгаконденсат сув

Томат линияларининг буғлатиш станцияларини ишлатиш учун баъзан совутиш суви ва иккиламчи буғ бир йўналишда бериладиган конденсаторлар ҳам ишлатилади. Сув конденсаторнинг ички қувурида юқоридан пастга ҳаракатланиб иккиламчи буғни ўзига тортади ва конденсатлайди. Қурилманинг баландлиги 5 м , сув ўзани билан кета олмайди, уни сўриш учун насосдан фойдаланилади. МЗС-320 маркали буғлатиш машинаси томат пюре ва томат паста, турли хилдаги соуслар, повидло, мураббо ва рассоллар тайёрлашда ишлатилади (89-расм). Унинг ишчи ҳажми 1000 дм 3 ; иситиш юзасининг майдони 3,66 м 2 ; буғнинг ишчи босими 0,4 МПа; аралаштиргич валининг айланиш частотаси 57 мин -1 ; қуввати 2,7 кВт; габарит ўлчамлари 1310х1310х3180 мм.

89-расм. МЗС-320 маркали буғлатиш аппарати. 1-ушлагич; 2-қопқоқ; 3-аралаштиргич; 4-корпус; 5-электродвигатель; 6- редуктор. Шу билан биргаликда икки, уч корпусли буғлатиш аппаратлари ҳам мавжуд (90-расм).

90-расм. Паст ҳароратли икки корпусли буғлатиш аппарати. 1-совутгич; 2-буғлатгич; 3-сепаратор; 4-аммиакли буғлаткич; 5-конденсат учун насос; 6-қабул қилувчи бак; 7-циркуляцион насос; 8-аммиак учун идиш; 9-компрессор; 10-бошқарув пульти. ҚОВУРИШ ПЕЧИ Шу билан биргаликда газак консервалари ишлаб чиқаришда хом ашёларни қовуриш учун қовуриш печлари ҳам ишлатилади (91, 92-расмлар).

91-расм. АПМП-1 маркали қовуриш печи. 1-ташувчи восита; 2-узатма; 3-ванна; 4-тортиш воситаси; 5-элеватор; 6-бак; 7-насос.

92-расм. Узлуксиз ишлайдиган сабзавотларни қовурадиган аппарат. 1-қовурувчи секциялар; 2-аралаштиргич; 3-ўқ; 4-тарқатувчи конус; 5- пуркагич; 6-ташувчи восита; 7-ёғ идиш; 8-электр узатма. Мева-сабзавотларни қуритишда буғли плиталардан ҳам фойдаланилади (93- расм). 93-расм. КПП-1 маркали универсал буғли плита. 1-корпус; 2-тортувчи кийдиргич; 3-корпусни кўтарувчи (ағдарувчи) механизм; 4-арматура; 5-ўнг ва чап таянчлар. СТЕРИЛИЗАТОРЛАР

Консерва заводларида термостерилизация жараёни юқори босимда олиб бориш учун ишлатиладиган қурилмаларда – стерилизаторлар ва автоклавларда олиб борилади. Узлуксиз ишлайдиган барабанли стерилизатор (94-расм) металл идшларга қадоқланган консерва маҳсулотларини 100 ° C ва ундан юқори ҳароратда стериллаш учун мўлжалланган. У қиздириш, стериллаш ва совутиш бўғинларидан ташкил топган. Бу стерилизатор қўзғалмас корпусдан (1), унинг ичидаги ўққа ўрнатилган барабандан (3) иборат. Атмосфера босими остидаги банкаларни юқори босимли муҳитга киритиш учун маҳсулот тўлдирилган банкалар кирадиган (4) ва чиқадиган (6) қисмлари бор. Банкалар кириш жойига занжирли элеватор (5) ёрдамида узатилади. Ундан банкалар барабан ичига тушади. Барабаннинг айланиши билан банкалар спирал шаклидаги йўналтирувчи (2) ёрдамида барабан охирига қараб ҳаракатланади. Йўналтирувчининг қадами банканинг баландлигига тенг. Бунда банкалар барабан билан бирга, унинг ўқи бўйлаб ва ўз ўқи атрофида ҳаракатланади. Қиздиргичда банкалар ва унинг ичидаги маҳсулот 98 0 С гача, кириш жойидаги ҳарорати 40-50 0 С, чиқиш жойидаги ҳарорати 98 0 С бўлган сувда қиздирилади.

94- расм . Барабанли стерилизатор . 1- цилиндр шаклидаги корпус ; 2- спиралсимон йўналтирувчи ; 3- барабан ; 4- қабул қилувчи қурилма ; 5- занжирли элеватор ; 6- тушириб берувчи қурилма . Сув жиҳознинг пастки қисмидан юбориладиган буғ билан қиздирилади . Қиздиргичдан банкалар мустаҳкам ёпилган клапан ёрдамида стериллаш бўғинига узатилади ва роторнинг ( барабан ) айланиши билан жиҳознинг охирига қараб ҳаракатланади . Стерилланган маҳсулотли банкалар туширувчи клапан ёрдамида совутиш бўғинига узатилади . Стериллаш жараёнидаги босимни автоматик равишда стериллаш ҳароратига мос ҳолда бошқариладиган сув - буғли муҳитда олиб борилади . Совуткичда ротор билан ҳаракатланаётган банкалар оқова сув билан 30-40 0 С ҳароратгача совутилади. Банкаларнинг пачоқланишини олдини олиш учун совутиш пайтида ҳавода ортиқча босим ҳосил қилинади. Банкаларни совуткичдан чиқариб олиш юклаш кабидек, мустаҳкам ёпилган клапанлар ёрдамида амалга оширилади.

Ротор буралиб кетишининг олдини олиш учун барабаннинг ўқи ҳар иккала томондан ҳам айланма ҳаракатга келтирилади. Роторнинг айланиш тезлигини ўзгартириш билан стериллаш муддати бошқарилади. Ҳароратни бошқарадиган бу қурилма буғ узатиладиган вентилга таъсир кўрсатадиган, ўзи ёзадиган, пневматик ҳарорат бошқариш асбоби билан жиҳозланган. Қурилма ичидаги босим тўғридан-тўғри таъсир кўрсатувчи дифференциал босимни бошқариш асбоби ёрдамида бошқарилади. Роторли стерилизаторнинг камчилиги фақат бир хил ўлчамдаги ва металл идишларга қадоқланган маҳсулотни стериллай олиши, ҳарорат ва босимнинг кескин ўзгариши таъсирида банкаларнинг пачақланиши ва ишқаланиши таъсирида банкаларнинг кўндаланг чокларидаги қалай қопламасининг емирилиши ҳисобланади. Узлуксиз ишлайдиган гидростатик “Хинистер” стерилизатори диаметри 76-100 мм бўлган шиша ва металл идишларга қадоқланган консерва маҳсулотларини стериллаш учун мўлжалланган (95-расм). Бу стерилизатор 14 та минорадан ташкил топган бўлиб, ҳар қайсиси иккитадан каналга эга. Банкаларни ташувчи конвейер кетма-кет барча каналлардан ўтади ва шундан сўнг миноралар остидан чиқиш жойига қайтиб келади. Қиздириш жараёни биринчи олтита минорада олиб борилади, кейинги иккита минорада стериллаш ва ундан кейинги олтита минорада эса совутиш жараёни боради. Консерва тўлдирилган банкаларни банка ташувчига солиш ва ундан чиқариб олиш махсус мослама ёрдамида амалга оширилади. Биринчи олтита миноранинг биттасида ва охирги олтита миноранинг ҳар қайсисида баландлиги 4м бўлган сув устуни бўлиб, у ёрдамида бу минораларда 0,04 МПа гидростатик босим ҳосил қлинади. Ҳар қайси миноранинг иккинчи каналида бу босим ҳаво ёрдамида ушлаб турилади. Миноралар каналларининг бир-бири билан бирикканлиги еттинчи ва саккизинчи минораларда 0,24МПа босимни ҳосил қилади. Бу босимга буғнинг 125 0 С ҳарорати мос келади. Охирги иккита минорадан бошқа барча минораларга барботёр орқали буғ юборилади ва у минораларда қуйидаги ҳароратларни ушлаб туради: 60-70-80-90-95-110-120-132-90-70-60-50-40-30- 20 0 С-лар. „Хинистер“ стерилизаторининг техник тавсифи Ишлаб чиқариш унумдорлиги, банка/соат 8280 Буғ сарфи, л/кг консерваланган маҳсулот учун 1,5

Ташувчи транспорт узунлиги, мм 1400 Ташувчиларнинг қадами, мм 150 Ҳаракат тезлиги, м/с 0,017-0,067 Банка ташувчининг тезлиги, м/с 0,04 Габарит ў лчамлари, мм 9700х1680х5800 Оғирлиги, кг 98 000 95 -расм. „Хинистер“ пневмо-гидростатик стерилизатор. 1-автоматик йўналтирувчи қурилма; 2-сув колонкаси; 3-консерва тўлдирилган банкалар; 4-олиб юрувчи мослама; 5-транспортёр занжири; 6- юқориги майдон; 7-узатма; 8-босимни ростлагич; 9-иссиқликдан ҳимоялагич; 10-автоматик чиқариб берувчи қурилма; 11-занжирнинг пастки қисми.

Автоклавларда юқори босим ва ҳарорат таъсирида маҳсулотни стерилизациялашдан ташқари уни пишириш ёки қуйилтириш мумкин . Маҳсулотнинг турига қараб автоклав турли босим ва ҳароратда ишлатилади . Автоклав зич ёпиладиган пўлат цилиндр бўлиб , унинг ички сирти эмал билан қопланган . Цилиндр ичига доира шаклида яхлит буғ ғилоф ўрнатилган . Автоклав манометр , термометр ва соат билан таъминланган . Автоклавда ҳарорат ва босим стерилизация формуласи бўйича кўтарилади ва автоматик равишда бошқарилади. Пастерилизациялашда хом-ашё солинган банкалар қопқоқсиз ёки темир қопқоқлар билан юзаки ёпилиб, ваннадаги қайноқ (50-60 0 С) сувга қўйилади, ваннадаги сув ҳажми тахминан банкалар ҳажмига тенг келиши керак. Қайнаш пайтида шиша банка ёрилиб кетмаслиги учун ванна тубига латта ёки фанер бўлаги қўйилади. Банкалар солинган ваннадаги сув қайнатилади. Сув қайнаб чиққандан сўнг стерилизация вақти белгиланади. Турли мева ва сабзавотлар учун стерилизация муддати (яъни қайнаб турган сув ҳароратида ушлаб туриш) ҳар хил. Стерилизация пайтида сув қаттиқ қайнаб кетмаслиги керак, акс ҳолда банка ичига сув сачраши мумкин. Стерилизация вақти тугагач банкалар маҳсус қисқичлар ёрдамида ваннадан олинади ва оғзи зич қилиб беркитилади. Маҳкам беркитилган банкалар оғзини пастга қилиб совитиш учун столга қўйилади. Термостерилизация турларидан бири қайноқ шарбатни тайёрланган стерил банкаларга солишдир. АВТОКЛАВ Б6-КАВ-2 Вертикал автоклав - зич ёпиладиган қалин қопқоқли иккита қозондан иборат бўлиб, сиртдан металл ғилоф билан қопланган (96-расм).

96- расм . Автоклав Б 6- КАВ -2. 1- тенглаштирувчи мослама ; 2 – қисқич ; 3 – корпус ; 4 – қопқоқ ; 5 – ҳимоя клапани ; 6 – намуна туширувчи жўмрак ; 7 – термометр ; 8 – манометр ; 9 – ПРП -2 типдаги дастурли ростлагич ; 10 – корзина ; 11 – буғли барботёр . Ташқи қозонга сув, ички қозонга эса стерилланадиган материал қўйилади. Исиган сув буғи ички қозоннинг тешиги орқали ташқи қозонга ўтади. Ички қозоннинг тубидаги тешиклардан буғ ўтказувчи найча бошланади. У буғ чиқариш жўмраги билан тугайди. Автоклавнинг ён деворига манометр ва контакт манометр маҳкамланган. Контакт манометр эса белгиланган босимни сақлаб туради. Булардан ташқари, ён деворда эҳтиёт жўмраги ва сув ўлчайдиган най ҳам бор. Автоклавда босим белгиланган миқдордан ошиб кетса, эҳтиёт жўмраги ўз-ўзидан очилади. Сув ўлчайдиган най автоклавдаги сув сатхини аниқлашга ёрдам беради. Ишлаш тартиби Автоклавда стериллаш қуйидагича ўтказилади: аввало ташқи қозонга воронка орқали сув қуйилади, ички қозонга эса стерилланадиган материал (идишлар, озиқ муҳитлар, бюксларда боғлов материали ва ҳоказо) жойланади. Сўнгра қопқоқни ёпадиган винтлар билан бураб маҳкамланади ва автоклав примус алангаси, газ горелкаси ёки электр ёрдамида қиздира бошланади. Сув қайтиб чиқадиган жўмрак шу пайтда очиқ бўлиши керак. Қайнаб чиққан сув буғ ҳолатида автоклав деворлари орасидан кўтарилиб ички қозонга ўтади ва ундаги ҳавони сиқиб чиқаради. Бу ҳаво жўмрак орқали ташқарига чиқа бошлайди, буғ ҳолатидаги ҳаво автоклавнинг ички бўшлиқларини тўлдиради ва кучли буғ оқими зарб билан жўмракка урилиб жўмракни ёпади. Жўмрак ёпилиши билан автоклавнинг ички қисмида босим ҳосил бўла бошлайди ва манометр стрелкасига қараб турилади. Автоклавдаги буғ босими 0,5 атм дан ошганда ҳарорат 110,8 0 С га, 1 атм дан ошганда -120,6 0 С га, 2 атм дан ошганда 132,9 0 С га етади.

120 0 С вегетатив ва спора ҳосил қилувчи микробларга таъсир этиб нобуд қилади. Стериллаш процесси тамом бўлгач, иссиқлик манбалари ўчирилади ва манометр стрелкаси 0 рақамига тушмагунча автоклавдаги ҳаво чиқарадиган жўмрак очилмайди. Автоклав ичидаги босим 0 ни кўрсатганда ҳаво чиқариш жўмраги очилиб буғ аста -секин чиқа бошлайди ва буғ бутунлай чиққандан сўнг автоклавнинг қопқоғи очилиб, стерилланган материал ичидан олинади. Автоклавни ишлатганда материал стерилланаётганига тўла ишонч ҳосил қилмоқ учун вақт-вақти билан уни текшириб туриш керак. Буни ҳар-хил усулларда текширилади. Масалан, манометр 1атм босимни кўрсатса, автоклав ичидаги температура 120,6 0 С га тенг бўлиши керак. Бунга ишонмоқ учун автоклавга стерилланган материаллар билан бирга, икки томондан пайванд қилинган (кавшарланган) шиша найча ёки пробирка жойлаштирилади. Унинг ичига олтингугурт порошоги билан бирга бир неча фуксин кристаллари ва иккинчисига эса антипирин билан метилен кўкининг аралашмаси қуйилади. Олтингугуртнинг суюқланиш температураси 115 0 С, антипиринники эса 120 0 С. Агарда автоклав тўғри ишласа, олтингугурт ва антипирин ҳам эриб суюқланиши керак. Автоклавнинг ичидаги температура 1 атм босимида 120,6 0 С га етган бўлса, олтингугурт ва антипирин суюқланиб бўёқлар билан аралашиб муайян тусга киради. Горизонтал автоклавнинг вертикал автоклавдан фарқи шуки, бунда буғ ҳосил қиладиган қозон стериллайдиган қозоннинг пастида жойлашган бўлади. Стериллаш камераси ва юқоридаги қозонлар горизонтал ҳолатда жойлашган. Иккала автоклавда ҳам материални ҳаракатдаги буғ билан стериллаш мумкин. Бунинг учун чиқариш жўмраги беркитилмайди ва қопқоқ винтлар билан жипс ёпилмайди.

Похожие

Қуритиш аппаратлари

Иссиқлик аппаратлари 2

Қуритиш аппаратлари 2

Қуритиш аппаратлари ва уларнинг классификацияси (2)

Консерва корхоналарида қўлланиладиган иссиқлик аппаратлари ҳақида умумий тушунча