Go‘sht konservalari texnologiyasi - Пищевая технология - Рефераты

Go‘sht konservalari texnologiyasi

Загружено в:

05.05.2023

Скачано:

0

Размер:

81.5 KB

Go‘sht konservalari texnologiyasi Reja: 1. Go‘sht konservalari olishda qo‘llaniladigan xom-ashyolar va ularning tavsifi. 2. Go‘sht konservalarini tayyorlash texnologiyasi. 3. Go‘sht konservalarining assortimenti ularni tamg‘alash va saqlash.

Go‘sht konservalari olishda qo‘llaniladigan xom-ashyolar va ularning tavsifi. Go‘sht konservalari – bu go‘sht mahsulotlarini tunuka va shishadan tayyorlangan bankalarga joylanib, germetik bekitilib, sterilizatsiya qilingan mahsulotlarga aytiladi. Go‘sht konservalarining ozuqaviy qiymati go‘shtlarning ozuqaviy qiymatidan ham yuqori turadi, chunki konserva tayyorlash jarayonida go‘sht ozuqaviy qiymati past bo‘lgan qismlardan xalos etiladi. Ikkinchidan go‘sht konservalari olishda yuqori ozuqaviy qiymatga ega bo‘lgan qo‘shimcha xom ashyolardan ham foydalaniladi. Quyidagi 1-jadvalda keng tarqalgan go‘sht konservalarining kimiyoviy tarkibi va energetik qiymati bo‘yicha ma’lumotlarni keltiramiz. 1-jadval Go‘sht konservalarining kimiyoviy tarkibi va energetik qiymati № Консерванинг номи Кимиёвий таркиби,% 100 г.ининг энергетик қиймати, ккалСув Оқсил Ёғ Углеводлар Кул 1 Димланган мол гўшти консерваси 63,7 16,8 18,3 - 1,9 971 2 Димланган қўй гўшти консерваси 61,2 17,3 19,8 - 1,7 1033 3 Димланган чўчқа гўшти консерваси 51,1 14,9 32,2 - 1,8 1460 4 Мол гуляши консерваси 64,6 17,1 12,0 4,0 2,3 799 5 Гўшт паштети консерваси 58,1 16,4 23,3 0,4 1,8 1159 6 Илвирадаги мол тили консерваси 64,3 17,8 15,1 0,6 2,2 874 7 Жигар паштети 52,5 11,1 31,5 2,7 2,2 1414 Bu jadval ma’lumotlaridan ko‘rinib turubdiki, go‘sht konservalari tarkibidagi asosiy modda oqsillar va uglevodlar hisoblanadi.

Foydalaniladigan xomashyolar. Go‘sht konservalarini olish uchun xilma-xil xom ashyolardan foydalaniladi. Ularni shartli ravishda asosiy va qo‘shimcha xom ashyolarga bo‘lish mumkin. Asosiy xom ashyolarga mol, qo‘y, cho‘chqa, ot, bug‘u, quyon, uy parrandalari go‘shtlari, kalla-pocha mahsulotlari, qon, qon plazmasi, oqsil preparatlari, tuxum va tuxum mahsulotlari kiradi. Qo‘shimcha xom ashyolarga esa yorma, kraxmal, o‘simlik moylari, tuz, qand, nitritlar, ziravorlar kiradi. Go‘sht konservalari ishlab chiqarishda I va II kategoriya semizlikdagi hamma tur go‘shtlardan foydalaniladi. Foydalaniladigan go‘shtlar sog‘lom mollardan olingan, yangi go‘shtlar bo‘lishi kerak. Konserva olish uchun buqa go‘shtlaridan, shuningdek qarri mollarning (10 yoshdan ortiq) va ikki marta muzlatilgan go‘shtlardan foydalanishga ruxsat etilmaydi. Standart talabi bo‘yicha sovugan, sovutilgan va muzlatilgan go‘shtlardan foydalanish talab etiladi. Hovuridan tushmagan go‘shtni konserva olishda foydalanishga tavsiya etilmaydi. Bunga sabab birinchidan bunday go‘shtlardan tayyorlangan konservalarning ta’m ko‘rsatkichlari past bo‘ladi, ikkinchidan mol so‘ygandan keyin go‘shtning qotish jarayonida hosil bo‘lgan sut kislotasi bikarbonat bufer tizimini parchalab, karbonat angidrid gazining erkin holda ajralib chiqishini vujudga keltiradi. Bu esa bombajni hosil qiladi. Oliy navli konservalar I kategoriya semizlikka ega bo‘lgan go‘shtlardan ishlab chiqariladi. Shuningdek, ba’zi hollarda veterinariya-sanitariya ekspertizasi asosida konserva ishlab chiqarishga tavsiya etilgan go‘shtlardan ham foydalanish mumkin. Konserva ishlab chiqarishda I va II kategoriya kalla-pocha mahsulotlaridan ham foydalaniladi. Bu xom ashyolar sog‘lom mollardan olingan yangi, nuqsonlarsiz bo‘lishi kerak. Ba’zi bir konserva mahsulotlari, masalan qiymali konservalar ishlab chiqarishda qon va qon plazmalaridan ham foydalaniladi.

Konserva ishlab chiqarishda xom yog‘dan va eritilgan mol, qo‘y, cho‘chqa yog‘laridan ham foydalaniladi. Bu xom ashyolar ham yuqori sifat ko‘rsatkichlari talabiga javob berishi kerak. Pashtet konservalari va parhez go‘sht konservalari ishlab chiqarishda tabiiy sut, quruq tuz, yog‘i olingan sut, qaymoq, sariyog‘ kabi xom ashyolardan ham foydalaniladi. Shuningdek, bunday konservalar olishda tuxum, tuxum kukuni, tuxum melanji kabi xom ashyolardan ham foydalaniladi. Go‘sht konservalarining ozuqaviy va biologik qiymatini oshirish uchun o‘simlik xom ashyolaridan ham foydalaniladi. Bularga dukkakli don, yorma, sabzavot, makaronlar, kartoshka, tomat mahsulotlari kabi xom ashyolarini kiritish mumkin. Go‘sht konservalarining organoleptik ko‘rsatkichlarini yaxshilash, ularga o‘ziga xos ta’m, hid va rang berish uchun piyoz, sarimsoq, qora murch, lavr bargi, koritsa, gvozdika singari ziravorlardan ham foydalaniladi. Bu ziravorlar bakteritsidlik xususiyatiga ham egadir. Xom ashyolarni qovurish uchun oliy va I nav kungaboqar va zaytun moylari go‘sht konservalari ishlab chiqarishda qo‘llaniladi. Go‘sht konservalarining ta’m ko‘rsatkichlarini yaxshilash uchun yuqori sifatli osh tuzi, natriy fosfati, askorbat kislotasi, qand kabi qo‘shimcha xom ashyolardan ham foydalaniladi. Konserva tayyorlashda tunuka va shisha bankalardan foydalaniladi. Idishlar yengil, mustahkam va yuqori haroratda ishlov berib so‘ngra sovutilganda germetik holatini yo‘qotmasligi talab etiladi. Idish materiali esa mahsulotga zararli ta’sir ko‘rsatmasligi va banka ichidagi mahsulot bilan reaksiyaga kirishib zararli moddalarni hosil qilmasligi kerak. Bu talabga maksimal darajada shisha, tunuka va alyuminiydan tayyorlangan konserva bankalarigina javob beradi. Tunuka bankalar tayyorlash uchun yupqa qalay qatlami bilan qoplangan oq tunuka ishlatiladi. Tunuka yuzasi silliq, toza, yoriqlarsiz, yaltiroq, qalay qatlami bo‘rtib chiqmagan, qora dog‘lar va zang izlari bo‘lmasligi kerak. Shakli bo‘yicha silindrsimon bankalar eng ko‘p tarqalgan hisoblanadi, chunki ular mahsulot bilan

to‘ldirish, qizdirishga, sovutishga va transport vositalari yordamida tashishga eng qulay hisoblanadi. Bankalar nomerlarga bo‘linadi. Har bir nomer standart geometrik o‘lchamga, shaklga va hajmga ega bo‘ladi. Go‘sht konservalarini tayyorlash texnologiyasi Bankali go‘sht konservalari-bu go‘sht mahsulotlarini qalay va shisha bankalarga joylab, germetik berkitib sterilizatsiya qilingan mahsulotdir. Go‘sht mahsulotlarini bu usul bilan qayta ishlash ularning uzoq saqlanish muddatini (2-3 yil) ta’minlaydi. Har xil konervalarni tayyorlash o‘ziga xos xususiyatga egadir. Quyida keltirilayotgan go‘sht konservasini tayyorlash sxemasi eng ko‘p tarqalgan hisoblanadi va quyidagi jarayonlarni o‘z ichiga oladi. Xom ashyoni va idishni tayyorlash. Avvalo so‘yilgan mol tanasi bo‘laklanadi va suyaklardan ajratiladi. So‘ngra go‘sht dag‘al birlashtiruvchi to‘qimalardan va paylardan tozalanadi. Teri osti va muskul yog‘lari ajratiladi. So‘ngra kam ozuqaviy qiymatga ega bo‘lgan to‘qimalardan ajratilgan go‘sht 50-70 g massa keladigan bo‘lakchalarga bo‘linadi. Ba’zi konservalar tayyorlashda go‘shtdagi suv miqdorini kamaytirish uchun par bilan ishlov berib blanshirovka qilinadi yoki qisqa muddat davomida suvga qaynatib pishiriladi. Bir porsiya bulonda bir necha partiya go‘sht blanshirovka qilinadi. Agar retsepturada ko‘zda tutilgan bo‘lsa, bu bulon konserva bankalariga quyiladi. Ba’zi bir konservalar tayyorlashda ularning ozuqaviy qiymatini oshirish uchun go‘sht yog‘da qovuriladi. Qovurish jarayonida go‘sht tarkibidagi yog‘ go‘shtni kuyib ketishdan saqlaydi. Qovurish jarayonida go‘shtda oqsil va boshqa organik birikmalarning parchalanishidan ba’zi bir moddalar hosil bo‘ladi. Bu moddalar go‘sht konservasiga o‘ziga xos ta’m va hid beradi. Qovurish jarayonida albatta yog‘lar gidrolizlanadi va oksidlanadi. Shuningdek, vitaminlar, ayniqsa V guruhi vitaminlari parchalanadi. Konserva ishlab chiqarish uchun qo‘llaniladigan qiyma, sosiska, sardelka va vetchina kabi xom ashyolar sifatli va

yangi bo‘lishi talab etiladi. Konservalarning ta’m ko‘rsatkichlarini yaxshilash maqsadida, ayniqsa muzlatilgan go‘shtlardan konservalar tayyorlashda ularga 0,3 % miqdorida natriy glyukonati qo‘shiladi. Bankalarga ularni germetik yopishdan oldin askorbat kislotasiing qo‘shilishi sterilizatsiya jarayonida konserva tarkibida salbiy o‘zgarishlarning oldini olish mumkinligi ko‘rsatilgan. O‘rin almashtirmaydigan aminokislotalar va yuqori darajada to‘yinmagan yog‘ kislotalari bilan boyitilgan xom ashyolardan sifati yaxshi yangi konserva mahsulotlarini ishlab chiqarish tayyor mahsulotda oqsil moddasining yuqori darajada hazm bo‘lishini ta’minlaydi. Shuningdek, kalla-pocha mahsulotlariga ham dastlabki ishlovi beriladi. O‘simlik xom ashyolari esa obdon saralanadi, standart talabiga javob bermagan qismlari ajratiladi. Yuviladi, blanshirovka qilinadi yoki qaynatiladi. So‘nga bu xom ashyolar sovutiladi. Tayyor xom ashyoni bankalarga joylash. Bu jarayon ham konserva mahsulotlari ishlab chiqarishda muhim jarayonlardan biri hisoblanadi. Bankalarga joylanganda konserva komponentlarining me’yoriy xujjatlar talabiga mos kelishini ta’minlash muhim hisoblanadi. Avvalo bankaga qattiq konsistensiyaga ega bo‘lgan xom ashyolar joylanadi va so‘ngra esa suyuq qismi solinadi. Konserva komponentlarining turi va miqdori uning retsepturasiga qarab aniqlanadi. Tayyor xom ashyoni bankalarga joylash qo‘lda yoki avtomat dozatorlarda bajariladi. Bankalar to‘ldirilgandan keyin tortiladi va brutto massasi aniqlanadi. Konserva qismlarining nisbati har bir konserva uchun qat’iy o‘rnatilgan bo‘ladi. Eksgaustrirovaniye (vakuumlashtirish) jarayonini o‘tkazish. Bu jarayonning asl mohiyati mahulotdagi, uning qismlari oralig‘idagi, shuningdek banka qopqog‘i tagidagi havoni chiqarib yuborishdan iboratdir. Banka ichidagi havo sterilizatsiya jarayonida kengayib ortiqcha bosim hosil qilishi hisobiga bankaning deformatsiyalanishi va ichki qismining tezroq karroziyalanishini keltirib chiqaradi. Banka ichida kislorodning qolishi konservani saqlash jarayonida uning sifatiga ham salbiy ta’sir ko‘rsatadi. Shuningdek, kislorod ta’sirida go‘sht konservasi tarkibidagi vitaminlar, ayniqsa S va A vitaminlari oksidlanadi. Kislorod ta’sirida

mahsulotning organoleptik ko‘rsatkichlarini o‘zgartirishga olib keladigan kimyoviy o‘zgarishlar ham ro‘y beradi. Konserva bankalarini vakuum sharoitida germetik bekitish mahsulotni kislorod ta’sirida rangining, hidi va ta’mining o‘zgarishidan saqlaydi. Bekitishni vakuum sharoitida o‘tkazganda yog‘larning oksidlanishi ham ro‘y bermaydi. Shuningdek, banka ichida kislorodning qolishi mikroorganizmlarning yaxshi rivojlanishi uchun ham sharoit tug‘diradi. Shu sababli konserva bankalarini vakuum zakatka qiladigan mashinalar yordamida bekitish maqsadga muvofiq hisoblanadi. Bankalarni yopish konserva mahsulotlari ishlab chiqarishdagi eng muhim jarayonlardan sanaladi. Chunki bankaning germetikligi va so‘ngra saqlash jarayonida uning sifati shu jarayonning qanchalik to‘g‘ri o‘tkazilganligiga bog‘liq bo‘ladi. Agar bankalar vakuum zakatka qiladigan mashinalar yordamida bekitilgan bo‘lsa, u holda bunday bankalarning germetik bekitilgan yoki bekitilmaganligini tekshirishga hojat qolmaydi. Agar bankalar boshqa tur mashinalarda yopilgan bo‘lsa, u holda ularning germetik bekitilganligini 850S haroratdagi suvga 1-2 daqiqa davomida solib qo‘yib, tekshirish orqali aniqlash mumkin. Bunda germetik bekitilmagan bankalardan havo pufakchalari ajralib chiqa boshlaydi. Germetik bekitilgan konservalarda esa bu holat kuzatilmaydi. Bunda konservaning germetik emasligi ayon bo‘lib qolsa, unda bankadagi mahsulot boshqa bankaga o‘tkazilib, banka qaytadan germetik yopiladi. Sterilizatsiya jarayonini o‘tkazish. Bu jarayon konserva mahsulotlari ishlab chiqarishda qo‘llaniladigan eng muhim jarayonlardan biri hisoblanadi. Bunda konserva mahsulotlari 1000S dan ham balandroq haroratgacha qizdiriladi. Bunday yuqori haroratda go‘sht tarkibiy qismlarining, xususan oqsillarning gidrolizlanishi va gidrolizlanishidan hosil bo‘lgan birikmalarning parchalanishi tezlashadi. Haroratning ortishi bilan gidroliz darajasi ham ortib boradi. Haroratning ortishi bilan oqsil, ekstraktiv moddalar va vitaminlar tarkibida bo‘ladigan salbiy o‘zgarishlar ham ortib boradi. Bu esa konserva mahsuloti tashqi

ko‘rinishi va organoleptik ko‘rsatikichlarining ma’lum darajada pasayishini keltirib chiqaradi. Konservani yuqori haroratda qizdirganda uning sifat ko‘rsatkichlari-ning pasayishini keltirib chiqaradigan kimyoviy o‘zgarishlar ham tezlashadi. Haroratga qarab konservada oqsillarning parchalanishining so‘nggi mahsuloti hisoblanadigan moddalar NH3, N2S, SO2 kabi gazlar va merkaptanlar to‘rlanadi. Ammiak ba’zi bir aminokislotalarning amin guruhini yo‘qotishi natijasida paydo bo‘ladi. Vodorod sulfid (N2S) gazi esa glyutation va tarkibida oltingugurti bor aminokislotalarning parchalanishi natijasida hosil bo‘ladi. Konserva mahsulotida karbonat angidrid gazi esa go‘sht uglevod sistemasidagi o‘zgarishlar va ba’zi aminokislotalarning karboksil guruhlarini yo‘qotishi natijasda paydo bo‘ladi. Sterilizatsiya jarayonida nafaqat oqsil, ekstraktiv moddalar, vitaminlar, organoleptik xususiyatlarining o‘zgarishi, balki konserva mahsulotlari ozuqaviy va biologik qiymatlarining pasayishi ham kuzatiladi. Masalan, harorat 180 0 S ga ko‘tarilganda yog‘larning termik oksidlanishi va polimerizatsiyasi kuzatiladi. Natijada, zaharlash xususiyatiga ega bo‘lgan karbonil birikmalari hosil bo‘ladi. Shuningdek, YE vitaminining miqdori ham keskin kamayadi. Haroratning 100 0 С dan yuqoriga ko‘tarilishi go‘sht oqsillarining hazm bo‘lish darajasining pasayishini keltirib chiqaradi. Xom go‘sht oqsili sterilizatsiya qilingan go‘sht oqsiliga qaraganda yaxshiroq hazm bo‘ladi. Shu sababli, sterilizatsiya jarayonida oqsil moddasi qanchalik chuqur gidrolizga borsa, mahsulotning sifati shunchalik darajada pasayadi. Sterilizatsiya qilingan go‘sht konservalari oqsilining hazm bo‘lish darajasining pasayishi bu jarayonda boradigan Mayar reaksiyasi bilan ham tushuntiriladi. Ma’lumki, oziq-ovqat mahsulotlaridagi tabiiy vitaminlarning fiziologik faolligi sun’iy yo‘l bilan olingan vitaminlarning faolligiga nisbatan ancha yuqori bo‘ladi. Shu sababli ham, go‘sht mahsulotlarini saqlaganda, qayta ishlaganda ularning tarkibidagi vitaminlarni mumkin qadar ko‘proq saqlab qolish eng muhim vazifa hisoblanadi. Go‘sht mahsulotlarini 100 0 С dan yuqor haroratga qizdirganda

ba’zi bir vitaminlar parchalanadi. Parchalanish darajasi esa haroratga va bu haroratda go‘sht mahsulotlarini qancha muddat ushlab turilishga bog‘liq bo‘ladi. Haroratga eng chidamsiz vitaminlar qatoriga S, D, V vitaminlari, pantotenot, nikotinot kislotalarini kiritish mumkin. A, YE, K, В 2 vitaminlari esa haroratga bardoshli vitaminlar hisoblanadi. Masalan, cho‘chqa konservasini serilizatsiya qilganda В 1 vitaminining 56-86 % ga kamayishi kuzatilgan. Sterilizatsiya jarayonida mikroorganizmlar sporalarining halokatga yuz tutishi kuzatiladi. Halokatga yuz tutishi protoplazma oqsillarining depaturatsiyaga uchrashi va fermentlarning parchalanishi bilan tushuntiriladi. Sterilizatsiya rejimini tanlaganda, inson organizmi uchun zararli bo‘lgan eng issiqlikka chidamli bo‘lgan mikroorganizm sporalarining halokatga yuz tutishini ko‘zlab ish ko‘riladi. Har xil mikroorganizmlarning sporalarining haroratga bardoshliligi har xil bo‘ladi. Go‘sht konservalarini 1340S da 5 daqiqa davomida sterilizatsiya qilinsa barcha mikroorganizmlar sporalari qirilib bitadi. Lekin, bunday yuqori harorat konserva mahsulotlarida chuqur kimyoviy o‘zgarishlarni vujudga keltiradi. Natijada konserva mahsulotining sifati va ozuqaviy qiymati keskin darajada pasayadi. Shu sababli ham amaliyotda sterilizatsiya qiishda harorat 1200 dan yuqori bo‘lmaydi. Bunday haroratda mahsulotning butunlay sterilizatsiyalanishi ro‘y bermasada, ko‘pchilik mikroorganizm-larning sporalari qirilib bitadi. Tayyor konservani birinchi saralash. Sterilizatsiya jarayoni poyoniga yetgandan so‘ngra konservalar avtoklavlardan chiqarib olinib, tashqi ko‘rinishi bo‘yicha saralanadi. Bankalar ko‘zdan kechirilib, germetikligi buzilgan, deformatsiyaga uchragan bankalar ajratiladi. Saralangandan so‘ngra konservalar suv yordamida 400 gacha sovutiladi. Termostatda ushlab turish. Termostatda ushlab turish jarayoni deganda tayyor konserva mahsulotlarini sterilizatsiya qilingandan keyin ko‘pchilik mikroorganizmlarning tez rivojlanishi uchun qulay haroratda, ya’ni 370S da ushlab turish tushuniladi. Konservani bunday sharoitda tutib turilganda agar unda mikroorganizmlar tirik qolgan bo‘lsa, 5-10 kun davomida rivojlanib, konserva bankasining qopqog‘ining bo‘rtib chiqishini vujudga keltiradi. Buning asl sababi

mikroorganizmlar rivojlanishidan gazlarning hosil bo‘lishi natijasida konserva bankasi ichida ortiqcha bosimning hosil bo‘lishi hisoblanadi. Bu nuqsonni bombaj deb ataladi. Termostatda ushlab turish konservada butunlay bombaj yuz bermasligini kafolatlay olmaydi, chunki ba’zi mikroorganizmlarning rivojlanishi uchun qulay sharoit 370S dan yuqori yoki past bo‘lishi mumkin. Shu sababli ham ba’zan konservalarni uzoq muddat omborxonalarda saqlaganda ham bombaj hosil bo‘lishi mumkin. Ikkinchi bor saralash. Termostatda ushlab turilgandan so‘ngra konserva bankalari qayta boshdan ko‘zdan kechiriladi. Bunda bombaj belgilari bor germetik bo‘lmagan konserva bankalari ajratib olinadi. Konservalarni joylash va etiketkalash. Konserva bankalariga etiketka yopishtirilib, yashiklarga joylanadi. Uzoq muddat saqlanishga mo‘ljallangan bankalarga texnik vazelin bilan ishlov beriladi. Ularga etiketka qog‘ozi yopishtirilmasdan bu etiketka qog‘ozlari yashiklar ichiga solib qo‘yiladi. Konservalar odatda yog‘och yoki kartondan qilingan yashiklarga joylanadi. Bankalar yashiklarga joylanganda bir-biriga tegib turilmaydigan qilib joylanishi talab etiladi. Yashiklarda konserva ishlab chiqarilgan korxonaning nomi, manzilgohi, mahsulotning nomi, navi, banka soni va nomeri, netto massasi va ishlab chiqarilgan vaqti ko‘rsatilishi kerak. Go‘sht konservalarining assortimenti ularni tamg‘alash va saqlash Go‘sht konservalari xom ashyoning turiga, texnologiyasi, tarkibi, issiqlik ishlovi berish tempraturasi, mo‘ljallanganligi va iste’mol qilish usullariga qarab guruhlanadi. Xom ashyosining turiga qarab go‘sht konservalari mol, qo‘y, cho‘chqa, buzoq va boshqa mollarning go‘shtidan, tovuq, kala-pocha mahsulotlaridan tayyorlangan konservalar va go‘sht-o‘simlik mahsulotlari konservalariga bo‘linadi. O‘simlik

mahsulotlari sifatida dukkakli donlar, sabzavotlar va makaron mahsulotlaridan foydalaniladi. Ishlov berish xarakteriga qarab go‘sht konservalari dastlab tuzlangan xom ashyodan tayyorlangan, maydalanmagan xom ashyodan, maydalangan xom ashyodan, obdon maydalangan xom ashyodan, dastlabki issiqlik ishlov berilgan xom ashyodan tayyorlangan kabi turlarga bo‘linadi. Tarkibi bo‘yicha konservalar o‘z sardagida tayyorlangan natural konservalar, faqat tuz va ziravorlar qo‘shilgan, tomat sousi qo‘shilgan, jeleli kabi konserva turlariga bo‘linadi. Issiqlik ishlovi berilishga qarab go‘sht konservalari pasterizatsiya qilingan va sterilizatsiya qilingan kabi turlarga bo‘linadi. Mo‘ljallanganligiga qarab esa go‘sht konservalari gazakbop, ovqatbop, parhez va bolalarga mo‘ljallangankabi konserva turlariga bo‘linadi. Konservalar qizdirib va qizdirmasdan ovqatga ishlatiladigan konservalar deb ham guruhlanishi mumkin. Go‘sht konservalarini 00 S dan 150S gacha haroratda va havoning nisbiy namligi 75 % dan ortiq bo‘lmagan sharoitda 1 yilgacha qilib belgilangan. Ba’zi bir konservalar uchun esa, davlat rezervlari uchun 3 yilgacha qilib belgilangan.

Adabiyotlar: 1. O’zlem Tokuso’g’lu. Barry G.Swanson. «Inproving Food Quality with Novel Food Processing Technogies». Edited by.Taylor end Francis Group. 2015. p. 485. 2. Food and raw materials. Kemeraovo institute of food science and texnology. 2015, p. 145. 3. Vasiyev M.G‘., Dadayev Q.O. va boshqalar. Oziq-ovqat texnologiyasi asoslari. –T.: “Voris-Nashriyot”, 2012. - 400 b. 4. 4.Yo’ldoshev N., Kadirxodjayeva N. Ishlab chiqarish tehnologiyalari. Darslik. 2014yil.- 350 bet. 5. Adizov R.T., G‘afforov A.X. Xusenov S.Y. Donni tozalash va maydalash texnologiyasi. –T.:” TURON-IQBOL” nashriyoti, 2006. -184 b. 6. Amonova Z.M. Sut va sut mahsulotlari texnologiyasi. –T.: Cho‘lpon, 2004. 132 b. 7. Boboyev S.D., Adizov R.T., Ergasheva X.B. Omixta yem ishlab chiqarish.-T.: O‘zbekiston, 2003. -280 b.

Похожие

Saryog`lar va sut konservalari texnologiyasi

Oziq-ovqat mahsulotlarini konservalashning ahamiyati va usullari

Oziq-ovqat sanoati texnologiyasi fanining predmeti, ahamiyati va vazifalari

Sanoatda ishlatiladigan xom-ashyolar va materiallar

Non texnologiyasi