Sifat menejmenti tizimiga talablar - Метрология - Рефераты

Sifat menejmenti tizimiga talablar

Загружено в:

15.09.2023

Скачано:

0

Размер:

76.5 KB

Sifat menejmenti tizimiga talablar Reja: 1. Sifat menejmenti tizimi. Umumiy talablar. 2. Sifat menejmenti tizimini rejalashtirish

Sifat menejmenti tizimi. Umumiy talablar. ISO standartlarining paydo bo’lishi sifatni ta`minlashda korxona imkoniyati to’g’risida, ta`minotchilar ishonchililigi to’g’risida etarli va ishonchlik bilan xulosalar qilish mumkinligini, sifat tizimi qanday mezonlarga javob berishi kerakligi savollariga, sifat tizimi orqali javob berildi. ISO 9000 turkumli standartlar va boshqa xalqaro standartlar kabi, tavsiyanoma bo’lib hisoblanadi. Negaki, ularni o’zining shartlariga «yaqinlashtirish», ko’plab mamlakatlarda uni milliy sifatida qabul qilingan. Ular O’zbekistonda ham, masalan, O’z DSt ISO 9000, O’z DSt ISO 9001, O’z DSt ISO 9004 va O’z DSt ISO 19011 amaldagi davlat standartlari tizimida sertifikatlashtirish uchun yuritiladi. Nega endi ularni joriy qilish kerak? Ular bozor sharoitlarida nimani beradi? degan savollarga to’xtalib o’tamiz. Zamonaviy bozor, ya`ni, tovarlarni erkin aylanishi xususiyati, jahon bozori nomini oldi. U quyidagi tavsiflarga ega bo’ladi: Mazmunli tovarlar : bozorda sezilarli darajada talab va taklaiflarni o’sishi. Itse`molchilarni xabardorliligi : iste`molchi haq, odatda, u nimani hohlashini biladi. O’zgaruvchanlik : ilmiy-texnikaviy taraqqiyotni o’zgarishi, yuqori texnologiyalarni jadal rivojlanishi, bir vaqtda bozorda ishlovchi raqobatchilarning miqdorini ko’pligi – bir xildagi tovarlarni ishlab chiqaruvchilarni taklif va talablarni doimiy o’zgartiradilar. Tovarni tanlashda, hal qiluvchi rolni o’ynovchi, raqobatbardoshlikning oltita asosiy mezoni deb aytish mumkin. Sifat . Iste`molchi, shak-shubhasiz bir xil sharoitda tovarning ishonchliligi, xavfsizligi, ko’proq afzal jozibadorligiga ahamiyat beradi. Narx . Tovar narxi, uning sinfiga bog’liq bo’lib va aniqlangan to’lovchanlik darajasiga mo’ljallangan.

Etkazish muddati . Ko’p holatlarda bu omil narxlashdan ham ko’proq ahamiyatga ega. Ekspluatatsiya qiymati : tovarning ustunlikka egaligi, ya`ni iste`molchiga ekspluatatsiya qilish arzon tushadi. Xizmat ko’rsatish qulayligi . Bu erda texnik xizmat ko’rsatish va mahsulotni ta`mirlash, hamda uni mumkin bo’lgan tarmoq punktlari mavjudligi jiddiy o’rin tutadi. Ishonish . Ishonish tayyorlovchining obru-e`tiborini, davomiylik natijasida shakllanishi va bozor ishlaridan hech kamchilik topib bo’lmaslik deb ta`riflanadi. Ishonchni qozonish usullaridan biri mahsulotni sertifikatlashtirish yoki tayyorlovchini nufuzli idoralar tomonidan sifat tizimini sertifikatlashidir. Keltirilgan raqobatbardoshlik mezonlarining birinchi uchtasi (sifat, narx, etkazish muddati) odatda, muhim bo’lib hisoblanadi. Bunda mahsulot sifati eng yuqori muhim ahamiyatga ega bo’ladi. Sifatga berilgan ustunlik strategiyasi, bu jahon bozorida korxona taklifi turg’unligi davomiyligini ta`minlaydi. Agarda ustunliklar o’zgarsa, masalan, sifatga ziyon etkazilib tannarxni tushib ketishi hisobida yuqori foyda olinsa, u holda bir qancha vaqt samara berishi mumkin, lekin, oxirida korxonani bozordan chiqib ketishiga to’g’ri keladi. Bunday strategiya «korxonalar-parvonalar» uchun tavsiflangan va qo’yiladigan masala – qisqa vaqt bozorda bo’linib maksimum foyda olishdir. Bunday shaklda, jahon bozori sharoitlarida O’zbekiston iqtisodiyotining integrallashishida, korxonalar uchun, uning takliflari barqarorlikga intilishi, sifat, narx, etkazish muddatlariga rioya qilish va boshqa mezonlar bo’yicha masalalarda raqobatchilar oldida, imkoniyatni ta`minlovchi menejment zarurdir. Bunda o’zgarib turuvchanlikni bozor talab qiladi, negaki, menejment tizimi moslashuvchanligi va bu o’zgaruvchanliklarga xususiy moslashuvchanligi mavjuddir. Demak, jahon bozoriga ISO 9000 turkumli standartlariga muvofiq, bugungi kun darajasida sifat tizimini minimal tenglashtirish lozim.

Agarda, korxona sifat tizimi tavsiflari bozor talablariga to’g’ri kelmasa ham, ular ishlaydi, lekin bunday korxonalar uzoq yashashmaydi yoki mashaqqatlikda kun kechirishadi. Agarda bugun korxona taraqqiy topsa, lekin, o’zgarishni sezmasa, bozorga chiqishi va o’zining sifat tizimini to’g’riligini yangilamasa, bunday korxonalar jiddiy muammolarni kutishi mumkin, negaki, raqobatchilar g’aflatda qolmagan va ular ko’pchilikni tashkil etadi. Bozorda muayyan mahsulotni aniqlab va uni ishlab chiqarishni o’zlashtirsa, hamda kerakli o’rnini topsa muvaffaqiyat qozonadi. Bunda korxona eksportga mo’ljallangan xususiyatiga kafolatga erishish uchun, ayni vaqtda texnologik nazorat jarayonlari va mukammal ma`muriy boshqaruvini o’zigina etishmasligini aytib o’tish lozim. Mahsulotlarga texnik shartlarning mavjudligi garchan, uning sifatiga, bir qancha texnologiya va o’zgarib turuvchanligiga doir shartlar hamda brakka chiqarishga, noishlab chiqarish xarajatlarida etkazib berish muddatining bekor bo’lishiga sabablarni qisman paydo bo’lishini yaxshi tavsiflari bo’lib hisoblanmaydi. Bozorda barqarorlik davomiyligiga va peshqadamlikka intilish uchun quyidagi zarur: -korxona ishlayaptimi, bozor talablari va tavsiflarini o’rganish, tahlil qilib borish va undan kelib chiqadigan farazlarni o’rganish; -ushbu bozorda raqobatbardoshlik mezonlarini shakllantirish; -yuzaga kelayotgan turli xil ish holatlari uchun ilg’or mezonlarni aniqlash; -sifat tizimini qo’llash va uni takomillashtirish. ISO 9000 xalqaro standarti xalqaro amaliyotda tekshirilgan iste`molchilarni kutishi va talablarini qondirish maqsadi bilan biznes-jarayonlarni boshqarishga tizimli yondashuv boshqaruv modelini tavsiya etadi. ISO 9001 standarti bo’yicha sertifikatlashtirishning muhim omillaridan biri xalqaro standartlarga muvofiq sifat menejmenti tizimi tasdiqlovchi akkreditlangan sertifikatlashtirish idorasi bo’lsa, unda kompaniya sifat menejmenti sohasidagi o’zining harakatlarini xalqaro va milliy darajalarda tan olishini qo’lga kiritish bo’lib hisoblanadi.

ISO 9000 turkumli standartlarni faoliyat turi, katta-kichikligi va qonuniy shakllariga bog’liq bo’lmagan ixtiyoriy tashkilotlarga qo’llash mumkin va universal bo’lib hisoblanadi. Hozirgi kunda ISO 9001:2008 butun dunyo bo’yicha va shu jumladan, O’zbekistonda ham sifat menejmentini sertifikatlashtirish standarti ko’proq ommalashgan bo’lib hisoblanadi. ISO 9001:2008 standartini joriy qilish tashkilotlarga muayyan imkoniyalarni beradi va uni quyidagi shaklda sinflash mumkin: 1) TASHKILIY: -muntazamli boshqarish; -javobgarlik va vakolatlarni aniq taqsimlash; -jarayonlar va ishlarni ko’zda tutilgandek o’zaro faoliyati; -strategik boshqarish uchun yuqori rahbariyatni tayinlash. Ishlab chiqarish xodimlarining ishlarini texnologik jarayonlar va qurilmalarni turg’un ishlashini, ularni malakasi va layoqatini hisobga olib ishlash xavfsizligini oshirish. 2) IQTISODIY: -mehnat samaradorligini oshirish, reserslardan foydalanishini optimallashtirish; -«yashirin ishlab chiqarish»ni qisqartirish – nomuvofiqlikni bartaraf qilishga xarajatlar; -ishlab chiqarishda yaroqsiz qurilmalar, asbob-uskunalar va o’lchash vositalaridan qo’llanilishidan iqtisodiy zararlarni qisqartirish; -turli xil nomuvofiqliklar bilan bog’liq kompaniya qarz to’lovlari, jarimalar va iste`molchilar tomonidan shikoyatlarni qisqartirish; -sotuv bozorini kengaytirish. 3) OBRO’ - E`TIBORLILIGI: -barcha qiziquvchi tomonlarning ko’z o’ngida obro’sining yaxshilanishi; -iste`molchilariga sodiqligini qo’lga kiritish; -xodimlar odob-axloqini oshirish, psixologik muhitni yaxshilash; -ta`minotchilar bilan munosabatni yaxshilash;

-sifat bo’yicha tanlovlarda qatnashish vaziyatlarini kuchayishi, sifat menejmenti sohasida kompaniya ishlarini milliy va halqaro darajada tan olinishi. 4) STRATEGIK: -kompaniya intellektual salohiyatida xodimlar mahorati va bilimining izchilligi; -kompaniya mablag’ini oshishi va nomaterial aktivlarini o’sishi; -biznesni ko’paytirish imkoniyati; -biznes-jarayonlarni re-injiniringga tayyorlanganligi. Bir qancha sifat tizimini sertifikatlashtirishda qatnashgan ekspertlar tahlillari asosida, ISO 9000 seriyasi bo’yicha sifat tizimini joriy qilgan, korxonalar ishlash samaradorligi, joriy qilmaganlarga qaraganda 2-3 marta yuqori deb xulosa qilishgan. Xitoy mutaxassislari statistik guruhlash usuli asosidagi tadqiqot natijalari shuni ko’rsatganki, shubhasiz tizimni joriy qilgan korxonalar ushbu ishni boshlamagan bir turdagi korxonalar bilan solishtirilganda, eng yuqori samaradorlik faoliyatiga erishishgan. Nazorat, tahlil va ishlab chiqarish jarayonlarini asosiy nuqtalarini davriy kuzatish va boshqarish jarayonlari, jumladan, xalqaro standart talablariga muvofiq sifat menejmenti tizimi korxona faoliyatini uzluksiz takomillashtirish va yaxshi boshqaruvchanligini hujjatlashtirish hisobiga ta`minlanadi. Bunda ISO 9001:2008 standart bo’yicha sifat menejmenti tizimi sertifikatini olishning yutug’i va boshqa maqsadlari – korxona qiymatini oshirishda (investitsiyalar kiritish, mablag’lashtirish, kelgusidagi sotish va boshqalar) asosiy vosita bo’lishi mumkin. Amaliyot shuni ko’rsatadiki, xalqaro standartlar talablariga muvofiq tashkil qilingan sifat menejmenti tizimi korxona qiymatini, amalda 5-10% gacha oshirishi mumkin. Ayni vaqtda shuni anglash kerakki, barcha ta`kidlangan imkoniyatlarga birdaniga erishilmaydi, etarli bir qancha vaqtda, balki bir necha yildan so’ng, qachonki, tashkilot o’zining ishlarini tashkillashtirishni haqiqatdan ham o’zlashtirgandagina erishiladi. Lekin birinchi vaqtda joriy qililgandan so’ng quyidagi ijobiy o’zgarishlar, ya`ni qator korxonalardan so’rovlarda aniqlangan:

-firma obro’sini oshishi; -bo’linmalararo o’zaro faoliyatni yaxshilanishi; -reklama uchun tizimga sertifikat qo’llanilishi; -mijozlar aloqasini kengayishi; -mahsulot raqobatbardoshligini oshishi; -nuqsonlar miqdorini kamaytirish; -ishlab chiqarish samaradorligini oshirish; -eksport imkoniyatini ta`minlash; - xodimlarni samarali tanlash. Sifat menejmenti tizimining eng asosiy ahamiyatli omillaridan biri uni aniqlangan sertifikatlashtirish sxemalari bo’yicha mahsulot ishlab chiqarishni tasdiqlash uchun qo’llash bo’lib hisoblanadi. Xavfsizlikga talab va sifatga ixtiyoriy bo’lmagan emas, balki, ishlab chiqarishni yuqori tashkillashtirish bilan erishish. Tashkilotda foydalanilayotgan sifatni boshqarish jarayonlari tizimi mavjudligi, tashkilot tashqi va ichki bozorlarda raqobatbardoshli bo’lishi va noishlab chiqarish yo’qotishlarni bartaraf qilishda foydalaniladi. Bu bozor sharoitida tashkilotda keragidan ham ko’p ishchilar ishlashi va qachonki foyda ishlar, xizmatlar va mahsulotlarni talab qilingan xavfsiz va sifatli bo’lishini ta`minlash o’rni bilan tashkilotni boshqaruvchi rahbariyat qarashlariga to’g’ridan-to’g’ri bog’liq bo’ladi. Bundan tashqari, biror bir tashkilot O’z DSt ISO 9001 talablariga muvofiq menejment tizimi tasdiqlanmasdan, xalqaro tenderlarda qatnashishga qabul qilinishi mumkin emas. Buyurtmachi tashkilotdan xavfsizlik bo’yicha maxsus talablar va umumiy, hamda shartnomada ko’rsatilgan, sifat bo’yicha buyurtmachining qo’shimcha talablari bajarilishi barqarorligini ta`minlash kafolatini talab qiladi. O’zbekiston Butun jahon savdo tashkiloti (BJST) (Vsemirniy targoviy organizasii - VTO) ga kirishi xorijiy hamkorlar uchun bizning bozorni kengroq ochish, xalqaro qoidalarni qabul qilish zaruriyatini hosil qiladi. Haqqoniy va samarasiz amaldagi tizimlariga tizim sertifikatining mavjudligi tashkilotni qutqarmaydi, u noishlab chiqarish yo’qotishlari singari kirib keladi.

Mahsulot sifatining barqarorligini ta`minlash imkoniyati bo’lmasa, u ziyon etkazishga olib keladi. Tashkilot rahbarlari, xorijiy kompaniyalar bilan bir darajada muvaffaqiyatli ishlashni hohlashsa, tashkilotda amalga oshirilayotgan, barcha jarayonlar sifatini boshqarishni o’zlashtirishi lozim. Agar jaayonlarni bajarish qoidalari va tashkiliy tartiblari rasmiy tavsiflanmagan (yozilmagan) va jarayonni amalga oshirishda sifat uchun javobgar shaxs yo’q bo’lsa boshqarish bo’lishi mumkin emas. YUqori rahbariyat boshqarish yoki ushbu jarayonlar doirasida kerakli qarorlarni qabul qiluvchi javobgar shaxsga vakolatlar berishi lozim. Faqat bunday boshqarish tizimi O’zbekistonni xalqaro iqtisodiyotga kirish istiqbolini amalga oshirishda samarali bo’lib hisoblanadi. Tashkilot muvofiqlikni deklaratsiyalash uchun hujjatlarni shakllantirish vaqtida, mahsulot ishlab chiqarishga majburiy talablarni bajarilishini barqarorligini ta`minlash kafolatini, tashkilotda menejment tizimi mavjudligini tasdiqlovchi, isbotlovchi texnikaviy hujjatlari sifatida keltirishni so’rash huquqiga ega. Tashkilot sifat menejmenti tizimini ishlab chiqishi, hujjatlashtirishi, joriy qilishi va ishchi holatda saqlab turishi, ushbu standart talablariga muvofiq holda uning natijaliligini doimo yaxshilashi kerak. Tashkilot: -sifat menejmenti tizimi uchun zarur bo’lgan jarayonlarni aniqlashi va ularni butun tashkilotda qo’llashi; -ushbu jarayonlarning ketma-ketligi va o’zaro bog’lanishini aniqlashi; -ushbu jarayonlarni ham amalga oshirishda, ham boshqarishda natijaliligini ta’minlash uchun zarur bo’lgan mezonlar va usullarni aniqlashi; -ushbu jarayonlarni monitoring qilish, o’lchash (qo’llanilganda) va tahlil qilishni amalga oshirishi; -ushbu jarayonlarni rejalashtirilgan natijalarga erishishi va doimiy yaxshilanishi uchun zarur bo’lgan harakatlarni amalga oshirishi kerak. Tashkilot mazkur standart talablariga muvofiq ushbu jarayonlar menejmentini amalga oshirishi kerak. Agar tashkilot mahsulotga qo’yiladigan talablarga muvofiqligiga ta’sir etuvchi qandaydir jarayonni amalga oshirishni chet tashkilotlarga

topshirishga qaror qilsa, tashkilot bunday jarayonlarni boshqarilishini o’zi tomonidan ta’minlashi kerak. Boshqarish turi va hajmi sifat menejmenti tizimi doirasida aniqlanishi lozim. Autsorsing jarayonlariga nisbatan qo’llaniladigan boshqaruv turi va darajasiga quyidagi omillar ta’sir etishi mumkin: -tashkilotning talablarga muvofiq mahsulotni etkazib berishga qodirligiga autsorsing jarayonining mumkin bo’lgan ta’siri; -jarayonni boshqarish darajasi; -qo’llash doirasida zarur boshqaruvga erishish qobiliyati. Hujjatlarga qo’yiladigan talablar. Umumiy qoidalar. Sifat menejmenti tizimining hujjatlari: -sifat sohasidagi siyosat va maqsadlar haqida hujjatlar bilan rasmiylashtirilgan bayonotlarni; -sifat bo’yicha qo’llanmani; -ushbu standartda talab etiladigan hujjatlashtirilgan protseduralar va yozuvlarni; -tashkilot tomonidan jarayonlarni natijali rejalashtirish, amalga oshirish va ularni boshqarishni ta’minlash uchun zarur deb belgilangan hujjatlar, jumladan yozuvlarni o’z ichiga olishi kerak. Sifat bo’yicha qo’llanma Tashkilot: -har qanday istisnolarning tafsilotlari va asosi bilan birga sifat menejmenti tizimining qo’llanish doirasini (1.2 q.); -sifat menejmenti tizimi uchun ishlab chiqilgan hujjatlashtirilgan protseduralar yoki ularga qilingan havolalarni; -sifat menejmenti tizimi jarayonlarining o’zaro bog’lanishi bayonini o’z ichiga olgan sifat bo’yicha qo’llanmani ishlab chiqishi va ishchi holatda saqlab turishi lozim. -ushbu jarayonlarni ishlab turishini saqlash va ularni monitoring qilish uchun zarur bo’lgan resurslar hamda axborot bilan ta’minlashi;

Hujjatlarni boshqarish. Sifat menejmenti tizimi tomonidan talab qilinayotgan hujjatlar boshqarilishi lozim. YOzuvlar hujjatlarning maxsus turi bo’lib, bandda keltirilgan talablarga muvofiq boshqarilishi kerak. Zarur boshqaruv vositalarini aniqlash uchun: -hujjatlarni chiqarishdan oldin ularni bir xilligi bo’yicha tasdiqlashni; -hujjatlarni tahlil qilish va zaruratga qarab aktuallashtirish hamda ularni qayta tasdiqlashni; -hujjatlar o’zgartishlarining hamda ularni qayta ko’rib chiqish amaldagi statusining identifikatlashtirilishini ta’minlashni; -foydalanilayotgan hujjatlarning tegishli talqinlari qo’llaniladigan joylarida bo’lishini (foydalanish mumkinligini) ta’minlashni; -aniq va oson identifikatlanadigan hujjatlarning saqlanishini ta’minlashni; -tashkilotdan tashqarida ishlab chiqilgan hamda tashkilot tomonidan sifat menejmenti tizimini rejalashtirilishi va ishlashi uchun zarur deb belgilangan hujjatlarni identifikatlashtirilishini hamda ularni tarqatilishini boshqarishni ta’minlashni; -eskirgan hujjatlardan bexosdan foydalanishni oldini olish va qandaydir maqsadlar uchun saqlab qo’yilgan hujjatlarni tegishli ravishda identifikatlashtirishni nazarda tutadigan hujjatlashtirilgan protsedura ishlab chiqilishi lozim. Yozuvlarni boshqarish. Talablarga muvofiqlik guvohnomalarini berish uchun va sifat menejmenti tizimini natijali ishlashi uchun belgilangan yozuvlar boshqarilishi kerak. Tashkilot yozuvlarni identifikatlash, saqlash, himoya qilish, ulardan foydalanishni ta’minlash, saqlash va muomaladan chiqarishni talab etiladigan boshqaruv vositalarini aniqlash uchun hujjatlashtirilgan protsedurani ishlab chiqishi lozim. YOzuvlar aniq, oson identifikatlanadigan va tushunarli bo’lishi kerak. Rahbariyatning javobgarligi. Rahbariyatning majburiyatlari. YUqori rahbariyat sifat menejmenti tizimini ishlab chiqish va joriy etish, shuningdek uning

natijaliligini doimiy yaxshilash bo’yicha tarafdorligi isbotini quyidagilar vositasida taqdim etishi kerak: -iste’molchilarning talablarini, shuningdek normativ va tartibga soluvchi talablarni bajarilishini muhimligi haqida tashkilotni xabardor qilish; -sifat sohasidagi siyosatni aniqlash; -sifat sohasidagi maqsadlar belgilanganini ta’minlash; -rahbariyat tomonidan tahlillar o’tkazish; -resurslar bo’lishini ta’minlash. Iste’molchi talablariga moslashish Yuqori rahbariyat iste’molchilarning qoniqqanligini oshirish uchun ularning talablari aniqlanishi va bajarilishini ta’minlashi kerak. Sifat sohasidagi siyosat. Yuqori rahbariyat sifat sohasidagi siyosatni: -tashkilot maqsadlariga muvofiq bo’lishi; -talablarga muvofiq bo’lishi va sifat menejmenti tizimining natijaliligini doimo oshirish bo’yicha tarafdorligini o’z ichiga olishi; -sifat sohasidagi maqsadlarni qo’yish va tahlil qilish uchun asos yaratishi; - tashkilot xodimlari xabardor qilingan bo’lishi va ularga tushunarli bo’lishi; e) doimiy yaroqliligi bo’yicha tahlil qilinishini ta’minlashi kerak. Rejalashtirish. Sifat sohasidagi maqsadlar. YUqori rahbariyat sifat sohasidagi maqsadlar, jumladan mahsulotga qo’yiladigan talablarni bajarish uchun zarur bo’lgan maqsadlar ham tashkilotning tegishli vazifalari uchun va tegishli darajalarida qo’yilishini ta’minlashi kerak. Sifat sohasidagi maqsadlar o’lchanadigan va sifat sohasidagi siyosat bilan muvofiqlashtiriladigan bo’lishi lozim. Sifat menejmenti tizimini rejalashtirish Yuqori rahbariyat: Sifat menejmenti tizimini rejalashtirish talablarini, shuningdek sifat sohasidagi maqsadlarni bajarish uchun amalga oshirilishini,

hamda sifat menejmenti tizimi rejalashtirilsa va unga o’zgartishlar kiritilsa, sifat menejmenti tizimi yaxlitligi saqlanishini ta’minlashi kerak. Javobgarlik, vakolatlar va axborot almashish. Javobgarlik va vakolatlar YUqori rahbariyat, javobgarlik va vakolatlar aniqlangan bo’lishi hamda tashkilot doirasida ma’lum qilinishini ta’minlashi kerak. Rahbariyat vakili YUqori rahbariyat tashkilot rahbariyati a’zosini tayinlashi kerak, bu a’zo unga yuklatilgan boshqa vazifalardan tashqari: -sifat menejmenti tizimi tomonidan talab qilinadigan jarayonlarni ishlab chiqish, joriy qilish va ishchi holatda saqlab turilishini ta’minlash; -yuqori rahbariyatga sifat menejmenti tizimining ishlashi haqida va uni takomillashtirishda har qanday ehtiyojlar haqida hisobotlarni taqdim etish; -iste’molchining talablari to’g’risida tashkilotning xabardorligini ta’minlashni o’z ichiga oluvchi mas’uliyat va vakolatlarga ega bo’lishi kerak. Ichki axborot almashinuvi Yuqori rahbariyat tashkilotda axborot almashinuvining tegishli jarayonlarini o’rnatishi va ushbu axborot almashinuvi sifat menejmenti tizimining natijaliligiga taalluqli masalalar bo’yicha amalga oshirilishini ta’minlashi kerak. Rahbariyat tomonidan tahlil qilish Umumiy qoidalar YUqori rahbariyat rejalashtirilgan oraliq orqali tashkilotning sifat menejmenti tizimini, uning doimiy yaroqliligi, birxilliligi va natijaliligini ta’minlash maqsadida tahlil qilishi kerak. Ushbu tahlil sifat menejmenti tizimini yaxshilash uchun imkoniyatlar va unga o’zgartirishlar zarurligi, jumladan sifat sohasidagi siyosat hamda sifat sohasidagi maqsadlarni baholashni o’z ichiga olishi lozim. Rahbariyat tomonidan tahlil qilish to’g’risidagi yozuvlar ishchi holatda saqlab turilishi kerak (4.2.4 q.). Tahlil qilish uchun kirish ma’lumotlari Rahbariyat tomonidan tahlil qilish uchun kirish ma’lumotlari quyidagilarga taalluqli axborotni o’z ichiga olishi kerak: a) auditlar natijalari; b) iste’molchilar bilan aks aloqa; c) jarayonlarning ishlashi va mahsulotning muvofiqligi; d) oldini olish va tuzatish harakatlarining maqomi; e) rahbariyat tomonidan qilingan oldingi tahlillardan kelib chiqadigan keyingi harakatlar; f) sifat menejmenti tizimiga ta’sir qilishi mumkin bo’lgan o’zgartirishlar; g) yaxshilash bo’yicha tavsiyalar.

Tahlil qilishning chiqish ma’lumotlari. Rahbariyat tomonidan tahlil qilishning chiqish ma’lumotlari quyidagilarga tegishli barcha qaror va harakatlarni o’z ichiga olishi kerak: a) sifat menejmenti tizimi va uning jarayonlari natijaliligini oshirish; b) iste’molchilar talablariga muvofiq mahsulotni yaxshilash; s) resurslarga bo’lgan ehtiyoj. Resurslar menejmenti Resurslar bilan ta’minlash Tashkilot quyidagilar uchun zarur bo’lgan resurslarni aniqlashi va ta’minlashi kerak: -sifat menejmenti tizimini joriy qilish va ishchi holatda saqlab turish, shuningdek uning natijaliligini doimo oshirishi; -iste’molchilarning talablarini bajarish yo’li bilan ularning qoniqqanligini oshirish.

Adabiyotlar : 1. Mirziyoev SH.M. Erkin va farovon, demokratik O’zbekiston davlatini birgalikda barpo etamiz. O’zbekiston Respublikasi Prezidentining lavozimiga kirishish tantanali marosimiga bagishlangan Oliy Majlis palatalarining kushma majlisidagi nutki. -T.: "O’zbekiston" NMIU, 2016.- 2. Mirziyoev SH.M. Konun ustuvorligi va inson manfaatlarini ta’minlash - yurt tarakkiyoti va xalk farovonligining garovi. O’zbekiston Respublikasi Konstitutsiyasi kabul kilinganining 24 yilligiga bagishlangan tantanali marosimdagi maruza 2016 yil 7 dekabr. T: "O’zbekiston" NMIu. 2016-486. 3. Mirziev SH.M. Buyuk kelajagimizni mard va olijanob xalkimiz bilan birga kuramiz. - T.: "O’zbekiston"NMIU, 2017. - 488 6. buyicha 4. Ismatullaev P.R., Matyakubova P.M. Turaev SH.A. Metrologiya, standartlashtirish va sertifikatlashtirish. Dasrlik. T.: Lesson-Press, 2015.423 5. Ismatullaev P.R., Axmedov B.M., Matyakubova P.M., Xamrokulov F.X. Turaev SH . A . Sertifikatlashtirish asoslari va sifat menejmenti . Darslik. Toshkent, Sano-standart, 2014. - 330 6. 6. Abduvaliev A.A. i metrologii i upravleniya kachestvom Izdatelstvo TGTU, 2002. - 287 s. dr. Osnovы standartizatsii, sertifikatsii produksii. Uchebnoe posobie. - Tashkent: 7. Axmedov B.M., Ismatullaev P.R., Turaev SH.A. Sertifikatlashtirish va sifatni boshkarish asoslari, o’kuv kullanma. O’zR O MTV; TDTU. – Toshkent 2007. -233 6. 8. Axmedov B.M., Ismatullaev P.R. Turobjonov S.M., YUsupov E.D. Typaev SH . A . Osnov ы sistem ы menedjmenta kachestva . Izd-vo iptd Uzbekistan. - Tashkent, 2009. -208 s.

Похожие

Sifat menejmenti tizimini sertifikatlashtirish bo’yicha ekspertlarga qo’yiladigan talablar

Sifat menejmenti tizimini hujjatlashtirish

Sifat menejmenti tizimini sertifikatlashtirish

Sifat menejmenti tizimini tekshirish

Sifat menejmenti tizimini joriy etish