Sifat menejmenti tizimini sertifikatlashtirish bo’yicha ekspertlarga qo’yiladigan talablar - Метрология - Рефераты

Sifat menejmenti tizimini sertifikatlashtirish bo’yicha ekspertlarga qo’yiladigan talablar

Загружено в:

15.09.2023

Скачано:

0

Размер:

60.5 KB

Sifat menejmenti tizimini sertifikatlashtirish bo’yicha ekspertlarga qo’yiladigan talablar Reja: 1. Sifat menejmenti tizimini sertifikatlashtirish bo’yicha ekspertlarga qo’yiladigan talablar. 2. Ularning vazifalari, majburiyatlari va javobgarliklari.

Sifat menejmenti tizimini sertifikatlashtirish bo’yicha ekspertlarga qo’yiladigan talablar. O’zbekiston Respublikasi Vazirlar Mahkamasining qaroriga asosan respublika korxonalarida xalqaro standartlarga muvofiq bo’lgan sifatni boshqarish tizimlarini joriy etishni kengaytirishga keng yo’l ochildi. Mamlakatimiz korxonalari tomonidan ishlab chiqarilayotgan mahsulotlar va ko’rsatilayotgan xizmatlarning raqobatbardoshligini oshirish, ularning eksport salohiyatini ko’paytirish va respublika korxonalarida xalqaro standartlarga muvofiq bo’lgan sifatni boshqarish tizimlarini joriy etish maqsadida Vazirlar Mahkamasi qarorida: -Sifatni boshqarish tizimlarini joriy etishni muvofiqlashtirish bo’yicha maxsus ishchi guruhning yangilangan tarkibi e’lon qilindi va quyidagilar maxsus ishchi guruhning asosiy vazifalari etib belgilandi: -respublika korxonalarida xalqaro standartlarga muvofiq bo’lgan sifatni boshqarish tizimlarini joriy etish ishlarini muvofiqlashtirish va ularni o’z vaqtida sertifikatlashtirish; -ishlab chiqaruvchi korxonalarda xalqaro standartlarga muvofiq bo’lgan sifatni boshqarish tizimlarini o’z vaqtida ishlab chiqish, joriy etish va sertifikatlashtirish bilan bog’liq jarayonlarning tizimli monitoringini olib borish; -xalqaro standartlarga muvofiq bo’lgan sifatni boshqarish tizimlarini joriy etgan ishlab chiqaruvchi korxonalarni rag’batlantirishga doir takliflar ishlab chiqish. "O’zbekiston texnik jixatdan tartibga solish" agentligi Qoraqalpog’iston Respublikasi Vazirlar Kengashi, viloyatlar va Toshkent shahar hokimliklari bilan birgalikda ikki oy muddatda ilovada ko’rsatilgan korxonalar faoliyatini tahlil qilish asosida xalqaro standartlarga muvofiq bo’lgan sifatni boshqarish tizimlarini joriy etish istiqboliga ega bo’lgan korxonalarning aniq ro’yxati aniqlandi. Maxsus ishchi guruhning ular yuzasidan ijobiy qarorlari qabul qilingan mintaqaviy korxonalar bo’yicha xalqaro standartlarga muvofiq bo’lgan sifatni boshqarish tizimlarini bosqichma-bosqich ishlab chiqish, joriy etish va sertifikatlashtirishga doir

mintaqaviy tadbirlarni tasdiqlandi. Ilovaga kiritilgan korxonalar bo’yicha xalqaro standartlarga muvofiq bo’lgan sifatni boshqarish tizimlarini bosqichma-bosqich ishlab chiqish, joriy etish va sertifikatlashtirishga doir tarmoq tadbirlarini tasdiqlandi; Qarorda belgilandi: xalqaro standartlarga muvofiq bo’lgan sifatni boshqarish tizimlarini ishlab chiqish va joriy etish uchun tegishli malakaga ega bo’lgan maslahatchini jalb etish ochiq tanlov asosida amalga oshirilishi; xalqaro standartlarga muvofiq bo’lgan sifatni boshqarish tizimlarini sertifikatlashtirish qonun hujjatlarida belgilangan tartibda akkreditatsiya qilingan sertifikatlashtirish organlari tomonidan amalga oshirilishi; davlat ehtiyojlari uchun mahsulotlar xarid qilish yuzasidan tender savdolari o’tkazishda boshqa teng shart-sharoitlarda ustunlik sifatni boshqarishning sertifikatlashtirilgan tizimiga ega bo’lgan mamlakatimiz mahsulot etkazib beruvchilariga beriladi. Vazirlar Mahkamasining "Korxonalarda xalqaro standartlarga muvofiq bo’lgan sifatni boshqarish tizimlarini joriy etish chora-tadbirlari to’g’risida" 2004 yil 22 iyuldagi 349-son qaroriga muvofiq foyda solig’ini hisoblashda yuridik shaxslarning soliq solinadigan foydasi qonun hujjatlarida belgilangan tartibda sifatni boshqarish tizimlarini joriy etishga va qo’llab-quvvatlashga yo’naltiriladigan investitsiyalar summasiga kamaytirilishi ma’lumot uchun qabul qilinsin. O’zbekiston Respublikasi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligi hamda Davlat bojxona qo’mitasi O’zbekiston Respublikasi hududiga olib kirishda import bo’yicha bojxona boji va qo’shilgan qiymat solig’i to’lashdan ozod qilinadigan texnologik asbob-uskunalar, butlovchi buyumlar va ehtiyot qismlar ro’yxatiga laboratoriya tadqiqotlarida va mahsulotlarni testdan o’tkazishda foydalaniladigan asbobuskunalar, shuningdek butlovchi buyumlar va ularga ehtiyot qismlarni bir oy muddatda, belgilangan tartibda kiritsinlar.

"O’zbekiston texnik jixatdan tartibga solish" agentligi xalqaro sifat standartlarini joriy etgan korxonalar reestrining ommaviy axborot vositalarida muntazam ravishda e’lon qilib borilishini ta’minlasin. O’zbekiston milliy teleradiokompaniyasi va O’zbekiston Milliy axborot agentligi ishlab chiqarishlarda xalqaro standartlarga muvofiq bo’lgan sifatni boshqarish tizimlarini joriy etish bo’yicha korxonalar tajribasini har oyda ommaviy axborot vositalarida yoritib borsinlar. Bugungi kunda dunyoda, shu jumladan Respublikamizda ham ishlab chiqarilayotgan mahsulotlar va ko’rsatilayotgan xizmatlar sifatiga katta ahamiyat berilmoqda. CHunki sifatli mahsulot mustaqil davlatimizning eksport imkoniyatini kengaytirish, ularni jahon bozoriga olib chiqish, raqobatbardoshligini oshiribgina qolmay, Respublikamizga xorijiy sarmoyalarni kirib kelishiga, bu esa mamlakatimizning valyuta zaxirasini kupaytirish bilan birga, iqtisodiy mavqeimizni ham belgilab beradi. Demak-ki har bir korxona rahbari o’z korxonasida xalqaro standartlar talablariga muvofiq mahsulot ishlab chiqarar ekan, bu bilan viloyatimiz iqtisodiyotining o’sishiga va valyuta zahirasini oshishiga o’z hissasini qo’shgan hisoblanadi. Har bir korxona o’z mahsulotining sifatini namoyish qilish maqsadida ko’rgazmalarda va eng yaxshi mahsulot ko’rik tanlovlarida doimo qatnashadilar, ishlab chiqarilayotgan mahsulotlarining muvofiqlik sertifikatlariga ega ekanligini, ko’rsatilayotgan xizmatlar litsenziyalanganligi to’g’risida ko’p gapirib o’tishadi. Biroq hozirda jahon bozorida raqobat kun sayin kuchayib borishi bilan birgalikda iste’molchilarning mahsulotga bo’lgan talablari ham yanada ortmoqda. SHu o’rinda bir qator savollar tug’iladi. Nima uchun mahsulotga berilgan muvofiqlik sertifikatlari iste’molchilarni qoniqtirmaydi? Nima uchun ko’rgazmalarda olingan sifat mukofotlari hamma vaqt tan olinmaydi? SHu kabi boshqa savollar ham talaygina. Keling mazkur savollarning echimini o’zimizdan so’rab ko’raylik. Biz mahsulotlarimizni qay tarzda sertifikatlashtirayapmiz? Qanday mahsulotlarimizni ko’rgazmalarda namoyish etayapmiz?

Aksariyat hollarda ko’rgazmalarimizga alohida tayyorlangan eng yaxshi ishlab chiqarilgan mahsulotlarni namoyish etamiz, bularni ko’rgazma uchun qattiq nazoratli sharoitlarda, barcha ko’rsatgichlarni standart talablariga muvofiq tayyorlaymiz. Bu esa sertifikatlashtirish jarayonida ham uchrab turadi. Boshqa vaqtda bunday mahsulotlarni ishlab chiqarish o’z-o’zidan nazoratdan chetda qolish holatlari ko’proq uchraydi. Iste’molchi esa mahsulot yoki xizmatlarning nafaqat sertifikatlashtirish yoki ko’rgazma paytidagi holatiga, balki doimiy ravishda sifatli mahsulotni iste’mol qilish tarafdori bo’ladi. SHuni unutmasligimiz kerakki, iste’molchi talabi kun sayin o’zgarib boraveradi. SHunday ekan, ishlab chiqarayotgan mahsulotlarimiz yoki ko’rsatayotgan xizmatlarimizda iste’molchi talablari doimiy ravishda o’rganib borilishi lozim. Bugungi kunning iste’molchisi, ishlab chiqaruvchidan doimiy ravishda yuqori sifatli mahsulot sotib olishi uchun kafolat talab qiladi. Bu esa - bozor qo’yayotgan talablarning asosiy taomillaridan biri hisoblanadi. Iqtisodiy rivojlantirish va mahsulot ishlab chiqaruvchi korxonalarning eksport salohiyatini oshirish uchun xalqaro standartlarni joriy etish borasida Hukumatimiz tomonidan bir qator Qarorlar qabul qilingan. Jumladan, O’zbekiston Respublikasi Vazirlar Maxkamasining 2004 yil 22 iyuldagi №349-sonli “Korxonalarda xalqaro standartlarga muvofiq bo’lgan sifatni boshqarish tizimlarini joriy etish chora-tadbirlari to’g’risida”gi, 2006 yil 29 avgustdagi №183 sonli “Korxonalarda xalqaro standartlarga muvofiq bo’lgan sifatni boshqarish tizimlarini joriy qilish bo’yicha qo’shimcha chora-tadbirlari to’g’risida”gi va joriy yilning 19 iyunidagi “Korxonalarda xalqaro standartlarga muvofiq bo’lgan sifatni boshqarish tizimlarini joriy etishni kengaytirish choratadbirlari to’g’risida”gi №173-sonli Qarorlaridir. Qarorning 4-bandida “xalqaro standartlarga muvofiq bo’lgan sifatni boshqarish tizimlarini joriy etish va sertifikatlashtirish amalga oshirilishi tahliliga bag’ishlangan masalalarni komplekslarning choraklik majlislarida muntazam ko’rib chiqish hamda boshqaruvning barcha darajalarida ish yakunlarini

chiqarishda sifatni boshqarish tizimlarini joriy etish bo’yicha ko’rsatgichlardan rahbarlar ishlarini baholash sifatida foydalanish lozim”ligi ko’rsatib o’tilgan. 5-bandida esa “davlat ehtiyojlari uchun mahsulotlar xarid qilish yuzasidan tender savdolari o’tkazishda, boshqa teng sharoitlarda ustunlik xalqaro standartlarga muvofiq sifatni boshqarish tizimlarini sertifikatlashtirgan va tizimga ega bo’lgan malakatimiz mahsulot etkazib beruvchilariga beriladi” deb ko’rsatilgan. Bundan tashqari tizimni joriy etgan korxonalarga bir qator imkoniyatlar ham yaratib berilgan. Hukumatimiz tomonidan yaratilgan imkoniyatlarga qaramasdan, xozirda viloyatimizda bu borada olib borilayotgan ishlarni qoniqarli deb bo’lmaydi albatta. Statistikaga murojat qiladigan bo’lsak Respublikamizda 250 dan ziyod korxona sifatni boshqarish tizimlarini joriy etib sertifikatlashtirgan bo’lsa, viloyatimizda atigi 2 ta korxonada sifatni boshqarish tizimlari joriy qilinib, sertifikatlashtirilgan. Beixtiyor savol tug’iladi: buning sabablari nimada? Birinchidan, xodimlarning korxonada sifat mendjment tizimini joriy qilishdan maqsad va uning afzalliklarini tushunmasligi bo’lsa, Ikkinchidan, rahbar xodimlarning o’zgarish va yangiliklarga ko’nikishlarining qiyin kechishi, Uchinchidan, loyihaning rahbariyat tomonidan qo’llab quvvatlanmasligidir. Mana shu muammolar hal etilgan taqdirdagina qaror ijrosini ta’minlash yuzasidan kelib chiqayotgan muammolar o’z-o’zidan hal bo’ladi. Buning uchun, korxona rahbarlari o’zlarining olib borayotgan siyosatlarini tubdan o’zgartiribgina qolmay, soat sayin o’zgarib borayotgan bozor talablariga moslashishlari, sifat sohasidagi siyosat va maqsadlarni to’liq anglagan holda ishchi xodimlarga ham etkazishlari lozim bo’ladi. Normativ hujjatlarga havolalar, quyida ko’rsatilgan havola hujjatlari ushbu standartni qo’llash uchun majburiydir. Sanasi belgilangan havolalar uchun faqat sitata olingan (keltirilgan) nashr qo’llaniladi. Sanasi belgilanmagan havolalar uchun oxirgi keltirilgan nashr (jumladan har qanday tuzatishlar) qo’llaniladi. O’z DSt ISO 9000: Sifat menejmenti tizimlari. Asosiy qoidalar va lug’at Atamalar va

ta’riflar Ushbu standartda O’z DSt ISO 9000:2009 dagi atamalar va ta’riflardan foydalaniladi. Mazkur standart matnidagi «mahsulot» atamasi «xizmat» ni ham bildirishi mumkin Ularning vazifalari, majburiyatlari va javobgarliklari. Sifat menejmenti umumiy talablar tashkilot sifat menejmenti tizimini ishlab chiqishi, hujjatlashtirishi, joriy qilishi va ishchi holatda saqlab turishi, ushbu standart talablariga muvofiq holda uning natijaliligini doimo yaxshilashi kerak. Tashkilot: a) sifat menejmenti tizimi uchun zarur bo’lgan jarayonlarni aniqlashi va ularni butun tashkilotda qo’llashi; b) ushbu jarayonlarning ketma-ketligi va o’zaro bog’lanishini aniqlashi; s) ushbu jarayonlarni ham amalga oshirishda, ham boshqarishda natijaliligini ta’minlash uchun zarur bo’lgan mezonlar va usullarni aniqlashi; d) ushbu jarayonlarni ishlab turishini saqlash va ularni monitoring qilish uchun zarur bo’lgan resurslar hamda axborot bilan ta’minlashi; e) ushbu jarayonlarni monitoring qilish, o’lchash (qo’llanilganda) va tahlil qilishni amalga oshirishi; hamda f) ushbu jarayonlarni rejalashtirilgan natijalarga erishishi va doimiy yaxshilanishi uchun zarur bo’lgan harakatlarni amalga oshirishi kerak. Tashkilot mazkur standart talablariga muvofiq ushbu jarayonlar menejmentini amalga oshirishi kerak. Agar tashkilot mahsulotga qo’yiladigan talablarga muvofiqligiga ta’sir etuvchi qandaydir jarayonni amalga oshirishni chet tashkilotlarga topshirishga qaror qilsa, tashkilot bunday jarayonlarni boshqarilishini o’zi tomonidan ta’minlashi kerak. Boshqarish turi va hajmi sifat menejmenti tizimi doirasida aniqlanishi lozim. Autsorsing jarayonlariga nisbatan qo’llaniladigan boshqaruv turi va darajasiga quyidagi omillar ta’sir etishi mumkin: a) tashkilotning talablarga muvofiq

mahsulotni etkazib berishga qodirligiga autsorsing jarayonining mumkin bo’lgan ta’siri; b) jarayonni boshqarish darajasi; c) qo’llash doirasida zarur boshqaruvga erishish qobiliyati.

Adabiyotlar : 1. Mirziyoev SH.M. Erkin va farovon, demokratik O’zbekiston davlatini birgalikda barpo etamiz. O’zbekiston Respublikasi Prezidentining lavozimiga kirishish tantanali marosimiga bagishlangan Oliy Majlis palatalarining kushma majlisidagi nutki. -T.: "O’zbekiston" NMIU, 2016.- 2. Mirziyoev SH.M. Konun ustuvorligi va inson manfaatlarini ta’minlash - yurt tarakkiyoti va xalk farovonligining garovi. O’zbekiston Respublikasi Konstitutsiyasi kabul kilinganining 24 yilligiga bagishlangan tantanali marosimdagi maruza 2016 yil 7 dekabr. T: "O’zbekiston" NMIu. 2016-486. 3. Mirziev SH.M. Buyuk kelajagimizni mard va olijanob xalkimiz bilan birga kuramiz. - T.: "O’zbekiston"NMIU, 2017. - 488 6. buyicha 4. Ismatullaev P.R., Matyakubova P.M. Turaev SH.A. Metrologiya, standartlashtirish va sertifikatlashtirish. Dasrlik. T.: Lesson-Press, 2015.423 5. Ismatullaev P.R., Axmedov B.M., Matyakubova P.M., Xamrokulov F.X. Turaev SH . A . Sertifikatlashtirish asoslari va sifat menejmenti . Darslik. Toshkent, Sano-standart, 2014. - 330 6. 6. Abduvaliev A.A. i metrologii i upravleniya kachestvom Izdatelstvo TGTU, 2002. - 287 s. dr. Osnovы standartizatsii, sertifikatsii produksii. Uchebnoe posobie. - Tashkent: 7. Axmedov B.M., Ismatullaev P.R., Turaev SH.A. Sertifikatlashtirish va sifatni boshkarish asoslari, o’kuv kullanma. O’zR O MTV; TDTU. – Toshkent 2007. -233 6. 8. Axmedov B.M., Ismatullaev P.R. Turobjonov S.M., YUsupov E.D. Typaev SH . A . Osnov ы sistem ы menedjmenta kachestva . Izd-vo iptd Uzbekistan. - Tashkent, 2009. -208 s.

Похожие

Sifat menejmenti tizimini sertifikatlashtirish

Sifat menejmenti tizimini sertifikatlashtirish 2

Sifat menejmenti tizimini sertifikatlashtirish bosqichlari

Sifat menejmenti tizimini hujjatlashtirish

Sifat menejmenti tizimini tekshirish