Янги технологияларда тозалаш жараёнлари - Материаловедение - Рефераты

Янги технологияларда тозалаш жараёнлари

Загружено в:

20.09.2019

Скачано:

0

Размер:

101 KB

Янги технологияларда тозалаш жараёнлари Режа: 1. Клиномат системаси. 2. Тозаловчиларни юклаш. Тойтитувчи ВО ва дастлабки аралаштиргич ВОА ва BOAL . 3. Кўп камерали аралаштиргич М.С.М. 4. Юқори самарадор LVSA конденсори ва BS юкловчи бункери. 5. Юклаш мосламаси ВЕС. 6. АКСИ-ФЛО AFC – икки валли тозаловчи. 7. Аралаштириш системалари. 8. Кўп камерали аралаштиргич М.С.М. 9. Кўп камерали аралаштиргич М.Р.М. 10. Чангсизлантириш машиналари. Дустекс ДХ чангсизлантириш машинаси. 11. Хаво оқимини булувчиси. 12. Хаво оқимини булувчи L . T . 13. Хаво оқимини булувчиси L . T .В.

Таянч сўз ва иборалар Клиномат CVT 1, CVT 1, CNT 3, CVT 3 ва CVT 4 тозалагичлари, тойтитувчи ВО ва дастлабки аралаштиргич ВОА ва BOAL , М.С.М. ва М.Р.М. аралаштиргичлари, LVSA конденсори ва BS юкловчи бункери, ВЕС юклаш мосламаси, АКСИ-ФЛО AFC – икки валли тозаловчи, чангсизлантириш машиналари, хаво оқимини булувчиси L . T . ва L . T .В., Ёт зарраларни ажратувчи Секуромат SCF , Оғир зарраларни ажратувчи Сепорамат Аста, Электрон металл ажратувчи ЕМА, Контифид CF , Эксактафид дулли таъминловчилар, Эксактафид FBK 533, Эксактафид FBK 536, Миксомат системаси. Янги технологияларда тозалаш жараёнлари Пахта тозалаш қурилмалари ва аралаштириш системалари янги технологияларнинг мухим буғинларидир. Клиномат системаси Клиномат CVT 1 – универсал дастлабки тозаловчи. Қозиқли барабанли Клиномат CVT 1 дастлабки тозаловчи сифатида ишлатилади. Катта ва ўрта чиқинди аралашмаларидан тозалаш билан бир қаторда у пахтани яхшилаб титиб беради. Эришилган титилиш даражаси тозалаш линиясидаги охирги, майин тозаловчини таъминлаш учун идеал шароит яратиб беради. Клиномат CNT 1 – тоза навли пахтани авайлаб титиш учун ишлатилади. Клиномат CNT 1 ни Клиномат CVT 1 дан фарқи бошқа принципдаги вазифани бажаради. У майин гарнитурали игнали барабан билан жихозланган бўлиб майин тозаловчи сифатида хизмат қилади. Бизга маълумки бу навдаги пахталар тозаланиши нисбатан осон. Клиномат CNT 1 да бу тозалов ишлари жуда эхтиёткорлик билан амалга оширилади. Клиномат CNT 3 ва CVT 3 минимал шикаст билан юқори даражадаги тозаловни таъминлайди.

Бу иккала тозаловчи ҳам универсал ҳисобланади ва майин тозаловчи сифатида қўлланади. Клиномат CVT 3 дан ўрта ифлосликдаги пахтани қайта ишлашда қисқа ихчам тозалов тизимида ягона тозаловчи сифатида фойдаланиш мумкин. Биринчи позицияда қозиқли барабан жойлашганлиги ҳисобига тозаловчини чала титилган пахта билан таъминлаш мумкин. Клиномат CNT 3 эса кўп киришишган материални қайта ишлаш учун мўнжалланган. Оддий холатда бу тозаловчи дастлабки тозаловчидан кейин ўрнатилади. Клиномат CVT 4 – бу тозаловчида бутун тозалаш тизимига хос хусусиятлар мужассам. Клиномат CVT 4 – энг юқори тозалаш даражасини таъминловчи Клиномат системасидаги тозаловчи. Унинг самарадорлигини ошиш учун 3 та ёки 4 та оддий тозаловчини қўллаш ҳисобига эришиш мумкин. Клиномат CVT 4 тозаловчи тизимини зарурият бўлса, майин тозаловчи сифатида икки барабанли тозаловчи АКСИ-ФЛО AFC билан тўлдириш мумкин. Тозаловчиларни юклаш Тойтитувчи ВО ва дастлабки аралаштиргич ВОА ва BOAL ВО серияли тойтитувчи ва дастлабки аралаштиргичлар Клиномат CVT тозаловчини бевосита юклашни бажаради. Бошқа майин титувчи валли тозаловчилар учун бу қўшилиш оптимал ҳисобланмайди. Кўп камерали аралаштиргич М.С.М Клиномат системасидаги тозаловчиларни бевосита кўп камерали М . С . М . аралаштиргичлар билан таъминлаш амалда ўзини намоён қилди . М.С.М. аралаштиргичи тозаловчини таъминлаш учун идеал текис қатламни хосил қилади. Хавони сўриб олиш ҳисобига М.С.М. аралаштиргичида материални қўшимча чангсизлантиришни амалга оширади. Тозаловчи ва

аралаштиргични бундай комбиницияси эгалланадиган майдон ва ишлатиладиган энергияни тежайди. Юқори самарадор LVSA конденсори ва BS юкловчи бункери Клиномат системасидаги тозаловчини самарадор LVSA консори ва юкловчи бункер В S ёрдамида юклаш мумкин. LVSA ўрнига ажратувчи MAS ни ҳам ишлатиш мумкин. Материал унга вентилятор ёрдамида узатилади. Юклаш мосламаси ВЕС Клиномат системасидаги тозаловчини таъминлаш учун ВЕС юклаш мосламаси қўлланиши мумкин . У асосан махсус майин титилиш талаб қилинган холларда ишлатилади. Шу билан бирга тозаловчи самарадорлиги ошади. Юклаш мосламасига материал, юқори самарадорли конденсор LVSA ёки вентилятор ёрдамида материал билан юкланади ва материал ажратувчи MAS орқали узатилади. Ажратувчи MAS ҳаракат қилувчи қисмларга эга бўлмагани туфайли у катта техник қаров ва электр энергия талаб қилмайди. АКСИ-ФЛО AFC – икки валли тозаловчи Бу ўзини амалда кўрсатган тозаловчи тури, алохида холларда Клиномат сериясидаги тозаловчиларга қўшимча сифатида ишлатилади. У доим тозаловчилар олдида лойихаланиши ва аралаштиргичдан олдин ўрнатилади. АКСИ-ФЛО AFC юқори даражада ифлосланган материални тозалаш учун яроқлидир. Катта ифлос заррачалар ажратилади ва сўриб олинади. Машинада хаво босими ўзгариши ва тозалаш даражаси пасайиши мумкин эмас. Чиқиндиларни йўқотиш ҳам тўхтовсиз, ҳам вақти-вақти билан амалга оширилади.

Аралаштириш системалари Клиномат тозаловчиларни Трютшлер фирмасининг аралаштириш системаси ёрдамида идеал юкланади. Бу мақсад учун икки хил машиналар мавжуд: - кўп камерали аралаштиргич МСМ тозаловчи билан бевосита алоқада бўлади; - кўп камерали аралаштиргич МРМ аралаштиргичдан кейин жойлашиб машинадан материални сўриб олади. Алохида типдаги машиналар бир компонентли аралаштиришда хар хил вазифаларни ечишга мўлжалланган. Толадан ишлаб чиқарилган ип максимал текис бўлиши учун, тола бўлакларини қайта ишлаш вақтидаёқ яхшилаб аралаштириш зарур. Тойни тайёрлашда уларнинг сони шундай танланиш керакки, хохлаган материал оқимидаги қисмда хамма тойлардан толалар бўлиши керак. Аралаштиргич камера сигими автоматик той титувчи ВДТ бир ўтишда ишлайдиган толалар миқдоридан кўп бўлиши керак. Кўп камерали аралаштиргич М.С.М Кўп камерали аралаштиргич ишчи кенглиги 2 хил 1200 ва 1600 мм бўлиши мумкин ва хар хил баландликда ётқизиб берилади. Аралаштириш камераси миқдори ишлатиш мақсади ва тизим ишлаб чиқариш самарадорлигига қараб 4, 6, 8 ёки 10та бўлиши мумкин. Материал аралаштиргичига вентилятор ёрдамида юкланади. Алохида камералар кетма- кет тўлдирилади. Чангланган транспортировка қилувчи хаво перфорирланган девор орқали чиқиб фильтрга узатилади. М.С.М. камералари охиридан тулиб кела бошлайди. Аста секин бир неча ўтишда хамма камералар максимал даражада тўлади. Бундан кейин чиқувчи валиклар ишга тушиб, материал титиш валлари орқали аралаштириш транспортёрига тушади. Камералар бўшагандан кейин улар яна кетма-кет тўлдирилади. Транспортёр тасмасида алохида камерадан келган, титилган қатлам хосил бўлади. Транспортёр

охирида хамма камерадан тушган материал қатлами бор бўлади. Бу ердан толали қатлам бевосита тозаловчига боради. Камераларни тўлдириш процесси билан бошқариладиган, аралаштириш ва тозаловчини юклаш ва ўрнатиш ишини назорат қилиши Микскоммандер бошқарув системаси орқали амалга оширилади. Дисплейда матн кўринишида ва танланган тилда, ишлаб чиқариш параметрлари ва эхтимол бўлган бузилишлар хабар қилинади. Кўп камерали аралаштиргич М.Р.М Бу аралаштиргични иккинчи вариантидир. У 6, 8 ёки 10та камерадан таркиб топган бўлиши мумкин. Толалар бўлаклари бундан ҳам винтилятор хосил қилган хаво оқими ёрдамида узатилади. Камераларни тўлдириш процесси худди М.С.М. дагидек боради. Буларни фарқи шундаки, титувчи валларни остида толаларни сўриб олувчи канал жойлаштирилган. Тасмали транспортёр йўқ. М.Р.М. аралаштиргичига боши берк контурли циркуляцияга эга хаво билан ишлайди, яъни тола бўлакларини аралаштиргичга транспортировка қилган хавони, бир вақтни ўзида толаларни кейинги машинага юклаш учун ташишда ишлатилади. Бошқариш системаси аралаштириш процессида материални тўхтовсиз ҳаракатини таъминлайди. Чангсизлантириш машиналари Дустекс ДХ чангсизлантириш машинаси Чанг ва чанг зарралари фақатгина пахта яхши титилгандагина эффектив йўқ қилинади. Шунинг учун чангсизлантирувчи Дустекс ДХ майин титувчидан кейин, яъни кард тараш машинасини юклашдан олдин ўрнатилади. Клиномат тозаловчиси ва чангсизлантирувчи машина кетма-кет ишга тушса, чанг максимал эффектив йўқотилади. Дустекс ДХ ҳаракатланувчи қисмлари озлиги учун, катта хизмат талаб қилмайди. Уни юклаш винтиляторда амалга оширилади, хамда винтилятор материални кейинроққа ташийди. Бу машинани тозалаш тизимида қўллаш, асосан

материални пневматик йигирувга тайёрлашда тавсия қилинади. Чанг заррасини камайиши ипда узуклар сонини камайтиради ва шу билан бирга ишлаб чиқариш иқтисодини кўтаради. Ундан ташқари ипнинг майда қисмлари миқдори камаяди. Хаво оқимини булувчиси Хаво оқимини булувчиси хаво оқимини 2га бўлиш учун ишлатилади. Биринчи оқим материални кейинги машинага ташийди. Иккинчиси ўзида чангни сақлаб фильтрга йўналтиради. Бунинг ҳисобига материални ташиш учун хам, кейинги машинани юклаш учун ҳам хаво сарфи катталиги технология жихатидан оптимал. Шу билан бирга иккала оқимдаги абсолют хаво сарфи хар хил бўлиши мумкин. Бунинг яхши томони шундаки, толани қўшимча чангсизланишини таъминлайди. Хаво оқимини булувчи деярли техник қаровни талаб қилмайди. Хаво оқимини булувчи L . T L . T . булувчисини тозалов тизими трубопроводига ўрнатиш мумкин. Ростлаш қопқоқчаси (заслонкаси) 2та берилган холатлар орасига қўл билан керакли холатда ўрнатилиши мумкин. Бу ростлаш чиқазиб ташлаш керак бўлган чангланган хаво миқдорини белгилаш имконини беради. Ростлаш қопқоқчаси (заслонкаси) холати кейинги машина ишлаб чиқариш самарадорлиги билан аниқланади. Хаво оқимини булувчиси L . T .В Бу типдаги булувчилар катта ўтказиш имкониятига эга ва уни автоматик той титувчи Блендомат ВДТ дан кейин ўрнатилади.

Ёт зарраларни ажратиш. Ёт зарраларни ажратувчи Секуромат SCF Бегона зарраларни ажратувчи Секуромат SCF йигирув корхоналари рекламасининг асосий қисми улар чиқарган ип ва тайёр махсулотда бегона зарралар ва толалар йўқлигига асосланган. Кўпинча бу зарралар фақатгина охирги ишловдан кейин кўзга ташланади. Бегона зарраларни ажратувчи Секуромат худди шу бегона зарраларни материал оқимидан ишончли йўқотиш мақсадида қўлланадиган машина. Бу агрегат той титувчи ва тозаловчи орасига трубопровод кесимига ўрнатилади. Уни юклаш учун қўшимча конденсор керак булмайди. Толалар оқими 4та видеокамера ёрдамида назорат қилинади. Тезкор ҳисобловчи эса олинган тасвирга ишлов беради. Ёт жисмлар топилса, масалан, полипропилен бўлаги, махсус қопқоқча ҳаракатга келтирилади. У ўз навбатида бу жисмни оқимдан ажратади. Қопқоқчанинг тез ҳаракати туфайли сифатли толалар кам йўқотилади. Ёт зарраларни ажратувчи Секуромат SCF модулли принцип бўйича тузилган. Қўшимча агрегат сифатида электрон металл ажратувчи, оғир зарралар ажратувчи ва ёнгинга қарши системаси қўшилиши мумкин. Оғир зарраларни ажратувчи Сепорамат Аста Оғир зарраларни аэродинамик ажратувчи Секўрамат Аста хаво оқими параметрлари дойимий бўлган хохлаган трубопроводда ўрнатилиши мумкин. Йўналтирувчи курак толалар бўлагидан оғир зарраларни ажратади ва чиқиндилар учун қопга юборади. Машина техник хизмат талаб қилмайди ва энергия истемол қилмайди. Оғир зарраларни ажратувчи Сепорамат минимум энергия сарф қилиб қурилмаларни оғир зарралардан шикастланишини олдини олади. Электрон металл ажратувчи ЕМА Металл ажратувчи ЕМА автоматик равишда турли хилдаги ва ўлчамдаги металл зарраларини ажратади. Хаво оқимида металлни

металлизловчи ёрдамида аниқланади. У трубопроводда қопқоқчаларни ҳаракатини таъминлайди. Тола бўлаклари оқими билан металл жисм йиғув хажмига йўналади. Ёт зарраларни ажратувчи Секуромат SCF дан фарқли равишда электрон металл ажратувчи ЕМА материал сўриб олинадиган трубопроводга урнатилиши учун мослаштирилган. Контифид CF Тозаловчи тизимидаги Контифид CF системаси – бу машиналарни бошқариш учун электрон системаси. Контифид CF электрик бошқарув системаси EGC , хамда электрон бошқарув системаси EAS билан биргаликда ишлаши мумкин. У материални икки машина орасида, тозалов тизими ичида ёки тозаловчи ва кард тараш машинаси орасида назоратни амалга оширади. Ягона бошқариш системасига бирлашган битта ёки бир нечта Контидид CF модулли, материал ҳаракатини бошқаради. Контифид CF системаси алохида машиналар иш хажмини шундай мослаштирадики, уларни то кард тараш машинасигача тўхтовсиз ишлашини таъминлайди. Буни афзалликлари шундаки, тозалов даражасини ўзгартирмаган холда юқори иш хажмига эришиш мумкин. Бу эса ўз навбатида арзонроқ навли пахтани ишлатиш имконини беради, чунки тозалов тизими имкониятлари 100% ишлатилади. Контифид CF модулли микрокоммандер ёки Клинкоммандер бошқарув системасига бириктирилиши ёки юқорида қайд этилган система таркибий қисми ҳисобланиши мумкин. Контифид CF системасини бир нечта машина иш хажмини келишиши талаб қилинган жойда ишлатиш мақсадга мувофик. Эксактафид дулли таъминловчилар ва уларнинг конструктив, технологик ва эксплуатацион хусусиятлари Дунё бўйлаб Эксактафид бункерли (дулли) таъминловчи 20000 дан ортиқ – хеч қайси бошқа таъминловчи бундай ютуққа эга эмас.

Умуман тушамани хосил бўлиши Эксактафид бункерли (дулли) таъминловчида руй беради. Таъминловчининг 2 хили мавжуд. Эксактафид FBK 533 – йигирув корхоналари учун Бу машиналар кард тараш машиналари таъминлаш учун 1м ишчи кенглигига эга. Одатда битта винтилятор материални 2дан 16тагача таъминловчилар группасига узатади. Эксактафид FBK 536 – нотўқима материал ишлаб чиқариш учун Бу вариантдаги таъминловчи 1065, 1250, 1550, 2000, 2250, 2500, 3000, 3500, ва 4000 мм ишчи кенглигида бўлиши мумкин. Нотўқима материал ишлаб чиқариш одатда хар бир таъминловчи материални алохида таъминловчи агрегатдан олади. Таъминловчидан толали қатлам валикли тараш машинасига ёки аэродинамик тушама хосил қилиш машинасига юборилади. Иккала таъминловчини ишлаш принципи бир хил. Титиш чизиғига бункерли таъминловчини ўрнатиш. Тола қатламини юқори текислигини таъминлаш шартларини бажаради. Толали қатламни текисланишига эришиш учун, бункерли таъминловчи доимий хаво оқими тезлиги ва доимий хаво босимида юкланиши зарур. Бункердаги хаво сарфи ва босим қайта ишланаётган толали материал тури, ишлаб чиқариш хажмига ва трубопроводларни бажарилишига боғлиқдир. Охирги титувчидан материални бункерли таъминловчи FBK га узатишда кўпинча хаво сарфи камаяди, хаво оқимини берилган доимий кўрсаткичларини сақлаш учун, хаво оқимини ажратувчи LT ёки материал аниқловчи MAS , титувчи FO билан биргаликда қўлланилади. Бункерли таъминловчининг юклаш винтилятори материални бевосита майин титувчи FO дан сўриб олиши мумкин. Тўхтовсиз таъминлаш толали қатламни сифатини яхшилайди. Агар таъминловчига материал тўхтовсиз узатилиши керак бўлса, тушаманинг юқори сифатда бўлишини таъминлаш учун тўхтовсиз толалар

оқимини таъминлаш жуда зарур. Бу масалани хал қилишда Трютшлер фирмаси Контифид CF бошқарув мосламасини таклиф қилади. Бу функционал узел мосламани бошқариш системасига қўшади ва охирги титувчидан материални ташиш тизимининг мотори айланиш сонини ростлайди. Бункерли таъминловчи захирадаги бункерда босим, ундаги материал баландлигига қараб пропорционал ўзгаради. Катта миқдорда толали материал узатилганда, хаво чиқиш тешиклари бекитилади ва бункердаги босим кўтарилади. Материал камлигида тешиклар тўла очилади ва дуллдаги босим ўз-ўзидан камаяди. Аналогли электрон датчик бу босим катталигини жуда катта аниқликда ўлчайди. Контифид CF бошқариш қурилмаси бу сигнални қайта ишлайди ва ашё ташиш тизими мотори айланишлар сонини бошқаради. Толали қатлам хосил бўлиши Таъминловчи дулда хавонинг тутам айланиши – бўлакчаларни толали қатлам кенглиги бўйича ўз-ўзидан тақсимланиши учун шароит яратди. Худди шундай тамойил бўйича дулли таъминловчи юкланиши амалга оширилади. Тушаётган валик айланиш тезлиги босимга боғлиқ равишда ўзгаради. Валикни базали айланиш тезлиги кейинги машина ёрдамида аниқланади. Хаво хар доим қаршилик хосил кам бўлган жойдан юргани учун материал миқдори кам бўлган жойда хаво оқими кучаяди, шундай қилиб материални автоматик равишда кенглик бўйича тақсимланиши амалга оширилади. Вентиляторларни айланиш сонини ростлаш хохлаган толали материални мақбул равишда қайта ишлаш имконини беради. Чизиқли зичлиги 3 дтекс бўлган толани қайта ишлаш мақсадида, ёки иш хажмини 1м ишчи кенгликда 100 кг/соат га еткизиш учун Эксактафид FBK 536 бункерли таъминловчида айланиш сони ростланадиган айланма вентилятор ишлатилади. Бу ростловчи толани зичлаш учун керакли хаво хажмини яратиш имконини беради.

Тушама кенглигини ўзгартиришнинг оддийлиги Эксактафид FBK 536 дулли таъминловчида ишчи кенгликни ўзгартириш мумкин. Таъминловчи бункерга ўнг ва чап томондан махсус тиргак қуйиш ҳисобига тушама кенглигини хар иккала томондан 250 мм га камайтириш мумкин. Шу билан бирга толали қатлам текислиги бузилмайди. Химиявий толаларнинг ишлови Химиявий толаларни қайта ишлаш учун комплект жихозлар Ип, нотўқима материал ва пахта ишлаб чиқариш учун химиявий толаларни тайёрлашни хар хил мосламаларда амалга ошириш керак. Машиналарни танлаш ва комбинация қилишда ишлатилаётган хом ашё ҳам таъсир кўрсатади. Трютшлер фирмасининг кенг ишлаб чиқариш дастури, барча турдаги вазифаларни бажарувчи қурилмаларни лойихалаш имкониятини беради. Тарозили таъминловчи махсулотни юқори сифатда бўлишини таъминлаш учун керакли аниқликда аралаштиришни кафолатлайди. Хар хил турдаги химиявий толаларни аниқ миқдорда бўлиши, айниқса нотўқима материал ишлаб чиқариш зарур. Трютшлер фирмасининг тола бўлакчаларини аралаштириш мосламаси аралашмада берилган компонентларни нисбатларининг сақланишини кафолатлайди. Вайткоммандер WTC микропроцессорли бошқарув системаси мосламани барча функцияларини бажаради, ишни назорат қилади ва натижаларни хужжатлаштиради. Аралаштиргич сифат ўзгаришига йўл қўймайди. Химиявий толаларни яхшилаб аралаштириш ҳисобига, бир партияда бўла туриб намликни ўзгариши туфайли технологик хусусиятлари хар хил бўлган химиявий толаларни технологик холатини текисланиши руй беради. Ундан ташқари аралаштиргичда материал тўпланиши ҳисобига мослама муқаррарлиги ошади ва бутунлай сифат ўзгаришини йўқ қилади. Битта ва кўп камерали аралаштиргичлардан тизма лойихалаш мумкин.

Трютшлер фирмасининг Туфтомат системаси хақида маълумот Трютшлер фирмасининг турли титувчилари аниқ талаблар бўйича лойихалаш имконини беради. Трютшлер фирмаси – полиэфирни титиш учун бир барабанли ва оқланган пахта ва титилиши қийин полипропиленни титиш учун тўрт барабанли, бир қатор титувчиларни яратди. Хеч бир машина Трютшлер фирмасининг Эксактофид FBK бункерли таъминловчи машинаси сингари теккис ва момиқ тушама ишлаб чиқармайди. Эксактофид FBK – шляпали тараш машинаси ва бошқа турли аппаратларини яхши таъминлайди. У тушама хосил қилувчи ёки игна билан тешувчи машиналар билан бирга қўлланиши мумкин. Тушама теккислигини узунлик ва теккислик бўйича ростлаш Фақат Трютшлер фирмасининг VPR системаси – машина ишчи кенглиги бўйича ҳаракат йўналишида тушамани ростлашни амалга оширади. VPR системаси Эксактофид FBK 536 серияли бункерли таъминловчини бошқарув системасига эга. Индивидуал лойихалаш – Трютшлер фирмасининг одатдаги хизмати. Тойдан тушамагача ва тойдан пиликгача материалларни қайта ишлаш мутахассиси бўла туриб, Трютшлер фирмасининг инжинерлари химиявий толаларни қайта ишлаш қурилмаларини индивидуал равишда аниқ талаблар асосида лойихалашади. Шу билан бирга бошқа машина тайёрловчилар билан хамкорликда бўладилар. Тойни қайта ишлаш Тойларни қўлда ва тўла автоматик равишда қайта ишлаш мумкин. Қўл билан юкланадиган той титувчилар – катта бўлмаган ишлаб чиқариш учун иқтисодий томондан тўғридир. Автоматик той титувчилар харажатни қисқартиради ва сифат ўзгаришини истисно қилади.

Тушамасиз таъминлаш қурилмаси кўрилмаган аниқликда тақсимлаш имконини беради. Толаларни аралаштирувчи қурилма хар хил турдаги толаларни берилган миқдорда тақсимлайди. Бу қурилма таркибига 6та тарозили автоматик ёки яшикли тарозили таъминловчилар ва аралаштирувчи киради. Таъминловчилар сони тайёрланаётган аралашма компонентлари сони ва чиқаётган махсулот хажмига қараб аниқланади. Машина албатта электр тарози билан жихозланади. Миксомат системасидан – талаб қилинган параметрли аралаштиргичлар Одатда толани аралаштириш ва миқдорий тақсимлаш мосламаларидан кейин кўп камерали аралаштиргич ўрнатилади. Мосламалар таркиби ва ишлаб чиқариш хажмига боғлиқ холда Трютшлер фирмасининг Миксомат системасининг аралаштиргичлардан бири қўлланилади.

Адабиётлар: 1. “Установки для очистки хлопка. Смесительнўе системў TRUTZSCHLER LTD . 1999”. C 1-30. 2. «Очистительная и опеспўливаюҳая машина УНИклин В1 RIETER Spinning sistems 1999». 3. «Смешиваюшая машина УНИбленд А80 RIETER Spinning sistems 1999». 4. «Установки для удаления угаров. Установки для переработки угаров прядильного производства и отходов хлопка TRUTZSCHLER LTD . 1999». С 1-10. 5. « Duocleaner B 39 MARZOLI Spinning solutiang 1999». 6. «Униликс В7/3 RIETER 2000 ». 7. «Машина смешиваюшая СМ2-40М АОНИЭКИПМАШ». 8. «Технологические линии CROSROC 1998». 9. «Переработка химических волокон TRUTZSCHLER 1998». 10. «Установки для очистки хлопка и смесительнўе системў TRUTZSCHLER 1998». С 29. 11. «Установка для удаления соров. Установки для переработки угаров и отходов хлопка прядильного производства TRUTZSCHLER 1999». С 1-9. 12. «Переработка химических волокон TRUTZSCHLER 1997». С 8-12. 13. «Унибленд А80 RIETER и Униклин В1 RIETER 1997». С 10.

Похожие

Иссиклик жараёнлари

Кесишда иссиклик жараёнлари

Бойитиш жараёнлари асослари

Автоген жараёнлари асослари

Олтин эритилган эритмаларни чикитлардан тозалаш