Токарлик станоклари2 - Материаловедение - Рефераты

Токарлик станоклари2

Загружено в:

20.09.2019

Скачано:

0

Размер:

392 KB

Токарлик станоклари Режа: 1.Токалик станокида ҳар-хил ишларни бажариш учун созлаш. 2. Токарлик станокини тез юрарлиги ва қувватини ошириш усуллари. 3.Янги типдаги токарлик станоклари.

Дарсниниг мақсади: Токалик станокида ҳар-хил ишларни бажариш учун созлаш, станокни фойдали иш коэфиценти, станокини иш унумдорлигини ошириш усуллари ва янги типдаги токарлик станоклари ҳақида маълумотлар бериш. ТОКАРЛИК-ВИНТҚИРҚИШ СТАНОКЛАРИДА ҲАР ХИЛ БАЖАРИШ УЧУН РОСТЛАШ ВА СОЗЛАШ Станокни ростлаш кесувчи асбобни ва заготовкани ўрнатиш ва маҳкамлаш, станокни юргизиб юбориш олдидан мойлаш-совитиш суюқлиги келтириш ва бошқалар билан боғлиқ бўлган барча ишларни бажариш демакдир. Станокни созлаш уни заготовкага танлаб олинган ёки берилган кесиш режимига мувофиқ ишлов беришга тайёрлашдан иборат. Бунинг учун станокнинг кинематикавий занжирлари созланади, тезликлар қутисини, суришлар кутиси ва станокнинг бошқа органларини бошқариш дасталари талаб этилган вазиятга келтириб қўйилади,алмаштириладиган шестернялар, копирлар, тираклар ва шу кабилар танлаб олинади ва ўрнатилади. Кўп киримли резьбалар қирқиш. Резьба бир киримли ва кўп киримли бўлиши мумкин). Кўп киримли резьбада бир ўрамнинг ўзида бир хил номли нуқталар орасидаги ўқ бўйлаб ўлчанган масофа резьбанинг йўли (юриши) деб аталади. Бир киримли резьбанинг қадами билан йўли бир хил, кўп киримли резьбада эса ҳар хил бўлади. Резьбанинг йўли киримлар сонига кўпайтирилган қадамга ҳамма вақт тенг. Ҳар қандай профилли кўп киримли резьба қирқиш қадамининг йўли узунлигига тенг бўлган бир киримли резьба қирқишда талаб этилгани каби бошланади. Биринчи киримнинг тўла профили қирқиб бўлингандан кейин кескич заготовкадан қайтарилиб, суриш винтига тескари ҳаракат бериладида, суппорт дастлабки вазиятига қайтарилади. Сўнгра суриш винти қўзғатилмай, деталь икки киримли резьба қирқиладиган бўлса, ярим айланиш, уч киримли резьба қирқиладиган ҳолда 1/3 айланиш, умумий ҳолда кўп киримли резьбалар қирқишда 1/R айланишга бурилади. Шундан кейин резьбанинг иккинчи кирими қирқилади ва ҳоказо.

1К62 станогида кўп киримли резьбалар қирқиш учун мўлжалланган махсус бўлиш қурилмаси бўлади. Бу қурилма олдинги бабка корпусига маҳкамланган чизиқчали ҳалқадан ва бўлинмалари бор ҳамда шпинделнинг кетинги учига ўтқа-зилган дискдан иборат. Дискнинг четига 60 та бўлинма қилинган; бу ҳол шпинделни 3 1,4 1,5 1,6 1, 10 1, 12 1, 15 1, 20 1, 30 1, 60 1 ёки 2 1 айланишга буриш имконини беради. Бу эса киримлари сони юқорида келтирилган касрларнинг махражларига мувофиқ келадиган резьбалар кирқиш имкониятини яратади. Поводокли махсус бўлиш планшайбалари ишлатилса, кўп киримли резьбани киримларга бўлиб чиқиш анча осонлашади. Кўп киримли резьбалар қирқишда бўлишнинг энг оддий ва тез усули қадамга қараб бўлиш усулидир. Бу усул қуйидагидан иборат. Даставвал резьбанинг биринчи кирими қирқилади. Сўнгра кескич кўндалангига ўз томонига суриш йўли билан ариқчадан чиқарилиб, суриш винтига тескари ҳаракат бериладида, кескич дастлабки вазиятига қайтарилади. Шундан кейин иккинчи киримга бўлиш учун кескич бўйлама йўналишда силжитилади, аммо бунда суриш винтидан эмас, балки суппортнинг юқориги салазкалари винтидан фойдаланилади. Бунда кескичнинг бўйлама сурилишига оид саноқ юқориги салазкалар винти лимби бўйича олиб борилади. Баъзан кўп киримли резьбалар бир неча кескич ўрнатиладиган махсус туткичлардан фойдаланиш йўли билан қирқилади. Туткичга кескичлар бир- биридан қадамга тенг оралиқда ўрнатилади. Конуслар токарлик станогида кетинги бабкани кўндалангига силжитиш йўли бнлан; бир вақтнинг ўзида ҳам бўйлама, ҳам кўндаланг суриш ҳаракатларини ишга солиш орқали; суппортнинг кескичли кареткасини буриш йўли билан; конус ёки копир чизғич ёрдами билан йўнилади. Кетинги бабкани силжитиш йўли билан конуслар йўниш усули марказлар орасига қўйиб маҳкамланган деталларда ётиқ конуслар йўнишда қўлланилади.

ТОКАРЛИК-ВИНТҚИРҚИШ СТАНОКЛАРИГА ОИД НОРМАЛЛАНГАН МОСЛАМАЛАР Патронлар нисбатан қисқа заготовкаларни маҳкамлаш учун ишлатилади. Патронлар ўзи марказловчи ва ўзи марказламайдиган бўлади. Ўзи марказламайдиган патронларда, одатда, тўртта кулачок бўлиб, симметрикмас деталларни маҳкамлашда бу кулачоклардан ҳар бирини бошқаларига боғлиқ бўлмаган ҳолда силжитиш мумкин. Ўзи марказловчи патронда, одатда, учта кулачок бўлиб, уларнинг ҳаммаси бир вақтда сиқилади ва керилади. Пневматик юритмали патронлар сериялаб ва кўплаб маҳсулот ишлаб чиқариш корхоналарида ишлатилади. Уларнинг ишлаш принципи қуйидагича. Пневматик цилиндрнинг поршени шток билан боғланган бўлиб, штокни чапга ёки ўнгга силжита олади, қай томонга силжитиши сиқилган ҳаво пневматик цилиндрнинг қайси бўшлиғига юборилишига боғлиқ. Штокнинг учи учта ричаг билан бирлаштирилган, бу ричаг пневматик юритмали патроннинг схемаси.Шулар шток сурилганда ўз ўқлари атрофида бурилиб, кулачокларни радиал йўналишда ё сиқади ёки керади. ТОКАРЛИК-ЗАТИЛОВКАЛАШ СТАНОКЛАРИ ЗАТИЛОВКАЛАШ ТЎҒРИСИДА АСОСИЙ МАЪЛУМОТ Кесувчи асбобларнинг (айниқса шаклдор кесувчи асбобнинг) тишлари кетинги юзасига эгри чизиқ (одатда Архимед спирали) шаклини бериш учун затиловкалаш усулидан фойдаланилади. Ҳаммадан кўп фрезалар затиловкаланади. Затиловкалаш процесси шундан иборатки, тишлари орасига олдиндан ариқчалар фрезаланган фреза станокка маҳкамланади ва унга қуйидаги частотали айланма ҳаракат берилади:. 1000 мин айл d п    ,бу ерда d - фрезанинг диаметри, мм ; v — танлаб олинган кесиш тезлиги, м/мин . Кескичга кўндаланг йўналишда тўғри чизиғий-қайтар ҳаракат бериш учун спирал шаклидаги

профилли кулачоклар ишлатилади (кўпинча, кулачокнинг контури Архимед спирали шаклида қилиб чизилади). Кулачоклар алмаштириладиган, фреза тишининг орқа томонининг пасайиши қийматига мувофиқ равишда спираль қадами турлича қилиб тайёрланади. Кулачокнинг эгри чизиғидаги аЬс қисм шакл ҳосил қилиш ҳаракатини вужудга келтиради (бу вақтда кескич затиловка қилинаётган фрезага томон ҳаракатланади), са қисм эса ёрдамчи ҳаракатни ҳосил қилади (бу қисмда кескич кетинга тез қайтарилади). Кулачокда ё битта иш эгри чизиғи аЬс ёки, кулачокнинг айланиш тезлигини камайтириш зарур бўлса, кескичнинг иш ва салт юришлари учун бир нечта (тўрттагача) эгри қисмлар бўлади.Затиловка қилинадиган асбобнинг турига ва затиловкалаш характерига қараб, затиловкалаш вақтида асбобнинг ва заготовканинг ҳар хил ҳаракатланиш схемалари бўлади. Ариқчалари тўғри бўлган цилиндрик фреза ларни затиловкалаш. Бу ҳолда станокда қуйидаги ҳаракатлар содир бўлади: фрезанинг бир текис айланиши; кескичнинг кўндаланг йўналишда узлуксиз такрорланувчи тўғри чизиғий-қайтар ҳаракати; асбобнинг заготовка ўқига параллел равишда бир текис бўйлама сурилиши. Дастлабки икки ҳаракат фреза тишлари профилини ҳосил қилишни таъминлайди, учинчи ҳаракат бўйлама суриш ҳаракати бўлиб, Z мм/айл тезлик билан содир бўлади. Ариқчалари винтавий бўлган чарвияк фрезаларни затиловкалаш . Бу ҳолда станокда қуйидаги ҳаракатлар амалга оширилади: А) фрезанинг бир текис айланиши: Б) асбобнингш загатовка ўқига параллел равишда, фвеза резбаси винтавий чизиғи ўқий қадами t нинг қийматига мувофиқ равишда бўйлама йўналишда бир текист силжиши: В) кескични нг кўндаланг йўналишда узлуксиз равишда такрорланувчи тўғри чизиғий-қайтар ҳаракати. Бу учала ҳаракатнинг ҳаммаси бир-бири билан боғланган 1811 УНИВЕРСАЛ ТОКАРЛИК-ЗАТИЛОВКАЛАШ СТАНОГИ . Бу станокда затиловкаланадиган тишлари тўғри, қийшиқ ёки торцавий бир ва

кўп қиримли модулли червяк фрезалари, шунингдек, тароқсимон, дискавий ва шаклдор фре-залар ҳамда асбоблар затиловка қилинади. Бу станокда токарлик ишларининг барча турлари ҳам бажарилиши мумкин. Станокнинг ўзига хос хусусиятлари шундан иборатки, унинг суппорти затиловка ишларини амалга оширишга имкон берадиган махсус конструкцияда ишланган; бўлиш ҳаракати ва кулачокни қўшимча айлантириш кинематикавий занжирлари мавжудки, улар токарлик- винтқирқиш станокларида бўлмайди. Бундан ташқари, 1811 станогида унинг ярим автоматик циклда ишлашини таъминловчи қўшимча қурилмалар бор. Тобланган асбоблар тишларининг гарданларини жилвирлаш учун станок махсус жилвирлаш мосламаси билан таъминланган. Станокнинг характеристикаси. Марказлари баландлиги 260 мм ; марказлари орасидаги масофаси 710 мм ; затиловкаланадиган деталларнинг станинадан тепадаги максимал диаметри 18 мм ; шпинделнинг айланиш частоталари 2,7 — 64 айл/мин ; тескари айланишда 8,1 — 192 айл/мин ; суришлар қиймати 0,1 — 1 мм/айл ; затиловкалашнинг энг катта узунлиги 550 мм ; станокнинг ўлчамлари 2800Х 1390X 1810 мм. Ишлаш принципи. Затиловка қилинадиган асбоб оправкага ўрнатилиб, станокнинг марказларига маҳкамланади ва унга кесиш тезлигига тенг тезликда айланма ҳаракат берилади. Кесувчи асбоб затиловкалаш суппортига ўрнатилади, бу суппортга эса марказлар ўқига перпендикуляр йўналишда илгарилама-қайтар ҳаракат (заготовканинг айланишига монанд затиловкалаш ҳаракати) ва станина йўналтирувчилари бўйлаб бўйлама силжиш ҳаракати берилади. Цилиндрик фрезаларни затиловкалашда суппортга бўйлама силжиш ҳаракати суриш валидан, червяк фрезаларни затиловкалашда эса суриш винтидан берилади. Дискавий фрезаларни затиловкалашда суппортнинг бўйлама силжиши бўлмайди. Станокда содир бўладиган ҳаракатлар. Станок шпинделига айланма ҳаракат икки тезликли электрик двигателдан ( Н = 3,3/3,8 квт , п = 940/2800

айл/мин ) тезликлар қутиси орқали узатилади. Иш юришида электрик двигателнинг айланиш частотаси 940 айл/мин га, тескари юришда эса 2800 айл/мин га тенг. Тезликлар қутиси шпинделнинг 12 хил тўғри ва 12 хил тескари айланиш частотаси билан айланишига имкон беради. Шпинделнинг айланиш тезлиги поғоналаридан исталгани қутининг валлари II, IV ва V га жойлашган блокларни алмашлаб (қайта) қўшиш йўли билан ҳосил қилинади. СТАНОКЛАРНИНГ ТЕЗЮРАРЛИГИ ВА ҚУВВАТИНИ ОШИРИШ УСУЛЛАРИ Амалда станокларнинг тез юрарлиги ва қувватини ошириш станокларни такомиллаштиришнинг энг кўп тарқалган вариантидир. Илғор заводларнинг тажрибасига кўра, станокларда кесиш тезлиги ва қувват ускунани у қадар кайта ишламай туриб 1,5 — 2 баравар оширилиши мумкин.Станокнинг тезюрарлиги ва қувватини электрик двигателни алмаштириш, юритма шкиви ёки тишли ғилдиракнинг ўлчамларини ўзгартириш, шунингдек, элгктрик двигатель билан тезликлар қутиси орасига махсус редуктор ўрнатиш йўли билан ошириш мумкин.Станокнинг тез юрарлиги ва қуввати, кўпинча, буровчи моментлар ўзгартирилмаган ҳолда оширилади. Агар такомиллаштирилганда қувват тезликка қараганда анчагина ортиб кетса, кинематикавий занжир деталларини такрор ҳисоблаб кўриш ва, зарур бўлса, уларни тегишли усуллар билан кучайтириш керак. Станок рангли металларни ва қотишмаларни ишлашга ўтказилиши ва бунда нозик пардозлаш ишлари бажарилиши керак бўлган ҳоллардагина бу станокнинг қуввати ўзгартирилмай, тез юрарлиги оширилади. Бунинг учун станокнинг қабул қилувчи шкивининг ёки электрик двигатель шкивининг диаметрини ўзгартириш, станок шпинделининг таянчлари ва мойлаш системаси такомиллаштиришда айланиш частотасини оширишга имкон бериш бермаслигини текшириб кўриш кифоя. ЗАИФ ЗВЕНОЛАРНИ КУЧАЙТИРИШ УСУЛЛАРИ. Станокни такомиллаштириш жараёнида унинг заиф звеноларини кучайтириш зарурати

туғилади. Бунга деталларнинг материалини алмаштириш, деталларни термик ишлаш, уларнинг ўлчамларини ва баъзан шаклини ўзгартириш йўли билан эришилади. Қуйида станокнинг асосий звеноларини кучайтиришнинг баъзи усуллари келтирилган. Тасмали узатмалар шкив ва тасмаларнинг энини ошириш, қамраш бурчагини таранглаш, роликлар ёрдамида ошириш, шкивларга кўп манжет маҳкамлаш ёки ясси тасмали узатма ўрнига понасимон тасмали узатма ёхуд тишли тасмали узатма ишлатиш йўли билан ишқаланиш коэффициентини ошириш орқали эришиш мумкин.Занжирли узатмалар занжирдаги пластинкаларнинг қаторлари сонини ошириш йўли билан кучайтирилиши мумкин, аммо бунда иккала юлдузчани алмаштириш лозим бўлади. Фрикцион муфталар ишқаланувчи юзаларнинг материалларини ишқаланиш коэффициенти юқорироқ бўлган ва каттароқ солиштирма босим бўлишига йўл қўядиган материалларга алмаштириш йўли билан кучайтирилади. Бундай материаллар жумласига пўлат билан биргаликдаги фибра, текстолит ва шу кабилар киради. Кўп дискли муфталарда баъзан фрикцион дискларнинг сонини ошириш ҳам мумкин. Тишли ғилдираклар углеродли пўлатдан ясалган ғилдиракларни хромли ёки хром-никелли пўлатдан ясалиб, тегишлича термик ишланган ғилдираклар билан алмаштириш орқали кучайтирилади. Катта тезликлар ва кичик нагрузкалар билан ишлайдиган шестерняларни термик ишлаш йўли билан кучайтириш мумкин. Тўғри тишли ғилдиракларни ўша ўлчамдаги қийшиқ тишли ғилдираклар билан алмаштириш ёки тишнинг узунлигини ошириш ҳам мумкин. Сирпаниш подшипниклари подшипник материалини анча сифатли материалга алмаштириш, вал ёки шпиндель бўйинларига электрик-учқуний ишлов бериш ва мойлашни яхшилаш, шунингдек, сирпаниш подшипникларини думалаш подшипниклари билан алмаштириш орқали кучайтирилиши мумкин. Думалаш подшипниклари бошқа анча

қувватлиларига алмаштириш ёки унинг ёнига худди шундай иккинчи подшипник ўрнатиш йўли билан кучайтирилиши мумкин. Винтавий жуфтлар винт ва гайка материалини алмаштлриш, шунингдек, диаметрини ошириш ва гайкани узайтириш йўлн билан кучайтирилиши мумкин Янги типдаги токарлик станоклари Токарлик – винтқирқиш станоклари автоматлаштириш даражаси бўйича машиналарнинг биринчи гуруҳини ташкил этувчи дастаки бошқариладиган универсал станоклар қаторига киради. Бундай станокларни асосий хусусияти шундаки, загатовка ва асбобнинг иш ҳаракатларини (асосий ҳаракати ва суриш ҳаракатини) станок бажаради, ёрдамчи ҳаракатларни ва бошқа ҳаракатларни эса одамлар кнопка (тугма) даста, ричаг, чамбарак ва ҳоказо ёрдамида бажаради. Универсал станоклар мунтазам такомиллаштирилиб борилса (механизациялаш ва кичик автоматлаштириш воситалари билан жиҳозланса) ҳам уларнинг жараёнида одам доим бўлиши ва қатнашиши лозим. Одам бундай ишни бажарганда бир йўла кўп станокларга хизмат кўрста олмайди. Кўп станокларга хизмат кўрсатиш меҳнат унумдорлигини оширишнинг истиқболли усулларидан биридир. Бундан ташқари, одам деталларга ишлов бериш жараёнида қатнашганда иш унумига ва ишлов бериш аниқлигига субъектив таъсир кўрсатади. Дастаки бошқариладиган универсал станокларнинг афзаллиги уларнинг юқори даражада универсал ва тез ўтувчанлигидан иборат. Универсал деганда станокнинг турли деталларга ишлов беришига мосланиш қобилияти тушунилади. Тез ўтувчанлик бир детални чиқаришдан бошқа детални чиқаришга қайта мослаш (ўтиш) вақти билан аниқланади.Дастаки бошқариладиган универсал станоклар ўзига хос хсусиятлари туфайли доналаб, майда ва ўртача серияли ишлаб чиқариш соҳаларида қўлланилади.Бу соҳалар учун станокларнинг кам унумли ишлаши ҳал этувчи аҳамиятга эга бўлмайди.Лекин бу соҳаларда станокларнинг юқори даражада универсал ва тез ўтувчан бўлиши уларга қўйиладиган энг муҳим талаблардан ҳисобланади.Кейинги йилларда

станокларнинг иш унумини ва аниқликни ошириш, меҳнат сарфини камайтириш талаблари қўйилганлиги муносабати билан айниқса майда ва ўртача серияли ишлаб чиқаришда автоматлаштириш усуллари ва воситаларини излаш асосий йўналиш бўлиб қолади.Ишлаб чиқарилаётган махсулотнинг кўп қисми майда ва ўртача сериялаб ишлаб чиқариш соҳасига тўғри келади.Бу соҳадаги муаммолар рақамли дастур билан бошқариладиган (РДБ)(станокларни қўлланиш йўли билан ҳал этилади).РДБ станоклар махсус автоматлаштирилган станоклар учун хос бўлган юқори даражада аниқлик ва унумдорлик дастлабки бошқариладиган универсал станокларга хос бўлган мосланувчанлик ва тез ўтувчанлик хусусиятларига эга.Навоий машинасозлик заводида 16К20 моделли станок асосида яратилган НТ- 250И моделли токарлик-винтқирқиш станоги. Бу станок интерполятор ва рақамли индекация (дастур билан бошқаришнинг циклли тизми) билан жиҳозланган.Станок ташқи ва ички цилиндрик, конуссимон ва шаклдор юзаларга ишлов бериш, червияклар тайёрлаш, бир ва кўпқирқимли резьбалар, шу жумладан, ўзгарувчан қадамли резьбалар ясаш учун мўлжалланган. МЕТАЛЛ КЕСИШ СТАНОКЛАРИНИ ПРОГРАММАВИЙ БОШҚАРИШ Станокни программавий бошқариш деганда унинг ишлашини сонлар ёки символлар тарзида берилган ва станокнинг ижро этувчи органлари силжишларининг қиймати ва характерини белгиловчи программа асосида бошқариш тушунилади. Бундай бошқариш станокни автоматлаштирилган станокни қайта ростлашга имкон беради, автоматлаштирилган станокда эса кулачок ёки копирларни алмаштириш, тиракларни ва охирги виключателларни ва бошқаларни алмаштириб қўйиш талаб этилади. Ишининг моҳияти жиҳатидан олганда кулачокли автоматлар, копирлаш станоклари ва шунга ўхшаш автоматлар ҳам программа воситасида бошқариладиган станоклардир, аммо уларни қайта ростлаш анча мураккаб. Шу сабабли автоматик бошқаришнинг бундай системасига эга станоклардан

кўплаб ва йирик сериялаб маҳсулот ишлаб чиқариш шароитида фойдаланиш қулай. Программа асосида бошқариладиган станокларнинг асосий фарқи ва афзаллиги шундаки, уларни қайта ростлаш оддийдир, бу эса майда сериялаб ва яккалаб маҳсулот ишлаб чиқаришда иқтисодий жиҳатдан фойдали автоматлаштириш системаси барпо этишга имкон беради. Программавий бошқаришдан фойдаланишда станокнинг ижро этувчи органлари иши программасининг берилиши иккита усулнинг бири билан амалга оширилади; бу усуллардан бири сиғими чекланган программй бўлганда — уни станокда бевосита териш йўли билан, иккинчиси эса сиғими амалда чекланмаган программа бўлганда — программа станокдан ташқарида тайёрланади. Биринчи усул, одатда, поғонали тўғри тўртбурчаклик шаклидаги мураккаб бўлмаган деталларга автоматик ишлов бериш станокларида қўлланилади, деталга ишлов бериш, масалан, станок иш органларининг ўзаро перпендикуляр йўналишларда навбатма-навбат силжиши натижаси бўлганда автоматик ишлаш станокларида қўлланилади. Бунда автоматлаштиришдан кўзланган мақсад станок иш органларининг ҳаракатларини муайян кетма- кетликда улаш ва иш органлари берилган вазиятга етганда бу ҳаракатларни тўхтатишдан иборат бўлади. Бу ҳолда программа бевосита станокнинг ўзида тумблёрлар, штеккерли коммутаторлар, кўп позицияли переключателлар ва шу кабилар ёрдамида танлаб олиниши мумкин.Программа беришнинг иккинчи усулининг моҳияти шундан иборатки, бундан станокнинг иш программаси сонлар ва бу сонларнинг қўзғалувчи катта сиғимли программа элитувчидаги махсус коди тарзида берилади, ундан информация унинг ҳаракатланишида бирин-кетин ўқиб олинади ва станок иш органларининг ҳаракатларини бошқаришда фойдаланилади. Айни ҳолда программа элитувчи сифатида перфоленталар, магнитавий ленталар, қоғоз ленталар, перфокарталар (берувчи қурилма билан бирга), компакт диск, киноленталар ва бошқалардан фойдаланиши мумкин. Программа элитувчи,

одатда, станокдан ташқарида ҳисоблаш техникасидан ва программани ёзиб олувчи бир қанча махсус қурилмалардан фойдаланган ҳолда тайёрланади.Баъзан, программа тайёрлашда тажрибали ишчи биринчи деталга ишлов беришда бажарилган ҳаракатлар ёзувидан фойдаланилади; бунда станок иш органларининг ҳаракатлари электрик снгналларга айлантирилади, бу сигналлар эса магнитавий лентага ёзиб олинади. Информацияни магнитавий лентага деталнинг катталаштирилган чизмасининг устидан махсус фотокопирлаш қурилмаси ёрдамида юритиб чиқишда ҳам ёзиб олиш мумкин.Программани программа элитувчига ёзиб олишнинг энг муҳим афзалликларидан бири шуки, уни узоқ вақт сақлаш ва бирмунча вақт ўтгач ундан кўп марта фойдаланиш мумкин.Соний программавий бошқариш системаларидан координатавий ёки поғонали силжишлар учун (токарлик ва карусель станокларида поғонали юзаларга ишлов бериш, йўниб кенгайтириш станокларида ишлов берилаётган тешик ўқини шпиндель ўқига тўғри келтириш ва шу кабилар учун), айрим иш органларининг силжишлари орасида функционал боғланиш бўлган тақдирда контурий юзаларни ва фазовий мураккаб юзаларни ишлаш учун фойдаланилиши мумкин. Собиқ Совет Иттифоқида программавйй бошқариладигаи 34 типдан ортиқ станок ишлаб чиқарилмоқда, шундан кейинги йилларда бундай станоклар ишлаб чиқариш номенклатура жиҳатидан ҳам, сон жиҳатидан ҳам анча оширилади. Бунинг сабаби шуки, машинасозлик корхоналарида сериялаб ва майда сериялаб маҳсулот ишлаб чиқаришни автоматлаштиришнинг ҳал қилувчи факторларидан бири бу корхоналарни программавий бошқариладиган станоклар билан таъминлашдан иборат. КЎП ПОЗИЦИЯЛИ СТАНОКЛАР ТЎҒРИСИДА УМУМИЙ ТУШУНЧАЛАР. Сўнгги йилларда ҳар хил турдаги корпус деталларга ишлов беришда сериялаб ва майда сериялаб маҳсулот ишлаб чиқаришда кесувчи асбобларни автоматик равишда алмаштирувчи қурилмалар билан таъминланган,

программа асосида бошқари-ладаган станоклар тобора кўп ишлатилмоқда. Бундай станоклар кўп позицияли (ишлов берувчи марказлари бўлган) станоклар деб аталади. Программа асосида бошқариладиган станокларда асбобларни автоматик равишда алмаштириш ишлов бериш унумини оширади ва ишлаб чиқариш харажатларини анча пасайтиради. Асбобларни автоматик алмаштирадиган қурилмалар программа асосида бошқариладиган бир қанча пармалаш, йўниб кенгайтириш, фрезалаш станоклари, агрегатавий станоклар, токарлик станоклари ва бошқа станокларга ўрнатилади. Бу станокларда асбобни автоматик алмаштириш қурилмаларининг компановкаси асосан уч группага бўлиниши мумкин: 1) асбобни алмаштириш жараёнида бутун шпиндель узели алмаштириладиган қурилмалар; 2) фақат битта иш шпинделида асбоблар алмаштириладиган қурилмалар; 3) комбинациялаштирилган қурилмалар. Биринчи группа қурилмалари, одатда, шпинделлар наборига эга бўлган револьвер головка тарзида ёки шпиндель узелга жойлаштириладиган магазин тарзида қилиб тайёрланади (бу ҳолда магазинда узелларни иш позициясига келтириш ва иш позициясидан қайтариш механизмлари бўлади). Бу группа қурилмалари, асосан, пармалаш станокларида кўп ишлатилади, Иккинчи группа қурилмалари асбоблар магазини ва станок шпинделидан асбобларни ўрнатиш ва олиш механизмидан иборат. Асбоблар магазини шпиндель бабкасига станок столига ёки ундан ташқарига ўрнатилиши мумкин. Бу группа қурилмалари пармалаш- фрезалаш йўниб кенгайтириш станокларида энг кўп ишлатилади. Комбинацияланган қурилмалар ёрдамида асбоблар (учинчи группа)

одатда, станокда икки шпинделли револьвер головка бўлган тақдирдагина алмаштирилади. Битта шпиндель ишлаб турган вақтда иш зонасидан ташқарида турган иккинчи шпинделдаги асбоблар алмаштирилади. Ишлов бериш тугагандан кейин икки шпинделли головка бурилади. Учинчи группа қурилмалари асосан пармалаш станокларида, камдан-кам ҳолларда эса фрезалаш-йўниб кенгайтириш станокларида ишлатилади. Асбобларни автоматик алмаштириш учун мўлжалланган механизмлар комплексига асбоб сақланадиган магазин, асбобни магазиндан шпинделга ва шпинделдан магазинга олиб ўтувчи юклаш қурилмаси, транспорт қурилмалари ва асбобни шппнделда автоматик сиқиш механизми киради. Пас т даги расм, а да 20 та шпинделга мўлжалланган магазини бўлган ( расм, б) вертикал-пармалаш станоги кўрсатилган. Бу станогда асбобларни автоматик равишда алмаштириш қурилмаси биринчи группага мансуб. Станокда магазин электрик двигателдан тишли узатма орқали юритилади. расм, в да тасвирланган станок асбобни автоматик алмаштириш қурилмаси иккинчи группага тааллуқли. Юқорида станинага 45° бурчак ҳосил қиладиган тарзда 15 асбобгл мўлжалланган доиравий бурилувчи магазин ўрнатилган. Магазинда асбоб ўқи асбобни алмаштириш позициясида шпиндель ўқига параллел. Асбоб икки қамрагичли бурилувчи механикавий қўл 2 билан алмаштириладн, механикавий қўл эса ишиндель билан магазин орасида жипслашган. Механикавий қўл дастлабки вазиятида горизонтал жойлашган. Ишлов бериш тугагандан кейин . қўл 90° бурилади- да, бир вақтнинг ўзида шпинделдаги асбоб билан магазиндаги асбобни қамраб олади. Қўл 180° бурилиб, асбоблар ўрнини алмаштиради ва уларни тегишлича шпинделга ва магазин уясига киритади. Шпинделга ўрнатилган асбоб маҳкамланади, қўл 90° бурилади ва дастлабки вазиятига қайтади. Учинчи группа қурлмаларига комбинациялаштирилган пармалаш- фрезалаш-йўниб кенгайтириш станоги мисол бўла олади (расм, г). Бу станокда 30 та асбобга мўлжалланган, айланйш ўқи вертикал бўлганР асм да . Асбобл арн и автоматик алмаштириладиган станоклар.

доиравий бурилувчи магазин ва бурилиш ўқи қия ҳамда иш шпинделининг ўқи горизонтал бўлган икки позицияли револьвер головка ўрнатилган. Бу иккала қурилма ҳам шпинделлар бабкасига монтаж қилинган. Бир шпиндель ишлаб турган вақтда иккинчи шпинделдаги асбоб алмаштирилади. Магазинга ўрнатилган асбобларнинг ўқлари шундай вазиятда жойлашганки, шпинделга ўрнатилиши керак бўлган асбобнинг ўқи шпиндель ўқига параллел бўлади,. Асбоблар магазин уяларига оправкаларда ўрнатилади. Ҳар бир оправка икки учида бўртиги бўлган втулкага киритилади, Гидро цилиндрдан силжитиладиган механикавий қўл асбобли втулкани олади ва уни шпинделга ёки магазинга ўтказади. Бурилувчи столнинг ўнг томонида кўп шпинделли пармалаш головкалари ёки прецизион йўниб кенгайтириш бабкаси ўрнатилади. Программа асосида бошқариладиган станокларда асбобни автоматик алмаштириш иш унумини оширишга, бракни ва контрол операциялар ҳажмини қисқартиришга имкон беради.

Похожие

Токарлик станоклари1

Токарлик станоклари

Токарлик – револьвер станоклари

Токарлик - карусель лобовой станоклари

Металларни механик ишлаш тўғрисида маълумот