logo
  1. Главная страница
  2. Рефераты
  3. Материаловедение
  4. Токарлик – револьвер станоклари

Токарлик – револьвер станоклари

Загружено в:

20.09.2019

Скачано:

0

Размер:

62.5 KB
Скачать
Токарлик – револьвер станоклари Режа: 1. Токарлик – револьвер станоклари ва уларнинг қўлланиш доираси. 2. Токарлик – револьвер 1П365 станокининг асосий қисмлари ва уларнинг вазифалари. 3. Токарлик револьвер каллагини буровчи механизмларини ишлатиш.(ЦАНГАЛИ ПАТРОНЛАР) 4. Токарлик – револьвер станокларининг кинематик схемаси ва унинг асосий қисмларини ишлаш принципи. 5. Токарлик ярим автоматлар ва автоматлар. Дарснинг мақсади: Токарлик – револьвер станоклари ва уларнинг қўлланиш доираси, асосий қисмлари ва уларнинг вазифалари, каллагини буровчи механизмларини ишлатиш, кинематик схемаси ва унинг асосий қисмларини ишлаш ҳақида маълумот бериш. Токарлик – револьвер станоклари ва уларнинг қўлланиш доираси. Токарлик-револьвер станоклари чивиқлардан ёки дона заготовкалардан мураккаб шаклли деталлар сериялаб ишлаб чиқаришда ишлатилади. Шунга кўра, токарлик-револьвер станоклари чивиқ ишлайдиган станоклар билан патронли стаокларга бўлинади.Токарлик-револьвер станокларида токарлик ишларининг қарийб ҳаммасини бажариш мумкин. Деталь ишлашнинг технологик процессига кўра ҳар хил кесувчи асбобларни — кескич, парма, резвёртка, метчик ва бошқаларни кетма-кет ишга солиш талаб этилган ҳоллардагина бу станоклардан фойдаланиш рационал бўлади. Кесувчи асбоблар револьвер головканинг тегишли позицияларига ва кўндаланг суппортларнинг тегишли кескич тутқичларига зарур кетма-кетликда маҳкамланади. Кесувчи асбобларнинг ҳаммаси станокни ростлашда олдиндан ўрнатиб қўйилади ва ишлов бериш процессида бу асбоблар навбатма-навбат ёки параллел равишда ишга туширилади.Махсус туткичлар бўлган тақдирда револьвер головканинг бир уясига бир неча кесувчи асбоб ўрнатиш мумкин. Ҳар бир кесувчи асбобнинг юриш йўли тираклар билан чекланади, тираклар эса бўйлама ва кўндаланг суриш ҳаракатларини тўхтатади. Ҳар бир иш юришидан кейин револьвер головка бурилади ва иш позициясига янги кесувчи асбоб келади.Револьвер головканинг конструкциясига кўра станоклар револьвер головкаси вертикал ўқ атрофида айланадиган ва револьвер головкаси горизонтал ўқ атрофида бўлади. Револьвер головкалар айланадиган станокларга бўлинади. Револьвер головкалар цилиндрик ва призматик бўлади. Цилиндр шаклидаги головкаларнинг айланиш ўқи горизонтал ҳамда вертикал, горизонтал ўқи станок ўқига параллел ёки периендикуляр қилиб ишлаб чиқарилади. Призма шаклидаги головкалар, одатда олти ёқли бўлади.Станокларнинг типажида ишлов бериладиган чивиқларнинг энг катта диаметри 12, 18, 25, 40, 65, 100 ва 1600 мм га мўлжалланган бир қатор токарлик-револьвер станоклари кўзда тутилган. Диаметри 65, 100 ва 160 мм бўлган чивиқларга ишлов бериладиган станоклар асосан патронли қилиб ишлаб чи-қарилади (ишлов бериладиган деталнинг энг катта диаметри тегишлича 500, 630 ва 800 мм бўлади), бошқа станокларда патрон билан бажариладиган ишларда фойдаланишга имкон берадиган зарур керак-яроғлар бўлади. Диаметри 25 ва 40 мм бўлган чивиқларга ишлов бериладиган станоклар револьвер головкасининг айланиш ўқи вертикал ёки горизонтал. қилиб ишлаб чиқарилади.Анча илгари ишлаб чиқарилган токарлик-револьвер станокларида айланиш частотаси ва суриш ҳаракати дасталар ёрдами билан қайта уланар эди, ҳозирги замон станокларида эса улар, асосан, командоаппаратлар воситасида қайта уланади.Чивиқларга ишлов бериладиган токарлик-револьвер станокларини характерловчи асосий ўлчамлар ишлов бериладиган чивиқнинг максимал диаметри ва шпиндель тешигининг диаметри, патрон билан ишлайдиган станокларни характерловчи асосий. ўлчамлар эса патронга ўрнатилиб ишлов бериладиган заготовканинг станинадан ва суппортдан юқоридаги энг катта диаметридир. Станокнинг асосий ўлчамлари жумласига шпинделнинг олдинги учидан револьвер головканинг олдинги ёғига ёки торецигача бўлган максимал масофа ва головканинг энг катта силжиши ҳам киради.Токарлик- револьвер станокларининг токарлик станокларига қараганда афзалликлари жумласига қуйидагилар киради: кўп кескичли туткичлар ишлатилганлиги ва деталларни револьвер головкадаги ва кўндаланг суппортдаги кесувчи, асбоблар билан бир вақтда ишлаш мумкинлиги натижасида машинавий вақтни қисқартириш имконияти борлиги, шунингдек, заготовкага бир неча асбоб билан ишлов беришга станокни олдиндан ростлаб қўйиш орқали ёрдамчи вақтни қисқартириш мумкинлиги. 1П365 ТОАРЛИК-РЕВОЛЬВЕР СТАНОГИ. 1П 365 токарлик-револьвер станоги револьвер головкасининг бурилиш ўқи вертикал бўлган револьвер станоклар жумласига киради ва чўян ёки пўлат заготовкаларни патронга қисиб ишлаш учун мўлжалланган бўлади. Станокнинг характеристикаси, бош ҳаракат электр двигателининг қуввати 14 квт ; шпинделинйнг айланиш частоталари чегараси 34—1500 айл/ мин ; суриш қийматларининг ўзгариш диапазони: бўйлама суришники 0,09— 2,7 мм\айл , кўндаланг суришники 0,045—1,35 мм/айл ; шпиндель айланиш частотасининг ва сурилишларининг ўзгариши переселектив; тишли ғилдираклар секин айланганда бош ҳаракат ва суриш ҳаракатлари механизмларининг алмашлаб уланиши — гидравликавий; иккала суппортнинг ҳам тез бўйлама силжитилиши мумкин; шпиндель тешигининг диаметри 85 мм ; патронга сиқиб ишланадиган заготовканинг энг катта диаметри: станинадан юқоридагиси 500 мм , кўндаланг суппортдан юқоридагиси 320 мм; станокнинг габарит ўлчамлари 3320x1565x1665 мм . Станок қуйидагича ишлайди. Заготовка патронга маҳкамланади ва айланма бош ҳаракатга келтирилади, кесувчи асбоб эса олти позицияли револьвер головкага ва кўндаланг суппортнинг кескич-туткичига ўрнатилади. Револьвер головкага бўйлама суриш ҳаракати, кўндаланг суппортга эса бўйлама ва кўндаланг суриш ҳаракатлари берилади. Ҳар қайси переходлар учун суппортларнинг силжиш қиймати тираклар ёрдамида зарур ўлчамга олдиндан созлаб қўйилади. Ҳар бир переход бажариб бўлингандан кейин револьвер головка кетинга қайтарилади ва бурилади; бунда янги кесувчи асбоб ишга туширилади. Кўндаланг суппортнинг ва револьвер головка суппортининг иши вақт жиҳатидан олганда кетма-кет ёки параллел (бир вақтда) бўлиши мумкин. Станокда содир бўладиган ҳаракатлар . Бош харакат — шпинделнинг айланма харакати электрик двигателдан (N= 14 квт ; п = 1400 айл/мин ) понасимон тасмали узатма ва тезликлар қутиси орқали берилади. Шпиндель 12 хил частота билан айланаолади.Тезликлар қутисида алмашлаб улашлар муфталар тишли ғилдиракларнинг учлама блоки ва муфта ли сурилма тишли ғилдирак z = 30 ёрдамида амалга оширилади. Шпинделнинг айланиш йўналиши фрикцион муфта ни қайта улаш йўли билан ўзгартирилади (реверсланади). Станокни тўхтатишда шпинделни тормозлаш учун станокнинг тезликлар қутиси валида жойлашган тормозлаш муфтаси кўзда тутилган. Револьвер суппорти бўйлама йўналишда станок шпинделидан сурилади. Револьвер суппортида 18 хил суриш қиймати бор, бу суришлар блокларни силжитиш йўли билан қайта уланиши мумкин. Кўндаланг суппорт ҳам 18 хил суриш (бўйлама ва кўндаланг суриш) қийматига эга. Кўндаланг суппортнинг минимал кўндаланг сурилиши учун кинематикавий занжирнинг тенгламаси қуйидагича: Суппортлар бўйлама йўналишда айрим электрик двигателдан суриш вали ёрдамида тез силжитилади. Гидравликавий юритма шпиндель айланиш частотасини ва револьвер головка суппорти сурилишларини ҳамда кўндаланг суппортни переселектив қайта улаш учун мўлжалланган. Преселектив бошқариш деганда шундай бошқариш тушуниладики, бунда станок ишлаётган вақтда қайта улаш дасталарини ишлов беришнинг навбатдаги переходи учун танлаб олинган айланиш частотаси ва суришларнинг уланишига мувофиқ келадиган вазиятга тўғриланади. Преселектив бошқаришли станокни ишнинг белгиланган янги режимига ўтказиш белгиланган режимларга битта дастани буриш йўли билан қайта улаш командаси берилди дегунча тез содир бўлади.Шпинделнинг айланиш частотасини ва револьвер суппорти билан кўндаланг суппортнинг сурилишларини преселектив қайта улаш учун Ш365 станогида гидравликавий юритма бор, бу гидравликавий юритманинг гидравликавий системасига мойни босим остида берадиган гидроагрегат; шпинделнинг айланма ҳаракатини улаш, реверслаш ва тўхтатиш крани; шпинделнинг зарур айланиш частотасини ишга солиш крани; револьвер суп-портининг ҳар хил суриш қийматларини улаш крани; кўндаланг суппортнинг ҳар хил суриш қийматларини улаш крани; валларни буриш гидроюритмаси ва муфталарни ҳамда тишли ғилдираклар сурилма блокларини қайта улайдиган ўнта гидроцилиндр киради. Тишли ғилдиракларни қўшиш пайтида улар тишларининг тишлашувини осонлаштириш учун тезликлар қутиси билан суришлар қутисининг ўқлари гидроцилиндр ёрдамида рейка, валдаги тишли ғилдирак ва муфта орқали ҳамда ўнта гидроцилиндр ёрдамида аста-секин бурилади. 1341 ТОКАРЛИК-РЕВОЛЬВЕР СТАНОГИ. 1341 станоги универсал токарлик-револьвер станогидир. Бу станок чивиқ билан ишлайдиган ёки патронли бўлиши мумкин унда ҳар хил кесувчи асбобларни бирин-кетин ишлатиш талаб этиладиган: хомаки ва тозалаб йўниш, пармалаш, йўниб кенгайтириш, зенкерлаш, разверткалаш, резьба қирқиш ишлари ва бошқа ишларни бажариш мумкин. 1341 станоги револьвер головкасининг айланиш ўқи горизонтал вазиятда жойлашган револьвер станоклар жумласига киради. Головканинг айланиш ўқи шпиндель ўқидан 100 мм пастда жойлашган бўлиб, шпиндель ўқига параллел. Револьвер головкада ўн олтита тешик бор, кесувчи асбоблар туткичлар ёрдамида ана шу тешикларга маҳкамланади. Бу станокда ёнаки (кўндаланг) суппорт бўлмайди. Револьвер головкага бўйлама ва кўндаланг (доиравий) суриш ҳаракатлари берилади, 1341 станогида уни кўпчилик токарлик-револьвер станок-ларидан фарқ қилдирадиган қуйидаги қурилмалар бўлади: а) револьвер головка бурилганда ҳар қайси переход учун зарур бўлган айланиш частотаси ва суришни автоматик улайдиган командоаппарат; б) диаметридаги фарқ ± 1 мм бўлган чивиқлардан фойдаланишга имкон берувчи, чивиқли суриш ва уни сиқиш, шунингдек, уч кулачокли патронга диаметридаги фарқ 8 мм гача бўлган дона заготовкаларни сиқиш учун мўлжалланган гидравликавий механизм; в) конусавий юзалар ишлашга имкон берадиган копирлаш линейкаси; г)резьбавий ғалтаклар (копирлар) ёрдамида ўрнатилгаи копирнинг қадамига тенг ёки ундан 2 баравар кичик қадамли резьба қирқишга имкон берадиган қирқиш мосламалари. Станокнинг характеристикаси. Ишлов бериладиган чивиқнинг максимал диаметри 40 мм ; патронга сиқиладиган заготовканинг: станинадан юқориги энг катта диаметри_ 400 мм , суппорт кареткасидан юқориги максимал диаметри 380 мм ; шпинделнинг айланиш частотаси қийматлари сонга 8 (60—2000 айл/мин ); кўндаланг суришлар сони 8(0,03— —0,48 мм/айл); бўйлама суришлар сони 16(0,05—1,6 мм/айл ), Қирқиладиган резьбанинг максимал узунлиги 50 мм ; станок нинг габарит ўлчамлари 3000 X 1200 X 1560 мм . Станокда содир бўладиган ҳаракатлар . Бош ҳаракат— шпинделнинг айланма ҳаракати электрик двигателдан тезликлар қутиси орқали узатилади. Шпинделнинг ҳар хил айланиш частоталари тўртта электромагнитавий муфта—ва блокни қайта қўшиш йўли билан ҳосил қилинади. Резьба қирқиш қурилмаси копир бўйича кескичлар ёхуд гребёнкалар воситасида ҳар хил қадамли сиртқи ва ички резьбалар қирқиш учун мўлжалланган. Командоаппарат. Командоаппаратнинг барабани тираклар барабани билан бир ўқда ётади ва втулка ҳамда штифт ёрдамида тираклар барабани билан бирикади. Барабанда ўн олтита Т- симон ариқча бор. Барабаннинг бешта халқасимон ўйиғига ҳалқалар кийдирилган бўлиб, улар ёрдамида барабан тўртта қисмга бўлинган. Ўн олтита ариқчанинг ҳар бирига (тўртта қисмнинг ҳар бирига биттадан) тўртта кулачок жойлаштирилган. Кулачоклар 23 қисмлардан ҳар бирига чап ёки ўнг вазиятда ўрнатилиши мумкин. Чапки иккита кулачок шпинделнинг зарур айланиш частотасини улаш учун, ўнг томондаги иккита кулачок эса суриш ҳаракатларининг керакли қийматларини улаш учун мўлжалланган. ЦАНГАЛИ ПАТРОНЛАР. Токарлик-револьвер станокларида ишлашда чивиқларни сиқиш учун цангали патронлар кенг кўламда ишлатилади. Уларнинг асосий элементи цанга пружиналовчи япроқлар ҳосил қилувчи кесиклари бўлган тобланган пўлат втулкадир. Чивиқлар сиқиш учун ишлатиладиган цангали патронларнинг турларини кўрамиз. Чивиқ трубанинг цанга билан бирга чапга томон шпиндельга тиралгунча силжиши натижасида сиқилади. Бундай қурил-манинг камчилиги шундан иборатки, сиқиш вақтида чивиқ ўқ бўйлаб силжийди, бу эса чивиқнинг сурилиш аниқлигига путур етказади. ТОКАРЛИК ЯРИМАВТОМАТЛАРИ ВА АВТОМАТЛАРИ. Шундай станоклар автоматлар деб аталадики, уларда ростлаб бўлингандан кейин деталь ишлаш цикли билан боғлиқ бўлган барча ҳаракатлар, шунингдек, заготовка жойлаш ва ишлов бериб бўлинган детални чиқариш ишлари ишчининг иштирокисиз бажарилади. Яримавтоматларда янги заготовкани ўрнатиш ва тайёр детални олиш ишларини ишчи бажаради. Токарлик автоматлари ва яримавтоматлари универсал ва ихтисослаштирилган, горизонтал ва вертикал, бир шпинделл ва кўп шпинделли бўлиши мумкин. Чивиқ ишлайдигал бир шпинделли токарлик автоматлари бўйлама шаклдор йўниш-автоматларига (бу автоматлар узунлигининг диаметрига нисбати катта бўлган деталлар ишлаш учун хизмат қилади) ва токарлик-револьвер автоматларига бўлинади. Бир шпинделль универсал токарлик-револьвер автоматларида олти позицияли револьвер головка ва кўндаланг суппортлар бўлади. Кўплаб деталлар ишлаб чиқариш корхоналарида кўп шпинделли токарлик автоматлари кенг кўламда ишлатилади. Типажда кўп шпинделли бир қанча горизонтал автоматлар ишлаб чиқариш кўзда тутилганки, уларда ишланадиган чивиқнинг энг катта диаметри 16—200 мм бўлади. Бўйлама ва кўндаланг суппортлар юритмаси занжирида (масалан, 1А240 автоматида) суппортларнинг йўлини кулачокларни алмаштирмай туриб бир қадар чегарада ростлашга имкон берувчи ричагли механизмлар киритилган. Бир қатор кўп шпинделли токарлик автоматлари ва яримавтоматлари ростлашда тақсимлаш валини ҳаракатга келтириб учун кичикроқ қувватли электрик двигатель билан таъминланган, бу эса станокни ростлаш ишини анча осонлаштиради. Кўп шпинделли баъзи автоматларда ишлов бериш вақтида шпиндель блокини таянч юзага қўшимча сиқиш механизми бор. Токарлик автоматлари, одатда, кўп асбобли станоклардир, Шпинделларининг сонига қараб улар бир шпинделли ва кўп шпинделли автоматларга, шпинделларининг жойлашувига кўра горизонтал ва вертикал автоматларга, вазифасига кўра эса универсал ва ихтисослиштирилган автоматларга бўлинади, бир шпинделли токарлик яримавтоматларини шартли равишда кўп кескичли (марказли ва патронли) станокларга ҳамда копирлаш станокларига бўлиш мумкин. Марказли станокларда ўзунлиги диаметридан бир неча марта катта бўлган заготовкалар марказлар орасига ўрнатилиб ишланади. Патронли станок-ларда, асосан, катта диаметрли қисқа заготовкалар ишланади. Магазин қурилмаси билан таъминланган бир шпинделли яримавтоматларга айланади. Копирлаш токарлик яримавтоматлари мураккаб шаклли деталлар ишлаш учун хизмат қилади. Деталларга бундай станокдарда бир ёки бир неча кескич билан ишлов берилади. Кескич копирнинг ёки эталон деталнинг профилига мос равишда бўйлама ва кўндаланг йўналишларда силжийди. Копирлаш яримавтоматларида кўп кескичли станоклардагига қараганда анча катта кесиш тезликларида ишлаш мумкин. Кўп шпинделли автоматлар ва яримавтоматлар ишлаш принципи жиҳатидан параллел ва кетма-кет ишлайдиган автоматлар (яримавтоматлар) га бўлинади 1722 ГИДРОКОПИРЛАШ ЯРИМАВТОМАТИ. Станокнинг вазифаси — валлар типидаги мураккаб шаклдор, конусавий ва поғонали деталларни марказлар орасига ўрнатиб шаблон ёки эталон деталь бўйича копирлаш методи билан ишлашдан иборат. Деталнинг асосий профили копирлаш суппортидаги кескич билан ишланади, деталь профилининг элементлари (масалан, энсиз чуқур ариқчалар) кўндаланг иккита кесиб қўйиш суппортлари воситасида ишланади. БИР ШПИНДЕЛЛИ 1Б136 ТО К АРЛИК-РЕВОЛЬВЕР АВТОМАТИ. 1Б136 токарлик-револьвер автоматида, йирик сериялаб ва кўплаб маҳсулот ишлаб чиқариш шароитида кетма-кет ёки параллел ишлайдиган бир неча асбобдан фойдаланиб, мураккаб шаклли деталлар ишланади. Станокнинг характеристикаси. Ишлов бериладиган чивиқнинг энг катта диаметри 36 мм ; қирқиладиган резьбанинг энг катта диаметри: пўлат деталлардагисиники М22, латунь детал ёрдамчи вал юритмаси муфтасиии қўшиш дастаси; 2—станина; 3—шпиндель бабкаси; 4 ва 5—тегишлича вертикал ва горизонтал кўндаланг суппортлар; 6—револьвер головка; 7— тақсимлаш вали; 8—револьвер суппортининг шпиндель торецига нисбатан вазияти регулятори; 9—ёрдамчи ва тақсимлаш валларини дастаки айлантириш чамбараги; 10—револьвер суппортини дастаки силжитиш ричаги; 11—станокнинг пакетли включатели; 12—шпиндель айланиш частстасини созлаш пульти; 13—шпиндель юритмаси электрик двигателини бошқариш кнопкаси; 14—асослардагисиники М27; чивиқнинг бир уланганда узатиладиган узунлиги 90 мм; револьвер головканинг энг узун йўли 80 мм ; бир деталь тайёрлаш учун кетадиган вақт 11,6—363 сек ; шпинделнинг айланиш частоталари чегаралари: чапга айланганда 160—2500 айл/мин, ўнгга айланганда 64—2500 айл/мин ; электрик двигателнинг қуввати 5,5 квт; станокнинг габарит ўлчамлари 3880X790X1500 мм . Станокнинг ишлаш принципи. Ишлов бериладиган чивиқ йўналтирувчи най орқали ўтказилиб, станок шпинделига цангали қисқич билан маҳкамлаб қўйилади. Кесувчи асбоб револьвер головкага ва кўндаланг суппортларга маҳкамланади. Револьвер головкадаги асбоблар воситасида сиртқи юзалар йўнилади, тешикларга ишлов берилади ва резьба қирқилади, кўндаланг суппортлардаги асбоблар воситасида эса шаклдор юзалар ишланади, торецлар кесиб қўйилади, фаскалар йўнилади ва тайёр деталлар кесиб туширилади.

Похожие

Токарлик станоклари
Токарлик - карусель лобовой станоклари
Токарлик станоклари1
Токарлик станоклари2
Пармалаш станоклари