Металларни кесишда совитиш ва мойлаш совитиш мойлаш моддаларининг таъсир этиш механизми - Материаловедение - Рефераты

Металларни кесишда совитиш ва мойлаш совитиш мойлаш моддаларининг таъсир этиш механизми

Загружено в:

20.09.2019

Скачано:

0

Размер:

55.646484375 KB

Металларни кесишда совитиш ва мойлаш совитиш мойлаш моддаларининг таъсир этиш механизми Режа: 1. Совитиш-мойлаш моддларининг таркиби 2. Совитиш-мойлаш суюқликларини кесиш муҳитига олиб кириш усуллари 3. Сув оқими билан совитиш 4. Юқори босим остида совитиш 5. Тарқалиб кетган суюқлик билан совитиш 6. Газлар билан совитиш

Дастгоҳ унумдорлиги, кесувчи асбоб турғунлиги, таёрланган детал сифати маълум даражада қўлланиладиган совитиш мойлаш моддаларининг таркиби ва хоссалари билан узвий боғлиқлик бўлади. Совитиш – мойлаш суюқликлари ишқаланишни ва кесувчи асбобнинг ейилишини камайтиради, металлни деформацияланиши осонлаштирилади, иссиқликнинг кесиш муҳитидан чиқиб кетишини яхшилайди. Бундан ташқари, улар қириндини детал буюм ва дастгоҳни занглашдан ва доғларни ҳосил бўлишидан сақлайди. Совитиш – мойлаш суюқликларининг таъсир этиш самарадорлиги металларга молекуляр ўхшашлигига боғлиқ бўлади. Суюқликнинг мойлаш таъсири қуйидагича намоён бўлади, унинг қисмлари ( молекулалар ва ионлар ) кесувчи асбобнинг қиринди ва детал тўқнаш муҳитига киради ва металл юзаларнинг бир-бири билан бевосита тўқнашини бартараф этувчи парда ҳосил қилади. Метал юзасида, суюқлик билан ўзаро таoсир натижасида суюқлик молекулаларининг концентрацияси ортади (бу ходиса адсорбция дейилади). Кучлар ҳарактери бўйича кескин фарқ қилувчи иккита адсорбция кўриниши маoлум, улар адсорбланадиган молекулаларни (атомларни) ёки ионларни қаттиқ қотишма юзаси атомлари ёки ионлари билан боғлайди. Биринчи кўриниш – малекуляр адсорбция (физик), бунда электрик нейтрал малекулалар ва атомлар (суюқ ва қаттиқ танада ички илашиш, кўпчилик кристалларнинг барқарорлиги ва бошқалар билан шартланган молекулалар орасидаги ўзаро таъсир кучлари) Ван дер Ваалс кучлари билан боғланган. Иккинчи кўриниш – хемосорбция – адсорбция. У кимевий реакция билан кузатилиб борилади. Хемосорбия асосида ионлар орасидаги кимёвий алоқалар (ковалент) етади. Турли хил адсорбция кўринишларида ҳосил бўлувчи, физик ва кимёвий деб аталувчи пардалар мухим даражада ўзларининг хоссалари бўйича фарқ қилишади.

Аввал мойлаш - совитиш суюқликлари таркибига физик пардаларни ҳосил қилувчи сиртқи актив моддалар (ёғли кислоталар ва эфирлар) киритилган. Улар силжишга яхши қаршилик кўрсатади, Лекин меъёрий босимга анча ёмон қаршилик кўрсатади ва паст ҳароратда унинг мавжудлиги тўхтайди (масалан, ёғли кислота пардалари – 90 – 142 0 С ҳароратда). Хозирги вақтда кимёвий актив моддалар (олтингугурт фосфор ва азот сақловчи бирикма) кенг қўлланилади. Улар юқори сингиш қобилиятга эга ва деярли дархол металнинг қайтадан ҳосил бўлган пластик деформацияланган юзаси билан катта кимёвий пардалар ҳосил қилиб нормал босимларга бардош беради, (500-1000 0 С гача) юқори ҳароратда сақланиб қолиб, силжишнинг кичик қаршилиги сабабли ишқаланиш кучларини кескин камайтириб юборади. Бу суюқликлар катта кучлар таъсирида ва ҳароратларда ўзининг мойлаш хусусиятларини йўқотмайди, қийин ишлов бериладиган металларни ва қотишмаларни (зангламайдиган, иссиқбардош, магнит, қийин эрувчи ва бошқалар) кесиб ишлашда қўлланилади. Совитиш-мойлаш суюқликлари кесиш жараёнига таъсир ўтказади, унинг механизми қуйидагича бўлади. Кучланишлар таъсири остида металнинг деформацияланиши ва қириндини ижобий таъсир кўрсатувчи металл таркибидаги нуқсонларни мақсадлилигига аста-секин ажралишига ёрдам беради. Бу нуқсонларнинг ривожланиши енгиллашади. Ишлов бериладиган металлнинг сиртқи қатламида оқувчанлик чегараси ва силжишга қаршилиги кичик бўлган юпқа қатламлар ҳосил бўлади. Металда адсорбцион юмшатиш содир бўлади. Бундан ташқари сиртқи қатламларда юпқа, силжишга кичик қаршиликка эга бўлган, лекин металл юзларини мустаҳкам ушлаб турувчи пардалар ҳосил бўлади. Шунинг учун парчаланиш қиринди ажралиши ташқи кучларнинг кичик катталикларида содир бўлади.

Совитиш-мойлаш суюқликлари кесиш жараёнида совитиш таъсирини ҳам кўрсатади. Улар ҳосил бўлувчи иссиқликни сингдириб қолмасдан, уни ажралиб чиқишини ҳам камайтиради. Суюқликнинг иссиқликни олиб кетиш қобилияти унинг, парланиш тезлиги, солиштирма иссиқлик сиғими, иссиқлик ўтказувчанлик ва ҳарорат ўтказувчанлиги билан аниқланади. Сув энг яхши совитиш хусусиятларига эга, Лекин у металл юзаларни ёмон намлайди, уларни занглашга олиб келади ва бактерияларни кўпайишига ёрдам беради. Сувни пар ҳосил қилиш иссиқлиги - нормал шароитдаги қайнаш ҳароратига (100 С) 2,26 Мдж/кг (540 кол/ч) тенг. Минерал мой пар ҳосил бўлишининг яширин иссиқлигига эга ва улар сувникидан бир неча марта кичик [0,17 – 0,31Мдж/кг (40 – 75кал/г)]. Бу моддалар парланиш тезлиги бўйича ҳам катта фарқ қилади. Сувнинг солиштирма иссиқлик сиғими мойларга нисбатан тахминан икки марта катта (4,19 кдж/ (кг град) 1,68 – 2,10 кдж/ (кг град). Металларга ишлов беришда қиринди ва чангнинг заррачаларини бир – бири билан ёпишишини ва уларни кесувчи асбобга, деталга ва дастгоҳ деталларига ёпишиб қолишининг олдини олиш зарур. Совитиш-мойлаш суюқлиги юзада қиринди бўлакларини ва адсорбцион - намловчи пардаларнинг ифлосланишини ҳосил қилиб, юзани бўлиб ташлайди ва ёпишишига тўсқинлик қилади. Бундан ташқари қиринди бўлаклари ва чанглар суюқлик оқими билан ювиб ташланади. Ишлов бериладиган детал, кесувчи асбоб ва дастгоҳ қисмларини зангланишининг олдини олиш мухимдир. Мойлаш – совитиш суюқлигининг сақловчи таъсири металл юзаларида коллоид адсорбцион пардаларни ҳосил бўлишидан иборат. Улар металл юзаларига сувлар, кислоталарнинг таъсир этишидан сақлайди. Совитиш-мойлаш суюқликларининг бу хоссасига таъсири унинг бошланғич таркибига, ишлов бериладиган материалга, кесиш муҳитидаги

ҳароратга, совитиш шартига, атмосфера ва атроф мухитга боғлиқ бўлади. Сувнинг бундай таъсири электролит ишқорларини ёки эмулгсияларни қўшиш билан йўқотилади. Минерал ва ўсимлик мойлари коррозияни ҳосил қилмайди. Сиртқи – актив моддалар айрим холларда коррозия манбаи бўлиб хизмат қилиши мумкин. Бундай холларда коррозия ингибиторлари қўлланилиши зарур. Совитиш-мойлаш суюқликларининг коррозияловчи таъсири эскиришда ўсиши мумкинлигини назарда тутиш керак. Совитиш-мойлаш моддаларининг таркиби. Металларни кесиб- ишлашда қўлланиладиган совитиш-мойлаш суюқликларини учта гурухга бўлиш мумкин. I - Сувли суюқликлар: 1) электролитли эритмалари; 2) ювувчи моддали эритмалари; 3) эмулoсия; 4) мойларнинг яримтиниқ эритмалари. II. Мойлар: 1) минерал; 2) чўкиндили минерал; 3) табиий мойлар. III. Газлар. Сувли суюқликлар катта совитиш қобилиятига эга. Янги қийин ишлов бериладиган металлар ва қотишмаларнинг кенг кўламда тарқалиши билан сувли суюқликлар борган сари катта маънога эга бўлмоқда. Сувли суюқлик ва мойларнинг совитиш-мойлаш хоссалари, уларнинг таркибига турли моддаларини қўшиш билан ошади. Совитиш-мойлаш суюқликлари ишлов бериш тури ва маoромини, детал ва кесувчи асбоб материалининг хоссаларини, ишлов берилган юза тозалигига талаблар, ишлолов бериш аниқлигини ҳисобга олиб танланиши керак.

Сувли суюқликлар: йўниш, пармалаш, разверткалаш, фрезерлаш, жилвирлаш, резoба очиш учун; мойлар: хонинглаш, метчиклар ва плашкалар билан резoба очиш, тиш очиш, чуқур тешикларни пармалаш, автомат ишлов бериш учун тавсия этилади. Металл кесувчи асбоблар билан (кескичлар, пармалар, фрезалар) қора ишлов бериш учун, шунингдек жилвирлаш учун яхши совитиш хусусиятларига эга бўлган суюқликлар яроқли ҳисобланади. Бундай ишларда электролитларнинг сувдаги эритмалари ёки 2,5-30% ли эмулoсия, жилвирлаш учун 1 – 2 % ли мой эритмалари қўлланилади. Ярим тоза операцияларда эмулoсиялар (3 – 4 % ли эмулгирловчи) эритилган мойлар ва электролитли эритмалардан фойдаланилади. Қийин ишлов бериладиган материалларни кесиб ишлашда, шунингдек тоза сидириш, резoба очиш, шаклдор йўниш каби операциялар учун кесиш ва совитиш-мойлаш хусусиятлари юқори бўлган суюқликлар талаб этилади. Металларга кесиб ишлов беришда қўлланиладиган сувли эмулсиялар таркибида 2 – 10 % эмулсол мавжуд. Энг кўп тарқалган спиртли эмулсолнинг тахминий таркибини (% ларда) келтирамиз. Олеин кислатаси 6 – 10 %; Канифол 7 – 10 %; Минерал мой 75 – 80 %; Спирт 3 – 4 %; Сув 3 – 7 %. Каустик сода эритмаси 3 – 4 % Эмулсияни тайёрлашда сувни дастлаб калцийли сода ёки натрий гексамета фосфати билан юмшатилади. Мойлар ичида энг кўп тарқалгани сул o фофрезол деб аталувчи мой ҳисобланади. Унинг таркибида 70 – 78 % веретен, 1,8 – 2,0 % нигрол, 1,8 – 2,0 % олтингугурт мойлари мавжуд.

Ишлатиш жараёнида совитиш-мойлаш суюқларининг таркиби ва хоссалари ўзгаради. Сувли эритмалар енгил парчаланади, бунда дастгоҳ деталларида кукунсимон чанг тўпланади, бу юқори ишқаланиш, ейилиш ва коррозияга олиб келиши мумкин. Шунинг учун дастгоҳларининг очиқ қисмлари пухта артилиши ва мойланиши шарт, айниқса дасгоҳ йўналтирувчилари. Сувнинг парланишида электролитнинг эритмадаги концетрацияси ортади, бу ишчиларни тери касалликлари олиб келиши мумкин ва дастгоҳларни бўюқлари емирилиб кетади. Шунга асосан совитиш- мойлаш суюқликлари муайян чегараларда даврий равишда назорат қилиниб турилиши шарт. Совитиш-мойлаш суюқликларини кесиш муҳитига олиб кириш усуллари. Сув оқими билан совитиш. Совитиш-мойлаш суюқликларининг самарадорлиги катта ўлчовда уларни кесиш муҳитига олиб киритилган миқдори ва жойига боғлиқ бўлади. Аввал бирдан - бир усул суюқликни юқоридан оқи остида олиб келиш ҳисобланган (шакл-47). Бунда Совитиш- мойлаш суюқликларининг миқдори тоза ишлов беришда 35 – 50 см 3 /сек дан, қора ишлов беришда 170-500 см/сек (10 – 30 л/мин) гача ташқил этган, кесиш тезлиги ва ишлов бериш усулларига кўра пўлатлар учун 35-40% га чўянни кесишда 12 – 16% га ошган. Тоза кесишда тезлини орттириш 10-12% ошмайди натижада кесувчи асбобни ички совитиш қўлланиш мақсадга мувофиқ бўлади (48- шакл). 48-шакл. Кескични ички совитиш схемаси

Мойлаш – совитиш суюқликларининг самарадорлиги ошириш учун, суюқлик бошланғич даврда + 2 0 С  + 4 0 С гача совитилади. Бунинг учун идишга совитувчи қурилма киритилиши керак. Бу усул айниқса автомат дастгоҳларда ишлов бериш ва мураккаб, қиммат кесувчи асбобларни қўллаганда мақсадга мувофиқ бўлади. Юқори босим остида совитиш. Сўнги йилларда юқори босимли оқим билан совитиш усулини қўллаши ўз ўрнини топмоқда. Суюқлик кесиш зонасига конус найчанинг тор тирқишлари орқали кескични орқа юза томонидан йўналтирилган бўлади (шакл – 49). Тешик диаметри 0,25 – 0,4 мм/м ни ташқил этади, суюқликнинг ўтиш тезлиги тахминан 75 м/сек,босим – 2 – 3 мм/муҳити суюқлик сарфи эса 7 – 10 см 3 /сек ( 0,4 – 0,6 л/мин ). Оқимли совитишда суюқлик қисман парланади, кесиш зонасига сингиб киради ва иссиқликни олиб кетади. Мой парлари мойловчи таoсир ўтказади. Тезкесар кесувчи асбобларининг турғунлиги 6 – 12 марта, қаттиқ қотишмали кесувчи асбобларининг турғунлиги эса 3 – 5 марта ошади. Совитувчи суюқлик сифатида оқувчанлиги яхши бўлган мойларни қўллаш мақсадга мувофиқдир. Мойларнинг парларини ушлаш учун махсус қурилмаларини ўрнатиш шарт. Шунингдек паст босимли оқим билан совитиш ҳам қўлланилади, бунда оқим 0,05 – 0,20 мм босим остида диаметри 2 – 3 мм бўлган махсус детал тешиги орқали берилади. 49-шакл. Юыори босимли совитиш схемаси

Тарқалиб кётган суюқлик билан совитиш. Бундай усулда кесиш муҳити қисилган хаво билан тарқатиб юборилувчи суюқлик билан совитилади ва мойланади. Тарқалиб кетувчи суюқликни парланиши ва парларни қисилган хаво оқими билан кесувчи асбобни жадал совитиш содир бўлади. Суюқликларини тарқатиб юбориш қурилмаларининг схемаси 50- шаклда кўрсатилган. I – хаво Р – босим остида цех тормоғидан 1 – хаво тозалаш орқали Р-босимни ушлаб турувчи 2-босим регуляторига берилади. 3 – аралаштиргичда хаво Р-босимга эга бўлган II – суюқлиқлиги (мой) билан аралаштирилади. Аралаштирма 4 – кран ва 5 – конус найча орқали кесиш муҳитига берилади. Суюқлик аралаштиргичга келишидан аввал 6- филтр орқали механик аралашмалардан тозаланади . Аралаштиргич суюқликни оқиб ўтиши учун 7 – қаршиликдан ва хаво учун каналдан ташқил топган . Суюқлик, қачонки Р 2 босим Р 3 босимдан катта бўлган ҳолдагина қаршилик орқали оқиб ўтиши мумкин. Таркалиб кётган суюқлик 0,2- 0,5 мм/м босим остида берилганда кесувчи асбобнинг турғунлиги 1,5-4 марта ошади. Ишчи жойларда санитария-гигиена шартлари мухим даражада яхшиланади. Газлар билан совитиш. Қийин ишлов берилувчи материалларни кесишда кесувчи асбобларни совитиш учун газлар, қисман қисилган хаво азот ва карбонат ангдриддан фойдаланилади. 50-шакл. Чангланган мой билан совитиш схемаси

Қисилган хаво – 25-50 0 С гача совитишда қўлланилади. Хаво босими 0,2 мм/м (2 атм) ни ташқил этади. Жихозларнинг катта мураккабликка эга эканлиги сабабли қисилган хавони хозирги пайтда қўллаш мақсадга мувофиқ эмас. Карбонат ангидриддан қуйидаги материалларга ишлов беришда қўлланилади: никелo, волoфром, нобалoт, хром ва бошқалар. Буларни бошқа совитиш усулида кесиб ишлаш мумкин эмас. Кесиш муҳитини совитишда тарқалиб кетган газларни қўллаш асосий ролo ўйнайди. Азот ва карбонат ангидрид газлар кесиш муҳитида кислородни сиқиб чиқаради ва детал-кесувчи асбоб юзаларини оксидланишини олдини олади. Карбрнат ангидридни қўллашда цех хоналарини шамоллатиш учун қўшимча чораларни кўриш лозим.

Фойдаланилган адабиётлар: 1. Авагимов В.Д. Машинасозлик материалларини кесиб ишлаш. «Уқитувчи» нашриёти, Тошкент, 1971. 2. Аваков А.А. Физические основ теории стойкости режуих инструментов. М. «Машгиз», 1960. 3.Бобров В.Ф.и др. Развитие науки о резании металлов. Под редакцией. Зорева Н.Н. М. «Машиностроение», 1967. 4. Вулгф А.М. Резание металлов. М. «Машгиз», 1963.

Похожие

Металларни кесишдаги ишқаланиш

Қиринди ҳосил бўлиш жараёни

Материалларнинг ишлов берилувчанлиги ва уни аниқлаш усули

Кесувчи асбобларининг ейилишининг асосий сабаблари

Гидропроводлар ва станокларни гидропроводларини бошқариш аппаратлари