Қирқиш станокларини гуруҳларга ажиратиш - Материаловедение - Рефераты

Қирқиш станокларини гуруҳларга ажиратиш

Загружено в:

20.09.2019

Скачано:

0

Размер:

33 KB

Қирқиш станокларини гуруҳларга ажиратиш Режа: 1. Металл қирқиш станокларини гуруҳларга ажиратиш. 2. Металл қирқиш станокларини тартиб рақам билан белгилаш. 3. Металл қирқиш станокларини аниқлик даражаси бўйича синфланиши.

4. Мақсад : Металл қирқиш станокларини гуруҳлари, рақамларини номланиши, уларнинг таъснифи ва кинематикаси ҳақида маълумот бериш. Металл қирқиш станокларини гуруҳларга ажиратиш. Ҳозир технологик имкониятлари ва ўлчамлари турлича бўлган жуда кўп металл кесиш станоклари ишлаб чиқарилмоқда. Ишлаб чиқарилаётган станокларнинг ва муайян вақт оралиғида, масалан, беш йил мобайнида ишлаб чиқарилиши мўлжалланган станокларнинг барча тип ва ўлчамлари мажмуи типаж деб аталади. Станоклар типажи узлуксиз равишда ортиб бормоқда. Металл кесиш станоклари Экспериментал илмий-тадқиқот институти (ЭНИМС) классификациясига кўра, сериялаб.ишлаб чиқарилаётган барча станоклар тўққизта группага бўлинади.1.Токарлик станоклари. 2. Пармалаш ва тешик кенгайтириш станоклари. 3. Жилвирлаш ва жилолаш станоклари. 4.Комбинацияланган станоклар. 5. Тиш ва реьзба ўйиш станоклари. 6. Фрезалаш станоклари. 7. Рандалаш, ўйиш ва протяжкалаш станоклари.8. Кесиб ажратиш станоклари. 9. Ҳар хил станоклар. Ҳар қайси группа, ўз навбатида, станокларнинг бир неча типини ўз ичига олади Металл қирқиш станокларини тартиб рақам билан белгилаш. Станокнинг модели учта ёки тўртта (баъзан, ҳарфлар қўшилган) рақам билан белгиланади. Биринчи рақам станокнинг группасини, иккинчи рақам — типини, энг охирги битта ёки иккита рақам станокнинг характерли ўлчамларидан бирини билдиради. Биринчи рақамдан кейинги ҳарф станокнинг такомиллашганлигини, барча рақамлардан кейинги ҳарф эса базавий моделининг модификациясини (шакл ўзгаришини) кўрсатади, Масалан, 2А135 станогини олайлик. Бунда 2 рақами станокнинг иккинчи группага киришини — пармалаш станоги эканлигини; А ҳарфи станокнинг такомиллаштирилганлигини билдиради; 1 рақами станокнинг биринчи типга оидлигини вертикал-пармалаш станоги эканлигини; охирги иккита

рақам эса пармаланиши мумкин бўлган энг катта тешик диаметри — 35 мм ни кўрсатади.Ихтисослаштирилган ва махсус станокларнинг моделлари иккита ҳарф билан белгиланади, бу ҳарфларга станок моделининг тартиб номерини билдирувчи рақамлар ҳам қўшилади. Ихтисослаштирилганлик даражаси жиҳатидан олганда қуйидаги станоклар мавжуд: 1. Универсал станоклар, хилма-хил деталлар ишлашда ҳар хил операцияларни бажаради. Айниқса, кўп х и л ишлар бажаришда фойдаланиладиган станоклар кенг универсал станоклар деб аталади. 2. Қиёфалари бир-бирига ўхшаш, аммо ўлчамлари ҳар хил деталлар ишлаш учун мўлжалланган ихтисослаштирилган станоклар. 3. Кенг номенклатурадаги деталларда маълум операцияларнигина бажариш учун мўлжалланган кенг вазифали станоклар. 4. Фақат бир тип ўлчамдаги деталлар ишлаш учун мўлжалланган махсус станоклар. Металл қирқиш станокларини аниқлик даражаси бўйича синфланиши. Аниқлик даражасига кўра станоклар беш классга бўлинади. Н класс — нормал аниқликдаги станоклар; бу классга универсал станокларнинг кўпчилиги киради. П класс — оширилган аниқликдаги станоклар; бу станоклар нормал аниқликдаги станоклар асосида тайёрланади, аммо станокнинг муҳим деталларининг тайёрланишига нисбатан ва йиғиш ҳамда ростлаш сифатига нисбатан юқори талаблар қўйилади. В класс — юқори аниқликдаги станоклар; станокларнинг юқори аниқлигига айрим узелларининг махсус конструкцияси, деталларининг тайёрланишига, узелларини ва бутун станокни йиғиш ҳамда ростлаш сифатига нисбатан юқори талаблар қўйилиши ҳисобига эришилади. А класс — айниқса юқори аниқликдаги станоклар; бундай станоклар тайёрлашда В класс станоклари тайёрлашдагига қараганда ҳам қаттиқроқ талаблар қўйилади. С класс — А ва В класс станоклари деталларининг аниқлигини белгиловчи деталлар тайёрлаш учун мўлжалланган ниҳоята

аниқ станоклар; бошқача қилиб айтганда, мастер-станоклар, В, А ва С класс станоклари тегишли аниқликни таъминлаши учун улар температураси ва намлиги автоматик равишда ўзгармас қилиб туриладиган хоналарга ўрнатилган ҳолда ишлатилади. Станоклар массасига кўра енгил (1 т гача), ўртача, (10 т гача) ва оғир (10 т дан ортиқ) станокларга бўлинади. Оғир станоклар, ўз навбатида, йирик (10—30 г), оғир (30—100 т) ва жуда оғир ( уникал ) (100 т дан оғир) станокларга бўлинади.

Похожие

Металл кесиш станокларини сонли дастур билан бошкариш

Токарлик станоклари

Пармалаш станоклари

Материалларни таг деталларга қирқиш ва деталларга ишлов бериш жараёнларини лойихалаш

Токарлик – револьвер станоклари