Редукторлар - Машиностроение - Рефераты

Редукторлар

Загружено в:

20.09.2019

Скачано:

0

Размер:

49.5 KB

Редукторлар Режа: 1. Асосий тушунчалар 2. Редукторлар ва мультипликаторлар 3. Редукторларнинг турлари ва ишлатилиши

Редуктор деб, машинанинг энергия манбаидан унинг иш бажарувчи қисмига айланма ҳаракатни тезлигини камайтириб узатишга мўлжалланган ва алоҳида қути (корпус) га жойлашган тишли ёки червякли узатмалардан тузилган механизмларга айтилади. Редукторларнинг ўзига хос хусусияти харакатни камайтириб узатишдир, яъни уларда узатиш сони U ≥ 1 бўлади. Редукторни бу хусусиятидан машина ва механизмларни лойиҳалашда кенг фойдаланилади. Масалан, автомобилларнинг тезликлар қутиси деб аталадиган редукторлари ана шу асосда ишлайди. Маълумки, автомобилни жойидан қўзғатишда ғилдираклардаги буровчи момент одатдаги текис ҳаракат вақтидаги буровчи моментдан катта бўлиши керак ва аксинча, жойидан қўзғолган автомобиль маълум тезликка эришгач, ҳаракатни давом эттириш учун ғилдирак валларидаги буровчи моментнинг илгаридагидек катта қийматга эга бўлиши шарт эмас. Шунинг учун редуктор воситасида етакланувчи валнинг айланиш частотаси поғонама-поғона катталаштирилади. Бундай механизмлар мультипликаторлар ёки тезлатувчилар деб аталади. Уларда узатиш сони ҳар доим U< 1 бўлади. Редукторлар бир-биридан валларининг жойлашиши, ўлчами, узатиш сони ҳамда тузилиши билан фарқ қилади. Редуктор валларининг фазода ўзаро жойлашишига кўра горизонталь ва вертикаль бўлади. Редукторлар поғоналар сонига кўра бир (16.1-расм а , 16.2-расм а , 16.2 - расм в ), икки (16.1-расм б ,в ) ва кўп поғонали бўлиши мумкин. Кўп поғонали редукторлар унинг биринчи вали ҳамда охирги валининг айланишлар сони бир-биридан жуда катта фарқ қилганда ишлатилади. Редукторлар ундаги узатманинг турига кўра цилиндрсимон (16.1-расм а ), конуссимон (16.2-расм а ), червякли (16.2-расм в ) ҳамда аралаш, яъни цилиндрик-конуссимон (16.2-расм б ), цилиндрик-червякли турларига бўлинади.

Саноатда цилиндрик тишли ғилдиракли редукторлар энг кўп ишлатилиб, унинг тузилиши ва тайёрланиши оддий, чидамлилиги юқори. Одатда узатиш сони U ≤ 6,3 бўлганда бир поғонали, U ≤ 40 бўлганда икки поғонали, ҳамда U ≤ 400 холларда уч поғонали редукторлардан фойдаланилади. а) б) в) расм. а) б) в) расм. Редукторларнинг оғирлиги ва ташқи ўлчамлари асосан узатиш сони қийматини узатма поғоналари бўйича қандай тақсимланишига боғлиқ. Бунда етакланувчи ғилдирак диаметрлари бир хил бўлган редукторларнинг кўрсаткичлари юқори бўлади, чунки бундай редуктор ғилдирак тишларини мойлаш осон. Редукторларда биринчи поғона юкланиши нисбатан кам бўлганлиги учун, етакланувчи ғилдирак диаметрларини бир хиллигини таъминлаш учун

узатиш сонининг қийматини иккинчи поғонага нисбатан каттароқ қилиб олиш тавсия этилади, тиш эни коэффициенти ψ ba –нинг қиймати эса иккинчи поғонада катта бўлади. Икки поғонали редукторлардан энг кўп ишлатиладигани ғилдираклари кетма-кет жойлашган редукторлардир (16.1-расм б ). Бу редукторларнинг тузилиши оддий, бироқ ғилдиракларнинг таянчларга нисбатан носимметрик жойлашганлиги юкланишннг тишлар узунлиги бўйлаб нотекис тақсимланишига сабаб бўлади. Натижада ғилдиракларнинг ва таянчларнинг ишдаш шароити ёмонлашади. Бу ҳолатни бартараф қилиш мақсадида ғилдиракларни таянчларга нисбатан симметрик жойлашган редукторлардан фойдаланилади. Редуктор узунлигини камайтириш мақсадида ўқдош редукторлардан (16.1-расм в ) фойдаланиш тавсия этилади. Бундай редукторларнинг асосий камчилиги, айрим вал таянчларининг редуктор ичида жойлаштирилишидир. Бу биринчидан, конструктив жиҳатдан ноқулай бўлса, иккинчидан, таянчларнинг ҳолатини назорат қилишни қийинлаштиради. Агар узатиш сони U ≤ 6,3 бўлиб электродвигателга уланадиган вал билан иш бажарувчи қисмига ҳаракат узатадиган валлар ўзаро перпендикуляр ҳолатда жойлашган бўлса, конуссимон ғилдиракли редукторлардан (16.2-расм а ) фойдаланилади. Валлари ўзаро тик бўлган редукторлар узатиш сонининг каттароқ бўлиши талаб этилса, конуссимон ва цилиндрик ғилдираклардан ташкил топган кўп поғанали редукторлардан фойдаланилади (16.2-расм б ). Бунда редукторнинг конуссимон ғилдираклардан ташкил топган қисмини биринчи поғанага жойлаштириш тавсия этилади. Ўқлари ўзаро айқаш жойлашган червяк ва червякли ғилдиракдан иборат узатма махсус корпус ичига жойлаштириган бўлса червякли редуктор дейилади (16.2-расм в ). Бундай редукторларнинг афзаллиги бир поғанали узатмада катта узатиш сонини таъминлаш бўлиб, кинематик узатмалар учун U=500 гача, қувват узатмаларда учун U=8...120 бўлиши мумкин.

Редукторларда ишлатиладиган валларнинг қаттиқлиги термик ишлов бериш йўли билан НВ 270...300 га етказилади. Диаметри 80 мм гача бўлган валларни 45 маркали пўлат материаллардан, диаметри 80...125 мм бўлган валларни 45ХЦ; 40ХН4 35ХМ маркали пўлатматериаллардан тайёрлаш тавсия этилади. Валларнинг таянчлари сифатида асосан думалаш подшипникларидан фойдаланилади. Енгил ва ўртача юкланиш билан ишлайдиган редукторлардаги вал таянчларида эса роликли подшипниклар ишлатилади. Редукторларнинг тишли ғилдираклари албатта мойлаб турилиши зарур. Бунинг учун редукторнинг картер деб аталадиган пастки қисмига мой қуйиб қўйилади. Мойнинг сатҳи тез ҳаракатланувчи поғана ғилдираклари учун 2h бўлади (бунда h –тиш баландлиги). Секин айланувчи поғана учун етакланувчи ғилдирак радиусининг 1/.3 қисми мойга ботирилган бўлиши керак. Буни таъминлаш учун одатдаги редукторларда ҳар бир кВт қувватга мўлжаллаб 0,4...0,7 литр миқдорда мой қуйилади.

Адабиётлар : 1. Сулаймонов И. И. Машина деталлари. Тошкент нашриёти, 1988. 2. Тожибоев Р.Н., Жўраев А.Ж. Машина деталлари. Тошкент, «Ўқитувчи», 2002 3. Пятаев А.В., Муҳаммаджонов Б.К. Машина деталлари. Ўқув қўлланма., Тошкент, 2004. 4. Иванов М.Н. Детали машин. Москва, «В ы сшая школа», 1991.

Похожие

Узатмалар

Қутисимон деталларни тайёрлаш технологияси

Тишли гилдиракларни тайёрлаш технологияси

Кўтариш транспорт машиналарининг электр ускуналари

Машиналарнинг технологик жараёндаги ўрни ва аҳамияти