Оғир юк ташувчи тиркама ва ярим тиркамалар - Машиностроение - Рефераты

Оғир юк ташувчи тиркама ва ярим тиркамалар

Загружено в:

20.09.2019

Скачано:

0

Размер:

315.5 KB

Оғир юк ташувчи тиркама ва ярим тиркамалар Режа: 1. Оғир вазнли юкларни ташувчи автопоездлар 2. Оғир юк ташувчи тиркама ва ярим тиркама 3. Биринчи гуруҳ оғир юк кўтарувчилар

Оғир вазнли юкларни ташувчи автопоездлар – бўлинмайдиган йирик габаритли, габаритли эмас ва оғир вазнли юклар: турли қурилиш, йўл, ер қазувчи машиналарни, турбиналар, реакторлар ва х.к. ташишга мўлжалланган. Юк кўтарувчанлиги бўйича учта турга бўлинади: 30 т гача, 30 дан 100 т гача ва 100 т дан юқори. Биринчи гуруҳ оғир юк ташувчилар ўзини габарит ва оғирлик параметрлари бўйича умумтранспорт вазифали автотранспорт воситаларига мос бўлганлиги туфайли, автомобиль йўлларида умумий транспорт оқимида ҳаракатланиш имкониятига эга. Иккинчи гуруҳ оғир юк ташувчилар тўла массасини юқорилиги, габарит ўлчамларини катталиги, ўқларини ва ғилдираклар сонини кўплиги билан ажралиб туради. Бу эса, уларни маршрут бўйича ҳаракатланишида алоҳида тадбир кўришликни ва махсус тортувчи автомобиллардан (битта ёки бир неча) фойдаланишликни талаб қилади. Учинчи гуруҳ оғир юк ташувчилар ғоят юқори юк кўтарувчан бўлиб, жуда ҳам оғир камдан-кам учрайдиган юкларни ташишга мўлжалланган. Оғир юк ташувчи тиркама ва ярим тиркамаларнинг компоновка схемалари асосан, рамаси ва ғилдиракларининг ўзаро жойлашуви билан аниқланади. (11.39расм). 11.39-расм. Оғир юк ташувчи тиркама ва ярим тиркамаларнинг компоновка схемалари.

1-схема – рама ғилдираклардан юқорида бўлиб, конструкциясини соддалиги ва узунлигини қисқалиги билан ажралиб туради. Юклаш баландлигини юқорилиги (1,5м ва ундан ҳам баланд) ва турғунлик хусусиятини ёмонлашуви камчилигидир. Рамасининг конструкцияси текис ва поғонали бўлиши мумкин. Текис рамалиги тиркама кўринишида, поғоналиги эса ҳам ярим тиркама, ҳам тиркама кўринишида ишлаб чиқарилади. Поғонали рама текис юк кўтарувчи қисм ва ундан юқори жойлашган поғонаси бурилувчи аравага таянувчи қисмлардан иборат. Шу боис юклаш баландлиги пасайтирилган, лекин тиркамани умумий узунлиги ошган. Текис рамали тиркама бир-бирига боғлиқ равишда бошқарилувчи, олдинги ва кетинги бурилувчи араваларга эга бўлиши мумкин. Агарда дўшло (шоти) алмаштирилиб (орқага ўрнатилса) қўйилса автопоезднинг маневрчанлиги ортади. Текис рама юкланмани ўқларга бир текис тақсимлайди. 2-схема – рама олдинги ва кетинги ғилдираклар орасида жойлашган (паст рамали оғир юк ташувчилар). Ярим тиркамали турида поғонали қисми тортувчи автомобилга таянади. Тиркама иккита бир хил араваларга эга. Юқори бўлмаган юклаш баландлиги ва турғунлигини яхшилиги билан бу схема афзалдир. Паст рамали тиркамалар одатда, симметрик яьни олдинги ва кетинги бошқарилувчи, бурувчи қурилмалар билан боғланган аравали қилиб тайёрланади. Бу эса дўшлони алмаштирганда тиркамани орқа йўналишида ҳаракатланишини ҳам таьминлайди. 2схема уччала гуруҳ оғир юк ташувчиларда жорий қилиниши мумкин. Баьзибир юк ташувчи тиркамаларда юклаш-тушириш жараёнида аравалар юк кўтарувчи қисмдан ажратилиши мумкин. Бу ҳолларда рамани пасайтириш ва кўтариш рамага ўрнатилган гидравлик кўтаргич ёки домкратлар ёрдамида амалга оширилади. 3-схема – рамаси иккита лонжеронлар кўринишида бўлиб, уларга ташилувчи юк осиб ўрнатилади. Раманинг учи иккита аравага таянади. 4-схема – рамасиз конструкцияли. Юк кронштейнларга осиб ўрнатилади ва биргаликда яхлит кўтарувчи конструкцияни ташкил қилади. Кронштейнлар

иккита аравага таянади. Бу схемани афзаллиги йўлга нисбатан юкни ўта паст жойлашувидадир. Камчилиги тор доирада ихтисослаштирилганлигида (муайян юк учун тиркама). Бу схемалар бўйича учинчи гуруҳ оғир юк ташувчилар тайёрланади. Оғир юк ташувчиларни асосий қисмлари қуйидагилардан иборат: рама, арава, буриш қурилмаси, тормоз тизими, электр жиҳозлар тизими ва юклаш- тушириш қурилмаси. Биринчи гуруҳ оғир юк кўтарувчиларнинг аравалари, одатда тўртта ғилдиракли кесилмаган ўқлидир, ўққа тушадиган юкланма 10т.гача. Юк кўтарувчанлиги юқори тиркамалар араваларида кесилган ўқли, кўп сонли ғилдираклардан фойдаланилади. Бу хил “тебранувчи” ўқлар ғилдиракларга тушадиган юкланмани бир текис тақсимлайди ва йўл профилига юқори даражада мослашувни таьминлайди. Лекин, “тебранувчи” ўқлар ички ғилдиракга киришни қийинлаштиради ва уларни алмаштириш учун тиркамани кўтариш, баьзида тўнтаришга тўғри келади. У ва бошқа турдагилар бурилувчи ёки бурилмайдиган ғилдиракларга эга. Аравалар ғилдиратиб ажраладиган бўлиши мумкин. Тиркама ва ярим тиркамалар ўқларининг умумий сони 2 тадан 12тагача, ғилдиракларининг умумий сони 8 тадан 96тагачани ташкил этади. Ғилдиракларга юкламани бир текис тақсимлаш балансирли осмадан фойдаланишни тақозо қилади, шу билан бирга ғилдираклар сони кўп бўлса, механик эмас, балки гидравлик осма қўлланилади. Оддий буриш қурилмаси буриш айланасидан иборат бўлиб, конструктив радиал-тирак юмалаш подшипниги кўринишида. Бундай буриш айланасида аравадан рамага барча куч шариклар орқали ўтади. Буриш айланаси асосий буриш қурилмаси сифатида бир ўқли ва икки ўқли араваларда қўлланилади. Кўп ўқли аравалар буриладиган ва бурилмайдиганларга бўлинади. Иккаласида ҳам бурилувчи ўқлар ёки ғилдираклар бўлиши лозим. Бу ҳолда буриш қурилмаси ўта мураккаблашади ва бошқариш тизимига айланади.

Оғир юкларни ташишни ўзига хослиги махсус юклаш-тушириш қурилмалар билан жиҳозлашни талаб қилади. Буларга лебедка (чиғир), домкратлар, қайтариб қўйиладиган траплар(нарвон) киради. Баьзида ўта мураккаб механизмлар: рамани юк кўтарувчи қисмини ерга туширувчи: рамани қиялатувчи; ғилдиракларни олиб чиқувчи ва икки томонга сурувчи кабилар қўлланилади. Иккала аравани ажратувчи қурилмалар ҳам мавжуд. Учинчи гуруҳ оғир юк ташувчилар ўзига ўрнатилган гидравлик кўтаргичлар ва автоном куч механизмлари билан жиҳозланади. Мисол тариқасида ЧМЗАП – 5530 русуми оғир юк ташувчи тиркама тузилишини кўриб чиқамиз (11.40-расм). Бўлинмайдиган оғир юкни юклаш учун платформани 2-5 минут давомида гидравлик тизим ёрдамида пастлатиш, аравани эса платформадан ажратиш мумкин. Арава рамасида, насосдан юритма олувчи икки томонга ҳаракатланувчи гидравлик кўтариш механизмини ўрнатиш учун бўшлиқ қилинган. Насосни иш босими 30 МПа. Юклаш баландлиги платформани қуйидаги ҳолатларда: пастга туширилганда – 500 мм; юкламасиз кўтарилганда 900 мм; юкланганда – 850 ммни ташкил қилади. Олдиниги ва кетинги аравалар ғилдиратиб ажратилувчи, уч ўқли ва уларнинг ғилдираклари бошқарилувчи. Орқа ажратилувчи аравага оператор кабинаси ўрнатилган.

11.40-расм. ЧМЗАП-5530 оғир вазнли юкларни ташувчи тиркама. Ҳаракатланишни бошқариш ва тиркамани буриш тортувчи дўшло (шоти) ва у билан боғлиқ олтита руль тортқилари ёрдамида амалга оширилади. Руль тортқилари ҳар томонга учтадан симметрик ўрнатилган. Руль тортқилари кронштейнлар ёрдамида буриш каллаклари билан уланган. Шунинг учун олдинги аравани ҳамма ғилдираклари у ёки бошқа томонга бурилиши мумкин. Орқа аравани бошқариш юритмаси олдинги аравани бошқариш валидан тиркамани диагонал жойлашган тортқилар ёрдамида амалга оширилади. Тиркама платформаси олдинги ва орқа аравани рамасига остки қисмидан қотирилади. Платформани иккала учини кўтариш ва тушириш арава рамасига ўрнатилган икки томонга ҳаракатланувчи гидравлик кўтариш механизми томонидан амалга оширилади. Иш тормоз тизими колодкали, барабан турида, пневматик юритмали. Тиркамани юк кўтарувчанлиги 120000кг; ўзининг массаси 46350кг; ғилдираклар сони 24 та; ўқлар сони 6 та.

Адабиётлар 1.Автомобили. Специализированнўй пожвижной состав. Под ред. 2.М.С.Вўсоцкого, А.И.Гришкевича. Минск.: Вўш.шк.1989.-240с. 3.Вахламов В.К. Техника автомобильного транспорта. Подвижной состав и эксплуатационнўе свойства: М.:2004. -528с. 4.www.ziyonet.uz

Похожие

Умумий вазифали ва ихтисослаштирилган ярим тиркамалар

Юк автомобиллари

Қурилиш материаллари ва узун ўлчамли юкларни ташувчи автопоездлар

Умумий вазифали ва ихтисослаштирилган тиркамалар

Тортувчи автомобиллар. Лебёдка