Тортувчи автомобиллар. Лебёдка - Машиностроение - Рефераты

Тортувчи автомобиллар. Лебёдка

Загружено в:

20.09.2019

Скачано:

0

Размер:

774.5 KB

Тортувчи автомобиллар. Л ебёдка Режа: 1 Тортиш-тиркаш қурилмаси 2 Таянч-тиркаш қурилмаси 3 Лебедка (чиғир)

Якка автомобилдан фарқли автопоезд бир-бири билан шарнирли уланган икки ёки ундан кўп транспорт звенодан (элементдан) иборатдир. Автопоездда етакчи звено сифатида тортувчи автомобил ҳисобланса, етакланувчи звено бўлиб тиркама, ярим тиркама ва ёйма (роспуск) тиркамалар ҳисобланади. Автопоездлардан фойдаланиш қуйидаги афзалликларга эга: 1. Ўққа тушаётган оғирлик кам; 2. Двигателнинг ортиқча қувватидан бирмунча тўла фойдаланилади; 3. Автомобил унумдорлиги якка автомобилга нисбатан икки ва ундан кўп марта ортиқ; 4. Бир тонна ташиладиган юкка сарфланадиган ёнилғи 20% га кам; 5. Идиш (тара) коэффициенти (ўз оғирлигининг юк кўтаришига нисбати) ва харакатланувчи қўшилманинг нархи кам; 6. Ташиш масофасига боғлиқ равишда ташиш таннархи 20-30 % га камаяди. Ўз вазифасига кўра юк ташувчи автопоездлар универсал, ихтисослаштирилган ва махсус автопоездларга бўлинади: 1. Универсал автопоездлар ҳар хил юкларни ташишга мўлжалланган (борт платформали автопоездлар ва универсал фургонлар); 2. Ихтисослаштирилган автопоездлар маълум турдаги юкларни ташишга мўлжалланган (цистерналар, рефрижераторлар, ўзи ағдарувчи, қурилиш конструкцияларини ташувчи ва х.к); 3. Махсус автопоездлар ўзига доим маҳкамланган ташишга дахлдор бўлмаган ускуналар, жиҳозлар ўрнатилган харакатланувчи таркиб (харакатланувчи электростанциялари, компрессорли қурилмалар, тузатиш устахоналари ва х.к). Юк автопоездлари тиркамали, эгарли (ўтиргичли) ва ёйма тиркамали бўлади (11.27-расм). Тиркамали автопоездлар борт платформали юк автомобили ёки фургон ва битта ёки бир нечта тиркамалардан иборат бўлади (а ва б);

Эгарли автопоездлар, эгарли тортувчи автомобил ва ярим тиркамадан иборат бўлади (г); Ёйма тиркамали автопоездлар тортувчи автомобил ва борт платформаси йўқузайтириладиган икки томонга ёйиладиган (коник) устуни бўлган тиркамадан иборат (д). 11.27-расм. Автопоездларнинг асосий турлари.

Вертикал юкламани тақсимланиши усулига кўра автопоездлар қуйидаги турларга бўлинади: 1. Юкланма мустақил тақсимланадиган (а,б,в); 2. Юкланма номустақил (боғлиқли) тақсимланадиган (г,д); 3. Юкланма аралаш тақсимланадиган (ж). Автопоездлар учун қуйидаги чекланишлар (ограничения) қўйилган: - автопоезднинг максимал тўла массаси ўқлар сони 5 та бўлса 40 т, 6 та ва ундан кўп бўлса 52 т; - автопоезднинг эни 2,5 м, баландлиги 4,0 м; - икки звеноли автопоездни узунлиги 20 м, уч звенолиники эса 24 м. Конструктив вариантларга кўра автопоездларнинг тиркаш (илаштириш) қурилмалари икки турли бўлади: 1. Тортиш-тиркаш (илаштириш); 2. Таянч (эгар)тиркаш (илаштириш). Тортиш-тиркаш қурилмасидан (11.28-расм) транспорт тиркамаларини тортишда қўлланилади. Бу тиркаш қурилмаси учун асосий юкланма тури бўйлама куч эканлиги билан характерлидир. Таянч – тиркаш қурилмаси (11.29-расм) ярим тиркамаларни тортишда қўлланилади. Бу тиркаш қурилмаси бўйлама кучдан ташқарии, тортаётган ярим тиркамаларни тортишда қўлланилади. Бу тиркаш қурилмаси бўйлама кучдан ташқари, тортаётган ярим тиркама вазнидан вертикал юкланмани ўзига олиб, тортувчи автомобилга ўтказади ва айни бир пайтда буриш механизми вазифасини бажаради. Тортиш-тиркаш қурилмаси қуйидагилардан иборат: - ажратиш (разъем) – тиркаш узели; - амортизациялаш – ютиш механизми; - буриш – чиқариш механизми; - маҳкамлаш узели. Таянч – тиркаш қурилмаси қуйидагилардан иборат:

- ажратиш (разъем) – тиркаш механизми; - автопоездни эгилувчанлигини (гибкость) таъминловчи механизм; - маҳкамлаш узели. 11.28-расм. Тортиш-тиркаш қурилмаси. 1-маслёнка; 2-илгак; 3-илгак лўкидонининг ўқи; 4-лўкидон тепкиси; 5- тепки ўқи; 6-лўкидон; 7-гайка; 8-шплинт занжири; 9-эластик элемент; 10- илгак гайкаси; 11шплинт; 12-ҳимояловчи қобиқ; 13, 14-шайбалар; 15-корпус; 16-корпус қопқоғи. Тортиш-тиркаш қурилмаси бир-бирига боғлаш конструкциясига кўра қуйидаги турларга бўлинади: илгакли (илгак-ҳалқа жуфтлиги); шкворенли (шкворень-ҳалқа жуфтлиги); шарли (шар-ҳалқа жуфтлиги). Илгакли тортиштиркаш қурилмаси кенг қўлланилади. Илгак 2 ажратиш-тиркаш қурилмасининг асосий элементи ҳисобланади. Унга тепки 4 билан қайд қилинувчи лўкидон 6 ўрнатилган. Бу эса ҳалқани

қурилмадан ўз-ўзидан ажралишига йўл қўймайди. Илгак стержени корпус ва қопқоқнинг иккита сирпаниш подшипникига ўрнатилган. Бу эса илгакни ўз ўқи атрофида айланишини ва стерженни бўйлама йўналишда силжишини таъминлайди. Корпус ичига, иккита шайба билан олдиндан стержен гайкаси билан сиқилган резинали элемент 9 жойлаштирилган. Натижада, тирқиш йўқотилиб тиркаш қурилмасини қулай ишлашини таъминлайди. Таянч-тиркаш қурилмаси бир-бирига боғлаш конструкциясига кўра, шкворенли ва роликли турларга бўлинади. Шкворенли таянч-тиркаш қурилмаси битта ёки иккита қамрагичли бўлиши мумкин. Иккита қамрагичли, ярим автоматик қурилмалар кенг тарқалган. 11.29-расм. Таянч-тиркаш қурилмаси.

1-сақлагич планка ўқи; 2-сақлагич планка; 3-кронштейн; 4-эгар; 5,9,10маслёнкалар; 6-шарнир ўқи; 7,16-пружиналар; 8-қамрагич ўқи; 11,13- қамрагичлар; 12-шпонт; 14-ричаг; 15-қулфловчи кулак; 17-лўкидон. Тортувчи автомбил рамасига болтлар билан қотирилган устки рамада иккита кронштейн 3 маҳкамланган. Уларннг зўғотасига (проушина) резинаметаллик втулкалар билан эгарни 4 иккита ўқи кирган. Бундай бириктириш эгарни бўйлама текисликда эркин бурилишини, яъни автопоездни вертикал текисликдаги эгилувчанлигини таъминлайди. Резинаметаллик втулкалар ярим тиркамадан тортувчи автомобил рамасига бўлган динамик юкламани камайтиради ва эгарни 3 0 гача кўндаланг оғишига йўл қўяди. Ажратиш-тиркаш механизми эгар остига жойлаштирилиб, ўқларга 8 ўрнатилган иккита қамрагич 11,13 пружина ва шток билан қулфловчи кулак 15, лўкидон 17, ричаг 14, ўққа 1 ўрнатилган сақлагич планкадан 2 иборат. Қулфловчи кулакни орқага сурилган ҳолатида, унинг ёнбош қирралари, ёпиқ турган қамрагичлар томонидан сиқилган ҳолатда қайд қилинади. Шток пружинаси 16 кулакни олдинга силжишига қаршилик кўрсатади, ундан ташқари қулфловчи кулак штоги ёпиқ ҳолатда қотирилган сақлагич планкага 2 тиралган. Шу тарзда ярим тиркамани тортувчи автомобилдан ажралмаслиги кафолатланади. Автопоездни горизонтал текисликдан эгилувчанлиги шкворенни қамрагичларда айланиш имконияти билан таъминланади. Автопоездни ажратиш учун сақлагич планка бўшатилиб, юқорига кўтарилади. Кулак 15 ричаг 14 ёрдамида олдинга сурилади ва лўкидон 17 билан қайд қилинади. Қамрагичлар очилади ва кулакни бўшатади сўнгра пружина таъсирида орқага сурилиб қамрагичлар гарданига тақалади. Лебедка (чиғир) червяк турли редуктор ва горизонтал жойлаштирилган тортувчи барабанлар билан автомобил рамасига ўрнатилди (11.30-расм).

11.30-расм. Лебедка. 1,4-масленкалар; 2-барабанни ишга тушириш ричаги; 3-лебедкани кўндаланг тўсини; 5-сақлагич скобаси; 6-йўналтирувчи ролик; 7-кронштейн; 8-илгак троси; 9лебедка редуктори; 10,12-кардан валлари; 11-оралиқ таянч; 13-ричаг қулфи; 14қувват олиш қутиси ричаги; 15-қувват олиш қутиси; 16- лебедкани орқа кўндаланг тўсини. Лебедка, йўлни ўта оғир бўлагидан ўтиш, ҳаракатланиш қобилиятини йўқотган автомобилни ўзини-ўзи тортиб олиб чиқиш ва ботиб қолган транспорт воситасини чиқариш учун хизмат қилади. Лебедкани олдинги кўндаланг тўсини болтлар ёрдамида автомобилни олдинги буфери ва рама лонжеронига маҳкамланган. Орқа кўндаланг тўсин 16 рамани биринчи кўндаланг тўсинига қотирилган. Лебедка узатмалар қутисига ўрнатилган қувват олиш қутисидан 15 кардан валлари 10,12 орқали юритма олади. Лебедка ричаг 14 ёрдамида ишга туширилади. Кардан валининг олдинги учига кардан шарнирини вилкаси ўрнатилган бўлиб, улар сақлагич штифт билан уланган.

Адабиётлар 1.Автомобили. Специализированнўй пожвижной состав. Под ред. 2.М.С.Вўсоцкого, А.И.Гришкевича. Минск.: Вўш.шк.1989.-240с. 3.Вахламов В.К. Техника автомобильного транспорта. Подвижной состав и эксплуатационнўе свойства: М.:2004. -528с. 4.www.ziyonet.uz

Похожие

Цистернали автомобиллар

Ўзи ағдаргич автомобиллар

Қурилиш материаллари ва узун ўлчамли юкларни ташувчи автопоездлар

Горизонтал ва кия йуналишда ҳаракатланувчи узлуксиз юк транспортловчи машиналар

Юк транспортловчи машиналар