Машина деталларининг бирикмалари - Машиностроение - Рефераты

Машина деталларининг бирикмалари

Загружено в:

24.11.2022

Скачано:

0

Размер:

706.59765625 KB

Машина деталларининг бирикмалари Режа: 1. Резьбали бирикмалар 2. Шпонкали ва шлицали бирикмалар 3. Парчин михли ва пайванд бирикмалар

1. Резьбали бирикмалар Деталларнинг резьбали (болтли, винтли, шпилькали ва шурупли) бирикмалари ажраладиган бирикмалар ҳисобланади. Цилиндрик ва конуссимон сиртларда винт чизиқ бўйлаб жойлашган резьба бундай бирикмаларнинг асосий элементи ҳисобланади. (1-расм) Резьбанинг энг кўп тарқалган турлари 2-расмда кўрсатилган. Учбурчак резьбаларнинг қуйидаги хиллари бор: метрик (ГОСТ 9253-59), диаметр ва қадами миллиметрларда ўлчанади, профиль 1 -расм. Цилиндрик сиртга винт бурчаги 60°га тенг (2-расм, а га қаранг). чизиғи бўйлаб жойлашган резьба Белгиланишига мисол: М16 — ташқи диаметри 16 мм, қадами 2 мм бўлган метрик резьба; дюйм диаметр дюймларда ўлчанади, профиль бурчаги 55° га тенг. Бундай резьба 1 дюймга тўғри келадиган резьба ўрамлари сони билан характерланади; г 2-расм. Резьбанинг асосий турлари. в д е а б

а-учбурчаксимон метрик; б- учбурчаксимон дюйм; в-тўғри тўрт бурчакли; г- трапециясимон; д-тирак; е-ярим доира труба (ГОСТ 6359—63 ва ГОСТ 62 11—69), диаметр ва резьба қадами дюймларда ўлчанади, профиль бурчаги 55° га тенг; резьба қадимги 1" га тўғри келадиган ўрамлар сони билан белгиланади. Труба резьба ташқи сиртига шундай резьба қирқилган трубанинг ички диаметри билан характерланади. Масалан, ички диаметри икки дюйм (50,8 мм) бўлган трубанинг ташқи сиртига 2" ли труба резьба қирқилган; резьба қадами 2,309 мм (1" га 11 ўрам тўғри келади); резьбанинг ташқи диаметри 59,616 мм. Труба резьбалар бириктириладиган деталлар орасида зазор қолдирмай қирқилади. Болтлар, винтлар ва шурупларнинг турлари. Болтлар меъёрли ва юқори аниқликда олти қиррали, тўғри тўртбурчак ва думалоқ каллакли қилиб тайёрланади (3-расм). Думалоқ каллакли болтни буралиб кетишдан сақлаш учун махсус чиқиқ ёки квадрат каллак ости қилинади; баъзи болтлар махсус шаклдаги каллакли (рельсларни бириктиришда ишлатиладиган болтлар) ёки каллаксиз (анкерли болтлар) бўлиши мумкин (4-расм). Болт бириктирилаётган деталлар тешигидан ўтиб, шайба ва гайка билан қотирилади. 3-расм. Болт каллакларининг турлари

Шпилькалар иккала учига резьба қирқилган стержендан иборат. Шпильканинг бир учи деталга бураб киритилади, иккинчи учига эса гайка буралади (5-расм). Олти қиррали, квадрат ва доира шаклли гайкалар энг кўп тарқалган (6-расм). Доира шаклли гайкаларни бураш учун улар гайка калити тушадиган тешик (баъзан ўйиқ) ли қилинади. Доира шаклли гайкаларни қўлда бураш учун ён томони ғадир-будур қилинган ёки улар қулоқчали (гайка-барашка) бўлиши мумкин. Винт (7-расм) метрик ёки дюйм резьбали цилиндрик стержень; каллаги: гайка калити учун—олти қиррали, квадрат, отвертка учун — ярим доиравий яширин, ярим яширин ва цилиндрик шаклда бўлади. Бириктирилаётган деталга бураб киргизилади. Шуруплар — ёғочга бураб киргизиладиган винтлар — конуссимон стержень ва отвертка тушадиган ўйиқли каллакдан иборат. Гайка калитига мўлжалланган каллакли шуруп глухар деб аталади. Гайкалар ўз-ўзидан буралиб кетмаслиги учун контргайкалар, пружина ва стопор шайбалар, шплинтлар, штифтлар, накладка (8-расм) ва ҳ. к. лар қўлланилади.

7-расм. Винт турлари Контргайка асосий гайканинг устига бураб қўйилади. Болт, гайка ва контргайка резьбасида ҳосил бўладиган ишқаланиш кучи гайкани ўз-ўзидан буралиб кетишдан сақлайди. Пружина шайбанинг эластик кучи гайка резьбасини болт резьбасига сиқади. Ишқаланиш кучи гайкани ўз-ўзидан буралиб кетишдан сақлайди. Тожли гайканинг юқори қисмида шплинтлар ёки штифтлар ўтказиш учун ўйиқлар бўлади. Резьбали деталлар бир неча болт каллаги тешигидан ўтказилган сим, қўйма планкалар, эгиб қўйиладиган шайбалар ва ҳ. к. билан ҳам стопорланади.

2. Шпонкали ва шлицали бирикмалар Шпонка айланувчи деталларни вал ва ўқларга бириктириш учун ишлатилади. Қуйидаги хиллари бор: а) понасимон шпонка (9-расм, а) шпонка, вал ва тўғиннинг ички сиртлари орасида ҳосил бўладиган ишқаланиш кучи ҳисобига деталларни вал ёки ўқларда тутиб туради (ГОСТ 8791—68 ва 8792—68). Бундай шпонкаларнинг кенг қирралари эзилишга ишлайди. Шпонкалар валнинг ўрта қисмига ўрнатилганда шпонка ариқчаси икки марта узун бўлиши керак. Улар маҳкамланадиган деталнинг анча силжишини таъминлайди ва уларда қўшимча зўриқишлар ҳосил қилади; б) призмасимон шпонка (9-расм, б) кесилишга ишлайдиган энсиз ён қирралари билан деталларни вал ёки ўқларда тутиб туради (ГОСТ 8788—68 ва ГОСТ 8789—68). Шпонка ариқчалари валнинг кўндаланг кесимини 8—10% бўшаштиради.

9 - расм Шпонкали ва шлицали бирикма схемаси а) понасимон; б) прамаматик; в) шлицали брикма Шпонкали бирикмалар билан бирга шлицали бирикмалар ҳам кенг тарқалган (9-расм, в). Уларнинг афзалликлари: жуда кам бўшашади, деталлар аниқ марказланади, шлицалар сонини кўпайтириш ҳисобига шлицалардаги зўриқишни камайтиришга имкон туғилади. ГОСТ 1139—58 да битта валда 4 дан 20 тагача шлица ясаш мумкинлиги кўзда тутилган. 3. Парчин михли ва пайванд бирикмалар Парчин михли ва пайванд бирикмалар ажралмас бирикмалар ҳисобланади. Бундай бирикмаларни қисмларга ажратиш учун бириктириладиган ва бириктирадиган деталларни бузиш ёки уларга шикаст етказиш керак. Парчин михли чокларнинг қуйидаги хиллари бор: а) мустаҳкам (металл конструкциялар — фермалар, стрела миноралари ва ҳ. к.; б) мустаҳкам-зич (қозонлар, резервуарлар, босимли баклар ва ҳ. к.); в) зич (цистерналар, очиқ резервуарлар ва ҳ.к. Парчинлаш совуқлайин ва қиздириб бажарилади. Совуқлайин парчинлашда диаметри 12 мм гача бўлган парчин михлар ишлатилади. Ярим доиравий каллакли парчин михлар энг кенг тарқалган. Айрим ҳолларда яширин каллакли ва ярим яширин каллакли парчин михлар қўлланилади (10-расм).

Парчин михли чокларнинг бир, икки ва кўп қаторли (парчин михлари параллел ёки шахмат тартибида жойлашган) хиллари бор. 10-расм. Парчин мих турлари. Бирикиш типига қараб, чоклар устма-уст а-ярим доиравий каллакли; б- яширин каллакли; в-ярим яширин ва бир ёки икки томонидан накладка қўйилган каллакли учма-уч хилларга бўлинади. Қирқиладиган кесимлари сонига қараб, парчин михлар бир, икки ва кўп қирқимли бўлади. 11- расм, а да парчин михлари икки қатор жойлашган устма-уст бирикма тасвирланган; бунда бир қирқимли парчин михлар бир қаторда учтадан параллел жойлашган. 11-расм. Парчин михли бирикма схемалари а-устма-уст бириктириш; б- учма-уч бириктириш Учма-уч чоклар учун қаторлар сони фақат чокнинг бир томони бўйича ҳисобга олинади; 11-расм, б да икки накладка қўйилган учма-уч бирикма кўрсатилган; бунда икки қаторли, икки қирқимли парчин михлар шахмат тартибда ҳар қайси қаторда учтадан жойлашган. Парчинланган конструкцияларда бириктириладиган элементлар сиқилади, парчин михлар эса чўзилади. Парчин михларга перпендикуляр текисликда таъсир қиладиган кучни бириктирувчи элементларни тутиб турувчи а б

ишқаланиш кучлари қабул қилади. Мустаҳкам чокларни ҳисоблашда ишқаланиш кучларининг таъсири ҳисобга олинмайди. Пайванд бирикмалар иқтисодий ва техникавий жиҳатдан афзал бўлгани учун парчин михли конструкциялар ўрнига, асосан, пайванд конструкциялар қўлланилади. Пайванд чокни темирчилик, автоген ва электрик пайвандлаш усулларида ҳосил қилиш мумкин. Пайванд чоклар учма-уч ва валикли хилларга бўлинади. Учма-уч чоклар ҳосил қилишда (12- расм) 5 мм дан қалин листлар учун лист қиррасини бир томондан (У-симон) ёки икки томондан (Х- симон) ишлаш талаб қилинади. 12-расм. Учма-уч 13-расм. Комбинациялаб пайвандланадиган чоклар пайвандланадиган чоклар Валикли чоклар рўпара, ёнлама ва аралаш хилларга бўлинади (13- расм).

Назорат саволлари 1. Машина деталларининг ажраладиган ва ажралмас бирикмалари орасидаги фарқ нима? 2. Винт чизиғининг қадами ва унинг қиялик (кўтарилиш) бурчаги нима? 3. Метрик, дюйм ва труба резьбалар қандай асосий параметрлар билан характерланади? 4. Резьбали деталлар ўз-ўзидан буралиб кетмаслиги учун нима қилиш керак? 5. Шлицали бирикманинг шпонкали бирикмадан қандай афзалликлари бор?

АДАБИЁТЛАР 1. С.К. Камолов, Т.К. Жабборов, Саноат корхоналарининг электр таъминоти. Фарғона, “Фарғона” 2002 2. М.М. Матбобоев, Электротехнологик қурилмалар. Фарғона, “Фарғона” 2002 3. М.В. Авдеев, Е.Л. Воловик, Технология ремонта машин и оборудования. Москва, Агропромиздат, 1986 4. В.Ч. Черноиванов, Организация и технология восстановления деталей машин. Москва, Агропромиздат, 1989 5. Ш.У. Йўлдашев, Машиналар ишончлилиги ва уларни таъмирлаш асослари. Тошкент, “Ўзбекистон”, 1994 6. И.Г. Гореоышев, Слесарно – сборочные работы. 7. А.М. Красин. Слесарь механосборочных работ. 8. Г.Ч. Куценко, Основы гигиены труда и производственной санитарии. 9. С.М. Эйнис, Технология слесарных, ремонтных и сборочных работ. 10. Н.И. Макиенко, Общий курс слесарного дела. 11. Н.И. Макиенко, Слесарное дела с основами материаловедения.

Похожие

Машина деталларини таъмирлаш

Деталларининг нуқсонларини аниқлаш. Машиналарни йиғиш, чиниқтириш, синаш ва бўяшнинг технологик асослари

Машина ва механизмларнинг типик бирикмаларини йигиш

Саноат машина ва жиҳозлари тўғрисида умумий маълумотлар

Машина қисмларини ҳисоблаш ва лойиҳалашга доир умумий масалалар