Millatlararo va fuqarolararo ahillik – eng katta boyligimiz - Основы культурологии - Рефераты

Millatlararo va fuqarolararo ahillik – eng katta boyligimiz

Загружено в:

20.09.2019

Скачано:

0

Размер:

62 KB

Millatlararo va fuqarolararo ahillik – eng katta boyligimiz Bugun iqtisodiyotimizning barqaror sur’atlar bilan rivojlanayotgani, xalqimiz turmush darajasi ortib, mamlakatimizning xalqaro maydondagi obro‘-e’tibori tobora yuksalib borayotgani diyorimizda yashayotgan har bir insonga mamnuniyat tuyg‘usini baxsh etayotgani shubhasiz. Bunday yutuqlar negizida, avvalambor, xalqimizning fidokorona mehnati va bunyodkorlik salohiyati, odamlarimizning ongi va tafakkuri, hayotga munosabati o‘zgarayotgani, ular o‘zini shu yurtning haqiqiy egasi deb his qilayotgani mujassam. O‘zbekiston Konstitutsiyasining 4-moddasida “O‘zbekiston Respublikasi o‘z hududida istiqomat qiluvchi barcha millat va elatlarning tillari, urf-odatlari va an’analari hurmat qilinishini ta’minlaydi, ularning rivojlanishi uchun sharoit yaratib beradi”, deb qat’iy belgilab qo‘yilgan. Yurtimizda yashayotgan turli millat va elat vakillari uchun barcha kerakli shart-sharoitlar yaratib berilgani, milliy tili, o‘ziga xosligi, an’analari va urf-odatlarini saqlab qolish va rivojlantirish masalalarining huquqiy jihatdan to‘liq ta’minlanganligi ushbu konstitutsiyaviy kafolat samarasidir. O‘zbek tili o‘zbek xalqi ma’naviy madaniyatining ajralmas qismi hisoblanadi. Hali sobiq ittifoq parchalanmay turib O‘zbekistonda “Davlat tili haqida”gi qonun qabul qilindi. O‘zbek tilining hayotimizdagi o‘rni va ta’sirini kuchaytirish, uni tom ma’nodagi milliy qadriyatga aylantirish yo‘lida ulkan ishlar amalga oshirildi. O‘zbekiston Respublikasi Konstitutsiyasida ham davlat tilining maqomi huquqiy jihatdan mustahkamlab qo‘yildi. Shu tariqa o‘zbek tili mustaqil davlatimizning Bayrog‘i, Madhiyasi, Gerbi, Konstitutsiyasi qatorida turadigan, qonun yo‘li bilan himoya qilinadigan muqaddas timsollardan biriga aylandi. Ona tili – millatning ruhi. O‘zlikni anglash, milliy ong va tafakkur, avlodlar o‘rtasidagi ruhiy-ma’naviy bog‘liqlik til orqali namoyon bo‘ladi. Jamiki ezgu fazilatlar inson qalbiga, avvalo, ona allasi, ona tilining betakror jozibasi bilan singadi.

Bu borada yuksak marralarga yetib borishimizning zamirida yotgan eng muhim omillarni yana bir bor ta’kidlab o‘tish o‘rinlidir. Bu – avvalo, jamiyatimizda suvdek, havodek zarur bo‘lgan va xalqimiz ko‘z qorachig‘iday asrab-avaylab kelayotgan tinchlik-osoyishtalik, hamjihatlik va totuvlik. Bu – har tomonlama chuqur o‘ylangan, birinchi galda, xalqimizning manfaatini ko‘zda tutib, izchillik va qat’iyatlik bilan olib borilayotgan siyosiy va iqtisodiy islohotlar. Bu – uzoq va yaqin qo‘shnilarimiz bilan hamjihatlik va hamkorlikni yanada mustahkamlash, jahon hamjamiyati bilan hamohang bo‘lib yashash va unda o‘zimizga xos, o‘zimizga mos o‘rinni egallab olishdek ezgu maqsadlardir. Vaqt o‘tishi, zamon o‘zgarishi bilan har qanday xolis kuzatuvchiga bir haqiqat ayon bo‘lmoqdaki, biz ichki va tashqi siyosatimizni amalga oshirishda kimningdir tazyiq yoki amriga itoat qilib, turli o‘yinlarga qo‘shilgan emasmiz va doimo mustaqil siyosat olib borganmiz. Biz uchun yagona va ustuvor maqsad – O‘zbekiston manfaati va yana bir bor O‘zbekiston manfaatidir. Bugun yorug‘ yuz bilan aytishga haqqimiz borki, qanchalar qiyin bo‘lmasin, biz bir kunlik hayot bilan yashaganimiz yo‘q, kelajak avlodimizning rizqi va nasibasiga xiyonat qilganimiz yo‘q. Allohning o‘zi bizga in’om etgan yer osti, yer usti boyliklarimizni o‘zlashtirishda, ulardan oqilona va samarali foydalanishda, davlatni idora qilish, iqtisodiyotimizni tashkil etishda, eng avvalo, uzoq va davomli maqsad- muddaolarimizni ko‘zlab ish olib bormoqdamiz. Hech kimdan kam bo‘lmagan, bamisoli erkin qush kabi parvozga shay bo‘lib turgan, bilagi kuchga to‘lib, salohiyati yuksalib borayotgan, umid-ishonchimiz, tayanchimiz va suyanchimiz bo‘lgan navqiron avlodimizning maydonga chiqayotgani mana shu siyosatning dastlabki nishonasidir. Hozirgi murakkab va tahlikali zamonda, xalqaro terrorizm, diniy ekstremizm, narkobiznes kabi balo-qazolar insoniyat hayotiga tahdid solib turgan bir sharoitda o‘z uyimiz, o‘z muqaddas yurtimizni o‘zimiz asraylik, o‘zimiz himoya qilaylik, degan da’vat har bir yurtdoshimizni doimo hushyorlik va ogohlikka chorlamoqda.

Bugungi notinch dunyoda biz qanday murakkab vaziyatda yashayotganimizni, insoniylik qiyofasini tamoman yo‘qotgan xalqaro terrorizm balosi mintaqamiz va butun dunyo uchun qanday tahdid, qanday xavf-xatar tug‘dirayotganini barchamiz yaxshi anglaymiz. Bunday holatda doimo hushyorlik va ogohlikni saqlash, har birimiz uchun o‘z uyimizni, ona O‘zbekistonimizdagi tinchlik va barqarorlikni asrash va himoya qilish har qachongidan ham muhim ahamiyatga ega. Shu bois bugungi kunda mamlakatimiz xavfsizligiga tahdid solayotgan mavjud xavf-xatarlarni yanada chuqurroq o‘rganish va tahlil etishimiz lozim. Bunda xalqaro terrorchilar va ularni yo‘llayotgan markazlar tomonidan sodir etiladigan qurolli xurujlarni bartaraf etish va ularga oldindan zarba berishga doimo tayyor turish kerak. Terrorchilik mafkurasi boshqa dinlarni inkor etish mafkurasi asosida shakllanadi. Bunga bir paytlar tinchlikni targ‘ib qiluvchi tashkilot sifatida maydonga chiqib, bugunga kelib esa o‘ta ashaddiy terrorchilar, qotillar va zo‘ravonlarni yetkazib beradigan tashkilotga aylangan “Hizbut-tahrir”ni misol qilib keltirish mumkin. Afsuski, terrorchilikka qarshi kurash niqobi ostida dunyoning asosiy geostrategik o‘yinchilari bo‘lmish davlatlar har jihatdan g‘oyat muhim bo‘lgan Markaziy Osiyo mintaqasidagi o‘z ta’sirini saqlash uchun kurash olib bormoqda. Bunday vaziyatda har birimiz har doim ogoh, sezgir va hushyor bo‘lishimiz darkor. Shu bilan birga, hayotda voqealarni befarq va loqayd kuzatuvchi sifatida emas, ularga bevosita daxldor, tinch lik va osoyishtalik, farovon hayot va taraqqiyot kurashchilari bo‘lib yashashga o‘rganishimiz zarur. Ma’lumki, sobiq mustabid tuzum davrida milliy ma’naviyatni rivojlantirishga mutlaqo yo‘l qo‘yilmagan. Aksincha, xalqimizning tabiati, yashash tarziga yot bo‘lgan kommunistik mafkurani har qanday yo‘llar va zo‘ravonlik bilan joriy etishga harakat qilingan. Shuning uchun ham istiqlolning dastlabki kunlaridanoq bu sohadagi ahvolni tubdan o‘zgartirish yurtimizda eng dolzarb va hal qiluvchi vazifalardan biriga aylandi.

Insoniyatning ko‘p ming yillik tajribasi shundan dalolat beradiki, dunyodagi zo‘ravon va tajovuzkor kuchlar qaysi bir xalq yoki mamlakatni o‘ziga tobe qilib, bo‘ysundirmoqchi, uning boyliklarini egallamoqchi bo‘lsa, avvalambor, uni qurolsizlantirishga, ya’ni eng buyuk boyligi bo‘lmish milliy qadriyatlari, tarixi va ma’naviyatidan judo qilishga urinadi. Bunga tarixdan ko‘plab misollar topiladi. Chunki har qaysi millat yoki xalqning ma’naviyati uning bugungi hayoti va taqdirini, o‘sib kelayotgan farzandlarining kelajagini belgilashda shak-shubhasiz hal qiluvchi ahamiyat kasb etadi. Binobarin, ma’naviyatga qarshi qaratilgan har qanday tahdid o‘z-o‘zidan mamlakat xavfsizligini, uning milliy manfaatlarini, sog‘lom avlod kelajagini ta’minlash yo‘lidagi jiddiy xatarlardan biriga aylanishi va oxir-oqibatda jamiyatni inqirozga olib kelishi mumkin. Bugungi kunda dunyoning ayrim hududlarida ana shunday harakatlar natijasida katta ma’naviy yo‘qotishlar yuz berayotgani, millatning asriy qadriyatlari, milliy tafakkuri va turmush tarzi izdan chiqayotgani, axloq-odob, oila va jamiyat hayoti, ongli yashash tarzi jiddiy xavf ostida qolayotganini kuzatish mumkin. Eng yomoni, bunday xurujlarning pirovard oqibati odamni o‘zi tug‘ilib o‘sgan yurti va xalqidan tonishga, vatanparvarlik tuyg‘ularidan mahrum etishga va hamma narsaga loqayd bo‘lgan shaxsga aylantirishga qaratilganida namoyon bo‘lmoqda. Bunday tajovuzkorona harakatlar bizlar uchun mutlaqo begona mafkura va dunyoqarashni, avvalo, beg‘ubor yoshlarimizning qalbi va ongiga singdirishga qaratilgani bilan xatarlidir. Bu borada davlatimiz rahbari Islom Karimov to‘xtalib o‘tib, jumladan, “Agarki biz bunday xatarlarga qarshi o‘z vaqtida qat’iyat va izchillik bilan kurash olib bormasak, turli zararli oqimlar bizning yurtimizga ham shiddat bilan yopirilib kirishi, yoshlarimizni o‘z girdobiga tortib ketishini, oqibatda ularning ota-ona, oila, el-yurt oldidagi burchi va mas’uliyatini o‘ylamaydigan, faqat bir kunlik hayot bilan yashaydigan xudpisand kimsalarga aylanib qolishi mumkinligini tasavvur qilish qiyin emas. Mana shu achchiq haqiqatni yurtimizdagi har bir inson, har qaysi ota- ona, eng muhimi, har qaysi yigit-qiz chuqur anglab olishini istaymiz”.

Bugungi shiddatli davrda chinakam ma’naviyatli va ma’rifatli odamgina inson qadrini bilishi, o‘z milliy qadriyatlarini, milliy o‘zligini anglashi, erkin va ozod jamiyatda yashash, mustaqil davlatimizning jahon hamjamiyatida o‘ziga munosib o‘rin egallashi uchun fidoiylik bilan kurasha oladi. Darhaqiqat, har qanday taraqqiyot mahsulidan ikki xil maqsadda – ezgulik va yovuzlik yo‘lida foydalanish mumkin. Agarki bashariyat tarixini, uning tafakkur rivojini tadrijiy ravishda ko‘zdan kechiradigan bo‘lsak, hayotda insonni kamolotga, yuksak marralarga chorlaydigan ezgu g‘oya va ta’limotlar bilan yovuz va zararli g‘oyalar o‘rtasida azaldan kurash mavjud bo‘lib kelganini va bu kurash bugun ham davom etayotganini ko‘ramiz. Bugungi zamon voqelikka ochiq ko‘z bilan, real va hushyor qarashni, jahonda va yon-atrofimizda mavjud bo‘lgan, tobora kuchayib borayotgan ma’naviy tahdid va xatarlarni to‘g‘ri baholab, ulardan tegishli xulosa va saboqlar chiqarib yashashni talab etmoqda. Shu bois yurtdoshlarimiz, ayniqsa, yosh avlod ongida murakkab va tahlikali hayot haqida, uning shafqatsiz o‘yinlari to‘g‘risida biryoqlama va soxta tasavvur bo‘lmasligi kerak. Hozirda ma’naviyat dunyosiga nisbatan mavjud bo‘lgan xavf-xatarlardan albatta ko‘z yumib bo‘lmaydi, lekin bizning ishonchimiz komilki, xalqimiz tarixning murakkab jarayonlarida irodasi chiniqib, har qanday hujum va tazyiqlarga qaramasdan, ma’naviy olami kuchayib va yuksalib bormoqda. Bugungi kunda mamlakatimizda 136 millat va elat, 16 diniy konfessiya vakillari yagona oila farzandlaridek yashab, mehnat qilib kelmoqda. Shuningdek, ular orasida har xil millatlarga mansub aholi mavjud bo‘lib, ular ham mamlakatimizning barcha fuqarolari qatori bir xil huquq va majburiyatlarga ega. O‘zbekiston qonunlarida belgilab qo‘yilgan huquq va erkinliklari, manfaatlari to‘liq ta’minlangan. Ta’lim olishlari, mehnat qilishlari uchun barcha shart- sharoitlar yaratilgan. Jamiyatni ma’naviy yangilashdan ko‘zlangan bosh maqsad – yurt tinchligi, Vatan ravnaqi, xalq erkinligi va farovonligi, komil insonni tarbiyalash, ijtimoiy hamkorlik, millatlararo totuvlik, diniy bag‘rikenglik masalalaridan iborat.

Mamlakatimiz milliy tarkibining o‘zga xosligi uning farqlanuvchi xususiyatlaridir. Etnik tarkibida tub aholi ustun mavqeni egallaydi. Mamlakatimizda istiqomat qiladigan aholinig 80 %ini o‘zbeklar tashkil etadi. O‘zbekistonning milliy-madaniy rang-barangligi milliy o‘zlikni anglashning o‘sishi va ma’naviy jihatdai qayta uyg‘onish bilan chambarchas bog‘liqdir. Ko‘pmillatli mamlakat siyosatining asosiy maqsadi millatlararo va diniy bag‘rikenglikni shakllantirish bo‘lishi zarur. Prezidentimiz O‘zbekiston Respublikasi Konstitutsiyasining 20 yilligiga bag‘ishlangan tantanali marosimdagi ma’ruzasida “O‘zbekistonimizda tinchlik-osoyishtalik va xavfsizlikni, fuqarolar va millatlararo ahillik va hamjihatlikni ko‘z qorachig‘idek saqlash va mustahkamlash bundan buyon ham eng muhim, hal qiluvchi vazifamiz bo‘lib qolishi darkor”, deb ta’kidladilar. O‘zbekiston Respublikasi milliy (etnik) siyosatining asosiy tamoyillari: 1) millatlar va etnik guruhlar o‘zaro munosabatlarida uyg‘unlik siyosiy barqarorlik omili sifatida rivojlanishi; 2) siyosat va siyosiy jarayonlarda milliy, etnik guruh manfaatlarining aks etishi; 3) milliy o‘zlikni anglash jamiyatni demokratlashtirishga undovchi kuch ekanligi; 4) siyosatda milliy xususiyatlarni inkor etishga yo‘l qo‘ymaslik; 5) “millatchilik”ni siyosiy tusga kirishining oldini olish; 6) milliy totuvlik va fuqarolik jamiyatining rivojlanishi; 7) davlat etnik siyosatida shaxs huquqlarining ustuvorligi; 8) siyosiy hokimiyat va jarayonlarda millatlar, etnik guruhlar ishtiroki hamda manfaatlar uyg‘unligini ta’minlash; 9) Millatlar va etnik guruhlar o‘rtasida o‘zaro hurmat, ishonch, totuvlikni qaror toptirish, demokratik, kuchli fuqarolik jamiyati qurish va siyosiy barqarorlik omilini saqlash; 10) O‘zbekiston xalqini, millatidan qat’i nazar, O‘zbekiston fuqarolari tashkil etadi.

Hozirga kelib mamlakatimizda 130 dan ortiq milliy madaniyat markazlari faoliyat yuritmoqda. Respublika baynalmilal madaniyat markazi esa ushbu milliy madaniy markazlar faoliyatini muvofiqlashtirib, ularga tashkiliy va uslubiy yordam ko‘rsatib kelmoqda. Hech mubolag‘asiz aytish mumkinki, bugungi kunda Respublika baynalmilal madaniyat markazi diyorimizda yashayotgan turli millat vakillarining ma’naviy-ma’rifiy muloqot maskaniga, o‘ziga xos do‘stlik uyiga aylangan. Bu yerda muntazam ravishda xalq bayramlari, festivallar, barcha millat ardog‘idagi ijodkorlar bilan uchrashuvlar, seminar va konferensiyalar o‘tkazib kelinadi. O‘tgan yillar mobaynida Respublika baynalmilal madaniyat markazi tomonidan 20 dan ziyod ilmiy risola va to‘plamlar, shuningdek, mamlakatimizdagi millatlararo totuvlik, bu borada istiqlol yillaridagi yutuqlarimizni aks ettiruvchi “O‘zbekiston – umumiy uyimiz” albom kitobi, “O‘zbekiston – bag‘rikeng diyor”, “O‘zbekiston Konstitutsiyasi – buyuk kelajagimiz kafolati”, “Mustaqil O‘zbekistonda millatlararo munosabatlar rivoji” kabi maqolalar to‘plamlari chop etildi. Bugungi kunda respublikamizdagi oliy o‘quv yurtlarida turli millatga mansub talabalar tahsil oladi. Dunyoning kamdan-kam mamlakatlarida kuzatiladigan yana bir holat shuki, O‘zbekistonda ta’lim 7 tilda olib boriladi. Bular sirasiga o‘zbek va qoraqalpoq tillaridan tashqari rus, qozoq, turkman, tojik va qirg‘iz tillarini kiritish mumkin. Yana bir diqqatga molik jihat – respublikamizdagi ommaviy axborot nashrlari ham turfa tillarda chop etiladi, qardosh xalqlar tilida radio va teleko‘rsatuvlar tayyorlanib efirga berilayotgani yurtimizda millatlararo totuvlikni yanada mustahkamlashga xizmat qilmoqda. Markaz tomonidan har yili ikki marta til bayrami o‘tkaziladi. Bular – YUNESKO Bosh konferensiyasi 30-sessiyasida (1999 yil) 21 fevral – Xalqaro ona tili kuni deb e’lon qilingan va 2000 yildan 195 ta a’zo davlatlarda nishonlanib kelinayotgan “Xalqaro ona tili kuni” va o‘zbek tiliga davlat tili maqomi berilgan kun hisoblanadi. Shu munosabat bilan har yili an’anaviy tarzda o‘zbek tili bo‘yicha notiqlik san’ati tanlovi tashkil etiladi. Unda, asosan, rusiyzabon talaba-yoshlar ishtirok etishadi.

Xorijiy tillarni o‘rganish masalasi – zamon talabi. O‘qish-o‘rganishning erta- kechi bo‘lmaydi. Zero, xorijiy tillarni mukammal bilish dunyo eshiklarini ochadi. Bugun dunyo hamjamiyatida tarixi boy, buguni shukuhli, kelajagi buyuk O‘zbekiston o‘z o‘rni va nufuziga ega. E’tirof etish kerakki, mamlakatimiz tarixan qisqa davr – 22 yil mobaynida ijtimoiy hayotning barcha jabhalarida ulkan muvaffaqiyatlarni qo‘lga kiritdi. O‘zbekistonni bugun dunyo tanidi, tan oldi. Yurtimizda kechayotgan bunyodkorlik ishlari, yoshlarning bilim olishlari, o‘z salohiyatlarini namoyish etishlariga berilgan imkoniyatlar, sportchilarimizning xalqaro musobaqalarda qo‘lga kiritayotgan g‘alabalari, intellektual salohiyatli yoshlarimizning xalqaro olimpiadalardagi muvaffaqiyatlari – bularning barchasi mamlakatimizda mustaqillik sabab qo‘lga kiritilgan yutuqlar, Prezidentimiz rahnamoligida amalga oshirilayotgan izchil islohotlarning amaldagi samarasi. O‘zbekiston – bag‘rikeng diyor. Bu iborani hamisha iftixor bilan tilga olamiz. Bunga to‘la asosimiz bor. Tarixdan ma’lumki, xalqimiz boshidan kechirgan og‘ir qatag‘on va Ikkinchi jahon urushi yillari ko‘p sitamlarga yuzma-yuz bo‘lgan koreyslar, nemislar, turklar, polyaklar, greklar, qrim-tatar va boshqa millat vakillari O‘zbekistonni Vatan tutdilar. Ularning hozirgi avlodlari uchun esa O‘zbekiston ona-Vatanga aylandi. Chunki ular shu yerda tug‘ilib, kamolga yetdi, hayotda o‘z o‘rnini topdi. Bugun yurtimizda barcha millat va elat vakillari tinch-totuv, farovon hayot kechirmoqda, kelajagi buyuk O‘zbekistonning bugungi taraqqiyoti, ertangi istiqboliga munosib hissa qo‘shmoqda. Ularning huquq va erkinliklari, qonuniy manfaatlarini ta’minlash, ta’lim olishlari, o‘z qiziqish va layoqatlari bo‘yicha kasb- hunar egallashlari, madaniyatlari, urf-odatlari, an’analarini saqlash hamda rivojlantirishlari uchun barcha imkoniyatlar yaratib berilgan. Hozirda yurtimizda mavjud barcha milliy madaniy markazlar o‘z xalqlarining an’analari, marosimlarini tiklash, ularni O‘zbekistonda yashovchi boshqa millat vakillariga yaqindan tanishtirish, qolaversa, o‘zbek xalqining madaniyati, san’ati, tili, urf- odatlarini targ‘ib etishga alohida e’tibor qaratib kelmoqda. Bu sa’y-harakatlar,

tabiiyki, mamlakatimizda millatlararo munosabatlarni yanada mustahkamlashga xizmat qilmoqda. Bizning har birimiz buyuk tariximiz, buyuk ma’naviy merosimiz, ayni chog‘da jahon ma’naviy tamadduniga ulkan hissa qo‘shgan bir-biridan ulug‘ mutafakkir olimu fuzalolarimiz bilan haqli ravishda faxrlanamiz va ularga munosib bo‘lishni o‘zimizning muqaddas burchimiz, deb bilamiz. Tabiiyki, har qanday daraxtning qanday gullashi va qanday meva berishi uning ildizlari tutashgan tuproqqa bog‘liq. Bo‘sh joyda hech narsa unmaydi. Zero, ijtimoiy-ma’naviy taraqqiyotda ham ulkan g‘alabalarga erishmoq uchun katta madaniy an’ana va madaniy meros kerak. Shukrlar bo‘lsinki, madaniy merosimiz va ma’naviy boyligimiz tarixi eng qadimgi davrga borib tutashadi. Bu bebaho boyliklarimiz, jumladan, muqaddas an’analarimiz va qadriyatlarimiz ana shunday katta hayot sinovlaridan omon-eson o‘tib, tobora sayqallanib, takomillashib kelmoqda.

Foydalanilgan adabiyotlar ro‘yxati: 1. O‘zbekiston Respublikasining Konstitutsiyasi. –T.: “O‘zbekiston”. 2008. 2. Karimov I.A. O‘zbekiston: milliy istiqlol, iqtisod, siyosat, mafkura. 1-jild. - T.: “O‘zbekiston”, 1996. 3. Karimov I.A. Bizdan ozod va obod Vatan qolsin. 2-jild. –T.: “O‘zbekiston”, 1996. 4. Karimov I.A. Vatan sajdagoh kabi muqaddasdir. 3-jild. –T.: “O‘zbekiston”, 1996. 5. Karimov I.A. Bunyodkorlik yo‘lidan. 4-jild. –T.: “O‘zbekiston”, 1996. 6. Karimov I.A. Yangicha fikrlash va ishlash – davr talabi. 5-jild. –T.: O‘zbekiston, 1997. 7. Karimov I.A. Xavfsizlik va barqaror taraqqiyot yo‘lidan. 6-jild. –T.: “O‘zbekiston”, 1998. 8. Karimov I.A. Biz kelajagimizni o‘z qo‘limiz bilan quramiz. 7-jild. –T.: “O‘zbekiston”, 1999. 9. Karimov I.A. Ozod va obod Vatan, erkin va farovon hayot – pirovard maqsadimiz. 8-jild. –T.: “O‘zbekiston”, 2000. 10. Karimov I.A. Vatan ravnaqi uchun har birimiz mas’ulmiz. 9-jild. –T.: “O‘zbekiston”, 2001.Karimov I.A. Xavfsizlik va tinchlik uchun kurashmoq kerak. 10-jild. –T.: “O‘zbekiston”, 2002

Похожие

Milliy о‘zlikni anglash, millatlararo totuvlikni ta’minlash, huquqiy savodxonlik, davlat tizimiga hurmat va fuqarolik burchiga sadoqat

Ona yurtim tabiati

Oila ma'naviyati va mahalla muhiti -milliy taraqqiyotimiz kafolatlari

Texnika va sport estetikasi

O‘zlikni anglash baxti