Рухий ривожланишида сустлашган болалар билиш жараёнларини ўзига хослиги - Дошкольное и начальное образование - Рефераты

Рухий ривожланишида сустлашган болалар билиш жараёнларини ўзига хослиги

Загружено в:

20.09.2019

Скачано:

0

Размер:

119.5 KB

Рухий ривожланишида сустлашган болалар билиш жараёнларини ўзига хослиги Режа: 1. Руҳий ривожланиши сустлашган болаларнинг психологик муаммоси ва хусусиятлари 2. Руҳий ривожланиши сустлашган болаларнинг хотира жараёнларининг ўзига хос томонлари.

Рухий ривожланишида сустлашган болалар билиш жараёнларини ўзига хослиги М.С.Певзнер рухий ривожланиши сустлашнинг келиб чиқишида бош мия пешона қисмининг ўз вақтида “пишиб” етилмаганлигидан деб билади. Бу фикрни И.Ф.Марковская ҳам ўз изланишларида тасдиқлайди. Бу болалар ақлий, ҳиссий жиҳатдан орқада қолиш билан бирга жисмоний жиҳатдан ҳам орқада қолиши кузатилади. Бу эса скелет, мускуллар ривожланишида, боланинг вазнида, бўйида ўз аксини топади. Улар кўпинча ошқазон, ичак ва нафас олиш аъзолари касалликларига мойил бўладилар. Бу болалар эрта ёшлигидан нормал болаларга нисбатан кечроқ ривожлана бошлайдилар. Чақалоқликнинг илк даврида бошини тута билиши, тик туриши, юриши, илк сўзлари, нутқнинг шаклланиши кечикади. Турли шамоллаш ва юқумли касалликларга мойил бўладилар. Жумладан, РРС болаларнинг 60%ида ошқазон ичак касалликлари, 50 % ида юрак қон-томир касалликлари, 61 % ида сурункали инфекциялар, 33 % ида гижжа касалликлари аниқланган. РРС да эса интеллектуал жараёнлар олигофренлардагедек чучқур зарарланмасдан, бирмунча юзаки зарараланган бўлиб, тикланиш характерига эга. РРС да руҳий ривожланиш тезлиги, сурати секинлашган бўлади. Юқоридагилар билан бирга, РРСда интеллектуал томонларга нисбатан, кўпроқ, хиссиёт бузилишлари етакчи ўринда туради. Бу бузилишлар руҳий ёки жисмоний инфантилизм кўринишларида намоён бўлади. Инфактилизм- том маънодаги “болаликдир”. Боланинг умумий қилиқлари, қизиқишлари ўз ёшига мос бўлмай, балки бир мунча ёш болаларни эслатса, биз бундай болаларга нисбатан, “психо-физик инфантилизм” иборасини қўллаймиз. Масалан, бола 7 ёшга кириб, мактабга бориш муддати келган бўлсада, бола ўзини 5 ёшли боладек тутади. Унда жонли, ўзидан ёш болалардагидек қизиқишлар бўлади. Агар бола яна бирор йил тараққий этса, ўз тенгдошларига ўхшаб кетиши мумкин.

Болаларда ҳам руҳий, ҳам жисмоний ривожланиш биргаликда орқада қолса, уларга нисбатан “гармоник психофизик инфантилизм” ибораси ишлатилади. Фақатгина руҳий ривожланиши орқада қолса, уларни “психик инфантилизм” деб юритамиз. Т.А.Власова ва М.С.Певзнер РРСнинг икки хил шаклини кўрсатадилар. Буларнинг асосида турли хил РРС нинг шаклланиш механизмалари ётади. 1. Ҳиссиёт – ирода соҳасининг ривожланганлиги. Бунда баъзан билиш жараёнларининг бузилиши бўлмаслиги мумкин. Бундай билиш жараёнларининг бузилиши бўлмаслиги мумкин. Бундай ҳатоларни тиббиёт ҳодимлари қолдиқли ва қолдиқсиз “пихофизик инфантилизм” деб номлайдилар. 2. Нейродинамик бузилишлар, турғун астеник ва церебрастеник ҳолатлар (турғун психик ва нерв бўшашишлари). Инфантализмнинг юзага келиш сабабалирига илк болалик давридаги юқумли ва модда алмашинувининг бузилиш касалликлари ҳам кириши мумкин. Руҳий ривожланмасликнинг бир кўринишига, бош мия пешона қисмларининг секин пишиб етилишини кўрсатишимиз мумкин. Церебрастеник ҳолатларнинг келиб чиқиш сабабалирига: турли жароҳатлар, асфиксия, илк гўдаклик давридаги ички касалликлар кириши мумкин. Буларнинг натижасида бола нерв системасида функционал етишмовчиликлар юзага келади. Булар ўз навбатида, ақлий иш қобилиятларининг бузилишига олиб келади. Шундай қилиб РРСнинг классификациясига қайтадиган бўлсак, биринчидан, ҳиссий-ирода соҳасининг яхши ривожланмаганлигини кўрамиз. Бу бузилиш, бола шахсий тараққиётини секинлаштириб, интеллектуал фаолитяларнинг мақсадга мувофиқлигини пасайтиради. Иккинчидан,

нейродинамик бузилишлари, ўз навбатида билиш фаолиятларини қийинлаштиради. РРС боллаларнинг таснифи асосида 3 та омилнинг бир-бирларига муносабатлари ётади: 1. Инфантилизм. 2. Церебрастеник характердаги нейродинамик бузилишлар. 3. Энцефолипатик бузилишлар. РРС таснифига асосан тўрт хил турга хос бўлган болалар киради. I. РРСнинг конституционал шакли. Бу шаклда гармоник, қолдиқсиз, руҳий ва руҳий-физик инфантилизм асосий ўринни эгаллайди (руҳий турғун бўлмаганлар). Бу турдаги болалар ўзларидан бир неча ёш кичик бўлган болалар ривожланишига тўғри келади. Уларда кайфият кўтаринки, ўйин фаолиятида ташаббускорлик ҳислатлари сақланган бўлади. Таълимдаги қийинчиликлар асосан интеллектуал қизиқишларнинг ва шахснинг бутунлай ривожланмаганлиги яққол сезилиб туради. (ўйинга бўлган қизиқишлари устунлик қилади). Болаларда кўпинча кайфият кўтаринки, хулқ-атворда ҳиссий мотивларнинг устунлиги, ҳиссиётларнинг юзакилиги, турғунсизлиги ва шахснинг гиперсугестивлиги (мойилликнинг устунлиги) кузатилади. Бундай болаларнинг ҳиссий-ирода соҳасидаги етишмовчилик, тана тузилишидаги ўзгаришлар билан бирга келади. II. РРСнинг соматоген шакли. Бу шакл асосан сурункали инфекциялар, аллергик ҳолатлар, турли ички касалликлар (ички аъзолар, айниқса юрак касаллиги) натижасида келиб чиқади. Руҳий ривожланишнинг сусайишида асосий ролни турғун астения ўйнайди, яъни уларда тез чарчаш, умумий руҳий тонуснинг пастлиги кўринади. Баъзан соматоген инфантилизмда турли невротик қўшилмалар: ўз-ўзига ишонмаслик, қўрқиш билан бирга кузатилиши мумкин.

III. РРСнинг психоген шакли. Бу шаклда асосан ҳиссий ирода саҳасининг бузилиши, етарли педагогик шароитнинг бўлмаслиги натижасида келиб чиқади. Атроф-муҳитнинг болага эрта ёшидан бошлаб салбий таъсир қилиши натижасида бола руҳиятнинг ўзгариши хосдир. Аммо, бу шаклдаги РРС болаларни педагогик қаровсиз болаардан ажратиб олиш зарур. Педагогик қаровсиз болаларнинг руҳияти нормал бўлиб, фақат билиш, ўқув малакаларининг тенгқурларига нисбатан етишмаслиги билан фарқ қиладилар. Ақлий маълумотлар етарли бўлмайди. Кўпроқ шахснинг патололгик ривожланиши кўзга ташланади. РРСнинг психоген шаклини келиб чиқиш сабабаларига кўра, ўз навбатида уч группага бўлиш мумкин: 1. Бола тарбияси билан мутлақо шуғулланмаслик, болани бутунлай ўз ҳолига ташлаб қўйиш натижасида уларда бурч ва маъсулият ҳисси шаклланмайди. Уларда ҳиссий-ирода соҳасининг етишмаслиги қайсарлик гиперсуггестивлик, ўқув фанларини ўзлаштириш учун зарур билим ва малакаларнинг етишмаслиги билан бирга келади. 2. Болани ҳаддан ташқари эркалатиш, етарли мустақил фаолиятга ўргатмаслик, ташаббускорлик, масъулият ҳиссини шакллантирмаслик натижасида (“оила эркаси”) тури келиб чиқади. Бундай болаларда ҳиссий- ирода соҳасининг пастлиги, эгоизм ҳислатлари, меҳнатга салбий муносабатда бўлиш, доимо ёрдамга муҳтож бўлиш каби салбий ҳислатлар ўз ифодасини топади. 3. Психоген характернинг невротик тури деб аталади. Болага нисбатан қўпол муносабатда бўлиш, жисмоний жазолаш, қаттиққўллик, алкоголизм билан боғлиқ турли агрессив муносабатлар, бундай турнинг келиб чиқишига сабаб бўлади. Бундай болаларда ниҳоятда қўполлик, ташабуссизлик, журъатсизлик, мустақиллик характерда бўлмаслик ҳислари шаклланади. Буларнинг ҳаммаси боланинг билиш фаолиятига ҳам салбий таъсир этади.

4. РРСнинг церебрал шакли бошқа турларга нисбатан кўпчиликни ташкил этади. Уларнинг аксариятида жисмоний етишмовчиликлар, тана номутаносиблиги кузатилади. РРС болалар бош мия электроэнцифолографиясининг кўрсатишича, 50%дан ортиқ болаларнинг асаб системасида органик бузилиш мавжуд. Церебрал характердаги РРС болаларда ҳиссий-иродавий ҳолатларнинг тараққий этмаганлиги, асосан органик инфантилизм тарзида кўринади. Бу турдаги инфантилизмда нормал болаларга нисбатан ҳиссиётнинг жонлилиги етишмайди. Ҳиссий ҳолатнинг кўринишига қараб церебрал органик инфантилизмни 2 қисмга бўлиш мумкин. 1. Кайфиятлари устун бўлмаган, эйфорик характердаги болалар бўлиб, уларда ёш болаларга хос хислатлар сақланган бўлади. 2. Тормозланувчи характерда, кайфияти паст бўлиб, уларда ишни мустақил ҳал қила олмаслик, ташаббус кўрсата олмаслик, қўрқинч ҳолатлари билан бирга келади. Ҳиссий ҳолатларга кўра икки қисмга бўлинган церебрал органик характердаги инфантилизм кўп ҳолларда қатор қўшимча кўриншлар билан бирга келади. Буларга қуйидагилар киради: а) Церебрал-эндокрин инфантилизми. Бунда асосан ички секреция безлари фаолияти бузилган бўлади. Бунинг натижасида болаларда ҳиссий ҳолатларнинг ривожланмаслиги, невропатиялар юзага келади. Бундай ҳолларда уйқунинг бузилиши, иштаҳанинг яхши эмаслиги, диспепсия ҳолатларига мойиллик юзага келади; б) церебрастеник ҳолатлар тез-тез учраб туради. Марказий асаб системаси тез чарчайди. Нейродинамик бузилишлар кузатилади. Буларга ақлий иш қобилиятларининг бузилиши, эслаб қолиш ҳолатларининг яхши эмаслиги, диққатнинг тарқоқлиги, тез таъсирланиш, қиз болаларда йиғлоқлик, ғқил болаларда ҳаддан ташқари қўғалувчанлик бўлиши киради.

Бу болаларда шовқин, ёруғ нур, иссиққа чидай олмаслик, иштаҳа ва уйқунинг бузилишлари, қон босимининг пасайиши, танасининг турли жойларида ҳар хил туйғулар сезиш, ошқозон-ичак фаолиятининг бузилишларини кўриш мумкин; в) невроз характердаги ҳолатлар – церебрастения билан боғлиқ бўлиб қоронғи, яккаликдан қўрқиш, ўз ва атрофдагилар соғлиғи учун хавсираш, тортишишлар, дудуқланиш, энурез каби характерли ҳислатлар билан бирга ифодаланади; г) руҳий ҳаракат қўғалувчанлиги – асосан ўғил болаларда кўп учрайди. Умумий ҳаракатчанлик, диққатнинг тарқоқлиги, тез чалғиш уларга хос ҳислатлардир; д) аффектив бузилишлар – кайфиятнинг бесабаб ўзгариб туриши агрессив ишларга мойиллиги каби салбий – шахсий ҳислатлар бўлади; е) руҳий бузилишлар – ақлий фаолият бўлган қизиқишларнинг пастлиги, ўқишга салбий муносабатда бўлиш, ўғирлик, ёлғон гапиришга ва жиноятиликка мойиллик каби салбий – шахсий ҳислатлар бўлади; ж) тутқаноқли бузилишлар турли хил кўринишда намоён бўлади; з) Апатико-адинамик бузилишлар – ташаббускорликнинг бузилиш, ақлий фаолиятнинг пасайиши, ҳаддан ташқари ҳиссий бўшашишнинг ўзига хослиги билан характерланади. Церебрал органик характердаги кескин ифодаланган РРС болаларда нейродинамик ва энцефалопатик бузилишларидан ташқари баъзан кучли бўлмаган айрим бош мия пўстлоқ ва пўстлоқ ости функцияларининг бузилиши натижасида эшитиш, кўриш, туйиш, ирода, идрок, нутқнинг ҳаракат (мотор) ва тушуниш (сенсор) томонлари, узоқ ва қисқа муддатли хотира жараёнлари ҳам бирмунча зарарланади. Юқорида айтиб ўтилган асосий церебрал характердаги РРС болаларни яхши билиш, уларни олигофрениядан ажрата олиш, диагнозни тўғри қўйиш учун зарур.

Церебрал органик характердаги РРС болаларда билиш фаолияти бирмунча кескин бузилишларга учраган ҳолатлар ҳам бўлиши мумкин. Бундай вақтларда РРС ни ақли заифлардан фарқлаш, ажратиш жуда мураккаб диагностик ишдир. Руҳий ривожланиши сустлашган болаларнинг психологик муаммоси ва хусусиятлари Ўзлаштирмаслик, айниқса, болалар томонидан мажбурий мактабгача барномасини эгаллашларига тўсқинлик қилади. Маълумки, болаларида ақлий ва амалий жараёнлар, кўникма ва малакалар шаклланади. Бундай бошланғич билимларнинг туғдириб, баъзан айрим болаларнинг таълимдан четга чиқиб олишларига сабаб бўлади. Бундай ҳолларда агар бола ривожланишида бузилишлар бўлмаса, махсус яккама-якка ишлар орқали ўзлаштирмасликнинг олдини олиши мумкин. Бунинг учун ўзлаштирмасликнинг олдини олиш мумкин. Бунинг сабабаларини аниқлаш, диагностика қилиш керак. Оммавий мактабгачадаги ўзлаштирмаслик сабабалари қатор педагог ва психологлар: М.А.Данилов, В.И.Зикова, Н.А.Менчинская, Т.А.Власова, М.С.Певзнер, А.И.Леоньтев, А.Р.Лурия, А.А.Смирнова, Л.С.Славина, Ю.К.Бабанскийлар томонидан турли йўналишларида ўрганилган. Олимлар ўзлаштримаслик сабабалири сифатида боланинг жисмоний жиҳатдан заифланишини, турли нутқ камчиликларини, эшитиш ва кўриш камчиликларини, ақли заифликни ҳамда болалар ва тарбиячилар орасидаги салбий ҳолатларни кўрсатадилар. Ҳар бир қийинчилик билан оз миқдордаги ўзлаштирмовчи болалар қамраб олинган. Ўзлаштирмовчи болаларнинг ярмини руҳий ривожланиши сустлашган болалар ташкил қилади. Бундай тараққиёт камчиликлари, шакллари М.С.Певзнер, Г.Е.Сухарева, М.Г.Рейдибойм, Т.А.Власова, К.С.Лебидинскаялар томонидан таҳлил қилинган. Буларнинг барчаси РРС нуқсони билан ҳомиланинг она қорнида, туғилиш, илк болалик чоғида марказий асаб системаларининг юзаки, кам миқдорда зарарланиши оқибатида келиб чиқадиган резидуал қолдиқ ҳолатлар орасида боғлиқлик

борлигини таъкидлашди. Марказий асаб системасининг юзаки зарарланиши натижасида бундай болаларда мактабгача таълимига ҳам жисмонан, ҳам физиологик, ҳам руҳий мос келмаслик юзага келади. Мактаб таълимига руҳий жиҳатдан тайёр бўлмаслик қуйидагича намоён бўлади: 1) ташқи олам ҳақидаги тасаввур ва билимларнинг етарли эмаслигида; 2) ақлий жараёнлар, малака ва ҳаракатлар етишмаслигида; 3) нутқ ривожланишининг орқада қолишида; 4) маълум қизиқиш ва мотивларда намоён бўладиган билиш қизиқишларининг чегараланганлигида; 5) ўз ҳулқларини идора эта олмасликларида кўзга ташланади. РРС болалар юқоридаги барча кўрсаткичлар бўйича мактаб таълимига тайёр бўлмайдилар. Уларнинг руҳий хусусиятлари қатор ўзига хос белгилари, кўрниншлари билан нормал ва Ақли заиф болалардан фарқ қиладилар. Албатта, бу хусусиятлар руҳий жараёнлар: диққат, идрок, хотира, нутқ, тафаккур ва бошқаларнинг хусусиятлари билан белгиланади. В.И.Лубовский раҳбарлигидаги олимлар томонидан қилинган ва қилинаётган ишларни кўрсатиш мумкин. Руҳий ривожланиши сусайган болаларнинг олий асаб фаолиятлари қуйидаги ўзига хос хусусиятлари билан характерланади. Асосий асаб жараёнларининг кучсизлиги, тормозловчи шартли боғланишларнинг секинлиги, асаб жараёнларининг тез чарчаши ва толиқиши; - асаб жараёнларининг кенг иррадиацияси (марказий нерв системасида қўзғалиш жараёнининг кенг тарқалиши); - асаб жараёнларининг инертлиги, бўшлиги. Юқорида айтиб ўтилган РРС болалар асаб системасининг ўзига хос хусусиятлари маълум даражада ақли заифларга ҳам хосдир. Аммо, РРС болалардаги бундай ҳолатлар Ақли заиф болалардагидек кескин ифодаланаган бўлмайди.

Бундан ташқари, сифат жиҳатдан ҳам фарқ қиладилар, яъни шартли боғланишларнинг ҳосил бўлишида, Ақли заиф болалардан фарқли равишда, руҳий ривожланиши сустлашган болаларда сўз-нутқ системаси катта роль ўйнайди. Шуни қайд қилиш лозимки, олий асаб фаолиятининг юқоридаги хусусиятлари нейродинамиканинг етарли даражада етилмаганлигадан дарак беради. Бу ҳол нормал болаларда ҳам учраши мумкин. Лекин уларда боғча ёшидагина кузатилади, холос. РРС болаларнинг руҳий жараёнлари ва билиш фаолиятлари қатор олимлар томонидан турли йўналишларда ўрганилган ва ўргатилмоқда. Буларга Т.В.Егорова, В.И.Лубовский, Т.И.Каренкова, Л.И.Переслени, С.А.Домишкевич, В.Л.Подобед, А.Г.Поддубная, П.Б.Шошин, Н.Г.Лутонян, А.А.Автотиньш, И.А.Коробейников, В.С.Слепович, В.И.Насанова, Р.Д.Тригер, Н.А.Цқпина, Г.А.Шевченко, Г.М.Капустина, Ғ.Б.Шоумаров, К.К.Мамедов, Е.А.Моршинина ва бошқаларни кўрсатиш мумкин. Г.И.Жаренкованинг кўрсатшича, диққатнинг етарли ривожланмаганлиги қуйидагича ифодаланади: - маълум бир фаолиятнинг дастлабки бошланиш босқичида диққатнинг кучлилиги ва маълум вақтдан сўнг пасайиб кетиши; - диққатнинг кучлилиги фаолият бошлангандан кейин маълум вақт ўтгач юзага келиши; - диққат кучининг мунтазам равишда кучайиб ва сусайиб туриши кузатилади. РРС болаларнинг идроки қуйидагича характерли хусусиятларга эга. Биринчидан сезги органлари орқали олинган маълумотларни қабул қилиш ва қайта ишлаш тезлиги паст бўлади. Шу сабабли РРС болалар маълум барнома материалини ўзлаштириш учун кўп вақт сарф қиладилар. Аммо ақли заиф

болалардан бир мунча фарқ қилиб, нормал тенгдошлари ўзлаштирган материални тўла ўзлаштириш имкониятига эга бўладилар. Иккинчидан РРС болалар эшитиш, тактил, кўриш идрокларининг нозик шакллари етарли ривожланмаган бўлади. Шу сабабали оралиқ товушларни ва рангларни нормал тенгдошларидек фарқлай олмайдилар. Учинчидан, нарса ва буюмларнинг фазодаги жойлашиш муносабатларини идрок этишлари етарли бўлмйди. Буюларнинг бир-бирига нисбатан олдида, ёнида, орқасида каби тушунчаларни етарли тушуниб етмайдилар. Тўртинчидан, идрок этаётган объект, нарса ва буюмлар сонининг ортиши, кўпайиши, идрок этилаётган вазифа мураккаблигининг ортиши, ўсиши, бир вақтнинг ўзида бир нечта таасуротларни идрок этиш зарурияти юзага келиши натижасида бундай болалар идрокнинг бирмунча ёмонлашишига олиб келади. РРС болалар идрокнинг етарли ривожланмаганлиги асосида марказий асаб системасидаги анализаторлар орасидаги муносабатларининг бузилиши ётади. Баъзи авторларнинг (Е.У.Дауленские, И.Ф.Марковская...) кўрсатишича, идрокнинг нозик шаклларининг етишмаслиги бундай болаларнинг 70 % ида учрайди. Идрок этилаётган объект, нарсалар контрастлиги ва рангнинг камайиши, умумий фондан шаклни ажратишга қийинчилик туғдиради. Диққатнинг маълум объектларга қаратилиш вақти бўйича, нарса ва ҳодисаларнинг ўзгача ҳолатда идрок эта олиш хусусиятига кўра руҳий ривожланиши сустлашган болалар ўз нормал тенгдошларидан кескин фарқ қиладилар. РРС болаларда идрокнинг турли хусусиятларининг етишмаслиги чет эл олимлари томонидан ҳам кўрсатиб ўтилган. Тадқиқотларнинг кўрсатишича, РРС болалар туюш реакцияларида нормал тенгдошларидан орқада қолар эканлар.

РРС болалар туюш (перцентив) реакцияларда, масалалар ечишда самарали бўлмаган иш усулларидан фойдаланишади. Идрок этилаётган нарсаларни кўрганда ҳам, маълум даражада буюмнинг кам белгиларини кўришга улгурадилар. Бундай кўриш идрокларини бартараф этиш учун РРС болаларга махсус ёрдам бериб борилиши керак. Кўриш орқали идрок этилиши керак бўлган буюм, нарсалар ортиқча элементларсиз бўлиши, ҳамда кўрсатиш билан бирга оғзаки тушунтириш ишларини қўйшиб олиб бориш яхши натижалар беради. Идрокнинг етарли бўлмаслиги кўриш, эшитиш тасаввурлари ҳам етарли даражада шаклланмайди. Бунинг натижасида тафаккур жараёнлари, турлари ҳам етарли ривожланмайди. РРС болаларнинг идрок этиш жараёнларининг динамикаси бирмунча яхши кўрсаткичларга эга бўлиб, нормал болаларга нисбатан сезиларли даражада орқада қолади. Оддий тасвирларни, расмлардаги буюмларни билиб олиш тезлиги, нормал болалардагидан бирмунча пастлиги П.Б.Шошин ишларида тўла очиб берилган. Юқоридагиларга хулоса қилиб, РРС болалар идроки қуйидаги хусусиятлари билан ажралиб туришини таъкидлаш мумкин. - сенсор ахборотларни қабул қилиш ва қайта ишлаш тезлиги секинлашганлиги; - кўриш, эшитиш ва тактил идрокларининг нозик шакллари етарли эмаслиги; - идрок этишда фазовий муносабатларнинг етарли эмаслиги; - буюмларнинг кўпайиши натижасида идрок этишнинг ёмонлашуви. РРС болаларнинг идрок хусусиятларини тиббий-педагогик комиссия аъзолари томонидан эътиборга олиниши керак. Махсус мактабгача тарбиячиТарбиячилари таълим-тарбияда қуйидагиларга эътибор беришлари лозим: - РРС болаларнинг маълум материални эгаллаши учун кўп вақтнинг сарфланиши;

- кўриш орқали қабул қилинадиган материаллар мумкин қадар кам элементлардан иборат бўлиши; - янги материаллар бериш вақтида, болалар диққатини чалғитадиган қўзғаткичлар бўлмаслиги керак. Руҳий ривожланиши сустлашган болаларнинг хотира жараёнларининг ўзига хос томонлари. Клиник ва руҳий-педагогик текширишларининг кўрсатишича, хотира бузилишлари РРС болаларнинг характерли белгиларидан бири экан. Хотира жараёнларининг бузилиши мураккаб ва ўзига хос кўринишига эга. РРС болалар хотирасининг ўзига хос томони шундан иборатки, улар хотирасининг айрим томонлари кўпроқ, айрим томонлари камроқ бузилганлигидир. Хотира жараёнлари унумдорлигининг пасайиши, РРС болаларда ўз фаолиятларини унумли ташкил қила олмаслик, эслаб қолишнинг самарали усулларини ўллай олмаслик натижасида келиб чиқади. РРС болалар хотрасининг камчиликларига қарамасдан, уларда етарли ривожланиш имкониятлари бор. РРС болаларда хотира ҳажмининг камайганлиги, қисқа ва узоқ муддатли хотира турларида яққол кўзга ташланади. Т.В. Егорова, Н.Г.Лутонян, Н.Г.Поддурная, Н.Б.Новинская, Ғ.Б.Шоумаровлар ишларида РРС болалар хотирасининг турли томонлари атрофлича очиб берилган. РРС болалар хотрасининг ҳажми, эслаб қолишнинг турғунлиги, қисқа муддатли, оператив, ихтиёрий, ихтиёрсиз хотира турлари нормал тенгдошларидан бирмунча пастлиги аниқланган. РРС болаларнинг механик хотраси нормал болалар даражасига яқин бўлиб, Ақли заиф болалар даражасидан кескин фарқ қилади. (Ғ.Б.Шоумаров). РРС болаларни хотира жараёнларининг хусусиятларига кўра 3 та гуруҳга бўлиш мумкин. 1. Нормал болаларга яқин бўлган даража. 2. Нормал болалар билан Ақли заиф болалар орасидаги даража. 3. Ақли заиф болаларга яқин бўлган даража.

Диққат, идрок ва хотира фаолиятининг мақсадга қаратилганлигининг ўсиб етишмаганлиги натижасида РРС болаларнинг аксариятида, ихтиёрий хотрасининг етишмаслиги кузатилади. Содда, мураккаб бўлмаган материалларини эслаб қолиш вазифаларини бажаришда РРС болалар, нормал болалар даражасига яқинлашса, хотира фаолиятлари мураккаблашган сари ақли заиф болалар даражасига яқинлашади. Хотира фаолиятнинг мақсад сари йўналганлигининг етишмаслигига эсда сақлаб қолишнинг махсус усуллардан фойдалана оласлик ҳам РРС болалар хотрасининг ўзига хос белгисидир. Нормал болалардан фарқли равишда РРС болалар хотрасининг самарадорлигига, эсда олиб қолинаётган материал храктерига кўпроқ боғлиқдир яъни кўргазма (новербал) материал, сўз (вербал) материалга нисбатан яхшироқ эсда олиб қолинади. РРС болаларда фақат эсда олиб қолиш эмас, балки эсга тушириш активлиги ҳам пасайган бўлади. Узоқ муддатли ва қисқа муддатли хотира бўйича РРС болалар нормал болалардан кескин фарқ қилади. РРС болаларнинг тафаккур хусусиятлари. Л.С.Виготский, С.Л.Рубинштейн, А.Н.Леонтьев, А.В.Запорожец, Г.С.Костюк, А.А.Люблинская ва бошқа олимлар томонидан ишлаб чиқилган таълимотга биноан, инсон тафаккурнинг уч хил тури: кўргазма – ҳаракат, кўргазма – образ, сўз-мантиқ шакллари мавжуд. Катта ёшдаги нормал кишиларда тафаккурнинг бу турлари етарли даражада ривожланган бўлиб, бир-бирлари билан диалектик бирликни ташкил қилади. Тафаккур турлари, мазмунига оид барча ёшларга тегишли умумий материаллар Т.В.Розанова томонидан батафсил берилган (1978 й.). Нуқсонли болалар тафаккур хусусиятларини ўзлаштирмовчи болаларда текширган РРС болалар тафаккурнинг ўзига хос бўлган ва уни ақли заифлардан осон ажратишга имкон берадиган хусусиятларидан бири, сўз-мантиқ тафаккур билан кўргазма-образли тафаккур турларининг ўзаро муносабати ва ривожланиш даражаларидир (Ғ.Б.Шоумаров).

РРС болаларнинг сўз-мантиқ тафаккури етарли ривожланмаган бўлиб, баъзи ҳолатларда уларни енгил даражадаги ақли заифлардан фарқлай олмаслик мумкин. Аммо, уларнинг кўргазма-ҳаракат ва кўргазма-образли тафаккур турлари ақли заифлардан кескин фарқ қилиб, нормал тенгдошларига яқинлашиб боради. Бу эса уларнинг билиш фаолятларида катта ривожланиш имкониятлари мавжудлиги ва уларнинг бир қисми маълум таълим йилларидан кейин, махсус таълим-тарбия ва даволаш ишлари натижасида ўз нормал тенгдошларига етиб олиши мумкинлигини кўрсатади. Тафаккур турларининг бундай муносабати ва нотекислиги катта дифференциал диагностик аҳамиятга эгадир. Маълум объектларни таҳлил қилганда РРС болалар нормал тенқурларига нисбатан камроқ, лекин Ақли заиф болаларга нисбатан кўпроқ белгиларни аниқлайдилар. Лекин, шу билан бирга уларнинг таҳлил жараёни режасиз равишда бажарилганлиги сабабли объектнинг кўпгина қисмлари тушириб қолдирилади. Аммо, уларга Тарбиячи томонидан маълум ёрдам берилганда, таҳлил натижаларида кескин ўзгариш бўлиб, нормал тенгдошларига яқинлашади. Тарбиячи томонидан ёрдам берилганда, таҳлил натижаларида кескин ўзгариш бўлиб, нормал тенгдошларига яқинлашади. Тарбиячи томонидан ёрдам берилганда Ақли заиф болаларда ҳам ижобий ўзгаришлар бўлиши мумкин, аммо, бу ўзгарш РРС болалардагидек катта бўлмайди. Бу эса РРС болаларнинг ўз тараққиётларида ривожланиши мумкин бўлган имкониятларга эга эканилигини, улар педагогик ёрдамдан самарали фойдалана олиш мумкин эканлигини кўрсатади. РРС болаларда тафаккур жараёнлари: таҳлил – тавсифдан ташқари умумлаштириш, таснифлаш, системалаштириш, таққослаш даражалари жиҳатдан нормал ва Ақли заиф болалар тафаккур жараёнлари орасида бўлади. Берилаётган вазифа мураккаблашган сари РРС болаларнинг тафаккур қилиш савияси Ақли заиф болаларникига яқинлашиб боради. Тафаккурнинг бошланғич синфлардаги тараққиёт динамикасини ўрганган, кузатган

Т.В.Егорова бошланғич синф охирига келиб, аксарият ҳолда РРС болалар тафаккури нормал болалар тафаккури савиясига яқинлашганлигини кўрсатади. Бу яқинлашиш айниқса, РРС болалар томонидан умумлаштириш ва таснифлаш жараёнларида ўз ифодасини топади. Тафаккур хусусиятларини текширишда, фақат вазифани бажариш натижалари эмас, балки тафаккур қилиш услубларига ҳам алоҳида эътибор бериш керак. РРС болалар, Ақли заиф болаларга нисбатан бирон ақлий вазифани бажараётганларида бирмунча самаралироқ усуллардан фойдаланадилар. РРС болалар маълум вазифаларни бажариш вақтларида Ақли заиф болалардан сифат жиҳатдан фарқ қиладилар. РРС болалар тафаккурига оид илмий изланишларни таҳлил қиладиган бўлсак, РРС болалар тафаккурининг қуйидаги хусусиятлари мавжуд: 1. Сўз – мантиқ тафаккур турининг қуйи даражадалиги билан, нисбатан сақланган кўргазма – образ ва кўргазма – ҳаракат тафаккур турларига эга. 2. Билиш жараёнларининг яққол сезилиб турадиган нотекис ривожланганлиги. 3. Интеллектуал фаолиятларнинг мақсадга мувофиқлигининг бир мунча бузилганлиги билан характерланади. 4. Тафаккурнинг инертлиги, бўшлиги, бир хил характерларга мойиллиги, таҳлил-тавсиф жараёнларининг яхши шаклланмаганлиги кўринади. Бундай хусусиятлар Ақли заиф болаларда бирмунча чуқурроқ характерга эга бўлади. 5. РРС болалар ақлий масалаларни ечиш вақтларида кўрсатилган ёрдамдан, Ақли заиф болаларга қараганда унумлироқ фойдаланадилар. 6. Интеллектуал активликнинг етарли эмаслиги. 7. Берилган кўрсатмани тушуна олиш, аммо кўрсатма талаблари асосида фаолиятни тўғри ташкил эта олмаслик.

8. Интеллектуал вазифаларни ечиш вақтида зарур ҳиссиёт – ироданинг етишмаслиги, топшириқларни ечишнинг актив йўлларини қидириб топа олмаслик. 9. РРС болаларда ақлий иш қилиш қобилиятлари нормал тенгдошларига қараганда бирмунча пасайган бўлади. Руҳий риожланиши сустлашган болалар нутқи. РРС болалар нутқи нормал болаларга нисбатан ривожланиш, шаклланиш нуқтаи – назаридан бирмунча орқада қолади. Уларда турли талаффуз камчиликлари учраб туради. Товушлар талаффузининг бузилиши, товуш образларининг етарли шаклланмаганлиги ёзиш ва ўқишда хатоларга йўл қўйишга олиб келади. РРС болалар луғат бойлиги бирмунча чекланган бўлиб, актив луғати етарли ривожлнмаган бўлади. Улар нутқидаги мавжуд тушунчалар тор, ноаниқ баъзан эса нотўғри бўлади. Грамматик умумлаштиришлар етарли бўлмаганлиги сабабли, ёзувда турли хил хатоликларга йўл қўядилар. РРС болалар нутқини А.Ю.Панасюк томонидан 1973 йилда мамлакатимиз тарихий, миллий, маданий, ижтимоий шароитга мослаштирилган Векслер методикси билан текширганимизда субтестлар ичида “луғат” бўйича энг паст кўрсаткичларга эга эканлигини кўрсатади. Уларнинг аксарият 7 ёшда ҳам мактабга бормасдан боғчада қолишни ҳоҳлайди. Ўқишга бўлган қизиқишларга нисбатан, ўйинга бўлган қизиқишлари устунлик қилади. Ўйинга бўлган қизиқишининг устунлик қилганлиги ва ўқишда доимо, мунтазам муваффақиятсизликка учраб туриши натижасида бу болаларда ўқишга нисбатан салбий муносабат шакллана боради. Ўз-ўзига ишонмаслик хислари шаклланади. Ўзларининг қобилиятларини баҳолашда ҳаддан ташқари паст баҳолаш ҳоллари кузатилади. Бу эса, улар шахсининг шаклланиб етишмаслиги, ҳиссиёт – ирода фаолиятларида ўқув фаолияти учун зарур бўлган билиш эҳтиёжларининг шаклланмаганлигида ўз ифодасини топади. Аксарият ҳолларда, РРС болаларда интеллектуал фаоллик, қизиқишлар етарли бўлмайди. РРС болалар фаолияти ўрганилганда, уларнинг ўз фаолиятларини

етарли режалаштира олмаслиги, хатти-ҳаракатларнинг нормал болаларга нисбатан қўзғалувчанлиги, ўз-ўзини назорат қилиш савиясининг пастлиги, ўз имкониятларини етарли баҳолай олмаслиги ва фаолиятларини мақсад сари йўналтиришнинг етарли эмаслиги маълум бўлди.

Адабиётлар : 1. Шоумаров Ғ.Б., Мамедов К.К. Руҳий ривожланиши сустлашган болалар, Т.: Ўқитувчи, 1995. 2. Петрова В.Г., Белякова И.В. Психология умственно отсталқх школьников, М.: АКАДЕМА, 2004. 3. Мўминова Л.Р., Ш.М.Амирсаидова ва бошқалар. Махсус психология. Т.: Ўзбекистон файласуфлар миллий жамияти, 2013.

Похожие

Сенсор нуқсонли болаларни билиш жараёнларини ўзига хослиги

Интиллектида нуқсони бўлган болаларни билиш жараёнларини ўзига хослиги

Махсус психология фанининг мақсад ва вазифалари

Ота она ва фарзанд муносабатларининг ўзига хослиги

Ривожланишида нуқсони бўлган болаларнинг фаолият хусусиятлари