Madaniyat va istirohat bog’larining tarixiy taraqqiyoti - Культурология - Рефераты

Madaniyat va istirohat bog’larining tarixiy taraqqiyoti

Загружено в:

26.12.2023

Скачано:

0

Размер:

27 KB

Madaniyat va istirohat bog’larining tarixiy taraqqiyoti Reja: 1. Madaniyat va istirohat bog’larining rivojlanishi 2. Temuriylar davrida bunyod etilgan bog’lar 3. O’zbekistonda madaniyat va istirohat bog’lari faoliyati

Madaniyat va istirohat bog’larining rivojlanishi O’zbekiston Respublikasi o’z mustaqilligini qo’lga kiritgan dastlabki kunlardan boshlab madaniyat muassasalari jamiyat a'zolarining yangilangan jamiyatga moslashishlari uchun muhim vosita bo’lib xisoblandi. Xususan, madaniyat va istirohat bog’lari aholining madaniy hayotining ajralmas qismiga aylandi. Biroq ularning tarixiy taraqqiyoti uzoq o’tmishga borib taqaladi. Madaniyat va istirohat bog’lari – aholi madaniy hordiq chiqaradigan, turli bezakli daraxt va gulzorlar bilan jihozlangan, ko’kalamzorlashtirilgan maskandir. Madaniyat va istirohat bog’lariga nazar tashlaydigan bo’lsak, ularning tarixiy taraqqiyoti uzoq o’tmishga borib taqaladi. Jumladan, dunyoning yetti mo’jizasini biri sifatida e’tirof etilgan osma bog’lar ham alohida ajralib turadi. Bu qadimgi osma bog’ tuprog’dan qurilgan, ulug’vor lekin mo’rt bo’lgan Bobil bilan birga yo’qolgan. Bog’ga yaqinlashgandagina uni qavat-qavot ekanligni ko’rish mumkin. Unda ulkan daraxtlar bo’lgan. Daryodan kelayotgan suvni maxsus moslamalar tepaga eltib bergan. Unda nabototlar bilan birga turli hayvonot ham bor bo’lgan. Hatto u yerda sun'iy sharsharalar ham barpo etilgan. Bobildagi samoviy bog’lar haqida xalq orasida mashhur bir afsona bor. Afsonaga ko’ra Navuxodonosor Kaspiy dengizining janubiy qirg’og’iga joylashgan Midiya degan mamlakat malikasiga oshiqu beqaror bo’lib qolgan. U malikaning roziligini olgach, el-yurtga katta to’y qilib bergan va yosh xotinini olib markazga, Bobilga jo’nagan. Malika Bobilga kelgach, bu yerning ob havosidan, ya'ni issiqdan qiynalgan, yuragi siqilib ma'yus yurgan. Shunda Navuxodonosor Midiyaning yam-yashil dalalarini va go’zal bog’larini eslatib turadigan bir bog’i eram bunyod etishga qaror qiladi. Uning buyrug’i bilan dunyodagi eng mashhur binokor ustalar, mohir me'morlar to’planib ishga kirishadilar. G’oyat katta minora bunyod etiladi. Inshootga ulkan qoya toshlar ishlatiladi. Minora to’rt qavatli edi. Har bir qavat aylana-qubba shaklida ishlanib, ularni baland tosh ustun tutib turardi. Ayvonlarning usti qamish bilan yopilib, asfalt qoplangan edi. Keyin ustidan g’isht terilib, ayvonlarga suv o’tib ketmasligi uchun qo’rg’oshin plastinkalar yotqizilgan edi. So’ng yuqoriga juda ko’p miqdorda soz tuproq chiqarilib, butun tom bo’ylab qalin qilib solinadi. Tuproq shunchalik qalin ediki, unda xatto ko’p yillik daraxtlarni ham o’stirish mumkin edi. U yerda o’sgan noyob gullar va manzarali daraxtlar malikaning vatanidan keltirilgan edi. Bu bog’ni sug’orish uchun suvni Frot daryosidan olganlar. Suvni tepaga ko’tarib beradigan charm idishlar

o’rnatilgan ulkan charxpalakni yuzlab qullar kechayu kunduz aylantirib turganlar. Malika inshootning u qavatidan-bu qavatiga pushti va oq marmar yotqizilgan keng zinalardan yurib o’tgan. Dunyoning bu mo’jizasi hozirgi Iroq davlati hududida joylashgan. Bobilga kelgan juda ko’p sayohatchilar butun dunyoga dong’i ketgan Mesopotamiya mo’jizalarini qurishga oshiqadilar. Podsho Navuxodonosor zamonida bunyod etilgan bunday bog’ dunyodagi hech bir mamlakatda yo’q edi. Shuning uchun ham bu bog’ dunyoning yetti mo’jizasidan biri sifatida tilga olina boshlangan. Hozirgi zamon turistlari va sayohatchilari Geradot tasvirlab ketganday go’zal bog’larni ko’ra olmaydilar. Hozir u bog’lar o’rnida minora va ayvonlarning vayronalari qolgan, xolos. Osma bog’ning vayrona qoldiqlarini Olmoniyalik arxeolog Robert Koldevoy topgan va bu bog’ning qanday sug’orilganligiga hayron bo’lgan. Turli jangu jadallar va xususan fors qiroli Kayxusravning Bobilni zabt qilish chorida bu bog’ vayron etilib, vaqt o’tishi bilan ulkan qumliklar ostiga ko’milib ketgan. Madaniyat va istirohat bog’lari, bog’ tuzish sanatining o’ziga xos uslublari asosida barpo etiladi. O’zbekistonda madaniyat va istirohat bog’lari shahar hududining hajmi, memoriy qiyofasi va tabiiy sharoitiga qarab tashkil qilinadi. Kichik shaharlarda bitta, katta shaharlarda bir necha, aholisi 500 mingdan ortiq shaharlarda esa umumshahar ahamiyatiga ega bo’lgan bog’lardan tashqari, shahar hududidagi har bir tumanning madaniyat va istirohat bog’i bo’lishi mumkin. Unda aholiga madaniy xizmat ko’rsatish katta o’rin tutadi. O’zbekiston Respublikasi Vazirlar Mahkamasining 2010 yil 29 dekabrdagi “2011-2015 yillarda madaniyat va istirohat bog’larining moddiy-texnika bazasini mustahkamlash va ularning faoliyatini yanada takomillashtirish chora-tadbirlari dasturini tasdiqlash to’g’risida”gi 322-sonli qarori qabul qilingan.

Temuriylar davrida bunyod etilgan bog’lar Temuriylar davrida bog’lar muhim ahamiyatga ega tuzilma bo’lib, u nafaqat madaniyat muassasasi, balki siyosiy vazifalarni bajarib, elchilarni kutib olik kabi vazifalarni ham bajargan. Amir Temur bog’lari xususidagi dastlabki ma’lumotlar o’tmish tarixchilari, shoirlari, sayyohlari asarlarida uchraydi. Shuningdek, Amir Temur bog’lari O’rta asrlar rassomlari miniatyuralarida ham tasvirlangan. Amir Temur bog’lari tuzilishiga ko’ra 2 turga bo’lingan: 1) chorbog’lar — geometrik (to’rtburchak, to’g’ri to’rtburchak) shaklda bo’lib, har tomoni taxminan 1 km masofaga cho’zilgan. Sahnidan o’tgan ariqlar ularni teng 4 qismga ajratib turgan. Atrofidagi baland paxsa devorlarning har burchagida minora bo’lgan. Markazda saroy joylashgan. Bunday bog’larning darvozalari shahar tarafga qaratib qurilgan; 2) tuzilishi geometrik shaklda bo’lmagan, tabiiy daraxtzor va chakalaklar bag’rida barpo etilgan bog’lar. Bunday bog’lar hukmdor shikor (ov) qilishi uchun mo’ljallangan bo’lib, asosiy qismi tabiiy, qo’l tekkizilmagan holda saqlangan. Ularning kichik bir qismigagina dam olish uchun saroy, ko’shk va chodirlar qurilgan, hovuzlar qazilib, favvoralar o’rnatilgan. Bu turdagi bog’larning o’simlik va hayvonot dunyosi nihoyatda boy bo’lgan. Amir Temur bog’laridan eng mashhurlari quyidagilar: Bog’i Baland. Amir Temur Samarqandning shimolidagi Cho’ponota maqbarasi yaqinida nabirasi (Mironshohning qizi)ga atab qurdirgan. Uni barpo qilishda Eron, Ozarbayjon va boshqa mamlakatlar bog’chilik san’ati ustalari hamda me’morlari qatnashgan. Bog’ o’rtasida Tabriz oq marmaridan qurilgan hashamatli qasr bo’lib, uning atrofidagi uzumzor, anjirzor va olmazorlar boqqa go’zal bir tarovat baxsh etib turgan. Bog’i Behisht. Amir Temur Samarqandning g’arbida suyukli xotini Tuman og’a (Xayrunniso)ga atab qurdirgan (1378). Yozma manbalarda "Bog’i Jannat" nomi bilan ataladi.Tarixchi Sharafuddin Ali Yazdiyning yozishicha, bog’ o’rtasidagi atrofi xandak bilan muhofaza etilgan sun’iy tepalik ustida Tabriz oq marmaridan qurilgan hashamatli saroy bo’lgan. Saroyga bir necha ko’tarma ko’priklar orqali kirilgan. Saroyning bir tarafida hayvonot bog’chasi ham bo’lgan.

Bog’i Davlatobod. Amir Temurga Hindiston yurishidan qaytgan kuni (1399) hadya kilingan. Arxeologik tadqiqotlarga ko’ra, u Samarqanddan 13 km janubda, Katta O’zbekiston traktining chap tomonida bo’lgan. Amir Temur bu bog’da zafarli yurishlardan qaytgach, dam olgan, tantanali marosimlar o’tkazgan, elchilarni qabul qilgan. Arxeologik qazishlar natijasida bog’ning 1350x900 m maydonini egallagani, atrofi baland paxsa devor bilan o’ralgani va unda ariqlar, 4 hovuz (biri 62x28 m, ikkitasi 25X25 m, yana biri 32x32 m) hamda saroy (poydevori 70x70 m) bo’lgani aniqlandi. Saroy balandligi 12 metr bolgan sun’iy tepa ustiga qurilgan, atrofi xandaq (eni 20 m) bilan o’ralgan. Unga 2 ta ko’tarma ko’prik orqali kirilgan. Bog’i Dilkusho (Ko’ngil ochuvchi bog’). Amir Temur xotinlaridan biri — To’qalxonim sharafiga qurdirgan (1397). Samarqanddan 5 km sharqda, Panjakent yo’lining o’ng tomonida (qadimiy Hinduvon qishlog’i o’rnida) joylashgan. Har tarafi 900 m uzunlikdagi baland paxsa devor bilan o’ralgan, 4 darvozasi, markazida hashamatli saroy bo’lgan. Saroy uch qavatli bo’lib, har qavatida favvora otilib turgan. Saroy devorlariga Amir Temur olib borgan urushlardan lavhalar chizib qo’yilgan. Amir Temur Ispaniya elchisi Rui Gonzales de Klavixoni ana shu bog’da qabul qilgan. Bu bog’ o’rnida hozir Dilkusho qishlog’i joylashgan. Bog’i Jahonnamo (Jahon ko’zgusi). Amir Temur Samarqanddan 7 farsax (42 km) narida, Zarafshon tog’i etagida qurdirgan (1398). Unda saroy va qal’a bo’lgan. "Zafarnoma"da yozilishicha, bu bog’ning hududi benihoyat katta bo’lib, yo’qolib qolgan ot 6 oydan so’ng topilgan ekan. Bog’i Maydon. Amir Temur Samarqandning shimolida, Cho’ponota tepaligi etagida qurdirgan. Tarixiy manbalarga qaraganda, bog’da hashamatli bir ayvon (ko’shk) va qimmatbaho toshlardan yasalgan taxt bo’lgan. Mirzo Ulug’bek bu bog’ni yanada obod qilgan. Bobur shu haqda bunday deb yozadi: "Bu bog’ning o’rtasida (Ulug’bek) bir oliy imorat qilibdur. Chil(qirq) sutun derlar, du (ikki) oshyona (qavat), sutunlari tamomi toshdin. Bu imoratning to’rt burchida to’rt manordek burjlar qo’poribturlarkim, yuqorig’a chiqar yo’llar bu to’rt burjdindur. O’zga tamom yerlarda toshdin sutunlardir. Ba’zini morpech xiyora (burama,

ko’pqirrali) qilibturlar. Yuqorigi oshyonaning to’rt tarafi ayvondir, sutunlari toshdan. O’rtasi chordora uydir. Imorat kursisini tamom toshdan farsh qilibdirlar". Bu bog’ o’rni hozir ham Bog’i Maydon deb ataladi. Bog’i Nav (Yangi bog’). Amir Temur Samarqandning janubida qurdirgan (1404). Lolazor qishlog’i o’rnida joylashgan. Bu bog’ to’rtburchak shaklda bo’lib, atrofi baland paxsa devor bilan o’ralgan, har burchagida minora qad ko’tarib turgan. Markazida boshqa bog’lardagiga nisbatan kattaroq qasr, uning oldida hovuz bo’lgan. Bog’i Chinor. Amir Temur Samarqandning sharqida (Konigilning janubiy- g’arb tarafida, hozirgi "Qo’sh tamg’alik" tepaligi o’rnida) barpo qildirgan (1404). Unda chinorlar ko’p bo’lgan. Markazida xochsimon tarxli saroy joylashgan. Bog’i Shamol. Amir Temur (1397). nabirasi (Mironshohning qizi)ga atab qurdirgan. Samarqandning g’arbida bo’lgan. Undagi saroy to’rtburchak shaklda bo’lib, har tomoni 1500 qadamni tashkil qilgan. Devorlariga marmar qoplanib, sahni qora yog’och va fil suyagidan ishlangan. Bu bog joylashgan hudud va u yerdagi ariq hozir ham "Bog’i Shamol" deb ataladi. Samarqand atrofida bulardan tashqari yana bir qancha bog’lar bo’lgan. Chunonchi, Bog’i Bo’ldu, Bog’i Zog’on, Bog’i Naqshi Jahon, Bog’i Amirzoda Shohrux, Bog’cha, Bog’i Dilafro’z, Bog’i Sheron, Gulbog’, Lolazor, Bedana qo’rug’i, Chumchuqlik, G’ozxona va boshqa shular jumlasidandir. Amir Temurning bog’ qurish an’anasini temuriylardan Shohrux, Ulug’bek, Bobur va boshqa ham davom ettirishgan. Madaniyat va istirohat bog’larining tarixiy taraqqiyotida temuriylar davrida bunyod etilgan bog’lar alohida ahamiyat kasb etib, u bugungi kunda rivojlangan bog’larnimizning asosini tashkil etadi. Shu o’rinda O’zbekiston Respublikasida mustaqillik yillarida faoliyat yuritayotgan madaniyat va istirohat bog’lari haqida to’xtalib o’tadigan bo’lsak ularning ichida bugungi kunda eng yirik va milliy maqomga ega madaniyat va istirohat bog’i bu Alisher Navoiy nomidagi O’zbekiston milliy bog’idir. U Toshkentning markaziy qismida joylashgan. Umumiy maydoni 45 gektar. Bog’ning bir qismi 1938 yilda yoshlar tashabbusi

bilan, asosan, hashar usulida qurilgan va yoshlarga bog’liq nomlar bilan atalib kelingan. 1991 yilda Alisher Navoiy tavalludining 550 yilligi tantanalari munosabati bilan O’zbekiston Respublikasining birinchi Prezidenti Islom Karimov tashabbusi bilan bog’ obod qilindi va hozirgi nom bilan atala boshlandi. Keyinchalik kengaytirilib, butunlay yangi qiyofadagi bog’ bunyod etildi. Milliy bog’ Alisher Navoiy memorial majmui, Oliy Majlis Qonunchilik palatasi binosi, Madaniyat va san’at ko’rgazmasi saroyi, “Istiqlol” san’at saroyi, Abdulqosim madrasasi, “Navro’z” restorani, favvorali aylana hovuz, aylana shaklidagi sahna va amfiteatr bilan yaxlit uyg’unlik kasb etgan. Bog’dagi tabiiy past-balandliklardan oqilona foydalanib, so’lim maskan, ajoyib manzara yaratilgan. Ko’kalamzor (chinor, qarag’ay, terak, akatsiya, archa, tol, kashtan va boshqalar, maysazor va gulzorlar) xushmanzara ko’rinishga ega. Bog’ hududidan oqib o’tuvchi kanal unga 2 ta charxpalak o’rnatilgan) sun’iy ko’lni (sathi 9 gektar) suv bilan ta’minlaydi. Ko’lda 2 ta orolcha bor, ularga o’tish uchun 2 ta yoysimon ko’prik qurilgan, sohilida cho’milish oromgohi, qayiq bazasi joylashgan. Milliy bog’da shahar aholisi va mehmonlari dam olishi, hordiq chiqarishi uchun qulayliklar yatilgan: o’rindiqli 2 ta ochiq tomoshagoh, 10 ta attraksion, shaxmat – shashka pavillioni, bolalar temir yo’li, kutubxona, ovqatlanish va salqin ichimliklar savdo shoxobchalari bor. Bog’da Navro’z (2000 yildan) va Mustaqillik (2005 yildan) bayramlarning bosh tantanalari hamda xalq sayllari o’tkaziladi, turli madaniy- ma’rifiy tadbirlar uyushtiriladi. O’zbekiston Respublikasida millatlararo munosabatlarni mustahkamlash va tinchliksevar tashqi siyosatni amalga oshirishda madaniyat va istirohat bog’larining alohida o’rni bor. Buni Toshkent shahridagi Yapon bog’i misolida ko’rish mumkin U poytaxtning Yunusobod tumani Amir Temur shox ko’chasi, 107-uyda joylashgan. “O’zekspomarkaz” tarkibida. 2001 yil 25avgustda ochilgan. Maydoni 4 gektar . O’zbekiston tashqi iqtisldiy aloqalar, investitsiya va savdo vazirligi va Yaponiyaning O’zbekistondagi elchixonasi tashabbusi bilan tashkil etilgan. Bog’ qurilishi 1997 yil sentabrda Toshkent markazidagi ko’l sohilida boshlangan. Yapon bog’i 2 qism: “Karesansui”- dzen-buddizim falsafasi asosida

maxsus o’rnatilgan toshlar va daraxtlardan hamda “Chesenkaiyu”. Yapon sintoizmi quvnoqlik dunyosini aks ettiruvchi hovuz, jilg’a va gullardan tashkil topgan. Bog’da choy pavilioni turli madaniy-ma'rifiy tadbirlar, yaponiyalik san'atkorlar ishtirokida konsertlar o’tkaziladi. Mustaqillikning keyingi yillarida qator yangi qiyofadagi madaniyat va istirohat bog’lari bapro etilmoqda. Jumladan, Toshkent shahrining Mirzo Ulug'bek tumanida 2014-yil 21 mart kuni «Lokomotiv» madaniyat va istirohat bog'i» ishga tushdi. Yangi bog’ sobiq Zafar Diyor nomli bog' o'rnida tashkil etildi. Avvalroq, Toshkent shahar hokimligining 2012 yil 5 dekabrdagi qarori bilan Zafar Diyor nomidagi madaniyat va istirohat bog'i «Lokomotiv istirohat bogi» MChJga ijaraga berilgan edi. Shu o’rinda bir ma'lumot, hozirgi kunda Toshkent shahrida 12ta madaniyat va istirohat bog'lari faoliyat olib bormoqda. Ulardan sakkiztasi Toshkent shahar hokimligining Madaniyat va sport bosh boshqarmasi nazoratida. Abdulla Qodiriy nomidagi va «Toshkentlend» parklari mos ravishda Ichki ishlar vazirligi va Tashqi iqtisodiy aloqalar vazirligi ixtiyorida bo'lsa, Zafar Diyor va Furqat nomidagi bog'lar turli tijoriy tashkilotlarga uzoq muddatli ijaraga berilgan. Toshkent shahrida 2016-yil 8-avgust kuni yangi «Anhor-Lokomotiv» madaniyat va istirohat bog'i ochildi. 8 gektar maydonga ega bog' «Anhor» kanali bo'yida, Shayxontohur tumanining Labzak va Zulfiyaxonim ko'chalari oralig'ida joylashgan. Uning hududida restoran, bir necha tamaddixona, musiqali va yoritqichli fontanlar, bolalar o'yin maydonchalari, shuningdek, 320 kishiga mo'ljallangan yozgi kinoteatr mavjud. Unda, shaharda yagona bo'lgan alohida attraksionlar ham o'rnatilgan. Uning yopiq hududida, shuningdek, MDH mamlakatlarida yagona bo'lgan eng uzun kartodrom va o'yinlar markazi ham barpo etilgan. Shu bilan birga, bog' mehmonlari O'zbekistonning yetti ta diqqatga sazovor joylarining mitti maketlarini ham ko'ra olishadi: Xivaning Kalta-minori, Samarqanddagi Sherdor madrasasi, Buxoradagi Minora-i Kalon, Andijonning Bobur yodgorlik majmuasi, Temuriylar muzeyi, Toshkent kurantlari va Toshkent TV minorasi. «Anhor» sohiliga uzunligi 40 metrlik yirik musiqali fontan qurilgan bo'lib, u suvni 50 metr balandlikkacha purkay oladi. Shuningdek barcha

viloyatlarda madaniyat va istirohat bog’lari faoliyat yuritmoqda. Jumladan, Namangan viloyati markazi Namangan shahridagi "Z.M.Bobur" nomli madaniyat va istirohat bog’iga 1884-yil asos solingan. 1990-yilgacha A.S Pushkin nomi bilan atab kelingan. O’zbekistonda madaniyat va istirohat bog’lari faoliyati O’zbekiston Respublikasining birinchi Prezidenti I.A.Karimovning Namangan shahriga tashriflari va undan so’ng 2009 yil qabul qilingan 1170-sonli qarorlari asosida bog’ davlat dasturiga kiritilib, 2009 yilda qayta loyixalashtirildi va o’sha yilning oktabr oyida rekonstruktsiya ishlari boshlab yuborildi. Bog’dagi 26-ta talabga javob bermaydigan xizmat ko’rsatish obe’ktlari buzib tashlandi. Loyixa qiymati 4 mlrd. 800 mln so’mdan, 3 mlrd 300 mln so’mlik qurilish montaj va obodonchilik ishlari amalga oshirildi. Bugun bog’da 6 ta choyxona va oshxonalar, 9 ta muzqaymoq pavilonlari, shaxmat – shashka klubi, 27 ta zamonaviy attraktsionlar va boshqa ko’plab ko’ngilochar ob’ektlar xizmat qilmoqda. Bog’ hududida 1 gektarlik 1,5 km irrigatsiya tarmoqlari, 1 ta zamonaviy favvora ishlab turibdi. Bog’da ochiq Estrada maydoni, 400 tomoshabinga mo’ljallangan amfiteatr bunyod etilgan. Hududda aholining madaniy dam olish uchun 175 ta o’rindiqlar, 160 ta tungi yoritish chiroqlari o’rnatilgan. Gavjum va sokin hududlar tashkil etilgan. Bog’ moliyaviy jihatdan to’la o’z xarajatlarini qoplaydi. Birgina 2011- yilda 95007 mln.so’m daromad rejalangan bo’lib, 96000 mln so’m qilib bajarildi. Shundan bog’ balansidagi attraktsion va o’yin qurilmalaridan 64 000 mln.so’m, ijara va boshqa tushumlar xisobidan 32000 mln.so’m daromad olindi. Shuningdek, O’zbekiston Respublikasi Vazirlar Mahkamasining 2011 yil 26 yanvardagi «2011- 2015 yillarda madaniyat va istirohat bog’larining moddiy-texnika bazasini mustahkamlash va ularning faoliyatini yanada takomillashtirish chora-tadbirlari dasturi” ijrosini ta'minlash bo’yicha Nazorat rejasi ijrosini ta'minlash maqsadida viloyat hokimligining 2011-yil 8-fevraldagi nazorat rejasi ishlab chiqilib tasdiqlangan hamda ijro uchun joylarga yetkazilgan. Jumladan, viloyatdagi madaniyat va istirohat bog’larini kapital rekonstruksiya qilish, kapital ta'mirlash hamda zamonaviy attraksionlar bilan jihozlash bo’yicha shahar va tumanlar

hokimliklari tomonidan manzilli hududiy dasturlar ishlab chiqilib tasdiqlangan. Qarorning 2-ilovasida belgilangan vazifalar bo’yicha Namangan viloyatida jami 13 ta madaniyat va istirohat bog’i 2011-2015 yillarda dasturga ko’ra rekonstruksiya qilindi. Jumladan, 2011 yilda Namangan shahar Z.M. Bobur nomidagi madaniyat va istirohat bog’i, Namangan shahar «Kamolot» yoshlar bog’i hamda Yangiqo’rg’on tumanidagi madaniyat va istirohat bog’i kapital rekonstruksiya qilindi. 2012 yilda Mingbuloq tumani “Do’stlik” bog’i hamda Chortoq tumani Furqat nomidagi madaniyat va istiroat bog’lari kapital rekonstruksiya qilish bo’yicha dasturga kiritildi va amalga oshirildi 2013 yilda Uychi tuman “Mustaqillik” bog’i va Namangan tumani “Yettibuloq” nomli bog’ dastur bo’yicha rekonstruksiya qilindi. 2014 yilda To’raqo’rg’on, Kosonsoy va Uchqo’rg’on tumanlaridagi madaniyat va istirohat bog’larini dastur doirasida kapital rekonstruksiya qilindi. Xulosa qilib aytganda, madaniyat va istirohat bog’lari tarixiy taraqqiyotining qaysi davri bo’lmasin, u madaniy dam olish orqali insoniyatning ong-tafakkurini rivojlantirishga xizmat qilib kelgan. O’zbekiston Respublikasida mustaqillik davri esa bu vazifani yangi davr talablari darajasida ado etilishi bilan madaniyat va istirohat bog’larining o’zgacha mazmun va qiyofa kasb etishiga olib keldi.

Foydalaniladigan adabiyotlar: 1. M.N. Muminova, M.A. Maksumova «Kasbiy etika va etiket», uslubiy qo’llanma, T.,2006. 2. I. A. Karimov «Istiqlol va ma’naviyat» T.,1994. 3. I. A. Karimov «O’zbekiston buyuk kelajak sari» T.,1998. 4. N. E. Muhammadiyev «Kasb etikasi va estetik madaniyati»- Toshkent,1998 y. 5. M. Abdullayev, E. Xakimov «Vvedeniye v etiku»-Namangan, 1998. 6. Abdulla SHer «Axloqshunoslik» Ma’ruzalar matni, Toshkent, 2000 7. V.G. Fedsov «Kultura servisa» Uchebno-prakticheskoye posobiye - M., «PRIOR», 2001. 8. A.A. Avloniy «Turkiy guliston yohud ahloq», T. 1992. 9. Y. Y. Petrunin, V.K. Borisov «Etika biznesa» M., «Delo»,2000. 10. S. S. Gulomov «Tadbirkorlik va kichik biznes» - T., «Shark», 2002.

Похожие

IX-XIII Asrlarda Movarounnahrda madaniyat va san’at taraqqiyoti

Jamiyat va madaniyat

Madaniyatshunоslik va diniy madaniyat

Arxaik (ibtidoiy) madaniyat. An’aviy madaniyat

Milliy madaniyat