Асос магматик жинслар - Химия - Рефераты

Асос магматик жинслар

Загружено в:

20.09.2019

Скачано:

0

Размер:

80.5 KB

Асос магматик жинслар Режа: 1. Вулкан жинслар 2. Нормал ишқорли эффузив жинслар 3. Ўрта ишқорли базальтлар

Асос таркибли магматик тоғ жинслари ёки базитлар ер юзида энг кўп тарқалган. Булар катта гуруҳ бўлиб, ўз ичига базальтлар, габброидлар, анортозитлар ва бошқа жинсларни олади. Эффузив ва гипабиссал турлари (базальтлар, долеритлар ва бошқалар) интрузив турларига қараганда кўпроқ тарқалган. Асос магматик жинслар дала шпатлардан (асосан плагиоклаздан) ва рангли минераллардан, кўпинча пироксенлар ва оливинлардан ташкил топган. Асос жинслар Ер пўстининг қитъа ва океан сегментларида кўп тарқалган. Булар ер дарзликлари ва ер ёриқлари билан боғлиқ, улар орқали базальт магмаси ер юзига оқиб чиқади ёки ер қаъриси ичида жойлашади. Таркибида кремний оксиди миқдори 44-53%, алюминий оксиди эса - 10-27%, лекин кўпчилик асос жинсларда SiO 2 - 49-51%, Al 2 O 3 - 14-17%, FeO+Fe 2 O 3 - 6- 15%, MgO - 4% дан 11-13% гача, CaO - 5%дан 14% гача, TiO 2 - 1 дан 4- 5% гача. Ишқорлар йиғиндиси (K 2 O+Na 2 O) 2% дан 7-8% гача, Na 2 O одатда K 2 O дан кўп бўлади. Ишқорлар миқдорига кўра асос жинслар уч қаторга бўланади: нормал ишқорли, ўрта ишқори ва ишқорли. Ҳосил бўлишига кўра асос магматик жинслар вулканик ва плутоник фацияларга бўлинади. Вулканик фациясига - базальтлар, долеритлар ва уларга яқин жинслар (базальтоидлар) киради, плутоник фацияларга эса габбро (ва габброидлар) мансубдир. Плутоник интрузив фациясига таалуқли жинслар юқори флюид босимда кристаллангани учун пастроқ ҳароратда (750-860 о С), вулкан жинслари эса 1000 о С ва ундан ҳам юқори (одатда 1100-1200 о С) да кристалланади.

Вулкан жинслар Бу гуруҳга асос эффузив жинслар, уларнинг туфлари (пирокласт) ва ер юзига яқин чуқурликда ҳосил бўлиб ва вулкан жараёнлари билан боғлиқ бўлган жинслар мансубдир. Энг кўп тарқалганлари базальтлар (вулкан шишали) ва базальт порфиритлари (ўзгарган вулкан шишали) ҳамда уларнинг тўлиқ кристалланган хиллари долеритлар (кайнотип жинслар) ва диабазлар (палеотип жинслар) киради. Бу жинслар турлича қурилмаларда (структураларда) - океан ва қитъалар сегментларида кенг тарқалган. Океан ер пўстида базальтлар асосий рольни ўйнайди. Базальтлар - тўқ кулрангдан то қора ранггача бўлган эффузив жинслардир. Асосий массаси зич ёки ғовакли бўлиб, унда минерал ажралмалари асосли плагиоклаз (лабрадор, битовнит), пироксен ва оливин, камроқ маъданли минераллар (титанли магнетит ва ильменит) лардан иборат бўлиб тоғ жинсларнинг 20-25% ташкил қилади. Бу минераллар бирга ёки алоҳида-алоҳида турлича миқдорда учрашлари мумкин. Базальтнинг асосий массаси жуда майда кристаллардан (ажралма минералларнинг микролитларидан) ва вулканик шишадан иборат. Базальтларнинг энг асосий минераллари плагиоклазлар, моноклин ва ромбик пироксенлар ҳамда оливинлар ҳисобланади. Минералларнинг таркиби ўзгариб туради. Магманинг тез совуши натижасида зонал плагиоклазларнинг ҳосил бўлишига олиб келади. Кўпинча минералларнинг кристалланиши бир неча марта бўлади, натижада бир неча минерал авлодлари (генерациялари) таркиб топади. Базальтларнинг асосий массасини ички тузилиши хилма-хил. Минералларнинг ва вулкан шишанинг миқдорий нисбатига қараб структуралар - витрофирли, гиалопилитли, интерсерталли, толеитли, вариолитли ва офитли хилларига бўлинади. Витрофирли структура - асосий массаси вулканик шишадан ёки унинг ўзгаришидан ҳосил бўлган (хлорит, дала шпатлари, амфибол, магнетит ва бошқа минераллар йиғиндиси) маҳсулотларидан ташкил топган тоғ жинси учун мансуб.

Гиалопилитли структурада 50% гача вулканик шиша бўлиб, унда минерал микролитлари тарқоқ ҳолда жойлашган бўлади. Агар ундаги майда плагиоклазлари чўзинчоқ, кўпинча эгилган ва учлари парчаланган бўлса бундай структурани спилитли структура дейилади. Интерсерталли структурада чўзилган плагиоклаз минераллари тарқоқ ҳолда жойлашган бўлиб, уларнинг бурчакли оролиқларини вулканик шиша ва рангли минераллар эгаллайди. Толеитли структура интерсертал ва долеритли структураларини оролиғи учун хос. Унда плагиоклазлар кристаллари оролиғини темирли вулканик шиша, пироксен ва маъданли минераллар эгаллайди. Долеритли структура вулканик шишасининг йўқлиги билан характерланади. Унда плагиоклаз оролиғида бир неча пироксен доналари жойлашган бўлади. Офитли структура - плагиоклаз идиоморфлиги билан ажралиб туради, одатда плагиоклаз доналари оралиғини пироксен ва маъданли минераллар эгаллайди. Ётиш шакллари: базальт лавалари оқим ва қопламалар ҳосил қилади. Буларда озроқ пирокласт маҳсулотлари кузатилади. Базальтлар океан тубида қуйилса ёстиқсимон лавалар (пиллоу лавалар) ва ўзига ҳос пирокластлар, гиалокластлар ҳосил бўлади. Оқим катталиги турлича. Исландиядаги Лаки вулкан оқимининг узунлиги 80 км, кенглиги 200 км. Базальтлар рангли минералларнинг миқдорига кўра бўлинади.Агар рангли минераллар 47-45% бўлса нормал, агар ундан кам бўлса лейкократ, кўп бўлса меланократ базальтлари дейилади. Ишқорли элементларининг миқдорига кўра базальтлар нормал, ўрта ва ишқори қаторларга бўлинади.

Нормал ишқорли эффузив жинслар (пижонитли-толеитли ва гиперстенли базальтлар ва долеритлар) Бу жинсларга пижонитли (толеитли) ва гиперстенли базальтлар ва долеритлар таалуқлидир. Нормал ишқорли базальт ва долеритлар энг кўп тарқалган. Улар бир хил таркибли жинс қатламларини ташкил этади ёки ўрта ва нордон вулкан жинслари билан бирга учрайди. Пижонитли базальтлар вулкан жинслари уюшмаларида ўрта ва нордон жинсларга нисбатан анча кўп тарқалган. Толеит сериясига мансуб бўлган базальт ва долеритларда бирламчи рангли минераллардан фақат моноклин пироксенлар (диопсид, авгит ва пижонит) қатнашади. Шунинг учун ҳам бу серияга мансуб бўлган базальтларни Куно пижонитли базальт деб атаган. Толеитли (пижонитли) базальтлар ва долеритлар, қалин, бир хил таркибли базальт уюшмалари ҳолида ва кўпроқ нордон эффузивлар билан - дацит ва липаритлар билан - бирга учрайди. Кўпинча булар ер юзининг кенг майдонларини эгаллайди, (қоплама базальтлар ёки плато базальтлар, улар сингари океан таги қопламалари). Улар ер ёриқлар орқали оқиб чиқади, ёки қалқон (ҳитовўе) вулканларнинг марказдан отилиши турлари орқали ҳосил бўлади. Гиперстенли базальтлар кенг тарқалган бўлиб ўз ичига базальтлар, андезитбазальтлар, андезитлар, дацитлар ва липаритларни олган вулкан жинсларининг аъзоси бўлиб ҳисобланади. Булар асосан ривожланган, ҳаракатчанг, бурмаланган қитъаларда жойлашган. Океан вилоятларида гиперстенли базальтлар учрамайди. Толеит базальтлардан фарқи гиперстенли базальтлар бурмаланган минтақалар ривожланишининг сўнгги (ороген) босқичига таалуқлидир. Гиперстенли базальтларнинг вулкандан отилиб чиқиши эксплозив характерга эга бўлиб, буларда пирокластик материаллар пайдо бўлиши кузатилади. Булар андезит-базальт ва андезитлар билан мустаҳкам боғлиқ бўлиб биргаликда узлуксиз тоғ жинслари қаторини ташкил қилади.

Гиперстенли базальтларда оливин бўлади, улар ортопироксенлар билан қопланган бўлиши мумкин. Гиперстенли базальтларнинг икки пироксенли хиллари кенг тарқалган. Унда, гиперстен авгит ва диопсидлар билан бирга учрайди. Оливин фақат ажралмалар ҳосил қилади. Ўрта ишқорли базальтлар Бу жинсларга юқори ишқорли базальтлар ва долеритлар мансубдир. Нормал ишқорли базальтлардан булар нисбатан кремний оксидини камлиги (45-49%) ва ишқорларни (4%), титанни (2%), фосфорни кўплиги билан фарқланади. Буларда норматив нефелин бўлади. Юқори ишқорли базальтлар вулкан ороллари, сув ости вулканлар ва баландликлар учун характерли ҳисобланади. Континентларда, айниқса трапп формациялари ва рифт зоналарда ҳам кенг тарқалган. Илгари оливинли ва пикритга яқин таркибли хилларини океанит деб ҳам юритилар эди. Оливин характерли ва кўп тарқалган минерал, кўпинча зонал тузилишга эга, роговая обманка эса керсутитларгача ўзгаради. Плагиоклазларнинг таркиби лабрадорбитовнитдан то олигоклазгача бўлади. Натрийли уюшмалари ўрта ва нордон плагиоклазлари билан ажралиб туради. Асосий массасида - дала шпатлар ва акцессор нефелин пайдо бўлади. Рангли минераллар - титан-авгит, эгирин-авгит, жиякли кальцийли пироксенлар (тефритлар, базанитлар ва бошқалар). Бундай базальтларда калийли дала шпатлардан санидин, анортоклаз ва камроқ альбит бўлади.

Натрийнинг калийга нисбатига кўра ўрта ишқорли базальтлар икки гуруҳга бўлинади: 1 Натрийли гуруҳ - оливинли базальт - гавайит - муджиерит - бенмореит - ишқорли трахит. 2 Калийли гуруҳ - трахибазальт - шошонит - латит - трахит. Гаваитлар, титан-авгит, камроқ диопсид, андезин, оливин ва ишқорли дала шпатлардан ташкил топган. Муджиерит химёвий таркибига кўра трахибазальтга яқин. Аммо бунда асос плагиоклаз ўрнига олигоклаз, санидин ёки анортоклаз ўрнига ортоклаз бўлади. Гавайитлар . SiO 2 - 46-50%, Al 2 O 3 14-15%, MgO - 3,5-6%, CaO - 6- 9%, TiO 2 - 34,5%, Na 2 О - 3,5-4,5%. Муджиеритларда SiO 2 миқдори ўзгарувчан (50-57%). Уларда гавайитларга қараганда Al 2 O 3 кўпроқ, MgO камроқ (1-3%), CaO (3- 6%)ишқорларга бой. Na 2 O 4-6%, K 2 O 2-3%. Геологик адабиётларда норматив нефелини бор базальтларни ишқорли базальтлар деб тариф берган. Маракушевнинг китобида улар ўрта ишқорли базальтлар деб атаган. Ишқорли базальтларга модал фельдшпатоидлари бор жинслар киритилган. А.А.Маракушев фикрича муджиерит андезит- базальтларининг ўрта ишқорли турлари ҳисобланади. Тразибазальтлар ишқорли оливинли базальтлардан ишқорли дала шпатларнинг, айниқса ортоклазнинг кўплиги билан фарқланади. Шошонитлар - ўрта ишқорли андезит-базальт ва базальтларнинг калийли тури ҳисобланади. Калий дала шпатлари плагиоклаз атрофида жияк шаклида ва асосий массасида микролитлар кўринишида иштироқ қилади. Ўрта ишқорли базальтлар нормал ишқорли базальтлардан кейин ҳосил бўлади ёки вулкан жараёнининг янги босқичини (этапини) бошлаб беради. Шошонитлар биринчи марта Йеллостоун миллий боғида аниқланган ва таъриф берилган.

Асос таркибли плутоник жинслар Плутоник (интрузив) усулда ҳосил бўлган асосли жинслар плагиоклаз, пирокснен, оливин ёки роговая обманкадан ташкил топган. Ишқорли металлар ва кремний оксиди миқдорларининг бир-бирига бўлган нисбатига кўра габбролар нормал ишқорли, ўрта ишқорли ва ишқорли турларга бўлинади. Нормал ишқорли асосли плутоник (интрузив) жинслар Нормал ишқорли асос интрузив жинсларлар оддий габбро, габбро- норит, норит, анортозит, роговая обманкали габбро ва уларнинг оливинли хиллари трокторитлардан иборат. Габбро, норит ва габбро-норитлар энг кўп тарқалган. Бундай габбро турлари биринчидан улар таркибидаги моноклин ёки ромбик пироксенларнинг ёки роговая обманканинг кўп ёки камлигига қараб, иккинчидан оливини бор ёки йўқлиги гоҳо уни бошқа минераллардан кўплиги ва қисман кварц ва биотитни иштироқ этганлигига кўра ажратилган. Габбро (Италиядаги жой номи билан аталган). Бу жинс тўлиқ кристалланган донадор бўлиб кулранг ёки тўқ кулрангли, асосли плагиоклаз ва моноклин пироксендан иборат. Баъзан оливин, роговая обманка, магнетит, ильменит, кам ҳолларда биотит, апатит, сфен ва сульфидлар учрайди. Оддий габброда рангли минералларнинг миқдори 35-50% бўлиши керак. Ундан кам бўлса лейкократ, кўп бўлса меланократ хиллари деб аталади. Габбронинг ички тузилиши габброли. Бундай структурада пироксен ва плагиоклазлар бир хил идиоморфлик шаклга эга бўлади. Габбронинг долеритга ўтаётган хилининг структураси офитли. Роговая обманкали габброларда асосан рангли минерал сифатида роговая обманка учрайди. Бирламчи роговая обманка одатда жигар рангдаги хилида бўлади. Бундай габброларнинг структураси офитли. Норитлар (Норвегиялик афсоновий Нора каҳромони номи билан аталган) - тўлиқ кристалланган кулранг, жигаррангдаги асосли тоғ жинсидир. Таркиби: плагиоклаз (асосли) ва оротопироксенлардан ташкил топган, баъзан

клинопироксен, оливин, кварц, биотит ва маъданли минераллар (ильменит, магнетит ва сульфидлар) бўлади. Габбро-норитлар - плагиоклаз, ортопироксен, клинопироксендан иборат, баъзан оливин, биотит, роговая обманка ва акцессор минераллардан титаномагнетит, магнетит, кварц, апатит ва сульфидлар бўлади. Плагиоклазни таркиби андезин-лабрадордан то битовнитгача ўзгаради. Пироксенлар габбро-норитларда, плагиоклазга нисбатан кўпинча ксеноморф бўлиб, улар роговая обманка билан ўрин алмашадилар. Троктолитлар (юнонча троктос кемирилган). Троктолитларнинг иккинчи номи форелленштейн деб ҳам аташади. Улар габбро ва габбро- норитларга нисбатан кам тарқалган. Кўпинча лейкократ бўлиб, асосан плагиоклаз ва оливиндан ташкил топган. Ундан ташқари таркибида ортопироксен, клинопироксен, роговая обманка, биотит ва акцессор минераллардан магнетит, яшил шпинель, ильменит, апатит ва сульфидли минераллар бўлади. Анортозитлар (французча плагиоклаз). Ўталейкократ жинс. Структураси ўрта, йирик ва гигант донали, рангги тўқ кулрангдан қорагача, баъзан пушти сиёҳ ранггача бўлади. Таркиби асосан плагиоклаздан иборат. Бундан ташқари 15% гача пироксенлар, оливин ва акцессор минераллардан ильменит, титанли магнетит, рутил, апатит бўлади. Анортозитларнинг структураси аллотриоморф ва панидиоморф. Пироксенли турлариники офитли, титаномагнетитлигини сидеронитли бўлади. Анортозитларни О.А.Богатиков иккига - стратиформли ва автономли турларга бўлган. Биринчиси турли таркибли қатламланган (стратиформли) интрузивларда қатламли уюм, шлир ва томир ҳолида ётади. Автономлилари эса жуда метаморфлашган токембрий даври уюшмаларида йирик алоҳида массивларни ташкил этади. Стратиформли анортозитлар автономли анортозитлардан майда доноли структураси билан ҳам фарқ қилади. Анортозитлар габбро ва норит уюшмалари билан биргаликда учрайди.

Асосли интрузив жинсларни ётиш шакллари хилма-хилдир. Улар шаклсиз уюмлар, лополитлар, силлар, дайка ва бошқа шакллар ҳосил қилади. Бундай шакллар бурмаланган минтақалар ва платформалардаги турли ёшдаги жинсларида учрайди. Бунга Уралдаги платинали минтақа яққол мисол бўла олади. Бу минтақада габбро массивлари 600 км дан кўпроқ масофага узлуксиз чўзилган. Бушвельд массиви 25 минг км 2 тенг. Асосли жинслар билан боғлиқ фойдали қазилмалар: темир, титан, мис, кобальт, хром, платина, ванадий, никель ва бошқалар. Ўрта ишқорли асос интрузив жинслар Бундай жинсларга ўрта ишқорли габбролар киради. Буларда оливинни роли ошиб боради, плагиоклазларни асослиги аксинча камаяди, клинопироксенларда титаннинг миқдори ошади, кальцийга камбағал пироксенлар йўқолиб кетади. Ишқорли металлар миқдорини ошиши калий ошиб бориши билан кузатилади. Ўрта ишқорли габбро монцонит ва сиенитлар билан биргаликда габбро-монцонит-сиенит уюшмасини ташкил қилади. Бундай уюшма массивлари субплатформа вилоятларида жуда кенг тарқалган. Улар кўп фазали тузилишда бўлиб майдони унча катта бўлмаган лополит ёки воронкасимон шаклларни ташкил этади. Ўрта ишқорли габброни минерал таркиби: плагиоклаз лабрадор (50- 65% An), оливин (15-36% Fa), клинопироксен (титан-авгит), керсутит, роговая обманкадан иборат. Иккинчи даражали минералларни темирли биотит, оддий роговая обманка ташкил этади. Акцессор минералларга апатит, сфен, циркон, титанли магнетит, ильменит ва сульфидлар мансубдир. Ишқорли (фельдшпатоидли) асос интрузив жинслар Тералитлар (нефелинли габбро) тўқ кулранг, гоҳо қора рангли, донадор жинслардир. Таркиби: титан-авгит (40-60%), асосли плагиоклаз (25- 50% гача) ва нефелин (10-15%). Баъзан биотит, оливин, баркевикит, ортоклаз учрайди. Акцессор минераллар - апатит, сфен, титанли магнетит. Иккиламчи минераллар - хлорит, серицит, соссюрит, лейкоксен.

Эссексит (А+Шнинг Эссекс округи номи билан аталган). Ўрта ва йирик, гоҳо порфирли, ранги кулранг ёки тўқ кулранг. Катта бўлмаган шток ва ер томир шаклларини барпо этиб нефелинли сиенит, монцонит, тералит, шонкинит ҳамда ўтаасос жинслар уюшмаларида учрайди (Казахстан, Кузнецк-Олотау). Минерал таркиби: титанавгит, асосли ёки ўрта таркибли плагиоклаз (андезиндан то битовнитгача), ортоклаз ва кам миқдорда нефелин. Шонкинитлар таркибида плагиоклазнинг йўқлиги билан фарқ қилади. Бу тўқ кулранг, ўрта донали тоғ жинси, таркибида авгит (50% яқин), калий дала шпати (20%), уларда оливин 10% бўлиши мумкин, ундан ташқари баркевикит, эгирин-авгит, биотит, нефелин қатнашади. Иккинчи даражали ва акцессор минераллардан содалит, альбит, апатит, титаномагнетит ва ильменит. Иккиламчи минераллардан - хлорит, эпидот, серпентин, цеолитлар.

АДАБИЁТЛАР 1.Жариков В.А. Физико-химические основы петрографии. М.,1976. 2.Заварицкий А.Н. Изверженные горные породы. Изд. АН СССР, М., 1961. 3.Кузнецов А.А. Краткий курс петрографии магматических и метаморфических пород. М., изд. МГУ, 1970. 4.Маракушев А.А. и др. Петрография. М., т.1, 1976, т.2, 1981, т.3, 1985. 5. Маракушев А.А. Петрология. М., 1988. 6. Тернер Ф., Ферхуген Дж. Петрология изверженных и метаморфических пород. М., 1961. 7.Хамрабаев И.Х., Раджабов Ф.Ш. Петрография асослари. Т., «Ўқитувчи», 1964, 1984. 8.Қодиров М.Х. Қўшмуродов О.Қ. Петрография, 1994. 9. Геологиядан русча-ўзбекча изоҳли луғат. Т. «Ўзбекистон» 1995.

Похожие

Тупроқ тупроқнинг пайдо бўлишидаги кимёвий жараёнлар

Кимёвий ишлаб чикаришда

Кимёвий ишлаб чикаришда хом ашё

Калийли угитлар. Калийнинг усимлик хаётидаги роли. Калийли угитларнинг конлари

Кимё саноатида хом ашё муаммолари