Gandbol (qo‘l to‘pi) - Физическая культура - Рефераты

Gandbol (qo‘l to‘pi)

Загружено в:

20.09.2019

Скачано:

0

Размер:

1817.2587890625 KB

Gandbol (qo‘l to‘pi) Reja: Gandbol o‘yinining asosiy qoidalari  Gandbol bo‘yicha musobaqalar qoidasi

Bundan yuz yillar muqaddam daniyalik o‘qituvchi Xolger Nilson yangi sport o‘yini — „Xandboll“ni o‘ylab topdi. Qo‘l to‘pi, deb nom olgan bu o‘yin dastlab qizlar uchun mo‘ljallangandi. O‘yin qiziqarli bo‘lganligi uchun keyinroq o‘g‘il bolalar ham shug‘ullana boshladilar. Bu sport turida o‘yin boshlanishidanoq har bir o‘yinchi faol va to‘laqonli ishtirokchi bo‘lib qoladi. Gap shundaki, gandboldagi har bir harakat inson bolaligidan boshlab o‘rganadigan harakatlarga juda yaqindir. Ya’ni yurish, yugurish, sakrash, uloqtirishlar o‘yin mazmunini tashkil qiladi. To‘p uchun kurash, g‘oliblik o‘rinlari, yaxshi natija uchun intilish — bular o‘yin mazmunini to‘ldiradi. Gandbol tezlik, kuch, chaqqonlik, qo‘rqmaslik kabi sifatlarni tarbiyalaydi, bilim va ko‘nikmalarni mustahkamlaydi. O‘yinda har bir ishtirokchi o‘z qobiliyatini yaxshi tomondan ko‘rsatadi. Gandbol jamoa o‘yini bo‘lganligi sababli, o‘yinchilar harakati jamoa manfaatiga bo‘ysundiriladi. Shu bois o‘yinchi unga o‘zini to‘la bag‘ishlashi kerak. O‘yinda jismoniy sifatlargina emas, balki onglilik, faollik, intizom, maqsadga intilish, o‘zini tutish, hissiyotlarni jilovlash kabilar ham tarbiyalanadi. Shular qatori, o‘yinchida kuzatuvchanlik, e’tiborlilik, ijodiy tafakkur kabi xislatlar ham shakllana boradi. Gandbol o‘yinida ham boshqa o‘yinlarga o‘xshab belgilangan qoidalarga rioya qilgan holda raqib darvozasiga ko‘proq to‘p kiritish va o‘z darvozasini to‘p kirishidan himoya qilishdir. Ko‘p to‘p kiritgan jamoa g‘alaba qiladi. Maydonda 7 kishidan iborat ikki jamoa o‘ynaydi (bir darvozabon va 6 maydon o‘yinchisi). Bir jamoadan o‘yinda hammasi bo‘lib 12 o‘yinchi ishtirok etishi mumkin (10 o‘yinchi va 2 darvozabon). Ammo o‘yinchilar maydon markazida almashsalarda, to‘g‘ridan to‘g‘ri almashtirilavermaydilar. Jamoa tarkibida besh o‘yinchi bo‘lsa, o‘yin boshlanaveradi. O‘yinchi biror sababga ko‘ra maydondan chiqarib yuborilganda ham o‘yin to‘xtatilmaydi. Darvozabon o‘yinchilarni almashtira olmaydi, ammo o‘yinchilar darvozabonning o‘rniga turishlari mumkin. O‘yin 15 daqiqadan 2 taym davom etadi (orada 10 daqiqa tanaffus bo‘lib, darvozalar almashiladi). Gandbol o‘yini har qanday to‘p bilan har qanday maydon va hatto ko‘cha maydonlarida ham o‘ynalishi mumkin.

Faqat maydon chizig‘i hamda 2 · 3 m hajmdagi darvoza belgilansa kifoya. O‘yin maydonini belgilash unchalik qiyin emas, darvoza oldida 6 metrli yarim doira (to‘p aynan shu joydan uriladi) va maydonni ikkiga bo‘lib turuvchi o‘rta chiziq bo‘lsa yetarli. Gandbol o‘yini mashg‘ulotlarida muayyan qoidalarga amal qilinadi. Organizmni mashg‘ulotga tayyorlash uchun tayyorgarlik mashqlari bajariladi. Bu ba’zi noxushliklardan saqlaydi. Tayyorgarlik mashqlarida dastlab sekin yuguriladi, so‘ngra tezlashib, yo‘nalishlar o‘zgartiriladi (oldinga, orqaga burilib), oyoqdan oyoqqa sakrashlar bajariladi. To‘pni joyda turib va harakatda bir-biriga uzatish, darvozaga urish mashq qilinadi. Shundan so‘ng o‘yinni boshlash mumkin: 1. Maydonda intizom va tartibga rioya qilish kerak. 2. O‘yin paytida baqiriq-chaqiriq qilmaslik lozim. 3. O‘yinchilar o‘zaro urilib ketmaslikka harakat qilishlarizarur. 4. Gandbol o‘ynaganda yengil, yumshoq, qulay poyabzalkiyilgani ma’qul. Gandbol o‘yinining asosiy qoidalari Gandbol o‘yini, tashqaridan kuzatilganida, oson va oddiydek tuyuladi. Ammo bu unchalik to‘g‘ri emas. Bunday oddiylik ortida juda katta mehnat, ya’ni ba’zi bir elementlarni qayta-qayta mashq qilish yotadi. Gandbol o‘yini harakatda siljishlar, to‘pni olib yurish kabilardan tashkil topgan. Turish, siljish, to‘xtash. Har bir sport turida o‘yinchi birorbir usulni bajarishdan avval dastlabki (standart) holatni egallaydi. Gandbolchi ham doimo himoya va hujum holatini egallashga intiladi. O‘yinda barcha harakatlar o‘yin holatida bajariladi. Himoyachi va darvozabon, o‘yinchilar holati bir-biriga o‘xshashdir. O‘yinchi oyoqlarini biroz keng, tizzalarini bukibroq turadi. Oyoq uchlarini bir chiziqqa joylashtirib, qo‘llarini tirsakdan ozgina bukib, kaftlarini oldinga qaratadi. Bunday holat sportchiga qat’iy turib, erkin siljishiga, faqat himoya qilishga emas, balki hujumga o‘tishga ham imkon beradi.

Hujumchining holati himoyachinikiga biroz o‘xshaydi. Qo‘llari tirsakdan bukilgan va ko‘krakka barobar turadi. Oyoqlari biroz bukilgan bo‘lib, bitta oyog‘i va yelkasi oldinga chiqib turadi. Oyoqni ortiqcha keng qo‘yib yuborish ham yaramaydi (40 — 50 sm dan oshmasligi kerak). O‘yin paytida sportchilar doimiy harakatda bo‘lib, uni siljish, qadamlab, yugurib yurish, tez yurib, sakrab va boshqa harakatlar bilan amalga oshiradilar. O‘yinchi o‘yinda raqibni aldash, sherik bilan qulay vaziyat tanlash uchun to‘xtashi mumkin. To‘xtash ikki qadam yoki sakrash bilan bajariladi. Oyoqlar bukiladi, gavda harakat yo‘nalishining qarshi tomoniga egiladi. Birinchi qadam keng, ikkinchisi qisqa qo‘yiladi, ikki qadamda to‘xtash zarur. To‘xtagach, sakrab oyoqlarni egish lozim. To‘pni bir joyda va harakat chog‘ida ikki qo‘llab tutish va uzatish. O‘yin davomida o‘yinchi ko‘p marta to‘pni ikki yoki bir qo‘llab ushlashiga to‘g‘ri keladi (90-rasm). To‘pni joyda turib ilib olishda panjalar ochiq bo‘ladi. Bosh barmoqlar deyarli birlashadi, boshqalari esa to‘pdan kattaroq voronka hosil qiladi. To‘pni ko‘krak tomondan qo‘llarni harakatga keltirib, kaftlarni siltab uzatiladi. To‘pni harakatda ilib olish ham joyda turib tutishga o‘xshaydi. O‘yinchining qo‘llari ko‘krak oldida turadi. To‘p qadamlab yoki sakrab tutib olinadi. Uchib 90-rasm. kelayotgan to‘pning tezligini kamaytirish uchun qo‘llar oldinga cho‘ziladi. Yuqoridan uchib kelayotgan to‘pni tutish uchun oldinga-yuqoriga sakraladi, pastdan kelayotgan to‘pni tutish uchun qo‘llar tushiriladi va kaftlar keng ochiladi. Dumalayotgan to‘pni tutish uchun esa o‘yinchi unga qarshi chiqadi, egiladi va to‘pga 91-rasm. yaqin qo‘li bilan uni tutadi, to‘p kaftlar orasiga tushadi.

To‘pni olib yurish. Basketbol o‘yinidan kirib kelgan bu usul ko‘proq yordamchi bo‘lib hisoblanadi, negaki gandbolda butun jamoa o‘ynaydi. Shuning uchun qarshida raqib bo‘lmagandagina to‘p yerga urib olib yuriladi. Bu usuldan yana raqiblar tomonidan jamoa zonasiga qaytishda foydalaniladi. To‘pni yerga urib yurishda uni kuzatish zarur: uning sakrash balandligi beldan oshmasin, to‘pga qaramay olib yurishga o‘rganilsa, yanada yaxshi. To‘pni yerga urib yurish mashqiga har bir mashg‘ulotda 2 — 3 daqiqa ajratiladi (91-rasm). To‘pni otish. To‘pni otish uni sherikka uzatishdan jiddiy farqlanmaydi. Farqi shundaki, to‘pni otganda kuch bilan keskin otiladi. To‘p turli holatlardan turib (yuqoridan, pastdan, yondan, boshdan, orqadan) otiladi (92-rasm). Joydan turib to‘p otish yetti metrli jarima, to‘qqiz metrli erkin zarbada, turli masofalardan kutilmaganda amalga oshiriladi. Harakat paytida to‘p otishni bajarish uchun joyda turib to‘p otishni o‘zlashtirib olish lozim. Harakat paytida (1, 2, 3 qadamdan) to‘p otishni egallash qiyin emas. To‘pni tirsakdan bukilgan qo‘l bilan katta tezlikda to‘xtamay turib tayyorgarliksiz otish mumkin. To‘pni otish chog‘ida o‘yinchi og‘irlik markazini oyog‘iga o‘tkazadi, bu otish kuchini oshiradi. Tirsakdan bukilgan qo‘l bilan yondan va pastdan to‘p otish usuli to‘pni uzoqqa ko‘p marotaba otganda qo‘llaniladi. Otish o‘tkir burchak ostida otuvchi tomonidan bel balandligida bajariladi. Otish ikki holatdan turib bajariladi. Birinchi holatda u tizza barobarida, ikkinchi holatda esa yelka barobarida, ba’zida undan pastda ham bajarilishi mumkin. To‘g‘ri qo‘l bilan pastdan otish. O‘yinchi buni har qanday holatda bajaradi. Uni bajarish egilgan qo‘l bilan pastdan otishga o‘xshab ketadi. 92- rasm.

To‘g‘ri qo‘l bilan yuqoridan otish. O‘yinchi buni yugurib va sakrab turib bajarishi mumkin. O‘yinchi yuqoriga sakrab o‘z sherigi otgan to‘pni ilib oladi va uni darhol uloqtiradi. To‘pni 180 ° ga burilib, darvozaga orqa qilib turib ham otish mumkin. To‘g‘ri qo‘l bilan yondan otish. Bu usul qo‘l egilmagan holda, kaftning qat’iy siltov harakati bilan bajariladi (93rasm). To‘pni egallash, yulib olish, urib chiqarish: a) bir joyda turib oshirilayotgan to‘pni egallab olish himoyachining muvaffaqiyatli egallagan pozitsiyasiga bog‘liq; b) to‘pni hujumchilar uzatganda egallab olish to‘p uchib kelayotgan paytida tez sakrash orqali bajariladi; d) to‘pni yuqoriga sakrab tutish hujumchilar burchak to‘pini o‘z sherigiga uzoqdan balandlatib otganida amalga oshiriladi. Agar himoyachi yaxshi holatda turgan bo‘lsa, u bunday to‘pni qiyinchiliksiz tutib oladi; 93-rasm. 8 — Jismoniy tarbiya e) oldingi qatordagi hujumchidan to‘pni olib qo‘yishhimoyachining tayyorligiga hamda egallab turgan pozitsiyasiga bog‘liq; f) raqib to‘pni olib borishida, uzatganida yoki darvozagaurmoqchi bo‘lganida olib qo‘yishi himoyachining to‘p yo‘nalishini qanchalik to‘g‘ri belgilashiga va qo‘li bilan uning yo‘lini to‘sishiga bog‘liq; g) raqibni ta’qib qilib to‘pni olishda himoyachi uni oldidanyoki yon tomonidan to‘sib qoladi (bunda raqibning qo‘liga tegish mumkin emas); h) himoyachi chalg‘itayotgan raqib hujumchisidan to‘pniolishda hujumchi zarba berishida yoki to‘pni yerga urish chog‘ida, yoki uzatganda olib qo‘yishi mumkin;

i) hujumchi to‘pni darvozaga otish paytida himoyachi to‘pnihujumchi qo‘lidan urib chiqarib yuboradi. Harakat tez bajarilayotganda to‘pni urib chiqarib yuborish qiyinroq. Bunda himoyachi biroz orqaroqda yoki yon tomonda turishi zarur. Shundan so‘ng himoyachi hujumchi bilan bir paytda oldingayuqoriga sakraydi va darvozaga urilayotgan to‘pning yo‘lini panjalari bilan to‘sadi. Otilgan to‘plar yo‘lini to‘sish, darvozani to‘pdan qo‘riqlash faqat darvozabonning emas, balki himoyachining ham ishidir. Bunda himoyachi panjalari yoyilgan qo‘lini to‘p uchib kelishi mumkin bo‘lgan yo‘nalishga tutadi. To‘sish doim ikki qo‘llab bajariladi. Faqat yondan kelayotgan to‘p bir qo‘l bilan to‘silishi mumkin (94-rasm). Darvozaga urilayotgan to‘p yo‘lini to‘sishning asosiy usullari quyidagilardan iborat: yuqoriga ko‘tarilgan qo‘llar bilan sakrab to‘sish, uchib kelayotgan to‘pni turli tomonlarga engashib hamda oyoq bilan to‘sish va boshqalar. Yuqoridan uchib kelayotgan to‘p joyda turib, qo‘llarni yuqoriga ko‘targan holda yoki yondan to‘siladi. Agar to‘p balandroqdan kelayotgan bo‘lsa, balandga sakrab kaft bilan uning yo‘li to‘siladi. To‘pni yumshoqroq qabul qilish uchun panjalar yoyilishi lozim. Yerdan 70 — 170 sm balandlikda uchib kelayotgan to‘pning yo‘lini to‘sish. Agar to‘p yon tomonga yo‘nalgan bo‘lsa, unga yaqin turgan qo‘l kafti ochiladi va 94-rasm. ikkala qo‘l to‘pning yo‘liga qo‘yiladi. Yerdan 40 — 50 sm balandlikda uchib kelayotgan to‘pning yo‘lini to‘sish. Himoyachi to‘pning yo‘nalishi tomon odimlaydi va to‘pni qo‘llarini oldinga cho‘zib to‘sadi. Mabodo, to‘p himoyachining o‘ng yoki chap tomonidan o‘tib ketayotgan bo‘lsa, unda biroz oldinga engashish zarur. To‘pni oyoq bilan to‘sish. Agar himoyachi juda past uchib kelayotgan to‘pning yo‘lini to‘sishga ulgurmasa, unda shu usuldan foydalaniladi. Himoyachi oyog‘i bilan pastga egiladi. Aslida to‘pni oyoq bilan to‘sish qoidada man etilgan, lekin sharoit taqozo qilsa, qo‘llash mumkin. Bunda to‘sishga yo‘naltirilgan oyoq

bilan bir paytda qo‘lni ham shu tomonga uzatishga harakat qilinadi. Yerga yaqin uchayotgan yoki yerga urilgan to‘pni o‘tirib to‘sish mumkin bo‘ladi. Darvozabon o‘yini. Darvozabon ishi o‘ta mas’uliyatli va ayni chog‘da sharaflidir. Darvozabon o‘yin paytida raqib bilan juda ko‘p ro‘para keladi. Unga juda katta jismoniy va ruhiy yuk (nagruzka) tushadi. Darvozabon maydondagi holatni tahlil qilib, to‘pni doimiy nazorat qilib boradi va o‘yinchilarga tegishli ko‘rsatmalar berib turadi. U o‘yin davomida 40 — 50 marta kuchli zarbalarni qaytarishiga to‘g‘ri keladi. Darvozabon tez idrok etish, siljish, chaqqonlik, harakatni yaxshi his qila olish, kuzatuvchanlik, qo‘rqmaslik, vaziyatni to‘g‘ri baholash kabi xislatlarga ega bo‘lishi zarur. Darvozabon kuchsiz kelayotgan to‘plarni ikki qo‘llab tutadi. Yondan kelayotgan to‘plar, odatda, bir qo‘l bilan to‘siladi, ammo ikki qo‘llab tutsa ham bo‘ladi. Asosiy tik holatda turgan darvozabon qo‘lini to‘p uchib kelayotgan tomonga uzatadi va o‘sha tomonga egiladi. Darvozaning pastki burchagiga yo‘naltirilgan to‘pni darvozabon oyog‘i bilan to‘sadi (95- rasm). Yuqoridagi usullardan tashqari,to‘pni yiqilib turib to‘sish ham mumkin. Bu futbol usuli darvozaning boshqa tomonidan uchib kelayotgan to‘pni tutishda qo‘llanadi. Bu usul to‘pdan uzoq turgan oyoq bilan siltanish orqali bajariladi. Aslida yiqilib to‘p tutish tavsiya etilmaydi, ammo yiqilayotganda dumalash usulini qo‘llash mumkin. Darvozabonning hujum qilayotgan raqibga qarshi chiqishi. Bunda darvoza- 95-rasm. bon asosiy o‘rnidan to‘p bilan kelayotgan o‘yinchi tomon bir necha qadam oldinga chiqadi. Darvozabonning gavdasi oldinga egiladi, barmoqlari oxirigacha ochiladi. Bir oyog‘i ikkinchisidan 30 — 40 sm oldinga chiqadi, bu darvozaga to‘p kiritish ehtimolini kamaytiradi. Darvozabon to‘pni tutish yoki yorib kiruvchi o‘yinchini to‘xtatish uchun o‘z maydonidan tashqariga chiqadi. Bunda u o‘yinchiga aylanadi, shuning uchun u ham muayyan darajada o‘yinchilar ko‘nikmasiga ega bo‘lishi kerak.

Darvozabon o‘yin davomida to‘pni bir necha marta o‘yinga kiritadi. Bu qisqa masofada turgan sherikka oshirish yoki 20 — 25 sm ga uloqtirishdan iborat bo‘lishi mumkin. Shunday ekan, to‘pni joyda turib yoki yugurib kelib o‘yinga kiritishni uddalash zarur. Gandbol bo‘yicha musobaqalar qoidasi O‘yin oldidan hakam jamoa sardorlarini chaqiradi va qur’a tashlaydi. Qur’ada yutgan tomon o‘yinni boshlaydi va maydonning xohlagan tomonini egallaydi. O‘yin maydon markazidan hakamning hushtak chalishi va to‘pni xohlagan tomonga tashlashi bilan boshlanadi. Darvozaga to‘p kiritilgach, o‘yin qaytadan maydon markazidan, to‘p qo‘yib yuborgan jamoa tomonidan boshlanadi. To‘pni sheriklarga bir yoki ikki qo‘llab oshirish, to‘pni qo‘lning har qaysi qismi bilan oshirish yoki tutish mumkin. O‘yinchi to‘p bilan uch qadamdan ortiq yurmaydi, u to‘pni ikki qo‘lda sherigiga oshirishi yoki zarba berishi lozim. To‘pni ikkinchi marta olib yurish man etiladi. To‘pni qo‘lda 3 soniyadan ortiq ushlab bo‘lmaydi. Agar to‘p raqibda bo‘lib, bir qo‘lda tutib turgan bo‘lsa, uni urib chiqarish mumkin, ikki qo‘lida bo‘lsa, urish mumkin emas. O‘yin qoidasi buzilsa, to‘p boshqa jamoaga beriladi va o‘yin erkin to‘p tashlash bilan boshlanadi. Erkin to‘p tashlash erkin zonadan tashqari joyda, hakam hushtagisiz boshlanadi. Bunda hujum qilayotgan jamoa o‘yinchilari zonadan tashqarida bo‘lishlari kerak. Agar o‘yin paytida to‘pni ikki o‘yinchi ushlab qolsa, tortishuv to‘pi belgilanadi. Bunda har ikkala jamoa o‘yinchisi to‘pdan 3 metr uzoqlashishi zarur, shunda u to‘pni yerga urib o‘yinga kiritadi. Har ikkala jamoa o‘yinchilari bir paytda xato qilsa yoki qandaydir sababga ko‘ra o‘yin to‘xtatilganda ham tortishuv to‘pi belgilanadi. Agar to‘p maydon chizig‘idan chiqib ketgan bo‘lsa, o‘yinchi to‘pni oyoqni yerdan uzmay, chiziq ortidan bir yoki ikki qo‘li bilan o‘yinga kiritishi mumkin. Darvozaga zarba berayotganda chiziqni bosish yoki darvoza maydoniga kirish mumkin emas, to‘pni uloqtirgandan so‘ng u chiziqdan o‘tsa xato hisoblanmaydi. Darvoza maydonida faqat darvozabon o‘ynaydi. U to‘pni har qanday usul bilan

(qo‘l, oyoq, tizzalari va boshi bilan) to‘xtatish huquqiga ega. To‘pni darvoza maydonida turib uzatish mumkin emas. Agar himoyachi o‘z darvozaboniga uzatgan to‘p darvozaga o‘tib ketib uni darvozabon to‘xtatsa, 7 metrli jarima to‘pi belgilanadi. Qo‘l to‘pi faqat qo‘llar bilan o‘ynaladi. Agar o‘yinchi uni oyog‘i bilan tepsa, hakam unga erkin to‘p tashlash bilan jarima beradi. Vaqtni cho‘zish uchun ataylab oyoq bilan o‘ynagan o‘yinchi maydondan chiqarib yuboriladi. Darvoza maydonidagi yoki dumalayotgan to‘pni olish mumkin emas. O‘yinchini to‘p bilan qo‘rqitish mumkin emas, buning uchun o‘yinchi maydondan chiqariladi. Raqib to‘pni darvozaga tashlayotganda, uning qo‘lini ushlab qolgan o‘yinchi maydonda yetti metrli jarima to‘pi bilan jazolanadi. Hujumchini turtish, mayka yoki trusigidan tortish, himoyalanish uchun o‘z darvoza maydoniga kirish taqiqlanadi. Maydondagi to‘pni o‘z darvoza maydoniga olib kirish mumkin emas, buning uchun 7 metrli jarima beriladi. Agar to‘p himoyachidan maydon tashqarisiga chiqib ketsa, burchak to‘pi belgilanadi. U yon chiziq va darvoza chiziqlari kesishgan joyda bajariladi. To‘p hakam hushtak chalganidan keyin otiladi. Burchak to‘pi darvozaga kirib ketsa hisoblanadi. Darvozabon ham o‘z darvoza maydonidan to‘pni raqib darvozasiga yo‘naltirib gol urishi mumkin. Darvozabon maydonga chiqib qo‘shimcha o‘yinchi bo‘la oladi, lekin u markaziy chiziqdan o‘tib ketsa, to‘p jamoadan olib qo‘yiladi. Agar to‘pni darvozabon to‘xtatsa yoki u to‘pni urgandan so‘ng hujumchi darvoza chizig‘idan tashqariga chiqib ketsa, to‘pni o‘z sheriklariga yetkazib bera olishi mumkin. Darvozabonga o‘z maydonidan to‘p bilan chiqish, maydon chizig‘i tashqarisidagi to‘pni tutib olish (xatoga yo‘l qo‘yilgan deb, 9 metrli jarima beriladi), to‘pni urishga tayyorlanayotgan o‘yinchini turtish yoki unga tahdid solish (7 metrli jarima to‘pi beriladi yoki maydondan chiqariladi) man etiladi. Maydondan chiqarilgan darvozabon o‘rnini zaxiradagi o‘yinchi egallaydi, lekin maydondagi bir o‘yinchi chiqarib yuboriladi.

Gandbolda erkin to‘p, yetti metrli jarima va aybdor o‘yinchini vaqtincha maydondan chiqarib yuborish singari uch xil jazo turi bor. Buzilgan qoida unchalik qo‘pol bo‘lmasa, o‘sha joydan erkin to‘p tashlash belgilanadi. Qo‘pol xato uchun o‘yinchi 3 va 5 daqiqaga yoki o‘yin oxirigacha almashtirishsiz o‘yindan chetlashtirilishi mumkin. Bunda jamoa bir o‘yinchisiz o‘yinni davom ettiraveradi. Agar hujumchi gol urayotganda qoidani buzsa, darvoza tomonga 7 metrli jarima belgilanadi, ba’zida o‘yinchi maydondan chiqarib yuborilishi mumkin. To‘qqiz metrli jarima to‘pi. Bunda raqibning jamoa a’zolari 9 metrli chiziqdan ortda turadilar. Himoyalanayotgan jamoa a’zolari esa darvozabonga orqa o‘girib turadilar (96-rasm). Zarba berilayotganda hakam hushtak chalishi shart emas. To‘pni darvozaga to‘g‘ridan to‘g‘ri emas, balki uni o‘zaro oshirib turib ham urish mumkin. Yetti metrli jarima to‘pi gandbolda katta jazo hisoblanadi. Uni darvozabondan tashqari har qanday o‘yinchi bajarishi mumkin. Zarba chog‘ida barcha o‘yinchilar 9 metrli chiziqdan tashqarida turadilar. Zarba berayotganda 7 metrli chiziqni bosish, tayanch oyoqni yerdan uzish mumkin emas. Qoidani buzib urilgan gol hisoblanmaydi, o‘sha joydan erkin to‘p belgilanadi. 7 metrli jarima to‘pi paytida darvozabon darvozadan 3 metrdan ortiq chiqishi mumkin emas. 96-rasm. Har bir jamoa hujum paytida to‘p bilan 45 soniyadan ortiq bo‘lmasligi kerak. Qoida buzilsa, to‘p hakam tomonidan raqib jamoaga olib beriladi. Jamoaning sport kiyimi bir xil rangda bo‘lishi lozim. 300 sm Mayka, trusik kiyish ham 97-rasm. mumkin, ammo maykaga raqam tikib qo‘yiladi. Oyoqqa paypoq va rezinali yumshoq poyabzal kiyiladi. Darvozabon kiyimi boshqa o‘yinchilar kiyimidan ajralib turadi. O‘yinga jarohat yetkazishi mumkin bo‘lgan narsalar (soat, zanjir, taqinchoqlar) bilan chiqish taqiqlanadi. 270 sm200sm 180sm

Gandbol maydoni 20 · 40 m dan iborat (mini-gandbol maydoni esa 9 · 18 dan 12 · 24 gacha) bo‘ladi. Darvozaning hajmi mini-gandbolda 1,80 · 2,70 metr bo‘ladi (97-rasm). Darvoza ikki xil rangga bo‘yaladi, oq va qora (yoki qizil va havorang). Darvoza maydoni 6 metr (yaxlit chiziq bilan belgilanadi), erkin to‘p urish chizig‘i 9 metr qilib belgilanadi (jarima to‘pi 7 metrdan uriladi). U darvoza to‘g‘risidagi 6 m li chiziqdan 1 metr narida joylashadi. Qizlar to‘pi yengilroq (250 — 280 gr), o‘g‘il bolalar to‘pi og‘irroq (424 — 475 gr) bo‘ladi.

Похожие

Basketbol

Basketbol o‘yinining O‘zbekistonda va jahonda rivojlanishi tarixi

Sport inshootlari klassifikatsiyasi va kategoriyalari

Futbol

O’zbekiston sport inshootlari