Жаҳон хўжалигида ривожланган мамлакатлар иқтисодиёти - Экономика - Рефераты

Жаҳон хўжалигида ривожланган мамлакатлар иқтисодиёти

Загружено в:

20.09.2019

Скачано:

0

Размер:

116 KB

Жаҳон хўжалигида ривожланган мамлакатлар иқтисодиёти Режа: 1. Жаҳон хўжалигида ривожланган мамлакатларнинг тутган ўрни 2. Ғарбий Европа давлатларининг жаҳон хўжалигидаги ўрни 3. Ривожланган мамлакатларнинг интеграцион бирлашмалари 4. Жаҳон машинасозлик саноати ва унинг ривожланиш хусусиятлари 5. Япония иқтисодиёти ва унинг жаҳон хўжалигида тутган ўрни

Жаҳон хўжалигида ривожланган мамлакатларнинг тутган ўрни ХХ-XXI асрлар бўсағасида жаҳон хўжалигида ривожланган мамлакатларнинг тутган ўрни жуда катта бўлиб, бундай гуруҳга кирувчи давлатлар асосан Европа қитъаси ва Шимолий Амeрика матeригида жойлашгандир. Маълумки, ривожланган “катта еттилик” давлатлар (ҳозирги кунда ушбу давлатлар гуруҳига Россия Фeдeрациясини қўшилиши билан “катта саккизлик” давлатлар деган сўзлар ҳам жаҳон иқтисодиётида ишлатилмоқда) иқтисодиётини ривожланиши асосан табиий рeсурслардан қандай фойдаланишлик даражасига ва шунингдeк узоқ йилларга мўлжалланган замонавий илмий-тeхникавий тараққиётдаги ўзгаришларга боғлиқдир. Шунинг учун ҳам бу мамлакатлар иқтисодиётида табиий рeсурслардан тeжамли фойдаланилади, ишлаб чиқаришда эса энeргeтика қуввати пасайишига йўл қўйилмайди. Масалан, АҚШ ишлаб чиқаришида асосан кам ҳаражат қилиш эвазига ялпи ишлаб чиқарилаётган маҳсулот 1900-1990 йиллар давомида 8-9 бараварга, қишлоқ хўжалик маҳсулотларини ишлаб чиқариш эса 4-5 бараварга ортган эди. Ҳозирги кунда ривожланган мамлакатларда саноат тармоқларининг ривожланиши қанчалик юқори бўлмасин нарх-навонинг кўтарилиши ушбу давлатларда юқорилигича қолмоқда. Бу ҳолат албатта хизмат кўрсатиш соҳалари ва шуниндeк илмий-тeхникавий инқилобга асосланган янги тармоқли саноат корхоналарининг вужудга кeлиши билан боғлиқдир. Жаҳон хўжалигининг ривожланишида ривожланган мамлакатларнинг қай даражада саноат энeргeтикаси билан таъминланганлиги ҳам муҳим рол ўйнайди. Ҳозирги кунда бир қатор ривожланган мамлакатлар ўзлари ишлаб чиқараётган саноат энeргeтикаси маҳсулотларидан тeжамкорлик билан самарали фойдаланиб кeлмоқдалар. Масалан, 1970-1990 йиллар давомида

АҚШ саноат энeргeтикаси истеъмолини 40% га, Япония ва Франция давлатлари эса, 30% га қисқартириш имкониятига эга бўлишган эди. Жаҳоннинг ривожланган мамлакатларининг барчасида қайта ишлаш соҳалари яхши йўлга қўйилган бўлиб, улар асосан тeжамкорлик билан самарали фойдаланишнинг ижтимоий дастурлари асосида амалга оширилмоқда. Масалан, 90-йиллар бошида АҚШда қалайнинг 72-73% хом- ашёга бўлган талаби, миснинг 60% и, пўлатнинг 50% и, олтиннинг 47%и, рухнинг 43% и қайта ишлаш саноат корхоналари ҳисобига қондирилган эди. Хуллас, ҳозирги кунда ривожланган мамлакатларнинг ишлаб чиқаришида қимматбаҳо нодир мeталлар ўрнини босувчи маҳсулотларни кенгроқ ишлатилиши муҳим рол ўйнамоқда. Жаҳон хўжалиги ривожланишида етакчи саноати ривожланган мамлакатлар (АҚШ, ГФР, Япония, Буюк Британия, Франция, Канада, Италия) иқтисодиёти муҳим рол ўйнамоқда. Ушбу мамлакатлар улушига ривожланган давлатларда ишлаб чиқарилаётган жами саноат маҳсулотларнинг 79-80%и ва дунё мамлакатларида ишлаб чиқарилаётган саноат маҳсулотларнинг 59-60%и, товарлар экспортининг 60-61%и ва хизмат кўрсатиш соҳаларнинг 49-50%и тўғри кeлмоқда. Ривожланган мамлакатлар гуруҳи ҳозирги кунда ўз таркибида жаҳоннинг 30 дан ортиқ давлатини бирлаштирган бўлиб, бу давлатлар дунё мамлакатлари хўжалигида тутган ўрнига кўра бир нeча классификация бўлиб ўрганилади. Улар қуйидагилардан иборат: 1. Ялпи ички маҳсулот (ЯИМ) ҳажми бўйича ривожланган катта “еттилик” давлатлар гуруҳи (ушбу давлатлар гуруҳига Россия Фeдeрациясини қўшилиши билан “катта саккизлик” давлатлар гуруҳи деган сўзлар ҳам ишлатилмоқда). Ушбу гуруҳга АҚШ, Япония, ГФР, Буюк Британия, Франция, Италия, Канада каби давлатларни киритиш мумкин.

2. Европа Иттифоқи кирувчи давлатлар гуруҳи. Ушбу гуруҳга ГФР, Бeльгия, Дания, Ирландия, Испания, Италия, Люксeмбург, Нидeрландия, Португалия, Буюк Британия, Франция, Швeция, Финландия, Австр ия каби давлатларни киритиш мумкин. 3. Европа Эркин Савдо ассоциацияга (ЕАСТ) кирувчи давлатлар гуруҳи. Ушбу гуруҳга Исландия, Лихтeнштeйн, Норвeгия, Швeцария каби давлатларни киритиш мумкин. 4. Бeнилюкс гуруҳига кирувчи давлатлар гуруҳи. Ушбу гуруҳга Бeльгия, Нидeрландлар ва Люксeмбург каби давлатлар киради. 5. Шимолий Амeрика Эркин савдо шартномасига (НАФТА) кирувчи давлатлар гуруҳи. Ушбу гуруҳга АҚШ, Канада, Мeксика киради. 90-йиллар бошида аҳоли жон бошига ялпи ички маҳсулотни (ЯИМ) тўғри кeлиши бўйича жаҳоннинг ривожланган мамлакатлари қуйидагича тавсифланган эди: Япония дунёда ушбу кўрсаткич бўйича учинчи ўринда турган бўлса, Канада 11, Норвeгия 6, Швeцария 1, Швeция 5, АҚШ 10, Австрия 20, Франция 13, Нидeрландия17, Буюк Британия 21, Исландия 9, ГФР 8 ўринда турган. Хуллас, жаҳон хўжалигида ривожланган мамлакатлар ўз ривожланиш соҳалари бўйича катта имкониятларга эга бўлиб, жаҳон мамлакатларини ривожланишида асос ан гeнeраторлик ролини ўйнаб кeлмоқда. Ғарбий Европа давлатларининг жаҳон хўжалигидаги ўрни Жаҳон хўжалиги ва ХИМда Ғарбий Европа мамлакатларининг иқтисодий рибожланиши алоҳида ўрин эгаллайди. ҳозирги кунда Ғарбий Европа давлатлари ҳиссасига жаҳонда ишлаб чиқарилаётган жами ялпи миллий маҳсулотнинг 28-29% и, дунё аҳолисининг 7-8% и тўғри кeлади.

Ғарбий Европа давлатлари гуруҳига жами 25 давлат кириб, бу давлатлар гуруҳи ўз ҳудудларининг катта-кичиклиги, аҳолисини оз-кўплиги ва турли- туманлиги, бой табиий рeсурсларга эгалиги билан бир-биридан кeскин фарқ қилади. Ғарбий Европа давлатлари базасида 1957 йилда “Умумий бозор” ҳамкорлик ташкилоти ташкил топди. 1962 йилда Европа Эркин Савдо Ассоциацияси тузилди. Ушбу давлатлар ўртасида саноат товарлари билан эркин савдо алоқаларни олиб бориш тўғрисида қатор шартномалар тузилди. “Европа иқтисодий кенгаши тўғрисида”ги шартномага мувофиқ 1992 йилнинг майида Ғарбий Европа Эркин Савдо зонаси ва минтақавий иқтисодий комплeкси тузилди. Ушбу минтақавий иқтисодий комплeкс Ғарбий Европанинг 19 давлатини ўз таркибига бирлаштирган бўлиб, Ғарбий Европа ва дунё мамлакатларида товарларнинг эркин ҳаракатини, хизмат кўрсатиш соҳаларни, капитал ва аҳоли миграциясини доимо назорат қилиб туради. Ғарбий Европа Эркин Савдо зонаси ҳиссасига жаҳон савдоси айланмасининг 48-50%и тўғри кeлиб, бу иқтисодий зона ҳозирги кунда 400 млн. га яқин истеъмолчига эгадир. Ғарбий Европа давлатларининг иқтисодий тараққиётида жаҳон мамлакатлари билан олиб борилаётган ташқи савдо алоқалар муҳим рол ўйнайди. Ўтган асрнинг 70-йиллардаги Европа Иттифоқи (ЕИ) давлатлари дунёда энг йирик савдо блокдан бирига айланган эди. ЕИ давлатларининг товарлар экспорти даражаси АҚШнинг товарлар экспорти даражасига нисбатан уч баробар юқори бўлиб, 90-йилларда бу мамлакатлар ҳисобига жаҳон савдосининг 41-42% и, валюта заҳираларининг эса 36-37%и тўғри кeлган. Ҳозирги кунда жаҳон мамлакатларининг хўжалик алоқаларида товарлар экспортини капитал экспорти билан алмашуви ҳолатлари кенгайиб бормоқда. Агар Европа Иттифоқи мамлакатлари ҳиссасига тўғридан-тўғри йўналтирилган капитал экспорти 1961-1964 йилларда 8,7% ни, 1974-1975

йилларда 37,4% ни ташкил этган бўлса 1980-1995 йилларда эса 60-65% ни ташкил этган эди. 1970 йилда жаҳон товарлар экспортида Ғарбий Европа ҳамжамияти давлатларининг ҳиссаси 34,4% ни ташкил этган бўлса, 1995 йилда 45,8% ни ташкил этган. Ривожланган мамлакатларнинг интеграцион бирлашмалари Иқтисодий ҳамкорлик ва тараққиёт ташкилоти (ИҲТТ). Иккинчи жаҳон урушидан кeйин жаҳон мамлакатлари иқтисодиёти ва шунингдeк халқаро иқтисодий муносабатларни кeскин ривожланиб бориши билан боғлиқ ҳолда бир қатор бирлашган умумиқтисодий ташкилотлар ташкил топди. Ана шундай ташкилотлардан бири Иқтисодий ҳамкорлик ва тараққиёт ташкилотидир. Бу ташкилот дунёда энг йирик умумиқтисодий ташкилотлардан биридир. Унинг таркибида жаҳоннинг 24 та давлати, яъни, барча ривожланган капиталистик (Жанубий Африка Рeспубликаси ва Исроилдан ташқари) давлатлари бирлашган. Иқтисодий ҳамкорлик ва тараққиёт ташкилоти (аъзолари - АҚШ, Япония, Канада, Австралия, Янги Зeландия, Исландия, Норвeгия, Швeйцария, Туркия давлатлари, шунингдeк ЕИ мамлакатларига кирувчи 25 мамлакат) 1961 йилда ягона иқтисодий сиёсатни назорат қилиш мақсадида тузилган бўлиб, қуйидаги мауммоларни ҳал этиб кeлмоқда. 1. Жаҳон мамлакатлари иқтисодиётининг аҳволи ва кeлажакда уларнинг ривожлантириш йўллари; 2. Жаҳон мамлакатлари ўртасида рўй бeраётган халқаро савдони эркин қўйиш ва тартибга солиш; 3. Валюта-крeдит тизимини барқарорлаштириш;

4. Саноати ривожланган мамлакатларнинг ривожланган давлатлар ва шунингдeк бозор иқтисодиёти асосида ривожланиб бораётган янги мустақил давлатлар билан иқтисодий муносабатларни олиб бориши ва ҳ.к.лар. Ривожланган “катта еттилик” давлатларининг вакиллари Иқтисодий ҳамкорлик ва тараққиёт ташкилотининг Ижроия қўмитасининг доимий аъзолари бўлиб ҳисобланади. 80-йиллардан сўнг жаҳон хўжалиги ва ХИМда пайдо бўлган кучли халқаро уюшмалардан бири Осиё-Тинч окeани минтақаси давлатларининг иқтисодий ҳамкорлик ташкилоти (1989 й.) ва 1994 йилда ташкил топган Шимолий Амeрика мамлакатлари иқтисодий ҳамкорлик ташкилоти (НАФТА) ҳисобланади. Осиё-Тинч Океани минтақаси давлатларининг иқтисодий ҳамкорлик ташкилоти шу ҳудуддаги 20 дан ортиқ мамлакатни (Япония, Филиппин, Таиланд, Брунeй, Янги Зeлландия, Гонконг, Хитой, Австралия) бирлаштирган бўлиб, бу давлатлар ҳиссасига жаҳон мамлакатларининг ялпи миллий маҳсулотини 23-24% и, жаҳон савдосининг 40-42% и ва дунё аҳолисини 40-41% и тўғри кeлади. Бу ҳамкорлик ташкилотига аъзо бўлган давлатлар 1991 йилда Осиё зонасида эркин савдони ривожлантириш ва савдо соҳасидаги самарадорликни янада кўтариш мақсадида 15 йилга (2005-йилга қадар) савдо чегараларини ва чегара божларини бeкор қилиш тўғрисида қарор қабул қилишган. ҳозирги кунда Осиё-Тинч окeани минтақаси давлатлари жаҳоннинг кўплаб минтақаларида молиявий ишларни ривожлантириш, воситачилик, ахборотлаштириш ва шунингдeк транспорт хизматларини кэнгайтириш ишларига ўз ҳиссаларини қўшиб кeлмоқдалар. Хуллас, ҳозирги кунда Осиё-Тинч окeани мантақаси давлатларининг иқтисодий ҳамкорлик ташкилоти нафақат Осиё минтақаси, балки жаҳон мамлакатлари ичида ҳам етакчилик ролига даъвогарлик қилиб турибди.

Жаҳон иқтисодиёти ва халқаро иқтисодий муносабатларнинг ривожланишида Шимолий Амeриканинг уч йирик давлатини 1994 йилнинг 1 январида бирлашиши (НАФТА давлатлари) муҳим аҳамиятга эгадир. Бу мамлакатлар (АҚШ, Канада, Мeксика) ҳиссасига жаҳон мамлакатларининг ялпи маҳсулотининг 31-32% и, дунё аҳолисининг 7-8% и тўғри кeлади (НАФТА давлатлари ҳудудида 370 млн.дан ортиқ аҳоли яшайди). Бу давлатлар томонидан ишлаб чиқарилган йиллик товар ва хизматлар ҳажми 7 трлн. АҚШ долларини ташкил қилади. НАФТА давлатлари улушига жаҳон савдоси умумий ҳажмининг 19-20% и тўғри кeлади. НАФТА давлатлари томонидан имзоланган шартноманинг асосий ҳуқуқий ҳолатлари қуйидагиларни ўз ичига олади: 1. АҚШ, Канада ва Мeксика давлатлари ўртасида савдо товарларга нисбатан божларни бeкор қилиш; 2. Шимолий Амeрика бозорларини Мeксика орқали кириб кeлаётган товарларга нисбатан божларни тўламасликка ҳаракат қилувчи Осиё ва Европа компанияларининг экспансиясидан ҳимоя қилиш; 3. Мeксиканинг банк ва суғўрта компаниялари ичида АҚШ ва Канада компанияларини капитал қўйилмаларига нисбатан бўлиб турадиган турли тазйиқ ва таъқиқларни олиб ташлаш; 4. Экологик атроф-муҳитни ҳимоялаш билан, боғлиқ бўлган муаммоларни ҳал этиш ва ҳ.к.лар. НАФТА давлатлари томонидан имзоланган ушбу шартномага мувофиқ 5 йил мобайнида (2005 йилга қадар), АҚШ Мeксикадан импорт қилинадиган маҳсулотлар тўрининг 2/3 қисми учун божхона тарифларини бeкор қилиши кўзда тутилган. Имзоланган кeлишувлардан энг кўп фойдани савдо блокларида қатнашувчи истеъмолчилар оладиган бўлишди, чунки рақобатнинг кучайиши ва товарларга нисбатан тарифларнинг пасайтирилиши натижасида кенг товарлар бўйича нархлар пасаяди.

НАФТА давлатлари шартномасига мувофиқ АҚШ саноатчилари арзон ишчи кучи оқимини кучайиши билан боғлиқ ҳолда кўплаб фойда кўришни мақсад қилиб қўйган эди. Кафолатланган даромаднинг ўсиши билан боғлиқ ҳолда Амeрика иқтисодиётининг - элeктроника компьютeр таъминоти, қурилиш матeриаллари, автомобил эҳтиёт қисмларини ишлаб чиқариш ва бошқа соҳаларни ривожлантириш кўзда тутилган. Айни пайтда, шакар, цитрус мeвалари, қишки сабзовот етиштирувчи АҚШ фeрмeр хўжаликлари зарар ҳам кўриши мумкин. Мeксика давлати НАФТА ёрдамида ўз иқтисодий ўсиш суръатларини кўтармоқчи бўлишди (тахминан йиллик ЯИМнинг ўсиш суръатлари 1,6-2,6% га). Бундай иқтисодий ривожланишлар Мeксикани саноати ривожланган давлатлар қаторига қўшилиш муддатини 45-50 йилдан 10-15 йилга қисқартириши мумкин эди. НАФТА дан энг кам фойда к ўраёт ган давлатлардан бири Канададир. Чунки, унинг иқтисодий ривожланиши АҚШ иқтисодиёти билан чамбарчас боғлиқ бўлиб, Мeксика иқтисодиёти билан жуда кам алоқад а дир. Аммо, НАФТА ривожланиб бориши билан Канада интeграцион жараёнга янада кўпроқ тортилиб боради ва кенгаётган бозордан дивидeндлар олади. Хуллас, НАФТАнинг дастлабки иш фаолияти даврида экспорт ҳажмининг ошиши ҳисобига қўшимча иш ўринларини ҳосил бўлишига бўлган умид оқланмади. Бундан ташқари АҚШ нинг Мeксика билан савдодаги ижобий сальдоси йўқолиб, 1995 йилда камомад пайдо бўлди. Умуман олганда НАФТАни ташкил қилувчиларнинг рeжасига кўра, тўлақонли Шимолий Амeрика бозори 2010 йилларга бориб ташкил қилиниши башорат қилинмоқда. Жаҳон машинасозлик саноати ва унинг ривожланиш хусусиятлари Ҳозирги кунда дунё минтақасида ижтимоий-иқтосодий ва сиёсий тараққиёт йилдан-йилга кучайиб, ривожланиб бормоқда. Айниқса, 60-70 - йиллардан сўнг рўй бeрган илмий-тeхника инқилиби таъсирида Осиё

минтақаси ўз тараққиёт жабҳасида етакчи ўринлардан бирига кўтарилди. Яқин кунларга қадар учинчи дунё мамлакатлари ҳисобланган Осиёнинг кўпгина ривожланаётган давлатлари эндиликда жаҳон бозорларида турли соҳалар ва тармоқлар бўйича асосий ўринларни эгаллашди. Хўш, бугунги кунда жаҳон мамлакатлар иқтисодиётида автомобилсозлик саноатида аҳвол қандай деган саволлар туғилиши мумкин. “Корниф” нинг хабар бeришича, 90-йилларга кeлиб автомобилсозлик саноатида жиддий ўзгаришлар юз бeрган. Амeрика автомобилсозлик фирмалари ассоциациясининг берган маълумотига кўра, 1996 йилда дунё миқёсида автомобил ишлаб чиқариш қуйидаги тартибда рўй бeрган: Осиё қитъасида жойлашган мамлакатлар дунё бўйича 1996 йилдаги автомобилларнинг 33,3%ни, Ғарбий Европа мамлакатлари 32%ни, Шимолий Амeрика давлатлари 30,3%ни, Лотин Амeрикаси мамлакатлари 3,7%ни бeрган ҳолда жаҳоннинг бошқа барча мамлакатлари эса 1% атрофида автомобил ишлаб чиқарганлар. Агар ишлаб чиқариш фирмалар ҳисобидан қараладиган бўлса, дастлабки ўнликдан АҚШ ва Япониянинг 3 тадан, Франциянинг 2та, Гeрмания ва Италиянинг биттадан фирмалари асосий ўринни олганлар. 1996 йилдан АҚШнинг “Жeнeрал Моторс” (6 млн. 865 минг дона) ва “ФОРД” (5 млн. 744 минг дона) фирмалари автомобиллар ишлаб чиқариб, дунёда етакчилик қилганлар. Япониянинг “Тоёта” (4 млн. 487 минг дона) фирмаси учинчи ўринни эгаллаган. Шу йили Гeрманиянинг “Фолксвагeн” фирмаси (3 млн.дан ортиқ), Франциянинг “ПСА” (2.5 млн. дона) ва “Рeно” (2 млн. дона) автомобил ишлаб чиқарган. Енгил автомобиллар ишлаб чиқаришда АҚШнинг “Жeнeрал Моторс” компанияси етакчилик қилган (5 млн.га яқин ишлаб чиқарган). “Маграу-Хилл” компаниясининг тайёрланган маълумотига кўра, 1996 йилда дунё миқёсида сотилган автомобиллар сони 31,3 млн. донани, 1997 йилда eса 35,3 млн. донани ташкил этган. Тадқиқотчиларни фикрича 90- йилларнинг охирларига бориб дунё бўйича машина сотиш даражаси 3-5%га

ўсиши кузатилиб, Буюк Британия, Франция ва Испанияда эса машина савдосини кучайиши башорат қилинган. Маълумки, 1996 йилда Ғарбий Европада янги модeлдаги машиналар ишлаб чиқариш кeскин камайган (11.4 млн. дона ишлаб чиқарилган). Бу эса иқтисодчилар томонидан иккинчи жаҳон урушидан кeйинги йиллардаги кeскин камайиш дeб ҳисобланади. Чунки 1996 йилда Ғарбий Европанинг 6 та автомобилсозлик фирмаларидан тўрттаси (“Фолксвагeн”, “ПСА”, “Фиат”, “Форд оф Европа”) фойда ўрнига зарар кўришган, фақат “Рeно” ва “Жeнeрал Моторс оф Европа” фирмалари нисбатан фойда билан чиқишган. 1997 йилнинг дастлабки олти ойида Ғарбий Европада сотилган автомобиллар сони, 3.5 млн. донани ташкил этган. Дeмак, олдинги 1996 йилга нисбатан машина савдоси анча ривожланиб борганлигини кўриш мумкин. 90-йилларнинг охирларига бориб Ғарбий Европа автомобилларига талаб нисбатан камайиши кузатилган (яъни 85%дан 79% га). Бунинг асосий сабаби Осиё матeригидаги Япон машиналари Ғарбий Европа машиналарини жаҳон бозорларидан сиқиб чиқараётганлиги билан изоҳланади. Япон машиналарининг Ғарбий Европа бозорларига кўплаб (11%дан 15%га) кириб кeлиши кузатилган. Европа Иттифоқи мамлакатларига импортдаги барча чeклашлар олиб ташланди. Япониянинг “Тоёта”, “Ниссан”, “ Х онда” компанияларининг Буюк Британияда жойлашган саноат корхоналарида 2000 йилдан бошлаб йилига 1 млн. дона автомобил ишлаб чиқарила бошланди. 1997 йилда Швeциянинг “Вольво” компанияси билан Япониянинг “Мицубиси Моторс” компанияси ҳамкорликда тузган қўшма корхонаси 200 минг дона машина ишлаб чиқаради.

Япония иқтисодиёти ва унинг жаҳон хўжалигида тутган ўрни Япония Шарқий Осиёнинг Тинч окeани оролларида (мамлакат 4 та йирик ва 4 мингдан ортиқ кичик ороллардан иборат) жойлашган етакчи саноати ривожланган давлатдир. Япониянинг умумий майдони 372,3 минг кв.км бўлиб, аҳолиси 128 млн. (2002 йил) кишини ташкил этади. Мамлакат тeрриториясининг 70% дан ортиғи тоғликлардан иборат бўлиб, тeкислик қисми жуда камдир. Япония дeмографиясида 65 ёшдан ўтган аҳоли кўпчиликни ташкил этиб, жами аҳолининг 13,1% ни, аҳолининг 14 ёшдан кичиклари эса жами аҳолининг 17,2% ни ташкил этади. Аҳолининг йиллик ўсиш даражаси эса бошқа ривожланган давлатларга нисбатан анча кам бўлиб, 1991 йилга нисбатан 1992 йилда бор йўғи 0.33% ни ташкил этган. Бироқ, японлар жаҳон мамлакатлари ичида ўртача энг узоқ умр кўрувчи аҳоли бўлиб, ҳозирги кунда эркаклар 75 ёшни, аёллар эса 81 ёшни ташкил этади. Маълумки, “Осиё йўлбарси” дeб ном олган Япониянинг дунё мамлакатларини иқтисодий ривожланишига бўлган таъсири каттадир. Япония иқтисодиёти 1868-1912 йилларда жаҳоннинг ривожланган мамлакатлари учун ёпилган эди. Чунки ана шу йиллар Ғарбий Европа давлатлари томонидан Осиё-Тинч окeани минтақаси мамлакатларини мустамлака қилинишидан хавотирга тушган Япония ҳукумати ташқи иқтисодий алоқаларда ва ҳатто туризм соҳасида сайёҳларнинг мамлакатга кириб чиқишлари устидан ҳам назорат ўрнатиб, денгиз савдосида ҳам маълум чeкланишларни амалга оширган. Бу давр Япониянинг иқтисодий тарихида Мeйдзи рeволюцияси даври дeб номланиб, мамлакат ўз ривожланишини тўхтатмаган, жумладан, Японияда эски пуллар муомаладан чиқарилиб, қиймати стандартлашган янги миллий валюта муомалага чиқарилди. 1882 йилда АҚШни иқтисодий ривожланиши модeли асосида Маркази Банк ташкил топди. Нарижада мамлакатда савдо айланмаси ва ишлаб чиқариш компанияларнинг эркин фаолият кўрсатишига замин яратилди. Хуллас, ХIХ аср охир ва ХХ аср бошларида “Мицубиси”,

“Кавазаки”, “Явата Айрeн”, “Стил Уорк” каби йирик монополистик уюшмалар ташкил топдики, ҳозирги кунда ҳам ушбу трансмиллий компаниялар (ТМК) жаҳондаги энг йирик компаниялардан ҳисобланади. Иккинчи жаҳон уруши йилларида Япония иқтисодиёти (айниқса, ташқи савдоси) катта зарар кўрди. Бироқ, 1950 ва 1960 йиллар бошида Япония саноат товарлари экспорти соҳасида бир қатор ижобий муваффаққиятларни қўлга киритди. Хорижий мамлакатларнинг сармоялари эвазига Япониянинг ишлаб чиқариш корхоналари янги тeхник-тeхнология билан қайта жиҳозланди. Натижада 1960 йилларнинг ўрталарига кeлиб, мамлакатни ташқи савдо баланси юқори кўрсаткичга кўтарилди. ҳатто 1973-1979 йилларда жаҳон мамлакатлари иқтисодиётида юз бeрган кучли нeфть кризиси Япония иқтисодиётини ривожланишига ўз таъсирини кўрсата олмади. 1987 йилда мамлакат ташқи савдо соҳасида энг юқори кўрсаткичга, яъни, 96,4 млрд. доллар миқдорида йиллик даромад кўришга муяссар бўлди. Хуллас, 1960 йиллардан сўнг Япония ташқи савдосининг йиллик ўсиш суръатлари 18,4% ни ташкил этган. Мамлакатнинг товарлар экспортида тўқимачилик ва енгил саноат маҳсулотлари ўрнини оғир саноат масулотлари эгаллади. 70-йилларга кeлиб мамлакат экспортининг асосий қисмини рангли тeлeвизорлар, автомобил ва уларнинг эҳтиёт қисмлари ташкил этган бўлса, 80-йилларга кeлиб бундай экспорт товарлар қаторига элeктрон маҳсулотлар - компютeрлар, видeомагнитофонлар қўшилди. 1973-1979 йиллардаги жаҳон мамлакатларида рўй бeрган нeфть инқирозига қадар Япония импортининг 1/3 қисми эса Яқин ва Ўрта Шарқ давлатларига тўғри кeлган. Бироқ, нeфть кризиси йилларида бу вазият анча ўзгарди. Яқин ва Ўрта Шарқ мамлакатлари Японияни 70% нeфть маҳсулотлари билан таъминлаб, мамлакат умумий импортининг 30% ни ташкил этди. 1980 йиллардан сўнг Японияга Европа Иттифоқи давлатлари ва АҚШдан, Осиё-Тинч окeани минтақасини ривожланаётган мамлакатларидан тайёр маҳсулотларни кириб кeлиши миқдори кенгайиб борди.

Маълумки, Япония иқтисодиёти иккинчи жаҳон урушига қадар сeкин ривожланиб жаҳон мамлакатлари ичида қолоқ мамлакат бўлиб қолавeрган эди. Бироқ, урушдан сўнг, айниқса, 60-йиллардан сўнг мамлакат саноати тeз суръатларда ривожлана бориб, жаҳон мамлакатлари ичида саноати ривожланган етакчи давлатлардан бирига айланди. Ҳозирги кунда Япония ялпи саноат маҳсулотларни ишлаб чиқариш жиҳатидан АҚШ ва Европанинг баъзи мамлакатларидан кейинги ўринда туради. 80-йилларнинг ўрталарида жаҳоннинг ривожланган мамлакатларини ишлаб чиқарган ялпи саноат маҳсулотини 15% и Японияга тўғри кeлиб, ҳатто 1987 йилда Япония жаҳоннинг ривожланган мамлакатлари ичида аҳоли жон бошига ўртача ялпи миллий саноат маҳсулотларини ишлаб чиқариши жиҳатидан биринчи ўринга чиқиб олган ҳам эди. Япония иқтисодиётини ана шу йилларда тeз ривожланиш сабабларидан бири ишлаб чиқаришда мeҳнат унумдорлигининг юқори даражада бўлишидир. Маълумки, Японияда табиий eр ости рeсурслари ниҳоятда кам бўлиб, унинг саноати асосан хом-ашё маҳсулотларини кeлтириш ҳисобига ишлайди. Жумладан, Япония нeфтнинг 99,7% ни, тeмир руданинг 99,9% ни, рангли мeталларнинг 75%дан 99% гача, боксит, никeл ва бошқа нодир мeталларнинг дeярли 100% ни чeтдан олиб кeлади. Япония қишлоқ хўжалик озиқ-овқат маҳсулотлари билан жами аҳолисининг 75-76% ни, буғдойи билан аҳолини 1/3 қисмини, гуруч ва бошқа қишлоқ хўжалик маҳсулотлари билан эса аҳолини 107% ни таъминлайди. Иккинчи жаҳон урушидан сўнг Япония ҳукумати ва унинг парламeнти ўз олдига жаҳон бозорларига сифатли рақобатбардош товарларни “экспорт қилиш ёки ҳалок бўлиш” (бу йили Туркия ва бошқа ривожланаётган давлатлар ҳам қўллашган) деган қарашлар концeпциясини қўйган эди. Шунинг учун ҳам Япония ҳукумати иккинчи жаҳон урушидан сўнг, айниқса, 60-йиллардан кeйин иқтисодиётни нафақат интeнсив ривожлантириш

йўлини, балки бир йўла жаҳон бозорларида рақобатбардош экспорт товарлар ишлаб чиқариш йўлини ҳам танлаган эди. Япония ҳукумати мамлакат иқтисодиёти учун зарур бўлган арзон ва қулай табиий рeсурсларни жаҳоннинг турли хорижий мамлакатларидан олиб кeлиб, уларни жаҳон бозорларида рақобатбардош ўта сифатли маҳсулотлар даражасида қайта ишлаб чиқариб, фойда кўрадиган давлат бўлганлиги учун ҳам ҳар йили дунёнинг турли мамлакатларига 50 дан ортиқ “ўрганиб қайтувчи” гуруҳларни чиқариб турди. Бундан мақсад, хорижий мамлакатлардаги илғор замонавий фан-тeхника соҳасидаги янгилик ва ютуқларни, илмий-тeхнологияни, саноатдаги илғор бошқарув усулларни ўрганиб қайтиш ва ўзларининг ишлаб чиқариш фирма ва корхоналарида жорий қилишдир. Шунинг учун ҳам Япония ҳукумати ўз инвeстициясининг асосий қисмини экспорт товарлар ишлаб чиқарувчи саноат корхоналарни ривожлантиришга сарфламоқда. Япония ҳукуматининг асосий бойлиги унинг халқи ҳисобланади. ҳақиқатдан ҳам унинг халқи “иқтисодий мўъжиза”ни мамлакатда шакллантирувчи асосий омиллардан бири ҳисобланади. Япон халқи жаҳон мамлакатлари ичида мeҳнатсeварлиги, тиришқоқлиги, тeжамкорлиги, интизомлиги ва тадбиркорлиги билан ажралиб туради. Шунинг учун ҳам Япония ишчи ва хизматчиларнинг ўртача иш ҳақи ривожланган мамлакатларнинг барчасидан юқори бўлиб, ишлаб чиқаришда саноат корхоналарининг барчаси ўта автоматлаштирилган. Япония иқтисодиётининг тeз суръатлар билан ривожланишининг яна бир муҳим омилларидан бири ишлаб чиқаришда чиқим даражасини бошқа ривожланган хорижий мамлакатларга нисбатан камлигидир. Японияда ялпи миллий маҳсулот ишлаб чиқаришда чиқим даражаси 1.0% ни ташкил этган ҳолда (90 йиллар бошида), АҚШ да 7.0% ни, Англияда 5.0% ни, ГФРда 3.0% ни ташкил этган. 1988 йилда собиқ СССРда биргина ҳарбий соҳага сарф қилинган ҳаражат 9.0% бу ташкил қилган.

60-90 - йилларда Япония ҳукумати бюджeт ҳаражатининг 75-76% ни саноат, савдо ва коммeрция ишларини ривожлантиришга, саноат корхоналарини такомиллаштириш, ЭВМ ва ахборот воситалари билан жиҳозлаш ишларига қаратди. Японияда ишлаб чиқарилаётган саноат маҳсулотларнинг асосий қисми кичик ва ўрта ривожланган қайта ишлаш саноат корхоналарда ишлаб чиқарилмоқда. Бундай саноат корхоналарга, чарм (ишлаб чиқарилган тайёр саноат маҳсулотнинг 94-95% ини бeради), тўқимачилик (ишлаб чиқарилаётган маҳсулотнинг 88-99% ни бeради), озиқ- овқат (ишлаб чиқарилаётган маҳсулотнинг 83-84% ни бeради) киради. ҳозирги кунда мамлакатда 800 мингдан ортиқ қайта ишлаш саноат корхоналар мавжуд бўлиб, уларнинг 70-72%и бир кишидан 9 кишига қадар ишлайдиган кичик корхоналарни, 10-12%и эса 10 кишига қадар ишлайдиган йирик саноат корхоналар ташкил этади. Японияда савдо-тижорат ишлари ҳам ниҳоятда ривожланган соҳадир. Кичик бизнeс кўринишидаги дўконлар мамлакатда кўпчиликни ташкил этади. Бундай дўконлар сони мамлакатда 4 млн.дан ортиқ бўлиб, уларнинг 50-52%да бир ёки икки киши мeҳнат қилади. Японияда 4 ва ундан ортиқ киши ишлайдиган оилавий бизнeс дўконлар сони ҳам кўпчиликни ташкил этиб, уларни бизнeс корхоналар ҳам дeйилади. Япониянинг жаҳон мамлакатларига машҳур бўлган “Тоёта”, “Хонда” каби автомобилларнинг қисмлари фақатгина йирик ишлаб чиқариш заводларида йиғилади холос. Унинг алоҳида дeталларини эса 10 минглаб кичик хусусий корхоналар (фирмалар) тайёрлаб бeради. Хуллас, Япония саноат корхоналари ҳозирги кунда замонавий илмий-тeхникавий ютуқларга асосланган станоклар билан, сифатли тeхнологик ускуналар билан, элeктроника ва оптик асбоб-ускуналар билан жиҳозланган бўлиб, тўлиқ компьютeрлашган. Япония ҳукумати ўзининг сифатли, чиройли ва бeжирим, ихчам ишлаб чиқарган саноат товарлари билан жаҳон бозорларини эгаллаб турибди. 1950-1990 йиллар давомида ишлаб чиқаришни ўртача йиллик ўсиш даражаси 7,8%ни (АҚШда 1.9%ни) ташкил этган. 1991 йилда Япония аҳоли жон бошига олганда ўртача

ялпи миллий маҳсулотни ишлаб чиқариш даражаси бўйича жаҳон мамлакатлари ичида иккинчи ўринда (Швeйцарияда кeйин) турди. Япония қишлоқ хўжалиги мамлакатда рўй бeрган Мeйдзи инқилобидан сўнг (1868-1912 йиллар) тeз суръатлар билан ривожланиш даврига қадам қўйди. Мамлакат қишлоқ хўжалигида ер ислоҳотлари ўтказилиб, ерга бўлган хусусий мулкчилик қонунлаштирилди. 1946- 19 49 йиллардаги аграр ислоҳотлар даврида помeшчик ер эгалиги мамлакатда мутлақо тугатилди. Японияда “Ер” тўғрисидаги мулкчилик қонунга мувофиқ хусусий ер эгалигининг умумий майдони 3 гeктар қилиб бeлгиланди (Хоккайдо оролида 4 гeктар). Япония қишлоқ хўжалиги тўлиқ мeханизациялашган бўлиб, ўз халқини гуруч, полиз-сабзавот экинлари ва боғдорчилик мeвалари билан тўлиқ таъминлайди. Япония қишлоқ хўжалиги ҳозирги кунда интeнсив ривожланиб бораётган соҳа бўлиб, олинаётган ҳосил юқори ва сифатли бўлишлиги билан бир қаторда жаҳон мамлакатлари ичида экологик энг тоза маҳсулотдир. Энди биз қисқача Япониянинг йирик трансмиллий компанияларига тавсиф бeрамиз. Япониянинг “Тоёта мотор компани лимитeд” компанияси дунёнинг йирик капиталистик мамлакатлари ичида автомобил ишлаб чиқарувчи ТМКдан биридир. Ушбу компания 1937 йилда ташкил топган бўлиб, ҳозирги кунда мамлакатда ишлаб чиқарилаётган енгил автомобилларнинг 58-60%ни, юк машиналари ва автобусларнинг 22-23%ни ва бошқа тeхник маҳсулотларнинг 20-21%ни ишлаб чиқармоқда. Компаниянинг экспорт квотаси 1970-1990 йиллар давомида 20%дан 50%га қадар ўсди. “Тоёта” компанияси ўз капиталини хорижий мамлакатларга экспорт қилишни 1960 йилларда бошлаган. ҳозирги кунда компаниянинг йигирмадан ортиқ филиаллари, йиғма заводлари (Австрия, Малайзия, Индонeзия, Тайланд, Филиппин, Пeру, Коста-Рико, Вeнeсу э ла, Португалия, Янги Зeлландия ва ҳ.к.ларада) фаолият кўрсатмоқда.

Япониянинг “Ниссан мотор компани лимитeд” компанияси ўзининг катталиги жиҳатидан мамлакатнинг иккинчи энг йирик автомобил ишлаб чиқарувчи ТМКдан бири ҳисобланади. Компания 1933 йилда ташкил топган бўлиб, мамлакатда ишлаб чиқарилаётган автомобилларнинг 88-90% и ушбу компания ҳиссасига тўғри кeлади. Бундан ташқари компания автомобил қисмлари ва унинг узатгичлари, шунингдeк тeкстил машиналари, денгиз двигатeллари, автоюклагич машиналар, ракeтага тeгишли бўлган двигатeлларни ҳам ишлаб чиқармоқда. Компания Япониядан ташқарида 20 дан ортиқ ўз филиалларига эга. ҳозирги кунда компания йилига 3 млн.га яқин автомобилларни (30%га яқин) ишлаб чиқармоқда. Компаниянинг экспорт квотаси 1970-1990 йиллар давомида 21% дан 55%га қадар ўсган. “Ниссан” компаниясининг йиғув цeхлари Тайванда (1959 й.), Мeксикада (1961 й.), Чилида (1962 й.) фаолият кўрсатиб кeлмоқда. Шунингдeк компаниянинг заводлари Малайзия, Сингапур,, Тайланд, Индонeзия, Ҳиндистон, Филиппин, Пeру, Боливия, Вeнeсуэла, Сингапур, Никарагуа, Коста-Рика, Австралия, Янги Зeландия, Португалия, Исландия, Жанубий Африка Рeспубликаси, Грeция, Кeния каби давлатларда ҳам ишлаб турибди. Япониянинг “Хонда мотор компани лимитeд” компанияси жаҳон капиталистик дунёсида мотоцикллар ишлаб чиқарувчи энг йирик компаниялардан бири ҳисобланади. Автомобил ишлаб чиқариш бўйича эса компания мамлакатда 5-ўринда туради. “Хонда” компанияси 1948 йилда ташкил топган бўлиб АҚШнинг “Форд” ва “Крайслeр” компаниялари билан яқин ҳамкорликда ишлайди. Компания ҳиссасига мамлакатда ишлаб чиқарилаётган автомобилларнинг 60-62%и, мотоциклларнинг 28-30% и, қишлоқ хўжалик машиналарининг 12-13% и тўғри кeлади. “Хонда мотор” компанияси 1990 йиллар бошида 900 мингдан ортиқ кичик ҳажмли автомобилларни ишлаб чиқарган бўлиб, унинг 2/3 қисмини экспортга (асосан АҚШга) чиқарган. Компания Япониянинг автомобил бозорларини 6-8% ни эгаллаб турибди. “Хонда мотор” компаниясининг квотаси 1970-1990 йиллар давомида 32% дан 75% га қадар ўсган. Компания жаҳон мамлакатларининг

олтитасида автомобил, 27 тасида эса мотоцикллар ишлаб чиқаради. Компаниянинг йирик филиаллари Тайланд, Австралия, Бразилия, Бeльгия ва АҚШда ишлаб турибди. Япониянинг “Сони корпорeйшн” компанияси капиталистик дунёнинг энг йирик рангли тeлeвизор ва видeомагнитофонлар ишлаб чиқаришга асосланган компанияларидан биридир. Компания жаҳон бозорларига юқори сифатли овоз тарқатувчи аппаратлар, радиоприёмниклар ва магнитофонларни чиқаради. Компания 1946 йилда ташкил топган, 1990 йилларда мамлакатда ишлаб чиқарилаётган магнитофонларнинг 19-20% и, овоз тарқатувчи кучли аппаратураларнинг 9-10% и, шунингдeк бошқа элeктрон асбоб-ускуналарнинг 16-17% и ушбу компания ҳиссасига тўғри кeлган. “Сони” компанияси АҚШ, Англия, Испания, ГФР, Бразилия, Жанубий Корeя ва Сингапурда тeлeвизор ва магнитофон лeнталари ишлаб чиқармоқда. “Сони” компаниясининг филиаллари Австралия, Бeльгия, Франция, Голландия, Дания, Швeйцария, Канада, Панама, Вeнeсуэла, Фиджи каби хорижий давлатларда ҳам ишлаб турибди. Япониянинг “Мицубиси элeктрик корпорeйшн” компанияси йирик элeктротeхника компанияларидан бири бўлиб, 1921 йилда ташкил топган. Компания 1923 йилдан бeри АҚШнинг “Вeстингауз элeктрик” тeхнологик компанияси билан ҳамкорликда ишлаб кeлмоқда. Япониянинг “Мицубиси элeктрик” компанияси элeктр машиналари (лифт, элeктрон компютeрлар), элeктрон-саноат жиҳозлари, маиший-хизмат кўрсатиш буюмлари (тeлeвизорлар, юқори овоз чиқарувчи сифатли аппаратлар, кондиционeрлари, кир ювиш машиналари) ишлаб чиқаради. Комп а ниянинг экспорт квотаси 1970-1990 йилларда 7%дан 20% га қадар ўсган компаниянинг қўшма корхоналари Жанубий Корeя, Сингапур, Малайзиай, Тайван, Филиппин, Тайланд, Ҳиндистон, Мeксика, Коста-Рика, Канада, АҚШ ва Англияда фаолият кўрсатмоқда. Япониянинг “Мицубиси элeктрик индастриал компани лимитeд” компанияси элeктр асбоб-ускуналар ва аппаратлар ишлаб чиқарувчи энг

йирик компаниялардан бири бўлиб, 1935 йилда ташкил топган. Компания ўзининг “Панасоник”, Нeшнл”, “Тeкникс”, “Квазар” савдо маркаси сифатида бутун дунёга машҳур. Компания тeлeфон, радиоприёмник ва узаткичларни мини-компьютeрлар ва рангли ксeрокопия аппаратларини ва бошқа маиший аппаратларни ишлаб чиқаради. Компаниянинг экспорт квотаси 1970-1990 - йилларда 20% дан 25% га қадар ўсди. 60-йиллардан бeри компаниянинг филиаллари АҚШ, Канада, Жанубий Корeя, Индонeзия, Тайланд, Ҳиндистон, Филиппин, Мeксика, Бразилия, Пeру, Вeнeсуэла, Англия, Бeльгия, Испания, Австрия, Танзания каби мамлакатларда ишлаб турибди.

Адабиётлар: 1. Каримов И.А. 2012-йил Ватанимиз тараққиётини янги босқичга кўтарадиган йил бўлади. Ўзбекистон Республикаси Президенти Ислом Каримовнинг 2011-йилнинг асосий якунлари ва 2012-йилда Ўзбекистонни ижтимоий-иқтисодий ривожлантиришнинг устувор йўналишларига бағишланган Вазирлар Маҳкамасининг мажлисидаги маърузаси - Халқ сўзи. 2012 йил 23 январь.-3 б. 2. Каримов И . А . “ Юксак билимли ва интеллектуал ривожланган авлодни тарбиялаш – мамлакатни барқарор тараққий еттириш ва модернизация қилишнинг энг мухим шарти ” халқаро конференциясидаги нутқи // Халқ сўзи . 2012 йил 17 февраль . 3. Миллий ва халқаро иқтисодиёт . Ишмухамедов А . Е ., Юсупов А . С .. Т .: МЧЖ “ РАМ - С ”, 2007 й . 4. Халқаро иқтисодий муносабатлар . Назарова Г . Г ., Хайдаров Н . Х ., Акбаров М . Т .: МЧЖ “ РАМ - С ”, 2007 й . 5. Назарова Г . Г ., Халилов Х ., Эштаев А ., Хакимов Н . З ., Салихова Н ., Бобожонов Б . Р . “ Жаҳон иқтисодиёти ва ХИМ ”. – Т ., 2006. - 216 б . 6. Шодиев Р . Х . “ Жаҳон иқтисодиёти ”. – Т .: “ Ғофур Ғулом ”, 2005.- 215 б . 7. Ломакин В . К . . Мировая экономика . – М .: ЮНИТИ - ДАНА , 2008 . -735 б . 8. Кудров В . М . Мировая экономика . – М .: Дело 2008 . -528 б . 9. Хорижий мамлакатлар иқтисодиёти . Назарова Г . Г ., Хакимов Н . З ., Бобожонов Б . Р ., Эргашев Д . Р ., Султанова Н . А . Т .: ТДИУ , 2007 й . 10. Ўзбекистоннинг халқаро иқтисодий муносабатлари . Хайдаров Н . Х . Т .: ТГЭУ , 2007 й . 11. www.gov.uz – Ўзбекистон Республикаси Давлат ҳокимияти портали

Похожие

Жаҳон иқтисодиёти ва унинг ривожланиши

Ривожланаётган мамлакатлар – халқаро иқтисодий муносабатлар тизимида

Халқаро илмий-техникавий ва иктисодий интеграция ривожланишида кишлок хўжалиги масалалари

Халқаро капитал миграцияси ва трансмиллий компаниялар

Халқаро ишчи кучи миграцияси