Парфюмерия ва косметика товарлари - Экономика - Рефераты

Парфюмерия ва косметика товарлари

Загружено в:

20.09.2019

Скачано:

0

Размер:

62.5 KB

Парфюмерия ва косметика товарлари Режа: 1. Табиий хушбўй ҳидли моддалар 2. Ўсимликлардан олинадиган хушбўй ҳидли моддалар 3. Синтетик хушбўй ҳидли моддалар 4. Парфюмерия товарлари ассортименти 5. Косметика товарлари 6. Соч парвариши учун воситалар 7. Рангли космети ка

1.Табиий хушбўй ҳидли моддалар Парфюмерия – косметика товарлари оммавий ва кундалик талабга эга ҳисобланади. Ҳозирги кунда товарларнинг 1200 дан кўпроқ турлари ишлаб чиқарилмоқда. Саноати 100 дан кўпроқ корхоналарни ўзига бирлаштиради ва унинг таркибида парфюмерия-косметика товарлари ишлаб чиқарувчи йирик корхоналар, эфир мойли ўсимликлар ўстириш ҳамда эфир мойлари, шиша ва бошқа идишчалар ишлаб чиқариш киради. Республикамизга ҳозирги кунда парфюмерия-косметика товарлари Болгария, Польша, Франция, Россия, Украинадан келтирилмоқда. Парфюмерия- косметика товарлари парфюмерия, косметика ва атир совунлардан иборат. Парфюмерия товарларига атирлар, парфюмерия товарлари ва хушбўй ҳидли сувлар киради. Булар, асосан, кишининг териси, сочи, кийими ва бошқа нарсалардан хушбўй ҳид тарқатиб туриш учун ишлатилади. Уларнинг айримларидан гигиеник ва роҳатбахш восита сифатида ҳам фойдаланилади. Хушбўй ҳидларни шартли равишда учга бўлиш мумкин: ёқимли ва бефарқ ёки аҳамиятсиз. Парфюмерия буюмлари ишлаб чиқариш учун хушбўй ҳидли моддалар, этил спирти, сув ва айрим ҳолларда бўёқлар қўлланилади. Хушбўй ҳидли моддалар табиий ва сунъий гуруҳларга бўлинади. Табиий хушбўй ҳидли моддалар келиб чиқиши бўйича иккига (ҳайвонлардан ва ўсимликлардан олинадиган хушбўй ҳидли моддаларга) ажратилади. 2. Ўсимликлардан олинадиган хушбўй ҳидли моддалар Ўсимликлардан олинадиган хушбўй ҳидли моддаларга эфир мойлари, балзамлар, смолалар ва қуруқ ўсимлик хом ашёлари хосдир. Эфир мойлари – гуллар, гул куртаклари (гвоздика), мева, мева пўчоқлари, барглари (ялпиз), ёғоч ва бошқалардан олинадиган енгил учувчан мойга ўхшаш суюқлик.

Балзам ва смолалар – смолали дарахтларни кесик жойларидан оқиб чиққан модда. Улар атир ҳидини кучайтириш ва эфир мойлари ҳидини бойитиш учун қўлланилади. Қуруқ ўсимлик хом ашёларига спирт дамламаси сифатида қўлланиладиган ўсимликларнинг қуриган ҳидли қисмлари киради. Улардан дамлама сифатида фойдаланилади. Ҳайвонлардан олинадиган хушбўй ҳидли моддаларга айрим хайвонларнинг безлари ёки улардан ажралиб чиққан маҳсулот мушканбар, қундуз ипори, сибет (сибет мушуклари ички безларидан олинадиган мойга ўхшаш масса) ва бошқалар киради. Улар дамламалар кўринишида қўлланилади. Мушк – бу кабарға буғуси секреция безларидан олинадиган тўқ жигар рангли дона-дона модда. Анбар – йиртқич китлар (кашалот) ошқозонидан олинадиган кулранг зангори рангли мумга ўхшаш мойли масса. Қундуз ипори (мушки) – дарё эркак қундузининг махсус безларидан ажралиб чиқадиган маҳсулот. Сибет – сибет мушугининг ички секреция безларидан ажралиб чиққан сариқроқ мойсимон масса. 3. Синтетик хушбўй ҳидли моддалар Синтетик хушбўй ҳидли моддалар эфир мойлари, кимёвий ва ўрмон кимёвий хом ашёларидан мураккаб жараёнлар натижасида олинади. Уларни ишлаб чиқариш, хушбўй ҳидлар ассортиментини кенгайтириш, гул ва фантазия хусусиятидаги тозароқ ҳамда турғун муаттар ҳидлар олишда муҳим аҳамиятга эга. Ҳозирги пайтда композиция таркибида 80 % гача синтетик хушбўй ҳидли моддалар қўшилади. Этил спирти парфюмерияда хушбўй ҳидли моддаларни эритувчиси ва дезинфекцияловчи ҳамда атир ва хушбўй ҳидли сувларда оромбахш восита

сифатида ишлатилади. Бўёқлар парфюмерия суюқлигига бирор ранг бериш учун ишлатилади. парфюмерия буюмлари ишлаб чиқариш қуйидаги босқичлардан иборат: композицияни тайёрлаш, парфюмерия суюқлигини тайёрлаш, компазицияни спиртда эритиш, дамламалар, сув ва бўёқларни қўшиш, суюқликни махсус берк бакларда тиндириш, филтрлаш, қуйиш, безаш ва буюмларни жойлаш. 4. Парфюмерия товарлари ассортименти Атирларнинг барча хиллари фақат кийим, соч ва баданда муаттар ҳид берувчи восита сифатида қўлланилади, таркибида 5 % дан кам бўлмаган композиция ва дамламалар қўшилади. Атир (духи) – спиртли ёки сув-спиртли гул ҳамда фантазия йўналишидаги хушбўй ҳидли парфюмерия композициясининг аралашмаси. Атирларнинг асосий кўрсаткичлари уларнинг ҳиди, оригиналлиги ва турғунлиги ҳисобланади. Атирлар ҳидининг йўналишидан қатъий назар, сифати бўйича тўрт гуруҳда бўлади – «Экстра”, “А”, “В”. “V”. Консистенцияси бўйича духилар – суюқ, қаттиқ ва кукунга ўхшаш, ишлатилиши бўйича эркаклар ва аёллар учун мўлжалланган. Ҳидининг тарзи бўйича духилар гул ҳидли бўлади. Республикамизда “Олтин куз”, “Малика”, “Лола”, “Шаҳзода” каби атирлар ишлаб чиқарилмоқда. “Экстра” гуруҳидаги духиларнинг таркибида 50 % композиция ва 50 % спиртли-дамламалар бўлади. Ҳидларининг турғунлиги 50-60 соат. “А” гуруҳ духиларининг таркиби 20 % композиция ва 35 % гача спиртли дамламалардан иборат. Ҳидининг турғунлиги 40 секунд. Бу гуруҳдаги духилар ассортиментда 80 % гачани ташкил этади. “В” гуруҳ духилар 15 % композиция, 10 % спиртли дамламалар ва 10 % сув таркиби бўлади.

“ V ” гуруҳ духиларда 5 % дан ва 30 % гача сув мавжуд. Атирлар – гул ва фантазия йўналишидаги хушбўй ҳидли парфюмерия композициясининг сув-спиртли эритмасидир. Гигиеник, оромбахш ва муаттар ҳид берувчи восита сифатида ишлатилади. Атирлар атир шишаларида ва аэрозоли кўринишда чиқарилади. Атирларнинг таркиби 2 дан 5 % гача композициядан иборат бўлади. Ситруз мойлари қўшилиши натижасида, уларнинг оромбахш ва дезинфекциялаш хусусиятлари ошади. Атирлар консистенцияси бўйича « Экстра”, “А”, “В” гуруҳларига бўлинади. Гигиеник атирлар таркиби 59 % спирт ва 1,1 % гача композициядан тузилган. Хушбўй ҳидли сувлар – гул ва фантазия йўналишидаги хушбўй ҳидли композициянинг сув-спиртли эритмаси. Гигиеник ва оромбахш восита сифатида атирлар бажарадиган функцияларни бажариш учун ишлатилади. Парфюмерия тўпламлари бадиий безатиладиган қутичалардаги ҳар хил парфюмерия буюмларидан тузилади. Уларга атир номлари берилади. 5. Косметика товарлари “Косметика” юнонча сўз бўлиб, “безатиш санъати” маъносини билдиради. Ҳозирги вақтда косметика тушунчаси анча кенгайган. Косметика товарларига оғиз бўшлиғи, соч ват ери ҳамда теридаги турли омиллар таъсиридан салбий ўзгаришларни секинлатиш мақсадида ишлатиладиган комплекс буюмларга айтилади. Косметиканинг асосий вазифаси соғлом танани сақлаш ва унинг табиий ҳолатини янада яхшилашдан иборат. Косметик товарлар таркибига ёғлар, мойлар, мумлар, нефтни қайта ишлаш маҳсулотлари, доривор ўсимликлар дамламаси, кимёвий моддалар, қуюлтирувчи моддалар ҳамда витаминлар қўшилади. Косметик товарлар ишлатилиши бўйича уч гуруҳга бўлинади: шифобахш- гигиеник, рангли (декоратив) ва ҳар хил косметик буюмлар. Шифобахш- гигиеник косметика буюмлари тери, соч ва оғиз бўшлиғини соғлом ҳолатда

ушлаб туриш, доктор аралашувини талаб қилмайдиган тери ҳамда соч нуқсонларини тузатиш учун ёрдам беради. Шифобахш-гигиеник косметика буюмлари қуйидаги кичик гуруҳчаларга бўлинади: тери, оғиз бўшлиғи ва соч парвариши учун қўлланиладиган воситалар. Терини парваришлаш воситаларига ёғ упалар , қуруқ упа (пудра)лар ва лосьонлар киради. Уларнинг номлари 300 га етади. Ёғ упалар (инглизча қаймоқ маъносини билдиради) мазга ўхшаш ёки суюқ муаттар ҳидли ва ёқимли кўринишли маҳсулот. Улар териларни сақлаш, озиқлаш, тозалаш учун қўлланилади. Таркиби ва консистенцияси бўйича ёғли, эмулсияли бўлади. Ёғли кремларнинг таркиби ланолин, сперматсит, асалари мумии ва бошқа қўшимчалардан тузилади. Эмулсияли кремлар таркибидаги сувнинг кўплиги билан фарқланади. Эмулсияли ёғ упаларга « сув-ёғ” ва “ёғ-сув” турдаги ёғ упалар ҳам киради. Лосьонлар – бу тиниқ ёки бироз буялган ҳар хил фаол м оддалар, парфюмерия композицияси ва бошқа ёқимли ҳидли моддаларнинг спиртли-сув эритмаси. Улар терини юмшатиш ҳамда тозалаш учун мўлжалланган. Уларнинг ассортименти «Лилия”, “Флора”, “Розовая вода”. Қуруқ упа (пудра)лар – кукунга ўхшаш майдаланган маъдан ва органик моддалар аралашмаси. Қуруқ упалар бетни атмосферанинг зарарли таъсирларидан сақлаш учун мўлжалланган. Соқол олиш воситалари. Бу гуруҳ товарларга ҳар хил упалар ва лосьонлар киради. Ёғ упалар соқол олишдан олдин терини юмшатиш ва намлаш учун фойдаланилади. Ёғ упалар таркибида кўпинча аллергиянинг олдини олувчи қўшимчалар қўшилади. Махсус лосьонлар устаралар билан соқол олувчилар учун тавсия этилади.

Оғиз бўшлиғини парвариш қилиш воситаларига тиш пастаси, тиш кукуни ва тиш эл е ксирлари киради. Тиш пасталари ассортименти энг катта миқдорни ташкил қилади. Тиш пастаси – фойдали қўшимчалар, хушбўй ҳидлар , желе ҳосил қилувчилар ва кимёвий тоза тиндирилган бўрлардан олинган ёғ упага ўхшаш маҳсулот. Пасталар ишлаб чиқариш учун асосий хом ашёлар сифатида бўр, глитцерин, ялпиз мой ива фойдали қўшимчалар ишлатилади. Қўшиладиган қўшимчалар бўйича улар гигиеник ва шифобахш-профилактик пасталарга бўлинади. Болалар учун тиш пасталари хушбўй ҳидлар ҳисобига яхши мазалиги билан ажралиб туради. Тиш элексирлари – фаол таъсир этувчи воситалар ва хушбўй ҳидли моддаларнинг сувли-спирт эритмаси. 6. Соч парвариши учун воситалар Соч парвариши воситалари ассортименти шифобахш-профилактик(соч ювиш ва уларни мустаҳкамлаш учун воситалар) ҳамда безатиш мақсадлари (соч бўёқлари, сочга майинлик, ялтироқлик бериш воситалари, турмакни сақлаш) учун белгиланган воситаларга бўлинади. Сочни ювиш воситаларига синтетик юза фаол моддалар асосида тайёрланган совунсиз шампунлар тегишлидир. Болалар учун шампунлар болалар териси ва кўзининг ёшли қобиғини қичитмайдиган юмшоқ ювиш воситалар асосида тайёрланади. Ҳозирги кунда икки вазифалари ҳам сочни ювиш, ҳам бўяш учун шампунлар чиқарилмоқда. Соч бўёқлари келиб чиқиши бўйича табиий ва сунъийдир. Сунъий бўёқлар кенг гамма рангда чиқарилмоқда. Улар ҳар қандай сочларни турли рангларга, шунинг билан биргаликда оқарган сочларни ҳам бўяйди. Турмакни сақлаш учун кўпроқ лаклардан фойдаланилади. 7. Рангли косметика

Рангли косметиканинг асосий вазифаси кишига нисбатан диққат эътиборни кучайтиришдан, унчалик бўлмаган нуқсонларни беркитишдан иборат. Уларга лаб бўёқлари, киприк бўяш учун тушлар, қош бўяш учун қаламлар, румяналар, тирноқ лаклари, лак ювиш учун суюқликлар, лабни ялтиратиш воситалари киради. Ишлатилиши бўйича гигиеник ҳамда рангли помадаларга бўлинади. Лаб учун ялтироқлар – лабни озиқлаш, юмшатиш, ялтиратиш ва ёқимли тус бериш учун қўлланилади. Киприк учун туш – киприкни бўяш, узайтириш учун хизмат қилади. Ёғ упа – грем ва юзни маскировка қилиш қаламлари ҳар хил тусда тайёрланади. Тирноқни парваришлашда пастага ўхшаш ва суюқ лаклар, лакларни тозалаш учун суюқликлар, тирноқни мустаҳкамлаш учун лосьонлар ва ёғ упалар қўлланилади. Атирсовунлар табиий ёғлар ва синтетик ёғ кислоталаридан тайёрланади. Қаттиқ, суюқ ва кукунга ўхшаш совунлар ишлатилиши бўйича оддий ва махсус гуруҳларга бўлинади. Ёғ кислотасининг миқдори бўйича атирсовунлар 74, 78 ва 80 % ли қилиб чиқарилади. Ёғ кислоталарининг миқдори қанча юқори бўлса, атирсовунлар сифати шунча баланд ҳисобланади. Махсус атирсовунлар таркибига ҳар хил қўшимчалар экстрактлар, хна ва бошқалар қўшилади.

Похожие

Кулолчилик ва сопол товарлари

Электр товарлари

Тўқимачилик товарлари.

Мебель товарлари

Маиший кимё товарлари