Меҳнат бозори инфратузилмасининг ривожланиши бўйича хорижий ёндашувлар - Экономика - Рефераты

Меҳнат бозори инфратузилмасининг ривожланиши бўйича хорижий ёндашувлар

Загружено в:

16.03.2024

Скачано:

0

Размер:

108 KB

Меҳнат бозори инфратузилмасининг ривожланиши бўйича хорижий ёндашувлар Режа: 1. Европа мамлакатларида меҳнат бозори инфратузилмаси ривожланиш модели 2. АҚШда меҳнат муносабатларни тартибга солиш 3. Японияда меҳнатни бошқариш тизими 4. Швеция ва Австрияда меҳнат бозори инфратузилмаси ривожланиш модели

Республикамиз Конституциясига мувофиқ, амалга оширилаётган иқтисодий ислоҳотлар ижтимоий йўналтирилган бозор иқтисодиётини шакиллантиришга қаратилмоқда. Маълумки, Европанинг Швеция ва Австрия каби мамлакатларида ижтимоий йўналтирилган бозор иқтисодиёти модели етарли даражада тўлиқ ишлаб чиқилган. Швециянинг ҳар бир губерниясида иш билан бандлик бўйича Губерния Қўмитаси фаолият юритади ҳамда қуйидаги 4 та масалалар бўйича иш олиб боради: бошқарув, назорат, таҳлил ва алоқалар. Губерния Қўмитаси меҳнат биржаларини ва меҳнат биржалари қошидаги институтларни бошқаради. Ҳар бир меҳнат биржаси ўзининг ҳудудида ишсизларга ҳам иш берувчиларга ҳам хизмат кўрсатади. Барча биржаларда ахборот тизимлари хизмат кўрсатади. Ҳар бир губернияда касбга йўналтириш бўйича махсус меҳнат биржалари амал қилади. Турли соҳаларда, масалан, туризмда, қурилишда, транспортда, ресторан тадбиркорлигида ихтисослашган меҳнат биржалари ҳар хил турдаги ва йўналишларда фаолият юритадилар: доимий, вақтинчалик, хорижий, мавсумий ва бошқалар. Меҳнат биржалари ўқув юртлари билан чамбарчас алоқадорликда иш билан бандлик соҳасида фаолият олиб боради. Меҳнат биржалари қошидаги институтлар ногиронлар, жисмоний жиҳатдан нуқсонга эга шахслар, яъни иш топиши қийин бўлганлар учун фаолият юритади. Бу институтлар давлат суғурта компаниялари билан иш билан бандликка кўмаклашиш соҳасида ҳамкорлик қилади. Меҳнат биржалари қошидаги институтларнинг вазифаси - ногиронларни касбга тиклаш ва уларга иш топишга ёрдамлашишдан иборат бўлиб, мижозлар бу ерга бошқа давлат органлари, ижтимоий хизмат органларидан келишади. 50% мижозлар ишсизлик нафақасини, қолганлари касаллик бўйича ёки ижтимоий нафақаларни олишади. Меҳнат биржалари қошидаги институтларнинг бош мақсади - мижозларни меҳнат бозорига чиқиш имкониятини таъминлашдир.

Маслаҳатчилар ҳар бир мижоз билан алоҳида ишлайдилар, улар меҳнат бозорида меҳнат воситачилиги ва касбга йўналтириш билан шуғулланадилар. Меҳнат биржалари қошидаги институтларнинг иккинчи мутахассислар гуруҳи- психологлар, ижтимоий маслаҳатчилар, физиотерапивтлар, эргономлар ҳисобланади. Ўртача ҳар ойда ушбу институтларга 100 та мижоз мурожаат қилади, шундан 50 нафари ўрта ҳисобда 1 ойдан сўнг ишга жойлашади. Иш билан бандлик хизматининг бюджети ҳукумат Парламентининг розилиги асосида шакллантирилади. Швецияда ҳеч қандай алоҳида бюджетдан ташқари жамғармалар йўқ. Тадбиркорлар иш ҳақи жамғармасидан 38% миқдорида ягона солиқ тўлайдилар. Ишсизлик нафақалари бошқа манбалар ҳисобига тўланади. Нафақа миқдори ишсизни ҳисобга қўйиш вақтига боғлиқ бўлмай, балки ишни йўқотишдан олдинги даромадига боғлиқдир ва унинг 80% ини ташкил этади. Нафақа миқдорининг чегараси - тахминан 15 минг швед кронини ташкил этади. Агар корхона ишсизни ишга қабул қилса, қабул қилинган кундан бошлаб 36 ҳафта мобайнида у солиқ бўйича чегирмага эга бўлади. Швеция меҳнат бозоридаги сиёсат бўш иш ўринларини ишсизлар билан тўлдиришга кўмаклашиш ва ишсизларга фақат нафақалар беришдан иборат бўлиб қолмаслиги лозим деб ҳисобланади. Иш билан тўлиқ бандликни юзага келтириш анъанавий стратегияси муқаррар равишда инфляцияниниг юқори даражасига чиқишга ва иш ҳақи борасида силжишлар рўй беришига олиб келиши эътироф этилган. Шу боис меҳнат бозорида фаол сиёсат юритилиб, у қуйидаги тўрт элементни ўз ичига олади: 1. Чекловчи фискал сиёсат. Унинг мақсади товар ва хизматларга кам даромадли корхоналарнинг фаолиятни тўхтатишга мажбур қиладиган суръатда талаб ва инфляциянинг ошишига йўл қўймайдиган эгри солиқлар белгиланишидан иборат. Жуда юқори фойда оладиган фирмалар ўртасида иш ҳақини ошириш борасида инфляцияга олиб келувчи рақобатга йўл қўймаслик учун фойдани жиловлаб туриш лозим. 2. Иш ҳақи борасида олиб борадиган ҳамжиҳатлик сиёсати. Бунинг

маъноси шуки, барча ишчи ва хизматчилар тадбиркорларнинг молиявий аҳволидан ёки фирманинг қайси тармоққа қарашли эканидан қатъий назар, тенг меҳнатга тенг ҳақ олишлари керак. 3. Янги иш ўринларини, шунингдек ходимларни тайёрлаш ва қайта ўқитиш марказларини яратишни рағбатлантириш. 4. Селектив (танланма) тарздаги иқтисодий юксалиш. Иқтисодий кўрсаткичлари паст бўлсада, ижтимоий зарур хизматларни таъминлайдиган секторларда иш билан бандликнинг давлат томонидан қўллаб-қувватлаши тўғрисида бормоқда. Бундай сиёсат касбий тайёргарлик тизимини шакллантиришни кўзда тутади. Яъни мехнаткашлар нафақат бозор талабидан келиб чиққан ҳолда касбий маҳоратини оширишга, балки уларнинг келажакдаги меҳнат қилишга бўлган эҳтиёжлари, тўловли таътил муддатини узайтириш, ҳудудлар ва тармоқлар бўйича ишчи кучи ҳаракатини марказлашган ҳолда амалга оширишни инобатга олади. Швеция меҳнат бозорида фаол сиёсатнинг фарқланувчи хусусиятларидан яна бири, бу унинг бозордаги муҳитга нисбатан илгарироқ амалга оширилишидир, яъни олдиндан иш жойларини яратиш ёки олдиндан мутахассисларни қайта тайёрлаш каби тадбирларни назарда тутади. Швеция иш билан бандлик хизмати ўқув юртлари билан чамбарчас алоқадорликда иш билан бандлик соҳасида фаолият олиб боради. Хусусан, узлуксиз таълим тизимида ишчи-ходимларни қайта тайёрлашни аҳамияти тобора ошиб бормоқда. Шунингдек ходимларнинг «умри давомида малака ошириш тамойили» амал қилмоқдаки, оқибатда ишловчиларнинг билим даражаси, малакаси тобора ошиб бормоқда. Шу билан бирга Швецияда тўланадиган ўқув таътили қонунчилик йўли билан тартибга солинади. Мамлакатда иш билан бандликни кенгайтириш учун «умумлашган иш вақти сиёсати» муҳим аҳамият касб этади. Бунда ҳафталик иш соати 35 соатдан 30 соатгача қисқартирилиши; ишловчиларнинг меҳнат ҳақини белгилашда турли категориядаги меҳнаткашлар иш вақтини таққослаш; оилавий аҳволи ёки меҳнат

характерига қараб баъзи категориядаги ишловчиларнинг иш вақтини қисқартириш; ишловчига қулай бўлган вақтда меҳнат таътилини олиш; қисқа муддатли таътил олиш ҳуқуқи ва бошқа тадбирлар ҳисобига амалга оширади. Австрия иш билан бандлик хизмати Ғарбий Европа мамлакатлари учун анъанавий хусусиятга эгадир. Иш билан бандлик хизматининг тепасида кузатиш кенгаши туради. У касаба уюшмалари ва федерал парламент вакиллари, саноатчилар иттифоқи ва иш берувчилар ҳамда федерал ҳукумат вакиллари ўртасидаги тенг муносабатларни назорат этади. Ҳудудий ва жойлардаги иш билан бандлик хизмати бошқарув органлари тузилмавий даражалари деярли бир хил. Яқин даврлардан бошлаб Австрияда катта ёшдаги меҳнатга лаёқатли кишиларнинг муддатидан олдин пенсияга чиқарилиши тенденцияси кузатилди. Бугунги кунга келиб ёндашув ўзгармоқда, пенсия арафаси ёшидаги фуқаролар жамиятга арзон тушиши мақсадида, муддатидан олдин пенсияга чиқувчиларга тўловларни камайтириш учун иш билан бандлик хизмати органлари орқали ёлланиш бўйича ишга жалб қилинмоқда. Шунингдек, юқори даражада эътибор ногиронларга ажратилган, мамлакатда уларнинг меҳнатидан фойдаланувчи корхоналар кам эмас. Бундай корхоналарнинг мақсади меҳнат бозорида уларнинг меҳнатидан тўлиқ фойдаланиш ҳисобига уларга ёрдам беришдир. Мувофиқ ишлаб чиқаришни ташкил қилишда ногирон ўзининг ярим меҳнат кучи билан меҳнат қилиши мумкин. Ўзининг ярим иш ҳақи миқдоридаги даромадига эга бўлгандан сўнг, қолган қисмини ижтимоий тўловлар сифатида давлатдан олади. Австрия федерал бандлик хизмати органлари томонидан ижтимоий- меҳнат соҳасидаги турли тадбирлар ва лойиҳаларнинг ишлаб чиқилиши маълум ҳудуддаги аҳолининг ижтимоий-психологик хусусиятлари ва тарихий анъаналарини ҳисобга олиб амалга оширилади. Агарда таклиф этилаётган лойиҳа янги иш жойларини яратиш бўйича ҳолатларга мувофиқ келмаса ёки қарама- қарши сабабларни юзага келтирса, албатта у рад этилади. Ногиронлар билан ишлаш тажрибасидан республикамизда фойдаланиш, бу тоифа кишиларининг меҳнат бозорида касбий ҳаракатчанлигини оширади.

Австрия мисолида. Иш билан бандликка кўмакллашувчи ташкилий тузилмалар фаолияти устидан кузатув кенгашининг назорат ўрнатиши, ижтимоий ҳамкорлик механизмини тенг муносабатлар асосида ривожланишини таъминлайди. Ижтимоий таъминот бўйича Дания тажрибалари муҳим аҳамият касб этади. Дания ҳукумати ўзининг ижтимоий сиёсатига шундай мақсад қўйганки, у «огоҳлантириш, реаблитация, таъминот, фаравонлик» 2 тамойилларига жавоб бера олсин. Шунингдек ҳукумат ўзининг ҳар бир фуқароси ижтимоий кўмак олиш имкониятига эга бўлишига алоҳида эътибор бермоқда. Дания ҳукуматида ижтимоий таъминот тизими огоҳлантирувчи ва реаблитация чораларига 3 асосланади. Ижтимоий таъминот тизимини муҳим қисмларидан бири шуки, бунда ижтимоий ёрдам олувчи талабгор бир вақтни ўзида иш жойи ва даромад олиш имкониятига ҳам эга бўлади. Бу меҳнат кўникмаларини ривожлантириш ва меҳнат қилиш қобилиятини тиклаш йўли билан эришилади. Ҳукумат ўзининг ижтимоий таъминот сиёсатида юқоридаги масалаларни бирламчи вазифа қилиб қўйган. Даниянинг ижтимоий таъминот сиёсатининг бош вазифаси имкони борича, кўпроқ миқдорда ишчиларни ижтимоий фойдали меҳнатга жалб қилишдан иборатдир. Шунингдек ҳукумат имконияти чекланган шахсларни иш билан бандлигини таъминлашнинг фаол сиёсатини олиб бормоқда. Бунда эгилувчан иш ўринларини яратиш ёки имконияти чекланганлар учун ҳимояланган иш жойларини «таклиф этишга» катта эътибор берилмоқда. Эгилувчан меҳнат шароитига эга бўлган иш жойларини яратиш хусусий корхоналарда ҳам, давлат корхоналарида ҳам бир хилда йўлга қўйилган. Шу йўл билан пенсионерлар ўз саломатликларидан қатъий назар меҳнат бозорида ёлланиш имкониятига эга бўлишади. АҚШда меҳнат муносабатларни тартибга солиш Ҳозирги вақтда ривожланган бозор иқтисодиёти мамлакатларида давлат томонидан меҳнат муносабатларни тартибга солиш, меҳнат шароити ва тўлови,

турли хил хавф-хатардан иш ҳақини йўқотишни компенсациялаш, ишчиларни ҳуқуқий ҳимоялашни таъминлаш зарурлиги билан боғлиқдир. Масалан, АҚШда 2001 йил Меҳнат вазирлиги таркибида янги бўлинма - «ХХИ аср ишчи кучи» ташкил этилди. Унинг асосий мақсади иқтисодиётнинг глобаллашуви жараёнида иш билан бандликнинг янги шароитларига кўмаклашишдан иборат. Ишсизликни суғурталаш Федерал-Штат тамойиллари ва қонунлари асосида амалга оширилади. АҚШ Федерал қонунларида умумий қоидалар берилган. Штат қонунлари эса аниқ тадбирларни амалга оширишда нафақалар ҳажми, уларни тўлаш муддати, нафақа олувчилар доираси кабиларни қамраб олади. Ҳар бир штат ишсизлик бўйича суғурталашни молиялаштиришни меъёрий асосларини ишлаб чиққан. Тадбиркорлар томонидан тўланадиган маблағ иш ҳақи суммасидан фоиз кўринишида солиқ сифатида ундирилади. АҚШда иш ҳақи ишларнинг мураккаблигига қараб таснифлашга боғлиқ бўлади. Ходимнинг ишда кўтарилиши одатда касб-малака йўналишини кенгайтириш билан эмас, балки бошқа ишга ўтиши билан боғлиқ бўлади. Иш ҳақи узоқ вақтга тузиладиган шартномалар билан белгиланади. Корхоналар маъмуриятлари ва касаба уюшмалари ўзаро суст боғланганлар ва деярли ахборот алмашиниб турмайдилар. Ушбу моделга ишчи кучининг касбий жиҳатдан ҳам, жуғрофий жиҳатдан ҳам юқори даражада ҳаракатчанлик хосдир. Америка Қўшма Штатларида ишсизликка қарши курашнинг анча қатъий усули қўлланилади. Ишсизлик бўйича нафақа атиги ярим йил давомида тўланади, ишсизларга ёрдам беришнинг фаол чора-тадбирларини кўриш одат тусига кирмаган. Чунончи, меҳнат бозорида фаол давлат сиёсатини олиб бориш харажатлари, ялпи ички маҳсулотнинг атиги 0,19% ини ташкил этади. Ана шундай ёндашиш шароитида одамларнинг ўзлари фаоллик ва собитқадамлик билан ўзларига иш қидирадилар. Ишсизлик бўйича нафақалар бўйича компенсация суғурта дастурига мувофиқ ишчи кучининг ишсиз бўлган давридагина тўланади. Ишчи ўз иш жойини йўқотгунга қадар суғурта дастурлари қўлланилган тармоқларда

меҳнат қилиши шарт ҳисобланади; нафақа олишга номзод бўлган ишчи суғурта дастуриниг барча талабларига жавоб бериши лозим. Тўланадиган нафақа миқдори штатлар бўйича кескин фарқ қилади, чунки мамлакат бўйича ягона стандарт ўрнатилмаган. Ҳар бир штат ўзининг қонунчилигида нафақа миқдорини белгилаш услубини ҳамда максимал ва минимал миқдорини белгилаб қўйган. Л. Лебедева кадрларни қайта тайёрлаш дастуридаги иштирокига боғлиқ ҳолда нафақаларни босқичма- босқич тўлаш тизимига ўтишни алоҳида таъкидлаб ўтган; яъни, қайта тайёрлашни дастлабки даврида юқори ҳажмдаги нафақаларни тўлаш ва кейинчалик уни аҳолини ишга жойлашиш ва қайта тайёрликдан ўтишига қизиқшини ортиши билан уни ҳажмини қисқартиб боришни назарда тутади. Яна бир ёндашув шундан иборатки, ишсизлик бўйича суғурталанган ишсизга бир вақтнинг ўзида ишсизлик нафақасини берилиши, улар учун ўз ишларини бошлашларида дастлабки капитал манбаи вазифасини бажариш имкониятини беришини ҳисобга олади. Бир вақтнинг ўзида бундай дастур унда иштирок этаётган ҳар бир кишини қайта тайёрлашни ва маслаҳат кўмаги беришни таъминлайди. АҚШда ишлаб чиқаришда бахтсизлик ҳодисаларидан суғурталаш тизими кенг ривожланган ва бу тизим давлатнинг дастлабки ижтимоий суғурталаш шаклидир. Ишлаб чиқаришда олинган жароҳатдан суғурталаш кўп ҳолларда штатлар ваколатида бўлган ва амалга оширилган. Федерал даражада эса давлат хизматчилари учун ҳамда касбий касалликда азоб чекаётган шахтёрлар учун дастурлар киритилган. Бир қатор штатларда эса суғурталашнинг бундай шакли фақат ишлаб чиқариш жараёнида хавф-хатар юқори бўлган соҳаларда кенг қўлланилган. Баъзи дастурлар меҳнат жамоаси миқдори кам бўлган корхоналарда ишловчилар сони (3-5 кишидан кам бўлса) кам бўлган ҳолатда чеклаб қўйилган. Ишлаб чиқаришда бахтсиз ҳодисалардан суғурталаш дастури иш берувчи томонидан бизнесда олинган жароҳатликни молиялаштиришга жавобгарлик тамойили асосида шаклланган маблағ ҳисобидан таъминланган. Дастур жабрланувчиларга суғурта миқдорининг аниқ суммаси ва компенсация берилиш вақти белгиланган. Унинг икки кўриниши: 1) пул нафақаси

бўлиб, бунда жароҳат олган кишига дастур бўйича аниқ сумм ада тўланади, ёки жароҳат олган кишининг қарамоғидагиларга берилади (агар жароҳат ўлимга олиб келган бўлса); 2) ишлаб чиқаришда жароҳат олган ходимларга тиббий ёрдам сифатида кўрсатилади. Бошқа дастурлар зарурият бўлса, жароҳатланган кишиларни реаблитация қилинишини назарда тутади. Реаблитация: қайта тайёрлаш, ўқув (малакавий) курслари, иш жойларини алмаштириш, жароҳатланганларга мос бўлган иш билан бандликни таъминлаш кабиларни ўз ичига олади. Кўпчилик дастурлар да жароҳатланганларга тўлиқ реаблитациясини таъминлаш мақсадида овқатланиш, меҳмонхона хизмати, саёҳатга чиқиш кабиларни ҳам маблағ билан таъминлашни қамраб олади. АҚШда давлат ижтимоий таъминотини асоси бўлиб, ижтимоий таъминот тўғрисидаги қонунни қабул қилиниши бўлган. Ушбу қонун қарилик ва ногиронлик бўйича мажбурий пенция суғуртасини, ишсизлик бўйича суғурталашни, тиббий ёрдамга муҳтож болаларга, қария- ногиронларга ёрдам дастурларини ва бошқаларни ўз ичига қамраб олади. Америка амалиётида бошқармага жараёний ёндашиш кенг кўламда ишлатилади, яъни ҳар бир аниқ воқеада қўл остидагилардан ва аниқ жараёнлар бошқарув - муваффақиятли бошқарув ўзи хислатлари ва бошқарувчи (менежерлар)нинг махсус комбинациялари талаб қилинади. Американинг энг илғор 46 та бизнес мактаби компаниялар талабига биноан кадрлар тайёрлайди. Компаниялар уларга вақти-вақти билан консултациявий маслаҳатлар беришади. Колумбия университетига қарашли Бизнес мактабларда «Экспортлар», «ИБМ», «АТТ», «Дженерал электрик», «Пфайцер» каби фирмаларга бошқарувчи мутахассислар тайёрланади, шунингдек, дастурларни «радикал» кўриб чиқиш масалалари ўрганилади ва бошқарувчилар ўқитилади. 1980 йилларда асосий эътибор ишлаб чиқаришни «стратегик» бошқариш (янги технологияларни автоматлаштириш тизими), ташкилий структураларни қайта қуриш, тадбиркорлик, инсон ресурсларини бошқариш ва кооператив шакллантириш муаммоларига қаратилган. Масалан, 1986 йили тадбиркорлик

дарсини 250 та мактаб ўтган бўлса, 1988 йилда бу кўрсаткич 400 тага етди. Бошқа йўналишларда бошқарувчи кадрларни профессионал даражада тайёрлаш, фирма ичида тайёрлаш ва ўргатиш, улар ўқиши ва камол топа бориши учун шароитлар яратиб бериш ва шахсни бошқариш каби масалалар ўргатилади. Кейинги йилларда Америкадаги кўпгина корпорациялар хусусан: 400 та марказ, шу жумладан, фирмаларнинг бошқариш институти, «Контрол Дейта», миллий ўқув маркази - «ИБМ», фирма менежерлари тайёрлов мактаби «Тандем» ва бошқалар фирмани ички ривожлантириш йўли ва механизмини ўрганишга киришдилар. Айрим корпорациялар, масалан, «Дженерал Электрик» ва бошқа фирмалар ўқишга шароит яратиб беришди. Ўқиш ва ўрганиш жараёнига ўқитувчилардан ташқари бошқа жойлардан экспертлар ва лекторлар ҳам таклиф этилди. Илғор компаниялар, масалан, «Кьюллет Паккард» кадрлар ва бошқарувчилар тайёрлашга алоҳида қизиқиш билдирган. Компьютер технологияси менежерларга хабарлар, янгиликлар олишга яқинда ёрдам беради. Бу телеконференциялар ўтказишда жуда қўл келади. Ҳар йили иш лойиҳаси ва шароитлари 3 та энг яхши фирманинг иши юритувчилари, директорлар кенгаши, вице-президентлар ва кадрлар бўйича директор ўринбосарлари томонидан текширилади. Кадрлар бўлимининг илгариги мажбуриятларга (ишга қабул қилиш, касбий тайёргарлик, меҳнат жараёнларини ўрганиш ва ишчилар малакаси, ишдан бўшатиш, ҳуқуқий сўровларнинг ҳал қилиниши, режалаштириш ва ҳоказо), инсоний муносабатлар жараёнларига қўшимчалар киритилди. Касаба уюшмалари билан ижтимоий алоқа ўрнатиш, ижтимоий муносабатлар бошқармаси сўровлари ва махсус бўлимларда ўқитилиши кадрлар хизмати ходимларининг вазифасини сиёсий тус олдирди. Кадрлар хизмати вазифалари доирасининг кенгайишини бошқа корхоналар хизмати қаторига чиқарди. Японияда меҳнатни бошқариш тизими Россия Шарқшунослик институтининг етакчи илмий ходими Седа Маркарьянц аҳолини ижтимоий кафолатларини таъминлашда Япония

тажрибасини самарали деб ҳисоблайди. Унинг фикрича, «аҳолини оммавий нафақа билан таъминлаш ва соғлиғини суғурталаш, кам таъминланган ва ижтимоий ҳимояга муҳтож аҳоли қатламларини турли хил мақсадли йўналтирилган ёрдамлар билан таъминлаш бўйича ижтимоий таъминот тизимига мамлакатдаги ҳолатдан келиб чиққан ҳолда ўзгаришларни киритиш зарурлигини алоҳида таъкидлаган». Ҳақиқатдан ҳам Японияда аҳолининг ижтимоий муаммоларини ечими учун бир қатор меёрий-ҳуқуқий ҳужжатлар қабул қилинган. Жумладан, «Ёлланиш кафолати тўғрисида» қонун қабул қилинган бўлиб, ушбу қонунда ишсизлик бўйича нафақалар беришдан ташқари, уни олдини олиш, барқарор иш билан бандликни таъминлаш ва ишсизларни янги касб ихтисосликларини эгаллаш бўйича чора-тадбирлар кўзда тутилган. Шунингдек 1986 йилда «Кекса ёшдаги аҳолини ёллаш барқарорлиги тўғрисида» Қонун қабул қилинди. Натижада кекса ёшдаги аҳоли қатламлари ижтимоий таъминот тизимида қолишлари билан бир қаторда, уларнинг қўшимча даромад олиш имкониятларига эга бўлишлари учу насос яратилди. Юқоридаги қонунлар ижроси натижасида кадрларни қайта тайёрлаш махсус марказлари ташкил этилди. Мазкур марказларда ўқиш кекса ёшдаги кишиларни турли хил корхона ва ташкилотларда ёлланишларига ва уларнинг меҳнат бозорида рақобатбардошлигини ошишига имкон берди. Япония ҳукуматининг фикрича, японларнинг узоқ умр кўришлари (79-80 ёш) уларнинг меҳнат фаоллигини узайишига сабаб бўлади, шунингдек ёш ишчи кучининг етишмаслиги меҳнат бозорида кекса ёшдаги меҳнатга лаёқатли кишиларни мазкур бозорда ишчи кучи таклифи сифатида муҳим компонент эканлиги билан эътироф этилади. Статистик маълумотларга кўра, аҳолининг кексайиши яъни меҳнат ресурслари таркибида ёши қайтган кишилар улуши 2000 йилда Японияда 13 фоизни ташкил этган. Аҳолининг кексайиши бир қатор иқтисодий- ижтимоий оқибатларга олиб келиши мумкин, биринчидан, ёши кекса одамлар улушининг ошиши ўз навбатида уларнинг иқтисодий жиҳатдан фаоллиги пасайишига олиб келади ҳамда унинг меҳнат самарадорлиги шунчалик паст бўлади. Иккинчидан,

аҳолининг кексайиши иқтисодиётда ёшлар улуши камайишини англатади, бу эса айрим тадқиқотчиларнинг фикрича, иш билан банд аҳолини касб-малака ва тармоқ таркибининг ўзгариши жараёни ва иқтисодиёт самарадорлиги ўсишини секинлаштиради. Япония компанияларида ишчилар таркибий қисмининг шаклланиши барча ёлланма ишчилар категориялари ҳамда хизмат ротацияси ҳисобланади. Ишчи ишнинг барча турларини бошидан яхши тушуниб боради, кейин эса бир жойга ўрнашади. Шунинг учун япон ишчиларини баъзида «поливантлик» (турли иш турларини бажаришга қодир) деб атайдилар. Лекин бу поливантлик кўп ҳолларда кичик компаниялардан кўра, кўпроқ йирикларига, шунингдек, жонли меҳнат масалаларидаги ўзгарувчан компанияларга хосдир. Иқтисодий инқироз ва қайта қуриш даврида ишчиларни янги иш турларига кўчириш, ишлаб чиқаришни тез ва ўзгарувчан диверсификация қилиш имконияти бор. Бундай амалиёт бутун муддат давомида кафолатли ёллаш сиёсати билан боғлиқ. Бу, қисман, шуни билдирадики, компьютерлаштириш ва роботлаштириш жараёни ишчиларда ўз иш жойларини йўқотиш хавфи бўлмаслиги учун ишлатилади. Япон компанияларидаги ротация жараёни юқоридан функционалдир. Чунки ташкилотнинг ишлаб чиқариш жараёни ва ишлаб чиқариш таркиби «ҳавойи жавобгарлик» билан боғлиқ. Япон ишчилари жамоа меҳнатини афзал кўрадилар ва бунда улар ишлаб чиқариш фойдалироқ деб ҳисоблайдилар. Томиномалари Кэндзи таъкидлаганидек, Японияда «ташкилотнинг бошқарилиши асосий функционал эмас, балки ғарбдаги сингари энг кичик гуруҳ». Бундай кичик гуруҳга заводдаги ишчи, бригадир, сифат текшириш бўлимлари ходимлари ва бошқалар киради. Олдиндан муҳокама қилиш ва келишув у ёки бу муаммони ҳал этиш турли хил иерархия даражаларни қабул қилишгача тегишлидир. Бунда менежерлар ва ишчилар доимо бир-бирлари билан ишлар ва режалар ҳақида ахборот алмашадилар ва ташкилот ишларида фаол қатнашадилар. Улар Япониянниг 70% йирик фирмаларида фаолият юритишади, япон компанияларига роботлар ва

компьютер техникасини киритишда муҳим ўрин тутади. Япон компанияларидаги инсон ресурсларининг мобилизация қилиниши У.Оучи айтишича, ишчилар ҳақида «бутун, тўлиқ ғамхўрлик» кўрсатишдир. Инсон ресурсларига кетадиган чиқимларнинг муҳим қисмини ижтимоий эҳтиёжлар, яъни уй қурилиши, тиббий хизмат ва бошқаларга қилинадиган харажатлар ташкил этади. Бу, ишчиларнинг компанияларга боғланиб қолишига, уларнинг эмоционал ва руҳий, маънавий интеграциясига таъсир қилади. Ҳар йили компанияга янги ишчилар олиниши муносабати билан қонуний, байрамона тантаналар уюштирилади. Фирмага ишга олинганларни ўқиш дастури баъзида бир неча йилга мўлжалланади ва малакали тайёргарликни ҳамда фирмаларнинг тарихи, мақсадлари ва фаолияти жараёнларини ўрганишни ўз ичига олади. Баъзида компаниялар диний тренинг усулини ишлатадилар, янги ишчиларни фирма ётоқхоналарига вақтинча жойлаштирадилар. Ҳар бир компаниянинг махсус кийими, белгиси, қўшиғи, («Руҳлар таълимоти», «Мапусити одами», «Сумитомо одами», «Санва одами» каби) шиорлари бор. Япон компаниялари функционал, таркибий-иқтисодий ва ижтимоий мақсадларга йўналтирилган. Уларнинг самарадорлигини юқори баҳолаган ҳолда, эъибор этиш керакки, машҳур Америка шарқшуноси Э. Вогел таъкидлаганидек, халқаро стандартларга мос, йирик замонавий Япон корпорацияси гўё омадли институтдир. Ишчиларда соҳиблик ва мағрурлик ҳиссини шакллантирилиши компаниянинг келажагини таъминлайди. Ўтган асрнинг 70-80 йилларидан бошлаб йирик фирмалардан кўпчилиги кадрлар хизмати ишларини йўлга қўя бошлашди. Натижада фирмалар меҳнат бозорларининг фаоллиги ошди. Улар мутахассисларни бевосита олий ўқув юртларидан жалб қилиш усулларини эгалладилар. Ходимлар малакасини оширишга, кадрлар хизматига бюджетдан ажратилаётган маблағлари миқдори кўпайтирилди. Хўжаликни режали юритиш шароитида ишчи кучига маблағ қўйишга ташкилотларда қизиқиш бўлмаганлигининг сабаби шундаки, таълим ва малакали ишчи кучини тайёрлашга кетадиган харажатларнинг катта қисми давлат зиммасига

юкланганди. Шу сабабли ҳам ишчи кучини маблағ билан таъминлаш билан боғлиқ бўлган ҳисобларни юритиш ва харажатларни таҳлил қилиш зарурияти йўқ эди. Меҳнатга ҳақ тўлашни такомиллаштириш масалалари ва харажатлар жараёни ҳам таҳлил қилинмасди (ишчи кучини қайта ишлаб чиқариш қиймати билан иш ҳақи даражаси ўртасида боғлиқлик зарурияти), чунки иш ҳақи тўлашни ташкил қилиш давлат томонидан тариф тизими орқали қатъий белгиланганди (тариф ставкалари даражаси, ходимнинг малакаси, меҳнат шароити ва жадалилигига боғлиқ равишда фарқланган).

Хулоса: Республикамиз Конституциясига мувофиқ, амалга оширилаётган иқтисодий ислоҳотлар ижтимоий йўналтирилган бозор иқтисодиётини шакиллантиришга қаратилмоқда. Маълумки, ривожланган мамлакатларда ижтимоий йўналтирилган бозор иқтисодиёти модели етарли даражада тўлиқ ишлаб чиқилган. Ривожланган мамлакатларнинг меҳнат бозори инфратузилмасини ривожлантириш бўйича тажрибаларидан кенг фойдаланилса мамлакатимиз ижтимоий меҳнат соҳасида муносабатларни такомиллаштириш учун ҳам муҳим аҳамиятга эга бўлади.

Адабиётлар : 1. Абдураҳмонов Қ.Х. Холмўминов Ш.Р. Меҳнат иқтисодиёти ва социологияси (ўқув қўлланма). -Т.: “Ўзбекистон ёзувчилар уюшмаси Адабиёт жамғармаси нашриёти”, 2004. 2. Абдураҳмонов Қ.Х. Меҳнат иқтисодиёти (дарслик). -Т.: “Меҳнат”, 2009. 3. Абдураҳмонов Қ.Х., Мамарасулов Ф.У Аҳолининг иш билан бандлигини инфраструктураси.Т.: “ТДИУ”, 2000. 4. Абдураҳмонов Қ.Х. ва бошқалар. Мехнат иктисодиёти ва социологияси. - Т.: “Ўқитувчи”, 2001. 5. Абдураҳмонов Қ.Х. ва бошқалар. Ходимларни бошқариш (дарслик). -Т.: Ўзбекистон ёзувчилар уюшмаси Адабиёт жамғармаси нашриёти. 2004. 6. Барр Н. Рынок труда и социальная политика в Центральной и Восточной Европе. -М.: 1997. 7. Варфоломеева О.А. Становление инфраструктурў рўнка труда в переходной экономике. - СПб., Издательство СПбУЭФ. 2001.

Похожие

Меҳнат бозори инфратузилмасининг тартибга солиш механизмлари

Иқтисодиётни эркинлаштириш шароитида меҳнат бозори инфратузилмасининг ривожланиш мезонлари ва кўрсаткичлари

Меҳнат бозори инфратузилмасининг ривожланиш ҳолати ва унга таъсир этувчи ижтимоий-иқтисодий омиллар

Меҳнат бозори ва бандлик муаммолари

Меҳнат бозори ва бандлик муаммолари