Математика ўқитишда таълим жараёнларини лойиҳалаш - Экономика - Рефераты

Математика ўқитишда таълим жараёнларини лойиҳалаш

Загружено в:

20.09.2019

Скачано:

0

Размер:

36.5 KB

М атематика ўқитишда таълим жараёнларини лойиҳалаш Гулистон Давлат университети ва унинг қошидаги Гулистон академик лицейида педагогик технологияларни ўрганиш ва таълимга жорий қилиш борасидаги олиб борилган илмий тадқиқот ишлари натижасида Республикамиз шароитига мос бўлган таълим технологияларини топиш имкониятларига эга бўлдик. Бунинг учун мавжуд бўлган таълим технологиялари ва илғор давлатлардаги педагогик технологиялари ўрганиб чиқилди. Ўқувчи (талаба)ларнинг ҳамкорликда таълим олиш хусусиятлари тадқиқот қилинди. Анъанавий педагогика ва методикани танқидий таҳлил қилиш билан бирга ундаги ғоялар замонавий педагогик технологияларга сингдирилиб илғор педагогик технологиялар яратилди:  Талабаларнинг жамоа бўлиб таълим олишлари, дарсдан ташқари вақтдаги ўзаро мулоқот ва мунозара асосида билимлар олиш тамойиллари ўрганилди.  Таълимда замонавий педагогик технологияларни қўллаш имконини берувчи кутубхона фаолияти, электрон ҳисоблаш машинларидан, жумладан, интернет тармоғидан ва электрон почтадан фойдаланиш йўллари изланди.  Таълимда замонавий педагогик технологияларни қўллаш муаммолари ўрганиб чиқилди ва булар педагогик тажрибадан ўтказилмоқда. Тажрибаларимиз энг муҳим муаммо, профессор-ўқитувчиларни педагогик технологияларни ўрганишга тайёрлаш эканлигини кўрсатди. Бу муаммолар педагогик кадрларнинг савиясини ошириш ва маъруза матнларини педагогик технологиялар асосида тайёрлаш ёрдамида ечилди. Лойиҳалаш фаолияти ҳозирги замонавий таълимида кенг қўлланилмоқда. Лойиҳалаш замонавий педагогик технологияларни қўллашнинг энг асосий методларидан ҳисобланади. АҚШ, Англия, Франция ва кейинчалик Россияда лойиҳалаш ўқув жараёнининг бир қисмига айланган. Лойиҳалаш методи кейинги вақтларда назарий ҳам амалий методикага ва

дидактикага кириб келди. Лойиҳа тушунчаси бирор ғоя, ўйланган режани ва ҳоказолар ҳақидаги фикрларни амалда ишлаб чиқишдир. Лойиҳа деганда баъзан бирор маҳсулотни тайёрлашдаги ташкилий ва амалий ишлар ҳам тушунилади. Ўқув тарбиявий ёки ташкилий ишлар, масалан, математика фани ҳафталиги, спорт байрамлари, «Кичик мактаблар» фаолияти кабиларни маълум йўналишда ва маълум мавзуда ташкил этишга ҳам лойиҳалаш деб қараш мумкин. Бироқ бунда лойиҳалаш методига риоя қилиш лозим бўлади. Лойиҳалаш методидан фойдаланиб, таълимдаги методик тизим элементлари (таълим мақсади, мазмуни, методлари, восита, шакл ва жараёнлари) орасидаги узвийлик принципига асосланиб таълимни ташкил этиш таълимда қўйилган мақсад ва ундан кутилаётган натижага босқичма-босқич эришиш мақсадга мувофиқдир. Маълумки, метод бу дидактик категория бўлиб, бирор фаолиятдаги маълум амалий ва назарий билимлар соҳасини эгаллашда операциялар (амаллар), усуллар мажмуасидир, ёки билиш фаолиятини ташкиллаштириш усулидир. Лойиҳалаш методи деганда, биз дидактик мақсадга эришиш учун муаммоларни топиш, аниқлаш ва уларни ишлаб чиқиш (технология) усулларини тушунамиз. Турли шаклда ифодаланган ишланма (лойиҳа) ҳаётий, амалий натижа билан якунланиши ва у ҳаётда қўлланилиши мумкин. Лойиҳалаш муаммоли методлардан ҳисобланади. Агар методика бирор кўринишдаги фаолиятни бошқаришдаги операциялар ва ҳаракатлар мажмуаси десак, технология (педагогик технология) фаолиятни ва операцияларни аниқ бир тартибга солиш усуллари ва уларни қайта ишланмаси ҳамда буларни маълум мантиқ билан бажаришдир. Агар метод технологик жиҳатдан қайта ишланмаса, амалда уни тўғри ва кенг қўлланилишига кафолат бўлмайди. Педагогик технология фаолиятни қатъий алгоритмлашни талаб этмайди. Балки бундаги керакли ижодий фаолиятга кенг ўрин беради ва шароит яратади. Лекин бу ижодий фаолият мазкур методик принциплар моҳиятига мос келиши лозим бўлади. Лойиҳалаш методи ўз табиатига кўра кенг спектрдаги муаммолар бўлишини тақозо этиб,

ижодий ва изланувчан методларни қамраб олади. Бу муаммолар аниқ ҳаётий ва амалий натижага йўналтирилган бўлади. Иккинчи томондан, ҳар хил шароитларни ва факторларни ҳисобга олувчи натижани олиш учун керак бўладиган муаммоларни ишлаб чиқиш ўқувчи учун ҳам аҳамиятли бўлади. Лойиҳалаш фаолияти ўқувчи (талаба)лар билан ишлашни ташкиллаштиришнинг энг оммабоп шаклларидандир.

Адабиётлар рўйхати : 1.Ё У.Соатов Олий математика ,1 2,3 жилд.Т, Ўқитувчи 1992 й 2. Т.Жўраев ва бошқалар .Олий математика асослари Т, Ўзбекистон,1998 йил 3. П.Е. Данко ва бошқалар . Вь i сшая математика в упражнениях и задачах. М, «Вь i сшая школа» 1979 г 4. Х.Р.Латипов ва бошқалар.Аналитик геометрия ва чизиқли алгаебрадан масалалар ечиш бўйича қўлланма.Т, Фан,1999й 5. А.Б.Бегмат, М.Я. Якубов Иқтисодчилар учун математика.Самарқанд, 2003й 6. Г.Ғаймназаров .С.Қосимов .О.Ғаймназаров “Иқтисодиётда математика” Т-“Фан ва технология”, 2008 йил, 53-57 бетлар, 7. Ч.Э.Мирзаев, Олий математика. Ўқув услубий мажмуа, Гулистон, 2008й 8. Х.Р. Латипов, Ф.У. Носиров, Ш.И. Тожиев «Аналитик геометрия ва чизиқли алгебрадан масалалар ечиш бўйича қўлланма» 1999 й.

Похожие

Савдо корхоналарининг техник жараёнларини бошқариш.

Магазинларда савдо-технологик жараёнларини ташкил этиш

Савдо корхоналарида харидорларга хизмат курсатиш жараёнларини бошкариш

Модулли ўқитиш технологияси. Модулли ўқитишнинг моҳияти, тамойиллари ва ёндашув турлари

Сервис соҳаси фан-техника тараққиёти ва инвестиция жараёнларини амалга ошириш