Ma’naviyat va ma’rifat ishlarini tashkil etish (turizm) - Экономика - Рефераты

Ma’naviyat va ma’rifat ishlarini tashkil etish (turizm)

Загружено в:

20.11.2023

Скачано:

0

Размер:

32.482421875 KB

Ma’naviyat va ma’rifat ishlarini tashkil etish Reja: 1. Ma’naviyat va ma’rifat ishlarini tashkil etish asoslari. 2. «Ma’rifat» tushunchasi. 3. Yakka tartibda ta’lim-tarbiya ishlarini olib borish.

Ma’naviyat va ma’rifat ishlarini tashkil etish asoslari. «Ma’naviyat» arabcha so’z bo’lib, kishining ichki, ruhiy hayotiga oid tomonlarni, axloqiylik degan ma’noni anglatadi. Ma’naviyat - jamiyatning, millatning yoki insonning ichki hayoti, ruhiy kechinmalari, aqliy qobiliyati, idrokini mujassamlashtiruvchi tushuncha. Ma’naviyat - umuminsoniy ma’naviyat, jamiyat, xalq yoki millat ma’naviyati, alohida shaxs ma’naviyatiga ajratish mumkin. Masalan. Dunyodagi barcha insonlarning tinch-osuda, sog-salomat hayot kechirishga mehnat qilishga urunishlari, orzu-umidlari - umuminsoniy ma’naviyatga, demokratik suveren davlat qurish, tenglar ichida teng bo’lib yashash-millat ma’naviyati, kasb-hunar o’rganish va shu asosda xalqqa xizmat qilish shaxs ma’naviyatiga kiradi. Har bir xodimning ma’naviyati uning ruhiy va aqliy olamini tashkil qiluvchi fikru-zikri, hissiyoti, tuygulari, tashvishlari, olam to’grisidagi tushuncha, hulosalari, ularga bergan bahosi, o’zini va o’zligini anglab yetishi, ota-onaga, o’gil-qizga, aka-ukaga, xalqqa bo’lgan mehr-muxabbatlaridan tashkil topadi. Ma’naviyatda insonning iymoni, e’tiqodi, ahloqi, hayotning ma’nosini qanday tushunish, ichki dunyosi namoyon bo’ladi. Ma’naviyat taqdirning ehsoni emas. Ma’naviyat inson qalbida kamol topishi uchun u qalban va vijdonan, aql va qo’l bilan mehnat qilishi kerak. Ma’naviyat - insonning, xalqning, jamiyatning, davlatning kuch-qudratidir.

Ma’rifat» tushunchasi. «Ma’rifat» arabcha so’z bo’lib, o’zbek tilida kishilarning bilimini, ongini, madaniyatini oshirishga qaratilgan ta’lim-tarbiya ma’nosini anglatadi. Ilm-fan nazmida ma’rifat deganda kishilar orasida zamonaviy bilimlarni ya’ni fan, texnika, san’at va madaniyat, siyosat kabi ilmlarni tarqatish, targibot qilish ishlari tushuniladi. Shuning uchun ilm-fan, madaniyat yutuqlarini tarqatish bilan mashgul bo’lgan kishilarni ma’rifatparvarlar deb, ana shu ilmu bilimlardan bahramand bo’lganlarni ma’rifatli kishilar deb atashadi. Ma’rifat so’zining ko’plik shakli maorifdir. Ma’rifatni hayotga singdirish maorif tizimi orqali oshiriladi. Maorif asosan umumiy va o’rta-maxsus bilim beruvchi maktab va kollejlar tarmoqlarini qamrab oladi. Ma’rifat tushunchasi kengroq bo’lib, bilim va madaniyatni yoyish va yuksaltirishning hamma turlari va sohalarini o’ziga qamraydi. Insoniyatrivoji tarixidan shu narsa ma’lumki, hamma vaqt davlvtlarning salohiyati, jamiyatning ravnaqi ma’rifat ishlarini qay darajada tashkil etilganligiga bogliq bo’lib kelgan. Qaysi mamlakatda ma’rifat ishlari ommaviy tarzda, ilmiy asosda, muntazam ravishda to’gri yo’lga qo’yilgan bo’lsa, o’sha yerning xalqi, davlatning fuqarolari yuksak bilim va ma’naviyat sohibi bo’lganlar. Yuksak bilimli, ma’naviyatli va ma’rifatli xalq doimo to’q va badavlat yashaydi. Har tomonlama kamol topgan, boy-badavlat va ma’rifatli xalq har qanday davlatning asosiy kuchi, tayanchi hisoblanadi. Shunday ekan, hozirgi kunda davlatlar o’zlarining zamonoviy qurol-yaroqlari, o’q-dorilari bilan emas, balki ma’rifatli va ma’naviyatli odamlari bilan kuchli sanaladi. Ma’naviyat va ma’rifat ishlarini ikki yo’nalishda olib boriladi. Birinchi yo’nalish oliy va o’rta maxsus o’quv yurtlari, malaka oshirish, qayta tayyorlash kurslarida zamonaviy bilimlarni berish orqali olib boriladigan ma’naviyat va ma’rifat ishlaridan iborat bo’lsa, ikkinchi yo’nalish madaniy- ma’rifiy muassasalar ya’ni madaniyat saroylari, kutubxonalar, dam olish maskanlari kabilarda olib boriladigan ma’naviyat va ma’rifat ishlaridan tashkil topadi. Bu yo’nalishdagi tadbirlar shaxsiy tarkib bilan birga olib boriladigan

ma’rifat darslari, turli xil davlat va jamoat arboblari, olimlar, shoirlar, san’atkorlar, mehnat faxriylari, xorijlik hamkasblar bilan bo’ladigan uchrashuvlar, madaniyat va istirohot boglariga, tarixiy ahamiyatga molik joylarga sayohatlar, kino-konsert zallariga, muzeylarga, teatrlrga, fan-texnika va madaniyat yutuqlari ko’rgazmalariga qilinadigan tashriflar hamda turli xil madaniy-ma’rifiy muassasalar ishlarini tashkil etish kabilarni qamrab oladi. Ma’rifat darelarini o’tkazish shakllari. Ma’rifat darelarini o’tkazishdan maqsad eng zamonaviy fan va texnika yutuqlari, siyosiy hayotda yuz berayotgan o’zgarishlar va dunyoda sodir bo’layotgan yangiliklar bilan tanishtirish asosida ularning ma’naviy saviyasini oshirishdan iborat bo’lib, ular asosan qo’yidagilardan iborat: O’zbekiston Respublikasi Prezidentining nutqlari, maqola, kitoblari, farmon va farmoyishlarida bayon etilgan fikrlar mazmuni, mohiyati. Respublika xukumatining qarorlari, buyruqlari, xizmat nizomlari. Mamlakat aholisining mehnatda erishayotgan yutuqlari, kishilar turmush tarzida bo’layotgan o’zgarishlar, hayotga kirib kelayotgan yangicha urf-odatlar, yoshlarning hayotga munosabatlari. Adabiyot, sa’nat va fan-texnika sohalarida erishilgan yutuqlar yoki yo’l qo’yilgan kamchiliklar va h.k. Ma’rifat darslarini asosan ma’ruza, munozara, davrv suhbati, siyosiy axborot shakllarida maxsus ajratilgan vaqt-ma’rifat kunlarida o’tkaziladi.

Yakka tartibda ta’lim-tarbiya ishlarini olib borish. Yakka tartibda ta’lim-tarbiya ishlarini olib borish - yuksak madaniyatli xodimlarni tayyorlash garovi. Yakka tartibda ta’lim-tarbiya ishlarini olib borish - rahbar, boshliqning o’ziga bo’ysunuvchi har bir xodimni har tomonlama o’rganish va shaxsiy imkoniyatlarini inobatga olish asosida uning ongida vatanga muhabbat, o’z kasbiga sadoqat bilan xizmat qilish, tartib-intizomni mustahkamlash, har qanday qiyinchiliklarga bardosh berib, o’z xizmat vazifasini halol, bekamuko’st bajarishlarini ta’minlash uchun olib boriladigan ish faoliyatiga aytiladi. Yakka tartibda olib-boriladigan ta’lim-tarbiya jarayonining tarkibiga qisimlariga qo’yidagilar kiradi: xodimni shaxs sifatida har tomonlama chuqur o’rganish; yakka tartibda ta’lim-tarbiya ishlarini olib borish dasturini tuzish; xodimga har tomonlama ta’sir o’tkazish uchun eng yaxshi tarbiya usullari, vositalari va shakllarini tanlash; tarbiya natijalarini muntazam ravishda kuzatib borish, nazorat qilish.

Foydalaniladigan adabiyotlar: 1. M.N. Muminova, M.A. Maksumova «Kasbiy etika va etiket», uslubiy qo’llanma, T.,2006. 2. I. A. Karimov «Istiqlol va ma’naviyat» T.,1994. 3. I. A. Karimov «O’zbekiston buyuk kelajak sari» T.,1998. 4. N. E. Muhammadiyev «Kasb etikasi va estetik madaniyati»- Toshkent,1998 y. 5. M. Abdullayev, E. Xakimov «Vvedeniye v etiku»-Namangan, 1998. 6. Abdulla SHer «Axloqshunoslik» Ma’ruzalar matni, Toshkent, 2000 7. V.G. Fedsov «Kultura servisa» Uchebno-prakticheskoye posobiye - M., «PRIOR», 2001. 8. A.A. Avloniy «Turkiy guliston yohud ahloq», T. 1992. 9. Y. Y. Petrunin, V.K. Borisov «Etika biznesa» M., «Delo»,2000. 10. S. S. Gulomov «Tadbirkorlik va kichik biznes» - T., «Shark», 2002.

Похожие

Turlarni shakllantirish va tashkil etish (turizm)

Transport xizmatini tashkil etish (turizm)

Ilmiy-tadqiqot va tajriba-konstruktorlik ishlarini tashkil etish

Turizm sohasida brend yaratish, ommaviy uchrashuv va namoyishlarni tashkil etish

Kreditlashni tashkil etish asoslari