Коррекцияловчи қурилмалар - Экономика - Рефераты

Коррекцияловчи қурилмалар

Загружено в:

20.09.2019

Скачано:

0

Размер:

97.9853515625 KB

Коррекцияловчи қурилмалар Режа: 1. Коррекцияловчи қурилмаларнинг вазифаси 2. Автоматик тизимларини коррекциялаш воситалари 3. Дағал тескари боғланишлар элементлари

Коррекцияловчи қурилмаларнинг вазифаси Техникада автоматик бошқариш тизимлари қўлланилар экан, коррекциялаш, автоматик бошқариш назариёти ва амалиётида асосий муаммолардан бири бўлиб қолаверади. «Коррекция»-сўзи тузатиш, тўғрилаш деган маънони билдириб АВСларни фаолиятида муҳим ўрин туртади. Аввал айтиб ўтилганидек, бошқариш тизимларида, юқори аниқлилик катта қийматли кучланиш коэффициентига эга бўлганда бўлади. Шу билан бир қаторда, бу катталик турғунлик нуқтаи назаридан чегаралангандир. Улардан ташқари, бир контурли тизимларининг, тузилиш талабларини ҳар доим ҳам қондириб бўлмайди, чунки тузилиш схемалар турли хил консерватив, нотурғун ва интегралловчи бўғинлардан ташкил топгандир. Шу сабабли ростлаш ва бошқариш тизимларига, қўшимча равишда, турғунликни таъминловчи ускуналарни қўшишга тўғри келади. Киритилган қўшимча ускуналар ёки элементлар доимий бўғинларнинг мусанобатларини ўзгартириб (критик кучайтириш коэффициентини орттириб, иш жараёнини сифатини оширади), нотурғун бўғинларнинг тавсифиларини ҳам ўзгартиради ва шу билан тизимнинг турғунлигини таъминлайди. Бошқариш тизимларида қўшимча элементлар қўшиш йўли билан турғунликни таъминлаш коррекция деб аталади, қурилмалар эса коррекцияловчи қурилмалар деб аталади. Коррекциялашнинг хусусий ҳоли бўлиб, нотурғун тизимларини барқарорлаштириш ҳисобланади. Тизимни коррекциялашнинг турли усуллари мавжуддир. Улар ичида қўшимча тескари боғланишлар ўз ичига бир, ёки бир неча бўғинни олиши билан кенг аҳамиятга эга бўлиб, кўп қўлланилади. Асосий тескари боғланишдан фарқли равишда, бошқаришнинг туташувчи асосий контури ташқи тескари боғланиш деб аталади. Қўшимча тескари боғланишлар эса ички тескари боғланиш деб аталиб, параллел коррекциялаш занжирини ташкил этади. Ички ва ташқил тескари

боғланишларга эга бўлган тизимлар эса, олдинги бобларда айтиб ўтганларимизга кўра, кўп контурли тизимлар деб аталадилар. Автоматик тизимларининг коррекцияловчи қисмлари бўлиб, бошқариш қонуниятларига ҳосилалаш ва интеграллаш жараёнини киритувчи элементлар ва қурилмалар ҳисобланади. Улар тизимларининг динамик хусусиятларини ўзгартирадилар. Автоматик тизимларини коррекциялаш воситалари Коррекцияловчи қурилмалар ишлаш қонуниятига кўра хилма хил гуруҳларни ташкил этади. Уларга ҳар хил электрик ва механик қурилмалар (сигналлар устидан дифференциаллаш ва интеграллаш амалини бажариш учун) ҳамда ёрдамчи механизмлар (тескари боғланишни таъминлаш учун) киради. Коррекцион қурилмалар пассив типли ва фаол типли бўлиши мумкин. Пассив типдаги коррекция қурилмалари энергия манбасига эга бўлмай, уларнинг чиқишидаги сигналлар қуввати киришдаги сигнал қувватига қараганда камдир. Фаол типдаги қурилмалар кучайтиргичларга эга бўлиб, қўшимча энергия манбалари билан та o минлангандирлар. Электр сигналининг кўринишига қараб коррекцияловчи қурилмалар ўзгарувчан ва ўзгармас токда ишлайдиганлар синфига бўлинади. Коррекцияловчи қурилмаларни автоматик бошқариш тизимси таркибига киритилаётганда уларни уланиш усулини текшириб кўриш, ҳамда тебранишни пасайтирувчи қурилмалар –демпферлардан фойдаланиш керак бўлади. Айрим ҳолларда ҳаво тўлдирилган ёки ёғли демпферлардан фойдаланилади. Агар бўғиннинг динамик иш жараёни (Т 2 р 2 +1) х чиқ = k х кир (7.1) тенглама билан ёзиладиган бўлса, у ҳолда унинг эркин ҳаракати сўнмайдиган тебранишларни ташкил этади. Тебранишни пасайтирувчи демпфер ёрдамида (Т 1 2 р 2 +Т 2 р+1)х чиқ= kx кир (7.2)

кўринишдаги тенгламага эга бўлишимиз мумкин ва бу ҳаракат пайтида қаршилик кўрсатиб, тебранишни сўнишга олиб келишини кўрсатади. Механик тизимлар учун эса суюқликни (магнитли, ҳаво ва ёғли демпферлар билан бир қаторда) бошқа пасайтирчигардан ҳам фойдаланилади. Стаканнинг ичида ҳаракатланувчи, торгина тешикка эга бўлган поршенли демпферлар, мўйнасимон, елпиғич шаклидаги ва бошқача кўринишдаги демпферлар мавжуддир. Магнитли демпферларга қурилманинг ҳаракатланувчи қисмига узвий боғланган, ўзгармас ток магнит майдонида айланадиган алюмин лаппакни ҳам олиш мумкин. Лаппак уюрма токлар та o сирида айлаганда тезликка пропорционал равишда айланишга қаршилик кўрсатувчи момент пайдо бўлади. Дағал тескари боғланишлар элементлари Дағал тескари боғланишлар физик белгиларига қараб турлича бўлишлари мумкин. Шулардан бир нечтасини кўриб чиқайлик: 1) Механик тескари боғланиш Механик созлагичларда қаттиқ ричаглар ердамида амалга ошириладиган дағал тескари боғланишлар кўп тарқалгандир. 7.1-расмда сервомотор поршени ва суюқлик тақсимловчи клапан ўртасида қўшимча дағал боғланишни амалга оширувчи а б қаттиқ ричагдан фойдаланиш мисоли кўрсатилган. Шу дағал тескари боғланиш туфайли статик хатоликлар мавжуд бўлган ҳолларда (чизмада стрелкалар орқали ёғни қуйиш ва тўкиш кўрсатилган) тизимда турғунлик таoминланади. Яна қатор бошқа мисолларни келтириш мумкин: ричагли-пневматик, ричагли-гидравлик, муштумчали, лекалосимон ва ҳаказо.

7.1-расм 2) Электромеханик тескари боғланиш Электр бошқариш тизимларида электромеханик ва электр тескари боғланишлар қўлланилади. а) б) 7.2-расм . Шуларнинг ичида кўпроқ қўлланиладиган схемалардан бири кўприк схемаси ( 7.2 а -расмга қаранг) бўлиб, унда кўприкнинг элементларидан бирига механик та o сир қилиш натижасида электр тескари боғланиш сигнали киритиш йўли билан амалга оширилади. 7.2 нчи б- расмда эса электромеханик тескари боғланиш вариантларидан яна бири курсатилгандир: r 1 ва r 2 реостатнинг силжигичларига та o сир қилиш натижасида трансформаторнинг w 1 ва w 2 иккинчи чулғамларидан кучайтиргич k нинг киришга келаётган электр сигнал катталиги ўзгаради. Трансформаторнинг бирламчи чулғами ўзгарувчан ток тармоғида озиқланади. Тескари боғланишни ишорасини трансформоторнинг иккинчи чулғамларини учларини алмаштириб уланиш йўли билан бемалол ўзгартирилиши мумкин. Баъзи ҳолларда тезкор тескари боғланишга эга бўлиш учун электр кўприкли боғланишлардан фойдаланилади; бунда кўприкнинг тескари боғланишда фойдаланиладиган елкасидаги қаршилик ўрнига тахогенераторнинг якори уланади, бу эса бажарувчи двигателнинг ўқини

бурчак айланишига пропорционал равишда электрсигнали киритиб бериб туради. 3) Электр тескари боғланиш Бу кўринишдаги коррекцияловчи қурилмаларда электр сигнал олдинда турган қандайдир элементнинг чиқишидан келиб киради (7.3-расм). 7.3-расм Агар бордию, тезкор тескари боғланишларда тахогенераторлардан фойдаланиш мақсадга мувофиқ бўлмаса, у ҳолда кўприк елкаларидан бири бўлиб, бажариш двигатели Д нинг ( 7.3 а -расм) якори хизмат қилади. Д га генератор Г дан созловчи кучланиш берилади. Кўприк берилган режимда мувозанатлашган бўлса, кучайтиргич К нинг киришига берилаётган кучланиш бурчак тезлигига пропорционал бўлади. Агар кўприк мувозанат ҳолатида бўлмаса унда кучланиш тезлик ва тезланишга пропорционал бўлади. Яна бошқачароқ мисоллар қаторига электрон ( 7.3 б -расм), магнит ва электромашинали ( 7.3 в -расм) кучайтиргичларнинг чиқишидан киришга бошқариш чулғамлари ёки потенциометрлар орқали сигнални узатиш ҳолларини кўриш мумкин. 7.3 в - расмда кўзғатгичнинг кучланиши бўйича ва асосий занжир якорнинг токи бўйича дағал электр тескари боғланишга эга бўлган тизим мисоли кўрсатилган.

Электр тескари боғланишнинг яна бир кўриниши эгри чизиқли тавсифига эга бўлган, мувозанат ҳолатдаги кўприк сифатида берилиши мумкин. Мувозанат ҳолатидаги кўприкнинг киришидаги озуқа кучланиш тебранишлар натижасида токни ўзгартиради. Бу кўприк елкаларидан оқаётган ток қийматининг ўзгариши натижасида, эгри чизиқлик туфайли, кўприк елкаларининг бирида мувозанат бузилади. Бу эса кўприкнинг чиқишида киришдаги кучланиш миқдорнинг оғиши билан аниқланадиган сигнал пайдо бўлишига олиб келади. Узгарувчан токда ишлайдиган автоматик тизимларда шундай дағал тескари боғланиш қурилмалари ишлатиладики, улар ёрдамида киришдаги сигналнинг катталиги ёки фазаси ўзгарганда чиқишдаги сигналнинг ҳам катталигини ва фазасини ўзгартириш мумкин. Бунинг учун одатда ўзгарувчан кучланишни қутблари киришдаги кучланишнинг фазаси билан аниқланадиган, ўзгармас кучланишга айлантириб берадиган тўғрилагич– кучайтиргич қурилмалардан фойдаланилади. Дифференциалловчи элементлар . Бошқариш қонуниятига ҳосила киритишни та o минловчи коррекцияловчи қурилмалар электр, механик ва электрмеханик гуруҳларга бўлинадилар. Шу билан бир қаторда электр қурилмалар ўзгарувчан ва ўзгармас токларда ишлайдилар. Электр сигналларни, бурчак ва чизиқли силжишларни ўзгартирувчи дифференциалловчи элементлар актив типли ва пассив типли бўлиши мумкин. 7.4 - расмда гидравлик дифференциалловчи қурилма ( 2 ) дан фойдаланиш кўрсатилган. У ички ёниш двигателининг ўқини айланиш тезлигини барқарорлаштирувчи ричагли тескари боғланиш занжирида қўлланган. Гидравлик кучайтиргич (1) нинг

7.4-расм поршени силжиганда тескари боғланиш ричаги ҳам ҳаракатланади. Ъаракат шундай бўладики, унда гидравлик демпфер ( 2 ) ни тўлдириб турган ёғ аниқ бир ўлчамга келитирилган тешик ( 3 ) дан оқиб кетиб улгурмайди. Кучайтиргич ( 1 ) нинг поршени тўхтагач, демпфердаги ёғ пружина та o сирда секин – асталик билан тешик орқали бир бўшлиқдан иккинчи бўшлиққа оқиб ўтади. Натижада тескари боғланиш ричаги дастлабки ҳолатига қайтади. Бу бошқариш тизимси билвосита та o сир этувчи астатик тизимдир (стрелкалар ёрдамида ёғни қуйиш ва тўкиш йўллари кўрсатилган). Агар механик дифференциалловчи тескари боғланишлар электр қурилмаларнинг параметрларига та o сир кўрсатса, бундай қурилмалар электромеханик дифференциалловчи қурилмалар деб аталадилар . Узгармас ток занжирларида киришдаги кучланишнинг ҳосиласига пропорционал бўлган сигналларни олиш учун сиғим ва омик қаршиликлардан ташкил топган пассив тўрт қутблиликлардан фойдаланилади ( RC -контурлар). Уларнинг энг яхши ва қулай томонлари бу : арзонлиги, тайёрлашнинг осонлиги, стандарт деталлардан фойдаланиш имкониятининг мавжудлиги, айрим элементларнинг алмаштиришни мумкинлиги ва ҳаракатланувчи қисмларнинг йўқлигидир. Содда дифференциалловчи контур 7.5 а -расмда кўрсатилган 7.5-расм

а) б) в) 7.5- расм

Контурнинг узатиш функцияси К(р)=T р(1+Tр) -1 , бу ерда T = RC -контурнинг вақт доимийси. Дифференциалловчи қурилмалар оддий туташган берк автоматик тизимлар (дифференциаторлар) кўринишида ҳам бўлиши мумкин, электрон модел сифатида бўлиши ҳам мумкин ва ҳаказо. Интегралловчи элементлар Интегралловчи элементлар электр сигналларини, бурчак ва чизиқли силжишларни ўзгартирувчи актив ва пассив қурилмалар кўринишларида бўлиши мумкин. Интегралловчи элементлар бошқариш қонуниятига интеграл киритади. Механик интегралловчи элементларга электр, гидравлик ва пневматик поршенли двигателлар кириб, уларда чиқишдаги ўзгарувчилар бурчак оғиши ва чизиқли силжишларни курсатувчи сигналлар бўлади. Идеал интегралловчи элементларнинг узатиш функцияси К(р)= k а /р Электромеханик интегралловчи қурилмалар двигателларнинг ўқи потенциометрнинг ёки автотрансформаторнинг силжигичлари билан механик боғланишга эга бўлганда шу потенциометр ва трансформаторлар билан двигателни мослашиб ишлайдиган конструкциялари кўринишида бўлади. Бундай ҳолда чиқишдаги ўзгарувчи бўлиб потенциометрнинг, ёки автотрансформаторнинг кучланиши саналади. Айрим ҳолларда двигателнинг ўқи реостатнинг силжигичи билан бириктирилади. Бунда у, билвосита ростлаш тизимларида, ўзидан кейинги элементнинг киришига уланади ( 7.6 - расм). Генераторнинг кучланиши ўз қийматидан оғганда потенциометрнинг ҳаракатланувчи чўткаси силжийди. Бунинг натижасида двигателнинг якори чулғамига ма o лум бир катталикда ва қутби аниқ ҳолда кучланиш берилади ва двигател ГҚИ занжирига уланган реостат силжигични ҳаракатга келтиради. Бу нарса генератор кучланиши керакли қийматга етгунча давом этади. Интегралловчи механик элементлар тоифасига яна демпферлар, пружиналар ва бошқа қурилмаларни ҳам олиб кўриш мумкин.

Щзгармас ток тармоқларида сигналларни интеграллаш учун конденсатор С ва қаршилик R дан ташкил топган контурлардан фойдаланилади 7.5 б -расм. 7.6-расм Бундай контурларнинг интегралловчи та oc ирлари шунга асосланган-ки, уларда конденсатордаги кучланиш шу конденсатордан ўтаётган токнинг интегралига тенгдир. Шунда контурнинг узатиш функцияси К(р)=(1+Тр) -1 (7.1) каби ифодаланиб, бу ерда Т= RC -контурнинг вақт доимийси ( 7.1 ) ифода инерцияли (нодаврий) биринчи даражали бўғиннинг узатиш функциясининг айнан ўзи , лекин кўрилаётган 7.5 б -расмдаги занжир юқори частоталарда интегралловчи хусусиятга эгадир. Интегралловчи қурилмалар содда берк тизимлар (интеграторлар) электрон моделлар ва ҳоказолар кўринишида бўлиши ҳам мумкин . Интегро-дифференциалловчи элементлар . Бундай қурилмалар дифференциалловчи ва интегралловчи элементлар каби хусусиятларга эгадирлар. Улар ма o лум бир частоталарда дифференциаллаш, бошқа частоталарда эса интеграллаш вазифасини бажарадилар. Механик интегро-дифференциалловчи қурилмалар эса интегралловчи ва дифференциалловчи элементларнинг бирлашишидан (гидравлик, пневматик, демпфер қонуниятига асосланган, пружинали ва ҳ.к. ) ҳосил бўлади. Мужатсамланган электр интегро-дифференциалловчи контурлар ҳам мавжуд ( 7.5 в –расм). Улар пассив R , С элементлардан ташкил топган

дифференциалловчи Z 1 (р) ва интегралловчи Z 2 (р) қисмлардан иборат занжирни ташкил этади. Бундай контурнинг узатиш функцияси оператор қаршиликларни нисбати орқали аниқланади: Z (р)= Z 1 (р)+ Z 2 (р)=( R 1 / R 1 C 1 р+1)+( R 2 C 2 р+1/ C 2 р); Z 2 (р)= R 2 +(1/С 2 р)=( R 2 C 2 р+1)/С 2 р; К(р)= Z 2 (р)/ Z (р)=(Т 1 р+1)(Т 2 р+1)/[(Т 1 р+1)(Т 2 р+1) +Т 3 р]; бу ерда Т 1 = R 1 C 1 ; Т 2 = R 2 C 2 ; Т 3 = R 1 C 2 ; Интегро-дифференциалловчи қурилмалар электрон моделлар, электр занжирлар ва ҳоказолар кабилар кўринишида учрайдилар.

Адабиётлар: 1. Терия автоматического управления, под редакцией А.А. Воронова. Москва, «Вусшая школа», 1986 г. 367с. 2. Основ теории автоматического регулирования. Под редакцией В.И. Крутова. Москва “Машиностроение”, 1984 г. 368 с. 3. Д.А. Мирахмедов. Автоматик бошқариш назарияси. Тошкент, “Узбекистон”, 1993 й. 285 б. 4. П.В. Куропаткин. Теория автоматического управления. Основ теории управления. Москва, «Вусшая школа», 1973 г. 527 с. 5. Н.Р. Юсуфбеков, Б.Э. Мухамедов, Ш.М. Гуломов. Автоматика ва ишлаб чиқариш проце cc ларнинг автоматлаштирилиши. Тошкент, “Уқитувчи”, 1982 й. 317 б.

Похожие

Қайишқоқ тескари боғланиш

Утиш жараёни сифатини очиқ тизимларининг логарифмик частота тавсифилари бўйича баҳолаш

Автоматик тизимларни таснифи

Бошқариш жараёнининг сифатини текшириш

Автоматик бошқариш тизимларининг асосий жиҳозлари