Давлат иш билан бандлик хизмати фаолиятининг самарадорлигини баҳолаш усуллари - Экономика - Рефераты

Давлат иш билан бандлик хизмати фаолиятининг самарадорлигини баҳолаш усуллари

Загружено в:

16.03.2024

Скачано:

0

Размер:

137 KB

Давлат иш билан бандлик хизмати фаолиятининг самарадорлигини баҳолаш усуллари Режа : 1. Давлат иш билан бандлик хизмати фаолиятининг самарадорлигини баҳолашнинг зарурати 2. Давлат иш билан бандлик хизмати фаолияти самарадорлигини баҳолаш усулларининг таснифи 3. Давлат иш билан бандлик хизмати фаолиятининг самарадорлигини баҳолашнинг янги кўрсаткичлар ҳисоби бўйича дастурий таъминоти

Давлат иш билан бандлик хизмати фаолиятининг самарадорлигини баҳолашнинг зарурати Иқтисодий тизимлар ривожланишининг барқарорлиги иш билан бандликнинг белгиланган аниқ даражасига мувофиқ келишини назарда тутади. Иш билан бандлик даражаси ижтимоий фойдали меҳнат соҳасида меҳнатга лаёқатли аҳолидан фойдаланиш даражасини характерлайди. Бу кўрсаткичнинг кўтарилиши мамлакатда иқтисодий ҳолатлар мураккаблашувининг олдини олади. Шундай бўлсада, ишчи кучига талаб ва таклиф ўртасидаги муносабатнинг ўзаро боғлиқлиги натижаси ўлароқ ишсизликни ёки ишчи кучи тақчиллигини юзага келтириши мумкин. Бугунги кунда айтиш мумкинки, Ўзбекистонда меҳнат бозорининг ҳолати анъанавий хусусиятга эга: Янги иш ўринларининг яратилиши ҳисобига ишсизлар сони бир мунча қисқармоқда. Табиийки, янгича муносабатлар шароитида иш билан бандлик хизмати фаолиятини баҳолаш учун янги усуллар, мезонлар мувофиқлигида янгича йўналишдаги стратегияни ишлаб чиқиш зарур. Иш билан бандлик хизматининг меҳнат бозори сегментидаги жойлашувини жиддий равишда ўзгариши стратегик янгиланишга: иш берувчилар билан ишсизлар ўртасида устун даражада фаолият юритишнинг бевосита воситачилик ролидан билвосита воситачилик ролига ўтиш тезроқ ишсиз юрган фуқароларни иш билан таъминлаш ва бўш иш жойларини кадрлар билан тўлдиришга ҳаракат қилиш мақсадида, иккала мижознинг мустақил фаолият юритишларига олиб келади. Иш билан бандлик хизмати ўзининг асосий мижозлари билан ишини шундай ташкил қиладики, бунда иш берувчи меҳнат бозорининг ҳолатига қараб ишчи кучи талабининг келажакдаги ўзгариши бўйича олдиндан ўз стратегиясини ишлаб чиқиши ва олдинроқ кадрлар тайёрлаш масаласини ҳал қилиши зарур; ишсизларда эса, касбий малакаларини ўсишига ички талабни

ривожлантириш ва меҳнат бозоридаги рақобат курашига психологик жиҳатдан тайёр бўлишлари зарурлигини ифодалайди. Иш билан бандлик хизмати фаолиятининг самарадорлигини баҳолаш учун оптимал усуллардан фойдаланиш зарур. Бу билан боғлиқликда қўйилган масалалар қуйидагилардан иборат: 1. Иш билан бандлик хизмати фаолиятининг самарадорлигини баҳолаш учун тадбиқ этилаётган усулларни тизимлаштириш; 2. Ҳудудий иш билан бандлик хизмати фаолиятининг самарадорлигини баҳолашда кўрсаткичлар тизими ва усулларини таҳлил этиш; 3. Иш билан бандлик хизмати фаолиятининг самарадорлигини баҳолаш усулларини такомиллаштириш бўйича татқиқотлар ўтказиш ва тавсиялар ишлаб чиқиш Меҳнат соҳасида иш билан бандлик хизмати ҳар қандай давлат ташкилоти сингари иерархияли (поғонали) тузилмаларга эга, шунинг учун унинг фаолиятини баҳолаш турли даражалардаги бошқарув органлари сифатида амалга оширилади: юқори даражада - республика миқёсида; ўрта даражада - ҳудуд (вилоят) миқёсида; қуйи даражада - жойлардаги меҳнат органлари (туман) миқёсида. Кўпчилик МДҲ давлатларида яқин вақтларгача, Меҳнат ва аҳолини ижтимоий муҳофаза қилиш вазирликлари томонидан ҳудудий иш билан бандлик хизмати органлари фаолиятларининг самарали ёки самарасиз эканлиги қуйидаги иккита кўрсаткич билан баҳоланган: биринчиси - аҳолини иш билан таъминлаш жамғармасига йиғилган суғурта ажратмалари ва бу маблағларнинг ишсизларга нафақа тўловлари учун етарлилиги; иккинчиси- ишсизлик даражаси, меҳнат органлари рўйхатидан ўтган жами ишсизлар сонини жами иқтисодий фаол аҳолига нисбати. Бу кўрсаткичлар ва натижалар иш билан бандлик хизмати фаолиятини самарали ёки самарасиз эканлигини баҳолаш учун етарли ҳисобланган. Шунингдек, ҳудудий иш билан бандлик хизмати органлари ички фаолиятларида қуйидаги кўрсаткичлардан: ишсизлар сони; битта ишсизга тўғри келадиган бўш иш жойлари сони; ўз вақтида ва тўлиқ ишсизлик нафақаларининг

тўлови, жами ишсизлардан ҳисобга олинганлар ҳиссаси ва ҳисобдан чиқарилганлар ҳиссаси; жами ишсизлар ичида нафақа олувчилар ҳиссаси ва бошқалардан фойдаланилган. Давлат иш билан бандлик хизмати фаолияти самарадорлигини баҳолаш усулларининг таснифи Республикамиз Меҳнат ва аҳолини ижтимоий муҳофаза қилиш вазирлиги тавсиясига мувофиқ, ҳудудий иш билан бандлик хизмати органлари фаолиятларининг самарадорлигини ҳисоблаш методикасини қараб чиқамиз. Республикамиз Меҳнат ва аҳолини ижтимоий муҳофаза қилиш вазирлиги ҳудудий иш билан бандлик хизмати органларининг фаолиятларини такомиллаштириш ҳамда меҳнат бозори мониторингини мустаҳкамлаш мақсадида, ҳудудий иш билан бандлик хизмати органлари фаолиятининг самарадорлигини баҳолаш бўйича кўрсаткичлар тизимини кенгайтириш зарур. Бунда Ўзбекистон Республикаси Вазирлар Маҳкамасининг 2007 йил 24-майдаги 106-сонли “Ишга жойлаштиришга муҳтож иш билан банд бўлмаган аҳолини ҳисобга олиш методикасини такомиллаштириш тўғрисидаги” Қарорига мувофиқ меҳнат ресурслари балансини тузиш ва ишга жойлаштиришга муҳтож шахсларни аниқлаш методикасига асосанланган ҳолда амалга ошириш керак. Меҳнат ва аҳолини ижтимоий муҳофаза қилиш вазирлиги томонидан иш билан бандлик хизмати органлари фаолиятининг самарадорлигини баҳолаш уч қисмга бўлинади. 1) Иш изловчи фуқароларнинг иш билан бандлик хизматига талаб этилганлик даражасини баҳолаш. 2) Иш топиш мақсадида мурожаат қилган фуқароларни ишга жойлаштиришга кўмаклашиш бўйича иш билан бандлик хизмати фаолиятининг самарадорлиги. 3) Иш берувчилар билан ишлаш. 1. Иш изловчи фуқароларнинг иш билан бандлик хизматига талаб этилганлик даражасини баҳолаш . 1.1. Корхоналардан бўшатилган ходимларнинг иш билан бандлик хизматига талаб этилган даражаси, иш билан бандлик хизматига мурожаат қилганлар сонини иқтисодий фаол аҳоли сонига нисбати.

1.2. Иш билан бандлик хизмати кўмаги билан ишга жойлаштириш даражаси, муайян даврда жами корхона ва ташкилотларга қабул қилинганлар ичида иш билан бандлик хизмати ёрдами билан ишга жойлашганлар ҳиссаси. 2. Иш топиш мақсадида мурожаат қилган фуқароларни ишга жойлаштиришга кўмаклашиш бўйича иш билан бандлик хизмати фаолиятининг самарадорлиги. 2.1. Ишга жойлаштириш кўрсаткичлари ва харажатларини баҳолаш. 2.1.1. Иш билан бандлик хизмати кўмаги билан ишга жойлашганлар салмоғи, ҳисобот даврида жами ишга жойлашганларнинг иш излаш мақсадида ҳисобда турган жами фуқаролар сонига нисбати. 2.1.2. Ишга жойлаштириш коэффициенти, ҳисобот даврида жами ишга жойлашганларнинг, ҳисобот даврида жами ҳисобдан чиқарилганларга нисбати. 2.1.3. Ишсизларни ишга жойлаштириш коэффициенти, иш билан бандлик хизмати органлари томонидан ишга жойлаштирилган ишсизлар сонининг иш билан бандлик хизмати органлари рўйхатида турган жами ишсизлар сонига нисбати. 2.1.4. Узоқ муддатдаги ишсизликнинг самарадорлиги, узоқ муддатдаги ишсизлар сонини ҳисобот даврида рўйхатда турган жами ишсизлар сонига нисбати. 2.1.5. Иш билан бандлик хизмати органларига мурожаат қилган фуқароларни ишга жойлаштириш бўйича дастурий вазифанинг бажарилиши. 2.2. Моддий жиҳатдан қўллаб-қувватлашнинг сифат кўрсаткичлари. 2.2.1. Ишсизларга нафақа тайинлаш муддатининг бажарилиши, муддатида ишсизлик бўйича нафақа тайинланмаганларнинг қонун бўйича жами ишсизлик нафақаси оладиганлар сонига нисбати. 2.2.2. Ишсизлик нафақаси тўланишининг кечиктирилиши, ўз вақтида нафақа олмайдиган ишсизлар сонини ҳисобот давридаги жами нафақа олувчиларга нисбати.

2.2.3. Ишсизлик бўйича нафақа тўловларини тайинланиш сифати, нафақаларнинг тайинланиши бўйича шикоят қилганларни қондирилиш миқдорини жами нафақа олувчилар сонига нисбати. 2.2.4. Ноқонуний йўллар билан олинган нафақаларнинг қайтарилиши ҳисобига, аҳолини иш билан таъминлаш жамғармасига қайтарилган маблағларнинг ҳиссаси, қайтарилган маблағлар суммасини иш билан таъминлаш жамғармаси жами харажатларига нисбати. 2.3. Махсус дастурлар реализациясига қилинган харажатлар, ҳисобот даврида аҳолини иш билан таъминлаш жамғармаси томонидан жами махсус дастурлар реализациясига қилинган харажатларни ишсизлар сонига нисбати. 2.4. Ходимларни ишининг самарадорлиги. 2.4.1. Ишга жойлаштириш бўйича ходимлар ишларининг самарадорлиги, муайян давр мобайнида ишга жойлашганлар сонини асосий ходимлар сонига нисбати. 2.4.2. Аҳолини қабул қилиш бўйича ходимларнинг иш билан таъминланганлиги, иш билан бандлик хизматига иш топиш мақсадида мурожаат қилган фуқаролар сонини асосий ходимлар сонига нисбати. 3. Иш берувчилар билан ишлаш. 3.1. Ишчи кучига талабнинг қондирилиши. 3.1.1. Иш билан бандлик хизматида мавжуд бўш иш ўринларини ифодалаш коэффициенти, иш билан бандлик хизмати органларининг ой охиридаги бўш иш ўринлари миқдорини статистика органларининг ой охиридаги бўш иш ўринларига нисбати. 3.1.2. Иш берувчилар томонидан иш билан бандлик хизматига талаб берилганлик кўрсаткичи, иш берувчиларнинг иш билан бандлик хизматига берилган талабини ҳисобот даври охирига статистика органларига берилган бўш иш ўринлари миқдори ва ҳисобот даврида корхона ва ташкилотларга ишга қабул қилинганлар сонига нисбати. 3.1.3. Бўш иш жойлари билан ишлаш самарадорлиги, ҳисобот даврида иш билан бандлик хизмати органлари томонидан ишчи кучи билан

тўлдирилган бўш иш жойларини ҳисобот давридаги жами бўш иш ўринларига нисбати. 3.2. Аҳолини иш билан таъминлаш Давлат жамғармасига суғурта ажратмаларининг келиб тушиш даражаси, ҳисобот даврида аҳолини иш билан таъминлаш Давлат жамғармасига келиб тушган маблағлар суммасини ҳудуддаги ҳақиқий иш ҳақи жамғармасидан ажратилган суғурта ажратмаларига нисбати. Ҳудудий иш билан бандлик хизмати органлари фаолиятининг самарадорлигини баҳолаш бўйича юқорида келтирилган кўрсаткичлар иш билан бандлик хизмати органлари ривожланишининг турли босқичларида кенгайиб бормоқда ва мақсаддан келиб чиққан ҳолда ҳамда фаолият йўналишларидан боғлиқ равишда ўзгармоқда. Юқорида қараб чиқилган барча кўрсаткичлар айтиш мумкинки, баъзи қўшимчалар мулоҳазалар ва таклифлар асосида мақсадга мувофиқдир. Иш билан бандлик хизмати органлари фаолиятини баҳолашнинг турли йўналишлари бўйича юқорида келтирилган учта қисмдаги кўрсаткичларни бирлаштириш имкониятлари ва зарурати жиддий эътирозга олиб келмайди. Бироқ, бизнингча, баъзи пунктлар бўйича жиддий ўзгартиришлар талаб этилади. Масалан, 1.4. пункт бўйича. Маълумки, узоқ муддат ҳисобда турган ишсизлар сонининг камайиши ўзининг объектив чегарасига эга. Уларни нолгача камайтириш мумкин эмас, шунингдек доимо камайишини ҳам. Гап шундаки, рўйхатда турган ишсизларнинг анча ҳаракатчан қисмини қисқариши 4 ойдан зиёд ҳисобда турганлар ҳиссасини автоматик тарзда ўсишига олиб келади ва ҳеч қандай улчовлар асосида 4 ойгача ва 4 ойдан ортиқ ҳисобда ишсизларни ижтимоий - иқтисодий, демографик сабаблар таъсирида бир вақтнинг ўзида ва мутаносиб равишда ҳисобдан чиқаришга эриша олинмайди. Бизнинг фикримизча, узоқ муддат ҳисобда турган ишсизларнинг абсолют кўтарилишини камайтириш орқали ҳамда белгиланган оқилона чегарасигача қисқартириш бўйича чора-тадбирлар ишлаб чиқиш зарур.

2.3. пункт бўйича. Ижтимоий ҳимояга муҳтож бўлган ишсиз фуқароларга ёрдам дастурини амалга ошириш харажатларини баҳолашда мантиқий ёндошмаслик. Бир томонлама бундай ёрдамни тежаш тўғри эмас, чунки Меҳнат ва аҳолини ижтимоий муҳофаза қилиш вазирлиги томонидан ижтимоий ҳимояга муҳтожларга биринчи навбатдаги ёрдам кўрсатилади, бу эса, уларнинг сонини ўсишига ҳамда касбга тайёрлаш ва уларни ишга жойлаштиришни шакллантириш харажатларининг, шунингдек квота иш жойларини ташкил этиш, жамоат ишлари, ёшлар амалиёти ва бошқалар ошишига олиб келади. Бундан кўринадики, ҳудудий иш билан бандлик хизмати фаолиятининг самарали бўлиши учун юқорида харажатларни камайтириш зарур. Лекин бундай бўлиши мумкин эмас: ё уларнинг сонини қисқартириш керак ёки иш билан бандлик хизмати органлари фаолиятини вазирлик томонидан самарасиз деб баҳоланади. Давлат иш билан бандлик хизмати фаолиятининг самарадорлигини баҳолашнинг янги кўрсаткичлар ҳисоби бўйича дастурий таъминоти Ҳудудий иш билан бандлик хизмати фаолиятини ҳар томонлама баҳолашда ижтимоий-иқтисодий, демографик ва минтақавий хусусиятларни эътиборга олувчи, марказлашган тартибда янги кўрсаткичлар ҳисоби бўйича дастурий таъминотини ишлаб чиқиш зарур. Тадқиқотлар шуни кўрсатадики, ҳудудий иш билан бандлик хизмати фаолиятининг натижаларини республикамизнинг бошқа ҳудудий иш билан бандлик хизмати органлари фаолиятлари билан ҳар томонлама баҳолаш бўйича солиштиришнинг аниқ мезони ишлаб чиқилмаган. Шу сабабли, вилоятлар иш билан бандлик хизмати органлари фаолиятларининг натижаларини ҳар томонлама ўзаро солиштириш мумкин бўлган кўрсаткичлар тизимининг дастурий таъминотини ишлаб чиқиш ва амалиётга татбиқ этиш керак. Энди қуйидаги кўрсаткичларга фикримизни қаратсак. ■ Иш изловчи фуқароларнинг иш билан бандлик хизматига талаб этилганлик даражаси (Д Т ), қуйидагича ҳисобланган (2006 йил учун):

Бу ерда: М И (киши ҳисобида)-иш топиш мақсадида иш билан бандлик хизмати органларига мурожаат қилган фуқаролар сони; МҚ М (киши ҳисобида) - маслаҳат учун иш билан бандлик хизмати органларига мурожаат қилган фуқаролар сони; ИФА - иқтисодий фаол аҳоли сони. ■ Иш билан бандлик хизмати органлари кўмаги билан ишга жойлаштириш даражаси (Д ИЖ ). Бу ерда: С ИЖ (киши ҳисобида) - иш билан бандлик хизмати органлари кўмаги билан ишга жойлашганлар сони; С ИҚ (киши ҳисобида) - ҳудудда корхоналарга ишга қабул қилинганлар сони. Бизнинг фикримизча, юқорида келтирилган барча кўрсаткичлар нафақат ишсизлик ҳолатини ҳар томонлама характерлайди, балки иш билан бандлик хизмати органлари фаолиятининг самарадорлигини баҳолашда асос ҳисобланади. Бироқ, иш билан бандлик хизмати ўзининг ишга жойлаштиришга кўмаклашиш мақсади йўлида, иш берувчилар ва ишсизлар ўртасидаги бевосита воситачилик ролидан билвосита воситачилик ролига ўтиши орқали ўз мижозлари ҳаракатларини координатори сифатида янги иш билан бандлик концепциясини такомиллаштириши зарур.

Биз ўйлаймизки, ишга жойлаштиришга кўмаклашиш масаласи иш берувчилар ва ишсизлар ўртасида муросавий муносабатларни шакллантиришни назарда тутади. Муросага келишни бундай баҳолаш мезони иш берувчилар ва ишсизлар талабини қондириш имкониятлари ҳисобланади. Шундай экан, иш билан бандлик хизмати ишининг самарадорлигини баҳолаш учун иш берувчилар ва ишсизлар талабини қондирилиш даражасини аниқлаш зарур. Биз меҳнат бозори коньюктураси нуқтаи назаридан қуйидаги кўрсаткичларни иш билан бандлик хизмати органлари фаолияти самарадорлигини баҳолашнинг амалдаги комплекс кўрсаткичлар тизимига қўшишни таклиф этамиз: 1. Меҳнат бозори сегментидаги талаб ва таклифнинг номуво фиқлиги даражаси (Д н ). Бу ерда: Б (минг киши) - иш билан бандлик хизмати ҳисобидаги бўш иш жойлари сони; СИ - рўйхатдаги ишсизлар сони. 2. Иш изловчи фуқароларни ишга жойлаштириш коэффициенти (К иж ) Бу ерда: С ИЖ (минг киши) - иш билан бандлик хизматига иш топиш мақсадида мурожаат қилган фуқаролардан ишга жойлашганлари сони; СХХ (минг киши) - иқтисодиёт тармоқларида ишлайдиганлар сони.

И к (минг киши) - иқтисодиётда жами ишга қабўл қилинганлар сони. 3. Иш билан бандлик хизмати органларининг меҳнат бозорини қамраб олиш даражаси. а) Бўш иш жойлари сони бўйича (Д биж ): Бу ерда: Б (минг киши)- ҳисобот даврида иш билан бандлик хизмати органларида мавжуд бўш иш ўринлари сони; И к (минг киши) - ҳисобот даврида иқтисодий тармоқларида жами ишга қабул қилинганлар сони. б) Корхоналарга жалб қилинганлар сони бўйича (Д кор ): Бу ерда: К(мингта) - иш билан бандлик хизмати органларига бўш иш жойларини таклиф этган корхоналар сони; К жами (мингта) - вилоятдаги жами корхоналар сони. в) Рўйхатдаги ишсизлар сони бўйича (Д ри ): Бу ерда: С ишсиз (минг киши) - ҳисобот даврида иш билан бандлик хизмати органлари рўйхатида турган ишсизлар сони;

Б ифа (минг киши) - ўрта йиллик иқтисодий фаол аҳоли ичида иш билан банд бўлмаганлар сони. 4. Мурожаат қилиш коэффициенти (К М ). Бу ерда: Сжм (минг киши) - жорий даврда иш билан бандлик хизматига мурожаат қилган фуқаролар сони; С у м (минг киши) - ўтган даврда иш билан бандлик хизматига мурожаат қилган фуқаролар сони. 5. Иш жойларига талабнинг қаноатлантириш даражаси. Корхоналарда иқтисодий жиҳатдан мақсадга мувофиқ бўлмаган мавжуд иш жойларининг маълум миқдорини ифодалайдиган кўрсаткич (Д НМБ ). Бу ерда: И Н - корхоналарда қаноатлантирмайдиган иш жойлари миқдори; И Қ - корхоналарда қаноатлантирадиган иш жойлари миқдори. Бу кўрсаткичнинг ўсиб бориши корхона фаолиятида салбий натижаларга ва расмий иш билан бандликни ошишига олиб келади. Бизнингча, бу коэффицент 0,5 га тенг бўлганда, корхона хўжалик фаолияти ҳолатини таҳлил этиш асосида, хулосалар чиқариб ижтимоий- иқтисодий жиҳатдан салбий натижаларга олиб келадиган бундай иш жойларини иш берувчилар томонидан қисқартиришга йўналтириш зарур. 6. Ишчи таклифи бўйича иш жойларининг қаноатлантириш даражаси. Ривожланиш истиқболи, иш ҳақи, меҳнат шароитлари ва бошқалар бўйича ишчи

кучи талабига мувофиқ корхоналарда мавжуд иш жойларини ифодалайдиган кўрсаткич (Д кор . қан ). Бу ерда: И кан - корхоналарда ишчиларни қаноатлантириш жойлари миқдори; Ижами - корхоналарда жами иш жойлари миқдори. Корхоналарда меҳнат шароитлари бўйича ишчиларни қаноатлантирадиган мавжуд иш жойлари ҳиссасининг ортиб бориши кадрлар қўнимсизлигини қисқаришига, ишчи-ходимларнинг меҳнат натижаларидан манфаатдорлигини ошишига ва умуман ишлаб чиқариш самарадорлиги юксалишига шароит яратади.

Хулоса: Иш билан бандлик хизмати ўзининг асосий мижозлари билан ишини шундай ташкил қиладики, бунда иш берувчи меҳнат бозорининг ҳолатига қараб ишчи кучи талабининг келажакдаги ўзгариши бўйича олдиндан ўз стратегиясини ишлаб чиқиши ва олдинроқ кадрлар тайёрлаш масаласини ҳал қилиши зарур; ишсизларда эса, касбий малакаларини ўсишига ички талабни ривожлантириш ва меҳнат бозоридаги рақобат курашига психологик жиҳатдан тайёр бўлишлари зарурлигини ифодалайди. Иш билан бандлик хизмати фаолиятининг самарадорлигини баҳолаш учун оптимал усуллардан фойдаланиш зарур. Меҳнат ва аҳолини ижтимоий муҳофаза қилиш вазирлиги томонидан иш билан бандлик хизмати органлари фаолиятининг самарадорлигини баҳолаш уч қисмга бўлинади. 1) Иш изловчи фуқароларнинг иш билан бандлик хизматига талаб этилганлик даражасини баҳолаш. 2) Иш топиш мақсадида мурожаат қилган фуқароларни ишга жойлаштиришга кўмаклашиш бўйича иш билан бандлик хизмати фаолиятининг самарадорлиги. 3) Иш берувчилар билан ишлаш. Ҳудудий иш билан бандлик хизмати фаолиятини ҳар томонлама баҳолашда ижтимоий-иқтисодий, демографик ва минтақавий хусусиятларни эътиборга олувчи, марказлашган тартибда янги кўрсаткичлар ҳисоби бўйича дастурий таъминотини ишлаб чиқиш зарур. Тадқиқотлар шуни кўрсатадики, ҳудудий иш билан бандлик хизмати фаолиятининг натижаларини республикамизнинг бошқа ҳудудий иш билан бандлик хизмати органлари фаолиятлари билан ҳар томонлама баҳолаш бўйича солиштиришнинг аниқ мезони ишлаб чиқилмаган. Шу сабабли, вилоятлар иш билан бандлик хизмати органлари фаолиятларининг натижаларини ҳар томонлама ўзаро солиштириш мумкин бўлган кўрсаткичлар тизимининг дастурий таъминотини ишлаб чиқиш ва амалиётга татбиқ этиш керак.

Адабиётлар : 1. Абдураҳмонов Қ.Х. Холмўминов Ш.Р. Меҳнат иқтисодиёти ва социологияси (ўқув қўлланма). -Т.: “Ўзбекистон ёзувчилар уюшмаси Адабиёт жамғармаси нашриёти”, 2004. 2. Абдураҳмонов Қ.Х. Меҳнат иқтисодиёти (дарслик). -Т.: “Меҳнат”, 2009. 3. Абдураҳмонов Қ.Х., Мамарасулов Ф.У Аҳолининг иш билан бандлигини инфраструктураси.Т.: “ТДИУ”, 2000. 4. Абдураҳмонов Қ.Х. ва бошқалар. Мехнат иктисодиёти ва социологияси. - Т.: “Ўқитувчи”, 2001. 5. Абдураҳмонов Қ.Х. ва бошқалар. Ходимларни бошқариш (дарслик). -Т.: Ўзбекистон ёзувчилар уюшмаси Адабиёт жамғармаси нашриёти. 2004. 6. Барр Н. Рынок труда и социальная политика в Центральной и Восточной Европе. -М.: 1997. 7. Варфоломеева О.А. Становление инфраструктурў рўнка труда в переходной экономике. - СПб., Издательство СПбУЭФ. 2001.

Похожие

Давлат иш билан бандлик хизмати фаолиятининг асосий йўналишлари

Нодавлат иш билан бандлик хизмати ривожланишининг асосий йўналишлари

Меҳнат бозори, иш билан бандлик, ишсизлик

Иш билан бандликка кўмаклашиш марказлари хизмати

Инновация самарадорлигини баҳолаш