Dasturxon, salfetka, qo’l sochiqlar - Экономика - Рефераты

Dasturxon, salfetka, qo’l sochiqlar

Загружено в:

20.09.2019

Скачано:

0

Размер:

54.5 KB

Dasturxon, salfetka, qo’l sochiqlar Dasturxonlar. Rangiga ko’ra dasturxonlar oq va rangli bo’ladi. Oq rangli zalga shinamlik va soflik bag’ishlaydi. Har qanday holatda va barcha toifadagi korxonalarda qo’llaniladi. Ular odatda, 172×173sm bo’ladi. Rangli dasturxonlar rangli yigirilgan iplardan tayyorlanadi. Ko’pincha och ranglar- qalampir tusli, och havo rang, pushti rang va hakazo ranglarga urg’u beriladi. Bunday dasturxonlar135×135sm bo’ladi. Manzarali dasturxonlar ancha to’qroq ranglarda bo’ladi. Bunday dasturxonlar odatda, nonushta vaqtida ishlatiladi. Ular mehmonxonadagi restoranlar va yozgi restoranlar uchun mos keladi. Milliy bezakli dasturxonlar. Bu rangi dasturxonlarda turli naqshlar bo’ladi. Milliy usuldagi korxonalarda foydalaniladi. Ular zalga shinamlik va xonadon sharoitini yaratadi. Dasturxonlar ko’rinishiga ko’ra oddiy va ziyofatlar uchun bo’ladi. Oddiy dasturxonlar bitta stolga yozish uchun ishlatiladi. Ularning hajmi stol hajmidan 20-30sm ortiqcha bo’ladi. Ziyofat dasturxonlari ziyofat (banket) stollari uchun ishlatiladi. Ularning hajmi oddiy dasturxonlarning hajmi singari bo’ladi. Salfetkalar. Ularni dasturxonlar tayyorlaydigan matodan tayyorlashadi. Agar salfetkalar boshqa rangda, dasturxon boshqa rangda bo’lsa, bu noto’g’ri. Salfetkalar hajmi:  Oq salfetkalar uchun- 46×46sm;  Rangli salfetkalar uchun- 30×30sm;  Milliy ko’rinishdagi salfetkalar uchun- 35×35sm;  Idish tovoq va jihozlarni artish uchun salfetkalar- 70×70sm;  Bilak uchun salfetkalar- 35×80sm;  Qog’oz salfetkalar- 41×41sm;

Salfetkalar albatta “lyuks”, “ekstra” va birinchi toifadagi korxonalarning har bir xo’randasiga beriladi. Idish-tovoq va jihozlarni artish uchun 70×70sm hajmli yupqa ip gazlama matodan salfetka tayyorlanadi, u suvni o’ziga oson shimib oladi va idish-tovoqlar yuvishda tola qoldirmaydi. Ularni qo’lda tayyorlovchilardan farqlash uchun ikkita rangli chiziq bilan bezashadi. Patnis uchun salfetkalar yumshoq ip-gazlama matodan shu patnisning hajmiga mos hajmda tayyorlanadi, chunki ularni yirtish mumkin emas. Har bir patnis uchun 15 kompleks bo’lishi shart. Individual salfetkalardan qo’l yuvgandan so’ng foydalaniladi. Jo’ja, qisqichbaqa va boshqa ayrim taomlar tortilgandan so’ng qo’l yuviladi. Salfetkalar o’rnida ba’zi hollarda qog’oz salfetkalardan ham foydalanish mumkin. Stol uchun g’ilof (chexol). Ular dasturxon stoldan sirg’alib tushib ketmasligi uchun, zaldagi shovqinni pasaytirish uchun foydalaniladi. Ular “ekstra” va “lyuks” toifadagi korxonalar uchun majburiy. Ular yumshoq jun matodan (movut tipidan) stol hajmi bo’yicha tayyorlanadi. Rezinka yordamida mustahkamlanadi. RESTORAN BELYOSINI SAQLASH QOIDALARI VA ISHLATISH QOIDALARI. Restoran belyosini saqlash qoidasi. Quruq kirlangan dasturxonlarni suyuqlik to’kilgan dasturxonlardan ajratib olinadi. Suyuqliklar to’kilgan dasturxonlarni oldin quritiladi, shundan so’ng bukilishi bo’yicha taxlab maxsus qopchaga joylanadi yoki dasturxonlar bir-biriga tugiladi. Yozda ishlaydigan korxonalarda yomg’irdan so’ng dasturxonni yig’ishtirib olishga alohida e’tibor beriladi. Avvolo, ularni quritish va undan so’ng taxlash lozim. Shunday holler uchraydiki, dasturxon yig’ishtirishdagi sovuqqon munosabat tufayli ularni butun-butun to’plari yaroqsiz holga keladi.

Toza dasturxonlarni quruq shamollatib turiladigan omborlarda (imkoniyatiga qarab faqat belyolarni) stellajlarda to’rt buklab va bir-birining orasiga kiritib saqlanadi. Dasturxonlar aniq bukiladigan joyiga qarab taxlanishi lozim. Kirlangan dasturxonlarni toza dasturxonlar turgan xonaga olib kirmaslik kerak, chunki ular infeksiya tarqatishi mumkin. Idish-tovoq va jihozlarni artish uchun sochiq, patnis uchun salfetkalar doimo toza bo’lishi lozim. Ular ham xuddi oshxona belyosi kabi saralanadi, yuviladi, dfazmollanadi, biroq kraxmallanmaydi. Ularni qo’shimcha xona yoki belyo omboridagi alohida shkafda saqlashadi. Qo’l artish uchun salfetkalar har gal foydolanilgandan so’ng yuviladi va dazmollanadi. Ular kraxmallanadi. Restoran belyosi bilan ishlash qoidasi. Har bir ofitsant xo’randalar bilan uchrashishga tayyorgarlik ko’rayotganda ham, hizmat chog’ida ham belyo bilan to’g’ri munosabatda bo’lishning muayyan qoidalari va ko’nikmalarini o’zlashtirishi lozim Dasturxonlar bilan ishlash qoidalari. Dasturxonlar stolda to’g’ri yozilishi lozim, bunda taxning o’rtasi stolning o’rtasiga mos kelishi, chetlari esa stolning oyog’ini yopib turishi lozim. Agar dasturuxonda monogramma yoki biror tasvir bo’lsa xo’randalar ularni zalga kirganda ko’rinadigan qilib qo’yish lozim. Har bir ofitsant dasturxonni yozishni, balki uni almashtirishni ham bilishi lozim. Dasturxonni yig’ishtirishda uni taxi bo’yicha kirxonada qanday taxlangan bo’lsa, shunday taxlash kerak. To’rt buklangan dasturxon stolga zalga kiriladigan tomonidan burchaklaridan tepa qilib yoziladi. Ofitsant kirishga orqa qilib stol yonida turadi. U o’ng qo’lining katta va ko’rsatgich barmog’i bilan dasturxonning uchta burchagidan oladi, chap qo’lining katta va ko’rsatgich barmoqlari bilan matoning chetlaridan olib, uni ochadi, oldinga va tepaga yengil silkitadi. Shundan so’ng u dasturxonnig o’rta taxi stolning o’rtasiga mos kelguncha o’ziga tortadi va dasturxonning chetlari hamma tomonidan bir xil bo’lganligini kuzatadi. Barcha stolga dasturxonlar shunday usulda yozish lozim, dasturxon hamma tomondan bir xil turganligini kuzatish lozim.

YIG’ISHTIRISH ISHLARINI TASHKIL ETISH. Mehmonxona- bu uzluksiz xizmat ko’rsatuvchi korxonadir, demakki, unga yuqori sahitariya-gigiyena talablari qo’yiladi. Mehmonxona qanday toifaga mansub bo’lmasin u doimo toza bo’lishi lozim. Bu mehmonxona xodimlarining hudud, hovli, turar joyi va ma’muriy-xo’jalik binolarini yig’ishtirish bo’yicha katta kundalik mehnat talab qiladi. Shu bois mehmonxona xo’jaligida obodonlashtirish va yig’ishtirish, tozalikni ta’minlash bo’yicha ishlarni qanday qilib yaxshi tashkil etish hamda olib borish muhimdir. Mehmonxona barcha sanitariya-epidimiologiya me’yorlariga rioya qilgan holda tezkor va yuqori sifatli yig’ishtirishni amalga oshirish uchun quidagilarga ega bo’lishi lozim:  Yuqori malakali tayyorlangan xodimlar;  To’laqonli interval  Zamonaviy ko’rinishdagi yig’ishtirish materiali, mashina va mexanizmlari; Yig’ishtirish ishlariga sarflanadigan vaqtni to’g’ri taqsimlash ham muhim. Yig’ishtirish xizmat ko’rsatuvchi xodim tomonidan tezkor va ortiqcha vaqt hamda kuch sarflanmay amalga oshirilishi lozim. Yig’ishtirish inventiri va yig’ishtirish asboblari umumiy foydalanish joylarida qolmasligi lozim. Yig’ishtirish ishlarini bajarishda bir necha muhim tamoyillar mavjud:  Qavat bo’yicha xodim “mehmon ko’ziga kamroq ko’rinishi” lozim;  Yig’ishtirish inventari va yig’ishtirish asboblari umumiy foydalanish joylarida qolmasligi lozim;  Xodimalar, farroshlar yig’ishtirish ishlari bajarilayotgan paytda shaxsiy ishlari bilan chalg’imasliga lozim; Bu tamoyillarning bajarilishi mazkur mehmonxonada xizmat ko’rsatish madaniyati darajasining mezoni hisoblanadi. Yig’ishtirish ishlarini quidagi toifalarini ajratish mumkin:

 Mehmonxonaga tutash hududlarni yig’ishtirish;  Markaziy kirish maydoni va vestibyul hamda vestibyul guruhidagi ayrim xonalar (garderob) ni yig’ishtirish;  Umumiy foydalaniladigan joylar: zinapoyalar, yo’laklar, xollar, ma’muriy, xizmat va qo’shimcha xonalarni yig’ishtirish;  Xonalar (nomerlar) fondini yig’ishtirish; Barcha turdagi yig’ishtirish ishlari xonalar fondi xizmat ko’rsatish xizmati xodimlari tomonidan amalga oshiriladi. Yig’ishtirish ishlarini amalga oshirish uchun quidagi toifadagi xodimlar mavjud: o Mehmonlar yashaydigan xonalarni yig’ishtiruvchi xodim; o Yo’laklar, xollar, vestibyullarni yig’ishtirish bilan band bo’lgan yig’ishtiruvchilar; o Ishlab chiqarish va texnik xizmat yig’ishtiruvchilar; Barcha mehmonxona binolarining yig’ishtirish ishlari ko’rinishi va vazifasiga ko’ra bir necha guruhga bo’linadi:  Ichki binolar va umumiy foydalanish joylarini yig’ishtirish;  Umumiy foydalanish sanuzellarini yig’ishtirish;  Mehmonlar yashaydigan xonalarni yig’ishtirish; Mehmonlar yashaydigan xonalar quidagi turlarga qarab ajratiladi:  Mehmon ketgandan keyin yig’ishtirish;  Kundalik joriy yig’ishtirish;  Asosiy (bosh) yig’ishtirish;  Bronlangan xonani yig’ishtirish;  Oraliq yig’ishtirish;  Tezkor yig’ishtirish; Ko’p xonali nomerlarni yig’ishtirishda quidagi izchilligga rioya qilish zarur:  Yotoqxona;  Mehmonxona;  Oshxona;

 Kabinet;  Dahliz;  Sanuzel; Amalga oshiriladigan yig’ishtirish izchilligi:  Bronlangan xonalar;  Joriy kundalik yig’ishtirish;  Mehmon ketganda so’ngi yig’ishtirish;  Tezkor yig’ishtirish;

Фойдаланилган адабиётлар : 1. Ўзбекистон Республикасининг « Туризм тўғрисида » ги қонуни , Ўзбекистоннинг янги қонунлари . Тошкент , Адолат , 2000. 2. Ўзбекистон Республикаси Президентининг «Ўзбектуризм Миллий Компаниясини ташкил қилиш тўғрисида»ги фармони. №ПФ-447. Халқ сўзи, 1992, 22. 3. Ўзбекистон Республикаси Президентининг 1995 йил 2 июндаги 1162 рақамли ««Буюк ипак йўли»ни қайта тиклашда Ўзбекистон Республикасининг иштирокини авж олдириш ва республикада халқаро туризмни ривожлантириш борасидаги чора-тадбирлар тўғрисида»ги фармони. Халқ сўзи. 1995. 3-июн. 4. Ўзбекистон Республикаси Президентининг «Ўзбекистон Республикасида 2006-2010 йилларда хизмат кўрсатиш ва сервис соҳасини ривожлантиришни жадаллаштириш чора-тадбирлари тўғрисида»ги 325- сонли қарори, 17- апрел 2006. 5. Алиева М.Т., Ҳасанов А.Г. Организация туристических маршрутов. Тошкент, 2007. 6. Ахмадхўжаев Х., Мамарасулов Х., Мадиёров Ф. Маркетинг тадқиқотлари. Тошкент, 2002.

Похожие

Restoranlarga umumiy ta’rif

Turizm sohasida ovqatlantirish xizmatlari

Kir yuvish, belyolarni dazmollash. Markirovka qilish, dog’larni ketkazish

Mеhmonxona xo’jaligining matеrial-tеxnikaviy ba'zasi

Sochiq, prostina, yostiq jildlari