Бухгалтерия ҳисобининг счетлари ва икки ёқлама ёзув - Экономика - Рефераты

Бухгалтерия ҳисобининг счетлари ва икки ёқлама ёзув

Загружено в:

20.09.2019

Скачано:

0

Размер:

110 KB

Бухгалтерия ҳисобининг счетлари ва икки ёқлама ёзув Режа: 1. Бухгалтерия ҳисобининг счетлари ва уларнинг тузилишлари. 2. Счетларда икки ёқлама ёзув ва унинг асосланганлиги. 3. Бухгалтерия ҳисобининг счетлар режаси.

Бухгалтерия ҳисобининг счетлари ва уларнинг тузилишлари. Корхоналарда кўп миқдорда хўжалик операциялари содир бўлиб, хўжалик маблағлари доимо ҳаракатда бўлади. Корхонага раҳбарлик қилиш учун хўжалик маблағларининг ҳаракати тўғрисида умумлашган маълумотларни олиш талаб қилинади. Бундай маълумотларни баланс ёрдамида олиш мумкин эмас. Шунинг учун бу мақсадда бухгалтерия ҳисобининг счетлари қўлланилади. Бухгалтерия ҳисобининг счетлари деганда, иқтисодий жиҳатдан бир хил бўлган хўжалик маблағлари, уларнинг манбалари ва хўжалик жараёнларини гуруҳлаштириш ва жорий қайд қилиш усули тушунилади. Ҳар бир счет аниқ бир хўжалик маблағининг турини ёки манбаини ёки хўжалик жараёнини қайд қилиш ва гуруҳлаштириш учун тайинланган. Хўжалик маблағлари ва уларнинг манбаларини кўпайиши ва камайишини қайд қилиш учун счет икки қисмидан иборат бўлади. Унинг чап қисми дебет (лат. debet – қарздор), ўнг қисми кредит (лат. credit – ишонади) деб номланади. «Дебет» ва «Кредит» ибораларини «Д-т» ва «К-т» белгилари билан ифодаласа ҳам бўлади. Ҳисобот даври ичида счетнинг дебет қисмида ёзилган суммани дебетли оборот деб, кредит қисмига ёзилган суммаларини кредитли оборот деб айтилади. Счетда бошланғич сальдо (ит. saldo – қолдиқ) ҳамда охирги қолдиқ бўлади. Хўжалик юритувчи субъектларнинг молиявий-хўжалик фаолияти бухгалтерия ҳисоби счетлар режаси молиявий ҳисобот элементлари: актив, мажбурият, капитал, даромадлар ва харажатларга мувофиқ гуруҳлаштирилган ҳолатдаги счетлар мажмуасидир. Бухгалтерия ҳисобининг счетлари – хўжалик юритувчи субъектнинг иқтисодий ресурсларининг ҳолати ва ҳаракати тўғрисидаги бухгалтерия ахборотларини қайд қилиш ва сақлаш усули ва унга қўйилган талаблардир. Доимий счетлар – ҳисобот даврининг охирида қолдиққа эга бўлган ва бухгалтерия балансида акс эттириладиган активлар, мажбуриятлар ва капитал счетларидир. Доимий счетлар актив, пассив, контрактив ва контрпассивларга бўлинади.

Актив счетлар (А) – хўжалик активларини акс эттирадиган ва иқтисодий ресурсларнинг ҳисобот даври бошидаги қолдиғини ва ҳисобот давридаги кўпайишини дебет томонида ва шу даврдаги камайишини кредит томонида акс эттирадиган счетлардир. Пассив счетлар (П) – хўжаликнинг мажбуриятлари ва капиталини акс эттириш учун тайинланган, ҳисобот даври бошидаги қолдиқни, ҳисобот даври мобайнидаги мажбуриятлар ва капиталнинг ўсишини кредит томонида ва шу даврдаги мажбуриятлар ва капиталининг камайишини дебет томонида акс эттирадиган счетлардир. Контр-актив счет (КА) – бу шундай счетки, молиявий ҳисоботда активнинг соф қийматини акс эттириш учун унинг қолдиғи у билан боғлиқ бўлган актив счетининг қолдиғидан чегириб ташланади. Контр-пассив счет (КП) – бу шундай счетки, молиявий ҳисоботда мажбурият ёки капиталнинг соф қийматини акс эттириш учун унинг қолдиғи у билан боғлиқ бўлган пассив счетининг қолдиғидан чегириб ташланади. Д О И М И Й С Ч Е Т Л А Р Актив, Мажбуриятлар, хусусий капитал, Контр-пассив Контр-актив Дебет Кредит Дебет Кредит Ҳисобот даври Ҳисобот даври бошида қолдиқ бошида қолдиқ (сальдо) (сальдо) Активларнинг Активларнинг Пассивларнинг Пассивларнинг кўпайиши камайиши камайиши кўпайиши

Ҳисобот даври Ҳисобот даври охирида қолдиқ охирида қолдиқ (сальдо) (сальдо) Транзит счетлар (Т) – ҳисобот даврида фойдаланиладиган, лекин ёпилиб кетадиган ва ҳисобот даври охирида қолдиғи бўлмайдиган даромад ва харажатларнинг вақтинчалик счетларидир, бу счетларнинг маълумотлари молиявий натижалар тўғрисидаги ҳисоботда акс эттирилади. В А Қ Т И Н Ч А Л И К С Ч Е Т Л А Р Харажатлар, Даромад, Зарарлар Фойда Дебет Кредит Дебет Кредит Харажатларнинг Харажатларнинг Даромадларнинг Даромадларнинг (зарарларнинг) (зарарларнинг) (фойданинг) (фойданинг) кўпайиши камайиши камайиши кўпайиши Балансдан ташқари счетлар (БТ) – корхонага тегишли бўлмаган, бироқ вақтинчалик фойдаланишда бўлган активлар, шартли ҳуқуқ ва мажбуриятлар тўғрисидаги ахборотларни умумлаштириш учун тайинланган счетлардир. Балансдан ташқари счетлар бирор бир счет билан корреспонденцияланмайди. Актив счетларда сальдо (қолдиқ) счетнинг дебет қисмида бўлади. Актив счетлар учун охирги қолдиқни топиш учун бошланғич

қолдиққа дебетли оборот суммаси қўшилиб, кредитли оборот суммаси айрилиб ташланади. Бу счетларда охирги қолдиқ фақат дебетли бўлиши мумкин. Пассив счетларда сальдо (қолдиқ) счетнинг кредит қисмида бўлади. Пассив счетлар учун охирги қолдиқни топиш учун бошланғич қолдиққа кредитли оборот суммаси қўшилиб, дебетли оборот суммаси айрилиб ташланади. Бу счетларда охирги қолдиқ фақат кредитли бўлиши мумкин. Контр-актив счетлар эса худди пассив счетлардек юритилади. Контр-пассив счетлар эса худди актив счетлардек юритилади. Транзит харажатлар счетларнинг кўпайиши счетнинг дебет қисмида камайиши эса кредит қисмида содир бўлади. Транзит даромадлар счетларнинг кўпайиши счетнинг кредит қисмида камайиши эса дебет қисмида содир бўлади. Хўжалик юритувчи субъектларнинг молиявий-хўжалик фаолияти бухгалтерия ҳисоби счетлар режаси ва уни қўллаш бўйича йўриқнома Молия вазирининг 9 сентябр 2002 йил 103- буйруғи билан Бухгалтерия ҳисобининг миллий стандарти (БҲМС №21) сифатида тасдиқланган ва Адлия вазирлигида рўйхатга олинган 23 октябр 2002 йилда 1181-рақам билан рўйхатга олинган. Счетларда икки ёқлама ёзув ва унинг асосланганлиги. Ҳар бир хўжалик операцияси маблағнинг тузилишида ёки манбанинг тузилишида ёки бир вақтда ҳам маблағда ҳам манбада бир хил суммага ўзгаришга олиб келади. Бундай ўзгаришларни қайд қилиш учун бухгалтерия ҳисобида икки ёқлама ёзув усули қўлланилади. Ҳар бир хўжалик операциясининг икки марта бир счетнинг дебетига ва бошқа бир счетнинг кредитига бир хил суммада қайд қилинишига икки ёклама ёзув деб айтилади. Бу хўжалик операциялари натижасида ҳисобнинг иккита объектига, яъни иккита счетга таъсир кўрсатилади. 1494 йили италиялик математик , файласуф ва олим Лука Пачоли икки ёқлама ёзув методини асослаб берган. Унинг «Счетлар ва ёзувлар тўғрисидаги трактатида» (лат. tractatus – муҳокама) ёзувларни бир вақтнинг ўзида «бермоқ» ва «эга бўлмоқ» счетларда акс эттириш ва «бермоқ» ва «эга бўлмоқ» счетларнинг суммаларининг йиғиндиси ўзаро тенг келиши керак деб айтган.

Агар улар тенг келмаса, билинки сизнинг ҳисоб-китобларингизда хатолик мавжуд. Икки ёклама ёзув воситасида счетлар ўртасидаги пайдо бўлган ўзаро алоқа счетлар корреспонденцияси дейилади. Бу корреспонденция қатнашувчи счетлар корреспонденцияланувчи счетлар деб аталади. Счетлар корреспонденциясини акс эттирувчи қисқача ёзув бухгалтерия проводкаси дейилади. Бухгалтерия проводкалари оддий ва мураккаб бўлади. Агар бухгалтерия проводкасида бир счет дебетланиб иккинчи бир счет шу суммага кредитланса бундай проводка оддий бухгалтерия проводкаси деб айтилади. 1-мисол. Банкдаги ҳисоб-китоб счетидан кассага 500 000 сўм нақд пул олиб келинди. Ушбу хўжалик операцияси натижасида банкдаги ҳисоб-китоб счетида пул маблағи камайди кассада эса пул маблағи кўпайди. Бу счетларнинг иккаласи ҳам актив счетлардир. Дебет 5010 (А) Кредит Дебет 5110 (А) Кредит (Қ) (-) 500 000 сумга ҳ исоб-китоб 500 000 сумга счетидаги пул кассада пул маблағининг маблағининг камайиши кўпайиши 2-мисол. Кассадан ходимларга 500 000 сўм иш ҳақи берилди. Ушбу хўжалик операцияси натижасида кассадаги пул маблағи камайди, ходимлар билан иш ҳақи юзасидан қарзлар ҳам камайди.

Дебет 5010 (А) Кредит Дебет 6710 (П) Кредит (-) (-) 500 000 сумга 500 000 сумга кассада пул ходимлар билан маблағининг иш ҳақи юзасидан камайиши қарзларнинг камайиши Агар бир счет дебетланиб бошқа бир неча счетлар кредитланса ёки бир неча счетлар дебетланиб бошқа бир счет кредитланса бундай бухгалтерия проводкаси мураккаб бухгалтерия проводкаси деб аталади. 3-мисол. Омбордан асосий ишлаб чиқаришга 20 000 сўмлик ва ёрдамчи ишлаб чиқаришга 15 000 сўмлик материаллар берилди. Ушбу хўжалик операцияси натижасида омбордаги материаллар камайди, асосий ва ёрдамчи ишлаб чиқаришдаларда материаллар кўпайди. Д-т 2010 (А) К-т Д-т 2310 (А) К-т Д-т 1010 (А) К-т (Қ) (Қ) (-) 20 000 сумга 15 000 сўмга 35 000 сумга материаллар- Харажатларнинг материаллар кўпайиши кўпайиши нинг камайиши Бухгалтерия ҳисобида икки ёқлама ёзув усулидан счетларда хўжалик операциялари тўғри акс эттирилиши устидан назорат олиб боришда фойдаланилади. Ҳар бир операция бир хил суммага битта счетнинг дебети ва бошқа бир счетнинг кредитга ёзилади. Натижада ҳамма счетларнинг дебет томонидаги оборотлар жами, ҳамма счетларнинг кредит томонидаги оборотлар жамига тенг бўлиши керак. Шундай тенгликнинг бўлмаслиги счетларда хатога йўл қўйилганлигидан далолат беради.

Хўжалик операцияларини содир бўлишига қараб кетма-кет қайд қилиш хронологик ёзув дейилади. Бу хўжалик операцияларини счетларнинг дебет ва кредитларига қайд қилиш систематик (мунтазам) ёзув деб аталади. Бухгалтерия ҳисобининг счетлар режаси Ўзбекистон Ресубликасидаги барча корхоналар 2004 йил 1 январидан бошлаб бухгалтерия ҳисобининг янги счетлар режасига биноан олиб боришлари керак. Бухгалтерия ҳисобнинг янги счетлар режаси Ўзбекистон Республикаси Молия Вазирлиги томонидан ишлаб чиқилган ва тасдиқланган (9.09.2002 йил №103) ва Адлия Вазирлигида 2002 йил 23 октябрда 1181 рақам билан рўйхатга олинган. Бухгалтерия ҳисобнинг янги счетлар режаси Ўзбекистон Республикасидаги корхоналарда бухгалтерия ҳисобини халқаро стандартлар ва бухгалтерия ҳисобининг миллий стандартлари асосида олиб боришга имкон беради. Баланс счётлар тўрт разрядли сонлар билан рақамлаштирилган (0110- 9910). Балансдан ташқари счетлар уч разрядли сонлар билан рақамлаштирилган (001 – 014) счетлар режасида субсчет деган тушунча йўқ, Счетлар режаси олтита қисм ва тўққизта бўлимдан иборат. Биринчи бўлимдан саккизинчи бўлимгача счетлар бухгалтерия балансига тегишли счетлардир ва уларни доимий счетлар деб ҳам айтиш мумкин. Тўққизинчи бўлимдаги счетлар молиявий натижаларга тегишли бўлиб, уларда ҳеч қачон сальдо бўлмайди ва уларни вақтинчалик счетлар ёки транзит счетлар ҳам деб айтиш мумкин. Бухгалтерия ҳисобининг счетлари икки аломатига қараб, гуруҳлаштирилади: 1. тайинланиш ва тузилишига қараб; 2. иқтисодий мазмунига қараб. Счётларнинг тайинланиши ва тузилишига қараб гуруҳлаштириш уларнинг қандай кўрсаткичлар олиш учун у ёки бу счёт қандай тузилганлигига, яъни дебет ва кредитларининг мазмуни ҳамда охирги қолдиқнинг характерини ҳисобга олади. Бухгалтерия ҳисобининг счётлари ўзларининг тайинланиши ва тузилишига қараб қуйидаги гуруҳларга бўлинади: 1. доимий счётлар:

1.1. тартибга солувчи (контрактив ва контрпассив) счётлар; 1.2. йиғиб тақсимловчи счётлар; 1.3. калькуляция счётлари; 1.4. доимий актив счетлар; 1.5. доимий пассив счетлар; 2. таққословчи (вақтинчалик) счётлар; 3. балансдан ташқари счетлар. Бухгалтерия ҳисобининг счётларини иқтисодий мазмунига қараб гуруҳлаштирганда муайян счётда қандай объектни қайд қилиниши ҳисобга олинади. Счётларнинг мазмунига қараб гуруҳлаштириш асосида бухгалтерия ҳисобининг счётлар рўйхати ишлаб чиқилади. Корхоналарда хўжалик фаолияти устидан назорат қилиш учун керак бўлган ҳамма асосий кўрсаткичлар бухгалтерия ҳисобининг счётлари ёрдамида олинади. Бухгалтерия ҳисобини корхонада тўғри ташкил қилиш учун счётлар рўйхатига қандай счётларни қўшиш масаласини аниқлаб чиқиш керак бўлади. Корхоналарда бухгалтерия ҳисобининг ташкил қилиш системасини аниқлайдиган счётларнинг системага солинган рўйхати бухгалтерия ҳисобининг ишчи счётлар рўйхати деб аталади. Счётлар рўйхатига қўшимча қилиб, бу счётлардан фойдаланиш бўйича йуриқнома (инструкция) ишлаб чиқилади. Бу йуриқномада ҳар бир счётнинг мазмуни ва тайинланишига характеристика берилади ва унинг бошқа счётлар билан корреспонденцияланиши ҳам кўрсатилади. Фойдаланилган адабиётлар

1. Шеремет А.Д., Негашев Е.В. «Методика финансового анализа деятельности коммерческих организациях» М.: ИНФРА-М, 2004г 2. Ковалев В.В. «Сборник задач по финансовому анализу» М.: Финансў и статистика, 2001г 3. Ефимова М.Р. «Финансово-экономические расчетў: пособие для менеджеров» М.: ИНФРА-М, 2004г 4. Донцова А.В., Никифорова Н.А., «Анализ финансовой отчетности» М.: Дело и Сервис, 2004г 5. Донцова А.В., Никифорова Н.А., «Анализ финансовой отчетности. Практикум» М.: Дело и Сервис, 2004г 6. Ермолович Л.Л. «Практикум по анализу хозяйственной деятельности предприятия». Мн.: Книжнўй Дом 2003 7. Мезенцева Т.М., Мезенцева Г.Н. Горобец В.Ю «Международнўе стандартў финансовой отчетности тестў с ответами» 2004 8. Акрамов Э.А. «Анализ финансового состояния предприятия», Ташкент –2000. 9. Ковалев А.И. «Анализ финансового состояния предприятия»; - М.: Центр экономики и маркетинга,2001. 10. Ковалев А.И.,Привалов В.П., «Анализ финансового состояния предприятия»; - М.: Центр экономики и маркетинга,2001. 11. www.ziyonet.uz 12. www.nur.uz

Похожие

Бухгалтерия ҳисобининг предмети ва усуллари

Бухгалтерия ҳисобининг методи ва принциплари

Бухгалтерия ҳисобининг субъект ва объектлари

Бухгалтерия ҳисобининг тамойиллари ва концепциялари

Бухгалтерия ҳисобининг ташкил этиш