Biznes etikasi va ma’naviyati - ilmiy bilimlar sohasi sifatida - Экономика - Рефераты

Biznes etikasi va ma’naviyati - ilmiy bilimlar sohasi sifatida

Загружено в:

20.09.2019

Скачано:

0

Размер:

60.5 KB

Biznes etikasi va ma’naviyati - ilmiy bilimlar sohasi sifatida Reja: 1. Ijtimoiy munosabatlarning tashkil topishi 2. Biznes amaliyotida ijtimoiy auditorlik 3. Muomala va biznes munosabatlari tamoyillari 4. Muomala va faoliyat

1. Ijtimoiy munosabatlarning tashkil topishi Jamiyatda ma’lum mavqe va maqomga ega bo‘lgan hamda ijtimoiy rolni bajarayotgan kishilar va bir guruh shaxslar o‘rtasidagi munosabat-lar ijtimoiy munosabatlarni tashkil qiladi. Ijtimoiy munosabatlar odam - larning bir-biri bilan munosabati jarayonida o‘rnatiladi. Biznes sohasida hamkorlikdagi faoliyat jarayonida o‘rnatilgan munosabatlari biznes munosabatlari deb ataladi. Biznes munosabatlar i instrumental, hissiy- ehtiyoj, bevosita va bilvosita turlarga bo‘linadi. Ijtimoiy va shaxsiy munosabatlar aynan muomalada amalga oshadi. Muomala odamlar o‘zaro munosabatlari tizimining amalga oshishidir. Ijtimoiy munosabatlar ichida shakllanayotgan shaxslararo munosabatlar tahlili inson va tashqi dunyo bilan bo‘lgan murakkab aloqalar tizimida muomalaning o‘rnini aniqlashga imkon beradi. Insonning turli ko‘rinish-dagi munosabatlari faqat o‘zaro aloqalar bilan chegaralanmaydi: inson-ning ijtimoiy tizimdagi mavqei uning aloqa tizimini yaratishini talab qiladi. Bu jarayon faqat muomalada yuzaga kelishi mumkin. Muomalada shaxslararo va ijtimoiy munosabatlar o‘z ifodasini topadi. Shunday qilib, muomala kishi munosabatlarining barcha tizimini amalga oshishidir. Ijtimoiy munosabatlar ichida shaklangan shaxslararo munosabatlarning tahlili inson va tashqi dunyo o‘rtasidagi munosabatlar tizimining aha-miyati haqida fikr yuritishga imkon beradi. Insonning munosabatlarini ko‘p xilligi faqat shaxslararo munosabatlar bilan cheklanib qolmaydi. Insonning kengroq ijtimoiy muhitdagi holati munosabatlar tizimini muayyan tartibda shakllantirishni talab qiladi. Bu jarayon esa faqat muomalada amalga oshirilishi mumkin. Muomalada shaxslararo, ijti-moiy, ya’ni faqat bir shaxsga oid bo‘lmagan munosabatlar amalga oshi-riladi. Odamlar bilan to‘g‘ri muomalada bo‘lish nafaqat biznes, xizmat pog‘onasida yoki boshqa sohalarda ham muvaffaqiyat qozonish garovi-dir. XX asrning 30-yillarida Deyl Karnegi insonning moliyaviy va tex-nik sohalardagi muvaffaqiyatining 15 foizi bilimiga bog‘liq bo‘lsa, 85 foizi boshqalar bilan muomalasiga to‘g‘ri kelishini qayd qilgan edi.

Biznes keng ma’nodagi faoliyat sohasidir. Ish, har turli faoliyat ak - sariyat kishilarning ko‘p vaqtini oladi. Bu sohada kishi faoliyatining turi keng bo‘ladi. Har qanday sohada ishlash odamdan muayyan xatti-hara-katlarni talab qiladi. Chunki ular shu sohada faoliyat ko‘rsatuvchilarga ham ma’qul bo‘lishi lozim. Tashqi va ichki sabablar ta’sirida biznes etikasi va ma’naviyatining shakllanishi, amalga oshishi, o‘zgarishi muomala va biznes, professional etika, boshqarish va rahbarlik etikasi kabi ko‘plab qator ijtimoiy katego-riyalar tadqiqotchi olimlar tomonidan o‘rganilmoqda. Hozirgi paytda biznes sohasida bir necha yondashuvlar shakllangan desa bo‘ladi. Ta’kidlash lozimki, biznes axloq me’yorlariga javob bermaydi, eti-ka tili esa biznesga to‘g‘ri kelmaydi degan nuqtayi nazarlar ham mavjud. Demak, muayyan etikaga oid me’yorlarni qonuniy jihatdan rasmiylash-tirish uchun tegishli chora- tadbirlarni amalga oshirish lozim. Amalda mazkur nuqtayi nazar G’arbda shakllangan tabiatni himoya qilish bo‘-yicha ommaviy harakatlar, Rossiyada keng tarqalayotgan konsyumerizm – iste’molchilar huquqini himoya qilish harakati ko‘rinishida yuzaga keladi. Ijtimoiy qiynchiliklar sababchisi bo‘lmish biznes bo‘yicha ilmiy tadqiqotlar OAV uchun keng tarqalgan mavzu bo‘lib qoldi. Odamlar munosabatlarini aks ettiruvchi an’anaviy etika kishining individual huquqlarini asoslashga va ularni buzganlar uchun javobgar-likni belgilashga qaratilgan. Biroq etikaga oid talablarni iqtisodiy fao-liyatga bog‘lab, “axloqli” biznes bo‘yicha sherik iste’molchilar orasida katta muvaffaqiyat qozonadi degan farazlar doimo ham amalda o‘z ifo-dasini topmaydi. Biznes omma talabiga qanday javob berishi kerakligi masalasi biznesmenlar simpoziumlarida muhokama qilingan. Aksariyat olimlar, shu jumladan, Amerika olimlari jamiyatning qadriyatlari tizi-mini tadqiq qilmoqda. Biznes jamiyatning tarkibiy qismi bo‘lgani uchun uning qiymatliklarini o‘zicha tartiblarga bo‘ladi. Masalan, AQShda bun - day qadriyatlarga boylikka intilish, daromad olish, yaxshi turmush ke - chirish, individualizm, raqobat, biznesdagi erkinlik kiradi. Bu esa ja-miyatning barcha a’zolarining qarashlarida aks etadi. Har bir kishi qo-nun doirasida qaror qabul

qiladi; bundan tashqari haqiqat, adolatlilik, teng imkoniyat, insoflilik va to‘g‘rilik katta ahamiyat kasb etadi. Xulosa shuki, iste’dodli kishilar ishlayman deb, intilsa, izlansa, katta yutuqlarga erishadi. 2. Biznes amaliyotida ijtimoiy auditorlik Olimlardan M. Meskon, M. Albert, F. Xedouri, S. Brittan, D. Jordj biznes amaliyotiga ijtimoiy auditorlik, ya’ni firmalarning ijtimoiy harakatlarini inspeksiya qilishni kiritadi. Bunda, birinchi galda, ijtimoiy qadriyatlarga bo‘lgan munosabatlarga baho beriladi. Natijada firmalar muomala kodekslari va korporativ etika bo‘yicha lavozimlarni tashkil qila boshladi. Mazkur yo‘nalish ijtimoiy haqiqat tadqiqini birinchi o‘rin-ga qo‘yadi. Insonning xohishi va qobiliyati, g‘ururi va ambitsiyalarini (pul, karerani) muhim ahamiyatga ega bo‘lgan narsalarga qarshi qo‘y-maslik axloq deb tushuniladi 1 . Biroq bu nazariyani qo‘llash bir qator muammolar tufayli cheklan - gan. Birinchidan, AQSH kabi kuchli, boy mamlakatning boyligi pro-testant etikalar asosini yo‘qqa chiqaradi, yangi turdagi ehtiyojlarni yuza-ga keltiradi va yengil hayot tushunchasini shakllantiradi. Ikkinchidan, xususiy mulk hissiyoti orqali aniqlanadigan qadriyatlar katta o‘zgarishlarga duchor bo‘ldi. Aksiyalar egalari qiyofasida yirik korporatsiyalar yuzaga kelib, ular maosh evaziga menejerlar tomonidan boshqariladi, ya’ni boshqaruv xususiy mulkdan ajralib chiqadi. Munosabatlarga oid qoida va me’yorlar; muzokara, konstruktiv tan-qid, telefon orqali gaplashish, mojaroli holatlar, biznesmen etiketi, muayyan biznes sharoitida xatti-harakat va muomalalarning qoida, tav-siya, optimal algoritmlari va shu kabilar bilan bog‘liq masalalar mavjud. Biznesga oid muomala me’yorlarini o‘rganish va ularga rioya qilish barcha xo‘jalik ishlari bilan bog‘liq sohalarda aniq muvaffaqiyatga olib keladi. 1 Мескон M., Алберт M., Хедоури Ф. Основи менежмента . - M.: Дело, 1998.

3. Muomala va biznes munosabatlari tamoyillari Yuqorida aytib o‘tilganidek, biznes munosabatlarida muomala boshqaruv faoliyati sohasida band bo‘lgan shaxslar harakati tamoyilla-rining yig‘indisidir. Muomala va biznes munosabatlarining asosiy tamoyillari – bu ish-bilarmon dunyosida qabul qilingan quyidagi axloq tamoyillaridir: 1.Erkinlik (Raqiblaringiz erkinligini qadrlang!). Ya’ni, ularning ishiga aralashmaslik, manfaatini hurmat qilish va har qanday ishda ham ularga halaqit bermaslik. 2. Aniqlik, puxtalik (Barcha ishlarni o‘z vaqtida bajaring)! Ishni o‘z vaqtida bajargan kishining xatti-harakati me’yoriy kuchga ega bo‘ladi. Kechikish ishga halaqit beradi va kechikishni odat qilgan kishi-ga ishonch yo‘qoladi. Ishni o‘z vaqtida bajarish tamoyili barcha xizmat topshiriqlariga tegishlidir. Ish vaqtini tashkil etish va taqsimlanishini o‘rganuvchi mutaxassislarning fikriga ko‘ra, topshirilgan ishni bajarish uchun yana 25% vaqt qo‘shish to‘g‘ri bo‘ladi. 3. Sir saqlanishi (Ortiqcha gapirma!). Tashkilot, korporatsiya yoki muayyan bitimga oid sirlarni shaxsiy sirlar kabi saqlash lozim. Xizmat-dosh, rahbar yoki qo‘l ostida ishlayotgan xodimlarning oilaviy, shaxsiy hayoti haqida boshqalardan eshitgan ma’lumotlarni gapirish kerak emas. 4. Muomala madaniyati. Shirinso‘zlik, yaxshi niyatlilik va meh-ribonlik. Har qanday sharoitda ham mijoz, hamkasb, buyurtmachi va xaridorlar bilan yaxshi muomala, shirin so‘z va yaxshi niyatda bo‘lmoq lozim. 5. Tevarak-atrofdagilarga e’tibor (faqat o‘zingizni emas, boshqa - larni ham o‘ylang). Tevarak-atrofdagilarga bo‘lgan e’tibor xizmatdosh, boshliq va qo‘l ostida ishlovchilarga qaratilgan bo‘lishi lozim. Boshqa-larning fikrlariga e’tiborli bo‘ling. Ularda boshqacha nuqtayi nazar shakllanganligi sabablarini tushunib oling. Doimo ularning tanqidiga quloq solib, undan to‘g‘ri xulosa chiqaring. Kimdir ishingiz sifatidan qoniqmasa , ularning fikrlari siz uchun muhim ekanligini ko‘rsating. O‘zingizga bo‘lgan ishonch kamtar bo‘lishingizga halaqit bermasligi lozim. 6. Tashqi ko‘rinish (talab darajasida kiyining). Eng asosiy yondashuv - xizmatdoshlar doirasiga, bu doirada esa o‘zingizning toi-fangizdagi xodimlar

doirasiga kirib olish. Did bilan kiyinish lozim. Kiyimni tanlab kiyish ham muhim ahamiyatga ega. 7. Savodxonlik (adabiy tilda gapirib, yozing). Boshqa muassasa - larga yuboriladigan hujjat yoki xatlar ravon tilda yozilib, tegishli nomlar to‘g‘ri berilishi lozim. Adabiy til me’yorlariga rioya qiling. 2.4. Muomala va faoliyat Biznes etikasi va ma’naviyatini tadqiq qilishda muomala va faoliyat munosabatlari katta ahamiyat kasb etadi. Bu muammoga nisbatan turli nuqtayi nazarlar mavjud. Mamlakat ilm-fanida muomala va faoliyat yaxlitligi qabul qilingan. Muomala shaxslarning aniq munosabatidir. Bunga muvofiq, muomala shaxslar o‘zaro faoliyatining o‘ziga xos shaklidir. Boshqacha qilib aytganda, kishilar hamisha turli ijtimoiy vazifalarni bajarishda bir-biri bilan o‘zaro muomalada bo‘ladi. Xulosa qilib aytganda, shaxs o‘z fao-liyati jarayonida boshqalar bilan muomalaga kirishadi. Uning faoliyati boshqalar faoliyati bilan doimo kesishadi. Ayni shu kesishgan nuqta shaxs faoliyati va boshqalarning munosabatlari uchun sharoit yaratadi. Muomala o‘zaro faoliyat ko‘rsatayotgan individlar jamoasini shakl - lantiradi. Shunday qilib, muomala va faoliyatning bir-biri bilan bog‘liqligi barcha tadqiqotchilarning izlanishida tasdiqlangan. Biroq bunday bir-biri bilan bog‘lanishning mohiyati turli tadqiqotchilar tomonidan har xil talqin etiladi. XX asrning birinchi choragida sotsiometriya usulini ishlab chiqqan J. Moreni shaxslararo va guruhlararo munosabatlarni diagnostika qilishni, ularni o‘zgartirishni, takomillashtirishni va yangilashni maqsad qilib qo‘ygan edi. Uning ishining ahamiyati shundaki, har bir norasmiy tuzilma u yoki bu ko‘rinishda rasmiy tuzilmaga, ya’ni rasmiy, biz-nesmenlik munosabatlariga proyeksiyalanadi va shu tufayli jamoa faoliyatining samaradorligiga ta’sir qiladi. Sotsiometrik tarzda bajariladigan ish tartibi quyidagicha:

a) jamoaning jipslashish va tarqoqlik darajasini aniqlash; b) sotsiometrik nuqtayi nazarni, ya’ni simpatik – antipatik qarashlar asosida guruh a’zolarining o‘zaro munosabatini aniqlash. Bu y erda “li - der” va “inkor etilgan”lar ikki qutbda joylashdilar; v) guruhlar ichidagi kichik tizimlarni aniqlash. Bu guruhchalarning o‘z liderlari bo‘lishi mumkin. Sotsiometriyaning ustuvor tomoni shun-daki, u ijtimoiy psixologiyadagi tadqiqot usuli sifatida kichik guruhlarda aniq miqdoriy o‘lchashga imkon beradi, tadqiqotlarning bajarilishi, ma-tematik ma’lumotlarga ishlov berish oddiy usulda bo‘ladi. Uning qo‘lla-nish doirasi cheklanganligi (asosan, ishchi jamoalarda), sotsiometriyani qo‘llanishda guruhning chin dildan ishtiroki va ishtiyoqi, tajriba muomala me’yorlari buzilgandagi salbiy natijalar bu usulning kamchi-liklarini tashkil qiladi. Sotsiometrik tarzda bajariladigan ish tartibi uning indekslarining hisob-kitobi bilan yakunlanadi. Birinchi sotsiometrik mezon boshqa shaxslarning guruhdagi yakka shaxsga nisbatan aniq munosabatini ko‘r-satadi. Individ tomonidan guruh a’zolari soniga nisbatan olingan variant - lar soni variantlar miqdori sifati hisoblanadi. Ijobiy va salbiy mezonlar farqlanadi. Ijobiy mezon guruh tomonidan shaxsning qabul qilinishida, salbiy mezon uni guruhdan chetlashtirilganda yuzaga keladi. Ikkinchi sotsiometrik indeks, his-tuyg‘uli ekspansiyalilik individ-ning guruhga bo‘lgan munosabatini, uning guruh bilan muloqot qilishga, muomalaga bo‘lgan ehtiyojini ko‘rsatadi. His-tuyg‘uli ekspansiyalilik indeksi sotsiometrik indeksi, ya’ni guruh a’zolari soniga nisbatan olin-gan individ tomonidan guruhga berilgan variantlar miqdori kabi hisoblab chiqiladi. Har bir guruh a’zosining sotsiometrik mezoni va his-tuyg‘uli eks - pansivligining nisbatiga qarab, uning biror bir shartli kichik guruhlarga oidligini bilish mumkin. Birinchi guruhga ko‘p variantlarga ega bo‘lgan kishilar kiradi. Ular yuqori sotsiometrik mezonga ega. Bu esa guruh a’zolari uchun ularning mashhurligi, liderligi, jozibadorligidan dalolat beradi. Ularning his-tuyg‘uli ekspansiyalilik indeksi yuqori bo‘lib, u guruhga qaratilgan; guruh a’zolari bilan

muloqot va hamkorlik qilishga moyillik bildiradi. Ularni shartli ravishda “yulduzlar” deb nomlaymiz. Ikkinchi guruhning mezoni o‘rtacha va uni ijobiy his- tuyg‘uli ekspan-sivlikka ega bo‘lgan kishilar tashkil qiladi Bu guruh eng ko‘p a’zolarga ega. Uchinchi guruhni “qora qo‘ylar” tashkil qiladi. Ularning mezoni past yoki salbiy bo‘lib, ekspansivligi odatda, ijobiydir. “Qora qo‘ylar” - ning mavjudligi guruh a’zolarining bir-biriga yaqinligi haqida dalolat beradi. Bu guruhda “biz” degan tushuncha ustuvor bo‘ladi. Uni kuchay-tirish uchun guruh a’zolari shunga o‘xshash guruhni yoki o‘ziga o‘xsha-gan kishilarni izlaydilar. Ularga o‘zlarining “biz”ligini qarama-qarshi qo‘yib haqiqiy yoki sun’iy ravishda hosil qilingan farqlarni ko‘rsatadi. E’tiborlisi shundaki, agar bitta “qora qo‘ycha” guruhni tark etgan bo‘lsa uning o‘rniga boshqa nomzod kiritiladi. Yana bir o‘ziga xos guruh – bu “oq qarg‘alar”. Ularni yuqori sotsiometrik mezon va past his-tuyg‘uli ekspansivlik ajratib turadi. Bu esa guruhning shu kishiga bo‘lgan qiziqishi va bu kishining guruhga nisbatan qiziqishi yo‘qligi haqida dalolat beradi. Mazkur kichik guruhni “yulduzlar”dan farqlash lozim, chunki “oq qarg‘alar”, odatda, rahbarlik-ka moyillik bildirmaydi, o‘zlarini vaqtincha guruh a’zolari deb hisob-laydi va boshqa biror-bir guruh bilan norasmiy muloqot qilishga intiladi. Guruh jipsligi muammosi, odatda, his-tuyg‘uli asosga ega bo‘lgan shaxslararo munosabatlar tizimi sifatidagi guruh doirasida muhokama qilinadi. Sotsiometrik yo‘nalishda jipslik bevosita bir-biriga nisbatan hurmatga asoslangan shaxslararo munosabatlar keng rivojlanganligiga asoslanadi. Sotsiometriya maxsus “guruh jipsligi indeksi”ni taklif etadi. Bu indeks o‘zaro ijobiy variantlar sonining umumiy ehtimoliy variantlar soniga bo‘lgan nisbat deb hisoblanadi. )1 (    N N R C  bu y erda, C – jipslik; Rt - ijobiy tanlov;

N – guruh a’zolarining soni Sotsiometrik usullar qo‘llanilganda tanlovning o‘zaro ijobiy va-riantlarining mazmuni( “Nima uchun?” degan savolga bo‘lgan javob) hisobga olinmaydi. Boshqa bir usul L.Festinger tomonidan taklif qilingan edi. Unga ko‘ra jipslilik guruhida mavjud bo‘lgan kommunikativ aloqalarning muntazamligi mustahkamligiga asosan tahlil qilingan. Jipslilik guruh a’zolariga ta’sir etuvchi kuchlarning yig‘indisi deb olingan. Bu kuch kishilarni guruh doirasida, jips holda ushlab turishga, individ uchun guruhning jozibadorligini, u guruh a’zoligidan mamnun ekanligigini ko‘rsatishga qaratilgan. T. Nyukom tomonidan ham guruh jipsliligi bo‘yicha muammoning yana bir y echimi taklif qilingan. Nyukom “bir-birini tushunish” atamasi-ni qo‘llab, uning yordamida jipslilikni talqin qilishga urinadi. U kishilar uchun muayyan qadriyatlarga nisbatan guruh a’zolarining o‘xshash maqsadlari yuzaga keladi, degan g‘oyani ilgari suradi. Yuqorida aytib o‘tilganidek, mamlakat ijtimoiy psixologiyasida guruh a’zolarining bir-galikdagi faoliyati va guruh maqsadlari guruhning integratorlari degan tushuncha bilan nomlanib, u ustuvor mavqega ega edi. Guruhning shakl-lanishi va rivojlanishi o‘zaro faoliyat jarayoniga ko‘p sonli individlarni jalb qilish asosida talqin qilinadi. Guruhning o‘zaro jipsligi va kishilarning bir-biri bilan bitta guruhda ishlay olishini farqlash kerak. Kishilarning bir-biri bilan bitta guruhda ishlay olishi mazkur guruh tarkibidagi kishilar o‘z funksiyalarini bajara olishini va guruh a’zolarining bir-biri bilan bog‘liq holda o‘zaro faoliyat ko‘rsata olishini bildiradi. O‘zaro faoliyat jarayonida guruhning barcha a’zolari guruh maqsadlarini qo‘llab- quvvatlashadi va uning faoliyati bilan bog‘liq bo‘lgan qadriyatlarni e’zozlaydi. Ijtimoiy psixologiyada guruh jipsligining yangi tamoyillari bo‘yi-cha tadqiqotlar A.V. Petrovskiy tomonidan ishlab chiqilgan. Ular ilgari ”guruh faoliyatining stratometrik konsepsiyasi”, keyin esa “guruhda shaxslararo munosabatlarning faoliyat nazariyasi” deb nomlangan yago-na konsepsiyaning bir qismini tashkil qiladi. Asosiy g‘oya shundan ibo-ratki, kichik guruhning butun tuzilmasini bir necha asosiy qatlamlar yoki stratlar tashkil etadi. Bunda bevosita

shaxslararo munosabatlar, ya’ni sotsiometriya tomonidan an’anaviy ravishda o‘lchanib kelingan holatlar aks ettirilgan. Keyingi qatlam o‘zaro faoliyat bilan bog‘liq bo‘lgan maqsadli qadriyatlarning yaxlitligi bilan taqdim etilgan. Guruh tuzil-masining ikki ichki qatlami individni guruh faoliyatiga yanada kengroq jalb qilishni nazarda tutadi. Chunki guruh a’zolari guruh faoliyatidagi maqsadlarni qo‘llab-quvvatlaydi va bir-birini tanlash sabablari jiddiy-ligini namoyish qilishadi. Bu sabablar umumiy qadriyatlarni qabul qilish bilan bog‘liq deb taxmin qilish mumkin. Ular, ya’ni qadriyatlar mav - humroq bo‘lib, mehnatga, tevarak-atrofga bo‘lgan munosabatlar bilan bog‘liq. Munosabatlarning o‘rtadagi qatlami guruhiy tuzilmaning “yad - rosi” deb nomlangan. A.V. Petrovskiy fikricha, guruhning birdamligi uning ichki muno - sabatlarining rivojlanishidir. Bu rivojlanish guruh faoliyatining taraq-qiyotiga mos keladi. Shunday qilib, tadqiqot amaliyotida jipslik qad-riyatlarning mos kelishi va bu moslik faoliyatning amalga oshirish ne-gizida tahlil qilinishi kerak.

Foydalanilgan adabiyotlar 1. Karimov I.A. Istiqlol va ma’naviyat. O‘zbekiston, 1994 y. 2. Karimov I.A. Yuksak ma’naviyat-yengilmas kuch. -T.: Ma’naviyat, 2008 y. 3. Averyanov L.A. Iskusstvo zadavat voprosi, -M.: Moskovskiy rabochiy. 4. Avrintsev S.S. Poetika ranne y viz a ntiyskoy literaturi. -M., 1977. 5. Agapova E.G. Konfliktologiya, -Samara, 2003. 6. Akshieva A.A., Formanovskaya N.I. Russkiy rechevoy etiket. – M.: Russkiy yazik 1982. 7. Alyaprinskiy B.S. Obshchenie i ego problemi. – M.: 1982. 8. Ananev B.G. O problemax sovremennogo chelovekoznaniya. – M.: 1977. 9. Andreeva G.M. Sotsialnaya psixologiya – M.: MGK. 1988. 10. Andreeva V.I. Konfliktologiya (Iskusstvo spora, vedeniya peregovorov, razresheniya konfliktov) – M.: 1995. 11. Andreeva I.V. Etika delovix otnosheniy. Sankt-Peterburg «Viktor», 2005.

Похожие

Shaxs xususiyatlari, biznes etikasi va ma’naviyati

Kompaniyaning imidji amaliyotida biznes etikasi

Hamkorlikda qaror qabul qilishda biznes etikasi va ma’naviyatiga bo‘ysunish

Biznes etikasi va ma’naviyatining o‘zaro munosabatlari, turlari, vazifasi va darajalari

Biznes va tadbirkorlik