Tezkor-qidiruv faoliyati to’g’risidagi ma’lumotlarni muhofaza qilish - Юриспруденция - Рефераты

Tezkor-qidiruv faoliyati to’g’risidagi ma’lumotlarni muhofaza qilish

Загружено в:

27.10.2023

Скачано:

0

Размер:

38.0927734375 KB

Tezkor-qidiruv faoliyati to’g’risidagi ma’lumotlarni muhofaza qilish Reja: 1. Tezkor-qidiruv faoliyati to’g’risidagi ma’lumotlarni muhofaza qilish. 2.Tezkor-qidiruv faoliyati natijalarini surishtiruv, tergov organlari, prokurorga taqdim etish tartibi. 3.Tezkor-qidiruv faoliyati natijalarini surishtiruv, tergov organlari, prokurorga taqdim etish to’g’risidagi qarorning mazmuni va uni qabul qilish tartibi. 4.Tezkor-qidiruv faoliyati jarayonida prokuror, tergovchi, surishtiruv organi hamda tezkor-qidiruv faoliyatini amalga oshiruvchi organ ustidan yuqori turuvchi organning vakolatlari.

2 . Tezkor-qidiruv faoliyati natijalarini surishtiruv, tergov organlari, prokurorga taqdim etish tartibi TQF natijalarini surishtiruv, tergov organlari, prokurorga taqdim etish TQF to’g’risidagi qonunda va TQF natijalarini surishtiruv, tergov organlari, prokurorga taqdim etish masalalarini tartibga soluvchi normativ-huquqiy hujjatda nazarda tutilgan tartibda amalga oshiriladi. TQF natijalari jinoyat belgilari aniqlangani to’g’risida bildirgi yoki TQF natijalari to’g’risida ma’lumot ko’rinishida taqdim etiladi, ular TQFni amalga oshiruvchi organning mansabdor shaxsi tomonidan tuziladi va belgilangan tartibda ro’yxatdan o’tkaziladi. TQF natijalarini ma’lumot ko’rinishida taqdim etish tartib-qoidalari quyidagilarni o’z ichiga oladi: - taqdim etilayotgan TQF natijalarida ifodalangan davlat sirlarini tashkil etuvchi ma’lumotlarni va ularni tashuvchilarni maxfiylikdan chiqarish zarurligi to’g’risidagi masalani ko’rib chiqish; - zaruriy hujjatlarni rasmiylashtirish va TQF natijalarini amalda taqdim etish. TQF natijalarini surishtiruv, tergov organlari, prokurorga O’zR JPKning 321 va 322-moddalarida nazarda tutilgan tartibda tekshirish va protsessual qaror qabul qilish, shuningdek jinoyat ishiga qo’shib qo’yish uchun taqdim etish TQFni amalga oshiruvchi organ rahbari tomonidan tasdiqlangan tegishli qaror asosida amalga oshiriladi. Erkin realizatsiya qilish taqiqlangan yoki muomalada bo’lishi cheklangan predmetlar, moddalar va mahsulotni tekshirish uchun xarid qilish yoki nazorat ostida olishni, shuningdek tezkor eksperimentni o’tkazish jarayonida olingan TQF natijalari surishtiruv, tergov organlari, prokurorga taqdim etilganda, ularga TQFni amalga oshiruvchi organ rahbari tomonidan tasdiqlangan ushbu TQTni o’tkazish to’g’risidagi qaror ilova qilinadi. Agar tekshirish uchun xarid qilishni o’tkazish natijasida tayyorlana-yotgan, sodir etilayotgan yoki sodir etilgan g’ayriqonuniy qilmishni lozim darajada hujjatlashtirishning iloji bo’lmasa, uning natijalari jinoyat belgilari mavjud bo’lgan

qayta tekshirish uchun xarid qilish materiallariga qo’shib qo’yiladi va tergovchi yoki prokurorga taqdim etiladi. Surishtiruv, tergov organlari, prokurorga fuqarolarning yozishmalar, pochta jo’natmalari, telegraf xabarlari va boshqa xabarlar sir saqlanishi, yashash joyi daxlsizligiga bo’lgan konstitutsiyaviy huquqlarini cheklaydigan, telefonlar va boshqa so’zlashuv qurilmalari orqali olib boriladigan so’zlashuvlarni eshitish bilan bog’liq bo’lgan TQT natijalari taqdim etilgan holda, ularga prokurorning TQTni o’tkazish to’g’risidagi qarori nusxasi ilova qilinadi. Tezkor-texnika tadbirlarini tashkil etish va o’tkazish taktikasi, bunda foydalaniladigan texnika vositalari, tezkor-texnika va tezkor-qidiruv bo’linmalarining shtatdagi yashirin xodimlari to’g’risidagi ma’lumotlarni o’z ichiga olgan TQF natijalarini taqdim etish albatta tegishli tadbirlarning ijrochilari bilan kelishilishi lozim. TQF natijalari aks ettirilgan materiallarda mavjud ma’lumotlarni maxfiylikdan chiqarish talab etilgan holda, TQFni amalga oshiruvchi organ rahbari (boshliq yoki uning o’rinbosari) tomonidan davlat sirlarini tashkil etuvchi ma’lumotlarni va ularning tashuvchilarini maxfiylikdan chiqarish to’g’risida qaror qabul qilinadi. Boshqa hollarda davlat sirlarini tashkil etuvchi ma’lumotlarni o’z ichiga olgan TQF natijalari belgilangan maxfiy ish yuritish tartibiga muvofiq taqdim etiladi. TQF natijalarini surishtiruv, tergov organlari, prokurorga amalda topshirish usuli (pochta orqali yuborish, chopar orqali topshirish va boshq.) TQFni amalga oshiruvchi organ tomonidan har bir muayyan holda ish yuritishni tashkil etishni tartibga soluvchi normativ-huquqiy hujjatlarning talablarini hisobga olgan holda tanlanadi. Topshirilayotgan hujjatlarga TQTni o’tkazish paytida olingan (bajarilgan) foto - grafik negativlar va suratlar, kinolentlar, diapozi tivlar, fonogrammalar, videoyozuv kassetalari, kompyuter axborotini tashuvchilar, chizmalar, tarxlar, sxemalar, dalolatnomalar, ma’lumotnomalar, boshqa hujjatlar, shuningdek jinoyat- protsessual qonun hujjatlariga muvofiq ashyoviy dalillar deb e’tirof etilishi mumkin bo’lgan boshqa moddiy obyektlar ilova qilinadi.

Bunda ilova qilinayotgan materiallar, hujjatlarni va TQTni o’tkazish paytida olingan boshqa obyektlarni olish vaqti, joyi va holatlari to’g’risida axborot jinoyat belgilari aniqlangani to’g’risida bildirgi va (yoki) ma’lumotda aks ettirilishi lozim. Zarur holda ushbu materiallar, hujjatlar va boshqa obyektlarning alohida belgilari tavsifi ma’lumotga alohida ilovada bayon etilishi mumkin. TQFni amalga oshiruvchi organ TQTni o’tkazish paytida olingan materiallar, hujjatlar va boshqa obyektlarni surishtiruv, tergov organlari, prokurorga topshirish uchun tayyorlash va rasmiylashtirish paytida ularning butligini ta’minlash (deformatsiyalanish, mag nitsizlanish, rangsizlanish, o’chib ketish va shu kabilardan himoyalash) choralarini ko’rishi lozim. TQTni o’tkazish paytida olingan materiallar, hujjatlar va boshqa obyektlarni nusxalar (ko’chirmalar) tarzida, shu jumladan eng muhim holatlar (so’zlashuvlar, syujetlar)ni yagona tashuvchiga ko’chirgan holda taqdim etishga yo’l qo’yiladi va bu haqda ma’lumotda albatta ko’rsatiladi. Bu holda TQTni o’tkazish paytida olingan materiallar, hujjatlar va boshqa obyektlarning asliyatlari, agar ular keyinchalik surishtiruv, tergov organlari, prokuror tomonidan talab qilib olingan bo’lmasa, TQTni amalga oshirgan organda sud muhokamasi yakunlangunga va hukm qonuniy kuchga kirgunga qadar yoki jinoyat ishi tugatilganga qadar saqlanadi. 3 . Tezkor-qidiruv faoliyati natijalarini surishtiruv, tergov organlari, prokurorga taqdim etish to’g’risidagi qarorning mazmuni va uni qabul qilish tartibi TQFni amalga oshiruvchi organlarning TQF natijalarini surishtiruv, tergov organlari, prokurorga taqdim etish to’g’risida qaror qabul qilish huquqiga ega bo’lgan rahbarlari (mansabdor shaxslari) ro’yxati tezkor-texnika tadbirlarini o’tkazish uchun qarorlarni imzolash va topshiriqlarni tasdiqlash huquqiga ega bo’lgan mansabdor shaxslar ro’yxati bilan mos keladi. Ushbu shaxslar ro’yxati idoraviy normativ-huquqiy hujjatlar bilan to’ldirilishi mumkin. Materiallarni tayyorlash paytida nooshkora TQTni o’tkazishda foydalanilayotgan yoki foydalanilgan kuchlar, vositalar, manbalar, TQF usullari,

rejalari va natijalari, uyushgan jinoiy guruhlarga kiritilgan shaxslar, shtatdagi yashirin xodimlar va maxfiylik asosida ko’maklashayotgan (ko’maklashgan) shaxslar, shuningdek TQTni tashkil etish va o’tkazish taktikasi to’g’risidagi ma’lumotlar davlat sirlarini tashkil etishini hisobga olish zarur. Har bir muayyan holda TQTni tashkil etish va o’tkazish taktikasi, foydalanilayotgan texnika vositalari, tezkor-texnika va tezkor-qidiruv bo’linmalarining shtatdagi yashirin xodimlari to’g’risidagi ma’lumotlarni o’z ichiga olgan TQF natijalarini taqdim etish imkoniyati albatta tegishli tadbirlarning ijrochilari bilan kelishilishi lozim. TQF natijalarini surishtiruv, tergov organlari, prokurorga taqdim etish to’g’risidagi qaror uch qism: kirish, bayon va qaror qismlaridan tashkil topadi. Kirish qismida hujjat nomi, u qabul qilingan joy va vaqt, TQFni amalga oshiruvchi organ rahbarining familiyasi, ismi, otasining ismi, lavozimi va (harbiy, maxsus) unvoni, shuningdek ushbu qarorni qabul qilish uchun asoslar ko’rsatiladi. Qarorning bayon qismida aynan qanday materiallar qaysi TQTni o’tkazish natijasida olingani, ular qaysi maqsadlar (jinoyat ishini qo’zg’atish uchun vaj va asos sifatida foydalanish, jinoyat ishlari bo’yicha isbot qilishda foydalanish) uchun taqdim etilayotgani, muayyan TQTga qachon va kim tomonidan sanksiya berilgani, uni o’tkazish uchun prokuror qarorining mavjudligi ko’rsatib o’tiladi. Qarorning bayon qismi TQF to’g’risidagi qonun 15 va 16-moddalarining tegishli qismiga havola qilish bilan yakunlanadi. Qaror qismida organ rahbarining TQF natijalarini aks ettiruvchi tezkor-xizmat hujjatlarini yuborish to’g’rsidagi qarori bayon etiladi. Shu yerda yuborilishi lozim bo’lgan hujjatlar batafsil sanab chiqiladi. TQF natijalarini taqdim etish to’g’risidagi qaror bir nusxada tayyorlanadi, organ rahbari tomonidan imzolanadi va tezkor-qidiruv ish yurituvi ishi yoki tegishli nomenklatura ishi materiallariga qo’shib qo’yiladi.

4 . Tezkor-qidiruv faoliyati jarayonida prokuror, tergovchi, surishtiruv organi hamda tezkor-qidiruv faoliyatini amalga oshiruvchi organ ustidan yuqori turuvchi organning vakolatlari 1. TQF to’g’risidagi qonunga muvofiq prokurorning TQF jarayonidagi vakolatlari. TQF to’g’risidagi qonunning 15–16, 19 va 21-moddalariga muvofiq, prokuror quyidagi huquqlarga ega: - TQFni amalga oshiruvchi organ rahbarlaridan birining asoslantirilgan qarori asosida fuqarolarning konstitutsiyaviy huquqlarini cheklovchi TQTni o’tkazishga ruxsat berish yoki rad etish; - TQTni o’tkazish to’g’risidagi masalani hal qilishda TQTni o’tkazish uchun asoslarga tegishli bo’lgan boshqa materiallarni talab qilish, uyushgan jinoiy guruhlarga kiritilgan shaxslar, TQFni amalga oshiruvchi organlarning shtatdagi yashirin xodimlari va ularga maxfiylik asosida ko’maklashayotgan shaxslar, TQTni tashkil etish va o’tkazish taktikasi to’g’risidagi ma’lumotlar bundan mustasno; - TQFni amalga oshiruvchi organ (mansabdor shaxs) tomonidan jismoniy va yuridik shaxslarning huquqlari va qonuniy manfaatlari buzilgan taqdirda, huquqlar va qonuniy manfaatlarni tiklash, yetkazilgan zararni qoplash choralarini ko’rish; - fuqarolarning konstitutsiyaviy huquqlarini cheklash to’g’risidagi materiallarni yakka tartibda va darhol ko’rib chiqish (bunday materiallar taqdim etilgan holda ularni ko’rib chiqishni rad etishga haqli emas); - kechiktirib bo’lmaydigan va og’ir yoki o’ta og’ir jinoyatlar sodir etilishiga olib kelishi mumkin bo’lgan hollarda, shuningdek shaxs, jamiyat va davlat xavfsizligi (O’zbekiston Respublikasining davlat, harbiy, iqtisodiy yoki ekologi k xavfsizligi)ga tahdid solayotgan hodisalar va harakatlar to’g’risida ma’lumotlar mavjud bo’lganda, TQTni o’tkazish yoki o’tkazishni rad etish to’g’risida darhol qaror qabul qilish;

- fuqarolarning konstitutsiyaviy huquqlarini cheklovchi TQT o’tkazish to’g’risidagi qarorning amal qilish muddatini uzaytirish haqidagi masalani taqdim etilgan yangi materiallar asosida hal qilish; - TQT tashabbuschisiga uning materiallarini qaror bilan bir vaqtda qaytarib berish. Prokuror quyidagilarga majbur: - TQFni amalga oshiruvchi organlarga maxfiylik asosida ko’maklashmaslik; - TQF ustidan prokuror nazoratini amalga oshirish: a) TQFni amalga oshiruvchi organlarning rahbarlaridan tezkor-qidiruv ish yurituvi ishlarini, TQTni tezkor-texnika vositalari yordamida o’tkazish to’g’risidagi materiallarni o’z ichiga olgan tezkor-xizmat hujjatlarini, shuningdek hisob yuritish-ro’yxatga olish hujjatlarini va TQTni o’tkazish masalalarini tartibga soluvchi idoraviy normativ-huquqiy hujjatlarni talab qilib olish; b) TQFni amalga oshiruvchi organlarning rahbarlaridan uyushgan jinoiy guruhlarga kiritilgan shaxslar, TQFni amalga oshiruvchi organlarning shtatdagi yashirin xodimlari va ularga maxfiylik asosida yordam ko’rsatuvchi shaxslar to’g’risidagi ma’lumotlarni ushbu shaxslarni jinoiy javobgarlikka tortish talab etilgan hollarda ko’rsatilgan shaxslarning yozma roziligisiz talab qilib olish; - o’ziga taqdim etilgan tezkor-xizmat hujjatlari va materiallardagi ma’lumotlarni muhofaza qilish; - TQFni amalga oshiruvchi organlarning harakatlari o’z huquqlari va erkinliklari buzilishiga olib kelganini qayd etayotgan shaxsning shikoyatini ko’rib chiqish; - TQFni amalga oshiruvchi organ (mansabdor shaxs) tomonidan jismoniy va yuridik shaxslarning huquqlari va qonuniy manfaatlari buzilgan taqdirda, huquqlar va qonuniy manfaatlarni tiklash, yetkazilgan zararni qoplash choralarini ko’rish. TQF natijalarini aks ettiruvchi tezkor-xizmat hujjatlari jinoyat ishini o’z ish yurituviga olgan prokurorga faqat TQF to’g’risidagi qonunda begilangan tartibda va hollarda taqdim etiladi.

Tergovchi, tergov organi rahbari, surishtiruvchining TQF jarayonidagi vakolatlari. Ular mustaqil ravishda (har biri o’z) yozma topshirig’i bilan TQFni amalga oshiruvchi organga TQT o’tkazish haqida topshirik berishga haqli. TQFni amalga oshiruvchi organ ustidan yuqori turuvchi organning vakolatlari. Ushbu organ: - TQFni amalga oshiruvchi organlarning harakatlari o’z huquqlari va erkinliklari buzilishiga olib kelganini qayd etayotgan shaxsning shikoyatini ko’rib chiqishi; - TQFni amalga oshiruvchi organ (mansabdor shaxs) tomonidan jismoniy va yuridik shaxslarning huquqlari va qonuniy manfaatlari buzilgan taqdirda, huquqlar va qonuniy manfaatlarni tiklash, yetkazilgan zararni qoplash choralarini ko’rishi shart.

Xulosa 1.2015 yil 25 avgust kuni sodir etilgan qotillik jinoyati bo‘yicha tezkor qidiruv tadbirlari o‘tkazildi. Uning natijalari aks ettirilgan bildirgi tezkor qidiruv hodim tomonidan tuzilib prokurorga taqdim qilindi. Biroq, mazkur jinoyat ishida tezkor qidiruv xodimi Lazerevning qo‘li ham borligi prokuror tomonidan aniqlandi. Prokror Lazerovni o‘z xonasidan xech qanday hujjatlarsiz olib chiqib ketdi. Holat bo‘yicha tezkor qidiruv bo‘linmasi boshlig‘iga og‘zaki tushuntirish berildi. Holat tahlil qiling va prokuror harakatlarini baholang.

Foydalanilgan adabiyotlar: 1. O‘zbekiston Respublikasi Konstitutsiyasi. – T.: «Uzbekistan», 2012. 2. O‘zbekiston Respublikasi Jinoyat kodeksi. – T.: Adolat, 2010. 3. O‘zbekiston Respublikasi Jinoyat protsessual kodeksi. – T.: Adolat, 2010. 4. O‘zbekiston Respublikasi Jinoyat ijroiya kodeksi. – T.: Adolat, 2013. 5. Operativno-rozisknaya deyatelnost: Uchebnik /Pod red. K.K. Goryai- nova, V.S. Ovchinskogo, A.Y. Shumilova. – M.: INFRA-M, 2001. 6. Pulatov Y.S. Operativno-rozisknoye pravo kak otrasl yurispruden-sii i yeye svyaz s drugimi naukami //Xuquq-Pravo-Law. – Toshkent, 1999. № 2. – S. 65-69. 7. Saitbayev T.R. O sozdanii apparatov ugolovnogo roziska Respubliki Uzbekistan (1917-1920 godi) //Nezavisimost i problemi formirovaniya demokraticheskogo pravovogo gosudarstva i grajdanskogo obshestva v Respublike Uzbekistan. – T.: Akademiya MVD Respubliki Uzbekistan, 1996. – S. 218-223. 8. Saitbayev T.R. Iz istorii operativno-rozisknogo prava //Xuquq-Pravo-Law. – Toshkent, 1999. - № 4. – S. 74-78. 9. Tagansev N.S., Urisov I.S. Agent-provokator po deystvuyushemu ugolovno-mu pravu //Pravo. – Sankt-Peterburg, 1907. – S. 2121-2129. 10. Hepp. Archiv des Kriminalrechis. – Berlin, 1848. 11. Claser. Oesammelie kicisele Schifien. – Wien. 1860. 12. Хейфиц И.Я. Подстрекательство к преступлению. – М.: МГУ, 1914.

Похожие

Tezkor-qidiruv faoliyati ustidan nazoratni amalga oshirilishi

Tezkor qidiruv faoliyati tushunchasi, vazifalari, prinsiplari va uning huquqiy asoslari

Tezkor qidiruv tadbirlari tushunchasi, ularni o’tkazish asoslari. Tezkor qidiruv tadbirlarini o’tkazishda axborot ta’minoti va cheklovlar

Tergovchi va tezkor-qidiruv xodimlarining o‘zaro hamkorligi

Tezkor-qidiruv faoliyatini amalga oshiruvchi organlarning xalqaro aloqalari