O`zgalar mulkini talon-toroj qilish bilan bofliq bo`lmagan jinoyatlar - Юриспруденция - Рефераты

O`zgalar mulkini talon-toroj qilish bilan bofliq bo`lmagan jinoyatlar

Загружено в:

20.09.2019

Скачано:

0

Размер:

68.5 KB

O`zgalar mulkini talon-toroj qilish bilan bo g` liq bo`lmagan jinoyatlar Reja: 1. Aldash yoki ishonchni suiiste`mol qilish yo`li bilan mulkiy zarar yetkazish 2. Jinoiy yo`l bilan topilgan mulkni olish yoki o`tkazish 3. Mulkni qo`riqlashga vijdonsiz munosabatda bo`lish 4. Mulkni qasddan nobud qilish yoki unga zarar yetkazish 5. Axborotlashtirish qoidalarini buzish

Aldash yoki ishonchni suiiste`mol qilish yo`li bilan mulkiy zarar yetkazish (O`zR JK 170-moddasi) Ushbu jinoyatning obyekti o`zganing mulki, ya`ni har xil shartnomaviy va boshqa majburiyatlardan kelib chiquvchi mulkiy munosabatlar hisoblanadi. Mulk shaklidan qati nazar har qanday mulk jinoyatning obyekti bo`lishi mumkin. Obyektiv tomondan jinoyat, talon-toroj alomatlari bo`lmagani holda, aldash yoki ishonchni suiiste`mol qilish yo`li bilan mulkdorga ancha miqdorda zarar yetkazishdan iborat. Ancha miqdordagi zarar deganda , eng kam oylik ish haqining o`ttiz barobaridan yuz barobarigacha bo`lgan miqdordagi zarar tushuniladi. Agar eng kam oylik ish haqining o`ttiz barobaridan kam bo`lgan miqdorda zarar yetkazilsa, JK 170-moddasida javobgarlik nazarda tutilgan jinoyat tarkibi mavjud bo`lmaydi. Bu moddada ko`zda tutilgan «aldash» va «ishonchni suiiste`mol qilish» tushunchalari firibgarlikdagi xuddi shunday tushunchalar bilan bir xildir. O`zgalar mulkini talon-taroj qilish bilan bog`liq bo`lmagan jinoyatlar Aldash yoki ishonchni suiiste'mol qilish yo`li bilan mulkiy zarar yetkazish (JK 170-moddasi) Jinoiy yo`l bilan topilgan mulkni olish yoki o`tkazish (JK 171-moddasi) Mulkni ko`riqlashga vijdonsiz munosabatda bo`lish (JK 172-moddasi) Axbrotlashtirish qoidalarini buzish (JK 174-moddasi)Mulkni qasddan nobud qilish yoki unga zarar yetkazish (JK 173-moddasi)

Biroq, firibgarlikni sodir etishda aldash yoki ishonchni sui iste`mol qilish o`zganing mulkini qo`lga kiritish usuli bo`lsa, mulkiy zarar yetkazishda esa aldash va ishonchni suiiste`mol qilish o`zganing mulkini tortib olish usuli bo`lmay, balki mulkdor uchun foydaning boy berilishiga sabab bo`ldi. Aldash yoki ishonchni sui - iste`mol qilish yo`li bilan jinoyatchi hali kelib tushmagan, lekin shartnomaviy yoki boshqa majburiyatga muvofiq mulk egasiga kelib tushishi lozim bo`lgan pul mablag`lari yoki moddiy boyliklarni o`zi yoki boshqa shaxslar foydasiga olib, mulk dorga zarar yetkazadi. Sud tergov amaliyotida ushbu jinoyatni sodir etishning turli shakllari uchraydi. Masalan, elektr hisoblagichni tarmoqdan uzib qo`yish va elektr energiyasidan bepul foydalanish, kassir yoki provodnikning chiptasiz yurganligi uchun yo`lovchilardan pul olishi; bajarilgan ish uchun mijozlar to`lagan pulning turli xizmat ko`rsatish xodimlari tomonidan o`zlashtirilishi va h.k. shakllarda sodir etish mumkin. Tahlil etilayotgan jinoyat moddiy tarkibli hisoblanadi va mulkdorga yoki mulk egasiga ancha miqdorda zarar yetkazilgan paytdan e`tiboran tamom bo`lgan deb hisoblanadi. Subyektiv tomondan jinoyat bila turib, to`g`ri qasd bilan tamagirlik maqsadida sodir etiladi. Jinoyatning subyekti 16 yoshga to`lgan, har qanday aqli raso shaxs bo`lishi mumkin. Mansabdor shaxslar o`z xizmat mavqeidan foydalanib jinoiy harakatlar sodir etganlarida, ularning qilmishlari xizmat mavqeini suiiste`mol qilish yoki pora olish, deb kvalifikatsiya qilinadi. O`zR JK 170-moddasi 2-qismida : a) takroran yoki xavfli retsidivist tomonidan; b) moddiy javobgar shaxs tomonidan; v) ko`p miqdorda zarar yetkazgan holda aldash yoki ishonchni suiiste` mol qilish yo`li bilan mulkiy zarar yetkazganlik uchun javobgarlik belgilangan.

NOTA BENE! Mulk ishonib topshirilgan yoki shartnoma, bitim, topshiriqqa muvofiq yoki faoliyati turiga ko`ra mulkdorning jam g`armasi uchun pul mablag`larini yig`ish topshirilgan shaxs moddiy javobgar shaxs deyiladi. Ko`p miqdordagi zarar deganda, eng kam oylik ish haqining yuz barobaridan uch yuz barobarigacha bo`lgan miqdordagi zarar tushuniladi.

Jinoiy yo`l bilan topilgan mulkni olish yoki o`tkazish (O`zR JK 171-moddasi) Ushbu modda uch qismdan iborat bo`lib, jinoyatning obyekti o`zganing mulkidir. Faqat jinoiy yo`l bilan, ya`ni jinoiy faoliyat natijasida topilgan, masalan, har qanday shakldagi talon-toroj qilish natijasida topilgan, pora, bojxona qonun hujjatlarini buzish natijasida va h.k. tarzida olingan mulk jinoyatning predmeti bo`lishi mumkin. Fuqarolardan tortib olingan o`qotar qurollar, giyovandlik vositalari jinoyatning predmeti bo`lishi mumkin emas. Bunday qilmish uchun aybdor Jinoyat kodeksining boshqa moddalari bilan javobgarlikka tortiladi. Obyektiv tomondan jinoyatning: jinoiy yo`l bilan topilgan mulk ni olish yoki sotishdan ifodalanadi. NOTA BENE! Jinoiy yo`l bilan topilgan mulkni olish deganda mulkni jinoiy yo`l bilan topgan shaxs o`sha mulkni o`z egaligiga va tasarrufiga o`tkazishga qaratilgan har qanday (haq evaziga yoki bepul) bitim tuzilishi tushiniladi. Jinoiy yo`l bilan topilgan mulkni bila turib olish turli usullarda (arzon narxda sotib olish, boshqa buyumga ayirboshlash, hadya tariqasida olish, qarzga olish yoki berish va h.k.) amalga oshirilishi mumkin. Jinoiy yo`l bilan topilgan mulkni olgan shaxs uning egasi bo`la olmaydi. NOTA BENE! Jinoiy yo`l bilan topilgan mulkni o`tkazish deganda mazkur mulkni boshqa shaxsga o`tkazishning barcha usullari (sotish, hadya qilish, qimorda yutqazish, ayirboshlash va h.k.) tushunilmog`i lozim. Ushbu qilmish jinoiy yo`l bilan topilgan mulk olingan yoki o`tkazilgan paytdan tamom bo`lgan deb hisoblanadi.

Bu jinoyat subyektiv tomondan qasddan faqat bila turib, to`g`ri qasd bilan sodir etiladi. Aybdorning mulkni olishiga qadar uning jinoiy yo`l bilan topilganini bilganligi jinoyatni mazkur modda bo`yicha kvalifikatsiya qilishning zaruriy sharti hisoblanadi. Mulkning aynan qanday jinoiy yo`l bilan topilganini shaxs bilmasligi ham mumkin. Mulkni jinoiy yo`l bilan topgan shaxsga uni avvaldan sotib olish yoki o`tkazishga va`da berilmaganligi ham jinoyatni kvalifikatsiya qilishda zaruriy shart hisoblanadi. Agar aybdor jinoiy yo`l bilan topilgan mulkni olishni avvaldan, ya`ni talon- toroj yoki boshqa jinoyat sodir etilishidan ilgari va`da qilgan bo`lsa, aybdor shaxs sodir etgan jinoyatda ishtirok etganlik uchun javobgarlikka tortilishi kerak. Shuning dek, shaxs o`g`rilangan narsalarni muntazam ravishda sotib olgan va o`g`rini jinoiy yo`l bilan topilgan har qanday mulkni olishga ishontirgan bo`lsa, bunday shaxs o`zganing mulkini talon-taroj qilishning ishtirokchisi deb hisoblanadi. Jinoiy yo`l bilan topilgan mulkni olish yoki o`tkazish jinoyatining subyekti 16 yoshga to`lgan, har qanday aqli raso jismoniy shaxs bo`lishi mumkin. Mansabdor shaxs o`z xizmat mavqeidan foydalangan holda jinoiy yo`l bilan topilgan mulkni olsa yoki o`tkazsa, uning qilmishi jinoyatlar jami bo`yicha O`zR JK 171- va Jinoyat kodeksida hokimiyat yoki mansab vakolatini suiiste`mol qilganlik uchun javobgarlik belgilangan 205-modda bilan kvalifikatsiya qilinadi. O`zR JK 171-moddasi 2-qismida quyidagi: a) takroran yoki jinoyatni xavfli retsidivist tomonidan; b) ko`p miqdorda sodir etilgan jinoyat yo`l bilan topilgan mulkni olish yoki o`tkazish jazoni og`irlashtiruvchi holatlar uchun jazo belgilangan. O`zR JK 171-moddasi 3-qismida : a) juda ko`p miqdorda; b) o`ta xavfli retsidivist tomonidan;

v) uyushgan guruh tomonidan yoki uning manfaatlarini ko`zlab sodir etilgan qilmishlar uchun yanada og`irroq jazo nazarda tutilgan. Mazkur holatlarni biz yuqorida ko`rib chiqqanligimiz sababli ularga to`xtalmaymiz. Mulkni qo`riqlashga vijdonsiz munosabatda bo`lish (O`zR JK 172-moddasi) Mazku jinoyatning obyekti mansabdor bo`lmagan shaxsga ishonib topshirilgan yoki uning muhofazasida turgan o`zganing mulkidir. Bu qilmish obyektiv tomondan: shaxsning mulkni qo`riqlashga vijdonsiz munosabatda bo`lishi natijasida mulkning talon-toroj qilinishi, unga shikast yetkazilishida yoki uning nobud bo`lishi sababli mulk egasiga ko`p miqdorda zarar yetkazilishiga sabab bo`lishida va bu qilmishda mansabdorlik jinoyatlarining alomatlari yo`qligida ifodalanadi. Ko`pincha bu jinoyat shaxsning mulkni qo`riqlash bo`yicha o`z vazifalarini bajarmasligi yoki lozim darajada bajarmasligida ifodalanib, buning natijasida mulkning talon-toroj qilinishi, unga shikast yetkazilishi yoki nobud bo`lishi tufayli yuz beradi. Mulkning mansabdor bo`lmagan shaxs muhofazasida turishi yoki saqlash uchun shunday shaxsga ishonib topshirilishi, shuningdek, shaxs mulkni qo`riqlash bo`yicha o`z vazifalarini bajarmagani yoxud nomaqbul bajarganligi ushbu jinoyat obyektiv tomonining zaruriy belgisi hisoblanadi. Va nihoyat qilmishni 172-modda bilan kvalifikatsiya qilish uchun ko`p miqdordagi mulk talon-toroj qilinishi, shikast yetkazilishi yoki nobud qilinishi tarzidagi oqibatlarning ro`y berganligi zarurdir. Shaxsning harakatlarini tahlil qilinayotgan modda bo`yicha kvalifikatsiya qilish uchun shaxsning mulkni qo`riqlash yuzasidan o`z majburiyatlarini bajarishga vijdonsiz munosabatda bo`lishi va uning talon-toroj qilinishi, ko`p miqdorda zarar yetkazilishi natijasida unga shikast yetkazilishi yoki uning nobud qilinishi

o`rtasidagi sababiy bog`lanish mavjudligini aniqlash zarur. Agar sababiy bog`lanish bo`lmasa, shaxsni JK 173-moddasi bo`yicha javobgar qilib bo`lmaydi. O`zganing mulkini qo`riqlash vazifasini bajaruvchi shaxsga zo`rlik ishlatilgan yoki yengib bo`lmas kuch (yong`in, toshqin, zilzila, tabiiy ofat va h.k.) ta`siri ostiga tushib qolgan va shu munosabat bilan mulkni qo`riqlash yuzasidan o`z vazifalarini lozim darajada bajara olmagan hollarda zarar yetkazilganligi uchun uning javobgar bo`lishi mumkin emas. Subyektiv tomondan jinoyat: jinoyatiy beparvolik yoki jinoiy o`z-o`ziga ishonish tarzidagi ehtiyotsizlikdan sodir etiladi. Jinoyatning subyekti 16 yoshga to`lgan, mulkni qo`riqlash vazifalarini bajarayotgan shaxs hisoblanadi. Mansabdor shaxs mulkni muhofaza qilish bo`yicha o`z vazifalariga loqaydlik yoki vijdonsizlarcha munosabatda bo`lib, ularni bajarmasligi yoki lozim darajada bajarmasligi natijasida ko`p miqdorda zarar yetkazilgan bo`lsa, ish holatlariga qarab uning qilmishi O`zR JK 207-moddasi (mansabga sovuqqonlik bilan qarash) yoki JK 208-moddasi (hokimiyat harakatsizligi) deb kvalifikatsiya qilinadi.

Mulkni qasddan nobud qilish yoki unga zarar yetkazish (O`zR JK 173-moddasi) Jinoyatning obyekti o`zganing mulkidir. Ushbu jinoyat obyekti ko`pincha bu ko`chmas mulk (binolar, inshootlar) bo`lishi mumkin. Obyektiv tomondan jinoyat o`zganing mulkini qasddan nobud qilish yoki unga ancha miqdorda zarar yetkazishda ifodalanadi. NOTA BENE! O`zganing mulkini nobud qilish deganda, mulkning to`la yaroqsiz holga keltirilishi, ya`ni mulkning butunlay yaroqsiz holga keltirilishi va uni qaytadan tiklash va foydalanish imkoniyati bo`lmasligi (portlatib yuborilishi, suv bostirilishi, yoqib yuborilishi, buzib tashlanishi) tushuniladi. Mulk nobud qilinganida uni ta` mirlash, ehtiyot qismlardan foydalanish va h.k. yo`llar bilan mulkni qayta tiklash imkoniyati bo`lmaydi. NOTA BENE! Mulkka zarar yetkazish deganda unga jinoyatkorona munosabat natijasida mulkning xo`jalik maqsadlarida foydalanish xususiyatlarini vaqtincha yoki qisman yo`qotishi, ammo uni tiklab bo`lishi va undan kelajakda foydalanish mumkinligi tushuniladi. Bu jinoyat oqibatida mulkdorga ancha miqdorda, ya`ni eng kam oylik ish haqining o`ttiz barobaridan yuz barobarigacha bo`lgan miqdorda zarar yetkazilgan bo`lishi kerak. Mulkni qasddan nobud qilganligi yoki unga zarar yetkazganligi uchun shaxsni jinoiy javobgarlikka tortishda sodir etilgan harakat va ko`rilgan zarar o`rtasidagi sababiy bog`liqlikning mavjudligini aniqlash zarur. Mulkni qasddan nobud qilish yoki unga zarar yetkazish mulk nobud qilingan yoki unga zarar yetkazilgan paytdan e`tiboran tamom bo`lgan jinoyat deb hisoblanadi.

Subyektiv tomondan jinoyat: to`g`ri qasd bilan sodir etiladi. Uni kvalifikatsiya qilish uchun jinoyatni sodir etish motivi va maqsadining ahamiyati yo`q. Jinoyatning subyekti 16 yoshga to`lgan shaxs bo`lishi mumkin. Agar mulkni qasddan nobud qilish yoki unga zarar yetkazish: a) millatlararo yoki irqiy adovat yoxud diniy taassublar zamirida; b) atrofdagilar uchun xavfli usulda; v) ko`p miqdorda zarar yetkazgan holda sodir etilgan bo`lsa, aybdorning qilmishlari JK 173-moddasi 2-qismi bo`yicha kvalifikatsiya qilinadi. Mazkur jinoyat uchun jazoni og`irlashtiruvchi holat – millatlararo yoki irqiy adovat yoxud diniy taassublar zamirida sodir etilishi qasddan odam o`ldirish qilmishi tahlil etilganida ko`rib chiqilgan edi, shu sababdan unga yana to`xtalishni lozim topmadik. NOTA BENE! Jinoyatni atrofdagilar uchun xavfli usulda sodir etish deganda, mol- mulkni nobud qilish yoki unga zarar yetkazishga qaratilgan harakatlar (mulkni portlatish, suv bostirish va h.k. usullarni qo`llash) natijasida, katta tabiiy ofat va vayronalik yuz berishi xavfini keltirib chiqarish natijasida ko`pchilikning sog`lig`i uchun xavfli holatning vujudga kelishi tushuniladi. Aks holda aybdorning mulkni nobud qilish yoki unga zarar yetkazishga qaratilgan harakatlari atrofdagilar uchun xavfli usulda sodir etilgan deb topilishi mumkin emas. Masalan, jinoyatchi ovloq joyda jabrlanuvchining mashinasini yondirib yuboradi va bunda atrofdagilar uchun xavfni vujudga keltirmaydi. O`zR JK 173-moddasi 3-qismida : a) xizmat yoki fuqarolik burchini bajarishi munosabati bilan shaxsning yoki uning yaqin qarindoshlarining mulkiga nisbatan; b) uyushgan guruh va uning manfaatlarini ko`zlab mulkni nobud qilganlik yoki zarar yetkazganlik uchun javobgarlik nazarda tutiladi. Bu holatlar biz yuqorida ko`rib chiqigan

O`zbekiston Respublikasining 1999 yil 20 avgustda qabul qilingan qonuni bilan JK 173-moddasi: «Yetkazilgan moddiy zarar undan uch karra miqdorda qoplangan taqdirda, ozodlikdan mahrum qilish tariqasidagi jazo qo`llanilmaydi», degan 4-qism bilan to`ldirildi.

Axborotlashtirish qoidalarini buzish (O`zR JK 174-moddasi) Axborotlashtirish qoidalarini buzish jinoyatining obyekti axborot egasining unga bo`lgan huquqi, ya`ni axborotga egalik qilish, undan foydalanishi va uni tasarruf etish huquqidir. Jinoyatning predmeti faktlar haqidagi ma`lumotlar, biron-bir tadqiqot, shaxslar, voqealar va h.k. haqida kompyuterda qayd etilgan yoki axborot tarmoqlari (telekommunikatsiya kanallari) orqali uzatiladigan, elektron hisoblash mashinalari uchun ochiq ma`lumot bazasi, ya`ni axborot bo`lishi mumkin. Obyektiv tomondan JK 174-moddasi 1-qismida nazarda tutilgan axborotlashtirish qoidalarini buzish quyidagi harakatlarda: 1) axborot tarmog`idan ruxsatsiz foydalanishda; 2) foydalanishga ruxsati bo`lgani holda tegishli himoya choralarini ko`rmaslikda; 3) axborotlar tarmog`idan qonunga xilof ravishda axborotlar olishda; 4) axborotlashtirish tizimidan foydalanishga ruxsati bo`lgan holda undagi ma`lumotlarni qasddan o`zgartirish, yo`qotish, olib tashlash yoki yo`q qilib yuborishda ifodalanadi. O`zbekiston Respublikasining 1993 yil 7 mayda qabul qilingan «Axborotlashtirish to`g`risida»gi qonuniga muvofiq, davlat hokimiyati va boshqaruv organlarining hamda boshqa muassasalar, korxonalar va tashkilotlarning faoliyat ko`rsatishini ta`minlovchi axborotlarga ishlov berish tizimlari, ma`lumot bazalari va banklari, ekspert va axborot qidiruv tizimlari hamda shaxobchalari axborotlashtirish tizimlari jumlasiga kiradi. Axborot egasining tegishli ruxsatnomasiga ega bo`lgan yoki axborot tizimida qonuniy asosda ishlovchi shaxslargina (dasturlovchilar, muhandislar, xodimlar va boshqalar) axborot tizimlaridan foydalana oladilar. Ruxsatsiz foydalanish usullari turlicha (o`zganing parolidan foydalanish, yozuvni belgilash va h.k.) bo`lishi mumkin.

Axborotdan foydalanish uni muhofaza qilish qoidalariga qat`iy rioya etgan holda amalga oshiriladi. Muhofaza qilish qoidalarining buzilishi qonunga binoan ruxsatsiz foydalanishga tenglashtiriladi. Axborotni yo`q qilib yuborish deganda, uning elektron hisoblash mashinasi, magnitlashgan jismlar (magnit tasmalari, disklar, disketlar va boshqa shu kabi elektron hisoblash mashinalari tizimi yoki ularning tarmog`i kabilar)ning xotirasidan yo`q qilish tushuniladi. Axborotni o`zgartirish deganda, mavjud axborotga qonuniy egasining ruxsatisiz turli tuzatishlar kiritish tushuniladi. Axborotni yo`qotish deganda, axborotning tegishli egasi qo`lidan chiqib ketib, foydalanishga ruxsati bo`lmagan shaxslar qo`liga tushib qolish tushuniladi. Axborotni olib qo`yish deganda, axborotni disketga yozib olish, ko`paytirish yo`li bilan mashina yoki boshqa jismlardan nusxalarini olish tushuniladi. O`zR JK 174-moddasi 1-qismi dispozitsiyasida sanab o`tilgan harakatlarning sodir etilishi natijasida ancha miqdordagi zarar ko`rilishi 174-modda 1-qismi obyektiv tomonining zaruriy belgisi hisoblanadi. JK 174-moddasi 2-qismining obyektiv tomoni: 1) kompyuter tizimlarida saqlanayotgan ma`lumotlar yoki dasturlarni o`zgartirish maqsadida tegishli ruxsatsiz kompyuter viruslari yoki dasturlarini ishlab chiqish va tarqatishda; 2) ruxsati bo`lmagani holda axborot tizimidan foydalanish ma`lumotlarning buzilishi, olib tashlanishi (olib qo`yilishi, yo`q qilib yuborilishi yoki bu tizimning ishdan chiqishiga sabab bo`lishida) kabi harakatlarni sodir etishda ifodalandi. Dasturlarni ishlab chiqish - kompyuter tizimiga qat`iy belgilangan izchillikda buyruqlar kiritishdir. Kompyuter viruslari kompyuter ishiga turli tarzda xalaqit berish, ma`lumotlar bazalarini yo`q qilib yuborish xususiyatiga ega bo`ladi.

Axborotlashtirish qoidalarini buzish O`zR JK 174-moddasi 1-qismi dispozitsiyasida ko`rsatilgan harakatlar sodir etilgan va ancha miqdorda zarar yetkazilgan paytdan e`tiboran tamom bo`lgan deb topiladi. Har bir alohida holda sodir etilgan harakat va yuzaga kelgan oqibat o`rtasidagi sababiy bog`lanish mavjudligini aniqlash zarur. Ma`lumotlarning buzilishi, olib tashlanishi (olib qo`yilishi), yo`q qilib yuborilishi yoki kompyuter tizimining ishdan chiqishi axborotlashtirish qoidalarini buzishning oqibatlari (JK 174-modda 2-qismi) bo`lishi mumkin. JK 174-moddasi 2-qismining dispozitsiyasida nazarda tutilgan harakatlar sodir etilgan va ma`lumotlarning buzilishi, olib tashlanishi (olib qo`yilishi), yo`q qilib yuborilishi yoki bu tizimning ishdan chiqishi tarzidagi oqibatlar yuzaga kelgan paytdan e`tiboran jinoyat tamom bo`lgan jinoyat deb hisoblanadi. Subyektiv tomondan jinoyat qasddan yoki ehtiyotsizlikdan sodir etilishi mumkin. Jinoyatning motiv va maqsadi uning kvalifikatsiyasiga ta`sir ko`rsatmaydi. Jinoyatning subyekti axborot tarmoqlaridan foydalanishga ruxsati bo`lgan hamda bunday ruxsatga ega bo`lmagan 16 yoshga to`lgan, aqli raso shaxs bo`lishi mumkin.

Adabiyotlar : 1. Ivanik N. Obyekt priobreteniya ili sbita imushestva, zavedemo dobitogo prestupnim putem. – Uchen. zap. Sar. YUI, 1965, vip.12. 2. Makarichev L., Tenchov E. Otvetstvennost za nedobrosovest - noye otnosheniye k oxrane gosudarstvennogo ili obshestvennogo imushestva // SYU, 1976, №2. 3. Vayner L. Ugolovnaya otvetstvennost za prichineniye usherba gosudarstvu ili obshestvennoy organizatsii putem obmana ili zloupotrebleniya doveriyem pri otsutstvii priznakov xisheniya: Avtoref. diss. kand. yurid. nauk. – M., 1977. 4. Ivanik N. Otvetstvennost za priobreteniya ili sbita imushestva, zavedomo dobitogo prestupnim putem. – M., 1977. 5. Kolishkina V.F. Ugolovnaya otvetstvennost za unichtojeniye ili povrejdeniye imushestva: Avtoref. diss. kand. yurid. nauk. – M., 1977. 6. Andrusenko YE.A., Razikov SH. Subyekt i subyektivnie priznaki sostava priobreteniya ili sbita imushestva, zavedomo dobitogo prestupnim putem. – Ukrepleniye zakonnosti i pravoporyadka, sovershenstvovaniye sovetskogo zakonodatelstva. – Dushanbe: Izd-vo Tadj. un-ta, 1978, vip.2. 7. Rarog A., Stepalin V. Otvetstvennost za nedobrosovestnoye otnosheniye k oxrane gosudarstvennogo ili obshestvennogo imushestva // SYU –1981, №8. 8. Kolishkina V.F. Formi vini kvalifitsirovannogo unichtojeniya i povrejdeniya imushestva // Puti povisheniya effektivnos ti borbi s prestupnostyu. Minvuz. sb. / Altaysk. un-t. – Barnaul, 1983. Voljenkin B.V. Otmivaniye deneg. Sankt-Peterburg. 1998.

Похожие

O`zgalar mulkini talon-toroj qilish

Tamom bo`lmagan jinoyat

Tamom bo`lmagan jinoyat

Iqtisodiyot sohasidagi jinoyatlarning kriminologik tavsifi va ularning oldini olish

O`lim jazosini bekor qilish bosqichlari