Jinoyat protsessida advokat faoliyati - Юриспруденция - Рефераты

Jinoyat protsessida advokat faoliyati

Загружено в:

17.09.2022

Скачано:

0

Размер:

86.5 KB

Jinoyat pro t sessida advokat faoliyati Reja: 1. Advokatlik faoliyatining o`ziga xos xususiyatlari. 2. Advokatning ish materiallari bilan tanishishi va mijoz bilan suhbati 3. Advokatning mijoz bilan munosabati.

Ilmiy mashg`ulotning vazifasi:  o`rgatuvchi: ishtirokchilarning qatnashishini tashkil etish, yangi olingan bilimlarni takrorlash, talabalarda yuridik yordam olish, huquqiy kafolatlar to`g`risidagi fikrlarini rivojlantirish, predmet tarixi va uning alohida jihatlari, o`quv fanining boshqa fanlar bilan aloqadorligi bilan tanishtirish.  rivojlantiruvchi: o`quv darsligidan to`g`ri foydalanish, muhim qonun va qonun osti hujjatlari bilan ishlashni o`rganish, advokaturaga oid me`yoriy hujjatlarni ajrata bilish, tadqiq etish, shu sohaga oid yangi takliflar kiritish, olingan nazariy bilimni amaliyotga qo`llash mahoratini rivojlantirish, talabalarda advokatlarning jinoyat jarayonidagi huquqiy pozitsiyalariga rioya etish usullarini shakllantirish hamda ularda notiqlik san`atini takomillashtirib borish. Tarbiya beruvchi tomoni:-- talabalarni mustaqil ishlashga jalb qilish, O`zbekiston Respublikasi sud jarayonlarida advokatlik faoliyatining o`ziga xos xususiyatlari, advokatning ish materiallari bilan tanishishi va mijoz bilan suhbati, mijoz bilan munosabati to`g`risida to`liq tushuncha berish, mavzuni talabalarga tushunarli, ular uchun eng oson usulda tushuntirish orqali shaxsda qonun ustuvorligi, inson va fuqarolarning asosiy huquqlari, erkinliklarini himoya qilish his-tuyg`ularini tarbiyalash. O`rganish texnologiyasi  o`qitish usullari; ma`ruza, aqliy hujum, klaster, popuk, B/B/B/ jadval usullaridan foydalanish, jonli muloqot, yuridik atamalarga izohlar berish.  o`rganish turlari: og`zaki testlar orqali tushuntirish, jamoaviy , tarqatma materiallar orqali mavzuni tushuntirish.

 o`rganish yo`nalishlari: ma`ruza matni, advokaturaga oid qonunlar majmuasi, advokatlarning jinoyat jarayonidagi ishtiroki tushirilgan slaydlardan foydalanish.  o`rganish talablari: auditoriya texnik yoritgichlari bilan ta`minlanishi, texnik vositalardan unumli foydalanish.  monitoring va baholash: og`zaki nazorat, savol-javoblar, blis-so`rov. Pedagogik vazifalar:  O`quv jarayonida fanning ahamiyati va uning o`rni bilan tanishtirish,  O`quv fanining tuzilishi va tavsiya etiladigan o`quv-uslubiy qo`llanmalar tafsiloti to`g`risida tushuntirishlar berish:  Fan sohasida ishlashning uslubiy va tashkiliy xususiyatlarini ochish, baholash muddati va shakli; o`qitish jarayonini tashkllashtirish, jarayonning umumiy sxemasini tasniflash;  O`qish jarayonning umumiy tasniflash;  O`q itish texnologiyasini rivojlantirish isti q bollarini tasniflash. O`quv faoliyati natijalari:  Fan ning nomlanishi va vazifasini belgilash;  Faoliyatdagi alohida usuli va tashkiliy jihatlarini ochib berish;  O`quv faninig umumiy va tashkiliy tuzilishlari to`g`risida atroflicha tushuntirish berish;  Advokatlik faoliyatining o`ziga xos xususiyatlari, advokatning ish materiallari bilan tanishishi va mijoz bilan suhbati kabi asosiy tushunchalarini, fanning asosiy yunalishini beradi;  Nazariy bilimlarning t o` laligi, tizimliligi, amaliyligi ;  Amaliy topshiri q larni bajarishda o` rganilgan tushunchalardan foydalana olish;

 Kursning asosiy mazmunli yo`nalishi bo`yicha ularni boshlang`ich bilimlariga ega bo`lishi. O`quv mashg`ulotlariga kirish  o`qituvchining faoliyati: tayyorgarlikni tekshirish, kerakli manbalar berish, ma`ruza haqida tushuntirish berish, o`quv rejasi bilan tanishtirish, adabiyotlari to`g`risida ma`lumot berish, dars davomida talabalar bilimini baholab borish usullari haqida tushuntirishlar berish;  talabaning faoliyati: darsga tayyorgarligi, ma`ruza matni bilan va mavzuga oid rejalar bilan tanishishi; (talabalar soni, tashqi ko`rinishi, o`quv qo`llanmalar va qurollar)  uslublar, shakllar, usullar: yo`riqnoma, oldindan so`rash, topshiriq kartochkalari: 2-bosqich. Asosiy qism ( 55 daqiqa)  o`qituvchi faoliyati: mavzuga kirish, o`tgan mavzularni yodga olish, ma`ruza matnini tarqatish, uni yaxshi o`zlashtirib olishni taklif qilish, mavzu rejalarini har biriga alohida tushuntirish berish, aqliy hujum, klaster, B/B/B/ jadvali va popuk usullaridan foydalanish, jonli muloqot, yuridik atamalarga izohlar berish, slaydlar orqali atroflicha tushuntirib berish va ma`ruza matnini o`qish;  talabaning faoliyati: bilimlarini mustahkamlab olish, mavzuni qunt bilan eshitish, muhim joylarini konspekt qilib olish, tushunmagan iboralar bo`yicha savollar berish, aniqlashtirib olish, mavzuni tahlil qilish.  uslublar, shakllar, usullar; oldindan so`rash, blis-so`rov, “Insert” usulidan foydalanish.

Yakunlovchi qism  o`qituvchi faoliyati: mavzuni yakunlash, talabalar fikrini asosiy mavzuga qaratish, dars jarayonida faollik bilan ishtirok etgan talabalarning faoliyatini baholash, mustaqil ish mavzusini berish, baholash.  talabaning faoliyati : ishni tahlil qilish, dars jarayonida yo`l qo`yilgan xatolarni to`g`rilash, mustaqil ish mavzusini yozib olish.  uslublar, shakllar, usullar: guruhlarda ishlash, topshiriq kartochkalari. 1.3. O`quv –uslubiy materiallar Ma`ruza rejasi:  Advokatlik faoliyatining o`ziga xos xususiyatlari.  Advokatning ish materiallari bilan tanishishi va mijoz bilan su h bati  Advokatning mijoz bilan munosabati. Tayanch iboralar: advokatlarning xushmuomala, halol, insofli bo`lishi, himoyaning qonun yo`l qo`yadigan barcha usullaridan foydalanishi, o`z pozisiyasini faol himoya qilishi, mijoz bilan kelishilmagan holda huquqiy pozi t siyani belgilash; advokatning mijoz bilan munosabati, odil sudlovni amalga oshirishda haqiqatni aniqlashga yordam berish, shaxsga nisbatan g`ayriqonuniy usullar qo`llanilishiga to`sqinlik qilish, adolatli jazo tayinlanishiga yordam berish. Advokatlik faoliyatining o`ziga xos xususiyatlari Yurtimizda demokratik fuqarolik jamiyati qurish harakati ostida ko`plab qonunlar qabul qilindi. Ularning aksariyati inson huquq va erkinliklariga rioya qilish borasida yangi qadriyatlar va ko`nikmalarni shakllantirish, pirovard natijada esa inson huquqlariga hurmat-ehtiromni va ularga rioya etishni umummillat darajasida rivojlantirishga qaratilgan madaniyatni yuzaga keltirish g`oyat muhimdir. Prezidentimiz I.Karimov tomonidan alohida ta`kidlanib o`tilganida chuqur ramziy ma`no bor.Fuqarolar konstitutsiyaviy huquq va erkinliklarining advokat tomonidan sud-tergov idoralarida jinoyat ishlar bo`yicha himoya qilinishi himoyachilik, deb e`tirof etiladi. O`zbekiston Respublikasi JPKning 49-moddasida

belgilab qo`yilganidek, «Himoyachi gumon qilinuvchining, ayblanuvchining, sudlanuvchining huquq va qonuniy manfaatlarini qonunda belgilangan tartibda himoya qilishni amalga oshirish hamda ularga kerakli yuridik yordam ko`rsatish vakolatiga ega bo`lgan shaxsdir». Demak, ushbu qonundan ko`rinib turibdiki, advokat maxsus shaxs bo`lib, uning huquqiy layoqati nafaqat advokatura to`g`risidagi qonunlar va me`yoriy hujjatlar bilan, balki u ishtirok etayotgan huquqiy munosabatlarni tartibga soluvchi maxsus qonun normalari bilan ham tartibga solinadi. Advokatning jamiyatda tutgan o`rni, uning huquqiy maqomi va mamlakatda odil sudlovni amalga oshirishdagi roliga baho berishda davlat tomonidan advokat oldiga qo`yilgan vazifalar mohiyatini tushunib olish muhim ahamiyat kasb etadi. Advokatning eng asosiy vazifasi shundaki, jinoyat sodir etgan deb gumon qilinuvchi, yoki ayblanuvchining aybini xaspo`shlashdan iborat emas, balki odil sudlovni amalga oshirishda haqiqatni aniqlashga yordam berishdan iboratdir. Ya`ni shaxsga nisbatan sud-tergov idoralari tomonidan g`ayriqonuniy usullarning qo`llanishiga yo`l qo`ymaslik, qilgan jinoyatiga yarasha to`g`ri hamda adolatli jazo tayinlashiga erishishda muhim rol o`ynashi lozim. Advokat faoliyatidagi ushbu prosessual vazifalar quyidagi holatlardi o`z aksini topadi:  a dvokat odil sudlovni amalga oshirishda haqiqatni aniqlashga yordam beradi.  shaxsga nisbatan g`ayriqonuniy usullar qo`llanilishiga to`sqinlik qiladi.  aybdor shaxsning harakatini huquqiy malakalash, qilmishiga yarasha adolatli jazo tayinlanilishiga yordam beradi.  jamiyat a`zolarining huquqiy ongini va huquqiy madaniyatini yuksaltirishga xizmat qiladi. O`zbekiston Respublikasi JPKning 22-moddasida haqiqatni aniqlash ko`rsatilgan bo`lib, unga ko`ra “Surishtiruvchi, tergovchi, prokuror va sudya jinoyat yuz berganligini, uning sodir etilishida kim aybdorligini, shuningdek u bilan bog`liq” barcha holatlarni aniqlashi shart. Advokat sud-tergov hujjatlarini

o`rganibgina qolmay balki o`zi ham himoya uchun zarur bo`lgan dalillarni, ma`lumotlarni to`plashi lozim. U avvalambor, ichki tuyg`usiga ko`proq tayanishi lozim. Advokat o`z himoyasidagi shaxsning aybdorligiga ishonsa ham mijozi aybni bo`yniga olmasa, himoyachi uning pozitsiyasini qo`llab, kasbiy faoliyatiga qarama-qarshi bo`lib qolishi ham mumkin bo`ladi.Shunday hollarda advokatning shaxsiy fikri uning prosessual himoyachilik pozitsiyasiga ta`sir o`tkazmasligi kerak. O`zbekiston Respublikasi JPKning II-moddasida “Sudya, prokuror, tergovchi, surishtiruvchi, himoyachi, shuningdek, jinoyat ishini yuritishda ishtirok etuvchi barcha shaxslar O`zbekiston Respublikasi Konstitutsiyasi, ushbu O`zbekiston Respublikasi JPK va O`zbekiston Respublikasining boshqa qonunlariga aniq rioya etishlari va ularning talablarini bajarishlari shart”ligi belgilab qo`yilgan. Ammo ayrim huquqni muhofaza qilish organlari xodimlari tomonidan gumon qilinuvchi, ayblanuvchini qilmagan gunohlarini qilganligiga iqror qilish uchun turli g`ayriqonuniy usullardan foydalanish hollari kam bo`lsada uchrab turibdi (ya`ni ularni turli qiynoqlarga solish, ataylab sovuqda yoki issiqda saqlash, giyohvand moddalarini yoki alkogol mahsulotlarini berish, urish, do`pposlash och qoldirish, tashna, qoldirish kabi yana ko`plab g`ayriqonuniy usullar) shular jumlasidandir. Bu harakatlar O`zbekiston Respublikasi JPK 11-moddasi “Qonuniylikning” buzilishi, 17-modda “Shaxsning qadr-qimmatini sha`nini hurmat" qilmasligi 18- moddasi “Fuqarolarning huquq va erkinliklarini muhofaza qilishning” buzilishi, 22-modda “Haqiqatni aniqlash”da adolatsizlik qo`llanilishi, 23-modda “Aybsizlik prezumpsiyasi”ning buzish, 88-modda “Isbot qilish jarayonida fuqarolar, korxonalar, muassasalar va tashkilotlarning huquq va qonuniy manfaatlarini qo`riqlash” kabi qonunda belgilangan holatlarni qo`pol tarzda buzish demakdir. Shunda advokat bunday harakatlar sodir bo`lganligini mijozidan eshitgan zahotiyoq vakolatli shaxslarga yetkazish lozim. Bundan tashqari advokat mijozining zudlik bilan kasalxonaga yotqizish, g`ayriqonuniy holatlarga bosh bo`lgan xodimlarga nisbatan jinoiy ish qo`zg`atish haqida dastlabki tergov va sud idoralariga ariza va shikoyat, iltimosnomalar

kiritishi mumkin. Shuningdek, guvohlar topib, ulardan tushuntirish xatlari olish, rasmiy ma`lumotlarni mutaxassis yoki ekspert fikrini so`rab olish kabi prosessual harakatlarni amalga oshirish lozim. Bizga ma`lumki, O`zbekiston Respublikasi JPKning 4-va 8-moddalarida qonuniylik va odillik prinsiplari ko`rsatilgan bo`lib, unga asosan “Sodir etilgan qilmishning jinoiyligi, jazoga sazovorligi va boshqa huquqiy oqibatlari faqat Jinoyat Kodeksi bilan belgilanadi” hamda “Jinoyat sodir etishda aybdor bo`lgan shaxsga nisbatan qo`llaniladigan jazo yoki boshqa huquqiy ta`sir chorasi odilona bo`lishi, ya`ni jinoyatning og`ir yengilligiga, aybning va shaxsning ijtimoiy xavflilik darajasiga muvofiq bo`lishi kerak. Hech kim aynan bitta jinoyat uchun ikki marta javobgarlikka tortilishi mumkin emas”. Ammo advokatlik amaliyotlarida qonunda belgilab berilgan holatlardan chetga chiqib, aybdor shaxsning harakatini to`g`ri huquqiy malakalashda ko`plab xatoliklarga yo`l qo`yilmoqda. Shuning uchun bo`lsa kerakki, aholi o`rtasida qonunlarga nisbatan hurmatsizlik, davlat siyosatiga nisbatan norozichiliklar ham uchramoqda. Shunda advokatlar ana shunday noto`g`ri malakalangan ishlarni bartaraf etishda odillik, adolat tantanasi yo`lida vijdonan xizmat qilmog`i lozim.Advokat o`z himoyasidagi mijozini faqat qilmishiga yarasha jazo tayinlanishi uchun sud-tergov xodimlariga yetarli asosli dalillarni taqdim eta olishi lozim. Advokatning prosessual burchi himoyasidagi shaxsning faqat jazoni yengillashtiruvchi holatlariga, uning insoniy fazilatlariga, jamiyatda tutgan nisbiy o`rni va xulq-atvoriga, qolaversa jabrlanuvchining salbiy va huquqqa xilof harakatlariga e`tiborini qaratishi lozimligini taqozo etishi mas`ul fazilatlaridan asosiysi bo`lib qolishi lozim. Advokatlik faoliyatining asosiy yo`nalishi bu fuqarolarga va yuridik shaxslarga huquqiy masalalar bo`yicha maslahatlar, tushuntirish, ma`lumotnomalar berish va huquqiy xususiyatdagi ariza, shikoyat va boshqa hujjatlarni tuzish, uning ushbu vazifasi O`zbekiston Respublikasi “Advokatura to`g`risida”gi qonunning 5- moddasida o`z aksini topgan. Ushbu qonun advokatlik faoliyati bilan shug`ullanmaydigan, oliy yuridik ma`lumotli surishtiruvchi, tergovchi, prokuror,

sudya, huquqshunos olim, adliya xodimlariga huquqiy masalalar bo`yicha maslahatlar berish, shikoyat yozib berish yoki boshqa hujjatlarni tuzish kabi vazifalarni yuklamagan. Demak, advokatlik faoliyatining o`ziga xosligi shundaki, davlatimiz tomonidan aholining huquqiy ongini oshirishda, huquqiy madaniyatini yuksaltirishda, qonunlar mohiyatini fuqarolarga, mansabdor shaxslar ongiga singdirib borishda bevosita ishtirok etishi muhim hisoblanadi. Advokatning ish materiallari bilan tanishishi va mijoz bilan su h bati JPKning 402- moddasida nazarda tutilgan himoyachining ish materiallari b ilan to`liq tanishish h uquqiga ega ekanligi ham ahamiyatga egadir. Ish materiallari bilan tanishishi jinoyat sudlov ishlarining to`la, har tomonlama va xolisona olib borilganligi ni tekshirishga imkoniyat yaratadi. Ish bilan to`la tanishmasdan himoyachi sudlanuvchiga samarali huquqiy yordam ko`rsatishi qiyin kechadi. Advokatning ish materiallari bilan to`la tanishmasligi sudlanuvchining himoyachidan voz kechishiga sabab bo`lishi mumkin. Advokatga ishnig barcha materiallari to`liq holda taqdim etilishi kerak, ish yurituvi davomida tuzilgan va to`plangan barcha hujjatlar ishda bo`lishi shart, ularni olish yoki yo`q qilishga hech kim haqli emas. Advokat jinoyat ishini sudda ko`rish uchun tayinlash vaqtida ish materiallaridan ayblovning ba`zi yoki barcha bandlari yuzasidan dalillar to`liq emasligini aniqlasa, qo`shimcha dalillarni yig`ish yoki ishni dastlabki tergovga qaytarish, ayblovning ma`lum bandlarini chiqarish to`g`risida iltimosnomalar keltirishi mumkin. Advokat, shuningdek, sudlanuvchi sodir etgan harakatlariga nisbatan JKning moddasi to`g`ri qo`llanilishiga, ayblov xulosasi qonun talablariga muvofiq tuzilganligiga, ehtiyot chorasi to`g`ri tanlanganligiga e`tibor berishi lozim. JPKning 241-moddasiga asosan, agar shaxsga nisbatan dastlabki tergov yoki sud muhokamasi jarayonida ehtiyot chorasi qo`llanilgan bo`lsa, bu shaxs, o`ziga nisbatan qo`llanilgan ehtiyot chorasi ustidan shikoyat qilish huquqiga ega bo`ladi.

Prokuror yoki yuqori sud shikoyatni uch kun muddat ichida o`rganib chiqib, o`z qarori to`g`risida shaxsni xabardor qilishi kerak bo`ladi. Advokat o`z himoyasi ostidagi shaxs bilan sud muzokarasi arafasida uchrashganda, o`z mijozi dastlabki tergovda bo`yniga olgan aybning qanchalik mustahkamligini tekshirib ko`rishi kerak. Sudlanuvchidan, aybni mustaqil, o`ylab va ongli ravishda yoki unga bog`liq bo`lmagan boshqa ta`sirlar sababli bo`yniga olganligini so`rash lozim. Suhbat davomida mijozi o`zini-o`zi ayblashga urinmayotganligi alohida nazoratdan o`tkazilishi uchun ba`zi bir holatlarni aniqlashtirb olishi lozim bo`ladi;  surishtiruv va dastlabki tergov organlari tomonidan jismoniy tazyiq o`tkazilmaganligi;  ruhiy tazyiq ( bayonnomalarsiz so`roq qilish, tungi so`roqlar, och qoldirish va h.k.)bo`lmaganligi;  dalillar or q ali shantaj q ilinmaganligi;  q amash b ilan qo` r q itish yoki ozodlik va`da q ilinmaganligi;  uning barcha h u q u q va majburiyatlari t o` li q tushuntirilganligi va h .k. Sud majlisi oldidan sudlanuvchi bilan su h batda advokat h imoyasi ostidagi shaxsning q anday pozitsiyani egallashini h am ani q lashi ke r a k , u dastlabki tergovdagi pozitsiyasida turadimi yoki uni o` zgartiradimi, k o` rsatmalar beradimi, bu k o` rsatmalar q anday mazmunda b o` l ishini aniqlab olishi lozim. Advokat suhbat chog`ida JPKning 410-moddasidagi sudlanuvchining sud muhokamasidagi ishtiroki, 439-moddasidagi raislik qiluvchining undan o`z aybiga iqror yoki iqror emasligini so`rashi va uning javobi sud bayonnomasiga kiritilib, daliliy ahamiyatga ega bo`lishi haqidagi qoidalarni tushuntirib berish maqsadga muvofiq bo`ladi.Shuningdek, advokat o`z mijozini mustaqil qaror qabul qilishiga ishontirish va uning qaysi qarori qanday oqibatlarga olib kelishi mumkinligini alohida tushuntirib berishi lozim. Sudlanuvchi sud jarayoni davomida har qanday holatga ham tayyor bo`lib, o`z pozitsiyadan voz kechmasligi, himoyachining ham himoya pozisiyasida oxirigacha turishi muhim hisoblanadi.

Advokatning mijoz bilan munosabati Advokat yuridik yordam so`rab murojaat qilgan shaxsning muammosi mohiyatini chuqur o`rganib, uni mijozga sodda qilib tushuntirishi, qonunga tayangan holda baho berishi lozim. Davlat himoyasi yoki shartnomaga asosan himoyani o`z zimmasiga olgan advokat uning sud yoki tergovga yo`llangan iltimosnomalari qondirilmaguncha va bu haqda advokatlik birlashmasiga ma`lum qilingunga qadar himoya, vakillikdan bosh tortishi mumkin emas. Advokat quyidagi hollarda ishda qatnashishga haqli emas: Aynan shu ish bo`yicha yordam so`raganlarga qarama-qarshi tomonga shunday yordam ko`rsatgan yoki ko`rsatmoqchi bo`lsa; u mazkur ish bo`yicha avval sudya, prokuror, tergovchi, surishtiruvchi, ekspert, mutaxassis, tarjimon, guvoh sifatida ishtirok etgan bo`lsa. Ishda qatnasha olmasligi haqidagi iltimosnoma sud va tergov organlari tomonidan qanoatlantirilgan taqdirda advokat mijozni va advokatlar birlashmasi rahbariyatini bu haqda kechiktirmay xabardor qilishi lozim. Negaki, mijoz boshqa advokat yollash imkoniyatiga ega bo`lishi kerak. Advokatning mijozga talablari bajarilishiga kafolat berishi man etiladi. Agar advokat da`voning yoki e`tirozning asosli ekanligiga shubha qilsa, mijoz bilan shartnoma tuzgan holda unga da`vo qondirilmasligi mumkinligini tushuntirishi lozim. Da`vo talablari yoki e`tirozlarning asossizligi, ishda huquqiy pozitsiya yo`qligiga ishonch hosil qilgan holda advokat o`z fikrini mijozga ma`lum qilishi shart. Agar da`voning yoki e`tirozning asossizligi sud jarayonida ma`lum bo`lsa va mijoz uning ishda ishtirok etishda davom etishini talab qilsa, advokat qonun hujjatlarini aralashtirmay mijozning talab va e`tirozlari bilangina chegaralanishi lozim. Advokat huquqiy pozitsiyasini yuridik yordam so`ragan shaxs bilan kelishishi shart va uning roziligisiz pozitsiyani o`zgartirishga haqli emas. Advokat himoyasidagi shaxs o`zini aybsiz, deb bilsa uning aybi isbotlangan deyishga yoki aybga undashga haqli emas. Himoyalanuvchi aybiga iqror bo`lganda

ham advokat uning aybdorligiga shubha qilsa, beaybligini ta`kidlash, isbotlash huquqiga egadir. Bu holda advokat himoyalanuvchidan o`zgacha mustaqil pozisiyani egallab himoyasidagi shaxsning oqlanishini talab qilishi mumkin. Agar mavjud dalillar himoyalanuvchining harakatida unga qo`yilgan aybga nisbatan yengilroq alomatlar borligini isbotlasa, advokat himoyasidagi shaxsga bu haqda ma`lum qilishi va u bilan yengilroq jinoyatni nazarda tutgan pozitsiyani kelishib olishi lozim. Jinoiy guruh ishi bo`yicha qatnashganda va ayrim himoyalanuvchi- larning manfaatlari orasida ziddiyat mavjud bo`lgan hollarda advokat sud, surishtiruv jarayonida o`zining himoyasidagi shaxsga taalluqli, uning aybini inkor etuvchi, aybdorligiga gumon tug`diruvchi, aybini yengillashtiruvchi dalillarni to`plab ularni baholashi va bu haqda o`zining himoya nutqida bayon etishi lozim.Advokat jabrlanuvchini yolg`on, haqiqatga to`g`ri kelmaydigan ko`rsatma berishga undashga haqli emas. Yuridik xizmat uchun to`lanadigan gonorar miqdori advokat va mijoz o`rtasida kelishilgan holda advokatura organi rahbari ishtirokida belgilanadi.

A dabiyotlar : 1.Karimov I.A. “Adolat – qonun ustuvorligida” Xalq so`zi. 2001 yil 30 avgust. 2.Karimov I.A. Inson, uning huquqlari va erkinliklari, manfaatlari – oliy qadriyat. O`zbekiston Respublikasi Konstitutsiyasini qabul qilinganligining 13 yilligiga bag`ishlangan tantanali ma`rosimda qilgan ma`ruzasi. Xalq so`zi. 10- dekabr 2005. 3.O`zbekiston Respublikasida Advokatlik faoliyati. Darslik. Ikki jildli, mualliflar jamoasi. “Konsaudininform” nashri, -T., 2007 . 4. O`zbekiston Respublikasining “Advokatura to`g`risida”gi Qonuni. -T.: 26 -dekabr1996. 5. O`zbekiston Respublikasi “Advokatlik faoliyati kafolatlrai va advokatlarning ijtimoiy huquqlari to`g`risida”gi qonuni, -T.: 26 -dekabr 1997. 6.www.akadmvd.uz

Похожие

Advokatlik faoliyatida notiqlik san’ati asoslari

O’zbekiston Respublikasida advokatlik faoliyati fanining tushunchasi, predmeti va tizimi

Fuqarolik protsessida uchinchi shaxslar

Fuqarolik protsessida prokurorning ishtiroki

Jinoyat huquqi va jinoyat protsessi