Jarima, muayyan huquqdan mahrum qilish va ahloq tuzatish ishlari va qamoq tariqasidagi jazolarni ijro etish - Юриспруденция - Рефераты

Jarima, muayyan huquqdan mahrum qilish va ahloq tuzatish ishlari va qamoq tariqasidagi jazolarni ijro etish

Загружено в:

20.09.2019

Скачано:

0

Размер:

49 KB

Jarima, muayyan huquqdan mahrum qilish va ahloq tuzatish ishlari va qamoq tariqasidagi jazolarni ijro etish REJA: 1. Jarima tariqasidagi jazoni ijro etish a) Jazoni ijro etish tartibi; b) Jarima to‘lashdan bo‘yin tovlash oqibatlari. 2. Muayyan huquqdan mahrum qilish tariqasidagi jazoni ijro etish. a) Jazoni ijro etish tartibi. b) Jazolarni ijro etish inspeksiyaschining majburiyatlari. v) Korxona, muassasa, tashkilot ma’muriyatining hukmni ijro etish borasidagi majburiyatlari. g) Muayyan faoliyat turi bilan shugillanish uchun berilgan ruxsatnomani bekor qilishga vakolatli organning majburiyatlari. d) Mahkumning majburiyatlari. 3. Ahloq tuzatish ishlari tariqasidagi jazoni ijro etish. a) Jazoni ijro etish tartibi b) Jazolarni ijro etish inspeksiyasining majburiyatlar v) Korxona, muassasa, tashkilot ma’muriyatlarining hukmini ijro etish borasidagi majburiyatlari g) Mahkumni majburiyatlari d) Jazo muddatini hisoblash ye) Mahkumning ish haqidan chegirib qolish tartibi yo) Ahloq tuzatish ishlarini o‘tashdan bo‘yin g‘ovlash oqibatlari 4. Qamoq jazosini ijro etish A).qamoq jazosini ijro etish tartibi. B).Mahkumlarning yozishmalari.

V).Moddiy maishiy ta’minoti, ularga tibbiy xizmat ko‘rsatish Jarima tariqasidagi jazoga hukm qilingan shaxs jarimani ham qonuniy kuchga kirgan kundan boshlab uch oylik muddat ichida ixtiyoriy ravishda to‘lashi shart. Agar belgilangan muddatda jarimani to‘liq miqdorda to‘lashga mahkumning iloji bo‘lmasa sud uning iltimosnomasiga ko‘ra hukmning ijrosini Jinoyat protsessual kodeksi 533-moddada belgilangan tartibda kechiktirishi yoki bo‘lib-bo‘lib to‘lashga ruxsat etilishi mumkin. Mahkumni jarimani to‘lashdan bo‘yin tovlashi ushbu jazoni Jinoyat kodeksining 44 va 82- moddalarida nazarda tutilgan tartibda va doirada boshqa jazo bilan almashtirishga sabab bo‘ladi. Agar mahkum jazo tariqasidagi tayinlangan jarimani to‘lashdan uch oy mobaynida bo‘yin tovlasa, sud jarimaning to‘lanmagan miqdorini ahloq tuzatish ishlari,xizmat bo‘yicha cheklash yoki qamoq tariqasidagi jazo bilan almashtiradi. Bunday holda ahloq tuzatish ishlari yoki xizmat bo‘yicha cheklash jazosining har bir oyi eng kam oylik ish haqining ikki baravari miqdordagi jarimaga teglashtirilib, 3 yildan ko‘p bo‘lmagan muddatga tayinlanadi. qamoqning har bir oyi esa, eng kam oylik ish haqining o‘n baravari miqdoridagi jarimaga tenglashtirilib, 6 oydan ko‘p bo‘lmagan muddatga tayinlanadi. Jinoyat kodeksiga ko‘ra jarima eng kam oylik ish haqining besh barobaridan yuz barobarigacha miqdorda davlat daromadiga pul undirishdir. Muayyan huquqdan mahrum qilish tariqasidagi jazo ijrosi yashash joyidagi II organlarining jazolarni ijro etish inspeksiyasi tomonidan amalga oshiriladi. qamoq yoki ozodlikdan mahrum qilish tariqasidagi jazoga qo‘shimcha ravishda tayinlangan muayyan huquqdan mahrum qilish tariqasidagi jazoni ijrosi asosiy jazoni ijro etuvchi organ tomonidan amalga oshiriladi. II organlarining jazolarni ijro etish inspeksiyasi: Muayyan huquqdan mahrum qilingan mahkumlarning ro‘yxatga oladi; Mahkum ishlaydigan korxona, muassasa, tashkilot ma’muriyatiga va muayyan faoliyat turi bilan shug‘ullanish uchun berilgan ruxsatnomani bekor qilishga vakolatli organga hukm talablarini ijro etish to‘g‘risidagi xabarnomani yuboradi; Mahkumni hukmda ko‘rsatilgan taoqiqlarga rioya etilishni tekshiradi; Mahkum ishlaydigan korxona, muassasa, tashkilot ma’muriyati shuningdek, muayyan faoliyat turi bilan shug‘ullanish uchun berilgan ruxsatnomani bekor qilishga vakolatli organlar tomonidan hukm talablari qanday bajarilayotganligini tekshiradi; Mahkum harbiy yoki muqobil xizmatga chaqirilgan yohud kirgan taqdirda inspeksiya hukmning nusxasini mudofaa ishlari bo‘limiga yoki xizmatni o‘tayotgan joyga yuboradi. Mahkum ishlaydigan korxona, muassasa va tashkilot ma’muriyati jazolarni ijro etish inspeksiyasidan xabarnoma olgan kundan boshlab uch kun ichida quyidagilarni bajarishga majbur:

Mahkum egallash va shug‘ullanish huquqidan mahrum etilgan lavozimdan yoki mehnat faoliyati turidan uni ozod qilish; Jazolarni ijro etish inspeksiyasiga hukm talablari ijro etilganligi to‘g‘risida tegishli xujjatlarni ilova qilgan xolda xabar yo‘llash; Mahkum boshqa ishga o‘tkazilgan yoki u bilan tuzilgan mehnat shartnomasi bekor qilingan taqdirda bu haqda jazolarni ijro etish inspeksiyasiga xabar qilish. Muayyan faoliyat turi bilan shug‘ullanish uchun berilgan ruxsatnomani bekor qilishga vakolatli organ jazolarni ijro etish inspeksiyasidan xabarnoma olgan kundan boshlab uch kun ichida mahkum shug‘ullanishi taqidlangan faoliyat turi uchun berilan ruhsatnomani bekor qilib, tegishli xujjatni olib qo‘yishga va bu haqda inspeksiyaga xabar yo‘llashga majbur. M. H. M. q. tariqasidagi jazoga hukm qilingan shaxs hukm talablarini bajarishga, jazolarni ijro etish inspeksiyasiga mazkur jazoni o‘tash bilan bog‘liq xujjatlarni taqdim etishga, yashash va ish joyidagi o‘zgarishlar yoki mehnat shartnomasi bekor qilinganligi xaqida inspeksiyani xabardor qilishga chaqiruvga binoan inspeksiyada xozir bo‘lishga majbur. U xozir bo‘lmagan taqdirda belgilangan tartibda majburan keltirilishi mumkin. A.T.I. tariqasidagi jazoni ijrosi mahkumlarni yashash joyidagi IIO larining jazolarni ijro etish inspeksiyasi tomonidan amalga oshiriladi. Mahkum doimiy yashash joyiga ega bo‘lmagan taqdirda hukmni ijrosi hukm chiqarilgan joyidagi jazoni ijro etish inspeksiyasi yuklanadi. A.T.I. korhonalarda, muassasalarda va tashkilotlarda o‘taladi. Jazoni o‘z ish joyida o‘tash sharti bilan A.T.I. ga hukm qilingan shaxslar sudlangunga qadar o‘zlari ishlayotgan kor. muass. yoki tashkilotda mehnat faoliyatini davom ettiraveradi. Jazoni boshqa joylarda o‘tash sharti bilan ahloq tuzatish ishlariga hukm qilingan shaxslar jazolarni ijro etish inspeksiyasi belgilab beradigan kor. muass. yoki tashkilotga yuboriladi. Voyaga yetmagan mahkumlar yashash joyidagi kor. muass. tashkilotga yuboriladi. IIO larning jazolarni ijro etish inspeksiyasi: Ahloq tuzatish ishlariga hukm qilingan shaxslarni ro‘yxatga oladi; Mahkumda jazoni o‘tashni tartibi va shartlarini tushuntiradi; Boshqa joylarda o‘taladigan ahloq tuzatish ishlariga hukm qilingan shaxslarni ishga jo‘natadi; Mahkumlar tomonidan jazoni o‘tash shartlariga rioya etilishini tekshiradi; Mahkum ishlaydigan kor. muass. tashkilotlat ma’muriyati tomonidan hukm talablari ijro etilishini tekshiradi; Mahkumni qidirib topish yuzasidan dastlabki tadbirlarni o‘tkazadi, zarur materiallarni tayyorlaydi va tegishli xizmatga oshiradi; Ahloq tuzatish ishlarini boshqa joylarda o‘tayotgan shaxslar bilan tuzilgan mehnat shartnomasini bekor qilish uchun ruhsatnoma berish masalasini ko‘rib chiqadi.

Mahkum ishlaydigan korhona, muassasa, tashkilot ma’muriyati ma’muriyati kuydagilarga majbur: Mahkumni ish xaqidan to‘g‘ri va o‘z vaqtida chegirib olinishini hamda chegirib qolingan summani davlat foydasiga o‘tkazilishini ta’minlash; Mahkumga nisbatan qo‘llanilgan rag‘batlantirish va intizomiy jazo choralari haqida, uning jazoni o‘tashdan bo‘yin tovlayotgani, boshqa ishga o‘tkazilgani yoki u bilan tuzilgan mehnat shartnomasi bekor qilinganligi haqida jazoni ijro etish inspeksiyasini xabardor etish. A.T.I. tariqasidagi jazoga hukm qilingan shaxs hukm talablarini bajarishga jazolarni ijro etish inspeksiyasiga mazkur jazoni o‘tash bog‘liq xujjatlarni taqdim etishga, yashash va ish joyidagi o‘zgarishlar yoki mehnat shartnomasi bekor qilinganligi haqida inspeksiyani xabardor qilishga, chaqiruvga binoan inspeksiyada xozir bo‘lishga majbur. Mahkum xozir bo‘lmagan taqdirda, belgilangan tartibda majburan keltiriladi. Mahkum mehnat shartnomasi bilan bog‘liq har qanday hollarda mansabdor shaxslar ustidan sudga shikoyat qilishi mumkin. A.T.I. muddati mahkum ishlagan va uning ish haqidan ushlab qolingan davr mobaynidagi yilar, oylar va kunlar bilan xisoblanadi. Mahkum ishlab bergan kunlar miqdori sud tomonidan belgilangan jazo muddatini har oyiga to‘g‘ri keladigan ish kunlari miqdoridan kam bo‘lmasligi kerak. Agar mahkum ana shu miqdordagi ish kunlarini ishlab bermagan bo‘lsa va ishlamagan kunlari jazo muddatiga qo‘shib hisoblashi uchun JIK da belgilab qo‘yilgan asoslar bo‘lmasa A.T.I. ni o‘tash mahkum belgilangan ish kunlari miqdorini to‘liq ishlab berguniga qadar davom etadi. Ish vaqti jamlab hisobga olinadigan kor.muass.tashkilotda ishlayotgan mahkumlarning jazoni o‘tash muddati ish soatlarini normal miqdoriga amal qilingan holda hisobga olinadigan davrdagi ish vaqti muddatidan kelib chiqib hisoblanadi. Jazoni o‘tash muddati kor. muass. tashkilot ma’muriyati jazolarni ijro etish inspeksiyasidan xabarnoma olgan kundan boshqa joylarga o‘tiladigan ATI ga hukm qilingan shaxslar esa ular jazoni o‘tash uchun yuborilgan kor.muass. tashkilotda ish boshlagan kundan boshlanadi. Mahkum ishlagan ammo qonunga muvofiq uning ish haqi saqlanib turgan vaqt, shuningdek mahkum ishsiz deb topilgan vaqt ATI larni o‘tash muddatiga qo‘shib hisoblanadi. Jazoni o‘tash muddatiga quydagilar qo‘shib hisoblanmaydi : qonun xujjatlariga muvofiq vaqtincha mehnat qobiliyatsizlik nafaqasi to‘lanmaydigan kasallik vaqti; qamoq tariqasidagi maomuriy jazoni o‘tash vaqti boshqa jinoyat sodir etganligi munosabati bilan qamoqda saqlangan vaqt.

Hukmda nazarda tutilgan chegirma mahkumni asosiy ish joyidagi ish haqini barcha turidan har bir ishlagan oy uchun maosh to‘lash chog‘ida qonun hujjatlarida belgilangan tartibda amalga oshiriladi. Mahkum ahloq tuzatish ishlarini o‘tashdan bo‘yin tovlagan taqdirda jazolarni ijro etish inspeksiyasi o‘talmagan muddatni ozodlikdan mahrum qilish jazosi almashtirish haqida jinoyat kodeksining 46va 83 moddalarida nazarda tutilgan tartibda sudga taqdimnoma kiritadi. qamoq jazosini ijro etish tushunchasi ahamiyati, tartibi va shartlari. qamoq jazosining mohiyati. qamoq jazosini ijro etish muassasalarining mahkumlarni qamoq uylariga jo‘natish tartibi va shartlari. qamoq uylarida mahkumlarning ta’minoti va huquqiy holatlari, qamoq uylarida mahkumlarning tibbiy xizmatlardan foydalanishlari. qamoq uylarida mehnat va mahkumlar bilan olib boriladigan tarbiyaviy ishlar. qamoq uylarida mahkumlarni rag‘batlantirish yoki ularga intizomiy jazo choralarini qo‘llash. Mahkumlar jazoni o‘tash uchun qamoq uylariga tergov xibsxonasi ma’muriyati hukm qonuniy kuchga kirganligi to‘g‘risida sud xabarnomasini olgan kundan boshlab uch kunlik muddat ichida jo‘natiladi. Mahkumlarning qamoq uylariga jo‘natish tartibi, O‘zbekiston Respublikasi IIVgi tomonidan belgilanadi. qamoq jazosiga hukm qilingan shaxslar jazoni hukm chiqarilgan joydagi maxsus qamoq uylarida o‘taydilar. Mahkumlar jazoni butun muddatini, odatda bitta qamoq uyida o‘taydilar. Mahkumni bir qamoq uyidan ikkinchisiga o‘tkazishda JIKning 57-moddasida nazarda tutilgan xollarda va tartibda yo‘l qo‘yiladi. qamoq jazosiga hukm qilingan shaxslar JIKning 58 va 124 – moddasini birinchi qismining talablariga rioya etilgan holda ikki va to‘rt kishilik yoki umumiy kameralarda saqlanadi. Birinchi maratoba qamoq jazosiga hukm qilingan shaxslar ilgari qamoq yoki ozodlikdan mahrum etish tariqasidagi jazoni o‘tagan shaxslardan alohida saqlanadi. Mahkumlar fuqarolik namunasidagi kiyimda yuradilar. Mahkumlarni buyumlari va xonalarini tintuv qilish va ko‘zdan kechirish JIK ning 67-moddasida nazarda tutilgan tartibda amalga oshiriladi. Mahkumlarga har kungi muddati bir soatlik,voyaga yetmaganlar, homilador ayollar va yosh bolasi bor ayollarga esa 1.5 soatlik sayir qilishlik imkoniyati beriladi. Mahkumlarga uchrashuvlar, telefon orqali so‘zlashuvlar, posilkalar olish, oziq-ovqat maxsulotlar sotib olishga ruxsat etilmaydi.

qamoq jazosiga hukm qilingan, davolanishga va kuchli ovqatga muxtoj mahkumlarga tibbiy xulosa asosidan ularning shaxsiy xisob varag‘idagi mablag‘laridan oziq-ovqat maxsulotlari sotib olishga ruxsat etiladi. Mahkumlar eng zarur narsalarni pul o‘tkazish yo‘li bilan belgilangan eng kam ish haqi miqdorining 30% oshmaydigan summaga sotib olishlari mumkin . Voyaga yetmagan mahkumlarga yaqin qarindoshlari bilan har oyda bir marta muddati 3 soatgacha bo‘lgan qisqa muddatli uchrashuv imkoniyati beriladi. qamoq jazosiga hukm qilingan shaxslarga alohida xollarda yaqin karindoshlari bilan JIK ning 77 moddasida belgilangan tartibda telefon orkali so‘zlashuv imkoniyati beriladi. qamoq jazosiga hukm qilingan shaxslar cheklanmagan miqdorda xat olishlari va jo‘natishlari mumkin. Mahkumlarni yozishmalari senzuradan o‘tkaziladi. qamoq jazosiga hukm qilingan shaxslarni maishiy yashash sharoitlari belgilangan gigiyena va sanitariya qoidalariga mos bo‘lishi shart. Bir mahkumga to‘g‘ri keladigan yashash maydoni normasi 2.5 kv. metrdan kam bo‘lishi mumkin emas. Mahkumga yotish uchun alohida joy, ko‘rpa-to‘shak va choyshab, shuningdek tergov xibs xonalarda qamoqda turgan shaxslar uchun qonun xujjatlarida belgilangan norma bo‘yicha ovkat beriladi. qamoq uyining kameralari radio eshitirish tarmog‘i bilan jixozlanadi. Mahkumlarga stol ustida o‘ynaladigan o‘yinlar, gazetalar, jurnallar beriladi. Ular kutub xonadan foydalanish huquqiga ega. Mahkumlarga tibbiy xizmat ko‘rsatish JIK ni 87 moddasiga muvofiq amalga oshiriladi. Iqtisoslashgan tibbiy yordam ko‘rsatish uchun mahkumlar jazoni ijro etish koloniyalari qoshidagi davolash muassasalariga, alohida hollarda esa solig‘ni saqlash organlarining davolash muassasalariga yuborilishi mumkin. qamoq jazosiga hukm qilingan shaxslar qamoq uyining xo‘jalik xizmatiga oid ishlarga xaftasiga to‘rt soatgacha bo‘lgan muddatga xaq to‘lamagan holda jalb etilishi mumkin. Mahkumlar bilan tarbiyaviy ishlar qamoq uylarning ma’muriyati tomonidan JIK da bayon etilgan tamoinlar asosida olib boriladi. Mahkumlarga yaxshi xulq-atvori uchun qamoq uylarida quyidagi rag‘batlantirish choralari qo‘llanilishi mumkin: Tashakkur e’lon qilish. Ilgari qo‘llanilgan intizomiy jazoni muddatidan oldin olib tashlash. Har kungi sayr vaqtini bir soatga ko‘patirish. Jazo o‘tash tartibini buzganligi uchun mahkumga kuydagi intizomiy jazo choralari qo‘llanishi mumkin: Ogoxlantirish, xayfsan, o‘n sutkagacha muddatga ayollar va voyaga

yetmaganlarni esa 7 sutkagacha muddatga karserga kiritib qo‘yish. Har kungi sayrni rag‘batlantirish tarikasida ko‘paytirilgan muddatini bekor qilish. Jazoni ijro etuvchi muassasalarga quyidagilar kiradi: Jazoni ijro etish koloniyalari; Tarbiya koloniyalari; Turmalar. Tergov hibsxonalari ozodlikdan mahrum etishga hukm qilingan va xo‘jalik xizmatiga oid ishlarni bajarish uchun qoldirilgan shaxslarga nisbatan jazoni ijro etish muassasalari vazifasini bajaradi.

ADABIYOTLAR 1. Jinoyat-ijroiya huquqi. Darslik. Mualliflar jamoasi. Mas’ul muharrir-yu.f.n., dots. B.J.Axrorov. –T.: O‘qituvchi, 2002. – 208b. 2. Jinoyat-ijroiya kodeksiga sharhlar. Rustamboyev M.H., Axrarov B.J. va boshqalar. Ma’sul muharrir: yu.f.d., prof. M.H.Rustamboyev. – T.: TDYUI, 2007. – 574 b. 3. Kommentariy k Ispravitelno-trudovomu kodeksu Respubliki Uzbekistan. –T.: Uzbekistan, 1997.- 345s. 4. Abduxaliqov M.A., Payzullayev Q., Abduqodirov Sh.Y. Jinoyat -ijroiya huquqi (albom sxemalar). –T.: TDYUI, 2005. – 142 b. 5. Kurs ugolovnogo prava Respubliki Uzbekistan Tom-1 obshaya chast ucheniye o prestuplenii.uchebnik. M.X. Rustamboyev. - T.:TDYUI, 2009.-526 st. 6. Kurs ugolovnogo prava Respubliki Uzbekistan Tom-2 obshaya chast ucheniye o nakazanii. uchebnik. M.X. Rustamboyev. - T.:TDYUI, 2009.-394 st. 7. Kurs ugolovnogo prava Respubliki Uzbekistan Tom-3 osobennaya chast. uchebnik. M.X. Rustamboyev. - T.:TDYUI, 2009.-423 st. 8. Kurs ugolovnogo prava Respubliki Uzbekistan Tom-4 osobennaya chast. uchebnik. M.X. Rustamboyev. - T.:TDYUI, 2009.-513 st. 9. Kurs ugolovnogo prava Respubliki Uzbekistan Tom-5 osobennaya chast. uchebnik. M.X. Rustamboyev. - T.:TDYUI, 2009.-401 st.

Похожие

Jarima, muayyan huquqdan mahrum qilish, axloq tuzatish ishlari

Sud-huquq islohotlarini rivojlantirishda jinoiy jazo tizimining o'rni

Jazo tizimi tushunchasi va turlari

Jinoyat-ijroiya huquqiga binoan mahkumlar huquqiy holati

Ozodlikdan mahrum qilish tariqasidagi jazo ijrosini tashkil kilish va ijro etish