Иш ҳақи тўлаш ( иш хаки тулаш - Юриспруденция - Рефераты

Иш ҳақи тўлаш ( иш хаки тулаш

Загружено в:

20.09.2019

Скачано:

0

Размер:

94.5 KB

www.arxiv.uz И ш ҳақи тўлаш Режа : 1. Иш ҳақи тушунчаси ва умумий таърифи 2. Иш ҳақи тизими ва турлари 3. Иш ҳақи тўлаш тартиби. Иш ҳақидан ушлаб қолиш қоидалари

www.arxiv.uz Иш ҳақи аҳолининг асосий даромад манбаларидан бири бўлиб қолаётган ҳозирги шароитда меҳнатга ҳақ тўлашни ҳу қуқий тартибга солишни такомиллаштириш, унинг меҳнат унумдорлиги, маҳсулот сифатини, ходим моддий аҳволини яхшилашдаги аҳамиятини ошира бориш муҳим аҳамиятга эга. Иш ҳақи ходим меҳнатига ҳақ тўлаш шаклидир. Иқтисодий тоифа сифатида иш ҳақи миллий даромаднинг ходимларга берилиши керак бўлган, қайд этилган қисмидан иборат. Ишлаб чиқариш корхоналарида олинган соф даромад, давлат муассасаларида эса давлат бюджети ҳисобидан ажратилган маблағлар иш ҳақининг манбаи ҳисобланади. Ҳуқуқий нуқтаи назардан иш ҳақи меҳнат шартномаси томонларнинг ўзаро ҳуқуқлари ва мажбуриятларини ифодалайди. Иш ҳақи ходим бажарган ишнинг миқдори ва сифатига, ишнинг якуний натижасига кўра белгиланади ва унинг энг кўп миқдори чекланмаган. Ходимлар ва уларнинг оила аъзолари ҳуқуқларини ҳимоя қилиш мақсадида иш ҳақининг энг кам миқдори белгилаб қўйилади ва бу миқдор нарх-навонинг ошиб боришига мутаносиб равишда индексацияланиб, ошириб борилади 1 . Бозор муносабатларига ўтиш даврида иш ҳақи ёлланма меҳнаткашларга ҳеч бир камситишларсиз, белгиланган энг кам ойлик иш ҳақидан кам бўлмаган миқдорда тўланадиган ҳақдан иборат. Иш ҳақи тўлашнинг халқаро-ҳуқуқий, умумдемократик ва умуминсоний принциплари БМТнинг «Иқтисодий, ижтимоий ва маъданий ҳуқуқлар тўғрисида»ги Пактида (7-модда), Халқаро Меҳнат Ташкилотининг 95-сонли «Меҳнатга ҳақ тўлашликни муҳофазалаш ҳақида»ги, 100-сонли «Эркак ва аёлларга тенг меҳнат учун тенг иш ҳақи тўлаш тўғрисида»ги (1951 й.) Конвенциялари, бир қатор тавсиялари билан белгилаб қўйилган. Иш ҳақи таркиби асосий ва қўшимча қисмлардан ташкил топади. Таъриф разряди ёки мансаб маоши иш ҳақининг асосий қисмини, ишнинг 1 Масалан, Ўзбекистон Республикаси Президентининг 2001 йил 29 июндаги «2001 йил 1 августдан бошлаб иш ҳақи, пенсиялар, стипендиялар ва ижтимоий нафақалар миқдорини ошириш тўғрисида»ги Фармони. «Халқ сўзи» газетаси, 2001 йил 30 июн.

www.arxiv.uz натижалари бўйича тўланадиган мукофотлар ва бошқа устама тўловлар эса қўшимча қисмини ташкил этади. Меҳнат тўғрисидаги қонун ҳужжатларида белгиланган энг кам ойлик чегарасидан пастга тушмаган ҳолда иш ҳақи миқдорини белгилашни қонун ходим ва иш берувчиларнинг бевосита ўзларига ҳавола этиб қўйган бўлиб, иш ҳақи тўлаш шартларини белгилаш, усулларини аниқлаш, ишбай ёки в ақтбай иш ҳақи тўлаш шаклини танлаш ходимлар вакиллик органлари билан иш берувчиларнинг ўзаро келишувига кўра, жамоа шартномалари, жамоа келишувларида белгилаб қўйиш йўли билан аниқланади. Жумладан, Меҳнат Кодексининг 153-моддасида айтилишича: «Меҳнат ҳақининг миқдори иш берувчи билан ходим ўртасидаги келишувга биноан белгиланади. Меҳнат ҳақи қонун ҳужжатлари билан белгиланган энг кам миқдордан оз бўлиши мумкин эмас ва унинг энг кўп миқдори бирон бир тарзда чекланмайди». Меҳнат ҳақи шакли ва тизимлари, мукофотлари, қўшимча тўловлар, устамалар, рағбатлантириш тарзидаги тўловлар жамоа шартномаларида, шунингдек иш берувчи томонидан касаба уюшмаси қўмитаси ёки ходимларнинг бошқа вакиллик органи билан келишиб қабул қилинадиган бошқа локал ҳужжатларда белгиланади. Бюджет ҳисобидан молиявий жиҳатдан таъминланадиган муассасалар ва ташкилотларнинг, шунингдек давлат корхоналарининг ходимлари меҳнатига ҳақ тўлаш шартларининг энг кам даражаси қонун ҳужжатлари билан белгиланади. Табиий иқлим ва турмуш шароитлари ноқулай бўлган жойлар да меҳнат ҳақига район коэффициентлари ва устамалар белгиланади. Район коэффициентлари ва устамалар жорий қилинадиган жойларнинг рўйхати, шунингдек уларни қў лланиш тартиби ва миқдори Ўзбекистон Республикаси ҳукумати томонидан белгиланади. Меҳнатга ҳақ тўлашда ҳозирги пайтда амалда бўлган ягона таъриф жадвалининг аҳамияти катта бўлиб, унинг воситасида бир хил миқдорда ва сифатга эга бўлган меҳнат учун бир хил ҳақ тўлаш, иш ҳақи соҳасида ягона

www.arxiv.uz сиёсатни амалга ошириш, ижтимоий адолатни таъминлашга эришилади. Халқ хўжалигининг турли тармоқларида меҳнатга ҳақ тўлашдаги асосланмаган тегсизликларнинг олдини олади. Ўзбекистон Республикаси Президентининг 1998 йил 9 июндаги «Иш ҳақи, пенсиялар ва стипендияларнинг миқдорини ошириш тўғрисида»ги Фармонида ҳамда ушбу Фармон асосида Ўзбекистон Республикаси Вазирлар Маҳкамасининг 1998 йил 12 июндаги «Меҳнатга ҳақ тўлаш бўйича ягона таъриф жадвалини янада такомиллаштириш ҳақида»ги 247-сонли қарори билан халқ хўжалигининг барча тармоқларида «0» дан «22»гача таъриф разрядлари (23 та) жорий этилган бўлиб, барча касблар, ишлар, лавозимлар ушбу разрядлар шкаласига мувофиқ тарификация қилинади. Бунда ҳеч қандай малака талаб қилмайдиган энг оддий иш «0» разряд билан тарификация қилинган бўлиб, унда иш ҳақи энг кам ойлик иш ҳақига тенг бўлади. Талаб этиладиган малака ортиб боргани ва бажариладиган иш мураккаблашиб борган сари разрядлар ва унга тўланадиган ҳақ миқдори ҳам ортиб боради. Бундай ортиб бориш «0» разрядга нисбатан амалга ошади. Қуйидаги жадвалда иш ҳақининг таъриф разрядига мутаносиб равишда ортиб бориши кўрсатилган: Меҳнатга ҳақ тўлаш бўйича ягона таъриф жадвали Меҳна тга ҳақ тўлаш юзаси дан разряд лар Таъри ф коэффи - циентл ари Меҳнатга ҳақ тўлаш юзасидан разрядла р Таъри ф коэфф и- циент лари Меҳнатга ҳақ тўлаш юзасидан разрядла р Таъри ф коэфф и- циент лари 0 1,000 10 3,854 20 7,046 1 1,780 11 4,121 21 7,361

www.arxiv.uz 2 1,958 12 4,395 22 6,735 3 2,155 13 4,673 4 2,369 14 4,955 5 2,596 15 5,242 6 2,832 16 5,532 7 3,080 17 5,827 8 3,334 18 5,125 9 3,592 19 6,428 Меҳнатга ҳақ тўлашнинг шартлари қандай тартибда ўрнатилган бўлса (давлат йўли биланми, жамоа шартномаси ёки келишуви орқалими ёки бошқа усули), ана шундай тартиб да ўзгартирилиши мумкин. Меҳнатга ҳақ тўлашнинг якка шартлари ходим учун ноқулай томонга ўзгартирилишига фақат унинг розилиги билангина йўл қўйилиши мумкин. Технологияда, ишлаб чиқариш ва меҳнатни ташкил этишда ўзгаришлар юз бериши туфайли меҳнатга ҳақ тўлашнинг аввалги шартларини сақлаб қолиш мумкин бўлмаганда ҳамда қонунда кўзда тутилган бошқа ҳолларда ходимнинг розилигисиз ҳам меҳнатга ҳақ тўлаш шартлари иш берувчи томонидан ўзгартирилиши мумкин. Бундай ҳолда иш берувчи бу ҳақда ходимни камида икки ой аввал ёзма равишда огоҳлантириши зарур ва бу ҳол меҳнат шартларини ўзгартириш деб баҳоланиши мумкин. Ходим бундай шароитда ишлашдан бош тортиши, тегишли ҳолларда у билан тузилган меҳнат шартномаси Ўзбекистон Республикаси Меҳнат Кодексининг 89-моддасига кўра бекор қилиниши мумкин .

www.arxiv.uz 2. Иш ҳақи тизими ва турлари Иш ҳақи меҳнат маҳсулини ходим ва иш берувчи ўртасида тақсимлашни таъминловчи ҳуқуқий механизм сифатида сарфлаган меҳнат миқдорини ҳисобга олиш, кўп меҳнат сарфланган ходимга кўпроқ ҳақ тўлаш йўли билан уни янада маҳсулроқ ишлашга ундашга қаратилган мақсадни бажаради, иккинчидан малакаси ва махсус билими юқори ходимнинг меҳнатига малакасиз ёки малакаси паст ходимнинг меҳнатига нисбатан улар бир хил вақт сарфланган бўлсаларда юқори миқдорда ҳақ тўлашни назарда тутиш орқали меҳнатнинг нафақат миқдори, балки сифати ҳам муҳим аҳамиятга эга эканлигини қайд этади. Меҳнатни миқдор ва сифат жиҳатидан баҳолаш, шу асосда унга ҳақ тўлаш мезонларини белгилаш иш ҳақи тизимлари ёрдамида амалга оширилади. Иш ҳақи тўлаш тизимлари деганда меҳнат меъёри билан меҳнат ҳақи миқдорини белгилаш усулига айтилади. Иш ҳақи тўлаш тизими ўз ичига ишбай ва вақтбай иш ҳақи шаклларини олади. Иш ҳақининг вақтбай ёки ишбай тизимлари меҳнатни ташкил этиш усули, ишлаб чиқариш даражаси ва бошқа омилларга боғлиқ. Иш ҳақи тизимларини танлаш ходимлар вакиллик органи ва иш берувчи томонидан ўзаро келишилган ҳолда жамоа шартномасида белгилаб қўйилади. Шунингдек ишбай ёки вақтбай ходимларни мукофотлаш шартлари ва тартибларини назарда тутувчи Низом ва қоидалар ҳам ходимлар вакиллик органи ҳамда иш берувчи томонидан биргаликда ишлаб чиқилади. Меҳнатга ҳақ тўлашнинг алоҳида шакли бригада (жамоа) меҳнатига ҳақ тўлаш ҳисобланади. Меҳнатни ташкил қилиш ва унга ҳақ тўлашнинг жамоа шакли ҳар бир ходим томонидан сарфланган меҳнатни алоҳида ҳолда ўлчаш мумкин бўлмаган жойларда қўлланилади ва унга бажариладиган ишнинг натижаларига кўра бутун жамоага (бригадага) яхлит ҳолда иш ҳақи ҳисобланади. Бригада (жамоа) эса ўз аъзоларининг ушбу натижага қўшган ҳиссасини индивидуаллаштириб аниқлаш йўли билан ҳар бир ходимнинг иш

www.arxiv.uz ҳақи миқдорини белгилайди. Ана шу мақсадда ҳар бир ходимнинг меҳнатга иштироки коэффициенти (МИК) қўлланилади. Ҳар бир ходимнинг меҳнати билан иштироки коэффициентини аниқловчи Низом ёки бошқа меъёрий ҳужжатлар белгиланган тартибда ишлаб чиқилади ҳамда тасдиқланади. Меҳнатни нормалаш сарфланган меҳнатни ўлчаш ва унга яраша ҳақ тўлаш имконини беради. Меҳнатнинг қуйидаги нормалари кўзда тутилиши мумкин: а) вақт нормаси; б) ишлаб чиқариш нормаси; в) хизмат кўрсатиш нормаси; г) ходимлар сони нормаси. Меҳнат нормалари вакиллик органи ва иш берувчи томонидан биргаликда ишлаб чиқилади ҳамда тасдиқланади. Одатдаги шароитлардан четга чиқилганда меҳнатга ҳақ тўлаш махсус тартибда амалга оширилади. Жумладан, Меҳнат Кодексининг 157, 158, 159, 160-моддаларида ана шундай одатдан ташқари шароитлар кўзда тутилган. Иш вақтидан ташқари вақтдаги ишлар, дам олиш кунлари ва байрам кунидаги ишлар учун камида икки баробар ҳақ тўлаши, башарти ана шу вақтларда ишлагани учун ходимга бошқа дам олиш берилган бўлса, у ҳолда бир баробар ҳақ тўланиши назарда тутилган. Тунги вақтларда (соат 22.00 дан 6.00 гача бўлган вақт) ишланган ҳар бир соат учун бир ярим баробардан кам бўлмаган миқдорда ҳақ тўлаш белгиланган. Жамоа шартномаларида тунги вақтларда ишлаганлик учун бошқа имтиёзлар берилиши, кечки сменада ишловчилар меҳнатига ҳам оширилган тарзда иш ҳақи тўланиши назарда тутилиши мумкин. Яроқсиз маҳсулот ходимнинг айбисиз тайёрланганида унга ўртача иш ҳақи миқдорида ҳақ тўланмайди. Ходимлар иш берувчининг айби билан бекор туриб қолганида уларга ўртача иш ҳақидан кам бўлмаган миқдорда ҳақ тўланади. Ходимнинг айби билан бекор туриш меҳнат интизомини бузиш деб баҳоланади ва иш ҳақи тўланмайди. Бир неча касбда (лавозимда) ва

www.arxiv.uz ўриндошлик асосида ишловчи ходимларга ўзаро келишув шартларига кўра иш ҳақи тўланади. Акциядорлик жамиятлари шаклида хўжалик фаолияти юритаётган корхоналарнинг ходимларига, шу жумладан жамият ижроия-бошқарув органи раҳбарияти таркибига кирувчи ходимларга иш ҳақи тўлашнинг хусусиятлари, иш ҳақи тизими, шакллари, устама ва қўшимча тўловлар тўлаш асосларини белгилаш тартибларига тааллуқли ўзига хос хусусиятлар Ўзбекистон Республикаси Меҳнат вазирлиги томонидан 1997 йил 6 сентябрдаги 611-сонли «Акциядорлик жамиятларида меҳнат муносабатларини тартибга солишни такомиллаштириш юзасидан тавсиялар»да баён этилган. Ўзбекистон Республикаси Касаба уюшмалари Федерацияси Кенгаши томонидан 2000 йил 10 январдаги «2000 йил учун жамоа шартномаларини тузиш бўйича тавсиялар»да айтилишича, корхонад а иш ҳақи тизимларини белгилаш, ишбай ва вақтбай иш ҳақи тўланадиган иш турларини, у ерларда ишбай ёки вақтбай иш ҳақи шаклларидан қай бирини (тўғри ишбай, эгри ишбай, мукофотли ишбай; оддий вақтбай ёки мукофотли вақтбай ва ҳоказолар) танлаш; зарарли ва оғир шароитларда ишловчи ходимлар учун устамалар тўлаш шартлари, миқдорлари, кечки ва тунги вақтларда ишлаганлик учун устамалар ҳақ миқдорлари ҳамда иш ҳақи тўлаш, уни муайян ҳолатлар туфайли сақлаб туриш шартномасида акс эттирилиши лозим. Иш ҳақи тўлаш тартиби. Иш ҳақидан ушлаб қолиш қоидалари Амалдаги меҳнат қонунчилиги меҳнат муносабатларида ходимлар ҳуқуқларини муҳофазалаш, иш ҳақини тўлашда бош-бошдоқликка йўл қўймаслик мақсадида муайян давр давомидаги иши учун ходимга бериладиган иш ҳақини тўланишига оид бўлган, мулкчилик шакли ва

www.arxiv.uz ҳўжалик фаолияти туридан қатъи назар барча корхона, муассаса ҳамда ташкилотлар учун умумий тартиб-қоидаларни белгилайди. Меҳнатга ҳақ тўлаш муддатлари жамоа шартномаси ёки бошқа локал норматив ҳужжатда белигиланади ва ҳар ярим ойда бир мартадан кам бўлиши мумкин эмас. Ходимларнинг айрим тоифалари учун алоҳида ҳолларда Ўзбекистон Республикаси ҳукумати иш ҳақи тўлашнинг бошқа муддатларини белгилаб қўйиши мумкин 2 . Ҳақ тўланадиган кун дам олиш куни ёки байрам кунига тўғри келиб қолса, меҳнат ҳақи шу кун арафасида тўланади. Жамоа шартномасида иш берувчи айби билан ходимга ҳақ тўлаш белгиланган муддатларга нисбатан кечикканлиги учун мулкий жавобгарлик кўзда тутилиши мумкин. Бундай жавобгарлик инфляциянинг ўсиши, пулнинг қадрсизланиши ҳисобга олинган ҳолда иш ҳақи тўланиши кечиктирилганлиги туфайли ходимлар кўрган зарарларни қоплашга қаратилади. Бундай мулкий жавобгарликнинг аниқ даражаси ходимлар вакиллик органи ва иш берувчининг ўзаро келишуви билан жамоа шартномасида кўрсатиб қўйилади. Иш ҳақи одатда пул ҳолида тўланади. Аммо уни муайян қишлоқ хўжалик маҳсулотлари билан тўлаш мумкин. Бироқ, ҳозирги пайтда алкоголли ичимликлар, тамаки маҳсулотлари ва ҳукумат қарори билан белгиланган товарлар билан иш ҳақи тўлашга йўл қўйилмайди 3 . Ўзбекистон Республикаси Вазирлар Маҳкамасининг 2002 йил 19 мартдаги «Ўз вақтида иш ҳақи тўлашни таъминлашга оид қўшимча чора-тадбирлар тўғрисидаги» қарори билан натурал ҳолда иш ҳақи тўлашлик таъқиқланди 4 . Вафот этган ходимнинг олинмасдан қолган иш ҳақи ва унга берилиши лозим бўлган бошқа тўловлар унинг оила аъзолари таркибидан бўлган ҳамда бирга яшаб келган шахсларга, қарамоғида бўлиб келган меҳнатга яроқсиз шахсларга берилади. Иш ҳақини тўлаш ходим ишлаётган жойда (объектда) 2 Қаранг : Ўзбекистон Республикаси Меҳнат Кодексининг 161-моддаси. 3 Қаранг : Ўзбекистон Республикаси Меҳнат Кодексининг 153-моддаси иккинчи қисмига қўшимча киритиш ҳақидаги 2001 йил 30 августдаги Қонун. Ўзбекистон Республикаси Қонун ҳужжатлари. 2001, № 18, 150-модда. 4 Қаранг : «Халқ сўзи», 2002 йил 20 март.

www.arxiv.uz амалга оширилади ва уларни иш ҳақи олиш учун бошқа ердаги корхонанинг идорасига боришга мажбур қилиш мумкин эмас. Иш ҳақи алоқа муассасалари орқали пул кўчириш (перевод қилиш) йўли билан тўланганида почта орқали жўнатишга оид барча харажатлар иш берувчи ҳисобидан қопланиши лозим. Ходимнинг ойлик иш ҳақидан одатда унинг ёзма розилигисиз ушлаб қолишликка йўл қўйилмайди. Аммо қонун ҳужжатларида бевосита назарда тутилган ҳолларда унинг муайян пул мажбуриятлари унинг розилигисиз ҳам унга тўланиши лозим бўлган сумма ҳисобидан ушлаб қолиш йўли билан ижро этилиши мумкин. Ўзбекистон Республикаси Меҳнат Кодексининг 164-моддасига мувофиқ ходимнинг розилигидан қатъи назар қуйидагилар унинг меҳнат ҳақидан ушлаб қолинади: Ўзбекистон Республикасида ўрнатилган солиқлар ва бошқа мажбурий тўловларни ундириш; Суднинг қарорлари ва бошқа ижро ҳужжатларини ижро этиш учун; Иш ҳақи ҳисобига берилган авансни ушлаб қолиш учун, хўжалик эҳтиёжларига, хизмат сафарларига ёки бошқа жойда ишлашга ўтганлиги муносабати билин берилган бўлиб, сарф қилинмай қолган ва ўз вақтида қайтарилмаган авансни ушлаб қолиш учун ҳамда ҳисоб-китобдаги хатолар натижасида ортиқча тўланган суммани қайтариб олиш учун. Бундай ҳолларда иш берувчи авансни қайтариш ёки қарзни тўлаш учун белгиланган муддат тамом бўлган кундан ёки ҳақ тўлаш нотўғри ҳисобланган кундан бошлаб бир ойдан кечиктирмасдан аванс ёки қарзни ушлаб қолиш ҳақида фармойиш беришга ҳақлидир. Агар бу муддат ўтиб кетган бўлса ёки ходим хўжалик эҳтиёжлари учун, хизмат сафари ёхуд бошқа жойдаги ишга ўтиши муносабати билан берилган аванснинг ушлаб қолинишини ёки миқдорини нотўғри деб ҳисобласа, у ҳолда қарз суд тартибида ундирилади; Ўз ҳисобидан ходим таътил олиб бўлган ва иш йили тугамасдан туриб меҳнат шартномаси бекор қилинганда, таътилнинг ишланмаган даврга тегишли кунлари учун. Ана шу кунлар учун меҳнат шартномаси ушбу

www.arxiv.uz Кодекс 89-модасининг тўртинчи қисми, 100-моддаси, иккинчи қисмининг 1 ва 2-бандларида, 106-моддасининг 1 ва 2-бандларида кўрсатилган асосларга кўра, шунингдек ўқишга кирганлиги ёки пенсияга чиққанлиги муносабати билан бекор қилинганда ҳақ ушлаб қолинмайди; Ходим томонидан иш берувчига етказилган зарарни қо плаш учун, агар етказилган зарарнинг миқдори ходимнинг ўртача ойлик иш ҳақидан ортиқча бўлмаса; Ушбу Кодекснинг 181-моддаси, биринчи қисмининг 2-бандида назарда тутилган жарималарни ундириш учун. Иш ҳақини ҳар гал тўлаш вақтида ушлаб қолинадиган ҳақнинг умумий миқдори ходимга тегишли бўлган меҳнат ҳақининг эллик фоизидан ортиб кетмаслиги лозим. Ходимдан ушлаб қолиниши керак бўлган сумма унга тўланиши лозим бўлган меҳнат ҳақининг 50 фоизидан ортиқ бўлган ҳолларда иш берувчи ортиқча суммани ундириб олиш юзасидан судга мурожаат қилиши лозим. Иш ҳақидан ушлаб қолиш асоси ёки ушлаб қолинган сумма миқдоридан норози бўлган ходим ушлаб қолишнинг қонунийлиги юзасидан умумий асосларда судда даъво қўзғаши мумкин. Кейинги пайтларда Ўзбекистон Республикаси ҳудудида ҳўжалик фаолияти юритаётган чет эл корхоналари ҳамда чет эл сармояси иштирок этган бошқа корхоналарда ходимларга и ш ҳақи тўлашга оид қонунчиликни бузилаётганлиги, бажарилган иш ҳажмини сунъий равишда пасайтириб акс эттириш йўли билан тежаб қолинган маблағлар ҳисобига ходимларга иш ҳақи тўлаш амалга оширилаётганлиги, бу нарса биринчидан, иш ҳақи тўлаш борасида адолатсизликни юзага келишига, иккинчидан корхонанинг ҳақиқий даромадлари тўлиқ акс эттирилмаслиги туфайли солиқ қонунчилиги талаблари қўпол бузилаётганлиги қайд этилди. Ушбу нормал бўлмаган ҳолни бартараф этишлик учун зарур чоралар кўрилди 5 . 5 Қаранг : Ўзбекистон Республикаси Вазирлар Маҳкамасининг 2000 йил 19 августдаги 326-сонли «Хорижий сармоялар қатнашган корхоналарда меҳнатга ҳақ тўлашни тартибга солиш чоралари тўғрисида»ги қарори ва Ўзбекистон Республикаси Адлия вазирлигида 2000 йил 29 сентябрда 975-рақам билан рўйхатга олинган шу ҳақдаги Низом.

Похожие

Назорат тартибида иш юритиш

Иш бажариш соҳасидаги тадбиркорлик

Аҳолини иш билан таъминлаш

Кассация инстанцияси судида иш юритиш

Иш вақти ва дам олиш вақти