Fuqarolik ishlarini sudda ko`rishga tayyorlash - Юриспруденция - Рефераты

Fuqarolik ishlarini sudda ko`rishga tayyorlash

Загружено в:

20.09.2019

Скачано:

0

Размер:

53 KB

Reja: 1.Ishlarni sudda ko`rishga tayyorlash va uning ahamiyati 2.Ishni sudda ko`rishga tayyorlashda sudyaning protsessual harakatlari 3. Sud xabarlari va chaqiriqlari

Ishlarni sudda ko`rishga tayyorlash va uning ahamiyati Fuqarolik ishlarini sudda ko`rishga tayyorlashdan maqsad FPKning 158- moddasida ko`rsatilganidek, ishning o`z vaqtida va to`g`ri hal qilinishini ta`minlashdir. Fuqarolik ishlarini sudda ko`rishga tayyorlash fuqarolik protsessining mustaqil va muhim bosqichi bo`lib fuqarolik xukukiy nizolarning mumkin qadar tezlashtirib, to`la va har tomonlama ko`rilishi va hal qilinishini ta`minlash maqsadlarida o`tkaziladi. O`zbekiston Respublikasi Oliy sudi fuqarolik ishlari bo`yicha sud organlarining amaliyotini yakunlab, fuqarolik ishlarini ba`zi sudlarda juda sustlik bilan hal qilinishini, ishlarning ko`rilishi ko`p marotaba qoldirilishini yuqori sud instansiyasi tomonidan qarorlarning qayta-qayta bekor qilinishi tufayli bir ishning o`zi bir suddan boshqasiga bir necha martaba o`tkazilishini va shu kabi boshqa kamchiliklar Plenum qarorlarida ko`rsatib o`tilgan. Fuqarolik ishilarini sudda ko`rishga tayyorlashdan qonun bilan belgilangan talablarning sudlar tomonidan bajarilmasligi O`zbekiston Respublikasi Oliy sudi Plenumining 1998 yil 4 sentabr «Bolalar tarbiyasi» bilan bog`liq bo`lgan nizolarni hal qilishda sudlar tomonidan qo`llash amaliyoti to`g`risida»gi qarori; O`zbekiston Respublikasi Oliy sudi Plenumining 1998 yil 11 sentabrdagi «O`zbekiston Respublikasi sudlari tomonidan nikohdan ajratish haqidagi ishlarni ko`rishda qonunlarni qo`llash amaliyoti to`g`risida»gi va x.k. sudda ishlari bo`lgan fuqarolar va tashkilotlarning sarson bo`lishlariga va huquqlari hamda qonuniy manfaatlarining o`z vaqtida va lozim darajada himoya qilinmasligiga olib kelishi mumkin.1 O`zbekiston Respublikasi Oliy sudi Plenumlari fuqarolik ishlari sudda ko`rilishi uchun to`la va har tomonlama tayyorlanganidan so`nggina tayinlanishi lozimligi to`g`risida ko`rsatma berdi.2 Sudga tayyorlash ishlarini olib borishda sudyalarning faoliyatida nukson, kamchilik bo`lmasligi kerak. Ish ko`rilishining sifati, fuqarolik protsessining tez va

aniq bo`lishligi ko`p dara-jada fuqarolik ishlarini sudda to`g`ri tayyorlashga bog`liqdir. Ishlarni sudda ko`rishga tayyorlashda muayyan fuqarolik ishlarining turkumlari (kategoriyalari), ularning xususiyatlari, shuningdek aniq nizoning turi e`tiborga olinadi, chunki bir xil turkumdagi ishlarni tayyorlashda bajarilishi lozim bo`lgan protsessual harakatlar boshqa turdagi ishlarni ko`rish uchun tayyorlashda bajarilishi talab qilinmasligi mumkin. Chunonchi: mehnat bilan O`zbekiston Respublikasi Oliy sudining Axborotnomasi. 1997 yil. 3-son 32 bet. nizolarini ko`rishga tayyorlashda qilinadigan harakatlar aliment undirish to`g`risidagi ishlarni sudda ko`rishga tayyorlashdan farq qiladi. Sud amaliyotini umumlashtirish shuni ko`rsatadiki, deb qayd qiladi. O`zbekiston Respublikasi Oliy sudi «Sudlar tomonidan nikohdan ajratish haqidagi ishlarni ko`rishda qonunlarni qo`llash amaliyoti haqida»gi 1998 yil 11 sentabrdagi Plenum qarorida ishni sudda ko`rishga puxta tayyorlash zarurligi sudlarning e`tiborini qaratilishi, sudya tomonidan FPKning ishni sudga tayyorlash haqidagi moddalariga muvofiq olib borilishi lozim bo`lgan barcha tayyorgalik harakatlari ajrimda o`z aksini topishi lozimligi ko`rsatilgan.1 Bulardan tashqari sudya nikohdan ajratish haqidagi arizani qabul qilib, odatda javobgarni chaqirishi, uning ushbu arizaga munosabatini aniqlashi, er-xotinni yarashtirish choralarini ko`rishi, qolaversa sudya taraflarning har biri bilan alohida, shuningdek, ularning har ikkalasi bilan birgalikda oilani saqlab qolish masalasida suhbat o`tkazishi lozimligi hamda ishni sudda ko`rishga tayyorlash jarayonida sudya er-xotin o`rtasida sud tomonidan hal etiladigan boshqa nizoli masalalar bor- yo`qligini aniqlashligi, qanday talablar nikohdan ajralish haqidagi da`vo bilan birgalikda ko`rilishi mumkinligini tushuntirishi, taraflar o`rtasida muqaddam nikohdan ajralish haqida ish bo`lgan-bo`lmaganligini aniqlashligi, agar bunday ish bo`lsa, taraflarning haqiqiy munosabatlarini aniqlash maqsadida, sud majlisida ko`zdan kechirish uchun chaqirishi ham belgilangan (Plenum qarorining 12- bandi).1 Fuqarolik ishlarini sudda ko`rishga tayyorlash to`g`risida N.M.Gurbatov tahriri ostida chiqarilgan kitobda sudda ko`riladigan fuqarolik ishlari (da`volari) yigirma

sakkiz turkumga bo`linib, ularning har qaysilari bo`yicha sudga qanday hujjatlar, dalillar keltirilishi zarurligi, ishni hal qilishda qo`llaniladigan huquqiy normalar ko`rsatilgan.2 Fuqarolik ishi sudda mazmunan ko`rilgunga qadar da`vogar o`z manfaatlarini himoya qilish uchun zarur bo`lgan barcha ishlarni bajargan, hamma dalillarni keltirgan bo`lsa, javobgar ham, da`voga qarshi e`tirozlarini sudga ko`rsatgan bo`lsa, shuningdek e`tirozlarni asoslash uchun topshirilishi mumkin bo`lgan dalillar keltirilganidek, shuningdek ishni ko`rish uchun tayyorlash yuzasidan barcha protsessual harakatlar sudya tomonidan qilinganidan so`nggina yetarli darajada tayyorlangan bo`lib hisoblanadi. Agar taraflar o`rtasidagi nizo sudning bir majlisidayok hal qilish uchun qiyin bo`lmasa, da`vogar esa o`zining barcha talablarini to`g`ri bayon etgan bo`lsa va ularni asoslash uchun zarur dalillarni keltirilgan bo`lsa, bu holda sudya da`vogarning huzurida ishni ko`rish vaqtini belgilash bilan hamda bu to`g`rida ishda ishtirok etuvchi boshqa shaxslarni xabardor qilish bilangina chegaralanadi. Ammo bunday holda ham sudya ishni sudda ko`rish uchun ma`lum darajada tayyorgarlik ko`rishi lozim. Bunday tayyorgarlik da`vogardan ariza qabul qilishdan, qator masalalar bo`yicha suhbatlashishdan iborat bo`ladi. Shuning o`zi bilan sudya FPKning 158-moddasida ko`rsatilgan harakatlardan birini bajargan bo`ladi. O`zbekiston Respublikasi Oliy sudi Plenumlarining bergan tushuntirishlari barcha fuqarolik ishlari bo`yicha ishni sudda ko`rishga tayyorlash majburiy bo`lishligi aytiladi.1 Ishni sud majlisida ko`rilishiga tayyorlash barcha hollarda (protsessual harakatlarning hajmi va murakkabligidan qat`iy nazar) o`tkaziladi va fuqarolik protsessining har qanday bosqichi kabi maxsus rasmiylashtiradi. FPKning 158-moddasida belgilanishicha, sudya fuqarolik ishini sudda ko`rish uchun tayyorlashga bu to`g`rida ariza qabul qilganidan so`nggina kirishadi. Binobarin, arizani qabul qilmasdan avval sudda keyinchalik ko`riladigan ishlar yuzasidan ba`zi harakatlar qilinishi (chunonchi, biron-bir hujjatlar, dalillar talab

qilib olinishi) qonunga xilof bo`ladi. Ammo sudya da`vo arizasini qabul qilishdan avval fuqarolik ishini sudda qo`zg`atish uchun zarur bo`lgan ma`lumotlarni da`vogardan so`rab olishi mumkin. Ishni sudda ko`rishga tayyorlash uchun kirishish rasmiy ravishda bu to`g`rida sudya tomonidan ajrim chiqarilganidan so`ng, ya`ni ishni sud majlisida ko`rish uchun tayinlashdan avval boshlanadi.Sudya tomonidan chiqarilgan ajrim ishni tayyorlash uchun rasmiy ravishda kirishilganini va tamomlanishinigina bildirsa ham, ammo ishni ko`rishga oid ba`zi harakatlar oldin ham, keyinchalik ham qilinishi mumkin, chunonchi, da`vogarning nizoni hal qilish uchun hakamlar sudiga murojaat qilishga huquqli bo`lishi to`g`risida tushuntirishlar berish yuzasidan sudyaning qilgan harakatlari da`vo arizasi qabul qilinganga qadar ham bo`lishi mumkin. Fuqarolik ishining sudda ko`rilishiga oid harakatlar keyinchalik sud ishi boshlanganidan so`ng ham ishning ko`rilishi boshqa vaqtga qoldirilganida ham yoinki yuqori sudning ko`rsatmasi bo`yicha ham qilinishi mumkin. Ishni sudda ko`rishga tayyorlashda sudyaning protsessual harakatlari Fuqarolik ishlarini sud ko`rishga tayyorlash yuzasidan qilinadigan protsessual harakatlarning mazmuni qonunda belgilangan, jumladan, FPKning 159-moddasida sudya da`vo talablari bilan sudga murojaat qilganda; 1) da`vogarni arz qilgan talablarining mazmuni bo`yicha so`roq qiladi, undan javobgar tomonidan qilinishi extimol bo`lgan e`tirozlarni aniqlaydi va agar zarur bo`lsa, qo`shimcha dalillar taqdim etishni da`vogarga taklif qiladi. Undan keyin esa javobgarning da`voga bo`lgan munosabatini aniqlashga kirishib, quyidagi harakatlarni amalga oshirishi lozim;

2) zarur bo`lgan hollarda javobgarni chaqiradi, ishning holatlari bo`yicha uni so`roq qiladi, uning da`voga qarshi qanday e`tirozlari qanday dalillar bilan isbotlanishi mumkinligini aniqlaydi, shuningdek unga da`vogarning talablarini tan olish yoxud qarshi talablar taqdim etish huquqiga ega ekanligini tushuntiradi, alohida murakkab ishlar bo`yicha esa, ish yuzasidan javobgarga yozma bayonotlar taqdim etishni tushuntiradi. Bulardan tashqari ishni sudda ko`rishga tayyorlash bo`yicha yana boshqa FPKning 160-moddasida belgilangan harakatlarni bajaradi, jumladan: 1. ishga uchinchi shaxsning jalb etilishi yoki kirishishi to`g`risidagi masalani hal qiladi va ishda ishtirok etishga yo`l qo`yilgan uchinchi shaxslarni shu 159- moddaga muvofiq so`roq qiladi;1 2. ishni ko`rishda vakillarning qatnashishi masalasini hal etadi; 3. ishda prokurorning ishtiroki masalasini va tegishli davlat boshqaruv idoralarini protsessda qatnashishga jalb etish masalasini hal qiladi; 4. ishda qatnashishga jalb qilinmagan tashkilot yoki ayrim fuqaroning ishning oqibatidan manfaatdorligi aniqlansa, yuritilayotgan ish to`g`risida va uni ko`rish vaqti haqida ularga, shuningdek prokurorga xabar qiladi; 5. guvohlarni sud majlisiga chaqirish masalasini yoki ularni FPKning 72- moddasida nazarda tutilgan tartibda so`roq qilish masalasini hal qiladi; 6. tashkilotlar yoki fuqarolardan yozma va ashyoviy dalillarni talab qilib oladi yoki ishda ishtirok etuvchi shaxslardan shu dalillarni sudga keltirib berish uchun ularga talabnoma beradi; 7. ishda ishtirok etuvchi shaxslarning fikrlarini hisobga olib, ekspertiza tayinlash va mutaxassis talab qilish masalasini hal qiladi; 8. kechiktirib bo`lmaydigan hollarda ishda ishtirok etuvchi shaxslarni xabardor qilib, joyda ko`zdan kechirish o`tkazadi; 9. boshqa sudlarga sud topshirig`ini yuboradi; 10. ishda ishtirok etuvchi shaxslarga ularning protsessual huquq va majburiyatlarini tushuntiradi.

Masalan, Respublika Oliy sudining 1997 yil 2 maydagi Plenum qarorida tayyorlov harakatlriga alohida e`tibor berib, turar joylarni xususiylashtirish bilan bog`liq bo`lgan masalalarni ko`rishda turar joylarni xususiylashtirishga rozilik bergan oila a`zolari o`rtasidagi nizolar bo`yicha ishni sud majlisida ko`rishga tayyorlash bosqichida sudlar tuman (shahar) ichki ishlar boshqarmalaridan nizoli uyda ro`yxatda bo`lganliklari haqidagi ma`lumotni hamda shu xonadonda yashagan barcha shaxslar imzo kuygan va hokimiyatda saqlanadigan xususiylashtirishni so`rab yozgan arizani va nizoni to`g`ri hal etish uchun ahamiyatli bo`lgan boshqa tegishli hujjatlarni talab qilib olishlari zarurligi ta`kidlangan.1 Ishni sudga tayyorlash tegishli harakatlarni qilish to`g`risidagi ajrimni sudyaning yolgiz o`zi ishda ishtirok etuvchi shaxslarni chaqirmasdan va bu ajrim ustidan kassatsion shikoyatdan alohida tarzda shikoyat qilinmaydi. Yuqorida ko`rsatilgan harakatlar sudyaning shaxsan o`zi tomonidan qilinsa ham, ammo ular sud nomidan amalga oshiriladi. Ishni sudda ko`rishga tayyorlash yuzasidan amalga oshiriladigan harakatlar sudya tomonidan amalga oshiriladi. Boshqa sudning topshirig`ini bajarish tartibida qilinadigan harakatlar shu tarzda sudya tomonidan bajariladi. Sudya har holda ishning bir sud majlisida ko`rilib, hal kilinishi uchun barcha tayyorgarlikni ko`radi. U shu maqsadda taraflarning protsessual huquq va burchlarini to`la tushuntirishga, ba`zi fuqarolik ishlarining, chunonchi, turar joydan foydalanish, mulkni taqsimlash va shu kabi boshqa da`volarning o`zaro kelishuv bo`yicha tamomlanishi mumkinligini tushuntirishga harakat qiladi.1 Sudya ishning mazmuni bo`yicha to`g`ri hal etilishida yordam ko`rsatadigan guvohlarnigina sud majlisiga chaqiradi. Ba`zan bu tartibga rioya qilmaslik hollari ham uchraydi. O`zbekiston Respublikasi Oliy sudi Plenumining «Sud protsesslarining tashkil etilishini yaxshilash, ularning madaniy o`tkazilishi va faoliyatining tarbiyaviy ta`sirchanligini kuchaytirish to`g`risida»gi ayrim sudlarda ko`riladigan ishning holatlari to`g`risida hech qanday ma`lumotlar bera olmaydigan guvohlarni chaqirishlari va shu vaqtning o`zida ish holatlarini to`la va

holisona ravishda tekshirishlari uchun darhaqiqat zarur bo`lgan guvohlarning hozir bo`lishlarini ta`minlash uchun tegishli choralar ko`rmasliklari aytilgan. Ba`zi hollarda ishning sudda ko`rilishiga qadar ishni sudda ko`rishga tayyorlash bilan bog`liq bo`lmagan boshqa harakatlarni ham qilishga to`g`ri keladi. Chunonchi sudya da`voni ta`minlash to`g`risidagi masalani (FPKning 248- moddasi), sud xarajatlarini to`lashdan ozod qilish masalasini (110-modda), ularni bo`lib-bo`lib to`lash va mikdorini kamaytirish to`g`risidagi masalani (111-modda) va FPKda nazarda tutilgan boshqa ba`zi masalalarni ishning sudda ko`rilishiga qadar hal qiladi. O`zlari uchun zarur bo`lgan dalillarni keyinchalik taqdim etish mumkin bo`lmay qoladi yoki qiyinlashadi deyishga asosi bo`lgan shaxslar ariza berishidan oldin ham, keyin ham sudyadan bu dalillarni ta`minlashni iltimos qilishlari mumkin (FPKning 61-moddasi). Xorijiy davlatlarning organlarida ish yuritish uchun zarur dalillar bilan ta`minlash davlat notarial idoralari tomonidan amalga oshiriladi. Dalillarni ta`minlash to`g`risidagi ariza dalillarni ta`minlash bilan bog`liq protsessual harakatlar amalga oshirilishi kerak bo`lgan hududda faoliyat olib borayotgan sudga beriladi. Arizada ta`minlanishi zarur bo`lgan dalillar, bu dalillar bilan tasdiqlanishi kerak bo`lgan holatlar, dalillarni ta`minlash to`g`risida arizachini iltimos bilan murojaat qilishga undagan sabablar, shuningdek ta`minlanadigan dalillar zarur bo`lgan yoki ularni keyinchalik kerak bo`lib qolishi mumkin bo`lgan ish kursatilishi kerak. Sud xabarlari va chaqiriklari

Fuqarolik ishida ishtirok etuvchi shaxslarning huquqlarini himoya qilish, shuningdek boshqa shaxslarning manfaatlarini qo`riqlash maqsadlarida sudda ishtirok etuvchi shaxslar, ishning ko`rilishi joyi, vaqti to`g`risida xabardor qilinadilar. Ishda ishtirok etuvchi shaxslar va vakillarning ishning ko`rilishi vaqti va joyi to`g`risida xabardor qilinmasliklari keyinchalik ishning kassatsion yoki nazorat tartibida ko`rilishida bekor qilinishi uchun asos bo`ladi (FPKning 313-314- moddalari). Ishda ishtirok etuvchi shaxslar, shuningdek guvohlar, ekspertlar, mutaxassislar va tarjimonlar sudga chaqiruv xatlari, zarur hollarda esa telegrammalar va telefonogrammalar orqali chaqiriladilar va sudning ayrim protsessual harakatlari to`g`risida xabardor qilinadilar. Sudya chaqiruv xati bilan bir vaqtda javobgarga arizasining va arizaga ilova qilingan hujjatlarning nusxalarini ham yuboradi. Agar javobgar sudga yozma bayonot bergan bo`lsa, sudya uning nusxasini murojaat qilgan manfaatdor shaxsga chaqiruv xati bilan yuboradi. Sudga chaqiruv xati ishda ishtirok etuvchi shaxslarga va ularning vakillariga shunday hisob bilan yuborilishi kerakki, ularning sudga o`z vaqtida yetib kelishlari va ishga tayyorlanishlari uchun yetarli fursatlari bo`lsin.1 FPKning 132-140-moddalarida sudyaning chaqiruv xatining mazmuni, chaqiruv xatini topshirish muddati, bu xatni yetkazib berish va topshirish, umuman sud xabarlari va chaqiriklariga oid asosiy qoidalar belgilangan. Sudga chaqiruv xatida quyidagilar ko`rsatilishi lozim: 1) sudning nomi va aniq manzili; 2) kelish joyi va vaqti; 3) shaxs qanday ish yuzasidan chaqirilayotganligi; 4) shaxsning kim tariqasida chaqirilayotganligi; 5) ishda ishtirok etuvchi shaxslarga ish bo`yicha ularda bo`lgan hamma dalillarni taqdim etish to`g`risidagi taklif; 6) chaqiriluvchining shaxsan o`zi bo`lmaganligi sababli chaqiruv xatini qabul qilib olgan shaxsning birinchi imkoniyat bo`lishi

bilan uni chaqiriluvchiga topshirish majburiyati; 7) sudga kelmaslik (FPKning 86, 174, 175, 176-moddalari) oqibatlari ko`rsatiladi. Chaqiruv xati chiqarilayotgan shaxsga taraf yoki ishda ishtirok etuvchi boshqa shaxs tomonidan xatda ko`rsatilgan manzil bo`yicha yetkazib beriladi. Agar sudga ma`lum qilingan manzilda fuqaro yashamasa, chaqiruv xati uning ishlash joyiga yuborilishi mumkin. Chaqiruv xati topshirilganligi to`g`risida tilxat olish yo`li bilan, pochta orqali yoki xat tashuvchi orqali ham yuboriladi. Sudya ishda ishtirok etuvchi shaxsning roziligi bilan unga ish bo`yicha chakarilayotgan boshqa shaxsga topshirish uchun chaqiruv xati berishi mumkin. Sudya tomonidan chaqiruv xatini yetkazib berish topshirilgan shaxs chaqiruv xatining ikkinchi nusxasini chaqiruv xatini olganligi to`g`risida manzilda yashovchiga kul qo`ydirib, sudga qaytarishga majbur. Chaqiruv xati fuqarolarga chaqiruv xatining qaytariladigan ikkinchi nusxasiga shu xatni olgan vaqtni ko`rsatib, kul qo`ydirilgan holda shaxsga topshiriladi. Korxonalar, muassasalar, jamoat birlashmalari, tashkilotlar nomiga yozilgan xati tegishli mansabdor shaxsga chaqiruv xatining ikkinchi nusxasiga kul qo`ydirib topshiriladi. Agar chaqiruv xatini olib borgan shaxs ish bo`yicha chiqarilayotgan fuqaroning yashash yoki ishlash joyida topmasa, chaqiruv xati u bilan birga yashaydigan oila a`zolarining katta yoshdagilaridan birortasiga, ular ham bo`lmaganda, o`zini-o`zi boshqarish idorasiga yoki ish joyi ma`muriyatining mansabdor shaxsiga topshiriladi. Ko`rsatilgan hollarda chaqiruv xatini qabul qilib olgan shaxs uning ikkinchi nusxasida o`zining familiyasi, ismi, otasining ismini, fuqarolarga munosabatini (eri yoki xotini, otasi, onasi, o`g`li, qizi va hokazo ekanligini) yoki ishlaydigan vazifasini ko`rsatishga majbur. Chaqiruv xatini qabul qilib olgan shaxs uni birinchi imkoniyat bo`lishi bilan kechiktirmasdan chaqiriluvchiga topshirilishi kerak.

Chaqiriluvchi vaqtincha biror joyga ketgan bo`lsa, chaqiruv xatini keltirgan shaxs uning ikkinchi nusxasini chaqiriluvchi kayokka ketganligi va qachon kelishi kutilishi to`g`risida yozib qo`yadi. Bu ma`lumotlar tegishli fuqarolarning o`zini-o`zi boshqarish idoralari yoki chaqiriluvchining ishlash joyidagi ish beruvchi (ma`muriyat) vakilining imzosi bilan tasdiqlanishi va guvohlantirilishi lozim. Sudning chaqiruv xatini chaqirilgan shaxs olishdan bosh tortsa, chaqiruv xatini olib kelgan shaxs bu to`g`rida chaqiruv xatiga yozib, uni sudga topshiradi. Chaqiruv xatini olishdan bosh tortganlik haqidagi yozuv fuqarolarning o`zini-o`zi boshqarish idoralari yoki chaqiriluvchining ish joyidagi ish beruvchi (ma`muriyati) yoxud kamida ikkita fuqarolarning imzosi bilan tasdiqlanadi. Chaqiruv xatini qabul qilishda bosh tortish ishni ko`rishga to`sqinlik qilmaydi. Ishda ishtirok etayotgan shaxslar ish yuritilayotgan vaqtda o`z manzili o`zgargani haqida sudga ma`lum qilishlari lozim. Aks holda chaqiruv qog`ozi sudga ma`lum bo`lgan oxirgi manzil bo`yicha yuboriladi va chaqiriluvchi bu manzilda yashamayotgan bo`lsada, chaqiruv qog`ozi unga topshirilgan hisoblanadi. Javobgarning haqiqiy turadigan joyi noma`lum bo`lgan taqdirda javobgarning ma`lum bo`lgan oxirgi turar joyidagi pochta bo`limi, fuqarolarning o`zini-o`zi boshqarish idoralari yoxud uning oxirgi ish joyidagi ish beruvchi (ma`muriyat)ning mansabdor shaxsiga chaqiruv xatining ikkinchi nusxasiga chaqiruv xati olinganligi va chaqiriluvchining qayerda ekani noma`lumligi sababli uni topshirish mumkin emasligi haqida yozib yuborgan ma`lumot sudga kelib tushgach sud ishni ko`rishga kirishadi. Aliment undirish haqidagi, mayib bo`lish yoki sog`liqka boshqacha shikast yetishi, shuningdek boquvchisining o`limi natijasida kelgan zararlarni qoplash haqidagi da`volar bo`yicha javobgarning haqiqiy yashab turgan joyi noma`lum bo`lsa, javobgarni qidirish majburiydir. Yuqorida ko`rsatilgan hollarda sud javobgarni ichki ishlar idoralari orqali qidirtirish to`g`risida ajrim chiqaradi.

Похожие

Fuqarolik ishlarini sudda ko`rishda protsessual muddatlar, ularga rioya qilmaslik oqibatlari

Mehnat ishlarini sudda qo'zg'atishning o'ziga xos xususiyatlari

Mehnatga oid nizoli ishlarni sudda ko'rishga tayyorlash

Mehnatga oid nizolarni sudda ko`rishning protsessual xususiyatlari

Mehnat ishlari bo'yicha isbotlash va dalillar