Fermer xujaligining xuquqiy holati - Юриспруденция - Рефераты

Fermer xujaligining xuquqiy holati

Загружено в:

20.09.2019

Скачано:

0

Размер:

136 KB

Fermer xujaligining xuquqiy holati Reja: 1. Fermer xo‘jaligi tushunchasi, vujudga kelish asoslari va tartibi. 2. Fermer xujaligining yerdan foydalanish xukuki. 3. Fermer xujaligi faoliyatini xukukiy tartibga solish. 4. Fermer xo‘jaligi faoliyatini qayta tashkil etish, tugatish asoslari va tartibi. Республикамиз қишлоқ хўжалигида олиб борилаётган аграр сиёсат

қишлоқда чинакам мулкдорлар синфини шакиллантириш орқали қишлоқ аҳолисини турмуш даражасини яхшилашга қаратилган . Мамлакатимиз қишлоқ хўжалигидаги иқтисодий муносабатларни халқимиз манфаатларини кўзлаб ва бозор иқтисодиёти талаблари асосида босқичма-босқич ислоҳ қилиш аграр сиёсатнинг асосий йўналиши ҳисобланади. Ўтказилаётган аграр сиёсатда фермер хўжаликларини ташкил этиш ва ривожлантириш масаласининг устуворлиги ўрнатилди. Жумладан, Ўзбекистон Республикаси Президентининг « Қ ишлоқ хўжалигида ислоҳотларни чуқурлаштиришнинг энг муҳим йўналишлари тўғрисида» 1 2003 йил 24 мартдаги ПФ-3226 сон фармони «Қишлоқ хўжалигида иқтисодий ислоҳотларни янада чуқурлаштириш, қишлоқда ишлаб чиқариш муносабатларини такомиллаштириш, қишлоқ хўжалик ишлаб чиқаришини бошқаришнинг бозор тамойилларига мос келадиган ташкилий тузилмасини тадбиқ этиш, қишлоқ хўжалик маҳсулотлари ишлаб чиқарувчиларининг мустақиллигини кенгайтириш ҳамда уларнинг ишончли ҳуқуқий муҳофазасини таъминлаш мақсадида… истиқболда асосий қишлоқ хўжалик маҳсулоти ишлаб чиқарувчи субъект бўлиб қоладиган фермер хўжаликларини ривожлантиришни устувор йўналиш сифатида» белгилади. Ва Республикада фермер хўжаликларини ривожлантириш учун шарт-шароитлар яратишни кўзда тутувчи консепция ишлаб чиқилди. Ўзбекистон Республикаси Президентининг «2004-2006 йилларда фермер хўжаликларини ривожлантириш концепцияси тўғрисида» 2 ги 2003 йил 27 октябрдаги ПФ-3342 сонли фармони, Ўзбекистон Республикаси Вазирлар Маҳкамасининг 2003 йил 30 октябрдаги «2004-2006 йилларда фермер хўжаликларини ривожлантириш концепциясини амалга ошириш чора-тадбирлари тўғрисида» 3 ги 476- сон қарори, Ўзбекистон Республикаси Президентининг "2005-2007 йилларда фермер хўжаликларини жадал ривожлантиришга қаратилган таклифлар тайёрлаш бўйича махсус комиссия 1 "Ўзбекистон Республикаси қонун ҳужжатлари тўплами", 2003 й., 5-6-сон, 46-модда. 2 Қишлоқ хўжалигида иқтисодий ислоҳатларни чуқурлаштириш асослари. Т.; “Фан”., 2003, 12-б. 3 Ўша манба. 41-бет.

тузиш тўғрисида" 4 2004 йил 4 ноябрдаги Ф-2069-сон Фармойиши, Ўзбекистон Республикаси Вазирлар Маҳкамасининг 2004 йил 24 декабрдаги № 607 «2005-2007 йилларда фермер хўжаликларини жадал ривожлантириш чора-тадбирлари тўғрисида 5 »ги қарорларида яқин йилларда фермер хўжаликлари барқарор ривожланишини таъминлашнинг асосий йўналишлари белгилаб берилди. Демак, айтишимиз мумкин-ки, фермер хўжаликларини ривожлантириш давлатимиз аграр сиёсатининг устувор йўналиши сифатида қолаверади. Кишлок хужалиги ишлаб чикариш тадбиркорлик субъектлари таркибида фермер хужаликлари салмо қ ли ўринни эгаллайди. Узбекистон Републикасининг 1998 йил 30 апрелда кабул килинган “Фермер хужалиги тугрисида”ги конун (Мазкур қонуннинг янги таҳрири ЎзР 26.08.2004 й. 692- ii-сон қонуни билан тасдиқланган 1 ) унинг хукукий холатини белгилашда асосий хужжат ҳисобланади. Ушбу конуннинг 3-моддасига асосан, фермер хўжалиги ижарага берилган ер участкаларидан фойдаланган ҳолда қишлоқ хўжалиги товар ишлаб чиқариши билан шуғулланувчи, мустақил хўжалик юритувчи субъектдир. Фермер хужалиги ташкил этиш шартлари конунда аник кўрсатиб берилган. Қонуннинг 5-моддасига кўра, Фермер хўжалиги аксарият ҳ олларда орти қ ча ме ҳ нат ресурслари бўлмаган ерларда ва ҳ удудларда ташкил этилади. Фермер хўжалиги хўжалик бошлиғи томонидан, хўжаликка алоҳида мол-мулк ажратиб бериш ва уставини тасдиқлаш йўли билан ташкил этилиши қонуннинг 6-моддасида баён этилган. Қонуннинг 4-моддасида эса, ўн саккизга тўлган, қишлоқ хўжалигида тегишли малака ва иш тажрибага эга бўлган шахслар фермер бўлиши мумкин. Чорвачилик маҳсулотлари етиштиришга ихтисослашган фермер хўжалиги камида 30 шартли бош чорва моли бўлган тақдирда ташкил этилади. Фермер хўжалигига бериладиган ер участкаларининг энг кам 4 "Ўзбекистон Республикаси қонун ҳужжатлари тўплами", 2004 йил, 52-сон. 5 "Ўзбекистон Республикаси қонун ҳужжатлари тўплами", 2004 йил, 5 2-сон, 521-модда. 1 "Ўзбекистон Республикаси қо нун ҳ ужжатлари тўплами", 2004 йил, 40-41-сон, 433-модда.

ўлчами бир шартли бош чорва молга ҳисобланганда Андижон, Наманган, Самарқанд, Тошкент, Фарғона ва Хоразм вилоятларидаги суғориладиган ерларда камида 0,30 гектарни, бошқа вилоятлар ва Қорақалпоғистон Республикасидаги суғориладиган ерларда камида 0,45 гектарни, суғорилмайдиган (лалмикор) ерларда эса камида 2 гектарни ташкил этади. Шунингдек, деҳқончилик маҳсулотлари етиштиришга ихтисослаштирилган фермер хўжаликларига ижарага бериладиган ер участкаларининг энг кам ўлчами пахтачилик ва ғаллачилик учун камида 10 гектарни, боғдорчилик, узумчилик, сабзавотчилик ва бошқа экинлар етиштириш учун камида 1 гектарни ташкил этиши кўрсатиб ўтилган. Лекин мазкур шартларнинг мавжудлиги фермер хўжалиги ташкил этиш ва фермер бўлиш учун етарли деган хулосани бермайди. Республикамизда фермер хўжалигини ташкил этиш истагида бўлган шахсларга қатъий талаблар қўйилган. Бунда Фермер хўжалиги ташкил этиш учун унинг бошлиғи белгиланган тартибда ер участкаси олиши керак бўлади. Ер участкалари фермер хўжаликларини ташкил этиш учун: захира ерлардан; юридик ва жисмоний шахсларга берилмаган қишлоқ хўжалигига мўлжалланган ерларидан; қайта ташкил этилаётган ва тугатилаётган қишлоқ хўжалиги кооперативларининг (ширкат хўжаликларининг) ва бошқа қишлоқ хўжалиги корхоналари, муассасалари ва ташкилотларининг ер участкаларидан; қишлоқ хўжалиги кооперативлари (ширкат хўжаликларининг) қамда бошқа қишлоқ хўжалиги корхоналари, муассасалари ва ташкилотларининг ер участкаларидан берилади.(Қонуннинг 10-моддаси) Ўз навбатида бу қоида фермер хўжаликларини ташкил этиш тартибини белгилайди. Қонун хужжатларига мувофиқ, Фермер хўжаликлари ташкил этиш учун ер участкалари қатъий равишда танлов асосида берилади. Бунинг учун белгиланган тартибда танловда ғолиб чиқиш лозим. Вазирлар Маҳкамасининг 2002 йил 5 январдаги 8-сон қарори билан

тасдиқланган «Қайта ташкил этилаётган қишлоқ хўжалиги корхонаси негизида фермер хўжалиги барпо этиш учун талабгорларни танлаш ва уларнинг танловини ўтказиш Тартиби» 2 ва Ўзбекистон Республикаси Қишлоқ ва сув хўжалиги вазирлигининг 2005 йил 18 ноябрдаги 237а-сон буйруғи билан тасдиқланган «Фермер хўжалигини юритиш учун ер участкаларини беришда танлов ғолибини аниқлаш тартиби тўғрисида Низом» фермер хўжаликларини ташкил этишда талабгорларни танлаш ва уларнинг танловини ўтказиш шартларини, танлов ғолибларини аниқлаш тартибини белгилаб беради. Хусусан, Низомда Ўзбекистон Республикаси Ер кодексининг 53- моддасига мувофиқ, юридик ва жисмоний шахсларга берилмаган қишлоқ хўжалиги мақсадидаги ерлардан ва (ёки) захирадаги ерлардан, қишлоқ хўжалиги кооперативи (ширкат хўжалиги) ёки бошқа қишлоқ хўжалиги корхонаси ва ташкилотининг ваколатли органи умумий мажлиси томонидан ижарага олувчини аниқламасдан ажратилган ерлардан, шунингдек, қайта ташкил этилаётган ва тугатилаётган қишлоқ хўжалиги кооперативлари (ширкат хўжаликлари)нинг ҳамда бошқа қишлоқ хўжалиги корхоналари ва ташкилотларининг ер участкаларини фермер хўжалиги юритиш учун беришда танлов ғолибини аниқлаш мезонлари ва тартиби белгиланган. Унга кўра ер участкаларини фермер хўжалиги юритиш учун беришда ерларни фермер хўжаликларига бериш бўйича танлов ўтказиш тўғрисида туман ҳокими қарор қабул қилади. Туман ҳокимининг танлов ўтказиш тўғрисидаги қарори эълон қилинади. Эълонда танловга қўйилаётган ер участкасининг ўлчами, жойлашган жойи, сифати ва бошқа тавсифлари, ташкил этилаётган фермер хўжалигининг мўлжалланаётган ихтисослашуви, танловнинг ўтказилиш вақти ва жойи кўрсатилиши лозим. Танлов уни ўтказиш тўғрисидаги қарор қабул қилинган ва эълон қилинган кундан бошлаб бир ой мобайнида ўтказилиши керак. Танловда иштирок этиш ҳуқуқига Ўзбекистон Республикасининг 2 Информационно-правовой системы « Норма » . ООО « NORMA HAMKOR » . Версия-3.. 2005 .

фуқаролари, шу жумладан фаолият кўрсатаётган фермер хўжаликларининг бошлиқлари эга. Ер участкалари бериш (сотиш) масалаларини кўриб чиқиш бўйича комиссия фермер хўжалигига ер участкалари бериш бўйича танлов ўтказади. Ер участкалари бериш тўғрисидаги ариза ташкил этилаётган хўжаликнинг бизнес-режаси ёки фаолият дастури илова қилинган ҳолда туман ҳокимига берилади. Фуқароларнинг аризаси махсус дафтарда рўйхатдан ўтказилади. Туман ҳокими ариза келиб тушган куниёқ аризани ер участкалари бериш (сотиш) масалаларини кўриб чиқиш бўйича комиссияга юборади. Танловда иштирок этиш учун қатнашувчиларни танлаш икки босқичдан иборат бўлади: биринчи босқичда ҳужжатларнинг тўлиқлиги ва мазмуни текширилади; иккинчи босқичда талабгорларнинг аризаларида баён қилинган таклифларнинг иқтисодий асосланганлиги ўрганиб чиқилади. Бунда талабгорларнинг имкониятлари 10 баллик рейтинг шкаласида баҳоланади. Бунда олган бали энг юқори балл олган талабгордан 10 баллгача ёки 10 баллга фарқ қилган талабгорлар энг юқори балл олган талабгорлар ҳисобланади ва танловда иштирок этиш учун тавсия этилади. Танлов уни ўтказиш тўғрисида эълон қилинган кундан сўнг бир ойдан кейин ўтказилади ва унда комиссия аъзолари умумий сонининг камида учдан икки қисми иштирок этгандагина ҳақиқий ҳисобланади. Танлов энг кўп ариза тушган лойиҳалар бўйича бошланиб, аризаларнинг сони камайишига қараб навбатма-навбат ўтказилади. Энг кўп якуний балл тўплаган талабгор танлов ғолиби деб комиссия раиси томонидан эълон қилинади. Комиссия якуний йиғилишининг баённомаси икки нусхада тузилиб, комиссия раиси, аъзолари ва котиби томонидан имзоланади. Комиссиянинг якуний йиғилиши баёни ва унга илова қилинган ҳужжатлар туман ҳокимига юборилади. Комиссия томонидан ўтказилган

танлов якунларига кўра ер ажратиш тўғрисида туман хокимининг қарори чиқарилади. Туман ҳокимининг фермер хўжалиги юритиш учун ер участкаси бериш тўғрисидаги қарори вилоят ҳокими бошчилик қиладиган ер участкалари бериш (реализация қилиш) масалаларини кўриб чиқувчи вилоят комиссияси томонидан тасдиқланганидан кейин кучга киради. Сўнгги вақтларда Республикамизда боғ ва узумзорларни ривожлантириш мақсадида шу йўналишда фермер хўжаликларини ташкил этишга алоҳида эътибор берилмоқда. Хусусан, Ўзбекистон Республикаси Президентининг 2006 йил 9 январдаги «Мева-сабзавотчилик ва узумчилик соҳасида иқтисодий ислоҳотларни чуқурлаштириш чора-тадбирлари тўрисида»ги ПФ–3709-Фармони ва 2006 йил 11 январдаги “Мева- сабзавотчилик ва узумчилик соҳасини ислоҳ қилиш бўйича ташкилий чора- тадбирлар тўрисида»ги ПҚ–255-сон қарори бу борадаги ҳуқуқий асос бўлди. Шунга кўра, Ўзбекистон Республикаси Қишлоқ ва сув хўжалиги вазирининг 2006 йил 18 январдаги 13-сон буйруғи билан “Қайта ташкил этилаётган қишлоқ хўжалиги кооперативлари (ширкатлари)нинг боғ ва узумзорларини сотиш тартиби тўрисида Низом ” тасдиқланди. Низом қайта ташкил этилаётган қишлоқ хўжалиги кооперативлари (ширкатлари)нинг, шу жумладан мева- сабзавотчилик ва узумчиликка ихтисослашган қишлоқ хўжалиги кооперативлари (ширкатлари)нинг боғ ва узумзорларини фермер хўжалиги юритиш учун сотиш тартибини белгилайди. Унга кўра, Қайта ташкил этилаётган қишлоқ хўжалиги кооперативлари (ширкатлари) нинг боғ ва узумзорлари ким ошди савдолари орқали сотилади, савдоларда мазкур соҳада муайян иш стажи ва малакаларига эга бўлган даъвогарларнинг иштирок этишларига йўл қўйилади. Ким ошди савдолари аукцион шаклида ўтказилади. Аукционда ғолиб чиққан талабгор ҳамда Махсус комиссия раиси ва аъзолари аукцион ўтказилган куни аукцион натижалари тўрисида 3 нусхада

баённома имзолайдилар, бу баённома шартнома кучига эга бўлади. Ким ошди савдосида ғолиб чиққан талабгор боғ ва узумзор учун тўловни тўлиқ тўлаганидан сўнг Махсус комиссия кейинги кундан кечиктирмай ким ошди савдоси натижаси тўрисидаги баённомани боғ ва узумзор жойлашган ер участкасини фермер хўжалиги юритиш учун бериш тўрисида қарор чиқариш учун туман ҳокимига юборади. Туман ҳокими уч кун мобайнида фермер хўжалиги юритиш учун ер участкаси бериш тўғрисида қарор чиқаради ва уч кун муддатда ушбу қарорни ҳамда ким ошди савдоси натижаси тўрисидаги баённоманинг бир нусхасини вилоят ҳокими бошчилик қиладиган ер участкалари бериш (сотиш) масалаларини кўриб чиқувчи вилоят комиссиясига тасдиқлаш учун юборади. Боғ ва узумзорлар жойлашган ер участкасини узоқ муддатли ижарага олиш шартномасини расмийлаштириш ва рўйхатга олиш Ўзбекистон Республикаси қонунларига асосан белгиланган тартибда амалга оширилади. Юқоридагилардан кўриниб турибдики, мавжуд қонунчиликка асосан фермер хўжалигини ташкил этиш қуйидаги босқичлардан иборат: 1. Фермер хўжалигини ташкил этиш учун ер участкасини бериш бўйича танлов эълон қилиш 1 .(Махсус комиссиянинг ОАВдаги эълони, туман хокимининг танлов ўтказиш тўғрисидаги қарори) 2. Танловни ўтказишга тайёргарлик кўриш. (Талабгорларнинг аризаларини қабул қилиш, йиғилган хужжатларни ўрганиш ва баҳолаш) 3. Танловни ўтказиш.(Талабгорларнинг йиғган баллари асосида танлов ғолибини аниқлаш) 4. Туман ҳокимининг фермер хўжалиги юритиш учун ер участкаси бериш тўғрисидаги қарори.(Хокимнинг бу қарори Танлов комиссиясининг протокол билан расмийлаштирилган қарорига асосан чиқарилади) 5. Вилоят ҳокими бошчилик қиладиган вилоят комиссияси томонидан туман ҳокимининг фермер хўжалиги юритиш учун ер участкаси бериш 1 Бу босқич қайта ташкил этилаётган ва тугатилаётган қишлоқ хўжалиги кооперативлари (ширкат хўжаликлари) ҳамда бошқа қишлоқ хўжалиги корхоналари ва ташкилотлари ерларида фермер хўжалиги ташкил этиш кўзда тутилган ҳолларда Махсус комиссияни шакиллантиришдан бошланади .

тўғрисидаги қарорини тасдиқлаш ҳақидаги қарори. 6. Қ онунларда белгиланган тартибда давлат рўйхатидан ўтказиш. «Фермер хўжалиги тўғрисида»ги қонуннинг 7-моддаси талабига мувофиқ «Фермер хўжалиги белгиланган тартибда давлат рўйхатига олинган пайтдан эътиборан ташкил этилган деб ҳисобланади». Фермер хўжалиги ваколатли орган томонидан давлат рўйхатига олинганидан кейин юридик шахс мақомини олади, банк муассасасида ҳисоб- китоб варағи ва бошқа хил ҳисобварақлар очишга, номи ёзилган муҳрга эга бўлишга ҳақли. Фермер хўжалигини давлат рўйхатидан ўтказиш Ўзбекистон Республикаси Вазирлар Маҳкамасининг 2003 йил 20 августдаги 357-сонли "Тадбиркорлик фаолиятини ташкил этиш учун рўйхатдан ўтказиш тартиботлари тизимини тубдан такомиллаштириш тўғрисида" 1 ги қарори билан тасдиқланган "Тадбиркорлик субъектларини давлат рўйхатидан ўтказиш, ҳисобга қўйиш ва рухсат берувчи ҳужжатларни расмийлаштириш тартиби тўғрисидаги Низом"га асосланади. Туманлар ва шаҳарлар ҳокимликлари ҳузуридаги тадбиркорлик субьектларини рўйхатдан ўтказиш инспекциялари рўйхатга олувчи давлат органи бўлиб ҳисобланади ва Ўзбекистои Республикаси Адлия вазирлиги, Иқтисодиёт вазирлиги ва Давлат мулки қўмитасининг 2003 йил 27 сентябрдаги 05-20-401-сонли, 14-сонли ва 01/23-55-сонли қарорлари билан тасдиқланган «Туманлар ва шаҳарлар ҳокимликлари ҳузурида тадбиркорлик субъектларини рўйхатдан ўтказиш инспекциялари тўғрисида Намунавий Низом» 2 га мувофиқ фаолият юритади. 2. Фермер хужалигининг ердан фойдаланиш хукуки. Кишлок хужалиги ишлаб чикаришида ер асосий восита ролини уйнайди. Шунинг учун ҳам фермер хўжаликларини ташкил этишнинг негизида уларга ер бериш масаласи ётади. Фермер хўжаликларига асосан қишлоқ хўжалигига 1 Информационно-правовой системы « Норма » . ООО « NORMA HAMKOR » . Версия-3.. 2005 . 2 Информационно-правовой системы « Норма » . ООО « NORMA HAMKOR » . Версия-3.. 2005 .

мўлжалланган ерлар берилади. Ўзбекистон Республикаси Ер кодексининг 46- моддасига мувофиқ, қишлоқ хўжалигига мўлжалланган ерлар Ўзбекистон Республикаси фуқароларига фермер хўжаликларини юритиш учун берилиши мустаҳкамланган. Фермер хўжаликларига ер беришнинг ҳуқуқий тартиби «Фермер хўжалиги тўғрисида»ги қонуннинг 10, 11 моддаларида кўрсатиб ўтилган бўлиб, унга мувофиқ, Фермер хўжаликларини юритиш учун ер участкалари танлов асосида ижарага эллик йилгача бўлган, лекин ўттиз йилдан кам бўлмаган муддатга берилади. Фермер хўжаликларига ер участкаларини беришнинг ҳуқуқий тартиби Вазирлар Маҳкамасининг 2003 йил 30 октябрдаги 476-сон қарори билан тасдиқланган «Ер участкаларини фермер хўжаликларига узоқ муддатли ижарага бериш тартиби тўғрисида Низом» 3 га асосан белгиланади. Ушбу Низомга ва қонунга мувофиқ (10-11 моддалар), илмий-тадқиқот муассасаларига, олий ўқув юртларига, академик лицейларга, касб-ҳунар коллежларига ва умумтаълим мактабларига ўқув, тажриба, нав синаш мақсадлари учун берилган ерлар ҳамда сув фонди ерлари фермер хўжаликлари юритиш учун берилиши мумкин эмас. Шунингдек, Ўзбекистон Республикасининг давлат чегараси бўйлаб беш юз метрли минтақада фаолияти ҳайвонларни (чорва моллар, паррандалар, мўйнали ва бошқа ҳайвонларни, балиқлар, асалариларни ва бошқа жониворларни) кўпайтириш, ўтлатиш ва боқиш билан боғлиқ бўлган чорвачилик, паррандачилик ҳамда бошқа йўналишдаги фермер хўжаликларига ер участкалари бериш таъқиқланади. Фермер хўжаликларини йўналишларидан келиб чиқиб, уларга ер бериш миқдори қуйидагича белгиланган: Чорвачилик маҳсулотлари етиштиришга ихтисослашган фермер хўжалиги хўжаликнинг бизнес-режасида назарда тутилган камида 30 шартли бош чорва молларини боқиш шартлари билан ташкил этилади. Бунда шартли 3 Қишлоқ хўжалигида иқтисодий ислоҳатларни чуқурлаштириш асослари. Ўзбекистон Республикаси фанлар академияси «Фан” нашриёти. 2003, 73-бет.

равишда ҳар бир бош мол ҳисобига қуйидаги коэффициентлардан фойдаланилади: қорамоллар (сигирлар, насл олинадиган новвослар, бўрдоқига боқиладиган новвослар) ва отлар учун - 1.0, ёш қорамоллар учун - 0.6, қўй ва эчкилар учун - 0.1, чўчқалар учун - 0.3 ҳамда паррандалар учун - 0.025. Фермер хўжалигига бериладиган ер участкаларининг энг кам ўлчами ҳар бир шартли бош чорва молига ҳисобланганда: Андижон, Наманган, Самарқанд, Тошкент, Фарғона ва Хоразм вилоятларидаги суғориладиган ерларда - камида 0,30 гектарни; Қорақалпоғистон Республикаси, Бухоро, Қашқадарё, Жиззах, Навоий, Сурхондарё ва Сирдарё вилоятларидаги суғориладиган ерларда - камида 0,45 гектарни; суғорилмайдиган (лалмикор) ерларда - камида 2 гектарни ташкил этади. Деҳқончилик маҳсулотлари етиштиришга ихтисослашаётган фермер хўжаликларига ижарага бериладиган ер участкаларининг энг кам ўлчами: пахтачилик ва ғаллачилик учун - камида 10 гектарни; боғдорчилик, узумчилик, сабзавотчилик ва бошқа экинлар етиштириш учун - камида 1 гектарни ташкил қилади. Фермер хўжалигига ер участкаси имкони борича ягона мавзе бўйича, контурлар яхлитлиги сақлаб қолинган ҳолда берилади, участка чегаралари суғориш тармоқлари, коллекторлар, йўллар ва бошқа топографик элементлар бўйича белгиланади. Фермер хўжалигига берилаётган ер участкаси бошқа ердан фойдаланувчиларнинг ерлардан фойдаланиши учун ноқулайликлар вужудга келтирмаслиги керак. Фермер хўжалигига ижарага берилган қишлоқ хўжалиги ерлари, экинларидан қишлоқ хўжалиги экинлари шартномасида назарда тутилмаган белгиланган мақсадлардан бошқа мақсадларда фойдаланилиши ер тўғрисидаги қонунларни қўпол равишда бузиш деб ҳисобланади. Фермер хўжаликларига ер участкаларини ижарага бериш бўйича материаллар туман ер тузиш хизмати органлари томонидан давлат бюджети

маблағлари ҳисобига тайёрланади. Ер участкалари бериш, қоидага кўра, фермер хўжалигини ташкил этиш ва ер участкасини ижарага олиш тўғрисидаги барча ҳужжатлар қишлоқ хўжалиги экинлари йиғиштириб бўлинган муддатда расмийлаштирилган ҳолда амалга оширилади. Фермер хўжалигига ер беришнинг кейинги жараёнида ер ресурслари бўйича туман хизмати томонидан беш кун муддатда ер участкасини ижарага бериш шартномаси тайёрланади. Бу шартнома вилоят ҳокимининг ижобий қарори қабул қилингандан кейин туман ҳокими ва фермер хўжалиги бошлиғи томонидан имзоланади. Шартномага, унинг ажралмас қисми сифатида фермер хўжалиги ер участкасининг харитаси илова қилинади. Ер участкаси харитасида қабул қилинган белгиларга мувофиқ барча ҳолатлар (суғориш, коллектор-дренаж ва йўл тармоқлари, ерлар, контурларнинг тартиб рақами, фермер хўжалиги чегаралари) тўлиқ кўрсатилади. Ер участкаси харитасини ер ресурслари бўйича туман хизмати бошлиғи, фермер хўжалиги бошлиғи ва чегарадош ер эгалари, ердан фойдаланувчилар вакили имзолайди. Шартномада шунингдек тупроқ бонитетининг ўртача аниқланган бали кўрсатилади. Фермер хўжалиги бошлиғига ижарага бериладиган ер участкаси чегараларини кўрсатиш ер ресурслари туман хизмати вакили томонидан чегарадош ер эгалари ва ердан фойдаланувчилар вакиллари иштирокида, шартнома тузилгандан кейин беш кун муддатда амалга оширилади. Агар чегара сувсиз ерлар бўйлаб ўтса, у ҳолда чегара шудгорланади, бурилиш бурчакларига эса чегара белгилари қўйилади. Ерларни кўрсатиш далолатнома билан расмийлаштирилади. Далолатнома ер ресурслари бўйича туман хизмати вакили, чегарадош ер эгалари ва ердан фойдаланувчилар вакиллари ҳамда фермер хўжалиги бошлиғи томонидан имзоланади. Далолатнома икки нусхада тузилади, улардан биттаси ер ресурслари бўйича туман хизматида, иккинчиси фермер хўжалиги бошлиғида сақланади. Ерларни ижарага беришни расмийлаштириш ишлари тугаллангач ер тузиш йиғмажилди тайёрланади, унда қуйидаги ҳужжатлар мавжуд бўлади:

фуқаронинг фермер хўжалиги ташкил этиш тўғрисидаги аризаси; ер эгасининг ёки ердан фойдаланувчининг ер участкаси ажратиш тўғрисидаги қарори; ер участкалари бериш (сотиш) масалаларини кўриб чиқиш бўйича туман комиссиясининг ер участкасини ижарага беришнинг мақсадга мувофиқлиги тўғрисидаги хулосаси ёки мазкур комиссия томонидан ўтказилган танлов якунлари тўғрисидаги протокол; туман ва вилоят ҳокимининг фермер хўжалигига ер участкасини ижарага бериш тўғрисидаги қарори; ер участкасини ижарага бериш шартномаси; фермер хўжалигининг бизнес-режаси ёки фаолият дастури; фермер хўжалигининг ер участкаси чегараларини кўрсатиш далолатномаси. Йиғмажилд икки нусхада тайёрланади, улардан биттаси ер ресурслари бўйича туман хизматида, иккинчиси фермер хўжалиги бошлиғида сақланади. Фермер хўжаликларига берилган ер участкалари қонун ҳужжатларида белгиланган тартибда ер эгалари ва ердан фойдаланувчиларнинг ер-кадастр ва ҳуқуқни белгиловчи ҳужжатларига тегишли ўзгартиришлар киртилган ҳолда қишлоқ хўжалик кооперативлари (ширкат хўжаликлари), бошқа қишлоқ хўжалиги корхоналарининг балансидан чиқарилади. Ер участкасини узоқ муддатли ижрага бериш шартномаси ер ресурслари бўйича туман хизматида рўйхатдан ўтказилади ва фермер хўжалигининг ер участкасини ижарага олганлик ҳуқуқини тасдиқловчи ҳужжат ҳисобланади. Ўзбекистон Республикаси Адлия вазирлиги томонидан 1999 йили 27 майда 736-сон билан рўйхатга олинган ва Ўзбекистон Республикаси Ер ресурслари давлат қўмитаси, Ўзбекистон Республикаси Вазирлар Маҳкамаси Ҳузуридаги геодезия, Картография ва давлат Кадастри бош бошқармаси 1 томонидан 1999 йили 30 мартда тасдиқланган «Ўзбекистон Республикасида 1 Ўзбекистон Республикаси Президентининг 2003 йил 15 декабрдаги «Давлат бошқарув органларини такомиллаштириш»га оид Фармонига мувофиқ, икки давлат органи бирлаштирилиб “ Ер ресурслари геодезия, картография ва давлат кадастри Давлат қўмитаси” деб номланган.

ер участкаларига бўлган ҳуқуқларни Давлат рўйхатидан ўтказиш тартиби Тўғрисида йўриқнома» 2 га асосан фермер хўжаликлари ўзларининг ерга бўлган ҳуқуқларини давлат рўйхатидан ўтказишлари шарт. Фермер хўжаликларини ер участкаларига нисбатан ижарага олиш ҳуқуқига доир ҳужжатларни давлат рўйхатидан ўтказиш ва расмийлаштириш мажбурий ҳаракат бўлиб, унинг асосида уларнинг ер участкаларига бўлган ҳуқуқлари белгиланади ва рўйхатга олинган пайтдан бошлаб эътироф этилади. Ер участкаларига бўлган ҳуқуқни давлат рўйхатидан ўтказиш тадбири фермернинг рўйхат органи 3 га ёзма ариза ва ҳуқуқни белгиловчи ҳужжат ҳамда йўриқномага биноан бошқа зарур ҳужжатлар билан мурожаат қилишидан бошланади. Ер участкаларига бўлган ҳуқуқни рўйхатдан ўтказиш қуйидаги изчилликда амалга оширилади: - ариза қабул қилинади; - ариза ва унга илова қилинган ҳужжатлар ва материаллар текшириб кўрилади; - аризаларни қабул қилиш реестрида ариза қайд этилади; - ер участкасига бўлган ҳуқуқлар рўйхатга олинади; - ер участкасига бўлган ҳуқуқлар рўйхатга олинганлиги тўғрисидаги гувоҳнома субъектга берилади. Ер участкаларига бўлган ҳуқуқларни рўйхатдан ўтказиш рўйхатга олувчи орган аризани кўриб чиқиш учун қабул қилган кундан бошлаб ўн кун мобайнида амалга оширилади ҳамда хужжатлар рўй ҳ атга олиш учун берилган кун ва вақтда рўйхатга олинган деб ҳисобланади, бу ҳақда реестрда қайд этилади. Ҳуқуқ устунлиги ариза реестрда қайд этилган саналар бўйича белгиланади. Фермер хўжалигининг ер участкасига нисбатан узоқ муддатли ижара ҳуқуқи белгиланган тартибда рўйхатдан ўтказилиши, фермер 2 Информационно-правовой системы « Норма » . ООО « NORMA HAMKOR » . Версия-3.2005 . 3 Туман ер идораси. 3

хўжаликларининг ерга нисбатан ҳуқуқларини юридик жиҳатдан тан олиниши демакдир. 3. Фермер хужалиги фаолиятини хукукий тартибга солиш. Фермер хўжалигининг хукук субъектлиги унга берилган хукук ва мажбуриятлар доирасида тадбиркорлик фаолиятини амалга оширишни талаб этади. Конунга асосан фермер хужалиги юридик шахснинг барча хукукларига эга булади. Фермер хужалиги тадбиркорлик шаклларидан бири булиб, у ташкил этилишидан кузланган максадларга эришиш учун шу максадларга монанд тадбиркорлик фаолиятини амалга оширишга хаклидир. Фермер хужалиги бошка шаклларда хужалик фаолияти юритувчи тижоратчи корхоналар билан тенг хукукларга эга. Фермер хужалиги тадбиркорлик фаолиятининг субъекти сифатида бир катор хукукларга эгадир. Булар: берилган ер участкасида ўз уставида назарда тутилган ихтисослашувга ва ижарага олиш шартномасига мувофиқ фермер хўжалигининг ишлаб чиқариш фаолиятини ташкил этиш; ихтисослашувни ҳисобга олган ҳолда ва тузилган контрактация шартномалари асосида қишлоқ хўжалик экинларини жойлаштиришни амалга ошириш; харид қилинадиган маҳсулотга олдиндан ҳақ тўланадиган фьючерс контрактлари тузиш; етиштирган маҳсулотини, шу жумладан бу маҳсулотни истеъмолчиларга реализация қилиш ҳуқуқини ўз хоҳишига кўра тасарруф этиш; етиштираётган маҳсулоти, бажараётган ишлари ва кўрсатаётган хизматларига нарх белгилаш; электр энергияси, ёқилғи-мойлаш материаллари, минерал ўғитлар, ўсимликларни ҳимоя қилишнинг кимёвий воситалари етказиб берилиши, хизматлар кўрсатилиши юзасидан шартномалар тузиш; тадбиркорлик фаолиятидан қонун ҳужжатларида белгиланган тартибда солиқ солинадиган, чекланмаган миқдорда даромад (фойда) олиш; олган даромадларини (фойдасини), банк муассасасидаги ўзининг ҳисобварақларида бўлган пул маблағларини тасарруф этиш; акциялар ва бошқа қимматли қоғозлар олиш; кредитлар олиш, бошқа юридик

ва жисмоний шахсларнинг пул маблағларини ҳамда бошқа мол-мулкини шартнома асосида жалб этиш ҳамда уларни ишлаб чиқаришга ва такрор ишлаб чиқаришга йўналтириш; кредитлар олиш учун ўз мол-мулкини, шунингдек ер участкасини ижарага олиш ҳуқуқини гаровга қўйиш; кичик ҳамда хусусий корхоналар учун берилган имтиёзлар ва преференцияларнинг барча турларидан фойдаланиш; зарур асбоб-ускуналар, ишлаб чиқариш воситалари ҳамда бошқа мол-мулкни олиш, ижарага олиш, бинолар ва иншоотлар қуриш ҳамда уларни таъмирлаш; ўз ҳуқуқлари ва қонуний манфаатларини ҳимоя қилиш учун судга мурожаат этиш кабилардан иборатдир. Фермер хужалиги муайян хукукларга эга булиш билан бир каторда конун билан белгаланган тегишли мажбуриятларни хам уз зиммасига олади. Хусусан ер участкасидан қонун ҳужжатларида ва ижарага олиш шартномасида кўрсатилган шартлар асосида, белгиланган мақсадда, самарали ва оқилона фойдаланилишини таъминлаши; экологик талабларга ва атроф муҳитни муҳофаза қилишнинг бошқа қоидаларига риоя этиши; ер участкасининг мелиоратив ҳолатини яхшилаш, унинг унумдорлигини сақлаб қолиш ва ошириш тадбир-чораларини кўриши, бизнес-режада шу мақсад учун маблағлар ажратилишини назарда тутиши; агар ижарага олиш шартномасида бошқа муддат белгиланган бўлмаса, ер участкаси берилган вақтдан эътиборан бир йил ичида ундан фойдаланишга киришиши; тузилган контрактация шартномаларига мувофиқ давлат эҳтиёжлари учун қишлоқ хўжалиги маҳсулоти назарда тутилган ҳажмларда етказиб берилишини таъминлаши; ғўза ва дон экинларини навлар бўйича жойлаштиришнинг белгиланган талабларига риоя этиши; сув ресурсларидан сувдан лимит бўйича фойдаланиш тўғрисидаги шартномага мувофиқ фойдаланиши; хўжалик ичидаги мелиоратив тармоқни тозалаб ва таъмирлаб туриши; ер участкасини сақлаш шартларига ва сервитутларга риоя этиши; ўз ходимлари учун хавфсиз меҳнат шароитларини таъминлаши; солиқлар, йиғимлар ва бошқа мажбурий тўловларни қонун ҳужжатларида белгиланган тартибда ўз

вақтида тўлаши; қишлоқ хўжалиги маҳсулоти етиштиришда агротехника талабларига риоя этиши; қишлоқ хўжалиги ўсимликларининг зараркунандалар, касалликлар ва бегона ўтлардан муҳофаза қилинишини таъминлаши шарт. Фермер хужалиги хукукий холатида уларнинг мулкий мустакиллигига эга эканлиги, юридик шахс сифатида энг мухим белгилардан бири булиб амалий жихатдан мухим ахамиятга эгадир. Ҳар бир фермер хўжалиги қонунга кўра, ўзига қарашли бинолар, иншоотлар, қишлоқ хўжалиги экинзорлари ва кўчатзорлари, дов-дарахтлар, чорва моллар, паррандаларга, етиштирган маҳсулотига, қишлоқ хўжалик техникаси, инвентарь, асбоб-ускуналар, транспорт воситалари, пул маблағлари, интеллектуал мулк объектларига, шунингдек фермер хўжалигининг балансидаги бошқа мол-мулкка мулкдордир. Шунингдек, фермер хўжалиги бошлиғининг пул ва моддий маблағлари, товарларни реализация қилишдан (ишлар бажаришдан, хизматлар кўрсатишдан) олинган даромадлар (фойда), қимматли қоғозлардан келган даромадлар, қонунларда тақиқланмаган бошқа манбалар фермер хўжалигининг мол-мулкини шакллантириш манбалари бўлиши мумкин. Фермер хўжалиги қонун ҳужжатларида белгиланган тартибда мол- мулкни яратиш, кўпайтириш, олиш, ижарага ёки вақтинча фойдаланишга олиш ҳуқуқига эга. Фермер хўжалигининг мулк ҳуқуқи давлат ҳимоясидадир. Фермер хужалиги мол-мулкнинг таркибига кирган мулклар фукаролик хукукининг объектлари сифатида узига хос хукукий режимга эга. Фермер хужалигининг мол- мулки фукаролик хукуки объекти сифатида унинг хусусиятларини эътиборга олган холда кучар мулкка ва кучмас мулкка булинади. Фукаролик кодексининг 83- моддасига кура, кучмас мулк туркумига ер участкалари ва ер ости бойликлари, куп йиллик дов дарахтлар, шунингдек бинолар ва иншоотлар конунда курсатилган холларда бошка мол-

мулклар хам кириши мумкинлиги хукукий жихатдан мустахкамланди. Фермер хужалиги юридик шахс хукукига эга булган кишлок хужалик корхонаси сифатида кучмас мулк хисобланади (ФК 85- модда). Фермер хужалиги узи етиштираётган махсулотни реализация килиш, шу жумладан давлат хариди, тартибида реализация килиш учун юридик ва жисмоний шахслар билан ихтиёрийлик асосида хужалик шартномалари тузиш хукукига эга. Фермер хужалиги узи етиштираётган махсулот сифатига оид амалдаги норматив ва стандартларга, экология, санитарияга оид хамда конун хужжатларида белгилаб куйилган бошка талаблар ва коидаларга риоя этиш шарт. Фермер хужалиги етиштираётган махсулотни экспортга етказиб бериш, шунингдек чет эллик шериклар билан хисоб- китоб килиш конун хужжатлари билан белгиланган тартибда амалга оширилади. Фермер хужаликларининг хужалик фаолиятига давлат органлари хамда ташкилотларининг, улар мансабдор шахсларнинг аралашувига йул куйилмайди, конун хужжатларида назарда тутилган холлар бундан мустасно. Яъни, фермер хўжалиги фаолиятини текшириш, давлат эҳтиёжлари учун маҳсулот реализация қилиш шартнома мажбуриятлари бажарилмаган ёки ер тўғрисидаги қонун ҳужжатлари бузилганлигига далиллар бўлган, шунингдек ягона ер солиғи ўз вақтида тўланмаган ҳолларда, ижарага олиш шартномасига мувофиқ ижарага берилган ер участкасидан фақат белгиланган мақсадда ва оқилона фойдаланиш масалалари бўйича, белгиланган тартибда амалга оширилади (Қонун 30-модда). Давлат органлари ва бошка органлар хамда ташкилотларнинг, улар мансабдор шахсларининг ва фукароларнинг гайри конуний хатти- харакатлари (карорлари натижасида), шунингдек бундай органлар, ташкилотларнинг, улар мансабдор шахсларининг фермер хужалигига нисбатан конун хужжатларида назарда тутилган мажбуриятларни лозим даражада бажармасликлари окибатида фермер хужалигига етказилган зарарлар, шу жумладан бой берилган фойда конун хужжатларида белгиланган тартибда қопланади.

Фермер хужалиги уз мажбуриятлари буйича конунларга мувофик ундириш каратилиши мумкин булган мол-мулки билан жавоб беради. Умумий коидага асосан, давлат фермер хужалигининг мажбуриятлари буйича, фермер хужалиги эса давлат мажбуриятлари буйича жавоб бермайди. Фермер хужалиги тугрисидаги конун хужжатларини бузганликда айбдор булган шахслар белгиланган тартибда жавобгар буладилар. 4. Фермер хўжалиги фаолиятини қайта ташкил этиш, тугатиш асослари ва тартиби. Фермер хужалиги юридик шахс сифатида фаолияти кайта ташкил этилиши ва тугатилиши мумкин. Конунда фермер хужалигини кайта ташкил этиш, тугатиш асослари ва тартиби белгиланган. Фукаролик кодексининг 49- моддасида , ҳ амда Фермер хўжалиги тўғрисидаги қонун нинг 31- моддасида фермер хужалигини юридик шахс сифатида кайта ташкил этиш тартиби белгиланган. Фермер хужалигини кайта ташкил этиш , қ ўшиб юбориш, қ ўшиб олиш, бўлиш, ажратиб чи қ ариш, ўзгартириш шаклларида амалга оширилади. Фукаролик кодексининг 49-моддасига асосан, конунда белгиланган холларда юридик шахсни булиш ёки унинг таркибидан бир ёхуд бир неча юридик шахсни ажратиб чикариш шаклида уни кайта ташкил этиш вакил килинган органларининг карори билан ёхуд суд карори билан амалга оширилади. Агар, юридик шахс муассислари (иштирокчилари), улар вакил килган орган ёки юридик шахснинг уз таъсис хужжатлари билан кайта ташкил этишга вакил килган давлат юридик шахсни ваколатли давлат органининг карорида белгиланган муддатда кайта ташкил этилаётган булса, суд мазкур давлат органининг даъвоси буйича юридик шахснинг бошкарувчисини таъминлайди ва унга ушбу юридик шахсни кайта ташкил этишни топширади. Бошкарувчи тайинланган пайтдан бошлаб унга юридик шахснинг ишларини бошкариш ваколатлари утади. Бошкарувчи судда юридик шахс номидан харакат килади, таксимлаш балансини тузади ва уни юридик шахсларни кайта ташкил этиш натижасида вужудга келадиган таъсис

хужжатлари билан бирга куриб чикиш учун судга топширади. Суднинг ушбу хужжатларни тасдиклаши янгидан вужудга келаётган юридик шахсларни давлат руйхатидан утказиш учун асос булади. Фермер хужалигини кушиб юбориш, кушиб олиш ёки узгартириш шаклида кайтадан ташкил этиш ваколати туман хокимининг розилиги билан амалга оширилади. Фермер хужалигини кушиб олиш шаклида кайта ташкил этиш холларини истисно килганда, янгидан вужудга келган фермер хужалиги давлат руйхатидан утказилган пайтдан бошлаб фермер хужалиги кайта ташкил этилган хисобланади. Фермер хужалиги унга бошка фермер хужалигини кушиб олиш шаклида кайта ташкил этилганда кушиб олинган фермер хужалигининг фаолияти тухтатилгани хакидаги ёзув юридик шахсларнинг ягона давлат реестрига киритилган пайтдан бошлаб бундай фермер хужалиги кайта ташкил этилган хисобланади. Қонунчиликда Фермер хўжалигини тугатиш асослари белгилаб қўйилган бўлиб, ф ермер хўжалиги қуйидаги ҳолларда тугатилади: - ер участкасини ижарага олиш ҳуқуқидан ихтиёрий воз кечилганида; - фермер хўжалиги банкрот деб топилганда, шу жумладан моддий-техника ресурслари етказиб берувчилар, иш бажарувчилар ва хизмат кўрсатувчилар билан ҳисоб-китоб мунтазам равишда амалга оширилмаганида; - фермер хўжалигининг бошлиғи вафот этиб, хўжалик фаолиятини давом эттиришни хоҳловчи меросхўр бўлмаса; - давлат ва жамият эҳтиёжлари учун ёки ер тўғрисидаги қонун ҳужжатларини бузганлик учун, шу жумладан фермер хўжалиги ер участкасидан белгиланган мақсадда фойдаланмаганида, хусусан контрактация шартномасида назарда тутилмаган қишлоқ хўжалиги экинларини экканида ер участкасини олиб қўйиш зарурати бўлган тақдирда, ер

участкасини ижарага олиш шартномаси белгиланган тартибда бекор қилинса (32-модда). Қонуннинг 33-моддасида Фермер хўжалигини тугатиш тартиби мустаҳкамланган. Унга кўра, агар фермер хужалиги ихтиёрийлик асосда тугатилганда фермер хўжалиги бошлиғининг карорини чикариш талаб этилади. Башарти фермер хужалигининг хохишига боглик булмаган такдирда, конун хужжатларида назарда тутилган тартибда суднинг хал килув карорига асосан тугатилади. Юкоридаги шартга асосан фермер хужалигини тугатишнинг мохияти шундан иборатки, факат бир холатда, яъни объектив сабабга кура, агар хужалик фаолиятини давом эттириш истагида булган биронта хам хужалик аъзоси ёки меросхўр колмаган булса унинг фаолиятини тугатиш учун асос булади. Фермер хўжалигини тугатиш асосларининг асосий кисми ер участкасидан фойдаланиш, олиб куйиш ва ерга оид конун хужжатларини бузиш билан богликдир. Булар жумласига: ер участкасини ижарага олиш ҳуқуқидан ихтиёрий воз кечилганида; давлат ва жамият эҳтиёжлари учун ёки ер тўғрисидаги қонун ҳужжатларини бузганлик учун, шу жумладан фермер хўжалиги ер участкасидан белгиланган мақсадда фойдаланмаганида, хусусан контрактация шартномасида назарда тутилмаган қишлоқ хўжалиги экинларини экканида ер участкасини олиб қўйиш зарурати бўлган тақдирда, ер участкасини ижарага олиш шартномаси белгиланган тартибда бекор қилиш кабилар киради. Бундан ташкари конун талаблари бузиш шарти асосида фермер хужалиги банкрот деб топилганда, шу жумладан моддий-техника ресурслари етказиб берувчилар, иш бажарувчилар ва хизмат кўрсатувчилар билан ҳисоб- китоб мунтазам равишда амалга оширилмаганида улар фаолиятини тугатиш учун асос булиши мумкин. Хулоса килиб айтганда фермер хужаликлари хукукий холатини самарали нормалар асосида мустахкамланиб борилиши, улар тадбиркорлик

фаолиятини ривожлантириш учун объектив шароит яратиб кишлок хужалигида иктисодий ислохотларни чукурлаштиришни хукукий таъминлаш воситаси булиб хизмат килади.

Похожие

Qishloq xo`jaligi kooperativi (shirkat xo`jaligi)ning xuquqiy holati

Mahkumlar huquqiy holati

Fuqarolik holati dalolatnomalari

Yuridik xizmatning huquqiy holati

Qishloq xo`jaligi korxonalarida mehnatga haq to`lashni xuquqiy tartibga solish