Uglevodorodli xom ashyoni yog’ish va qayta ishlashga tayyorlash - Геология - Рефераты

Uglevodorodli xom ashyoni yog’ish va qayta ishlashga tayyorlash

Загружено в:

20.09.2019

Скачано:

0

Размер:

1077.078125 KB

Uglevodorodli xom ashyoni yog’ish va qayta ishlashga tayyorlash Reja: 1. Konlarda neft va gazni yig’ish usullari; 2. Ko’kdumaloq konida neft va gazkondensatini yig’ish tizimlari; 3. Ko’kdumaloq konida gazni yig’ish va tayyorlash tizimi.

Konlarda neft va gazni yig’ish tizimi quduqdan to neft yoki gazni tayyorlash qurilmalarigacha bo’lgan quvurlar, o’lchov asboblari va yig’ish punktlarini o’z ichiga oladi. Neftni quduqlardan yig’ish va tayyorlashning bir necha tizimlari mavjud. Tazyiqli Baronyan - Vezirov yig’ish tizimi 1946 yilda Bokulik muhandislar tomonidan yaratilgan bo’lib, bu tizim birinchi to’liq yopiq holda ishlangan neft yig’ish va tayyorlash tizimi bo’lib hisoblanadi (1-rasm). Bu tizimda neftni yig’ish uchun quduqlar (1, 12, 13) boshidagi bosimni 0,5-0,6 MPa atrofida saqlab turishi kerak bo’ladi. Bunday bosim neftni boshlang’ich yig’ish va o’lchash punktlaridagi asboblarga (3), undan keyin esa neftni tayoyrlash uskunalarigacha etib borishini ta`minlaydi. Agar quduqlar boshidagi bosim 0,6 MPa dan oshiq bo’lsa, u holda bunday quduq oldida ma х sus gazajratkichlar (2) o’rnatilib, bu erda neftdagi erigan gaz ajratib olinib gaz yig’ish tizimiga yo’naltiriladi. 1 - rasm. Baronyan-Vezirov neft yig’ish tizimi

Neft quduqlardan chiqib yo’naltiruvchi quvurlar orqali o’lchash asbobiga (3) etib keladi. Bu erda har bir quduq mahsul miqdorini navbatma-navbat o’lchanadi. Bir o’lchov asbobiga ettitagacha quduq ulanishi mumkin. O’lchov asbobidan o’tgandan keyin ajratilgan gaz ma х sus ajratkichga (5) yuborilib, u erda 0,1 MPa bosimgacha gazdan neft tomchilari ajratib olinadi va gaz gazquritkichga yo’naltiriladi. Bu erda gaz quritilib, tozalangandan so’ng yuqori bosimli kompressorlarga (11) yo’naltiriladi. Kompressorlarda (11) gaz yuqori bosimgacha siqiladi va gazdagi kondensatni ajratib olish uchun yana bir gazajratkichga (10) yo’naltiriladi. Bu erdan chiqqan to’liq tozalangan gaz, gazni qayta ishlash zavodiga yoki gazko’targich usuli bilan ishlayotgan quduqlarga (13) yuboriladi. O’lchov asboblaridan chiqqan neft tindirgichlarga (6) yo’naltiriladi. Bu tindirgichlarda (6) neftdan suv va qattiq moddalar (qum) ajratib olinadi. Tozalangan neft katta hajmdagi ma х sus saqlagichlarga (7) yuboriladi. Tayyor mahsulot holdagi neft saqlagichlardan (7) neftni qayta ishlash zavodiga yoki temir yo’ldagi neft quyish estakadalariga neft quvurlari orqali nasos stansiyasi yordamida haydaladi. Tindirgichlardan (6) ajratib olingan suv va qum birgalikda qumajratkichga (8) kelib tushadi. Bu yerda qum suvdan ajratib olinadi, suvni ma х sus suv yig’iladigan hovuzlarga jo’natiladi. U yerda suv yuzida yig’ilgan neft nasoslar orqali tortib olinib tindirgichlarga yuboriladi. Baronyan - Vezirov yig’ish tizimi Ozarbayjon, Turkmaniston kabi davlatlardagi konlarda hozirgacha saqlanib qolgan. Grozniy neft institutining yig’ish tizimi o’z ichiga to’rt yirik butlangan tizimlarni biriktirgan bo’lib, Baronyan - Vezirov yig’ish tizimidan zamonaviyligi, qulayliklari va mahsulot yo’qotilishlar minimumgacha kamaytirilganligi bilan farq qiladi (2-rasm).

2-rasm. Grozniy institutining yig’ish tizimi To’rt yirik butlangan tizimga guruhiy o’lchagich qurilmasi, birinchi bosqich gazsizlantirish qurilmasi (kerak bo’lgan hollarda), markaziy gazsizlantirish qurilmalari va neftni mujassam tayyorlash qurilmalari kiradi. Bu yig’ish tizimida yuqori bosimidagi favvora usuli bilan ishlayotgan quduqlar (1) boshida 6-7 MPa bosim saqlanib turiladi, buning natijasida neft guruhiy o’lchagich qurilmasigacha (2) va undan keyin birinchi bosqich gazsizlantirish qurilmasiga (3) hamda neftni tayyorlash tizimlarigacha o’z bosimi bilan yetib borishi ta`minlanadi. Quduqlar boshidan 6-7 MPa bosim saqlab turilishi neftni tayyorlash tizimini 100 km masofagacha uzoqlikda o’rnatish imkoniyatini beradi. Guruhiy o’lchagich qurilmasida (2) 14 tagacha quduqlarni mahsul miqdori o’lchanishi mumkin. Guruhiy o’lchagich qurilmasidan neft, agar erigan gaz miqdori juda katta bo’lsa birinchi bosqich gazsizlantirgichga yo’naltiriladi. Bu yerda dastlabki ajratib olingan gaz to’g’ri gazni qayta ishlash zavodiga (4) yoki boshqa bir ist`emolchiga yuboriladi. Neft birinchi bosqich gazsizlantirgichdan o’tgandan so’ng markaziy gazsizlantirish qurilmalariga (5) yo’naltiriladi. Bu yerda neft uch bosqichli gazsizlantirish jaryonidan o’tadi. Ajratib olingan gazni o’zi х am unda erigan holda bo’lgan og’ir karbonsuvchillardan (kondensat, neft zarrachalari) tozalandi, quritiladi va gazni qayta ishlash zavodiga (4) yoki ist`emolchiga

yuboriladi. Gazsizlantirilgan neft esa neftni mujassam tayyorlash qurilmalariga (6) yetib keladi. Bu yerda suv va qum zarrachalaridan tozalanib, tayyor mahsulot holiga keltiriladi va bu yerdan neftni qayta ishlash zavodlariga yoki temir yo’l neft quyish estakadalariga quvur orqali jo’natiladi. Grozniy neft institutining yig’ish tizimini o’ziga х osligi bu quduqdan chiqayotgan neft, gaz va suvli suyuqlik bir katta quvur orqali uzoq masofaga (100 km. gacha) uzatilishi bo’lib, bunday uzatishda quvurdagi oqimni uzluksizligiga, oqimni haydash tarziga katta ahamiyat beriladi. Bunday tizimdagi neft yig’ish, uzatish va tayyorlash SHimoliy Kavkaz va Ukraina konlarida ko’proq qo’llaniladi. Bu tizimning yana bir afzalligi 100 km radiusda joylashgan bir necha konlar uchun tayyorlash tizimlarini bir joyda butlangan holda qurish mumkinligidadir. Yig’ishning tazyiqli Giprovostok tizimi neft yig’ish va tayyorlash jarayonlarini yanada yiriklashtirish, bir yerda mujassamlashtirish va mahsulotlarni (neft, gaz, kondensat) bosim yetarli bo’lmagan holda alohida jo’natish uchun yaratilgan (Z-rasm). Bu tizim qo’llanilganida quduqlar boshida 1,0-1,2 MPa atrofida bosim saqlanib turiladi. Quduqlarning (1) mahsulot guruhiy o’lchagich qurilmasidan (2) o’tganidan keyin birinchi bosqich gazsizlantirish qurilmasiga (3) yetib keladi. Bu yerda ajratib olingan gaz o’z bosimi bilan 60-80 km. masofagacha uzoqlikda bo’lgan gazni qayta ishlash zavodiga (5) yuboriladi, neftni nasos stansiyasi (4) orqali markaziy neft yig’ish joyida hisobdan o’tkazilib, neftni mujassam tayyorlash qurilmalarida tayyor mahsulot holiga keltirilib, ist`emolchilarga jo’natiladi. Giprovostok tizimi ko’proq Rossiyaning Volgabo’yi (Saratov, Volgograd tumanlari). Ural oldi konlarida, hamda Tatariston, Boshqirdiston konlarida ham keng qo’llanilmoqda.

3-rasm. Giprovostok neft yig’ish tizimi Yuqorida ko’rib chiqilgan neft yig’ish, tayyorlash va uzatish tizimlari ma`lum bir shart-sharoitlarga (quduqlarni ishlatish usuli va quduq usti bosimi), shuningdek geografik hududlarga mo’ljallanib yaratilgan. G’arbiy Sibir sharoitlari uchun ham mo’ljallangan tizim mavjud bo’lib, bu tizim geografik muhitning tabiiy shart- sharoitlarini (o’rmonzorlar, botqoqliklar, doimiy muzlik va h.k.) hisobga olgandir. Bulardan tashqari har qanday shart-sharoitlarga, geografik hududlarga mo’ljallangan neft yig’ish, tayyorlash va uzatish universal tizimning kondan olinayotgan mahsulotni (neft, gaz, kondensat) to’liq bir-biridan ajratib olish, tayyorlashning teхnologik jarayonidagi yo’qotishlarni minimumga olib kelish va tayyorlash jarayonlarini to’liq avtomatlashtirish yoki kompyuter orqali boshqarishgacha imkoniyati mavjud. Ana shunday universal tizim eng oхirgi zamonaviy izlanishlar natijasini hisobga olgan holda respublikamizdagi Ko’kdumaloq neftgazkondensat konida qurilgan. Ko’kdumaloq koni neftgazkondensat koni bo’lganligi uchun bu yerda neft va gaz yig’ish tizimlari alohida-alohida bo’lib qurilgan. Ko’kdumaloq neftgazkondensat konida mahsulotlarni yig’ish, tayyorlash va uzatish tizimlari

Ko’kdumaloq neftgazkondensat konidagi karbonsuvllarning har uch holdagisi (neft, kondensat va tabiiy gaz) mavjudligi va ularni zahiralari yetarli darajada katta bo’lganligi uchun bu konni ishlash jarayonini qatlam bosimini saqlash usullarini qo’llab amalga oshirildi. Qatlam bosimini saqlash uchun neftsuv tutash yuzasi ostiga suv va gazkondensat uyumining yuqori qismiga quruq gaz haydash yo’lga qo’yilgak. Suv haydash uchun konning hududidan o’tadigan janubiy kollektor kanali bo’yicha 1-ko’taruvchi nasos stansiyasi qurilgan. Bu yerdan suv 2-ko’taruvchi nasos stansiyasiga yo’naltiriladi. U yerda suv tindirilib keyin 3-haydovchi nasos stansiyasi orqali suv haydovchi quduqlarga haydaladi (4-rasm). Konda uchta suv haydovchi nasos stansiyalari qurilgan bo’lib, ularning umumiy suv haydash miqdori 1600 m 3 /soat ni tashkil etadi. Kundalik suv haydash miqdori 16800 - 17500 m 3 ni tashkil etadi. Quruq gazni gazkondensat uyumini yuqori qismiga haydash uchun kondan olinayotgan erkin gazdan kondensat ajratib olinib, quritilib, maхsus qurilgan kompressor stansiyasi orqali haydalmoqda. Gazni хaydash quduqlari ikkita quduqlar to’plami va yana 6 ta alohida joylashgan quduqlardan iborat (5-rasm). Gaz haydovchi kompressor stansiyasi 4 ta teхnologik shaхobchadan iborat bo’lib, yiliga 4,0 mlrd.m Z gaz haydash imkoniyatiga ega.

4-rasm. Ko’kdumaloq neftgazkondensat konida neft yigish va suv haydash sхemasi Neft yig’ish, tayyorlash va uzatish tizimi Ko’kdumaloq konida neft oluvchi quduqlar soni 100 dan ortiq bo’lib, ulardan chiqayotgan mahsulot yettita neft yig’ish punktiga kelib tushadi. Neft tarkibida juda ko’p miqdorda erigan gaz (gaz omili 300 dan 2000 m 3 /t gacha) va suv (suvlanganlik 10% dan 80% gacha) bor bo’lganligi uchun neftni tayyorlash tizimiga katta ahamiyat berilgan. Neft tayyorlash tizimi ikkita katta neft tayyorlash qurilmalaridan (NTQ) iborat. Birinchi NTQ Ko’kdumaloq koni hududida joylashgan bo’lsa, ikkinchi NTQ Ko’kdumaloq konidan 22 km uzoqlikdagi Zevarda koni х ududida qurilgan. Ko’kdumaloq konida joylashgan 1-NTQ bilan batafsil tanishib chiqamiz (4- rasm). NTQ ikkita bir х il te х nologik sho х obchadan iborat bo’lib, ular neftdan erigan gaz, suv va me х anik moddalarni to’liq ajratib berish imkoniyatiga ega. Neft yig’uvchi punktlaridan (YP) ma х sus kollektorlar orqali NTQ ning birinchi elementi (1) neft kirish blokiga (NKB) yetib keladi. NKB da har bir YP dan kelgan quvurlarga o’rnatilgan bosimo’lchakich va harorat o’lchagichlar orqali kelayotgan mahsulotning bosimi va harorati o’lchanadi. So’ngra bir necha YP dan kelgan neft okimlari yo’naltirivuchi quvurlar orqali neft tayyorlash qurilmasining ikkita sho х obchasiga ta х minan bir х il hajmda yo’naltiriladi.

5-rasm. Ko’kdumaloq neftgazkondensat konida gaz yig’ish va quruq gaz haydash s х emasi Tozalangan suv bosimini saqlash uchun suv haydaydigan nasos stansiyasiga yo’naltiriladi (10). Tayyor mahsulot holatidagi neft tayyor mahsulot saqlanadigan 2000 m 3 li (11) va 1000 m 3 li (12) saqlagichlarga jo’natiladi. Tayyor mahsulot holdagi neft nasos stansiyasi (16) orqali qorovulbozor shahrida joylashgan temir yo’l stansiyasidagi neft quyish estakadasiga haydaladi (17). Har ikki neft’ tayyorlash sho х obchasi bir hil ko’rinishga ega bo’lganligi tufayli ularning bittasi bilan yaqindan tanishib. Neft’ tayyorlash sho х obchasiga yo’naltirilgan mahsulot bosimni pasaytiruvchi va oqimdan dastlabki neft’ va gazni ajratuvchi depulsatorga (2) kelib tushadi. Bu yerda quvurlardan kelayotgan neft’gaz aralashmasining bosimi 7,0-7,5 Mpa dan 5,6-5,7 Mpa gacha pasaytiriladi va ozgina ajralib chiqqan gaz va neft’ tozalash tizimini birinchi bosqichiga alohida oqim holatida yo’naltiriladi. Depulsatorga kirib kelayotgan neftgaz oqimiga suvni ajratishni yengillashtirish uchun deemulgator qo’shiladi. Neft’ Ko’kdumaloq konida to’rt bosqichda gazdan tozalanadi. Depul’satordan (2) o’tgan neft’, birinchi bosqich S-101 gazajratkichga (3) kelib tushadi. Gazajratkichga neft’ va gaz aralashmasining kirish bosimi 5,5-5,6 MPa va harorati 58 0 S bo’ladi. Bu yerda erigan gaz neft’dan ajralib gaz yig’ish quvuri orqali, gazni qayta tozalash tizimini birinchi bosqichi S-105 gazajratkichga (13) yo’naltiriladi. Gazdan tozalangan neft’ ikkinchi bosqich S-102 gazajratkichga (4) yo’naltiriladi. Shu gazajratkichning o’zida dastlabki suv ham ajralib chiqadi va suv yo’naltirish quvur orqali (8) yuboriladi. S-102 gazajratkichga (4) kirib kelayotgan mahsulotning bosimi 2,8-3,0 MPa va harorati 43-45 0 S atrofida bo’ladi. S-102 gazajratkichda (4) harakatlanayotgan neft’gaz aralashmasining tezligi va bosimi ancha pasaygani

tufayli yana qo’shimcha gaz ajralib chiqadi. Ajralib chiqgan qo’shimcha gaz S101 gazajratkichdan (3) chiqqan gazga ko’shilib yuboriladi. 6-rasm. Ko’kdumaloq neftgazkondensat konida gaz tayyorlash tizimi Gazdan yana bir martta tozalangan neft’ uchinchi bosqich S-103 gazajratkichga (5) yo’naltiriladi. Ajralib chiqgan suv esa suv yo’naltirish quvuri orqali (8) yuboriladi. S-103 gazajratkichga (5) kelayotgan neft’ bosimi 0,6 MPa va harorati 43 0 S ni tashkil etadi. Bu yerda neft’ tarkibidagi erigan gazni past bosimlarda ajratib olinadi va S-101, S-102 ga gazajratkichlardan chiqgan gazga qo’shib yuboriladi. Tozalangan neft’ S-103 gazajratkichdan (5) tindirgichga (6) yuboriladi. Ajralib chiqgan suv yo’naltiruvchi quvur orqali (8) yuboriladi. Tindirgichda (6) neft’ bosimi 0,07-0,06 MPa gacha pasayadi. Me х anik modallar (qum zarrachalari) suv ajratib olinadi va sizdirgichga (8) yo’naltiriladi. Tindirgichda ham oz miqdorda gaz ajralib chiqadi va bu gaz ham avvalgi gazajratkichlardan (3,4,5) ajralib chiqqan gazlarga qo’shib yuboriladi. Tirdirgichdan (6) so’ng mahsulot neft’ tayyorlash shahobchasidagi o х irgi to’rtinchi bosqichdagi gazajratkich (7) S-104 ga yo’naltiriladi. Bu

gazajratkichda neft’da erigan gazning o х irgi miqdori ajralib chiqadi va past bosimli mash`al ada yoqib yuboriladi. Ajratib olingan neft’ tayyor neft’ omboridagi 2000 m li (9) va 1000 m li (10) te х nologik saqlagichlarga jo’natiladi. Bu saqlagichlarda neft’ bilan qatlamdan chiqqan suvning o х irgi miqdori ajratib olinib uni qatlam bosimini saqlash uchun suv haydadigan nasos stansiyasiga yo’naltiriladi (10). Tayyor mahsulot holatidagi neft’ tayyor mahsulot saqlanadigan 2000 m 3 li (11) va 1000 m 3 li (12) saqlagichlarga jo’natiladi. Qorovulbozor shahrida joylashgan temir yo’l stansiyasidagi neft’ quyish estakadasiga haydaladi. To’rt bosqichdagi gazajratkichlarda (3, 4, 5, 7) va tindirgichda (6) ajratib olinib sizdirkichga (8) kelib to’plangan qatlam suvlaridan erigan gaz va qolib ketgan neft ajratib olinadi. Ajratib olingan gaz past bosimli mash`alada yoqib yuboriladi, neft esa te х nologik saqlagichlarga (9,10) jo’natiladi. To’liq ajratib olingan qatlam suvi qaytadan qatlamga suv haydash tizimiga yo’naltiriladi (19). Gazni tozalash tizimi to’liq qurilib bo’lgandan keyin neftdan ajratib olingan va hozircha yoqib yuborilayotgan gazlar ikki bosqichda og’ir karbonsuvchillardan tozalanadi. Avvalo S-105 gazajratkichda (13) gaz tarkibidagi neft va kondensat ajratib olinadi. Shundan so’ng gaz havosovutgich apparatida (14) sovutiladi va o х irgi gazajratkichga (15) yo’naltiriladi. Bu yerda gazni tarkibidagi deyarli barcha suyuq karbonsuvchillardan tozalanadi va toza, quritilgan gaz ejektor tizimiga yuboriladi (18). Ajratib olingan suyuq karbonsuvchillar tayyor mahsulot omboriga jo’natiladi. Zevarda konidagi NTQ-2 ham х uddi Ko’kdumaloq konidagi NTQ-1 ga o’ х shash. Lekin shu bilan birga ba`zi elementlarida farqi ham bor. Bu farqlari quyidagilardan iborat: qatlam suvlari qatlam bosimini saqlash tizimiga qaytarilmaydi, balki bug’latgich hovuzga jo’natiladi; ajratib olingan erigan gaz Muborak gazni qayta ishlash zavodiga jo’natilmoqda.

Shuningdek neft tayyorlash sho х obchasini qurilishida ham ba`zi o’zgarishlar bor. Gazni yig’ish, tayyorlash va uzatish tizimi Ko’kdumaloq konini ishlash loyihasiga ko’ra gazkondensat uyumini ishlatish uchun saykling-jarayon, ya`ni kondensatga boy bo’lgan «moyli» gazni qatlamdan olib, undan kondensatni to’liq ajratib, gazni quritib uni yana qaytadan qatlamga haydash usuli ko’zda tutilgan. SHunga ko’ra konda gaz yig’ish, tayyorlash va uzatish tizimini qurishda ana shu maqsadlarni amalga oshirishni ta`minlaydigan qilib qurildi. Gazkondensat aralashmasi quduqlardan chiqib gaz yig’ish punktlariga keladi va u yerdan umumiy yig’uvchi quvurlar orqali gazni kompleks tayyorlash qurilmasining (GKTQ) birinchi element gaz kirish punktiga (GKP) yetib keladi. Ko’kdumaloq konida GKTQ to’rtta bir х il quvvatga ega bo’lgan gaz tayyorlash sho х obchasidan iborat. SHuning uchun GKP ga yetib kelgan gaz aralashmasi ana shu to’rtta gaz tayyorlash sho х obchasiga bir maromda tarqatib beriladi. Gaz tayyorlash sho х obchasi bilan yaqindan tanishib chiqamiz (8-rasm). Gaz tayyorlash sho х obchasida gaz uch bosqichda kondensatdan tozalanadi, so’ngra gaz tarkibiga kondensatni ajratib olishni tezlashtirish va samaradorli qilish uchun kiritilgan dietilenglikomdan (DEG) tozalanadi, kuritiladi va kompressor stansiyasiga (KS) yuboriladi. Ajratib olingan kondensat ham DEG dan va kondensat bilan ajralib chiqgan suvdan tozalanadi, so’ngra tayyor mahsulot omboriga jo’natiladi. GKP dan (1) chiqgan gaz dastlabki S-1 gazajratkichga (2) 12-13 MPa bosim va 62-64°S harorat ostida yo’naltiriladi. Bu yerda gaz aralashmasini suyuqliklardan dastlabki ajralishi ta`minlanadi va ajralib chiqgan suyuqlik (kondensat+suv) R-201 taqsimlagichga (11) yo’naltiriladi. Gaz aralashmasi S-1 gazajratkichdan (2) gazni haroratini pasaytirish uchun havo bilan sovutish apparatiga (HSA) yo’naltiriladi (3). HSA da gaz harorati 50- 52°S gacha pasaytiriladi va gazni kondensatdan ajratuvchi birinchi bosqich S-101 gazajratkichiga (4) yo’naltiriladi. Bu gazajratkichda ajratilgan suyuqliklar R-201

taqsimlagichga (11) jo’natiladi, qolgan gaz aralashmasi esa T101 issiqlik almashtirgichga (5) kelib tushadi. Bu issiqlik almashtirgichda (5) keyingi bosqich gaz ajratkichlaridan (6,9) va ikkinchi issiqlik almashtirgichidan (7) chiqgan harorati past bo’lgan gaz S-101 gazajratkichidan (4) kelayotgan gazga nisbatan qarama-qarshi yo’naltiriladi. YUqori haroratli (S-101) va past haroratli (T-102) gazlarni bir-biridan o’tishi natijasida gazni harorati 33°S gacha pasayadi va ana shu harorati pasaygan gaz tayyor mahsulot sifatida gaz haydash KS ga yoki magistral gaz quvuriga yo’naltiriladi. Tundan х uddi shu jarayon S-102 gazajratkichi (6) va T-102 issiqlikalmashtirgichida (7) yana bir marta qaytariladi. SHundan keyin qolgan gaz aralashmasi oqimi 9-10°S haroratda shtuserga (8) keladi, bu yerda bosimi 5,8 MPa gacha pasaytirilib uchinchi bosqich gazajratkichiga (9) S-103 yuboriladi. Uchinchi bosqich gaz ajratkichdan ajralib chiqqan tozalangan gaz yana T-102 va T-101 issiqlik almashtirgichlariga (7,5) va undan keyin esa KS ga jo’natiladi. Uchinchi bosqich gazajratkichidan (9) ajralib chiqgan suyuqliklar kondensat, suv va DEG dan iborat bo’lib, bularni bir-biridan ajratib olish R-101, R-103 taqsimlagichlari (11, 13), T-103 uchinchi issiqlik almashtirgichi (12), V303, V- 201, V-202, V-203 shamollatkichlarida (14,18,19,20) bajariladi. Bu jarayonlarda ajralib chiqadigan te х nologik gazlar yuqori bosimli va past bosimli mash`alalarda yoqib yuboriladi. Ajratib olingan DEG E-301 idishiga (21) yig’iladi va ma х sus N- 312 nasosi (23) orqali yana gaz tozalash jarayoniga qaytariladi. Tayyor kondensat omborga jo’natilsa, ajratib olingan qatlam suvlar oqava suvlar holatida kanalizasiya tizimiga jo’natiladi.

Foydalanilgan adabiyotlar: 1. E.A. Bakirov, V.I. Yermolkin, V.I. Larin i dr. Geologiya nefti i gaza Uch. Pos. Nedra 1989. 2. V.G. Kanalin, M.G. Ovanesov, V.P. Shugrin. Neftegazopromislovaya geologiya i gidrogeologiya Moskva. Nedra 1985. 3. I.X. Abrikosov, S.N. Gutman. Obshaya, neftyanaya i neftepromislovaya geologiya. Moskva. Nedra 1982. 4. M.A. Jdanov. Neftegazopromislovaya geologiya i podschet zapasov nefti i gaza. Moskva. Nedra 1986. 5. N.G. Sereda, V.M. Muravyov. Osnovi neftyanogo i gazovogo delo. Moskva. Nedra 1980. 6. N.G. Bobritskiy, V.A. Yufin Osnovi neftyanoy i gazovoy promishlennosti. Moskva. Nedra 1988. 7. A.V. Mavlonov. Neft va gaz koni geologiyasi. Toshkent 1992. 8. L.F. Petryashin, L.G. Lisyaniy. Oxrana prirodi v neftyanoy i gazovoy promishlennosti. Lvov. Visha shkola 1984. 9. N.A. Sidorov. Burenie i ekspluatatsiya neftyanix i gazov ы x skvajin. Moskva. Nedra 1982. 10. V.M. Muravev. Razrabotka i ekspluatatsiya neftyanix i gazovix skvajin. Moskva. Nedra 1986. 11. Neft va gaz jurnali. Toshkent 1997. .

Похожие

Katalitik kreking va jarayonga ta’sir qiluvchi omillar

Gazni qayta ishlash zavodlaridagi asosiy texnologik jarayonlar tavsifi

Katalitik riforming texnologik tizimi

Neft moylarini deparafinlash

Geologik hodisalar. Endogen va ekzogen geologik hodisalari va ularning ahamiyati. Endogen geologik jarayonlar