Нефткимёвий жараёнларнинг назарий асослари - Геология - Рефераты

Нефткимёвий жараёнларнинг назарий асослари

Загружено в:

20.09.2019

Скачано:

0

Размер:

201.5 KB

Нефткимёвий жараёнларнинг назарий асослари Режа: 1. Умумий тушунчалар 2. Нефткимёвий жараёнларни синфлаш

1. УМУМИЙ ТУШУНЧАЛАР Нефтни қайта ишлаш ва нефть кимёси саноатида бир қатор муҳим нефть маҳсулотларини олиш ва уларнинг сифатини яхшилаш учун турли кимёвий жараёнлардан ф ойдаланилади. Кимёвий жараёнлар ни қўллаш орқали нефтни чуқ у рроқ қайта ишлашга эришилади ва дастлабки нефтнинг таркибидагига нисбатан 1,5–2 баробар кўпроқ тиниқ нефть маҳсулотларини олиш имконияти пайдо бўлади. Кимёвий жараёнлар ёрдамида нефткимёвий ишлаб чиқаришлар учун турли хом ашёлар, жумладан, тўйин ма ган углеводородлар (этилен, пропилен, бутиленлар, бутадиен) ва ароматик углеводородлар (бензол, толуол, этилбензол, ксилоллар, изопропилбензол) олинади. Ушбу хом ашёлар асосида пластик массалар, синтетик каучуклар, синтетик толалар, ювучи воситалар ва бошқа муҳим маҳсулотлар ишлаб чиқарилади. Бир қатор кимёвий жараёнлардан фойдаланиш орқали тиниқ нефть маҳсулотлари ва мойларнинг сифатини яхшилаш (олтингугуртсизлантириш, антидетонацион хоссалари ва барқарорликни ошириш, коксланишни камайтириш, рангини яхшилаш ва ҳоказо) мумкин. Нефтни қайта ишлаш ва нефть кимёси ишлаб чиқаришларида қўлланиладиган энг асосий кимёвий жараёнлар қаторига каталитик риформинг, каталитик крекинг, изомерлаш, гидротозалаш, гидрокрекинг, кокслаш, пиролиз, алкиллаш, водородсизлантириш, полимерланиш каби жараёнлар киритилади. Каталитик риформинг. Жараён бензин фракцияларидан юқори октанли бензинларни олиш, ароматик углеводородлар (бензол, толуол, этилбензол, ксилоллар) ни ажратиш ва техник водородни ишлаб чиқариш учун ишлатилади. Жараён таркибида 70-80 % (ҳажм бўйича) водородни ушлаган газ билан циркуляция қилиш орқали амалга оширилади. Ҳарорат 450-530 0 С ва босим 1,5-4,0 МПа атрофида ўзгаради. Ушбу жараён турли катализаторлар (асосан, платинали катализатор) иштирокида олиб борилади.

Риформинг пайтида таркибида катта миқдорда водородни ушлаган газ ҳам олинади. Бу газдан нефть маҳсулотларини олтингугуртсизлантириш, яъни гидротозалашда фойдаланилади. Каталитик крекинг. Ушбу жараён орқали (ҳарорат 420-530 0 С; босим 0,1-0,3 МПа; алюмосиликат, цеолит ушловчи ва бошқа катализаторлар иштироки билан) турли дистиллят ла р ва қолдиқ хом ашёдан юқори октанли бензинлар ва таркибида юқори концентрацияли пропан-пропилен ҳамда бутан-бутилен фракцияларини ушлаган газ олинади. Изомерлаш. Нормал углеводородлар (пентан, бутан, бензин фракцияси) ни изомерлаш йўли билан алкиллаш учун ишлатиладиган изобутан ёки синтетик каучук ва бензиннинг юқори октанли компонентларини олиш учун хом ашё ҳисобланган изопентан олинади. Жараён ҳарорат 120-150 0 С ва босим 1 МПа гача бўлган шароитда олиб борилади. Гидротозалаш. Нефть фракцияларини олтингугуртсизлантириш ҳамда иккиламчи нефть маҳсулотлари таркибида бўлган тўйинмаган углеводородларни водород билан тўйинтириш учун ишлатилади. Ушбу жараёндан мой ва парафинларни тўла тозалаш учун ҳам фойдаланилади. Жараён ҳарорат 300-420 0 С ва босим 3-4 МПа бўлганда амалга оширилади. Гидрокрекинг. Юқори ҳароратда қайнайдиган дистиллят фракцияларидан қўшимча миқдордаги тиниқ нефть маҳсулотлари олиш учун ишлатилади. Жараён ҳарорат 370-420 0 С ва босим 14-20 МПа чегарасида ўзгарганда амалга оширилади. Таркибида кўп миқдорда олтингугуртни ушлаган мазутларни гидрокрекинг қилиш орқали буғ қозони ёнилғисидаги олтингугурт миқдорини сезиларли даражада камайтириш мумкин. Бундай шароитда атроф муҳитни ифлослантиришга сабабчи бўладиган олтингугурт икки оксидининг миқдори камаяди. Кокслаш. Ушбу жараён ёрдамида нефть қолдиқлари ва юқори ҳароратда қайновчи иккиламчи дистиллятлардан таркибида кам миқдорда кулни ушлаган нефть кокси олинади. Ҳосил бўлган коксли дистиллятлар

тиниқ нефть маҳсулотлари олиш учун қайта ишлашга жалб этилади. Кокслаш жараёни босим 0,1-0,3 МПа ва ҳарорат 480-540 0 С атрофида ўзгарган пайтда амалга оширилади. Пиролиз. Нефть дистиллятлари (бензин, керосин) ёки газ (этан, пропан) ни пиролиз қилиш нефть кимёси учун муҳим ашё бўлган тўйинмаган углеводородлар (этилен, пропилен, бутадиен) ни ишлаб чиқаришда асосий жараён ҳисобланади. Пиролиз пайтида ароматик углеводородлар (бензол, толуол) ва пироконденсат ҳам олинади. Ушбу жараён босим 0,01 МПа дан паст бўлганда ва ҳароарт 650-900 0 С атрофида ўзгарганда амалга оширилади. Алкиллаш. Тўйинмаган углеводородлар (пропилен, бутиленлар, амиленлар) ёрдамида изопарафинли углеводородлар (изобутан ёки изопентан) ни алкиллаш орқали бензинларнинг юқори октанли компонентлари олинади. Масалан, изобутанни бутилен билан алкиллаш натижасида изооктан ҳосил бўлади. Алкиллаш реакцияси ҳарорат 0 дан - 10 0 С гача ўзгарганда (катализатор сифатида Н 2 SO 4 ишлатилганда) ёки ҳарорат 25-30 0 С бўлганда (катализатор сифатида Н F нинг сувдаги эритмаси қатнашганда) амалга оширилади. Бензолни тўйинмаган углеводород лар (этилен, пропилен) билан алкиллаш жараёнида катализатор сифатида фосфор ёки сульфат кислотаси, алюмосиликатлар ва бошқалар ишлатилади. Катализаторнинг турига кўра, жараён ҳарорат 50 дан 450 0 С гача ва босим 1 дан 3 МПа гача ўзгарганда амалга оширилади. Водородсизлантириш. Тўйинган углеводородлардан тўйинмаган углеводородларни олиш (масалан, бутандан бутилен, бутилендан бутадиен, изопентандан изоамилен, изоамилендан изопрен олиш ва ҳоказо) мақсадида молекула таркибидан водородни ажратиб чиқариш водородсизлантириш жараёнининг асосини ташкил этади. Жараён хромалюминийли катализаторлар иштирокида, ҳарорат 530-600 0 С бўлганда, атмосфера босимида ёки вакуум остида олиб борилади. Водородсизлантириш йўли

билан этилбензолдан стирол, изопропиленбензолдан эса α – метилстирол олинади. Полимерланиш. Кичик молекулали моддалар (мономерлар) нинг катализаторларнинг иштироки билан ўзаро таъсири натижасида юқори молекулали модда (полимер) ни олиш полимерланиш жараёни деб юритилади. Ушбу жараён катализаторлар иштирокида олиб борилади. Пластмассалар, синтетик каучуклар, мойлар ва бошқа маҳсулотларни олишда полимерланиш жараёнидан фойдаланилади. Масалан, катализатор (фосфор кислотаси) иштирокида пропиленнинг полимерланиши орқали ювувчи воситалар ишлаб чиқаришда қўлланилинадиган пропилен тетрамери олинади. Пропиленнинг полимерланиши натижасида юқори сифатли пластмасса (полипропилен) ишлаб чиқарилади. Изобутиленнинг полимерланиши орқали қаттиқ полиизобутилен (молекуляр массаси 200000 атрофида) ёки суюқ полиизобутилен (молекуляр массаси 10000 атрофида) олинади. 2. НЕФТКИМЁВИЙ ЖАРАЁНЛАРНИ СИНФЛАШ Нефть ва газни кимёвий йўл билан қайта ишлаш технологиясида ҳар хил реакциялардан фойдаланилади. Уларнинг кўпчилиги саноат реакторларида амалга оширилади. Кимёвий реакциялар одатда умумий аломатларга асосланган ҳолда синфланади. Кимёвий реактор конструкцияси ва жараённи бошқариш усулларини танлаш учун реакцион системанинг фазавий таркиби муҳим аҳамиятга эга. Реагентлар ва маҳсулотларнинг фазавий таркибига кўра, кимёвий реакциялар гомоген ва гетероген бўлиши мумкин. Гомоген реакцияларда реагентлар ва маҳсулотлар битта фаза (суюқ ёки газсимон) да бўлади. Масалан, газсимон углеводородларни пиролиз қилиш гомоген реакцияни ташкил этади. Гетероген реакциялари юз берганда энг ками билан битта реагент ёки маҳсулот реакцияда қатнашаётган бошқа компонентлардан фарқ қиладиган фазавий ҳолатда бўлади. Агар икки фазали системалар «газ-суюқлик», «газ-

қаттиқ модда», «суюқлик-қаттиқ модда», «суюқлик-суюқли к » (иккита ўзаро аралашмайдиган суюқликлар), «қаттиқ модда-қаттиқ модда» ҳолатида бўлса, уч фазали реакцион системалар эса турли вариантларда учрашиши мумкин. Қаттиқ катализаторларнинг устидаги буғ фазаси да юз берадиган жараёнлар гетероген реакцияларга мисол бўла олади. Реакцияларнинг амалга ошириш механизми бўйича ҳам кимёвий жараёнлар синфланади. Ушбу принципга биноан, реакциялар оддий (бир босқичли) ва мураккаб (кўп босқичли), жумладан параллел, кетма-кет ва кетма - кет-пареллел йўналишда бўлиши мумкин. Агар оддий реакциялар битта босқичдан иборат бўлса, мураккаб реакциялар эса бир неча параллел ёки кетма-кет босқичлардан ташкил топган бўлади. Реакцияларда қатнашаётган молекулаларнинг сонига кўра, кимёвий жараёнлар моно-, би- ва учмолекулали реакцияга ажралиши мумкин. Кинетик тенгламанинг кўриниши (реакция тезлигининг реагентлар концентрацияларидан боғлиқлиги) кимёвий жараёнларнинг тартиб бўйича синфланиши учун аломат ҳисобланади. Реакцияларнинг тартиби деганда кинетик тенгламадаги реагентлар концентрациялари даража кўрсатгичларининг йиғиндиси тушунилади. Ушбу аломат бўйича кимёвий реакциялар биринчи, иккинчи, учинчи, касрий тартибли бўлиши мумкин. Кимёвий реакциялар тезлигини ўзгартириш учун махсус моддалар – катализаторлар ишлатилиши ёки ишлатилмаслигига кўра, бундай реакциялар каталитик ёки нокаталитик жараёнлар деб аталади. Нефть ва газни қайта ишлаш технологиясида учрайдиган кимёвий жараёнларнинг кўпчилиги каталитик реакциялардан ташкил топган. Бундай жараёнларда катализаторлардан фойдаланиш орқали бир неча ижобий ҳ олатлар юзага чиқади: реакциялар анча паст ҳароратларда олиб борилади; реакцияларни керакли йўналишлар бўйича олиб бориш мумкин; хом ашёлардан асосий маҳсулотларни ажратиб олиш даражаси юқори; қўшимча реакцияларнинг бориш тезлигини сусайтириш имконияти мавжуд.

Нокаталитик жараёнлар юқори ҳароратлар таъсирида олиб борилади. Бундай жараёнлар қаторига қуйидагиларни киритиш мумкин: суюқ ва газсимон углеводородли хом ашёни пиролиз қилиш; кокслаш; термик крекинг ва бошқалар. Ҳар қандай кимёвий реакция пайтида иссиқлик эффекти юз беради. Иссиқликнинг ютилиши билан борадиган реакциялар эндотермик, иссиқликнинг ажралиб чиқиши билан юз берадиган реакциялар эса экзотермик деб аталади. Мураккаб кимёвий жараёнларда иккала хил реакциялар ҳам юз бериши мумкин. Бундай ҳолатларда якуний катталик, яъни умумий иссиклик эффекти ҳисоблаб чиқилади. Крекинг, пиролиз, каталитик риформинг эндотермик реакциялар ҳисобланса, гидрогенизация, алкиллаш, полимерланиш реакциялари эса экзотермик жараёнларга мисол бўла олади. 3. КИМЁВИЙ РЕАКЦИЯЛАР КИНЕТИКАСИ Кимёвий кинетика – кимёвий реакциялар тезликлари ҳақидаги таълимот. Реакциянинг кинетикаси дейилганда берилган реакция тезлигининг концентрация , ҳарорат, босим ва бошқа омиллардан боғлиқлиги тушунилади. Кимёвий реакциянинг тезлиги ҳажм бирлигидаги компонент моллари сонининг вақт бирлигида ўзгариши орқали ифода қилинади: d dN V r 1   , (18.1) бу ерда V – реакцияда қатнашаётган компонентларнинг ҳажми; N – сарфланаётган компонент молларининг сони; τ – компонент лар нинг контакт вақти. Агар V = const бўлса, N = CV , бу ерда С – берилган (сарфланаётган) компонентнинг вақтнинг маълум бир они τ га мос келган концентрацияси. Бундай шароитда:

  d dc d V N d r       . (18.2) Реакция тезлигини реактор ҳажми V R га нисбатан олинса, (18.1) тенглама қуйидаги кўринишга эга бўлади: d dN V r R 1   . (18.3) Икки фазали системаларда эса реакция тезлигини фазаларнинг контакт юзаси F га нисбатан олиш мумкин: d dN F r 1  . (18.4) Реакция кинетикаси тушунчасига асосланган ҳолда, қуйидаги кинетик тенгламани ёзиш мумкин: bB aAC KC d dc    , (18.5) бу ерда К – реакция тезлигининг ўзгармас сони; а ва b – А ва В компонентлари бўйича реакция тартиблари. Реакциянинг умумий тартиби алоҳида олинган компонентлар тартибларининг йиғиндиси Z га тенг: ...    b a (18.6) Кимёвий реакциянинг кинетикасини ўрганишда ўзгартириш даражаси деган катталик муҳим аҳамиятга эга. Бу катталик компонентларнинг реакцияга учраган моллари сонининг компонентлардаги молларнинг дастлабки сонига нисбати x орқали белгиланади: 000 1 N N N NN x   , (18.7) бу ерда N 0 – дастлабки оқимдаги моллар сони; N – реакция маҳсулотларидаги моллар сони. Ўзгармас ҳажмда амалга ошириладиган реакциялар учун: 0 0 0 1 C C C C C x     , (18.8) бу ерда С 0 – берилган компонентнинг дастлабки оқимдаги концентрацияси; С – берилган компонентнинг реакция маҳсулотларидаги концентрацияси.

Биринчи тартибли реакция учун, масалан, ўзгартириш даражаси х компонентларнинг реакцияда қатнашиш вақти τ билан қуйидаги тенглама орқали боғланган: τ Κ) ( 0 0 x C LnC   . (18.9) Кимёвий жараён натижасида олинган маҳсулот массасининг қайта ишлашга жалб этилган дастлабки материалларнинг массасига нисбати маҳсулотнинг чиқиши деб юритилади. Агар юз бераётган кимёвий жараён стехиометрик тенглама билан ифода қилинса, бундай шароитда маҳсулотнинг чиқишини олинган маҳсулот массасини назарий жиҳатдан олиниши мумкин бўлган массага нисбати орқали аниқланади. Компонентларнинг реакцияга учраш вақти ўзгартириш даражаси ва маҳсулотнинг чиқиши билан боғлиқ бўлиб, реакторнинг зарур бўлган ўлчамларини аниқлашга ёрдам беради. Одатда реакциянинг давомийлиги тажриба ёки тажриба–саноат ускуналарида топилади. Агар реакцияга киришаётган моддаларнинг унумдорлиги V маълум бўлса, кимёвий реакция учун зарур бўлган ҳажм V R қуйидаги нисбат орқали аниқланади:  V VR , (18.10) бу ерда ε – реакцион зонадаги эркин ҳажм улуши. Кимёвий реакцияларнинг тезлигини ҳисоблашда ҳажмий тезлик ва массавий тезлик тушунчалари ҳам ишлатилади. Суюқ ҳолатдаги хом ашё учун ҳажмий тезлик реакцион зонанинг ҳажм бирлигига вақт бирлигида юборилган совуқ хом ашёнинг ҳажми орқали аниқланилади. Газсимон хом ашёнинг ҳажми нормал шароитлар бўйича ҳисоб-китоб қилинади. Ҳажмий тезликнинг тескари қиймати реакциянинг мавҳум вақти деб юритилади. Массавий тезликнинг қиймати эса хом ашё бўйича массавий иш унумдорли ги ни реакцион ҳажмдаги катализаторнинг массасига нисбати орқали топилади. Кимёвий реакция тезлиги ўзгармас сонининг ҳароратдан боғлиқлиги юқори аниқлик билан Аррениус тенгламаси орқали ифода қилинади:

RT E e K K   0 , (18.11) бу ерда К 0 – доимий сон; Е – фаоллаштириш энергияси; R – газнинг универсал доимийлиги; Т – ҳарорат. Берилган ҳароратда системадаги барча молекулалар энергиясининг ўртача қийматига нисбатан реакцияга учраган молекулаларнинг ортиқча энергияси фаоллаштириш энергиясини белгилайди. Фаоллаштириш энергияси қанча кўп бўлса, кимёвий реакциянинг тезлиги шунча кам бўлади. Ижобий катализаторларни қўллаш фаоллаштириш энергиясининг камайишига ва кимёвий реакция тезлигининг кўпайишига олиб келади ёки жараённи анча паст ҳароратда олиб бориш учун имконият яратиб беради. Агар Т 1 ҳароратда реакция тезлигининг ўзгармас сони К 1 га тенг, Т 2 бўлганда эса К 2 га тенг бўлади, бундай шароитда (18.11) тенгламани қуйидагича ўзгартириб ёзиш мумкин:          1 2 2 1 1 1 T T R E K K Ln . (18.12) Қайтарувчи кимёвий реакциялар учун ўзгартириш даражаси ҳарорат билан реакциянинг иссиқлик эффектига кўра турлича боғланган бўлади (18.1-расм). Экзотермик реакцияларда ҳароратнинг ортиши билан ўзгартириш даражаси дастлаб кўпаяди, сўнгра камайиб кетади. Шу сабабдан экзотермик реакцияларда берилган реакция вақти τ да ўзгартириш даражаси x максимал нуқтага етади. Эндотермик реакцияларда ҳароратнинг ортиши билан ўзгартириш даражаси ҳам ортиб боради. Шу боис бундай реакцияларни амалга ошириш учун бир қатор омиллар (дастлабки моддалар ва реакция маҳсулотларининг барқарорлиги; технологик имкониятлар; иқтисодий масалалар ва ҳоказо) ни ҳисобга олган ҳолатда максимал ҳароратни қабул қилиш мақсадга мувофиқ бўлади.

18.1-расм. Қайтарувчи экзотермик(а) ва эндотермик(б) реакциялар учун жараённинг турлича давомийлиги τ пайтдаги ўзгартириш даражаси х нинг ҳарорат Т дан боғлиқлиги (τ 1 >τ 2 >τ 3 ; х р -мувозанат ҳолатдаги қиймат). Кимёвий реакцияларнинг кўпчилиги иссиқликнинг ажралиб чиқиши ёки унинг ютилиши билан содир бўлади. Кимёвий жараённинг иссиқлик эффекти тажриба йўли билан топилади ёки Гесс қонуни бўйича ҳисобланилади. Ушбу қонунга асосан кимёвий жараённинг иссиқлик эффекти реакция маҳсулотлари ва дастлабки моддаларнинг ҳосил бўлиш иссиқликлари йиғиндиларининг айирмаси ҳамда дастлабки моддалар ва реакция маҳсулотларининг ёниш иссиқликлари йиғиндиларининг айирмаси сифатида топилади. Кимёвий реакциянинг иссиқлик эффекти Q р ва унинг мувозанат ўзгармас сони К р қуйидаги тенглама орқали боғланган: 2 RT Q dT dLnK p p  . (18.13) Агар мувозанат ўзгармас сонининг ҳароратдан боғлиқлиги маълум бўлса, охирги тенгламани интеграллаш мумкин бўлади. Босимнинг ўзгариши одатда кимёвий реакциянинг иссиқлик эффектига жуда кам таъсир қилади; техник ҳисоблашларда ушбу таъсир ҳисобга олинмаса ҳам бўлади. Юқори босимларда эса босимнинг таъсири албатта ҳисобга олиниши керак. Нефтни Т Та б

қайта ишлаш технологиясининг бир қатор жараёнлари учун иссиқлик эффектларининг қийматлари (кЖ/кг ҳисобида) жуда кенг чегарада ўзгаради: Газойлларни термик крекинг қилиш 300 – 100 0 Керосинли фракцияларни пиролиз қилиш 1400 – 2000 Каталитик крекинг 200 – 550 Бутанни водородсизлантириш 2000 Гидроформинг 750 Алкиллаш 1000 Крекинг катализаторидаги коксни куйдириш 28000 – 32000 Қаттиқ ғоваксимон катализаторларнинг иштироки билан олиб бориладиган кимёвий реакциялар (каталитик крекинг, водородсизлантириш ва бошқалар)нинг тезликлари қуйидаги асосий босқичлар орқали аниқланади: компонентларнинг кимёвий ўзгариши, компонентларнинг ташқи диффузия орқали катализаторнинг юзаси томон силжиши ва компонентларнинг катализаторнинг ғовакларидаги ички диффузияси. Бундай ҳолатда реакцияга учраётган молекулалар ташқи диффузия таъсирида катализатор гранулаларининг ташқи юзасига яқинлашади ва ички диффузия ёрдамида ғоваклар орқали катализаторнинг фаол марказларига томон силжийди. Сўнгра кимёвий реакция юз беради, ҳосил бўлган маҳсулот эса гранулаларнинг ташқарисига чиқади. Жараённинг тезлиги энг секин борадиган босқичнинг тезлиги билан белгиланади. Агар компоенентларнинг диффузияси катта тезлик билан бораётган бўлса, жараённинг тезлигини унинг кимёвий босқичи белгилайди (демак, реакция кинетик зонада юз бермокда). Агар реакцияга учраётган моддалар катта тезлик билан силжиётган бўлса, кимёвий реакция диффузион зонада амалга ошаётган бўлади. Реакция тезлиги ўзгармас сонининг ҳароратдан боғлиқлиги маълум бўлса (18.2-расм), жараённинг тезлигини белгиловчи босқични аниқлаш мумкин бўлади. Диффузион зонада (АБ чизиғи) борадиган кимёвий реакцияда жараённинг тезлигига ҳарорат жуда кам таъсир қилади, чунки

ҳароратнинг ўзгариши билан диффузия коэффициенти ҳам жуда кам ўзгаради. Шу сабаб дан ушбу зонада реакция тезлигини ошириш учун гидро- динамик омиллар (оқим тезлигини ошириш, жадаллик билан аралаштириш 18.2-расм. Жараённинг ҳал қилувчи босқичини аниқлашда кимёвий реакция тезлиги ўзгармас сонининг ҳароратдан боғлиқлиги. ва бошқалар) дан фойдаланиш зарур ёки катализатор гранулаларининг ўлчамларини кичрайтириш керак. Кимёвий реакция кинетик зонада (ВГ чизиғи) олиб борилганда, ҳароратнинг ошиши реакция тезлигининг анчагина кўпайишига олиб келади. Бунда бошқа омиллар жараённинг умумий тезлигига жуда ҳам кам таъсир этади. Ўтиш зонасида (БВ чизиғи) эса кинетик ва диффузион зоналардаги реакция тезликлари ҳисобга олиниши лозим. Аррениус тенгламасига биноан, тўғри чизиқнинг абсцисса ўқига нисбатан ҳосил қилган бурчак тангенси фаоллаштириш энергиясини белгилайди. Диффузион зона учун эгилиш бурчаги тангенси, яъни фаоллаштириш энергияси, кичик бўлса, кинетик зонада эса анчагина катта қийматни ташкил этади. LnK А Б В Г 1/T

Адабиётлар рўйхати 1. Скобло А.И., Молоканов Ю.К., Владимиров А.И., Щелкунов В.А. Процессы и аппараты нефтегазопереработки и нефтехимии. – М.: Недра, 200 0 . – 677 с. 2. Молоканов Ю.К. Процессы и аппараты нефтега з опереработки. – М.: Химия, 1980. – 407с. 3. Владимиров А.И., Щелкунов В.А., Щелкунов В.А., Круглов С.А. Основные процессы и аппараты нефтегазопереработки (краткий справочник). – М.: Нефть и газ, 1996. – 155 с. 4. Фарамазов С.А. Оборудование нефтеперерабатывающих заводов и его эксплуатация. – М.: Химия, 1978. – 352 с. 5. Рябов В.Д. Химия нефти и газа. – М.: Техника, 2004. – 287 с. 6. Коннова Г.В. Оборудование транспорта и хранения нефти и газа. – Ростов-на-Дону: Феникс, 2006. – 126 с. 7. Грищенко А.И., Галанин И.А., Зиновьева Л.М. и др. Очистка газов от сернистых соединений при эксплуатации газовых месторождений. – М.: Недра, 1985. – 270 с. 8. Справочник нефтехимика. В двух томах. Том 1. Под редакцией Огородникова С.К. – Л.: Химия, 1978. – 496 с. 9. Справочник нефтехимика. В двух томах. Том 2. Под редакцией Огородникова С.К. – Л.: Химия, 1978. – 592 с. 10. Фукс И.Г., Холодов Б.П. Нефть, газ и продукты их переработки. – М.: Нефть и газ, 1994. – 163 с. 11. Расчеты основных процессов и аппаратов нефтепереработки. Справочник. Под редакцией Судакова Е.Н. – М. Химия, 1979. – 568 с. 12. Абросимов А.А. Э.К. Экологические аспекты производства и применения нефтепродуктов. – М.: Барс, 1999. – 732 с. 13. Бакиров Т.М. Перв и чная переработка природных газов. – М.: Химия, 1987. – 256 с.

Похожие

Кимёвий реакторлар

Грунтшунослик асослари

Модда ўтказиш асослари

Иссиқлик ўтказиш асослари

Нефтни ҳайдаш асослари