Магматик тоғ жинсларнинг минералогик таркиби - Геология - Рефераты

Магматик тоғ жинсларнинг минералогик таркиби

Загружено в:

20.09.2019

Скачано:

0

Размер:

40.5 KB

Магматик тоғ жинсларнинг минералогик таркиби Режа: 1. Тоғ жинсларнинг ҳосил қилувчи минераллар 2. Ҳосил бўлиш шароитига (генезисига) кўра минераллар 3. Иккиламчи минераллар

Тоғ жинсларнинг ҳосил қилувчи минераллар Кўпчилик магматик тоғ жинслар деярлик минерал агрегатларидан иборат. Тоғ жинсларни аниқлаш учун уларнинг таркибидаги минералларни билиб олиш зарур. Минералларнинг бир хил шароитда ҳосил бўлиб бирга учрашлиги (парагенезиси) жинсларнинг химёвий таркибига ва уларнинг ҳосил бўлиш шароитига боғлиқ. Магматик тоғ жинсларни ҳосил қилувчи минераллар уларнинг тоғ жинсларидаги миқдорига ва ҳосил бўлиш шароитига қараб (генезисига) ажратилади. Умуман магматик тоғ жинсларни ҳосил қилувчи минераллар тоғ жинслар таркибидаги миқдорига қараб асосий жинс ҳосил қилувчи ва иккинчи даражали минералларга бўлинади. Тоғ жинсларнинг номи асосий жинс ҳосил қилувчи минералларнинг миқдорига қараб аниқланади. Масалан: гранитларда асосий жинс ҳосил қилувчи минераллар - дала шпатлар (плагиоклаз, калий дала шпати), кварц ва биотит ёки амфиболлар ҳисобланади. Иккинчи даражали минералларнинг фоиз миқдори кам бўлиб уларнинг бор йўқлиги тоғ жинсларнинг номига таъсир қилмайди. Масалан: гранитларнинг ўзида кам миқдорда серицит, хлорит, пирит ва бошқалар учраши мумкин. Химёвий таркибига кўра минераллар икки гуруҳга ажратилади: 1) рангсиз (салик) минераллар ва 2) рангли (фемик, мафик) минераллар. 1. Рангсиз (салик) минералларга дала шпатлари, фельдшпатоидлар ва кварц киради. Бу минераллар таркибида асосий элемент Si ва Al дир, шунинг учун ҳам салик минераллар деб аталади. 2. Рангли фемик минераллар таркиби Fe ва Mg га бой бўлади. Бу гуруҳга оливин, пироксенлар, амфиболлар ва биотитлар (слюдалар) киради.

Асосий жинс ҳосил қилувчи минераллар ичида энг кўп тарқалганлари дала шпатлар ҳисобланади. Деярли кўпчилик тоғ жинслар таркибида дала шпатлар қатнашади. Шулар жумласига гранитлар, гранодиоритлар, габбро, базальтлар, сиенитлар, диоритлар ва бошқалар киради. Магматик тоғ жинсларни гуруҳларга ажратишда шу жинслардаги дала шпатларнинг таркиби ва миқдори асосий ролларни ўйнайди. Дала шпатлар билан бир қаторда тоғ жинсларни аниқлашда кварц, фельдшпатоидлар ва рангли минераллар ҳам катта аҳамиятга эга. Иккинчи даражали минераллар (1-5%)дан кам миқдорда учрайди ва уларнинг бор йўқлиги тоғ жинслар номига таъсир қилмайди. Минералларнинг ҳосил бўлиш шароитига (генезисига) қараб бўлиниши Ҳосил бўлиш шароитига (генезисига) кўра минераллар асосан 2 гуруҳга ажралади: 1. Бирламчи (ва пастериорли) ва 2. Иккиламчи минераллар.Баъзан ксеноген минералларни ҳам кўрсатиб ўтиш зарур. Бирламчи минераллар магмадан, унинг совуб кристалланишидан ҳосил бўлади. Пастериорли минераллар эса дастлабки магмадан ҳосил бўлган минералларнинг ўзини ҳосил қилган магматик эритма билан реакцияга кириб янги минералнинг ҳосил бўлишидан келиб чиқади. Масалан: базальтик магмадан биринчи бўлиб оливин минерали ҳосил бўлади ва магманинг маълум бир ривожланиш босқичида у магматик эритма билан реакцияга кириб унинг атрофида реакцион пироксенли пўст (оболочка) ҳосил бўлади. Иккиламчи минераллар кўпинча бирламчи минерал ҳисобига ҳосил бўлади. Масалан: ўтаасос тоғ жинсларда оливин ҳисобига серпентин ҳосил бўлади ёки гранитларда дала шпатлар ҳисобига серицит ва пелитлар ҳосил бўлиши бунга мисол бўла олади. Ундан ташқари иккиламчи минерал лаванинг бўшлиқ қисмини эгаллайди (хлорит, халцедон ва бошқалар). Бундай минералларнинг ҳосил бўлиши минерал эритмаларининг тоғ жинслар оролиғидан ўтиб юриши билан боғлиқ.

АДАБИЁТЛАР 1.Жариков В.А. Физико-химические основы петрографии. М.,1976. 2.Заварицкий А.Н. Изверженные горные породы. Изд. АН СССР, М., 1961. 3.Кузнецов А.А. Краткий курс петрографии магматических и метаморфических пород. М., изд. МГУ, 1970. 4.Маракушев А.А. и др. Петрография. М., т.1, 1976, т.2, 1981, т.3, 1985. 5. Маракушев А.А. Петрология. М., 1988. 6. Тернер Ф., Ферхуген Дж. Петрология изверженных и метаморфических пород. М., 1961. 7. Хамрабаев И.Х., Раджабов Ф.Ш. Петрография асослари. Т., «Ўқитувчи», 1964, 1984. 8.Қодиров М.Х. Қўшмуродов О.Қ. Петрография, 1994. 9. Геологиядан русча-ўзбекча изоҳли луғат. Т. «Ўзбекистон» 1995.

Похожие

Магматик тоғ жинсларнинг структурали

Магматик тоғ жинсларнинг ётиш шакллари

Petrografiya (петрология) фанининг ривожланиш тарихи

Эндоген конларнинг ҳосил бўлиш жараёнлари (Магматик пегматит ва карбонатит)

Тог жинслари хакида умумий маълумотлар