Эрта палеозой босқичи - Геология - Рефераты

Эрта палеозой босқичи

Загружено в:

20.09.2019

Скачано:

0

Размер:

335.5 KB

Эрта палеозой босқичи Режа: 1. Геодинамикаси. 2. Палеогеографияси. 3. Органик дунёси. 4. Фойдали қазилмалари. Фосфоритлар 5. Маъданли конлар

Ердаги ҳаётнинг 1,8 млрд. йилли кейинги даври турли геологик ҳодисаларга бой. Бу асосан Ерда ҳаёт гуркираб ривожланган фанерозой эонига тааллуқли. Нисбатан қисқа вақт оралиғида (500-600 млн. йил) сайёрамизнинг кўринишини тубдан ўзгартириб юборган бир неча оламшумул бурмаланиш босқичлари содир бўлган. Палеозой эраси каледон ва герцин тектогенез эпохалари билан якунланган эрта ва кечки палеозой босқичларига бўлинади. Ер ривожланишининг эрта плаеозой (каледон) босқичи палеозой эрасининг биринчи яримига тўғри келади. У умумий давомийлиги 170 ±10 млн йил б ў лган кембрий, ордовик ва силур даврларини ўз ичига олади. Геологик тарихнинг бу қисмини батафсил табақалаш учун кўпчилиги оҳакли ёки кремнийли чиғаноқ ва суякларга эга бўлган ҳайвонот ва ўсимлик дунёси кенг ривожланган. Геодинамикаси. Эрта палеозойда ер пўстининг ривожланиши платформа ва геосинклиналларда турлича кечган. Кечки протерозойда бошланган тектоник режимнинг дифференциацияси янада кучайган. Материклар асосан экватор яқинида тўпланган, иқлими илиқ бўлган, эксплозив вулканизм кучайган. Кембрий охирида бир қатор қамбарларда орогенезнинг салаир босқичи билан боғлиқ сиқиш деформацияси, кўтарилиш, метаморфизм ва гранит ҳосил бўлиш жараёнлари кечган. Кембрийда Ғарбий ва Шарқий Гондвана байкал орогенези ту файли туташган. Бунинг натижасида йирик Гондвана континентал массиви вужудга келган ва у карбоннинг ўрталаригача (320 млн йил олдин ) мавжуд бўлган , кейинчалик Янги Пангей таркибига кирган. Ордовик даврининг охирларида тектоник ҳаракатлар натижа сида материклар кўтарилган ва денгиз регрессияси амалга ошган . Баъзи жойларда туб кембрий ва ордовик жинслари бурмаланишга учраган ва тоғлар вужудга келган . Орогенезнинг бу қадимий босқичи каледон бурмаланиши деб аталади .

Силур даврида Ғарбий Европада каледонидлар қамбари ҳосил бўлган. Бу тоғ занжири Норвегия, Шотландия ва Ирландия ҳудудларидан ўтган. Шимолий Сибирда ҳам орогенез ривожланган бўлиб, натижада унинг ҳудуди юқори кўтарилиб, шундан кейин ҳеч қачон денгиз билан қопланмаган. Фаол геосинклиналларда геологик жараёнлар зиддиятли характерга эга бўлган. Ғарбий ва Шарқий Сибир, Скандинавия яриморолининг шимоли, Ўрта ер денгизи, Кордильера ва Анд, Шарқий Австралияда жуда кўплаб оролларга эга бўлган геосинклинал режим ҳукм сурган. Кембрий ва ордовикда геосинклиналларда бир неча километрли амплитудага эга бўлган дифференциацияланган вертикал ҳаракатлар кузатилган. Тор чўзиқ кўтарилган қамбарлар ҳудди шундай ботиқликлар билан қўшни бўлган, уларда бўлакли ва карбонатли ётқизиқлар тўпланган. Вулкан ҳаракатлари фаол кечганлиги туфайли эффузив жинслар ҳам кенг тарқалган. Эрта палеозойнинг охирида вужудга келган ер пўстининг барқарор ҳудудлари эпикаледон платформалари номини олган (204-расм). Бундай структуралар одатда токембрий платформаларинининг четларида жойлашган бшлиб, уларнинг умумий майдонини кенгайтирган. Аммо ҳали кўп жойларда геосинклинал режим сақланиб қолган. Ўрта ер денгизи, Ғарбий ва Шарқий Сибир, Кордильера ва Анд, Шарқий Австралия кечки палеозойда ҳам ўзининг геосинклинал ривожланишини давом эттирган. Палеогеографияси. Шимолий Америкада ҳар иккала геосинклинал сув билан қопланган, кембрийнинг иккинчи ярмида эса материкнинг марказий қисми жуда паст бўлиб, ҳар иккала ботиқлик саёз денгиз орқали туташган ва унда қумтошлар, гилли сланецлар ва оҳактошлар тўпланган. Европа ва Осиёда йирик денгиз трансгрессияси содир бўлган. Ер юзасининг бу қисми сув остида қолиб кетган. Бундан қуруқликнинг учта йирик массиви (Болтиқ қалқони, Арабистон яримороли ва Жанубий Ҳиндистон), Жанубий Европа ва Жанубий Осиёдаги бир қатор унча катта бўлмаган қуруқликлар истеснодир. Австралия ва Жанубий Американинг марказий қисмида унча

кенг бўлмаган д енгиз трансгрессияси ривожланган. Кембрий даврининг охирида қуруқликнинг катта қисми кўтарилабошлаган ва қисқа муддатли денгиз регрессияси содир бўлган . расм. Каледонидларнинг ҳозирги структурада тутган ўрни. 1-эпикаледон платформалари: 1-Шимолий Гренландия, 2-Грампиан, 3-Иннуит, 4- Марказий Қозоғистон, 6-Наньшан, 7-Катосиё, 2-илгари консолидацияланган вилоятлар, 3-қадмий Хитой платформасининг парчаланган палахсалари. Ордовик даврда материклар яна чўкабошлаган, натижада ер юзасининг пасткам ҳудудлари саёз денгизлар билан қопланган. Ордовикнинг охирида Шимолий Америка ҳудудининг 70% дан ортиғи денгиз билан қопланган ва уларда катта қалинликдаги оҳактошлар ва гилли сланецлар тўпланган. Европа ва Осиёнинг кенг майдонлари, қисман –

Австралия ва Жанубий Американинг марказий райони ҳам денгизлар билан қопланган. Ордовик даврини якунловчи тектоник кўтарилишдан сўнг денудацион босқич бошланган, силурнинг бошларида материклар яна чўкабошлаган, денгизлар эса пасттекисликларни қоплаб олган. Шимолий Америкада эрта силурда денгизлар акваторияси сезиларли даражада қисқарган, аммо силурнинг ўрталарида улар деярли 60% ҳудудларни қоплаб олган. Катта қалинликдаги денгиз оҳактошлари ҳосил бўлган. Кечки силурда денгизлар акваторияси анча кўп қисқарган. Ордовик даври давомида иқлим сезиларли ў згарган . Эрта ор довикда у илиқ арид бўлган, ў рта ордовикда гумидлашиш кучайган, кечки ордовикда эса совуб, қутбий вилоятларда қоплама музликлар ҳосил бўлган . Эрта палеозойда платформаларда денгизларнинг бир неча бор трансгрессив-регрессив ҳаракатлари кузатилган. Денгиз трансгрессиясининг максимуми ўрта кембрий, ўрта ордовик ва эрта силур эпохаларига тўғри келган. Бу трансгрессиялар оралиғида қуруқлик ҳудудлари кенгайган. Платформаларнинг давом этаётган чўкиши натижасида уларнинг бир неча миллион квадрат километрларга эга майдонларини денгизлар қоплаб олган. Шу туфайли чўкинди қопламаси 3-4 км га борувчи плиталар пайдо бўлган. Шарқий Европа платформасида Рус плитаси, Шимолий Америка платформасида Буюк текисликлар ва Мидконтинент плиталари, Сибир платформасида эса Ангара-Лена плитаси ва б. ҳосил бўлган. Платформаларнинг қалқонлари чўкмасдан йирик ороллар сифатида қуруқлигича қолган. Бунга мисол қилиб Шарқий Европа платформасининг Болтиқ ва Украина қалқонларини кўрсатиш мумкин. Қалқонлардан ёндош денгизларга бўлакли материал келтирилиб ётқизилган. Европа ва Осиёда силур денгизлари кенг тарқалган ва деярли кембрий денгизлари қоплаган ҳудудларини эгаллаган. Европада катта қалинликдаги оҳактошлар Болтиқ қалқонининг жанубий қисми чегарасида тўпланган.

Унча йирик бўлмаган денгизлар Шарқий Австралия, Шимолий Африка ва Жанубий Американинг марказий районларида тарқалган. Силурнинг охирида геосинклинал денгизларнинг акваторияси каледон тектогенези туфайли кескин қисқарган. Натижада кўпчилик геосинклиналлар платформалар шаклида пассив ҳудудларга айланган. Уларда кейинчалик фаол тектоник ҳаракатлар ва вулканизм содир бўлмаган. Органик дунёси. Эрта палеозойнинг органик дунёси ранг-баранг бўлсада, улар амалда сув ҳавзаларидагина ҳаёт кечиришган. Эрта кембрий денгизларидаги ҳаёт органик дунёнинг турфалиги билан фарқ қилган. Денгиз тубининг илли грунтида яшаган буғимоёқлиларнинг алоҳида синфига мансуб бўлган трилобитлар шулар қаторидадир (205-расм). расм. Кембрий денгизининг трилобитлари. расм. Бошоёқли моллюска. Трилобитлар кўпчилигининг узунлиги 2,5 см дан ошмаган, аммо уларнинг орасида анча катталари ҳам бўлган. Бу ҳайвонлар қаторида медузалар, булутлар ва оҳакли ғовак скелетга эга археоциатлар ҳаёт кечиришган. Кембрий трилобитлари яхши ривожланган бош қалқонга ва суст ривожланган дум қисмига эга бўлган. Улар кембрий фаунасининг 60% га яқинини ташкил этишган. Трилобитлар кембрий ва ордовик даврларида

гуркираб ривожланган. Силурнинг охирига келиб уларнинг сони кескин камайиб кетган. Трилобитларнинг кескин камайиб кетишига бошоёқли моллюскалар (наутилоидейлар) сабабчи бўлган (206-расм). Палеозой эрасининг охирига келиб трилобитлар батомом қирилиб кетган, наутилоидейлар эса ҳозиргача яшаб келмоқда. Йиртқичлар қадимий токембрий строматолитли рифларини фаол емиришган, аммо энди янги оҳак тўпловчи организмлар кенг ривожланган. Булар оддий булутсимон организмлар – археоциатлар бўлган (207-расм). Улар бутун дунёга ёйилган ва кўплаб турларга тез эволюцияланган. Археоциатлар, ўз навбатида, қўққисидан инқирозга учраган ва кембрийнинг ўрталарига келиб батомом қирилиб кетган. Уларнинг ўрнини дастлабки маржонлар эгаллаган. Илк бор пайдо бўлган тишли ҳайвонлардан бири конодонтлар саналади. Улар кембрий даврининг охирларида ёки о рдовикнинг бошларида пайдо бўлган. К онодонтлар нинг оғиз аппарати 15 ёки 19 элементдан тузилган бўлиб, ҳозирги ҳайвон жағларидан батомом фарқ қилган (208-расм). Элементларининг шакли тишсимон, ўркачли, япроқсимон кўринишга эга. расм. Археоциатлар. расм. Конодонтлар.

Барча кембрий умуртқасизлари ордовикда ҳам ривожланишини давом эттирган. Булардан ташқари маржонлар, пелециподалар (иккитавақали моллюскалар), мшанкалар ва дастлабки умуртқалилар пайдо бўлган. Силур жинсларида, умуман олганда, ордовик давридаги органик дунёнинг вакиллари кузатилади. Силурда қуруқлик ўсимликлари ҳали пайдо бўлмаган. Умуртқасизлар орасида маржонлар жуда кенг тарқалган бўлаб, уларнинг ҳаёт-фаолияти туфайли кўпчилик районларда яхлит маржон рифлари шаклланган. Силур охирида кўпчилик йирик сув буғуноёқлилари пайдо бўлади. расм. Мшанкалар. расм. Қисқичбақасимонлар. Ўша вақтлари строматопороидеялар ва маржонларга риф қуриш учун ёрдам берган колониал ҳайвонларнинг яна бир ғаройиб гуруҳи - мшанкалар пайдо бўлган. Баъзи мшанкалар юпқа тўрли тўғри катакли буталарни ҳосил қилган (209-расм). Силурда йирик қисқичбақасимонлар – эвриптеридлар отряди ривожлана бошлаган (210-расм). Бу ҳайвонлар чўзинчоқ нинага эга бўлиб, уларнинг узунлиги 1 м ва ҳатто 3 м гача борган. Уларнинг кўпчилиги йиртқичлар бўлган. Кушандаси бўлмаганлиги туфайли бу ҳайвонлар нафақат шўр, балки чучук сувларда ҳам кенг тарқалган.

Қуёш нурлари таъсирида исиган силур денгизларининг литоралида турли хил мавжудотлар яшаган. Денгиз тубида табуляталар ва йирик строматопораларнинг колониялари ҳаёт кечиришган. Строматопоралар баъзан қопсимон шаклга эга бўлган. Шарсимон колониал сувўтлари ва тўртнурли маржонлар ҳам гуркираб ривожланган. Маржонлар ва строматопоралар орасида қориноёқли моллюскалар яшаган. Шунингдек ўсимликсимон шаклдаги денгиз нилуфарлари ва узун конуссимон чиғаноқли наутилоидеялар кенг тарқалган (расм). расм. Силур денгизида ҳаёт кечирган ҳайвонлар ҳамжамияти. расм. Граптолитлар. Силур даврида умуртқасизлар гуркираб ривожланиши давом этган. Улар асосан оҳакли чиғаноқлар ва скелетга эга бўлган. Эрта палеозойда органик дунёнинг ривожланишида муҳим воқеа бўлиб дастлабки умуртқали ҳайвонларнинг пайдо бўлиши ҳисобланади. Уларнинг орасида яримхордалилар – граптолитлар катта аҳамиятга эга бўлган (112- расм). Аммо улар силурнинг охирига келиб қирилиб кетган. Граптолитларнинг юпқа узун танаси хитинли пленка билан ўралган. Бу ҳайвонлар сув оқимлари билан кўчирилиб, пассив ҳаёт кечиришган. Фойдали қазилмалари . Фосфоритлар . Эрта кембрий - Ер тарихида фосфоритлар ва тузлар тўпланган йирик эпохалардан бири ҳисобланади. Бу

вақтда Қоратовда (Қозоғистон), Хитойнинг жанубий-шарқида (Юньнань вилояти) ва Шимолий Вьетнамда кенг фосфоритли ҳавзалар вужудга келган. Эрта ва ўрта ордовикда Шарқий Европа ва Сибир платформаларида, Англия ва Швецияда донали-чиғаноқли фосфорит кон лари ҳосил бўлган. Туз. Кембрий даврида ҳосил бўлган тузлар миқёси бўйича девон ва пермнинг улкан туз ҳосил бўлган эпохалари билан қиёслаш даражасида бўлган. Силур чўкинди жинсларида ош тузи конлари кўп учрайди, уларнинг йирик заҳиралари Шимолий Америка платформасида тўпланган. Нефт ва газ. АҚШ мидконтиненти нефтининг учдан бирини берувчи кўпчилик маҳсулдор горизонтлари ордовик ёшига эга. АҚШдаги баъзи нефт конлари силур ётқизиқлари билан боғлиқ. Шу даврда Клинтондаги (АҚШ) оолитли темир маъданлари ҳосил бўлган. Маъданли конлар. Гранитоидларнинг каледон интрузияларида Шимолий Қозоғистон, Кузнецк Олотови ва Тоғли Шориядаги олтин конлари учрайди. Ўролдаги ўтаасосли интрузиялар билан хромит, Ньюфаундленд ороли ва Квебек (Канада) провинциясидаги асбест конлари боғлиқ. Пегматитларда Аппалачи ва Шарқий Сибирдаги нодир метал конлари ривожланган. Ордовик магматизми билан Норвегиянинг мис ва кобальт, Салаир кряжининг полиметалли ва Қозоғистоннинг олтин конлари боғлиқ. Ордовикда Ньюфаундлендда ҳамда Аргентина ва бир қатор Ғарбий Европа мамлакатларидаги оолитли чўкинди шамозит-гематитли конлар шаклланган.

Адабиётлар : 1. Jo`liev. A . X ., Chiniqulov . X . Umumiy geologiya ( Oliy o ` quv yurtlarining geologiya fakulteti talabalari uchun darslik ). Тошкент, «Университет», 2005. 2. Общая геология: учебник. Под редакцией профессора А. К. Соколов ского. Т 1 . М.: КДУ, 2006. 3. Общая геология. Под редакцией А.К.Соколовского. Том 2. Пособие к лабораторным занятиям, М .: , 2006. 4. Историческая геология: учебник для студ. высш. учеб. за веде ний /Н.В.Короновский, В.Е.Хаин, Н.А.Ясаманов. — 2-е изд., пе рераб. и доп. — М. : Издательский центр «Акаде мия», 2006. 5. Долимов Т.Н., Троицкий В.И. Эволюцион геология. Т., 2007. 6. Исломов О.И., ораҳмедов Ш.Ш. Умумий геология. Т., 1971. 7. ораҳмедов Ш.Ш. Умумий ва тарихий геология. Тошкент, 1985. 8. ораҳмедов Ш.Ш., Қодиров М.Ҳ. Умумий ва тарихий геоло гиядан лаборатория машғулотлари учун қўлланма. Т., 1988. 9. Хаин В.Е. Геология. М., 1993. 10. Қодиров М.Ҳ., ораҳмедов Ш.Ш. Геологиядан амалий машғулотлар. Т., 1994. 11. Жўлиев А.Х., Соатов А., Юсупов Р. Геология асослари. Т . 2001. 12. Chiniqulov Kh. Litologiya (darslik). Toshkent, «Yangi asr avlodi», 2008.

Похожие

Кечки палеозой босқичи

Архей ва эрта протерозой босқичи

Ўрта ва кечки протерозой босқичи

Мезозой эраси

Хорижий Евросиёнинг фойдали казилмалари