Жанубий Испаниядаги ландшафт - География - Рефераты

Жанубий Испаниядаги ландшафт

Загружено в:

20.09.2019

Скачано:

0

Размер:

27.5 KB

Жанубий Испаниядаги ландшафт Маквис бутазорлари тоғ ёнбағирларини 500 м баландгиккача қоплаган. Қурғоқчилроқ ерларда катта майдонларни Европада табиий ҳолда ўсувчи ягона пальмамайд.ч пальмалар (Chatnaerops humilis) қоплаган. Табиий ўсимлик қопламининг бойлиги маданий ўсимликларининг бойлиги ҳамда хилма-хиллиги билан уйғунлашиб кетган. Шимолийроқ районларида маккажўхори экиладиган ерлар ва узумзорлар, жанубда цитрус мевалари, тамаки, жанубнинг турли хил ййевали дарахтлари ва сабзавот экинзорларч кўпчиликни ташкил этади. Андалузия Ривьёраси ва Андалузия пасттекислигининг боғ ва паркларида тропик ўсимликлар: пальмалар, бананлар ўсади, айрим районларда эса ҳатто шакарқамиш экилади. Ўлканинг иқлими қуруқроқ ва континентал бўлган ички районларида ўсимлик ва тупроқлар бошқача. Ички Месета ясситоғлигида ҳамда Арагон текислигида ландшафт қуруқ дашт, баъзан эса чала чўл манзараларидир. Ҳар ер-ҳар ерда ўсиб ётган хушбўй ўсимликлардан иборат ксерофит бутазорлар ўт ўсган ерлар билан алмашиниб туради, ўтлар орасида оқ чалов (Stipa fenacissima)- кўпчиликни ташкил этади, бу ўсимлик баланд бўйли ғаллагулли ўт бўлиб, сифатли қоғоз ва турли хил тўқима буюмлар тайёрлаш учун хом ашё бўлади. Шувоқ ёки шўралар билан қопланган шўр босган ерлар ҳам тез- тез учраб туради. Деҳқончилик бу районларнинг деярли ҳамма жойида сунъий суғоришни талаб қилади. Эски Кастилияда кенг майдонлардан чорва моллари боқишда фойдаланилади. Қурғоқчил ва иссиқ жануби-шарқнинг суғорилмайдиган ерлари чала чўл манзарасига эга. Лекин сув етарли бўлган жойларда апельсинва мандаринзорлар бор.Валенсия ўзининг апельсин ва мандаринзорлари билан айниқса машҳур; Мурсия пасттекислигида ҳатто хурмо етиштирилади; бу ер Европада хурма етилиб пишадиган ягона жойдир.

Пиреней ярим оролида ўрмонларнинг энг катта массивлари тоғли районларда тўпланган. Баланд бўйли қарағай, ель ва пихта (Abis alba) ўсадиган айниқса қимматбаҳо игна баргли ўрмонлар Пиренея тоғлари ёнбағирларида сақланиб қолган. Кенг баргли ва аралаш ўрмонлар Кантабрия тоғларининг ёнбағирларини қоплаб ётади. Лекин Иберия тоғлари ҳамда Марказий Қордильера э.са ўрмонларга анча камбағалдир. Пиреней ярим оролининг ҳайвонот дунёсида Европа ва Африка ҳайвонлари вакиллари бор. Европа ҳайвонлари бўри, тулки, оҳу, баъзи бир кемирувчилар ва қушлардан иборат. Европанинг бошқа табиий ўлкаларида учрамайдиган, ёввойи қуён жуда типик ҳайвондир. Қушлардан эндемик ҳаво ранг зағизғон (Cyanopica ciana) характерлидир. Шимолий Африка ҳайвонларининг вакили бўлган генетта виверралар оиласига мансуб йиртқич ҳайвондир. Баъзи бир районларда Пиренейнинг эндемик вихухоли ҳозирги вақтларда ҳам учраб туради. Бутун Ўрта денгиз бўйидаги каби бу ерда ҳам калтакесак ва илонлар кўп.

Похожие

Ландшафт хакида тушунчалар

Жанубий Африка

Одам (Жанубий Америка)

Жанубий-ғарбий Осиё

Жанубий Шотландиядаги водий