Skandinaviya mamlakatlari turizmi - География - Рефераты

Skandinaviya mamlakatlari turizmi

Загружено в:

20.09.2019

Скачано:

0

Размер:

22.3486328125 KB

Skandinaviya mamlakatlari turizmi Reja: 1. Skandinaviya mamlakatlari 2. Sharqiy Yevropa 3. Ruminiya 4. Gretsiya 5. Kipr oroli

Skandinaviya Ushbu hududning aholi soni uncha ko’p emas, ammo uning tarkibiga kiruvchi mamlakatlar turizmi yaxshi rivojlangan mamlakatlar hisoblanadi. Fuqarolarning ta’til kunlari, besh va undan ko’proq haftani tashkil qiladi. Potensial turistlarning aksariyati qishloq joylar va qirg‘oq zonalarida joylashgan "2-uylar"da dam olishni xush ko‘radilar. Chetga chiqish turizmi bozoriga kelsak, bu yerda faol dam olishga ko‘proq e’tibor beriladi. Masalan, sayohat qiluvchi shvedlarning 70%i turli xil sport tadbirlariga, suzish, baydarkalarda suzish, baliq ovlash, alpinizm va hokazolarga qatnashadilar. Yana shuncha sayohatchi chanqi sport turiga qatnashadi. 80-yillardan boshlab Skandinaviyada ishbilarmonlar turizmi juda tez rivojlana boshladi. Chet davlatlardan kelgan mehmonlarning 1/3 qismini Skandinaviyaga tegishli boshqa mamlakat fuqarolari tashkil qiladi. Bu esa o‘z shaxsiy turistik mahsulotini oldinga surayotgan mahalliy turistik tashkilotlarning faol ishi natijasidir. Bu yerda shubhasiz mamlakatlar orasidagi madaniy tafovutlar va mahalliy qonunlar muhim rol o‘ynaydi. Turizm bozorini to‘ldiruvchi 2-mamlakat Shimoliy Amerikadir. XIX asrda Skandinaviyadan Shimoliy Amerikaga katta emigratsiya uyushtirilganligi natijasida ushbu ikki hudud oraliqida madaniy aloqalar o‘rnatiladi. Shvetsiya. Shvetsiyaning turistik markazi butun o‘lka bo‘ylab tarqalgan. Bu mamlakat xalqaro ichki turizmning asosiy markazi bo‘lib poytaxt Stokgolm va shahar chekkalari hisoblanadi. Hudud o‘z tarkibiga ikki mingdan ortiq bo‘lgan orollardan tashkil topgan arxipelagni qamrab oladi. Ushbu orollarning ko‘pchiligiga katerlar yordamida boriladi. 1990-yilda ushbu hudud Ubsola shahri bilan birgalikda ichki turistlarning 17%ini va chet ellik turistlarning 24%ini qabul qildi. Mamlakatning boshqa ommabop turistik hududi plyajlarga ega bo‘lgan 400 km masofalik Oltin qirqoq hisoblanadi. Unga ichki turizmning 14%i, xalqaro turizmning 13,7%i to‘g‘ri keladi. Ulardan keyin Shved ko‘llari hududi, Glass mamlakati hamda tungi qirg‘oq turadi. Ularning har qaysisiga turizm ichki bozorining 10%i kiradi.

Finlyandiya. Chet el mehmonlarining asosiy qismi mamlakat poytaxti Xelsinkiga tashrif buyuradi (1992 yilda chet el mehmonlari turistik kunlarining 39%i poytaxtga to’g’ri keldi). Ammo shu davr ichida Xelsinkida mamlakat aholisining faqat 73%igina bo’ldi. Aholining katta qismi o‘z dam olish kunlarini Finlyandiya ko‘llarida o‘tkazadilar. Yana bir qismi Shimoliy hududlar, ya’ni Laplandiyada va Finlandiya tungi qirg’oqida dam olishni xush ko‘radilar. Norvegiyada ham ichki hamda xalqaro turizmning asosiy markaziy muzeylariga boy bo‘lgan Oslo shahri vodiyning o‘rmonli rayoni hisoblanadi. Bu yerda Norvegiyaning yotoqxona biznesining 30%ga yaqin nomer fondi joylashgan. Nomer fondining yana 10%i boshqa ommabop turistik hudud Bergan shahriga to‘g‘ri keladi. Daniya. Daniya Germaniyaga yaqin bo‘lganligi sababli o‘z mamlakatiga kirish bozorini ushbu mamlakat hisobiga to‘ldiradi. Germaniya turistik kunlarining 37%ini tashkil qiladi. Daniya tarixiy yodgorliklar va muzeylarga boy mamlakat. Uning asosiy turistik markazi mamlakat poytaxti – Kopengagen. Poytaxti 1990 yilda chet el mehmonlarining 28%ini qabul qildi. O‘zining tarixiy yodgorliklaridan tashqari shahar 1 yilda 4 mln.ga yaqin mehmonlarni qabul qila oladigan Tivoli Garden parki bilan mashhur. Mamlakatning yana bir mashhur parki Legolend 1 mln. ga yaqin mehmonlarni qabul qila oladi va u britaniyaliklar orasida o‘z mavqeiga ega. Skandinaviya mamlakatlari aholisi uchun Yevropa mamlakatlari, asosan: Germaniya, Fransiya, Buyuk Britaniya, shuningdek, Polsha ommabop hisoblanadi. Ulardan keyin O‘rta Yer dengizi mamlakatlari turadi. Masalan: 1991 yilda Skandinaviyaning 18% turisti Ispaniya, Italiya, Gretsiya, shuningdek, Kipr va Turkiyaning qirg‘oq bo‘yi kurortlarida dam oldilar. Kipr va Turkiyaga sayohatchilar soni so‘nggi paytlarda ko‘paymoqda. Sharqiy Yevropa Chexiya va Slovakiya Respublikalari. 1993 yil 1 yanvarda Chexoslovakiya ikki suveren davlatga bo‘lindi: Chexiya Respublikasi (qarb qismi) hamda Slovakiya Respublikasi (sharq qismi).

Chexoslovakiya Sharqiy Yevropaning turizm sanoati yaxshi tashkil qilingan eng katta turistik mamlakat edi. 1980-yilga qadar g‘arbiy Yevropaning sotsialistik lager mamlakatlari orasida Chexoslovakiyaga chet el mehmonlari ko‘proq kelar edilar. Ularning aksariyati sotsialistik davlatlar edi. Sotsialistik bo‘lmagan davlatlardan kelgan mehmonlarning tashrif maqsadi, sotsialistik davlatlardan kelgan mehmonlarning maqsadidan keskin farq qilardi. Mehmonlarning faqatgina 18%ini ekskursantlar, aksariyati esa o‘z xohishiga ko‘ra keladiganlar va 17%i ishbilarmonlar edi. Chexoslovakiyada chet elga chiqish turizmi aksariyat hollarda qo‘shni sotsialistik mamlakatlarga yo‘naltirilgan, sayohatlarning 1/3 qismi 1 kunlik sayohatni tashkil qilardi. Chexoslovakiya fuqarolari uchun Vengriya, Sharqiy Germaniya, GFR, Avstriya ommabop turistik markaz bo‘lib hisoblangan. 1989-91 yillarda Chexoslovakiyada iqtisodiy reformalar boshlanishi bilan mamlakatning turizm sektori jadal rivojlana boshladi. Masalan: Chetga chiqish turizmi 1989 yilda 8,5 mln sayohatni tashkil qilgan bo‘lsa, 1990 yilda 20,6 mln. ni, 1991 yilda esa 39,6 mln. ni tashkil qildi. Aholining ko‘pchiligi 1 kunlik ekskursiyaga chiqar va chet mamlakatlarda oz mablaq sarflar edilar. 1990-91 yillarda chetga chiquvchilar soni keskin o‘sishiga qaramasdan bu davrlarda ular tomonidan sarflangan mablaq 636 mln. dan 393 mln. dollarga tushdi. Bu holat iqtisodiy o‘zgarishlar bilan yuzaga kelgan qiyinchiliklarni yaqqol namoyon qiladi. Chexoslovakiya aholisi tomonidan uyushtiriladigan sayohatlarning 2/3 qismi g‘arbiy mamlakatlarga to‘g‘ri kelar edi. Ushbu davrda qo‘shni Polsha mamlakatiga boruvchilar soni oshdi (1990 yilda 1,3 mln kishi bo‘lgan bo‘lsa, 1991 yilda ularning soni 6,1 mln kishiga yetdi). Mamlakatga kirish turizmida ham katta o‘zgarishlar ro‘y berdi. Chexoslovakiyaga sayohat qiluvchi turistlar soni 2 barobar oshdi. Mehmonlarning aksariyati, ya’ni 21%i Birlashgan Germaniya turistlaridir. Shuningdek, Polsha, Avstriya turistlari soni ham 2 barobar oshdi. Vengriya. Vengriya Sharqiy Yevropada iqtisodiy va siyosiy barqaror mamlakat hisoblanadi. Iіtisodiy reforma dasturini mamlakat 1969 yildan o‘tkaza

boshladi va bu yo‘nalishda qo‘shni sotsialistik mamlakatlarga nisbatan oldinga siljishlar ko‘p bo‘ldi. 1989 yilda Vengriya turizm sanoati yaxshi yo‘lga qo‘yilgan va Chexoslovakiyadan keyin 2-o‘rinda turar edi. Mamlakat turistik markaz sifatida chexlar, polyaklar va sharqiy germaniyaliklar oldida katta mavqega ega edi. Vengriya qarbiy turistlarni, ayniqsa, Avstriya va qarbiy germaniyaliklarni o‘ziga jalb qiladi. 80-yillarning o‘rtalarida ularning soni 1 yilda 2 mln. ga yetdi. 1988 yilda Vengriyaga 17,9 mln mehmon kelgan bo‘lsa, shulardan 30%ini sotsialistik bo‘lmagan mamlakat turistlari tashkil qilar edi. 1989 yildagi revolyutsiyadan keyin chet el mehmonlarining soni 2 barobar o‘sdi va 1990 yilda 37,6 mln kishiga yetdi. Mehmonlarning aksariyati Avstriya, Germaniya va Ruminiya fuqarolaridir. 80-yillarda vengerlarning qarbga chiqishi ko‘paydi va 1989 yilda bu ko‘rsatkich yanada ortdi. 1985-88 yillarda Vengriyaning dunyoni barcha turistik markazlariga chiqishining hajmi 2 barobar ko‘paydi. Ammo keyingi yillarda bu ko‘rsatkich pasaya boshladi. Bu holat Chexoslovakiya va Polshadan sezilarli tarzda farq qilar edi. Bu hol nafaqat 1989 yilgacha vengerlarning g‘arbga chiqishining yaxshi tashkil qilinganligidan, balki 1990 yildan boshlab venger hukumati tomonidan o‘tkazilgan valyuta nazorati siyosatining kuchayganidan ham dalolat beradi. Ushbu davrda chet el turistlarining bu yurtga sayohatlari taxminan 2 marta kamaydi. 1989 yilda bo‘lib o‘tgan siyosiy o‘zgarishlar Vengriya turizmiga o‘z ta’sirini o‘tkazmadi. Polsha. Polsha ushbu hududda eng ko‘p aholiga ega. Uning aholisi 38 mln kishini tashkil qiladi. Mamlakatda yuqori texnologiyali iqtisod mavjud, ammo infratuzilmasi qoloq. Sotsialistik lagerning tarqalishiga qadar Polsha boshqa mamlakatlar turizm bozorini to‘ldiruvchi asosiy hudud hisoblangan. Chunki 70- yillarda ham polyaklar erkin sayohat qila olganlar. 1989 yilda mamlakatga kirish va mamlakatdan chiqish turizmi keng rivojlandi. Ammo mamlakatning iqtisodiy muammolari turizmning o‘sishiga halal berdi. Sayohatchilar miqdori 1990 yillarda 22 mln kishi, 1991 yillarda 20,8 mln kishiga

tushdi. Shuni ham inobatga olish kerakki, mamlakatdan chiquvchilarning aksariyati savdo-sotiq yoki chet davlatlarda ishlash maqsadida chiqishar edi. Ikkinchi tomondan 1991 yilda 80%ni tashkil qilgan inflyatsiyaning yuqori poqonasi mamlakatni xalqaro turizm uchun nisbatan arzon bo‘lishiga olib keldi. Shu sababli chet el turistlari soni sustlik bilan bo‘lsada, orta bordi. 1990 yilda ularning soni 3,4 mln kishi bo‘lgan bo‘lsa, 1991 yilda 3,8 mln kishini, 1992 yilda esa 4 mln kishini tashkil qildi. Sayohatchilarning aksariyati bir kunlik sayohatga kelar edi. Ushbu bir kunlik sayohatlar soni 1989 yilda 8 mln kishini tashkil qilgan bo‘lsa, 1992 yilda 30 mln. dan oshdi. Ushbu davrda Polshaning mamlakatga kirish va chiqish tarkibida katta o‘zgarishlar bo‘ldi. Chexoslovakiya, Germaniya, MDH mamlakatlari va boshqa g‘arbiy Yevropa mamlakatlaridan keluvchi turistlar soni 2 barobar o‘sdi. Polyaklar esa Germaniya va boshqa g‘arbiy Yevropa mamlakatlariga sayohat qila boshladilar. Shu bilan MDH mamlakatlari va Chexiya Polsha bozorida o‘z mavqeini yo‘qotdilar. Aksariyat mamlakatdan chiquvchi va mamlakatga keluvchi turistlar savdo, biznes, qarindosh va do‘stlarinikiga tashrif buyurish maqsadida kelardilar. Shunday bo‘lsada, Polsha tabiiy madaniy resurslarga boy mamlakat bo‘ldi. Ulardan kelgusida dam olishni rivojlantirish maqsadida foydalanish mumkin. Ammo, qarb talabiga javob beruvchi otellarning kamligi hamda chet el mehmonlarining aksariyat hollarda o‘z qarindoshlari va do‘stlarinikida joylashishi mamlakat turizm sanoatining kam rivojlanganligidan dalolat beradi. Ruminiya Ruminiya qirg’oq bo’yi va tog’ resurslariga boy mamlakat. Keyingi yillarda Ruminiyada chet elga chiqish turizmi o’sib bormoqda. Ammo uning xarajatlari kam. Ruminiyaliklar Vengriya (1990 yilda 9 mln kishi), Bolgariya (1,8 mln kishi) va Turkiya (500 kishi)ga ko‘proq tashrif buyuradilar. Revolyutsiyaga qadar mamlakatga hammasi bo‘lib, 4,5 mln kishi tashrif buyurgan. Ulardan 1 mln. i 1 kunga tashrif buyurar edi. Bu mamlakatdagi siyosiy holatga bog‘liq edi. Ruminiya Sharqiy Yevropada qora dengiz bo‘yida dam olish uchun pekij-turlariga ega bo‘lgan yagona mamlakat edi. 1990 yilda mamlakatga

6,5 mln. chet ellik mehmon tashrif buyurdi. Ularning aksariyati Sharqiy Yevropa – sobiq SSSR (2,1 mln kishi) va Vengriya (900 ming kishi) fuqarolaridir. Keluvchilarning 13%igina Yevropaning boshqa mamlakatlariga to‘g‘ri keladi. Bolgariya. Bolgariya 1989 yilga qadar uncha katta bo‘lmagan, mamlakat uchun iqtisodiy zarur hisoblangan xalqaro turizm sektoriga ega edi. Chet el turistlarining kelib-ketish soniga ko‘ra u Ruminiyadan keyin turar edi. Ammo g‘arbiy mamlakatlardan keluvchi turistlarning miqdori nisbatan katta (9—12%) va ular zarur bo‘lgan chet el valyutasining mamlakatga kirib kelishiga imkon berardi. 1991 yilda 1,5 mln. lik turizm bozori mehmonlarining 60%ini Sharqiy Yevropa, asosan, Ruminiya, Polsha, MDH mamlakatlari fuqarolari tashkil qilar edi. 1990-92 yillarda Bolgariyada giperinflyatsiya bo‘lib o‘tdi. Bu esa barcha bolgarlar ham chet elga chiqa olmasligidan va siyosiy erkinlikni iqtisodiy chegaralash bilan qoplanayotganligidan dalolat edi. Tabiiyki, Bolgar turistlarining chet davlatlardagi xarajatlari katta bo‘lmadi. Bolgariyada ichki hamda chet elga chiqish turizmini rivojlantirish uchun barcha turistik resurslar, ya’ni tarixiy yodgorliklar, qora dengiz bo‘yi plyajlarida dam olish uchun imkoniyatlar, go‘zal landshaftlar mavjud. Gretsiya Gretsiya ko’p yillar davomida turizmning bir yo‘nalishi — tarixiy, madaniy yo‘nalishida rivojlanganligi sababli, ommaviy turizm uning uchun yosh yo‘nalish hisoblanadi. Asosan AQSH turistlarini jalb qilgan tarixiy-madaniy turizm urushdan keyingi yillarda jadal rivojlandi. Bu 1967 yilgacha, ya’ni mamlakatda harbiy to‘ntarish sodir bo‘lishi, harbiy hukumatning hokimiyat tepasiga kelishiga qadar davom etdi. YA’ni, bu voqealar turizmning o‘sishiga salbiy ta’sir ko‘rsatdi. 1974 yilda Gretsiya qayta demokratik rivojlanish yo‘liga o‘tgandan keyin mamlakatda Fransiya, Ispaniya kabi O‘rta Yer dengizi mamlakatlari taniqli kurortlarga raqobat bo‘lgan plyaj turizmi juda tez rivojlana boshladi. 70-yillarda Gretsiyaga asosan Buyuk Britaniya va Germaniyadan turistlar kelar edi. 80-yillarda Yevropaning turli mamlakatlari Gretsiyada ommaviy turizmning boshqa turlari rivojlanishini qo‘llab- quvvatladi.

Bunga uning qulay geografik joylashuvi va barqaror iqtisodiy, siyosiy holati turtki bo‘ldi. Ammo Gretsiyaning turizm sanoati hali ham uncha katta emas. 1992 yilda bu yerga tashrif buyuruvchi turistlar soni faqat 9,7 mln. ni tashkil qildi. Gretsiya turizmini rivojlantirishda Britaniya bozori (u keyingi ikki 10 yillik ichida 10%ga oshdi va 1992 yilda 22%ni tashkil qildi) muhim rol o‘ynaydi. Britaniyadan keyin Germaniya—19,9%, Italiya—6,4%, Niderlandiya—5,6%, Fransiya—5,6% turadi. Britaniyaliklar Gretsiyaga asosan dam olish uchun keladilar. Ularning 3%igina madaniy-tarixiy yodgorliklar bilan qiziqishadi. Ispanlar, Yaponlar va Italiyaliklar esa aksincha madaniy-tarixiy turizmni xush ko‘radilar (Ispanlar— 41%, Yaponlar—35%, Italiyaliklar—25%). Ispaniyaliklar va meksikaliklar asosan tarixiy yodgorliklarga boy bo‘lgan mamlakat poytaxtida, germaniyaliklar, britaniyaliklar, shvedlar va gollandiyaliklar orollarda dam olishni ma’qul ko‘radilar. Kipr oroli. Kipr oroli O‘rta Yer dengizi orollari: Sitsiliya va Sardiniyadan keyin 3-o‘rinni egallaydi. Turizm sanoati rivojlanishi 60-yillarda boshlangan. Ammo 1974-yilda orolga Turklar kirishi munosabati va uning Janubiy Kipr Respublikasi hamda Shimoliy Kiprga bo‘linishi sababli turizm sanoati vayron qilindi. Ushbu siyosiy voqealardan keyin o‘z tashkilotlarini tashlab Kiprning janubiy qismiga shimoldan turizm sanoati mutaxassislari ko‘chib o‘tishdi. 1983 yildan keyin Kiprdagi holat birmuncha yaxshilandi va poytaxt – Nikosiyada mehmonxonalar xo‘jaligi rivojlana boshladi. Kipr hukumati mamlakat iqtisodiyotida turizm muhim o‘rin egallashini tan oldi va yangi otellar hamda ular infratuzilmasining boshqa obyektlari qurilishiga etibor bermadi. "Kipr aviakompaniya"lari aviakompaniyani qo‘llab-quvvatlab, turizm sanoati uchun kadrlar tayyorlashni raqbatlantirdi. Yangi qurilishlar, asosan, Janubiy qirg‘oqlar Limasol, Larnaka va Pafos shaharlari yaqinida olib borildi (Ushbu shaharlarda turizm 70-yillarda rivojlanishi kerak edi, ammo u faqat 1984 yilda Larnakda aeroport ochilgandan keyin boshlandi).

Keyingi yillarda ikkita dengiz bo‘yi zonalari—Korall qirg‘oqi va Ayia Napa tumani juda tez rivojlana boshladi. Limasol shahri uzoq vaqt davomida Kiprning eng katta kurortlaridan bo‘lib kelgan. Shu sababli u yerda 1992 yilgacha turistlar uchun 15000 o‘rin tashkil qilingan. Ayia Napa rivojlanishi bilan yetakchilik Limasoldan unga o‘tdi va 1992 yilda bu yerda 155000 o‘rin mavjud edi. Shu sababli Kiprda turizmning rivojlanish ishlarida uni to‘ldiruvchi bozor Buyuk Britaniya bo‘lib hisoblanar edi. Masalan: 1987 yilda chet el mehmonlarining 1/3 qismini britaniyaliklar tashkil qilgan bo‘lsa, 1992 yilda ularning soni 54%ga yetdi. Kiprning Britaniya bozoriga muteligining sababi 1968 yilgacha mamlakat Britaniya mustamlakasi bo‘lib kelganligidir. Kipr uchun ikkinchi ulkan bozor bu — Skandinaviyadir. Ammo 1987 yilda ushbu mamlakat turistlari 21%ni tashkil qilgan bo‘lsa, 1992 yilda bu ko‘rsatkich 10%nigina tashkil qildi. Buyuk Britaniya va Skandinaviyadan keyin Germaniya, Irlandiya, Avstriya va Shveytsariya mamlakatlari turibdi. Aksariyat turistlar Kiprga madaniy va siyosiy sohaga bog‘liq bo‘liyosiy barqaror n va Gretsiya mamlakatlaridan keladi. Shimoliy Kiprda turizm sanoati kam rivojlangan va uning uchun asosiy bozor bo‘lib Turkiya hisoblanadi. Ammo bu yerda ham Buyuk Britaniya va Germaniyadan tashrif buyurgan turistlar ko‘p bo‘ladi. 1987 yildan boshlab orolning bir qismida eski dengiz bo‘yi kurort zonalarini rivojlantirishga harakat qilinmoqda. Malta Malta O‘rta Yer dengizining Yevropa turistik mamlakatlaridan biri. 90- yillarning boshlarida bu yerda mingga yaqin mehmonlar qabul qilinar edi (mehmonlarning 60%idan oshiqi britaniyaliklar, 15%ini germaniyaliklar tashkil qilar edi). Malta ham Kipr singari Buyuk Britaniya mustamlakasi bo‘lib kelgan. Maltada turizm 70-yillarda rivojlana boshladi va bir yilda 20—30%ni tashkil qilar edi. Ammo shu bilan birgalikda bu sohada bir necha muammolar paydo bo‘ldi. Bu muammolar, masalan, suv ta’minotining yomonligi yoki qurilishning sifatsizligi bilan bog‘liq edi. Shu sababli Malta hukumati turizmning mamlakat iqtisodi uchun ahamiyatini hisobga olgan holda infratuzilmani yaxshilash uchun katta mablaq

ajratdi. Malta narxi baland bo‘lmagan turistik markazdir. Keyingi yillarda muhtasham binolar, dam olish uylari, oliy toifali otel qurilishlarining hajmi oshdi. Bu esa yuqori martabali boy mehmonlarni jalb qilish maqsadida tashkil qilindi. Turkiya Turkiya turizm statistikasi deyarli olib borilmaydi. Shunday bo‘lsa ham ma’lumki, mamlakatga 1 yilda 3 mln. ga yaqin chet el mehmonlari, shuningdek, mamlakatdan tashqarida yashovchi 1,5 mln. ga yaqin turkiyalik keladi. Turkiya bozorini asosan Germaniya ta’minlaydi. Germaniya 90-yillar boshida chet el turistlarining umumiy soni 40%ni tashkil qildi. Shuningdek, bu ko‘rsatkich bo‘yicha Fransiya 12%, Avstriya 7,5%, Skandinaviya 6%, Benilyuks davlatlari 5,5%, Buyuk Britaniya 5%, Italiya 4%, Shveytsariya 3%, AQSH 2,5% ni tashkil qiladi. Ushbu ko‘rsatkich keyingi yillarda Rossiya turistlar oqimining ko‘payishi sababli o‘zgardi. Turkiya ichki turizmini 6 milliardga yaqin turist tashkil qiladi. Chetga chiqish turizmi uncha rivojlanmagan. 1992-yili aholi soni 50 mln. ni tashkil qilgan bo‘lsa, shulardan 2,9 mln. i chet el mehmonlari bo‘lishgan.

Foydalanilgan adabiyotlar: 1.«O`zbekistonda turizmni rivojlantirishning 2005 yilgacha bo`lgan davlat dasturi», O`zbekiston Respublikasi Prezidenti I.A. Karimovning 15.01999 yildagi UP-2286 farmoni. 2. O`zbekiston Respublikasining «Turizm to`g`risidagi qonuni». Xalq so`zi gazetasi 109.1999. 3. Александров А.Ю. Международный туризм. Уч.пособие для вузов.- М.: Аспект Пресс, 2000 Биржаков М.Б. Введение в туризм. С.Пб.: Издательский Торговый Дом «Герда», 2004 5 . Лицензирование и сертификацие в туризме. Учебное пособие Дехтярь Г.М.: Финансы и статистика, 2003 г. 6 . Маринин М.М. Туристские формальности и безопасность в туризме.2000

Похожие

Ziyorat turizmi markazlari va ularni rivojlantirish resurslari

Osiyoning yangi industrial mamlakatlari

Osiyo turistik markazlari

Mintaqaviy turizm resurslarini rivojlantirishda xalqaro tajribadan foydalanish

Dunyoning siyosiy kartasida Markaziy Osiyo mamlakatlari