O'zbekistonda madaniy va tarixiy turizmni rivojlanishi xususida - География - Рефераты

O'zbekistonda madaniy va tarixiy turizmni rivojlanishi xususida

Загружено в:

15.09.2022

Скачано:

0

Размер:

41.982421875 KB

O`zbekistonda madaniy va tarixiy turizmni rivojlanishi x ususida Jahon mamlakatlari qatorida O`zbekiston ham o`zining uzoq va betakror boy tarixiga ega. Qadim zamonlardayoq Turon zamin deb e`tirof etilgan ona Vatanimiz turli tarixiy yozma va arheologik manbalarga ko`ra Xitoy, Hindiston, Eron, Misr, Rim kabi qadimiy va buyuk mamlakatlar qatorida munosib o`rinni egallagan. Ko`xna, madaniy va ma`naviy yodgorliklarga boy tarixi, qadimiy me`moriy hamda tasviriy san`ati jahon turistlarini o`ziga jalb etib kelgani hech kimga sir emas. Toshkent, Samarqand, Buhoro, Shahrisabz, Xiva va Urgench hamda respublikaning turli joylarida joylashgan tarixiy obidalar, ko`hna yodgorliklar mamlakatimiz turizmining asosiy poydevori vazifasini o`taydi. Vatanimiz tarixi o`zbek xalqining jahon tarixi va madaniyati hazinasiga ulkan hissa qo`shgan buyuk allomalarimiz – Muhammad Muso al-Xorazmiy, Abu Nasr Farobiy, Ahmad al – Farg`oniy, Abu Ali ibn Sino, Abu Rayhon Beruniy, Muhammad ibn Ismoil al- Buhoriy, Abu Iso at-Termiziy, Bahouddin Naqshband, Ahmad Yassaviy, Amir Temur, Mirzo Ulug`bek, Alisher Navoiy, Bobur va boshqa yuzlab bobolarimiz bilan fahrlansa arziydi. Mamlakatimiz Prezidenti I.Karimov: “O`zbekiston turizmni rivojlantirish uchun ulkan imkoniyatlarga egadir. Samarqand, Buhoro, Xiva kabi o`zbek shaharlari butun dunyoga mashhurdir. Respublika xududida to`rt mingdan ko`proq me`morchilik yodgorliklari bor… Tabiat iqlim sharoitlari qishin yozin sayoxatchilarni qabul qilish imkoniyatini beradi”_ –deb ta`kidlab o`tgan edilar. Bundan kelib chiqadiki, O`zbekiston xalqaro turizmni rivojlantirish salohiyatiga va yuqori raqobatbardoshlikni ta`minlashda nisbiy ustunliklarga ega bo`lgan mamlakatlar qatoriga kiradi. O`zbekistonda turizmni rivojlantirishda asosan, O`zbekiston tarixi va madaniyati asosiy rol o`ynaydi. Chunki, O`zbekiston tarixi ajdodlarimizning yashash uchun kurash, uzluksiz mehnat tufayli takomillashib borishi va hozirgi yuksak insonlar darajasiga ko`tarilish jarayonini, dinini, yozuvi, ilm-fani, urf-odati, adabiyoti va san`atini yoritadi. Vatanimiz tarixi o`zbeklarning xalq, millat bo`lib shakllanishi jarayonini, ajdodlarimiz qoldirgan boy ma`naviy merosni, davlatlarning tashkil topishi va ularning ichki va tashqi siyosatini o`rgatadi. Vatanimiz tarixi xalqimizning ma`lum bir davrlarda boshqa

davlatlarga qaram bo`lib qolganligini, ajdodlarimizning ajnabiy bosqinchilarga qarshi mustaqillik va ozodlik uchun kurashini va bunda mardlik, jasorat ko`rsatgan xalq qahramonlari va davlat arboblari faoliyatlarini keng o`rgatadi. Mamlakatimiz Prezidenti I.Karimov turizm sohasini rivojlantirish va uning imkoniyatlaridan samarali foydalanish dolzarb vazifalardan biri ekanligini alohida ta`kidlaydilar: “Turizm sodda qilib aytganda dunyoni tushunib, dunyoni anglash, shu bilan birga dunyo sahnasiga chiqishi demakdir... Toshkent, Samarqand, Buhoro, Marg`ilon, Shahrisabz va Xiva kabi shaharlarimizning 2500-3000 yillik tarixi bor. Bu juda katta ma`naviy boylik, uni sayyohlikni rivojlantirish yo`li bilan moddiy boylikka aylantirish mumkin”_. Madaniy turizm – bu o`zga xalqlarni madaniyati, tarixi, etnografiyasi, arheologiyasi, folklori, hayot tarzi bilan qiziquvchi turistlarning faoliyati tushuniladi. Madaniy turizm mobaynida insonlarga o`zga xalqlarning madaniyati bilan yanada chuqurroq tanishish maqsadida mahalliy teatrlarga, milliy san`at va xalq ijodiyoti namoyish etiladigan joylarga ko`proq e`tibor beriladi. Xattoki, ba`zi bir turistlar mahalliy aholi istiqomat qiladigan uylarga mehmon sifatida tashrif buyurishdan voz kechishmaydiki, buni rezidentlarning madaniyati bilan tanishishning eng yaxshi usuli deb hisoblashadi. Tarihiy turizm – bu qadimiy odamlardan bizgacha yetib kelgan mehnat qurollari, idish-tovoqlari, tanga pullar, harbiy qurol-yaroqlar, uy-joylar, qal`alar, shaharlar, qabrlar, rasmlar, madrasalar, masjidlar va moddiy tarixiy manbalar bilan qiziquvchi turistlarning faoliyati tushuniladi. O`zbekistonda madaniy va tarixiy turizmni rivojlantirish imkoniyatlari katta bo`lib, ularning rivojlanishi O`zbekiston xalqaro aloqalarni rivojlantirishga o`z hissasini qo`shadi. Xalqaro aloqalarni rivojlanishi xalqimizni boshqa millatlar bilan yanada yaqinlashtiradi, bu esa o`zaro aloqalarni kuchaytiradi hamda o`zaro hamkorlikning o`sishiga va respublikamizda turizmni rivojlanishiga katta zamin yaratadi.

Adabiyotlar: 1. Ata-Mirzayev O., Gentshke V., Murtazayeva R., Saliyev L., Istoriko-demograficheskiye ocherki urbanizatsiya Uzbekistana. -T.: Universitet, 2002. 2. Ahmedov E. O‘zbekiston shaharlari mustaqillik yillarida.- Toshkent, 2002. 3. www.ziyonet.uz

Похожие

O`zbekistonda ijtimoiy-madaniy tarmoqlarning rivojlanishi

Mintaqalarning madaniy tarixiy merosi ulardan foydalanish va muhofaza qilish

Madaniy va maishiy xizmat

Tarixiy geografiya fanining maqsadi va vazifalari. Tarixiy kartografiya

Samarqand turistik mintaqasi