Хоразм вилояти қишлоқ хўжалигида сув ресурслари самарадорлиги ва уни ошириш тадбирлари - География - Рефераты

Хоразм вилояти қишлоқ хўжалигида сув ресурслари самарадорлиги ва уни ошириш тадбирлари

Загружено в:

15.09.2022

Скачано:

0

Размер:

104.2958984375 KB

X о разм вилояти қишлоқ хўжалигида сув ресурслари самарадорлиги ва уни ошириш тадбирлари Хоразм вилояти қадимдан суғорилиб деҳқончилик қилинадиган ўлкалардан биридир. Маълумки, чўл шароитида деҳқончиликда барқарор ҳосил олиш қишлоқ хўжалик экинларининг сув ресурслари билан таъминланганлигига боғлиқ. Суғориладиган худудларда сув ресурсларидан фойдаланиш биринчи навбатда шу жойнинг геологик тузилишига ва каналларининг фойдали иш коэффициентига боғлиқ. Чунки, қишлоқ хўжалик экинларини сув ресурслари билан таъминлаш каналлар орқали амалга оширилади. Вилоятда 1930 йилларга келиб бошоқли экинлар майдонини камайтириш ва сувни кўп талаб қиладиган экинлар майдонини кўпайтириш даври бошланди. Шу сабабли суғориладиган ерларни оқар сув билан тўлиқ таъминлаш мақсадида 1939-1942 йилларда вилоятдаги қаналлар таъмирланди, янгилари қурилди ва оқар сувларга ўтилди. Шу каналлар ҳозирги кунда ҳам ишлаб турибди. Минтақа қишлоқ хўжалигида бажарилган ишлар шуни кўрсатадики, қишлоқ хужалик экинларидан кўзланган ҳосилни олиш учун, биринчидан, керакли миқдорда сув билан таъминаш ва, иккинчидан, ортиқча ҳосил бўлган ер ости сувларини коллектор-дренаж тизимлари орқали ўз вақтида чиқариб юбориш талаб этилади. Шуни ҳисобга олган ҳолда, вилоятда сув ресурслари самарадорлигини баҳолашда ерларнинг оқар сувлар билан таъминланганлиги ва коллектор-дренаж тизимлари орқали чиқарилиб юборилган сувларни биргаликда ҳисобга олиш зарур. Вилоят суғориладиган ерларида бир центнер “ғўза” ҳосилини олиш учун сарфланган оқар сувлар ва чиқариб юборилган оқава сувлар миқдори 1- жадвалда келтирилган. Жадвалдан кўринадики, вилоятида бир 1 центнер ғўза ҳосили етиштириш учун 1960 йилларда 1095 м 3 оқар сув сарфланган, суғориладиган

ерлардан 65.5 м 3 сув чиқарилиб юборилган ва ҳосилдорлик ҳар бир гектар ҳисобига ўртача 15 ц/га гача кўтарилган. 1970 йилларда эса бир 1 центнер ғўза ҳосили етиштириш учун 584.26 м 3 оқар сув сарфланган, суғориладиган ерлардан 267.24 м 3 сув чиқарилиб юборилган ва ҳосилдорлик ҳар бир гектар ҳисобига ўртача 41 центнерга тенг бўлган. 1980 йилларда 1110.7 м 3 оқар сув сарфланган, 617.42 м 3 чиқариб юборилган ва ҳосилдорлик ўртача 28 ц/га ни ташкил қилган. Демак, 1970 йиллардан кейин суғориш учун каналлардан олинган ва чиқариб юборилаётган сувларнинг кўп бўлишига қарамасдан, ҳосилдорлик йилдан-йилга камайиб бормоқда. 1970 йилларда 1 центнер ғўза ҳосили етиштириш учун жами 851.5 м 3 сув сарфланган, 2000 йилларда ҳам деярли шундай, яъни 824.59 м 3 сув сарфланганда ғўза ҳосилдорлиги 1970 йилларга нисбатан икки баробарга камайган ва 22.6 ц/га ташкил этган. Кейинги йилларда эса бир 1 центнер ғўза ҳосилини етиштириш учун умумий сув сарфини оширган билан ҳосилдорлик камайиб бормоқда. 2003 йилда умумий сув сарфи 1834.27 м 3 бўлишига қарамасдан, ҳосилдорлик 15.6 ц/га бўлган. Бу эса қишлоқ хўжалик экинларидан ғўза ҳосилини етиштиришда сув ресурсларининг самарадорлиги пасайиб бораётганлигини кўрсатади. 1-жадвал Хоразм вилоят суғориладиган ерларида 1 центнер ҳосил олиш учун сарфланган оқар сувлар ва чиқариб юборилган сув миқдори Йилл ар Суғор иладиг ан ерлар (га) Олинга н сув (м 3 ) Дреналар орқали чиқарилган сув (м 3 ) Ҳосилдор лик ц / га 1 центнер ҳосил учун сарфланган сув (м 3 ) Канал - лардан олинган Чи қариб юборилган Жами 1940 7.8 1960 146 . 3 2403 . 50 1438 . 0 15 1095,23 65,52 1160,76 1970 150 . 9 3614 . 80 1653 . 4 41 584,26 267,24 851,50 1980 180 . 9 5625 . 90 3127 . 4 28 1110,69 617,42 1728,12 1990 236 . 2 4599 . 17 2719 . 6 25 778,86 460,57 1239,43 2000 260 . 9 3288 . 69 1659 . 4 2 2.6 548,05 276,54 824,59 2001 260 . 9 2184 . 20 859 . 1 24 .4 348,81 137,20 486,018 2002 261 .1 4059 . 00 2869 . 7 2 6.6 575,82 407,11 982,94 2003 261 .4 4700 . 83 2969 . 8 1 5.6 1124,09 710,18 1834,27

Бизнинг фикримизча, сув ресурслари самарадорлигини ошириш учун вилоятда қуйидаги ишларни бажарилиши зарур: 1. “ Озёрный ” коллекторини лойқадан тозалаш ва сув сарфини камида 100 м 3 /сек га етказиш; 2. Коллектор-дренаж тизимларини ва магестрал коллекторларни қайтадан тиклаш; 3. Вегетация даврида суғориладиган ерлар да ер ости сувларини камида ер юзасидан 1. 4-1.6 м. гача тушириш; 4. Оқар сувлар минерализацияси юқори эканлигини ҳисобга олган ҳолда, вегетация даврида қишлоқ хўжалик экинлари талабини қондирадиган миқдордаги сувни олиш; 5. Каналлар фойдали иш коеффициентини ошириш ; 6. Шўр ювишни кеч кузда (ер ости сувлари чуқур бўлган даврда) ўтказиш керак. Вилоятда каналлар курилиши натижасида бузилган мелиоратив курсаткичларнинг мувозанат холати 1970 йилларда тиклаб олинди, лекин ушбу ҳолат 1975 йилдан ўзгара бошлади. Чунки, 1974-1975 йиллардан бошлаб коллектор-дренаж тизимлари узунлигининг ошиши суғориладиган ерлардаги ер ости сувларини пасайтира олмади. Бундай ҳолатнинг келиб чиқиш сабаби “Озёрный» коллекторининг коллектор-дренаж тизимларида ҳосил бўлган оқава сувларни ўз вақтида чиқориб юбора олмаганлигидадир. Ҳозирги кунда бу коллектор вилоятда ҳосил бўлаётган оқава сувларни чиқариб юборишга қодир эмас, чунки у 1997 йилдан маблағ ажратилмаганлиги сабабли лойқадан тозаланмаган ва Туркманистон худудида «Туркмандарё» канали акведуки билан кесишган жойида 1994 йилда содир бўлган фалокатдан сўнг, акведук қурилиш даврида коллектор туби лойиҳадагига нисбатан 1,27 м. га кўтарилган. Коллектор ўзанининг кичрайтириши ва тубининг кўтарилиши натижасида бугунги кунда коллектордаги сув сат ҳ и 2,2 м. га кўтарилган. Шу боис , “ Озёрный ” коллекторини лойқадан тозалаш ва таъмирлаш керак. Шундагина коллектор-дренаж тизимлари ишчи ҳолатда бўлади ва ер ости сувларини пасайтира олади.

Кейинги йилларда оқар сувлар минерализацияси юқори, яъни ўртача 0.8-.0.9 г/л да сақланмоқда. Юқори минерализа-циялашган сув билан суғориш орқали суғориладиган ерларга йил давомида 20-25 тн. туз келмоқда. Вегетация даврида қишлоқ хўжалик экинлари талабини қондирадиган сувни бериш ёрдамида оқар сувлар билан келадиган 7-9 тн тузни камайтириш мумкин. Вилоятдаги канал сувлари ер ости сувларини тўйинтирувчи асосий манбалардан бири бўлиб келган . Бунинг устига Туямуюн сув омбори қурилиши натижасида каналлардаги сувларнинг лойқалик миқдори кам бўлган сув оқиши ер ости сувларининг канал сувларидан тўйинишини янада кучайтирди. Влоят каналларидаги сувларнинг ер остига шимилишини камайтириш учун қопламалар қўйилиб, каналлар фойдали иш коэффициенти оширилса, сув ресурсларининг самарадорлигини оширишда жуда катта иш бажарилган бўлар эди. Бу билан, биринчидан, ер ости сувларининг ер усти сувларидан тўйиниши камаяди ва мавжуд коллектор-дренаж тизимларининг яхши ишлаши учун шароит яратиларди, иккинчидан, сув ресурслари фақат қишлоқ хўжалик экинларини сув билан таъминлашга сарф бўларди.

Адабиётлар 1. Аташев Д. А., Рачинский А. А., Хорст Г. О. Водное хозяйство и мелиоративное строительство Хорезмской области.-Т.: Фан , 1966. 2. Водохозяйственные проектно-изыскательские работы в Хорезме и их эффективность.- Т.: ММ и ВХ., Фан , 1966. 3. Костяков А. Н. Основы мелиорация.-М.: Сельхозгиз , 1960. 4. www.arxiv.uz

Похожие

Хоразм вилояти

Хоразм вилояти хўжалигини ривожлантиришнинг истиқболлари

Ташқи иқтисодий алоқаларнинг географик жиҳатлари

Хоразм вилояти коллектор - дренаж тизимлари ва уларнинг иш фаолияти

Хоразм вилояти кишлок хужалик мажмуасинин худудий ташкил этишни такомиллаштиришда картографик методдан фойдаланиш