Европанинг шаклланиш тарихи. Рельефи. Фойдали казилмалари - География - Рефераты

Европанинг шаклланиш тарихи. Рельефи. Фойдали казилмалари

Загружено в:

20.09.2019

Скачано:

0

Размер:

96 KB

www.arxiv.uz E вропанинг шаклланиш тарихи, рельефи, фойдали қазилмалари Режа: 1. Евросиё материгига умумий таъриф. 2. Европанинг шакилланиш тарихи. 3. Рельефи ва геологик тузилиши. 4. Фойдали қазилмалари.

www.arxiv.uz Ер шари ахолисининг ярмидан ортиғи яшайдиган ва планетамиздаги энг катта қуруқлик массиви бўлмиш Евросиё материгини тўрт океан Шимолий Муз океани, Атлантика океани, Тинч океани ва Хинд океани ўраб олган бўлиб, у экватор билан 77° шим. кенглик орасида жойлашган. Материкнинг чекка нуқталари - Челюскин бурни (77° 43 ш.к.). Пиай бурни (1°16 ш.к.). Рока бурни (9°34 г.у.) ва Дежнёв бурнидир (169° 40 ғ.у.). У шимолдан жанубга 8 минг км га, ғарбдан шарқка 16 минг км га чўзилган. Евросиёга киритиладиган баъзи ороллар бу материкдан анча олисда жойлашган. Шпицберген, Франц Иосиф Ери ва Северная Земля ороллари 80° ш.к. дан шимолга кириб борган. Малайя архипелагидаги ороллар эса жанубий ярим шарда 11° ш.к. гача тушиб келган. Атлантика океанидаги Азор ороллари 28° ғ.у. дадир. Оролларнинг умумий майдони 2,75 млн. км2, Евросиёнинг майдони ороллар билан бирга -53,4 млн. км.кв. Материкнинг жуда катталиги унинг табиий шароити жуда мураккаб ва хилма-хил эканлигига сабаб бўлган. Евросиёнинг ғарбий қисми, яъни Европа қитъаси энг тор бўлиб, уни денгизлар жуда парчалаб юборган: майдонининг 1/3 қисми ороллар ва ярим оролларга тўғри келади ҳамда денгиздан энг узоқдаги жойи атиги 600 км келади. Материк шарққа томон кенгая боради. Осиё қисмида ороллар ва ярим оролларга материк жами майдонининг 1/4 қисми тўғри келади. Ғарбдан шарққа томон материк ер юзасининг характери ҳам ўзгара боради. Европанинг парчаланган рельефи Шарқдан Шарқий Европа, Ғарбий Сибир ва Турон текисликларининг ҳамда Ўрта Сибирь платосининг кенг сахни билан алмашинади. Евросиёни ғарб ва жануби-ғарбдан Атлантика океани ва унинг денгизлари ўраб туради. Бу океаннинг Евросиёга бевосита туташиб турувчи шимоли-шарқий қисми Ўрта Атлатика тизмасидан шарқда Ғарбий Европа сув ости сойлигидан иборат; унинг энг чуқур жойи 6000 м дан ортади. Материк саёзлигидан шимолда Шимолий Муз океани бир қанча чуқур сув ости сойликларига бўлиниб кетган: бу сойликларни бир-биридан ажратиб

www.arxiv.uz турган сув ости тизмаларида бир группа материк ороллари-Шпицберген, Франц-Иосиф Ери ва бошқалар жойлашган. Баъзи ороллар 80° ш.к. дан шимолдадир. Шимолий Муз океанини Тинч океанидан сув ости баландликлари ажратиб туради, бу баландликлар устида чуқурлиги 50 м гача бўлган Беринг буғози жойлашган. Евросиёнинг шарқий қирғоқларини Тинч океан сувлари ювиб туради, бу океан бутун Дунё океанининг ярмини ташкил этади. Тинч океанининг ғарбий қирғоқлари нихоятда ўйилиб кетганлиги ва оролларнинг жуда кўплиги билан ажралиб туради. Деярли меридионал йўналган қатор ороллар ва ярим ороллар бир-бирига туташ чекка денгизлар системасини океандан ажратиб туради, чунончи, Камчатка ярим ороли ва Курил ороллари Охота денгизини, Япон ороллари ва Корея ярим ороли Япон денгизини очиқ океандан ажратиб туради. Материк, Корея ярим ороли ва Рюкю ороллари ўртасида материк саёзлигида Сариқ денгиз билан Шарқий Хитой денгизи жойлашган: Хиндихитой, Филиппин ва Зонд ороллари Жанубий Хитой денгизини чегаралаб туради. Тинч океанининг чекка қисми материк ер пўстидан иборат геосинклинал структурага эга, марказий қисми эса чуқурлиги 5000 м дан ортиқ жойлари бўлган океан типидаги чўкмалардан иборат. Курил-Камчатка чўкмасининг чуқурлиги 10542 м, Ер шаридаги энг чуқур Мариана чўкимасининг чуқурлиги 11022 м Филиппин чўкмаси - 10265 метр. Ороллардаги тоғларнинг баландлиги 2-3 минг м ва ундан ортиқ. Ороллар ёйи орасида жойлашган сувости тектоник сойликларининг чуқурлиги 2-6 минг м (Япон денгизи – 4036 м, Жанубий Хитой денгизи 4400 м, Филиппин сойлиги - 6363 м). Осиёнинг жанубий қирғоқларини ювиб турувчи Хинд океанининг катта қисми океан ер пўсти типидаги қадимги сув ости чўкмасидан иборат. Океаннинг ғарбий қисми Африка, Арабистон ярим ороли, Мадагаскар ороли Хиндистон ярим оролини бир-бирига туташтириб турган қадимий

www.arxiv.uz қуруқликнинг чўкишидан ҳосил бўлган. Шарқда Зонд оролларининг жанубий сохиллари яқинидан энг чуқур жойи 7430 м бўлган букилмалар полосаси ўтади. Океаннинг катта қисмида 3000-5000 м ли чуқурликлар устун туради. Евросиё қирғоқлари яқинидаги энг катта сув ости сойлиги Арабистон сойлигидир. 2. Хозирги Евросиё ўрнида табиат ривожланишининг кембрийгача бўлган босқичида учта жуда катта платформа области бўлган. Булар Европа, Сибирь ва Хитой платформаларидир. Жануброкда, асосан Шимолий тропикдан жанубда, бундан ҳам олдинроқ жуда катта Гондвана суперплатформаси вужудга келган. Платформалар орасида геосинклинал минтақалар бўлган. Учта Шимолий платформадан жанубда Альп-Химолай геосинклинал минтақа чўзилиб кетган. Бу геосинклинал хозирги хорижий Европанинг кўп қисмини эгаллаган ва жануби-шарқка томон давом этиб, шимолий платформаларни Гондванадан ажратиб туради. Шимолдан ўнгга Урал- Тяншань, Монголия-Охота ва Каледон геосинклинал областлари келиб туташган. Бу платформалар шимолий платформаларни бир-биридан ажратиб турган. Жануби-шарқда Альп-Химолай геосинклинал минтақа меридионал йўналишда чўзилган Ғарбий Тинч океан геосинклинал минтақа билан қўшилган. Бу минтақа эса Тинч океан геосинклинал халқасини бир қисмидан иборат бўлган. 3. Тектоник тузилиши ва рельефининг асосий хусусиятлари. Евросиё материги таркиб топишининг мураккаб тарихи табиатнинг барча компонентларида акс этган. Лекин у ер юзасининг тузилиши хусусиятларида айниқса яққол намоён бўлган. Евросиёнинг ер юзаси мураккаблилиги, хилма-хиллиги ва Ер шарининг бошқа хеч ерида такрорланмаслиги билан ажралиб туради. Евросиё учун Ер шарида маълум бўлган тектоник структураларнинг барча типи ва барча хил рельеф типининг тарқалганлиги характерлидир. Европа платформаси Скандинавия ярим оролининг шарқий қисми билан Финландияда жойлашган Балтика қалқонидан ҳамда асосий қисми Россияда

www.arxiv.uz жойлашган плитанинг ғарбий чеккасидан ташкил топган. Рельефда унга Швеция билан Финландиянинг замини қаттиқ текисликлари ва ясси тоғликлари, шунингдек Ютландия ва Дания яримороллари, Польша, ГДР, ГФР нинг шимолий қисмлари ҳамда Голландиянинг деярли ҳамма қисмини ўз ичига олувчи Ўрта Европа қатламли текислиги тўғри келади. Бу барча районлар максимал музланиш, қисман эса сўнгги музланиш чегараси ичида жойлашган бўлиб, бу хол унинг рельефида акс этган. Балтика кристалли қалқонининг қаттиқ заминли текислиги музланиш марказида жойлашган бўлиб, неоген-антропогенди интенсив равишда парчаланиб кетган, у музлик эрозияси-экзарацияси рельефи шаклларининг устун туриши билан характерланади. Хитой платформаси доирасида токембрий фундаментида бурмали палахсани ва палахсали тоғлар ҳам тарқалган бўлиб, улар қадимги фундаментнинг ботиқларида жойлашган паст акумулятив текисликлар ёки платолар билан алмашиниб туради. Эпиплатформадаги ўртача баландликдаги тоғ массивларига Шаньдун ярим ороли ёки Шимолий Кореядаги тоғлар, паст акумулятив текисликка - Марказий Манчжурия ёки Шимолий Хитой текисликлари: баланд платога - Ордос мисол бўла олади. Қашқар сойлигининг (ботиғининг) асосида чуқур чўккан Тарим массиви ётади. Евросиё материгининг катта-катта майдонлари палеозой эрасида ҳосил бўлган бурмали тоғлардан иборат бўлиб, улар структураларининг нихоятда хилма-хиллиги ҳамда мезо-кайнозойдаги ривожланиш тафовутлари билан ажралиб туради. Марказий ҳамда Шарқий Осиёда ҳам тоғ рельефи ва текислик рельефи тарқалган. Евросиёнинг жанубий ва жануби-шарқий қисмлари тектоник структураси жихатидан мезо-кайнозой бурмали тоғлари зонаси киради. Хиндихитойнинг катта қисми (Малакка ярим ороли ҳам шунга киради), Тибет тоғларининг жанубий чеккаси ва Қорақум-мезозой бурмаланишида пайдо бўлган тоғлардан иборат бўлиб, неоген-антропоген даврида актив

www.arxiv.uz неотектоник харакатлар таъсирида бўлган. Бу тоғлар Ер шаридаги энг улкан тоғли ўлка-Баланд Осиё системасига киради. 4. Иқлими - Евросиё иқлимида бу материк майдонининг жуда катталиги билан боғлиқ хусусиятлар яққол акс этган. Материк асосий қисмининг экватор билан Шимолий кутбий доира оралиғида жойлашганлиги, шарқий ва марказий қисмларнинг яхлит эканлиги, ғарбий ва жанубий қисмларининг эса парчаланганлиги, океан хавзаларининг таъсири, орографисининг мураккаблиги Евросиё иқлим шароитининг нихоятда хилма-хиллигига олиб келган. Совуқ ва қуриқ континентал ҳаво Осиё максимумининг шимолий ва Шарқий чеккаси бўйлиб, бу вактда Илиқрок бўлган Тинч океанига томон эсади, Тинч океан устида эса паст босим области-Шимолий Тинч океан минимуми ривожланади. Осиёнинг жанубий қисми қишда пассат циркуляцияси тасирида бўлади. Шимолда январнинг ўртача харорати - 20-25°С га тенг. Осиёнинг қишда пассат шамоллари таъсирида бўлган жанубий ярим оролларида ҳам қуруқ об-ҳаво устун туради. Ёзда Евросиёдаги ва океанларнинг унга қушни районларидаги метеорологик шароит анча ўзгаради. Осиё максимуми тугаб, қизиб кетган материк устида паст босим қарор топади ва бу паст босимнинг берк марказлари Хинд дарёси хавзаси ва Форс қўлтиғи сохилида жойлашади. Арабистон ярим оролининг катта қисми учун ҳам ёзнинг қуруқ келиши ва ҳаво хароратининг юқорилиги характерлидир, ярим орол Шимолий Атлантика максимумидан келувчи шимоли-шарқий пассатлар таъсиридадир. ИЧКИ СУВЛАРИ - Оролларни ҳам қўшиб хисоблаганда, Евросиё худудида ҳосил бўладиган йиллик оқим 16 минг км куб га яқин, яъни бутун Ер шари дарёлари йиллик ялпи оқимиининг ярмидан салгина кам холос. Оқим қалинлиги (қатлами) бўйича хисобланганда бу 300 мм га тенг, яъни бутун Ер шари бўйича олинган ўртача рақамдан юқори. Оқим қатламининг

www.arxiv.uz ўртача қалинлигига кўра фақат Жанубий Америка Евросиёдан олдинда туради. Евросиё материгида ички сувлар нихоятда нотекис таксимланган. Материкнинг тектоник структураси ва рельефидаги катта тафовутлар, иқлим тафовутлари, ҳамда улар билан боғлиқ холда ёғинларнинг текис тушиши ер усти сувларининг ҳам, ер ости сувларининг ҳам тақсимланишида катта тафовутни вужудга келтиради. Бу хол дарёлар йиллик оқимининг мм хисобидаги қалинлигининг тақсимланиши картасида яққол кўринади. Евросиёнинг ер юзаси Атлантика, Шимолий Муз океани, Тинч ва Хинд океанлари хавзасига киради. Материкнинг чекка қисмлари, айниқса ғарбий, шарқий ва жанубий-шарқий қисмларида сув тармоқлари зич бўлиб, уларга энг йирик дарё системалари киради. Евросиёнинг кўплаб дарёлари музликлардан бошланади ва тўйинади. Евросиёнинг хозирги музланиши бир томондан, Арктика ва Субарктика Ороллари билан, иккинчи томондан - энг юксак ва серёғин тоғ системалари билан қопланган. Қор чизиғи 700 м дан 1000 м гача баланддан ўтувчи Исландия оролида катта музланиш маркази бор. Бундан юқорида тоғ массивлари фирн майдонлари билан қопланган бўлиб, улардан кўпдан-кўп дарёларга сув берувчи музликлар хар томонга тарқалган. Дунай- Европанинг энг катта дарёсидир. Унинг узунлиги 2850 км, хавзаси майдони 817 минг км.кв. қуйилиши қисмидаги йиллик ўртача сув сарфи 6430 м3/сек. Рона-Европанинг Ўрта денгизга қуйилувчи энг катта дарёсидир. Янцзи-Осиё дарёлари орасида энг каттаси ва дунёдаги энг аъзим дарёлардан биридир. Унинг узунлиги 5530 км. хавзаси майдони 1726 минг км2, ўртача сув сарфи 22000 м3/ сек. Евросиё мўътадил минтақа ўсимликларининг энг мухим зонал типигина баргли ўрмонлардир. Аралаш ўрмонлар ғарб ва жанубга томон баргли ўрмонлар билан алмашинади: бу ўрмонларни дарахтлари турига қараб бир

www.arxiv.uz неча типга бўлиш мумкин: дуб-қайин, дуб (эман), бук (қора кайин) ва бук- қайин ўрмонлари. Кенг баргли ўрмонлари Европа табиий ўсимликларининг устун типи деб хисоблаш мумкин. Субэкваториал ва экваториал минтақа ўсимликлари саванналар ҳамда турли типдаги тропик ўрмонлардан иборат. Малайя архипелаги ўрмонларида турли эпифитлар ва паразит ўсимликлар: мохлар, папоротниклар, орхидеялар айниқса кўп. Ўрмонлардан очилган жойларда хилма-хил махаллий ва бошқа тропик ўлкалардан келтирилган ўсимликлар экилади. Индонезия каучукли ўсимликлар ва доривор ўсимликлар етиштирилади. Евросиёнинг катта, шимолий қисми Голарктика зоогеографик областига; кичик жанубий қисми эса Хинд-Малайя ва Эфиопия областларига киради. Евросиё шимолининг қирғоқ бўйи сувлари, дарё ва кўллари балиққа, асосан лосось балиқларига бойдир. Евросиёнинг ўрмон хайвонларини анча хилма-хиллиги билан ажарлиб туради. Бу ерларда лось, қўнғир айиқ, силовсин, расомаха, олмахон, бурундиқ, малла рангли дала сичқонлари; қушлардан-қур, карқур, чил, клестлар яшайди. Қушлар орасида аргус деб аталадиган ялтироқ рангли ажойиб - қирғовул, товус ва Автралиядан тарқалган "Жаннат қушлари" жуда катта оёқ товуқлар яшайди. Судралиб юрувчилар турларига бойлиги ва жуда йириклиги билан қишини хайратга солади. Комодо номли кичик бир оролда узунлиги 3-4 м га борадиган улкан эчкиэмар яшайди. Калимантан ороли дарёларида йирик тимсох-гавиал учрайди. Захарли илонлар кўп, буғма илонлар ҳам тарқалган. Уларнинг энг каттаси олачипор питон бўлиб, узунлиги 8-10 м га, оғирлиги 100 кг етади. У йирик хайвонларга учун эмас, балки одам учун ҳам хавфлидир. Европа асосан ўртача кенгликларда жойлашган бўлиб, унинг фақат шимолий чеккаси субарктика ва Арктика митақаларига, жанубий қисми эса субтропик минтақага киради.

www.arxiv.uz Европани шимол, ғарб ва жанубда Атлантика ва Шимолий Муз океанларининг денгизлари ўраб туради. Шарқда Европа билан Осиё ўртасидаги чегара шартлидир: бу чегара одатда, Уларнинг шарқий тоғ этаклари, Эмба дарёси, Каспий денгизи, Кума-Манич ботиғи орқали ўтказилади. Европа майдони 10,5 млн км,кв. га тенг. Бу эса Ер шаридаги қуруқликнинг тахминан 1/13 қисми демакдир. Европанинг шимолдан жанубга 35° чўзилганлиги туфайли (материкнинг энг шимолдаги нуқтаси- Нордкин бурни 71°,08 шимолий кенгликда) энг жанубий нуқтаси Марроки бурни 36° шимолий кенгликда) географик кенглик буйлаб жойлашган зонал ландшафт фарқлари жуда аниқ. Кенглик буйлаб 76° дан кўпрок чўзилганлиги натижасида ландшафтлар ғарбдан шарқка қараб ҳам анчагина ўзгариб боради. Атлантика океанидан шарққа қараб ҳам анчагина ўзгариб боради. Атлантика океанидан шарққа томон узоқлашган сари иқлимнинг континенталлиги сезилиб боради. Европанинг қирғоқ чизиғи жуда эгри-бугри бўлиб, ички денгизлар, қўлтиқлар, ярим ороллар кўп. Қирғоқ чизиғининг умумий узунлиги тахминан 38000 км. Ғарбий Европанинг энг ички районлари денгиздан бори йўғи 600 км узоқдадир. Европада ҳаммаси бўлиб 36 давлат бор. Унинг шарқий қисмини Россиянинг Европа қисми худуди ишғол қилади. Қолган худудининг ҳаммаси иккинчи жахон урушигача капиталистик мамлакатларга қарар эди. Геологик тузилиши - Европанинг табиий картасида қатор йирик орографик бирликлар аниқ кўриниб туради. Булардан энг йириги Европа текислигидир. Европа текислиги деганда Европанинг Шарқий Европа текислиги, Германия-Польша текислиги ва Ютландия ярим ороли текисликларини ўз ичига олган худуд тушунилади. Европа текислигидан фарқ қилиб Шарқий Европа платформаси платформада эмас, балки қалқонда жойлашган Фенноскандия текисликлари Европа текислигига кирмайди. Шарқий Европа текислиги билан Германия-Польша текислиги

www.arxiv.uz ўртасидаги чегара жуда шартли бўлиб, собиқ Совет-Польша давлат чегараси бўйлаб ўтқазилган эди. Европа текислигидан шимолда ва шимоли-ғарбда Фенноскандия пасттекисликлари ва ясси тоғликлари бор. Булар ғарбда Скандинавия тоғларига бориб туташади. Германия Польша текисликларидан жануброкда Герцин Европаси деб аталадиган ўртача баландликдаги тоғлар ва ўр-қир текисликлар полосаси чўзилган. Бу полоса ғарбда, Франция худудида жуда кенг бўлиб, шарқда тораяди ва Шарқий Европа текислиги чеккасига келиб тугайди. Бу полосада Марказий Франция массиви Шварцвальд, Вогеза, Рейн Сланецли тоғлари ва Чехия тоғ массиви ҳамда унинг чекка тоғлари жойлашган. Европа орографиясининг кўпгина хусусиятлари унинг геологик тараққиёти ва тектоник тузилиши тарихини акс эттиради. Европа геологик тарихи тараққиётида бир неча асосий босқичлари бўлган. Хозирги рельеф хусусиятлари ва унинг таркиб топиш тарихи Ғарбий Европада қуйидаги структурали-морфологик регионларни ажратишга имкон беради: А) Шимолий Ғарбий Европа, Б) Исландия, В) Германия- Польша текислиги, Г) Европадаги герцин тоғлари области, Д) Европа Альп-Карпат тоғлари области, Е) Жанубий тоғли Европа. Шимолий Ғарбий Европа таркибига Балтика қалқони ва каледон антеклиза структурали қиради. Улар қадимдан бир-бирига қўшилиб кетганлигидан каледон босқичидан сўнг асосан континентал шароитда бир хилда тараққий қилган. Скандинавия тоғлари тоғли Фенноскандиянинг энг баланд ва ўр-қир қисмидир. Бу тоғлар турлича баландликдаги ясси тоғликлардан иборат бўлиб, Қояли ўткир чўққилар ва шу ясси тоғликлардан кўтарилиб туради. Скандинавия тоғларидан шарқда пастроқ Норланд ясси тоғлиги бор, бу ясси тоғлик Ботник қўлтиғига томон зинапоя шаклида пасайиб боради.

www.arxiv.uz Британия оролларининг тоғли районлари келиб чиқиши ҳамда морфологиясига кўра Скандинавия тоғларига ўхшайди. Бу тоғлар Скандинавия тоғларидан паст (Бен-Невис-1343 м). Атлантика океанининг шимолий қисмида Исландия ороли бор. Бу орол Шимолий Атлантика материгининг чўкиши ва асосан базальтли лаваларнинг оқиб чиқиши натижасида пайдо бўлган. Бутун орол кайнозойда оқиб чиққан лава қопламидан таркиб топган. Европанинг герцин харакатлари рўй берган жойлари рельефининг асосий хусусияти ўртача баландликдаги бурмали-палахсали тоғлар ва сертепа қирралардир: Марказий Франция тоғ массиви, Вогеза, Рудали тоғлар, Судет, Шумова тоғлари, Рейн Сланецли тоғлари ва бошқалар. Бу тоғларни тепалари гумбаз шаклида бўлиб, ён бағирлари эрозия натижасида кучли ювилган. Тоғ тепалари билан ён бағирлари рельефларининг катта фарқ қилиши уларнинг турли йўллар билан пайдо бўлиш оқибатидир. Тоғлар орасида жойлашган Герцин Европаси текисликлари синеклизалар- палеозой фундаменти хавзалари ёки тоғ этагидаги букилмалар ва грабенларга (Юқори Рейн грабени) тўғри келади. Лондон ва Париж хавзалари текисликлари, Шваба-Франкония ва Тюрингия баланд текисликлари синеклизалари жойлашгандир: уларнинг рельефи зинасимон куэсталидир. Европа Альп-Карпат тоғлари области учун анча баланд бурмали ва бурмали-палахсали тоғлар билан тоғ орасидаги ва тоғ этагидаги текисликлар характерлидир. Бурмали тоғлар Альп тектоникаси областининг шимолий қисмида ёй шаклида букилган тизмалар занжиридан иборат. Бу тизмалар, Альп, Карпат ва Стара Планина тоғларидир. Альп тоғлари хозирги рельефининг таркиб топиши тарихи мураккаб. Бу тоғларнинг йирик структурали хусусиятлари Альп орогенези натижасида бу орогенезнинг турли босқичларида пайдо бўлган. Кучли дарё ва муз эрозияси мезорельеф ва микрорельефни вужудга келтиради. Карпат тоғлари Альп тоғларини орографик ва тектоник давомидир. Карпат тоғлари Альп тоғларидан анча фарқ қилади. Бу фарқлар Карпат

www.arxiv.uz тоғларининг пастроқ бўлишида ҳам, тоғ музлик Рельефининг камроқ тарқалишида ҳам ўз аксини топган. Стара Планина тоғлари Рельефига кўра Карпат тоғларига ўхшайди. Европанинг Альп-Карпат тоғлари областидаги пастроқ аккумулятив теккисликлар Ўрта Дунай, қуйи Дунай, Венеция-Падан ва Гаронна текисликларининг таркиб топиши Альп бурмали тоғларининг пайдо бўлиши билан боғлиқдир. Ғарбий Европада кўпгина фойдали қазил-маларнинг, айниқса рудали қазилмаларнинг географик тарқалиши асосий тектоник областлар билан жуда боғлиқдир. Ғарбий Европанинг каледон областида рудали қазилмалар анча кам. Скандинавияда колчедан, титан, магнетит ва мис-никель рудаларининг айрим конлари асосий жинслар интрузияси билан боғлиқ. Герцин тектоника областида нордон жинслар интрузияларида учрайдиган рудали конлар: қалай, полиметалл, уран ва мис рудалари кенг тарқалгандир. Альп областидаги интрузиялар билан хромит, симоб конлари, мис колчедани конлари, полиметалл рудалари, боксит, нефть, туз конлари билан боғликдир. Энг йирик темир руда конлари Лотарингия темир-руда хавзасида жойлашган. Бу конларнинг вужудга келиши чўкинди жинслар билан боғлиқ бўлиб, улар герцин фундаментининг мўльдасимон синеклизасида жойлашган. Рудали қатлам қора қумтошлари орасида ўрнашган. Рудали қатлам латеритлари сув ювиб кетиши ва уларнинг денгиз яқинида чўкишидан ҳосил бўлган. Руда таркибида 30-50 фоиз темир бор. Темир рудасининг Тюрингия хавзаси. Нормандия, рудали тоғлар, Уэльсдаги паст навли чўкинди конлари иккинчи даражали аҳамиятга эга. Хромит асосан Болқон ярим оролининг ғарбида бўлиб, ўльтра асосий магматик жинслар орасидадир. Бу жинслар чуқур ёриқлар орқали бўр ва учламчи давр қатламлари орасига кириб келган.

www.arxiv.uz Асосий мис рудаси конлари Ўрта денгиз бўйидадир. Кўпинча мис колчедани асосий руда хисобланади. Конлар гидротермал йўл билан ҳосил бўлган. Улардан энг йириклар Испаниядаги Рио-Тинто ва Югославиядаги Бордир. Норвегиянинг каледон структуралари интрузияларидаги пирит конлари: Рерос, Сулительма, Лёккен камроқ аҳамиятга эга. Энергетика фойдали қазилмалари орасида Ғарбий Европада кўмир етакчи ўрин тутади. Ғарбий Европадаги асосий тошкўмир конлари герцин тоғ этаги букилмаларидаги ўрта ва юқори карбон қатламларидадир. Буюк Британия кўмир хавзалари, шимолий Франция ва Бельгия ҳавзалари, Қуйи Рейн-Вестфалия ҳавзаси, Саар ва Лотарингия ҳавзалари. Ғарбий Европада нефть кам. Ғарбий Европадаги кўпгина мамлакатлар нефтни четдан келтиришга мажбур. Мавжуд нефть конлари одатда Альп тоғлари этакларидаги учламчи давр ётқизиқлари орасидадир. Карпат тоғларининг ташқи ёйи бўйлаб жойлашган флиш қатламларида ва тоғ оралиғидаги хавзаларнинг (Руминия) нефть конлари энг катта аҳамият касб этади. Альбания худудидаги Динара тоғ-ларининг ғарбий зонасида ҳам анчагина нефть запаслари бор, бу ерда нефтдан ташқари битум конлари ҳам учрайди. Ғарбий Европада рудамас фойдали қазилмалардан анчагина микдорда туз, олтингугурт ва хилма-хил қурилиш материаллари бор. Натрий ва калий тузлари энг катта саноат аҳамиятига эга. Бу тузларнинг асосий конлари Германия-Польша Пасстекислигининг ётқизиқларида бўлиб, у ерларда ер ости туз гумбазлари бор.

www.arxiv.uz ФОЙДАЛАНИШГА ТАВСИЯ ЭТИЛАДИГАН АДАБИЁТЛАР 1. Ермаков Ю.Г. и др. Физическая география материков и океанов. М: Вқсшая школа, 1988. 2. Рябчиков А.М. Физическая география материков и океанов. М: Вқсшая школа, 1988. 3. Физическая география мирового океана. М: Издательство Московского Университета, 1988. 4. Рябчиков А.М. Дунё қитъалари табиий географияси, Тошкент, 1968. 5. Власова Т.М. Физическая география материков и океанов. Том I - II , М: Просвеўение, 1976. 6. Власова Т.М. Материклар ва океанлар табиий географияси. I - II том.Тошкент, 1985. 7. Леонтьев О.К. Физическая география мирового океана. М: 1982. 8. Энциклопедицеский словарь географических терминов. М: 1968. 9. www.ziyonet.net

Похожие

Осиё - шаклланиш тарихи, рельфи, фойдали казилмалари

Австралия шаклланиш тарихи релъефи ва фойдали казилмалари

АФРИКА. Шаклланиш тарихи. Релъефи ва фойдали казилмалари

Шимолий Америка. Шаклланиш тарихи, релъефи ва фойдали казилмалари

Жанубий Америка. Шаклланиш тарихи. Релъефи ва фойдали казилмалари