Агротуризм географияси - География - Рефераты

Агротуризм географияси

Загружено в:

15.09.2022

Скачано:

0

Размер:

62.638671875 KB

Агротуризм география си Агротуризм етарли даражада шаклланиб, ривожланган давлатлар қаторидаги асосий ўринларни Ғарбий Европадаги Италия, Франция, Германия ҳамда АҚШ давлатлари эгаллайди. Ғарбий Европада агротуризм туризм саноатининг самарали ва даромад келтирувчи бўғини сифатида шаклланишига давлат томонидан қўллаб-қувватланиши сабаб бўлган. Масалан, Италияда агротуризмнинг ўзига хос хусусияти, уни экотуризм билан биргаликда олиб борилишидадир. Италиянинг Кампанья, Пулья, Трентино-Альто- Адидже, Марке ва Калабрия каби провинцияларида агротуризм билан экотуризм биргаликда олиб борилмоқда. Охирги 15 йил давомида мамлакатда қишлоқда дам олишнинг мавқеи яна кўтарилди. Агар 1985 йилда Италия 550 минг агро-экотурист қабул қилган бўлса, 1999 йилда эса бу кўрсаткич 1,7 млн.га етди. Улар ичида чет мамлакатлардан келганлар сони 10 % дан 18% га ошди. ХХ асрнинг 80-йиллар ўртасига қараганда бу соҳада молиявий айланма 7 маротабага ошди, яъни 85 миллиарддан 615 миллиард италия лирасини ташкил қилди. Бу ўринда ҳукуматнинг асосий эътибори аграр районларга ва аҳолини иш билан бандлиги муаммо бўлган жанубий районлар – Базиликате, Пулье, Калабрия, Сицилия ва Сардиния каби провинцияларга қаратилган. Бугунги кунда Италияда агро-экотуристларни қабул қилиш учун жиҳозланган деҳқон уйларининг сони 9 мингта бўлиб, улар бир пайтнинг ўзида 125 минг туристни қабул қила олади. Провинциялар орасида Тоскана (34%), Умбрия (14%), Сицилия (7%) етакчилик қилмоқда. Францияда агротуризм оилавий бизнес – қишлоқ хўжалиги ишлаб чиқариши билан туризмнинг бирлашмасидан иборат. Унинг инфратузилмаси – узумчилик, боғдорчилик, балиқчилик, йилқичилик фермаларидан иборат. Буларнинг қошида барча замонавий қулайликларга эга бўлган арзон меҳмонхоналар мавжуд. Эрта тонгда агротуристларни ҳақиқий қишлоқ ҳўрозлари уйғотади, столга янги узилган ва юқори экологик тоза маҳсулотлар ва ичимликлар тортилади. Кун давомида агротуристлар чинакам қишлоқ ҳаёти билан танишадилар, отларда саёҳат қиладилар,

узум теримида қатнашадилар. Бундай оилавий дам олиш шаҳарликларда катта таассурот қолдиради. Кўп сонли чет элликлар, французларнинг ўзлари ҳам агротуризмни ўсиб келаётган авлод учун мустаҳкам тарбия воситаси ҳисоблайдилар. Германияда агротуризм қишлоқ хўжалигининг иқтисодий аҳамияти пасайгандан сўнг бошланди. Бу даврда давлат томонидан қишлоқ хўжалигининг қўллаб-қувватланишига қарамай бир қанча муаммолар юзага келган эди: ишсизликнинг юқори даражаси (аёллар орасида ўртача 30%гача); меҳнатга лаёқатли аҳолининг қишлоқдан миграцияси; даромаднинг паст даражаси; қишлоқнинг ташқи кўринишидаги ўзгаришлар. Германияда агротуризмнинг оммавий ривожланиши олдинги асрнинг 70-йилларида бошланган. Лекин 90-йилларнинг ўрталарига қадар у фақат Германиянинг ғарбий қисмидагина ривожланган. Германиянинг бирлашувидан кейин эса унинг шарқий қисми ҳам ривожлана бошлади. Немислар Европадаги энг кўп саёҳатга чиқувчи миллат ҳисобланади, аммо уларнинг 34% и Германия бўйлаб саёҳат қиладилар. Туристларнинг 13% и қишлоқ жойларида дам оладилар, ферма, қишлоқ пансионларига жойлашадилар. Уларнинг жойлашишига кўра агротуризм Германияда қуйидаги турларга бўлинади: ► фермада дам олиш; ► қишлоқ участкаларида дам олиш; ► шароб ишлаб чиқарилувчи участкаларда дам олиш. Германияда агротуризмни ривожлантиришнинг кўпгина йўналишлари мавжуд, уларнинг асосийлари қуйидагилардир: ўз-ўзига ёрдам кўрсатиш; ривожланиш жараёнидаги барча иштирокчиларнинг ўзаро шериклиги; ҳудуд, ҳудудлараро ва тармоқлараро ҳамкорликни ривожлантириш дастурларини қўллаб-қувватлаш. АҚШда ҳам агротуризм кенг кўлланилади. Шаҳар аҳолиси ҳафта охирида, яъни шанба ва якшанба кунлари қишлоқ жойларида ҳордиқ чиқарадилар. Агротуризм хизматидан фойдаланувчилар, асосан, қишлоқ хўжалиги маҳсулотларининг йиғими даврида қишлоқ жойларига борадилар ва ҳосилни ўз қўллари билан терадилар. Фермерлар агротуристларни ўз хўжаликларига таклиф этиб, мева ёки полиз маҳсулотларини теришга рухсат берадилар, сўнгра маҳсулот оғирлигига кўра шу ернинг ўзидаёқ ҳисоб-китоб қиладилар. Бу ерда туристлар қишлоқ хўжалиги маҳсулотларини шаҳарга нисбатан юқори нархларда сотиб

оладилар. Шунга қарамай, агротуризмдан фойдаланувчи туристларнинг сони кундан кунга ошиб бормоқда. Бунга сабаб туристларнинг ўз қўллари билан қишлоқ хўжалик маҳсулотларини йиғиб олишга бўлган қизиқиш ва шу ернинг ўзида янги узилган маҳсулотларни истеъмол килишдир. Агротуризм ривожланиш босқичида тур ган давлатлар қаторига Чехия, Г реция, Пол ь ша, Болгария каби давлатлар киради. Бу давлатларда аграр соҳа етакчилик қилиб, агротуризмни янада ривожлантириш учун фойдаланилмаган имкониятлар мавжуд. Чехия мамлакати миқёсида агротуризм ривожланиш босқичида бўлиб, ундан, асосан, чет эл туристлари ҳамда Германия, Австрия давлатларига чегарадош вилоятларида оммавий равишда фойдаланиб келмоқда. Шарқий Чехиянинг Краловеградецкий ва Пардубицкий вилоятларида агротуризм эндигина ривожланмоқда. Туристларни бу ерга, асосан, Крконошский ёки Орлицкий тоғлари жалб этади. Бу ерларда туризмни ривожлантириш учун кўплаб фойдаланилмаган имкониятлар мавжуд. Чехияда агротуризмни ривожланишида дастлабки инвестицияларни жалб этиш учун молиявий маблағларнинг етишмаслиги муаммо бўлиб турибди. Моравскоселезская вилояти бундан мустасно бўлиб, туристларнинг қишлоқ жойларга кўплаб жалб этилиши қўшимча маблағ билан таъминламоқда. Маҳаллий хокимиятнинг таъкидлашича, агротуризмнинг ривожланиши ишсизликнинг камайишига олиб келмоқда. Баъзи вилоятларда унинг ривожланишига мавжуд урф-одатлар ҳалақит бермоқда. Масалан, Югоморавский вилоятида бир неча агрофермалар мавжуд бўлиб, улар фақат вино тайёрлаш соясида қолиб кетган. Агротуристларга янада қизиқарли бўлиши учун фермерлар балиқ ови уюштирадилар, отда саёҳат қилишга таклиф этадилар. Бирмунча ривожланган агрофермалар гольф, теннис кортлари ва сквошларга эга. Аммо айрим ишбилармонлар агротуризмга нисбатан талаб ортиб бораётганига қарамай, уни асосий фойда манбаи ҳисобламайдилар. Аналитик фирма Mag Consulting нинг тадқиқот натижаларига кўра, Чехияда туристик агентлик ёрдамида 90 дан ортиқ фермаларнинг агротуризм соҳасидаги фаолиятини тартибга солиш мумкин. Бугунги кунда қишлоқ жойларида ҳордиқ чиқараётганлар сони йилига 30 мингдан ортмоқда,

шундан 8 минги чет эл фуқароларидир. Чехия Европа Иттифоқи мамлакатлари таркибига қўшилса, агротуризмга бўлган қизиқиш ўз-ўзидан кескин ортиши кутилмоқда. Натижада 2010 йилга бориб агротуристлар сони йилига 80 мингдан 100 минг гача ошади. Уларнинг катта қисми чет эллик туристлар бўлиши кутиляпти. Польша мамлакатида агротуризм 10 йилдан ортиқ давр мобайнида мувоффақиятли ривожланиб келмоқда. Унинг туризм йўналиши сифатида юзага келиши Польша Республикасида қонуний асосланган, коммунистлар ҳукумати даврида ҳам бир қанча ер майдонлари хусусий мулк сифатида қолган. Польшада демократик бошқарув ўрнатилгандан сўнг, Польша ҳукумати мамлакатда туризмнинг бу турини ривожланиши учун зарурий шарт-шароитлар яратди. Махсус банклар ташкил этилди, фермерлар ва ер эгалари учун имтиёзли кредит турлари ва ссудалар ишлаб чиқилди. Хозирги кунда Польша миқёсида 4 минг атрофида агротуристик хўжаликлар фаол ишламоқда. Барча хўжаликларда туристлар учун сифатли сервис хизмати йўлга қўйилган. Польша агротуризмидан эндиликда нафақат қўшни мамлакатлар фуқаролари, балки бу ерда немецлар ва америкаликларни, шведлар ва италияликларни, австрияликлар ва норвегияликларни, россияликларни учратиш мумкин.

Похожие

Ахоли географияси курсининг предмети максади ва вазифаларии

Президент Ислом Каримов асарларида ватан географияси ва миллий маънавият уйғунлигининг ёритилиши

Материк ва океанларнинг табиий географияси фанининг предмети, максади ва вазифалари, тадкикот объекти

Куйи Амударё минтакасида туризмни ривожлантиришнинг баъзи бир масалалари

Ахоли географиясининг предмети, вазифалари ва фанлар тизимида тутган ўрни